Rodrigo Leão é un dos músicos e produtores máis destacados da escena portuguesa. Cofundador do influente grupo portugués Madredeus, comezou a súa traxectoria en solitario hai 25 anos co seu álbum Ave Mundi Luminar. A través da procura de novas texturas instrumentais topouse coa necesidade de volver á sinxeleza da canción con manufactura pop.

En 2018 Rodrigo Leão móstranos a incrible versatilidade do seu traballo a través de 2 novas gravacións. O Aniversário: unha retrospectiva das súas grandes cancións e os seus temas favoritos en formato dobre CD e Os Portugueses: proposta que combina todas as súas referencias cantadas en portugués xunto coas pezas instrumentais que compuxo para a serie documental Portugal - A Social Portrait.

Con motivo do seu 25 aniversario Rodrigo Leão convídanos a un directo espectacular cunha formación ampliada a 10 músicos e 2 cantantes e un traballo técnico meticuloso que nos deleitará con todo tipo de matices instrumentais. Será sobre o escenario onde o lisboeta trasladaranos a atmosferas sonoras máxicas co seu coidado pop e unhas vibracións repletas de melancolía.

Rodrigo Leão PORTUGAL

José González é un cantautor e guitarrista sueco (de pais arxentinos) que pasa por ser un dos grandes nomes do folk da súa xeración. O seu pensamento artístico e profundo fai da súa forma de afrontar a composición, tanto da música como das letras, unha categoría aparte.

Vestiges and Claws é a súa última entrega, o resultado de anos de bosquexos musicais que González consegue seleccionar con mestría compoñendo un mosaico de cancións que harmonizan dunha forma perfecta. Traballar sen produtor permitiulle crear un álbum menos purista, menos estrito. Nel pódense atopar dende cancións protesta a folk rock excéntrico. Dende frustración a optimismo. Unha colección que é á vez confiada, libre e incerta e que nos fala sobre temas existenciais en cancións que acumulan millóns de reproducións en plataformas como YouTube e Spotify.

O cinema, as series e mesmo os videoxogos non se resisten ao talento de González. Destaca a súa participación na banda sonora de A vida secreta de Walter Mitty protagonizada por Ben Stiller, así como nas series House, Bones ou Scrubs e no videoxogo Red Dead Redemption.

Os seus directos, sempre acompañado da súa fiel guitarra Alhambra, son musicalmente preciosos, mentres que a súa voz percorre letras profundas dunha forma única que transmite unha forza tranquila coa que conecta co seu público.

José González SUECIA

Entre as voces máis interesantes e persoais do Flamenco atópase a de Miguel Poveda. Este artista, Premio Nacional de Música (2007) e con case 30 anos de traxectoria profesional, soubo construír a súa carreira con amor, constancia e traballo, pero tamén sen fronteiras de xénero e coa liberdade como bandeira.

Aos seus 45 anos xa recolleu o recoñecemento do público e crítica con humildade e agradecemento, pero tamén con compromiso por superarse día a día con constante experimentación. As súas numerosas colaboracións con artistas, non só do Flamenco senón doutros xéneros, estilos e disciplinas como Bigas Lúa, Paco de Lucía, Serrat, Eva Yerbabuena, Alejandro Sanz, Chavela Vargas, Miguel Ríos, Sabina, Vicente Amigo, Pedro Almodóvar entre outros, acredítanlle como un dos artistas máis relevantes da escena nacional. A súa discografía xa conta con máis dunha ducia de referencias á que se suma Enlorquecido (Carta Blanca Records, 2018).

En Enlorquecido Miguel Poveda mergúllase na vida e obra de Lorca para facernos viaxar polo universo dos miles de Federicos que existen: o entusiasta, alegre, triste, comprometido, viaxeiro, premonitorio, amante do culto e o popular e obsesionado coa morte, pero tamén coa vida...

O seu espectáculo incluirá, ademais dos temas de Enlorquecido, os seus principais éxitos e viaxes por diferentes estilos musicais onde a poesía e o flamenco danse a man, ademais doutras sorpresas, o que fai de cada data, unha auténtica festa de sentimentos e emocións.

Miguel Poveda

Mon Laferte converteuse nun dos fenómenos da canción latina. A cantante e compositora chilena combina pop, rock e canción lixeira, adaptándoa aos novos tempos. O seu bo facer gañoulle o favor dun público que eleva a 7 millóns o número de seguidores nas súas redes sociais e a 3 millóns os oíntes mensuais en Spotify.

O seu éxito chegou en 2016 tras editar o seu xa mítico disco Mon Laferte Vol.1 que lle brindou dous nomeamentos ao Grammy Latino nas categorías de “Mellor Novo Artista” e “Mellor Álbum de Música Alternativa”. Ademais, este traballo inclúe grandes éxitos como Tu falta de querer, Amor completo e Si tú me quisieras, os cales acumulan máis de 250 millóns de reproducións en Youtube.

A súa última produción discográfica, chamada La Trenza (2017), conta coa participación de invitados da talla de Enrique Bunbury, Manuel García e Juanes. Este álbum é a continuación perfecta ao camiño exitoso que se abriu con Vol.1 a nivel internacional. La Trenza proponnos un abanico de sons máis variado na proposta de Mon, desde o bolero ao pop, pasando pola balada, o ska e o valse peruano.

O seu recente single Antes de ti, que acumula 60 millóns de reproducións só en Youtube, foi nomeado aos Latin Grammy 2018 na categoría “Canción do Ano”.

Os seus directos van máis aló dun show musical e convértense nunha historia, con Mon Laferte como protagonista, na que a súa voz irradia maxia e esperta fascinación a partes iguais.

Mon Laferte CHILE

Hai máis de 20 anos apareceron de The Hives para poñer a escena rock patas para arriba. Dende Fagersta, Suecia e ao máis puro estilo garage rock, coméronse o mundo a base de enérxicos directos e os seus xa míticos traxes en branco e negro.

O seu disco Veni Vidi Vicious, con himnos xeracionais como Hate To Say I Told You Say e Main offender, catapultó a The Hives á primeira liña do rexurdimento internacional do garage rock xunto a nomes propios da talla de The Strokes ou The White Stripes. A revista Rolling Stone non dubidou en incluír este álbum no seu top 100 da década.

Entrega tras entrega Howlin’ Pelle Almqvist, Vixiante Carlstroem, Dr. Matt Destruction, Chris Dangerous e Nicholaus Arson non paran de reinventarse, proba disco son os seus 4 GRAMMY awards, 2 NME Carling awards e un MTV Europe Music Awards.

Máis fortes, máis atrevidos e máis convencidos que nunca os suecos chegarán a A Coruña cun espectáculo que eles mesmos describen:

“Cando nos subimos ao escenario, esperamos chegar á éxtase, a producir un orgasmo prolongado durante hora e media. Queremos crear un furacán de talento combinado con narcisismo no que tanto nós como o público amámonos e odiamonos ao mesmo tempo”.

The Hives SUECIA

Pablo López canta e compón como vive, e vive como é. Sen pretender nada, transmitindo con cada palabra, con cada estrofa, ese punto de tolemia e de liberdade, de honestidade consigo mesmo e coa música, que é o mundo, o seu mundo.

Tras 3 discos que lle situaron como un dos autores máis relevantes do noso país, o artista está a vivir o mellor momento da súa carreira profesional, nas súas redes sociais acumula 1,7 millóns de seguidores e similar é o número de oíntes mensuais en Spotify. O éxito do seu último disco Camino, Fuego y Libertad non fixo máis que confirmar a súa consolidación definitiva como un dos grandes compositores e intérpretes do momento. Todo iso coincidindo ademais cun ano no que o seu sentido do humor e a súa naturalidade conquistaron á maioría da audiencia tras o seu paso como coach por LA VOZ, onde deixou grandes momentos de televisión.

Camino, Fuego y Libertad (2017) é o último disco deste malagueño de voz privilexiada e que acariña o piano con tanta sensibilidade como sabedoría. A súa chegada foi un golpe de aire fresco que non deixa indiferente a ninguén. Un disco diferente, sincero e arriscado. Once grandes historias que converxen nunha soa: a dun camiño que a través do lume e a liberdade lévache ao encontro coa vida, coas novas oportunidades e co amor incondicional a todo o que lle rodea. O álbum foi recentemente nomeado aos Latin GRAMMY Awards na categoría de “Mellor Álbum Vocal Pop Contemporáneo”, e a Los40 Music Awards en 5 categorías, incluíndo “Artista do ano”.

Do seu directo o propio Pablo relata: “Imos formar unha tremenda. Se na xira pasada tocamos o ceo coas mans, nesta queremos andar voando por aí”.

Pablo López