Vedteken i Stord kyrkjelege fellesråd 7. mai 2014

Årsrapport 2013

Stord kyrkjelege fellesråd

1

Årsr

appo

rt 2

013

Årsrapport 2013 Stord kyrkjelege fellesråd

Rammeområde: Den norske kyrkja

Delrammeområde: Stord kyrkjelege fellesråd

Dagleg ansvar: Kyrkjeverja Målgruppe: Innbyggjarane i Stord

Medlemer i fellesrådet 2013: Nils Kåre Nysæter, leiar Kjetil Eldøy, nestleiar Addy Anne Langeland Grete Røksund Myrhaug Tordis Nysæter, kommunal representant Svein Arne Theodorsen, geistleg representant Signe Wiersen Vorland, varamedlem Toralf Tveit, varamedlem Leif Steinar Alvsvåg, varamedlem, kommunal representant Arnt Johan Vistnes, varamedlem, geistleg representant

Liv Kari Bru, sekretær for fellesrådet

VERKSEMD/ OMRÅDE (Jfr. Kyrkjelova § 14 og Gravferdslova § 3) Kyrkjeadministrasjon, økonomi-, personal- og planarbeid, kyrkjebygg og gravplassar i Stord og Nysæter sokn.

RESULTATMÅL FOR ÅR 2013 1. Kyrkjebygg og gravplassar skal vera ei verdig ramme kring kyrkjelege handlingar og annan aktivitet som kjem inn under kyrkja si verksemd. Dei skal ha ein praktisk funksjon og bli forvalta på ein forsvarleg og tenleg måte. 2. Gode rammevilkår for kyrkja. Det skal vera samsvar mellom ressursar som økonomi, utstyr, personale og dei oppgåver som kyrkja skal løysa ut frå lovverket og lokale mål og forventningar. 3. Utvikla godt samhald og samarbeid både internt i kyrkjeorganisasjonen i Stord, mellom kyrkja i Stord og kommunen, staten, andre kyrkjelege fellesråd samt frivillige organisasjonar og einskildpersonar.

HOVUDMÅLSETJING:

• Ivareta administrative og økonomiske oppgåver på vegne av sokna. • Utarbeida mål og planar for den kyrkjelege verksemda i Stord. • Sikra samanheng mellom mål/planar og økonomiske ressursar. • Fremja samarbeid mellom sokneråda • Ta vare på sokna sine interesser i høve til kommunen. • Forvalta gravplassar og bygg med orden og vyrdnad og i samvar med gjeldande lover og forskrifter. • Forvalta kyrkjegardar og bygg med orden og vyrdnad, og i samsvar med gjeldande lover og vedtekter.

(Ref.: Lov om Dnk §14 og Lov om kirkegårder, kremasjon og gravferd §3)

• Sikra at Stord kyrkjelege fellesråd ein god arbeidsgjevar, og kyrkja på Stord ein god arbeidsplass.

2

Årsr

appo

rt 2

013

Kva skjedde i 2013 ?

Kyrkjer, gravplassar og aktivitetar.

STATISTIKK Kyrkja i Stord driv ei stor verksemd som på ulike måtar har alle Stord sine ca. 18 500 innbyggjarar som målgruppe. Kyrkjene har vore i bruk til dei aktivitetane som kyrkjelyden, biskopen og sokneråda har ynskt.

Tekst Tal Stord Tal Nysæter Sum

Gudst. og arr. med gudstenesteleg karakter 104 (104) 59 (59) 163 (163)

Besøkstal på gudstenestene ovanfor 20875 (20823) 6752 (6880) 27627 (27703)

Gravlagde på gravplassane i Stord kommune 102 (117) 17 (18) 119 (135)

Døypte 131 (118) 38 (61) 169 (179)

Vigde (bryllaup) 31 (25) 3 (0) 34 (25)

Konfirmantar 146 (172) 51 (52) 197 (228)

Tal i parantes gjeld 2012. Komplett kyrkjeleg årsstatistikk 2013 er utarbeidd og sendt til Statistisk Sentralbyrå. Statistikken er også tilgjengeleg på Stord kyrkjekontor. Talet på gravlagde på gravplassane I Stord:

Stord

År Kiste Urne Totalt

2013 87 15 102

2012 107 10 117

2011 104 14 118

2010 72 11 83

Nysæter

År Kiste Urne Totalt

2013 16 1 17

2012 17 1 18

2011 29 - 29

2010 19 - 19

Det finst eigne årsrapportar for kyrkjelydsarbeidet både frå Stord sokneråd og Nysæter sokneråd. Sokneråda sine årsrapportar kan ein få på kyrkjekontoret. Den offisielle kyrkjelege årsstatistikken for Stord prestegjeld ligg føre f.o.m. 15. februar kvart år.

3

Årsr

appo

rt 2

013

DEN DAGLEGE DRIFTA Stord kyrkje. Rehabilitering av Stord kyrkje har halde fram også i 2013. Den nye brannvarslings -og innbrotsalarmen er installert og teken i bruk. Hovudtrappa og trappene til sakrestia har blitt reparert og varmeelementa i trappene er nye og velfungerande. Porten frå parkeringsplassen til kyrkja er pussa opp. På vårparten vart kyrkjebenkane framme i kyrkja erstatta med stolar. Dermed har me fått eit meir fleksibelt kyrkjerom tilpassa dei aktivitetane som kyrkja rommar og ynskjer å romma.Vedtaket frå riksantikvaren sa at benkene skulle oppbevarast forsvarleg. Benkane er difor blitt plassert rundt om i private heimar. Dessutan har Sunnhordland Museum overteke ein del av dei. Det elektriske anlegget i Stord kyrkje er no nesten 100 % skifta ut og erstatta med moderne løysingar i tråd med dei krava som gjeld. Forarbeidet med fullstendig rehabilitering av dåpssakrestiet vart starta rett før nyttår. Stord sokneråd vil gjera noko av arbeidet på dugnad. Elles er Valvatne bygg engasjert og Tor Helge Valvatne er prosjektleiar.

Prosjektprogrammet for rehabiliteringa av Stord kyrkje har gått mykje seinare enn ynskjeleg. Castor Kompetanse har ikkje gjennomført noko arbeid med Stord kyrkje i 2013. Avtalen med Castor Kompetanse er sagt opp med verknad frå 01.01.2015. Stord kyrkjelege fellesråd v/kyrkjeverja har inntil vidare overteke den daglege prosjektleiinga sjølv. Det vert arbeidd med å få ein samarbeidsavtale med Stord kommune om prosjektleiing. Kapasiteten til å driva store prosjekt er sjølvsagt ikkje så stor utan ekstern prosjektleiing. Ein er fortsatt ikkje ferdig med innvendig tårn/våpenhus, utvending maling av kyrkja (langsidene), det gamle herretoalettet og knefall samt ferdigstilling av varmeanlegget. Det er løyvd midlar til rehabilitering av Stord kyrkje t.o.m. 2014.

Kostnaden med arbeidet på kyrkja i 2013 kom på kr. 844.510,-. Finansiering av rehabiliteringa skjer gjennom den statlege rentekompensasjonsordninga og er lagt inn i Stord kommune sin økonomiplan. For 2013 var det av sett kr. 800 000 inkl. moms til den vidare rehabiliteringa av kyrkja samt det som gjenstod på investeringsbudsjettet for 2012. For 2014 er det også sett av kr. 800.000 inkl. mva. Nysæter kyrkje I Nysæter kyrkje vart det arbeidd mykje med å finna ut kva som ville bli den optimale lyddempinga i kyrkjelydssalen. I løpet av hausten vart det hengt opp tepper i eit par av hjørna i rommet og det vart lagt teppefliser på golvet. Me har lenge visst at taket på kyrkja ikkje var i spesielt god forfatning. Dette vart stadfesta etter at taktekkjar Helland utarbeida ein tilstandsrapport. Taket lek som ei sil og kyrkjeverja sende søknad til kommunen om midlar til å få skifta taket. Kr. 1, 5 mill er løyvd. Arbeidet vil starta i 2014. Det har blitt utført ein del arbeid for å tetta dei lekkasjane som ikkje kunne venta. Vedlikehaldsarbeidet knytta til lekkasjane i Nysæter kyrkje kosta i 2013 kr. 45.130,-. Nysæter kyrkje har også dette året vore utsett for av hærverk. Alt er meldt til politiet. Kyrkjelydshus, Stord sokn Link Arkitektur har vore engasjert for å teikna eit framlegg til nytt kyrkjelydshus på kyrkjeberget, bak apsis på Stord kyrkje. Teikningane er enno ikkje gjort offentlege. Det har vore halde uformelle møte med kommuneleiing og andre for å sikra at me er på rett spor i førebuingane mot formelle søknader. Neste steg er møte med grunneigarar og med riksantikvar.

4

Årsr

appo

rt 2

013

Gravplassane Frugarden gravplass, byggetrinn1 vart så godt som ferdig i 2013. Det som no gjenstår er inndeling av dei ulike felta med gravkart samt klokketårn. Den nye gravplassen framstår som eit vakkert parkanlegg som haustar mange lovord. Planen er å vigsla Frugarden gravplass, byggetrinn 1 hausten 2014.

Administrasjonen har arbeidd mykje med å få utviding av Nysæter gravplas inn i kommunen sine planar og langtidsbudsjett for 2014.

Det er ein god del manglar i gravregistra våre for dei eldste gravplassane i Stord. Sommaren 2013 vart det gjort eit stort arbeid for å finna festarar til graver der slik informasjon manglar. Resultatet vart at me kunne sletta fleire graver. Andre fekk festarar knytt til seg, noko som betyr inntekt i fellesrådet sitt rekneskap. Trusopplæring Trusopplæringsplanen for Stord & Nysæter vart godkjent i 2013.

Salmebøker Den nye Salmeboka vart kjøpt inn til både Stord, Nysæter og Huglo og teken i bruk 1. søndag i advent.

Personal / Organisasjon

Tilsette pr. 31.12.2013

Personar 2013

Årsverk 2013

Personar 2012

Årsverk 2012

Personar 2011

Årsverk 2011

Fast tilsett 16 13,17 16 12,94 16 11,9

Mellombels tilsett

0 0 0 0 0 0

Vakant stilling 1 0,60 1 0,60 1 0,60

Statstilsette prestar

5* 5* 3 3 3 3

Permisjon 0 0 0 0 0 0

* To av dei statstilsette prestane er prostiprestar

§ I tillegg til tal årsverk kjem vikarar for kantorar, kyrkjetenar og gravplassarbeidarar = ca eitt årsverk. § Uløna medarbeidarar utgjer mellom 120 og 160 personar (mellom anna innan diakoni, undervisning,

kyrkjelydsarbeid). § I 2011 fekk Stord trusopplæringsmidlar. Desse midlane finansierar 1,3 årsverk fordelt på 2

kyrkjelydspedagogar. Den siste stillinga som kyrkjelydspedagog (100 %) er omtrent fullfinansiert gjennom statlege midlar.

§ Soknediakon Lisbeth Nygård vart vigsla i Stord kyrkje 9. juni 2013 av biskop Halvor Nordhaug. § Kantorstillinga i Nysæter vart utvida frå 80 % til 100 % frå 01.09.2013. § Kyrkjetenarstillinga i Stord vart utvida frå 77 % til 80 % frå 01.01.2013 SJUKEFRÅVER

2009 2010 2011 2012 2013 5,7% 3,6% 4,5% 6,07% 3,82 %

5

Årsr

appo

rt 2

013

Økonomi /budsjett Driftsrekneskapen for 2013 viser eit rekneskapsmessig mindreforbruk (overskot) på kr. 43. 272. Dette tyder på streng disiplin og god budsjettkontroll. MVA-kompensasjonen for drift og investering i 2013 var kr. 547 691,-. Løn og sosiale utgifter er den største kostnaden, og utgjorde i 2013 kr. 7 713 397 ( i 2012 kr. 7 318 672). Staten/Bispedømerådet gjev lønstilskot til kateket (nesten 100 %), diakon ( nesten 50%) og kjøp av prostesekretærteneste (25 %) I investeringsbudsjettet er det sett av eit større beløp til rehabilitering av Stord kyrkje som vert utført i samsvar med eit eige rehabiliterings-program, fram til no leia av Castor Kompetanse. Det er løyvd midlar til nytt tak på Nysæter kyrkje i 2014. Stord kommune er rekneskapsførar for kyrkja. KPMG utfører revisjon. Rammetilskot til fellesrådet frå Stord kommune var i 2013 kr. 7 126 620 ( i 2012 kr. 6 780 000,-). I 2013 mottok Stord kyrkjelege fellesråd kr. 1 065 582 i trusopplæringstilskot Stord kyrkjeleg fellesråd viser elles til driftsrekneskap 2013 og investeringsrekneskap 2013.

Meirverdiavgiftkompensasjon frå investeringar. Kultur -og kyrkjedepartementet fastsette at frå 2010 skal mva-kompensasjonen på investeringar førast i investeringsrekneskapet og ikkje i driftsrekneskapet. Dette skjer gjennom ein overgangsperiode på fem år. I 2011 vart 40 % av mva-kompensasjonen frå investeringar overført til investeringsrekneskapet, i 2012 vart 60 % overført, 80 % i 2013 og i 2014 heile beløpet. Denne endringa har svekka -og vil svekka driftsøkonomien til fellesrådet endå meir.

Utfordringar og utvikling KONKRETE OPPGÅVER / UTFORDRINGAR FRAMOVER

• Utviding av Nysæter gravplass.

• Bygging av trinn II, Frugarden gravplass.

• Større rammetilskot frå kommunen, øyremerka utviding av antal årsverk på gravplassane i tråd med auka gravplassareal samt midlar til fornying og utviding av maskinparken.

• Samarbeid mellom fleire kyrkjelege fellesråd i regionen • Vidare utvikling av rehabiliteringsprogrammet for Stord kyrkje. Finansiering og gjennomføring

• Aukande behov for vedlikehald av Nysæter kyrkje

• Praktisk gjennomføring av trusopplæringsplanen. • Kyrkjelydshus ved Stord kyrkje. Finanisering og bygging.

• Fleire uløna medarbeidarar til ulike oppgåver i kyrkjelydane våre.

6

Årsr

appo

rt 2

013

Til slutt.... Stord kyrkjelege fellesråd er opptatt av å sikra gode rammevilkår for kyrkja si verksemd i Stord. Fellesrådet ynskjer framleis eit nært og godt samarbeid med Stord kommune, mellom anna gjennom tenesteyting / tenestekjøp. Fellesrådet vil hjelpa til og leggja til rette for (ref. Kyrkjelova §14) at sokneråda kan nå dei mål som er sett for arbeidet (ref. Kyrkjelova §9). Dette ynskjer ein å oppnå ved å tileigna seg kompetanse og økonomisk handlefridom i kyrkjeorganisasjonen, og ved tiltak som skaper "aktivt engasjement og stadig fornying" (Kyrkjelova §1) i kyrkja i Stord. Fellesrådet ynskjer å styrkja og vidareutvikla kyrkja i Stord som ein god arbeidsplass, prega av tryggleik, trivsel, involvering, god motivasjon, samhald og felles fokus gjennom å ta vare på medarbeidarar og gje høve til utvikling og vekst, både fagleg og personleg.

Stord, 7. mai 2014

For Stord kyrkjelege fellesråd

Nils Kåre Nysæter (sign) Liv Kari Bru Leiar i Stord kyrkjelege fellesråd Kyrkjeverje/dagleg leiar