ÇËshtja Çame gjatË luftËs sË dytË botËrore · qytetet kryesore të Çamërisë janë;...
TRANSCRIPT
REPUBLIKA E SHQIPËRISË
UNIVERSITETI I TIRANËS
FAKULTETI I HISTORISË DHE I FILOLOGJISË
DEPARTAMENTI I HISTORISË
Tel/Fax: +355 4 369987, www.fhf.edu.al Adresa: Rruga e Elbasanit, Tiranë
_________________________________________________________________
Dizertacion në kërkim të gradës shkencore “DOKTOR”
ÇËSHTJA ÇAME GJATË LUFTËS SË DYTË BOTËRORE
Kandidati Udhëheqësi
Ma. Lorenc Agalliu Prof. Dr. Fatmira Rama
Tiranë, 2016
REPUBLIKA E SHQIPËRISË
UNIVERSITETI I TIRANËS
FAKULTETI I HISTORISË DHE I FILOLOGJISË
DEPARTAMENTI I HISTORISË
Tel/Fax: +355 4 369987, www.fhf.edu.al Adresa: Rruga e Elbasanit, Tiranë
_________________________________________________________________
Dizertacion në kërkim të gradës shkencore “DOKTOR”
ÇËSHTJA ÇAME GJATË LUFTËS SË DYTË BOTËRORE
Specialiteti: HISTORI
Kandidati Udhëheqësi
Ma. Lorenc AGALLIU Prof. Dr. Fatmira RAMA
Mbrohet më datë ___.___. 2016
1.___________________________________________(Kryetar)
2.___________________________________________(Anëtar-oponent)
3.___________________________________________(Anëtar-oponent)
4.___________________________________________(Anëtar)
5.___________________________________________(Anëtar)
Tiranë, 2016
PASQYRA E LËNDËS
Parathënie………..……………….………………………...……………………………………..I
Hyrje..…………………………….………………………………………...…………………..VIII
KAPITULLI I
KONFLIKTI ITALO-GREK DHE ÇËSHTJA ÇAME
1.1. “Shqipëria e Madhe” në fokus të politikës fashiste, prill 1939-maj 1940…………………....1
1.2. Propaganda italiane për nxitjen e irredentizmit në Çamëri, Shqipëri e diasporë…………...10
1.3.Çështja çame si pretekst dhe vrasja e Daut Hoxhës………………………………...………..25
1.4. Agresioni italian ndaj Greqisë dhe pasojat për popullsinë çame..............................………..40
1.5. Qëndrimi i shqiptarëve në luftën italo-greke………………………………………………..49
KAPITULLI II
POZITA E ÇAMËRISË GJATË PUSHTIMIT ITALO-GJERMAN
2.1. Pushtimi i Greqisë dhe statusi i krahinës së Çamërisë………………………………...…….59
2.2. Gjendja sociale-ekonomike e minoritetit shqiptar në Çamëri, 1941-1942……………...…..67
2.3. Organizimi i nacionalistëve çamë dhe ngritja e organeve të vetadministrimit shqiptar...…..74
2.4. Nxitja e mosmarrëveshjeve midis komunitetit çam dhe atij grek……………...………....…81
KAPITULLI III
PJESËMARRJA E POPULLSISË ÇAME NË LËVIZJEN ANTIFASHISTE GREKE
3.1. Lëvizja antifashiste e popullsisë çame dhe formacionet e para partizane……………..……91
3.2. Raportet e PKSh dhe FNÇ shqiptar me EAM-in grek dhe nxitja e rezistencës në Çamëri..100
3.3. Qëndrimi i forcave politike greke ndaj rezistencës çame dhe veçoritë e tyre……………..108
3.4. Zgjerimi i lëvizjes së armatosur antifashiste çame, 1943 - 1944………………..…..….….116
3.5. Veprimtaria e nacionalistëve çamë dhe raportet me grupet politik e greke e shqiptare…...121
KAPITULLI IV
GENOCIDI NDAJ POPULLSISË ÇAME 1944-1945
4.1. Situata në Çamëri pas kapitullimit të Italisë dhe vendosjes së pushtimit gjerman….……..133
4.2. Masakrat zerviste ndaj minoritetit çam, qershor-dhjetor 1944………………………...…..140
4.3. Genocidi në mars 1945, shpërngulja dhe bilanci i krimeve ndaj minoritetit çam....………153
4.4. Qëndrimi i gjermanëve, misioneve britanike dhe forcave politike greke ndaj spastrimit etnik
në Çamëri………………………………..……………………...................................................159
KAPITULLI V
KRIZA HUMANITARE E POPULLSISË ÇAME
5.1. Masat e qeverisë shqiptare për pritjen e refugjatëve dhe ndërkombëtarizimin e çështjes
çame………………….…………………………………………………………………………170
5.2. Organizatat e komunitetit çam dhe veprimtaria e tyre...…….…………………………..…177
5.3. Roli i UNRRA-s në përballimin e krizës humanitare çame…………………...…..……….184
5.4. Jehona e masakrave dhe çështjes çame në shtypin e kohës……..…………………..……..192
Përfundime ……..………………………………………………………………..……………..197
Bibliografia…………………………………………………………………..……..……...…...204
I
HYRJE
Çamëria e njohur gjerësisht dhe si Thesprotia në greqisht, në lashtësi ka qënë e
banuar prej fisit ilir të Thesprotëve. Emri i Çamërisë përkon me emrin e lumit Thyamis
(Kalamas), që kalon nëpër këtë krahinë. Krahina e Çamërisë, e cila në pjesën më të
madhe sot ndodhet në brendësi të territorit grek, shtrihet në pjesën perëndimore të Epirit.
Ajo është një krahinë përgjithësisht malore, me sipërfaqe totale prej 4000 km katrorë dhe
me një shtrirje të konsiderueshme në bregdet me një gjatësi prej 100 km.1 Nga e gjithë
krahina, sot vetëm 7 fshatra gjenden brenda territorit të shtetit shqiptar, ndërsa pjesa më e
madhe e saj, që nga viti 1913 bën pjesë në shtetin grek. Në pjesën veriore, ajo shtrihet
deri në afërsi të Delvinës, në jug kufizohet me Gjirin e Artës, në perëndim ka dalje në
detin Jon, ndërsa në lindje laget nga pellgu i Janinës.2
Qytetet kryesore të Çamërisë janë; Preveza, Margëlliçi, Paramithia, Filati,
Gumenica, Parga etj. Shpesh herë në literaturën e sotme shqiptare, atë të huaj e sidomos
greke, termat që identifikojnë krahinën e Çamërisë dhe Epirit, për shkak dhe të shtrirjes
së tyre gjeografike kanë të njëjtin përshkrim. Gjeografë dhe historianë të huaj, të cilët prej
shekujsh kanë shkelur këtë vend, në studimet e tyre e etiketojnë Epirin si një qendër të
rëndësishme të banuar në shumicë nga shqiptarët. Këta autorë, pozicionin gjeografik të
Çamërisë e shohin edhe më të gjerë, duke e shtrirë atë në të gjithë Epirin.3
Në fjalorin enciklopedik shqiptar, me termin Çamëri në konceptin gjeografik të
saj, kuptohet se kjo krahinë shtrihet përgjatë bregdetit Jon, duke u zgjeruar në Lindje deri
në vargun e maleve që e ndajnë prej Pellgut të Janinës. Nga veriu krahina ka si kufi lumin
Pavëll, e në jug Gjirin e Prevezës, ndërsa Konispoli është kufiri i saj verior brenda
territorit të Shqipërisë.4 Në shumë fshatra të Çamërisë, prej shekujsh janë ruajtur emra e
toponime, të cilat shpjegohen fare lehtë me gjuhën shqipe. Këto emërtime kanë si
shpjegues themelor lidhjen e tyre me malet, lumenjtë, fushat etj, karakteristikë kjo e
gjuhës shqipe të përdorur lehtësisht në këtë zonë. Si shpjegues të qartë, kemi emra të
pastër të gjuhës shqipe si; “Mali Glatë”, Guri i Bardhë”, “Burimet”, “Përroi i Thellë”,
“Shegëza” etj.5
Për të plotësuar më tej të dhënat fragmentare na shërben më së miri Rregjistri i
hollësishëm osman i Sanxhakut të Delvinës i vitit 1583, në të cilin pjesa dërrmuese e
popullsisë së Çamërisë mban mbiemra tipik të krishterë shqiptarë si Lek, Gjin, Gjon, Nik,
Ded, etj.6 Autori anglez Thomas Smart Hughes, i ndan shqiptarët në katër fise të mëdha;
gegë, toskë, labë dhe çamë. Sipas këtij studiuesi, çamët banojnë në atë pjesë të Epirit e
quajtur Thesprotia e vjetër, e cila gjendet në jug të lumit Kalamas, e ku qendrat e mëdha
si, Filati, Margariti, Suli, Preveza, të cilat “janë të banuara vetëm nga shqiptarë dhe malet
1 Historia e Popullit Shqiptar, Akademia e Shkencave të Shqipërisë, Vëllimi III, (Tiranë, Toena, 2007),
496. 2 Fjalori Enciklopedik Shqiptar, Tiranë, 1985, 149-150. 3 Arkivi Qëndror Shtetëror i Republikës së Shqipërisë, (më tej AQSH i RSH) F.200, D.34, fl.50-51. Në këtë
dosje të Fondit të Institutit të Studimeve Shqiptare gjenden materiale studimore të marra nga veprat e
autorëve të famshëm të cilët janë marrë me karakterin etnik të popullsisë së Shqipërisë së Jugut (Epirit). 4 Fjalori Enciklopedik Shqiptar, Tiranë, 1985, 149. 5 Hajredin Isufi, Çamëria, Studime historike-sociologjike shek.XIII-XX, (Tiranë, PEGI, 2006), 8. 6 Ferid Duka, Realiteti Etnik i Dropullit, në Studime Historike, Nr.3-4, (Tiranë, 1991).
II
e Sulit janë të stolisura sipas traditës shqiptare”.7 Popullsia çame përbën një grup të qartë
etno-kulturor, e vendosur në pjesën më ekstreme të territorit shqipfolës të Shqipërisë. Ky
minoritet, sot përbëhet kryesisht nga dy grupe të dallueshme fetare, në çamë muslimanë
dhe ortodoksë. Si pjesë e popullsisë shqipfolëse, çamët muslimanë asnjëherë nuk u
njohën zyrtarisht si minoritet nga shteti grek, pavarësisht karakteristikave të veçanta të
tyre.
Nga autorë të ndryshëm grekë, ka përpjekje të cilat kanë për qëllim të ndajnë
popullsinë shqiptare çame të krishterë nga pjesa tjetër e popullsisë muslimane, duke
mohuar çdo lloj lidhjeje gjuhësore apo dhe identitetin e përbashkët kombëtar. Sipas tyre,
pjesa e popullsisë muslimane në Çamëri është pasardhëse e popullsisë së krishterë greke
dhe se gjatë pushtimit osman kjo popullsi ka humbur karakterin e gjuhës greke dhe
besimin e tyre ortodoks.8 Autorit grek L. Baltsiotis është i mendimit se çamët ortodoksë e
konsiderojnë veten si grekë nisur dhe nga fakti, pasi gjuha greke dhe feja për ta janë bërë
faktorë përcaktues.9 Në shkrimet e tyre, autorët grekë mundohen të mohojnë ndërgjegjen
kombëtare të shqiptarëve çamë muslimanë, duke i etiketuar ata në shumicën e rasteve si
turq, turko-shqiptarë apo dhe etiketime të tjera mbështetur mbi besimin fetar.
Historiografia greke përpiqet të shkëpusë popullsinë e krishterë nga prejardhja e
tyre shqiptare, duke theksuar faktin se, ata janë grekë në ndjenja dhe besim.10 Historiani
tjetër grek, Kostandinos A. Vakallopullos shprehet se, “ata (çamët) ishin vendas të
muslimanizuar ndoshta në shekullin e XVII, të cilët jo vetëm nuk kishin asnjë lidhje me
shqiptarët dhe nuk kishin ndërgjegje kombëtare shqiptare, por zakonet dhe doket e tyre
ishin të njëjta me ato të krishterëve, e ndërsa shumë prej tyre mbanin emra të krishterë”.11
Shumica e botimeve në historiografinë greke, ka për qëllim të nxjerrë në pah “instiktet
kriminale” të çamëve muslimanë të Çamërisë, si dhe të justifikojë me çdo kusht faktin se,
masakrat e kryera nga forcat nacionaliste greke kundër kësaj popullsie në përfundim të
Luftës së Dytë Botërore, kanë qenë të provokuara në çdo rast nga vetë çamët, që sipas
tyre nuk nguruan të bashkëpunojnë me pushtuesit e huaj.12 Të paktë janë ata historianë
grekë, të cilët vetëm në dekadat e fundit kanë marrë guximin, duke dalë kundra rrymës
zyrtare të historiografisë greke, e që kanë pranuar se shqipfolësit e Çamërisë janë, si të
krishterët, ashtu dhe muslimanët.13
Popullsia shqiptare e Çamërisë pas rënies nën pushtimin grek përbëhej prej rreth
40.000 banorë shqiptarë të fesë muslimane dhe 30.000 banorë të fesë ortodokse, të gjithë
që flisnin gjuhën shqipe.14 Në studimet e tij rreth popullsisë shqiptare në Greqi, Dhimitër
Berati thekson faktin se: “Duke jetuar gjithnjë në mes të një kombi me ndjenja të forta
nacionaliste, pa patur mundësinë të mësojnë dhe të flasin gjuhën shqipe, nga 200 000
7 AQSH, F.200, (Instituti i Studimeve Shqiptare) Pa vit, D.34, fl.49. 8 Dimitris Michalopoulos, The Moslem of Chamuria and exchange of populations between Greece and
Tyrkey, Balkan Studies, vol. 27, (Thesaloniki, 1986), 304. 9 Lambros Baltsiotis, The Muslim Chams of Northwestern Greece, The ground for the expulsion of a “non-
existent” minority community. European Journal of Turkish Studies, (Istanbul, 11/2012), 11. 10 Po aty. 11 Kostandinos A. Vakallopullos, Historia e helenizmit verior, (Selanik, 1992), 17. 12 Hariton Lambros, Çamët dhe Çamëria, pasardhës të renegatëve të vjetër, kuislingë të djeshëm dhe
kriminelë lufte, trima të sotëm dhe banditë komunistë, (Athinë, 1949), 19. 13 Lambros Baltsiotis, “Çamëria, fakte reale dhe imagjinare”. Artikull i shkruar në gazetën “Koha Jonë”,
(Tiranë,7 tetor, 2002). 14 Albert Kotini, Çamëria denoncon, (Tiranë, Fllad, 1999), 7.
III
shqiptarë në të gjithë Greqinë, afërsisht gjysma e tyre u helenizuan”.15 “Vetëm në
Çamëri,- thotë Dh. Berati,- gjenden afërsisht 90.000 shqiptarë, ku 50.000 prej tyre
(nënkupto shqiptarë çamë muslimanë, shënimi ynë) vazhdojnë t’i rezistojnë sundimit
grek”.16
Shumë autorë, e pranojnë helenizimin gradual të shqiptarëve çamë ortodoksë,
duke theksuar si faktorë të rëndësishëm politkën e shtetit osman para viteve 1900, si dhe
politikën diskriminuese të shtetit grek ndaj shqiptarëve pas kësaj periudhe. Për të
pakësuar numrin e minoritetit çam në Greqi, shteti grek hartoi politika, të cilat
mundësonin uljen e prezencës së popullsisë muslimane çame në këtë rajon.
Autori grek L. Baltsiotis me të drejtë shtron pyetjen se, si është e mundur që
komuniteti çam, nga një komunitet i cili ishte i rregjistruar në të gjitha aktet civile dhe
rregjistrat e shtetit grek, sot është një minoritet në zhdukje dhe inekzistent në Greqi.17
Problemi është mëse i qartë nëse u hedhim një vështrim filtrues të gjitha akteve ligjore
dhe nënligjore që shteti grek ka nxjerrë që nga koha kur krahina e Çamërisë ra nën
sundimin grek, e në vazhdim. Manovrat e shtetit helen për spastrimin etnik të
shqiptarëve, përmbledhin akte ligjore që kanë të bëjnë me reformën agrare, me
konfiskimet dhe shtetëzimet e pasurive të shqiptarëve, me futjen e popullsisë muslimane
çame në procesin e këmbimit e deri në masakrat e përgjakshme dhe shpërnguljen me
dhunë të kësaj popullsie. Fakti se popullsia shqiptare muslimane ishte në kontakte të
ngushta me popullsinë ortodokse dhe se flisnin të njëjtën gjuhë e kishin afërsi
gjeografike, ishte përherë një burim ankthi për shtetin grek. Me rënien e Çamërisë nën
sundimin grek, popullsia shqiptare atje u gjend përballë një diskriminimi të egër nga
nacionalizmi i shfrenuar grek. Si rrjedhojë e politikës shoviniste greke, shqiptarëve u
ndalohej përdorimi i gjuhës shqipe, si dhe çdo pjesëmarrje në funksionet e administratës
shtetërore civile e ushtarake.
Në 14 dhjetor të vitit 1912, përfaqësuesi italian në Athinë Carloti (Karloti), ftonte
qeverinë greke që të ishte më e kujdesshme dhe më e duruar, duke mbrojtur shqiptarët
muslimanë të Çamërisë, të cilët sipas tij ishin tepër miqësorë ndaj qeverisë së Athinës.18
Interesimit të Italisë për minoritetin çam në Greqi, ministri i jashtëm grek, iu përgjigj se,
qeveria e tij nuk bënte përjashtime etnike e fetare, por se masat e marra ishin në kuadër të
luftës kundër bandave shqiptare që vepronin në atë zonë (Çamëri).19 Një ditë më pas,
diplomati italian i dërgonte një tjetër raport mbi Epirin ministrit të tij në Romë, duke e
njoftuar, se bandat greke të ardhura nga Kreta, po kryenin krime të rënda kundër
shqiptarëve në Çamëri.20 Masat e marra nga shteti grek, si dhe vendosja trupave të
rregullta ushtarake në Çamëri, justifikoheshin para opinionin vendas dhe të huaj me
argumentin e prishjes së rendit dhe qetësisë publike prej bandave shqiptare.21
Shqipëria e dalë pas Pavarësisë, nuk ishte një shtet me kufijtë e tij të plotë natyral.
Gjatë luftrave ballkanike, Shqipëria jugore dhe krahina e Çamërisë gjendeshin nën
presionin e vazhdueshëm të ushtrive greke. Shqiptarët e Çamërisë, të bindur për
15 Dhimitër Berati, Mbi marrëdhëniet e Shqipërisë me Lidhjen e Kombeve, (Tiranë, Husi Borshi, 2007), 42. 16 Po aty. 17 Baltsiotis, The Chams Muslim ..,11. 18 Archivio di Stato, Ministero degli Affari Esteri, Romë (ASMAE), Serie Politico, b.676, tel.7710. Njoftim
i Karlotit për San Xhuliano, 14 dhjetor 1912. 19 Po aty. 20 Po aty. b.738. tel.2889/1508. Njoftim i Karlotit për San Xhuliano, datë 15 dhjetor 1912. 21 Documenti Diplomatici Italiani, (më tej DDI), Seria 6, Vol.2, dok.128, f.82.
IV
bashkimin e tyre kombëtar me Shqipërinë, në dhjetor të vitit 1912 dërguan përfaqësuesit
e tyre në Vlorë për të përshëndetur Shpalljen e Pavarësisë së Shqipërisë.22 Atdhetarët dhe
patriotët e shquar si, Veli Gërra, Rexhep Demi nga Filati, Azis Tahiri nga Ajdonati, Jakup
Veseli nga Margëlliçi, pasi përshëndetën Shpalljen e Pavarësisë së Shqipërisë dhe
krijimin e të parës qeveri të shqiptarëve, kërkuan prej saj marrjen e masave të duhura për
të ndaluar masakrat e ushtrisë greke ndaj familjeve shqiptare.23 Megjithë thirrjet e
dëshpëruara të popullsisë çame, qeveria shqiptare nuk ishte në gjendje t’u vinte në
ndihmë.24 Në këto rrethana, popullsia shqiptare në Çamëri dhe në trevat e tjera të
Shqipërisë së jugut mori pjesë energjikisht në qëndresën kundër depërtimit të ushtrisë
greke në ato vise.25 Në kuadër të luftës kundër copëtimit të Shqipërisë dhe rrezikut nga
depërtimi i trupave greke në Çamëri dhe vise të tjera, popullsia çame u organizua duke
krijuar çeta vullnetare të armatosura dhe këshilla të mbrojtjes, të cilat u vendosën përgjatë
kufirit jugor të Shqipërisë dhe në Janinën e rrethuar nga trupat qeveritare greke.26
Hyrja e bandave të armatosura dhe e ushtrisë së rregullt greke në territorin e
Çamërisë u shoqërua me masakra në dëm të popullsisë muslimane të kësaj krahine. Aktet
mizore të denja për epokën mesjetare të ushtrisë greke, nuk kursyen as nderin e grave dhe
jetën e fëmijve shqiptarë. Sulmi ndaj popullsisë muslimane shqiptare nuk kurseu dhe ata
shqiptarë të krishterë, të cilët nuk dëshironin të hiqnin dorë nga kombësia e tyre
shqiptare. Në zonën e Paramithisë në vitin 1913, në vendin e quajtur Përroi i Selanit, prej
bandave greke u vranë dhe u masakruan 72 burra nga paria e Çamërisë, ndër ta emra të
shquar të lëvizjes patriotike çame si, Mehmet Bej Kasiqani, Resul Çene, Sadhuz Dine,
Malo Kasëmi, Bego Kasëmi etj.27 Të grumbulluar në qendër të fshatit me idenë për të
biseduar me kreun e bandës mbi rikthimin e pasurive të grabitura nga grekët, fisnikët
çamë u prenë në besë dhe u masakruan pranë vendit të quajtur Liver.28 Kjo masakër
shënoi fillimin e procesit të shfarosjes së komunitetit çam në Greqi dhe njëkohësisht
tregoi qëllimin e vërtetë të shtetit helen kundrejt popullsisë shqiptare. Si rezultat i
masakrave të ushtrisë dhe bandave greke, gjatë viteve 1913-14, në kazanë e Paramithisë u
shkatërruan pothuajse tërësisht fshatrat e Gardhiqit më 300 shtëpi, Dhragomia më 200
shtëpi, Petrovica me 75, Minina me 65, ndërsa në kazanë e Filatit u shkatërruan fshatrat e
Ninatit me 120 shtëpi, Markati me 120 dhe Janjari me 150 shtëpi.29
Problemi i Çamërisë dhe i Shqipërisë së Jugut, ku banonte një pakicë fare e vogël
greke, iu imponua me forcë Shqipërisë. Çështja e kufijve midis Shqipërisë dhe Greqisë, u
pa si një rast i volitshëm nga Fuqitë e Mëdha për të rritur ndikimin e vet në rajon. Në
Konferencën e Ambasadorëve në Londër, mbrojtësit e Idesë së Madhe argumentonin se i
22 Historia e Popullit Shqiptar, vëllimi III, 495. 23 Kaliopi Naska, Dokumente për Çamërinë 1912-1939, Drejtoria e Përgjithshme e Arkivave, (Tiranë,
Dituria 2009), 3. 24 AQSH, F.145, V.1912, D.III-1/1, fl.345-349. 25 Historia e Popullit Shqiptar, vëll. III, 495. 26 Po aty., 496. 27 Memorandum i Komitetit Antifashist i emigrantëve çamë në Shqipëri, drejtuar KS të OKB, lidhur me
trajtimin e minoritetit çam shqiptar në Greqi dhe masakrat e shtetit grek ndaj tyre. Shtojcë dokumenti
botuar te, J. Margaritis, Bashkëpatriot të padëshiruar, 181 shif dhe AQSH, F.161, V.1941, D.73, fl.70.
Artikull i Gazetës “Tomori”, dt. 30.04.1941 me titull “Shënime mbi Çamërinë, mbi historinë e saj dhe mbi
ambjentin gjeografik”. 28 Blerina Sadiku, Lindja e çështjes çame, (Tiranë, Naimi 2011), 114. 29 Historia e Popullit Shqiptar, vëll.III, 497.
V
gjithë Epiri duhej të ishte pjesë përbërëse e Greqisë së Madhe.30 Lidhur me pretendimet e
Greqisë, historianët Ch. dhe B. Jelaviç shprehen se, pavarësisht territoreve të fituara në
kurriz të Shqipërisë, grekët e ndjenin veten të injoruar nga vendimet e Konferencës së
Ambasadorëve, pasi Vorio-Epiri aq shumë i dëshiruar prej tyre mbeti në shtetin
shqiptar.31 Sipas tyre, në këtë konferencë grekët nuk kërkuan territore të pastra etnikisht,
pasi ideja e tyre mbështetej mbi përhapjen dhe ekzistencën e qytetërimit të lashtë grek në
këto territore.32 Nga traktatet e nënshkruara gjatë vitit 1913 dhe në vazhdim Greqia i
zgjeroi kufijtë me rreth 70% pjesën kontinentale të saj, ndërsa popullsia u rrit me afro 2
800 000 banorë.33 Por edhe pas këtyre përfitimeve në kurriz të popujve të tjerë, Greqia
nuk dëshironte t’a konsideronte këtë fakt si një arritje, pasi jashtë saj mbeti një pjesë e
Epirit, krahinë kjo që iu la shtetit shqiptar. Kërkesat e Greqisë drejtuar Konferencës së
Ambasadorëve, u përmblodhën në formën e një memorandumi të veçantë dhe u paraqitën
para Fuqive të Mëdha në 3 janar 1913 nga kryeministri i saj Venizellos. Në ndryshim nga
mbreti i tij Kostandin, i cili ishte për një Greqi të vogël por të nderuar, kryeministri grek
Venizellos aplikoi një politikë tërësisht agresive, e cila do të bënte të mundur zotërimin e
territoreve të reja përpara se të futej në aventura të rrezikshme irredentiste. Me
pretendimin se në brendësi të territorit të shtetit shqiptar ekzistonte një grup i vogël
minoritarësh grekë, në memorandumin e tij Venizellos kishte paraqitur dhe vijën kufitare
midis Greqisë dhe Shqipërisë, kufi ky i cili shkonte në brendësi të territorit të Shqipërisë
deri në lumin Vjosë, e shtrihej në lindje deri në liqenin e Ohrit.34
Konferenca e Ambasadorëve dhe vendimet e saj, ishin një akt tjetër dhune që
ushtrohej ndaj shqiptarëve. Nga ana e saj Qeveria e Vlorës paraqiti pranë Konferencës së
Ambasadorëve në Londër një memorandum, në të cilin kërkohej rivendikimi i kufijve të
Shqipërisë, kufi ky që në jug shkonte deri në Prevezë.35
Në përgjigje të dhunës së ushtruar nga grekët, si dhe për vendimet e padrejta të
Konferencës, në shumë qytete të Shqipërisë u organizuan mitingje dhe protesta. Populli i
Lushnjes, në protestën e organizuar në qershor të vitit 1913, në letrën drejtuar Eduard
Greit (Grey), ngrinte zërin mbi padrejtësitë që po kryheshin nga Fuqitë e Mëdha, për
lënien e Çamërisë jashtë kufijve të shtetit shqiptar. “Të drejtat e Shqipërisë që ekzistojnë
brez pas brezi në këtë vend,- shpreheshin ata, nuk mund të mohohen dhe nuk është e
drejtë që populli i Çamërisë të zhvishet e të veçohet nga vendi ku e lidh gjaku dhe
gjuha”.36 Në fund të letrës së tyre, përfaqësuesit luteshin që, “Çamëria, e cila përbën një
pjesë të mirë të Shqipërisë dhe që sot po vajton nën këmbët dërrmuese të armikut, të lihet
brenda në kufi të Shqipërisë së Jugut”.37
Gabimin e diplomacisë evropiane të bërë kundrejt çështjes shqiptare, e pranonte
edhe ministri i jashtëm britanik Grei, i cili vetëm një ditë pas përfundimit të punimeve të
Konferencës së Londrës do të deklaronte se, “kjo zgjidhje (përcaktimi i kufijve
përfundimtarë të Shqipërisë, jashtë së cilës ndër të tjera u la dhe krahina e Çamërisë), do
30 Miranda Vickers, The Albanians, A modern history, (London, 1995), 79. 31 Charles dhe Barbara Jelavic, Themelimi i shteteve Kombëtare të Ballkanit, (Tiranë, Dituria, 2004), 290. 32 Jelavic, 290. 33 Richard Clogg, Histori e Përmbledhur e Greqisë, (Tiranë, Linus, 2004), 83. 34 Arben Puto, Pavarësia shqiptare dhe diplomacia e fuqive të mëdha, 1912-1914, (Tiranë, 8 Nëntori,
1978), 185. 35Historia e Popullit Shqiptar, vëll. III, 24. 36 AQSH, F.145, V.1913, D.II-19, fl.67. 37 Po aty.
VI
të japë shkas për kritika të forta”.38 Duke vazhduar më tej, lidhur me çështjen e
përcaktimit të kufijve të Shqipërisë me Greqinë, Grei shtonte se, “qëllimi kryesor ka qënë
ruajtja e marrëveshjeve midis vetë Fuqive të Mëdha dhe nëqoftëse vendimi mbi
Shqipërinë e ka siguruar këtë, atëherë ai e ka bërë punën e vet”.39 Në këtë mënyrë,
Çamëria dhe tokat e tjera shqiptare u sakrifikuan për të kënaqur orekset e shteteve
shoviniste fqinje dhe për të ruajtur paqen në Evropë. Pa mbushur ende një vit nga
vendimet e Konferencës së Londrës dhe deklaratat e bëra nga ministri i jashtëm britanik
në Dhomën e Komuneve, paqja në Evropë jo vetëm që nuk u vendos, por edhe ajo pak që
kishte mbetur u shkatërrua nga fillimi i Luftës së Parë Botërore.
Rënia e Çamërisë nën regjimin grek u shoqërua më krime dhe masakra ndaj
popullsisë muslimane shqiptare. Lidhur me krimet e grekëve në kurriz të minoritetit
shqiptar në këtë krahinë, konsulli i përgjithshëm britanik në Vlorë, Lamb në tetor të vitit
1913, njoftonte ministrin e tij të jashtëm në Londër se, “grekët kanë përdorur çdo mënyrë
të mundshme, përveç vrasjeve masive të njerëzve, që të terrorizojnë dhe të detyrojnë të
qëndrojnë në heshtje të gjithë atë pjesë të popullsisë, të cilën ata nuk kanë mundur ta
bindin me mënyra të tjera për origjinën e saj të pastër “helene” dhe për simpatinë e saj”.40
Duke denoncuar krimet e grekëve ndaj shqiptarëve, Lamb theksonte se, “veprimi i
grekëve është shumë më tepër cinik dhe i pafalshëm për faktin që ai është duke u zbatuar
në disa krahina, të cilat gjenden përtej kufirit që i është caktuar Greqisë nga Konferenca e
Ambasadorëve dhe qëllimi i saj eksluziv është të fshijë të gjitha shenjat e popullsisë jo
helene, përpara mbërritjes së Komisionit të Kufirit”.41 Protokolli i Firences i nënshkruar
në 17 dhjetor 1913, i dha fund përcaktimit të kufijve të Shqipërisë, jashtë së cilës mbeti
dhe krahina e Çamërisë. Pikërisht këtu, zë fill de jure çështja një shekullore e minoritetit
çam në Greqi.
Me fillimin e Luftës së Parë Botërore shteti i ri shqiptar pushoi së ekzistuari dhe
për pasojë, çështja e bashkimit të Çamërisë me Shqipërinë u la pas dore. Tashmë, detyrë
parësore për shqiptarët ishte ruajtja e integritetit territorial të asaj pjese të Shqipërisë e
njohur ndërkombëtarisht nga Fuqitë e Mëdha dhe Konferenca e Ambasadorëve. Gjatë
kësaj periudhe shteti helen dhe qeveria e saj përgatitën terrenin për asimilimin
përfundimtar të çamëve ortodoksë dhe spastrimin etnik nëpërmjet masakrave, dëbimit
dhe ligjeve agrare të popullsisë muslimane shqiptare. Gjatë periudhës së mësymjes të
ushtrisë dhe bandave të armatosura greke në trojet çame, shumë shtëpi të muslimanëve
shqiptarë u grabitën dhe popullsia çame prej tmerrit u detyrua të lërë vendbanimet e tyre.
Në terrorin me bandat greke u bashkua dhe ushtria, e cila e vendosur në rrethinat e
fshatrave çamë për ruatjen e rendit dhe qetësisë, mori pjesë në masakrat ndaj
shqiptarëve.42 Me preteksin e mbledhjes së ndihmave për t’u ardhur në ndihmë familjeve
të ushtarëve grekë të rënë në luftë, bandat greke kryenin veprime arbitrare duke grabitur
pasuritë e shqiptarëve çamë.43 Paralelisht me këto veprime, qeveria greke ndërmori dhe
hapa të tjerë që kishin për qëllim grabitjen e pasurive dhe të tokave të shqiptarëve
38 Puto, Pavarësia shqiptare dhe diplomacia.,, 260. 39 Po aty. 40 Valentina Duka, Dokumente britanike për Shqipërinë dhe shqiptarët, Vol.I, (Tiranë, Toena, 2012),
dok.nr.182. Njoftim i konsullit të përgjithshëm britanik Harry Lamb për Eduard Grey, Vlorë, 25 tetor 1913.
249. 41 Po aty. 42 Arkivi i Institutit të Historisë, Tiranë, (më tej AIH), A-IV-465. 43 Po aty.
VII
muslimanë, të cilët kishin braktisur vendbanimet e tyre, si rezultat i zhvillimit të luftërave
ballkanike.
Nën pretekstin e grumbullimit të armëve në Çamëri, qeveria greke u mundua të
eleminonte qëndresën çame, duke internuar shuma burra, të rinj dhe pleqë në ishujt e
largët të Egjeut.44 Si rezultat i masave shtrënguese të ndërmarra nga qeveria greke,
popullsia shqiptare e Çamërisë në pranverë të vitit 1917 kërkoi ndalimin e shtypjes nga
organet qeverisëse greke. E gjendur përballë qëndresës së popullsisë shqiptare, ushtria
greke u tërhoq përkohësisht nga synimet e saj drejt Epirit, e duke u përqëndruar në zonën
e Janinës dhe Çamërisë. Si pasojë e kësaj qëndrese, ushtria greke u shpërnda në grupe të
vogla proskoponësh, të cilët kryenin inkursione në kurriz të popullsisë së pambrojtur
civile.45 Krimet e bandave dhe të ushtrisë greke gjatë Luftës së Parë Botërore nuk prekën
vetëm popullsinë shqiptare në Çamëri. Barbaritë e tyre nuk kursyen as fshatrat dhe
popullsinë shqiptare që ndodheshin brenda kufijve shtetëror të shtetit shqiptar të njohura
nga Konferenca e Londrës. Kriminelë grekë të liruar qëllimisht nga burgjet e Greqisë u
lëshuan të armatosur mbi popullsinë shqiptare të fshatrave të jugut, duke përdorur
mënyrat më çnjerëzore, me qëllim asimilimin e popullsisë vendase shqiptare dhe
zvendësimin e saj me popullsinë greke.
Në kuadër të zhvillimeve të Luftës së Parë Botërore, në verë të vitit 1917 Çamëria
u pushtua nga ushtria italiane. Për të siguruar një administrim sa më të mirë të zonave të
pushtuara, komanda ushtarake italiane emëroi si Komisar të Përgjithshëm, kapitenin
Françesko Frazin dhe e ndau krahinën e Çamërisë në 7 rrethe.46 Komanda ushtarake
italiane për të realizuar qëllimet e veta të pushtimit ndoqi një politikë afrimi me
popullsinë shqiptare të Çamërisë. Duke e parë ushtrinë italiane si një ushtri çlirimtare,
përfaqësues të popullsisë çame, i kërkuan Komisarit të Përgjithshëm italian që të
qëndronte në Çamëri për t’i dhënë fund sundimit shovinist grek.47 Pas afrimit të një pjesë
të popullsisë shqiptare me italianët, për popullsinë shqiptare në disa pjesë të ndryshme të
Çamërisë u bë e mundur lejimi dhe përdorimi i simboleve kombëtare shqiptare, si dhe u
lejua ngritja e një Komisioni këshillmor që do të funksiononte pranë Komisarit të
Përgjithshëm të ushtrisë italiane.48 Në sajë të “tolerancës” së treguar nga italianët, në
qytetin e Filatit, të Paramithisë, në Gumenicë e zona të tjera të Çamërisë u lejua të ngrihej
flamuri shqiptar dhe shumë të burgosur e të interrnuar çamë u kthyen në shtëpitë e tyre.49
Me kërkesën e shqiptarëve, Komisioneri i përgjithshëm italian më 30 gusht të vitit 1917,
vendosi përcaktimin e politikave arsimore në favor të shqiptarëve të Çamërisë.50 Në bazë
të qarkores së nxjerrë nga autoritetet italiane, u lejua çelja e shkollave shqipe në Filat dhe
Gallbaq, e po ashtu u deklarua se do të lejohej respektimi i të drejtave të grupeve të vogla
etnike, përfshi ato fetare.51 Pas hyrjes së Greqisë në luftë përkrah Antantës, ushtria
44 Historia e Popullit Shqiptar, Vëll.III, 498. 45 Jorgos Margaritis, Bashkëpatriotë të padëshiruar, Çamët dhe Hebrenjtë, (Tiranë, Bota shqiptare, 2009),
117. 46 Fatmira Rama, Çamëria në vitet 1912-1940, Botuar në Epiri i Jugut, Çamëria, (Tiranë, UET Press,
2014), 270. 47 Beqir Meta, Tragjedia çame, (Tiranë, Sejko, 2007), 30-31. 48 Historia e Popullit Shqiptar, Vëll.III, 498. 49 Hajredin Isufi, Musa Demi dhe qëndresa çame 1800-1947, (Tiranë, Dudaj, 2002), 152. 50 Rama, Çamëria në vitet 1912-1940, 270. 51 Isufi, Musa Demi dhe qëndresa çame…,154.
VIII
italiane e la Çamërinë përsëri në zotërim të ushtrisë greke. Për shqiptarët e Çamërisë
zhgënjimi ishte shumë i madh dhe krahina ra përsëri nën sundimin grek.
Pazaret e bëra në kurriz të trojeve shqiptare nga fuqitë ndërluftuese gjatë Luftës së
Parë Botërore, i detyruan shqiptarët e diasporës të reagonin fuqishëm ndaj diplomacisë
evropiane. Në shtete të ndryshme evropiane e kryesisht në SHBA, u krijuan shoqëri çame
të cilat ngritën fuqishëm zërin për bashkimin kombëtar të trojeve shqiptare. Një nga këto
ishte shoqëria patriotike “Çamëria” me qendër kryesore në Uorçester të SHBA.52 Në një
deklaratë të sajën në mars të vitit 1918, shoqëria shqiptare në Amerikë Vatra vinte në
dukje gabimin e madh të Fuqive të Mëdha dhe vendimeve të tyre për vënien e Shqipërisë
nën protektoratin italian. Me anë të deklaratës, shoqëria shqiptare dënonte ashpër pazaret
që bëheshin midis Italisë dhe Greqisë për shkëmbim territoresh në kurriz të shtetit të ri
shqiptar, duke e konsideruar atë si një emër të ri aneksimi.53
Pas përfundimit të Luftës së Parë Botërore, rreziku i coptimit të trojeve shqiptare
u rikthye përsëri. Diplomacitë evropiane për të kënaqur synimet e shteteve shoviniste
ballkanase, vendosën që të sakrifikonin sërish Shqipërinë. Konferenca e Paqes në Paris
dhe diskutimet e shumta mbi rishikimin e kufijve të Evropës, bënë që gjithë elementi
nacionalist shqiptar të vihej në lëvizje. Përballë presioneve të mëdha për coptimin e
trojeve shqiptare, një ndër kërkesat e Qeverisë së Durrësit, drejtuar përfaqësuesve
evropianë në këtë konference, ishte rivendikimi i krahinës së Çamërisë dhe rikthimi i saj
në trungun mëmë. Qeveria shqiptare e kryesuar nga Turhan Pashë Përmeti, kundërshtoi
hapur kërkesat e paraqitura në Konferencën e Paqes në Paris nga qeveria greke për
aneksimin e Shqipërisë së Jugut. Në memorandumin dërguar kësaj konference në 12
shkurt 1919, kryeministri i qeverisë së përkohshme të Durrësit ndër të tjera shprehej se,
“kjo krahinë që quhet Çamëri, e që shtrihet në thellësi prej 30 deri 40 km, përfshinte para
Luftës Ballkanike një popullsi të përgjithshme prej 63 000 frymësh, nga të cilat 40 000
shqiptarë muslimanë, 14 000 shqiptarë të krishterë dhe 9 000 banorë grekë, ose që flasin
greqisht në familjet e tyre”.54 Pa kaluar ende një muaj, Turhan P. Përmeti i dërgon një
notë shtesë, kryetarit të Konferencës së Paqes, Zhorzh Klemanso. Në këtë notë proteste,
ai kërkonte që krahina e Çamërisë e pushtuar nga grekët, si dhe krahina të tjera shqiptare
që mbaheshin nga serbët dhe malazezët të viheshin për një periudhë një apo dy vjeçare
nën mandatin e qeverisë së Shteteve të Bashkuara të Amerikës.55 Gjithashtu, në kërkesën
e saj qeveria shqiptare kërkonte që gjatë periudhës së administrimit amerikan, të
organizohej një plebishit për t’i dhënë mundësinë popullsisë shqiptare të Çamërisë dhe
viseve të tjera të shprehnin vullnetin e tyre.56
Në një rezolutë që Kristo Dako i dërgonte presidentit amerikan Uillson në mars
1919, e njëkohësisht Zh. Klemansos, krahas ribashkimit të të gjitha krahinave të
shkëputura Shqipërisë, kërkohej dhe kompensimin e dëmeve të luftës shkaktuar nga
fuqitë ndërluftuese në territorin shqiptar.57 Sevasti Qirjazi, nën siglën e Partisë
Kombëtare shqiptare në Amerikë, protestoi ashpër ndaj fabrikimit prej Greqisë të çështjes
së Vorio-Epirit. Në emër të të gjithë shqiptarëve, ajo kërkonte, që Konferenca e Paqes në
52 Rama, Çamëria në vitet 1912-1940, 304. 53 Haris Silajxhiç Shqipëria dhe SHBA në arkivat e Uashingtonit, (Tiranë, Dituria, 1999), 35. 54 Naska, Dokumente për Çamërinë..,dok. Nr.15, fq.39. Memorandum i delegacionit të Qeverisë së
Durrësit dërguar Konferencës së Paqes, Paris, 12 shkurt 1919. 55 AQSH, F.151, V.1919, D.14, fl.22. 56 Po aty. 57 Po aty., F.30 (Kristo Dako), V.1919, D.7, fl.18.
IX
Paris të vendoste sa më shpejt për sigurimin territorial të Shqipërisë, madje duke përfshirë
brenda saj dhe krahinat e Kosovës dhe të Çamërisë.58
Delegacioni shqiptar në Konferencën e Paqes, i kryesuar nga Luigj Bumçi, në
korrik të vitit 1919 protestoi ashpër ndaj masave të marra nga qeveria greke mbi nxjerrjen
e dekretit mbretëror, i cili miratonte ligjin nr.924, për ndalimin e shitjes dhe tjetërsimit të
pronave që gjendeshin në territorin e aneksuar nga Greqia pas Luftrave Ballkanike. Në
letrën e tij drejtuar Zh. Klemansos, Bumçi shprehej se, “popullsitë muslimane të krahinës
së Çamërisë, aneksuar nga Greqia pas luftës së mësipërme (fjala është për luftrat
ballkanike), e shikojnë veten në perspektivën e trishtuar të të qënurit të detyruar të
mërgojnë, duke lënë pasuritë e tyre të paluajtshme dhe fushat e tyre që përbëjnë, për
shumicën dërrmuese, pasurinë e vetme”.59
Gjatë punimeve të Konferencës, protesta në emër të mbrojtjes së kufijve të
Shqipërisë dhe rikthimit të krahinave të banuara nga shqiptarët, u zhvilluan në shumë
qytete të Shqipërisë. Kërkesa dhe ankesa të shumta drejtuar Fuqive të Mëdha erdhën nga
të gjitha shoqatat shqiptare jashtë atdheut. Komiteti Kombëtar i shqiptarëve në Zvicër,
duke dashur të tërhiqte vëmendjen e opinionit ndërkombëtar për zgjidhjen e drejtë të
çështjes shqiptare, në shtator të vitit 1919 i kërkoi Senatit të Punëve të Jashtme në
Uashington të ndërhynte sa nuk ishte vonë për ndreqjen e gabimeve të Konferencës së
Londrës.60 Të bindur se Komisioni Senatorial amerikan do të ndërhynte fuqimisht për të
parë kërkesën e shqiptarëve, ata kërkonin dhe mbështetjen dashamirëse të Amerikës për
rikonfirmimin e pavarësisë së Shqipërisë.61
Në të njëjtën kohë me zhvillimet politike në Evropë për zgjidhjen e çështjes
shqiptare, qeveria greke vazhdonte reprezaljet dhe masakrën ndaj popullsisë shqiptare në
Çamëri. Megjithë kaosin politik që kishte përfshirë qeverinë dhe shtetin grek, autoritetet
vendase të administratës greke vazhdonin të ushtronin terror dhe represion ndaj
popullsisë muslimane shqiptare të Çamërisë. Në marrëveshje të fshehtë me qeverinë
qëndrore të Athinës, autoritetet lokale greke kishin organizuar banda dhe komitete
ushtarake për të përgatitur çrrënjosjen e popullsisë shqiptare dhe spastrimin e Çamërisë.
Që nga Parisi, kryeministri grek Venizellos urdhëronte Athinën, që të mbante një
qëndrim të rreptë ndaj popullsisë muslimane shqiptare dhe nga ana tjetër i këshillonte
autoritetet vendase që të bënin kujdes, duke “mos dhënë përshtypjen e një regjimi
shtypës”.62
Vuajtjet e shqiptarëve në krahinën e Çamërisë u shtuan dhe më shumë pas
humbjes së rëndë që Greqia pësoi në luftën me Turqinë në vitin 1922, humbje e cila çoi
në rrënimin e idesë për krijimin e Greqisë së Madhe dhe zgjerimin e saj drejt Azisë.
Traktati i nënshkruar në Lozanë më 30 janar 1923, përveçse i dha fund luftës midis
Greqisë dhe Turqisë, vendosi dhe për këmbimin e grekëve të Anadollit me popullsinë
muslimane që gjendej në territoret greke. Ende pa u firmosur marrëveshja për këmbimin
e popullsive respektive midis Greqisë dhe Turqisë, mijëra familje refugjatësh ortodoksë u
dyndën në territorin grek. Në zbatim të Marrëveshjes së Lozanës, pranë autoriteteve
58 Gazeta Albania, 18 Janar 1919. 59 AQSH, F.151, V.1919, D.14, fl.45. 60 Naska, Dokumente për Çamërinë…,60. 61 Po aty. 62Sadiku, Lindja e çështjes çame, 179. Shtojcë dokumenti sipas Vasilis Kondis, Elenismos tes Boreiou
Epeirou kai elleno-albanikes scheseis, vëll.2, (Athinë, 1995), dok.8, 63.
X
greke u ngritën disa zyra të posaçme, si Drejtoria për Vertetimin e Kombësisë, Zyra
Autonome e Stabilizimit të Refugjatëve pranë Ministrisë së Jashtme greke.63 Me urdhër
të qeverisë së Athinës, autoritetet lokale greke të Çamërisë, në shtator të vitit 1923
shpallën urdhërin e Ministrisë së Punëve të Jashtme greke, për deklarimin e kombësisë
nga të gjithë banorët muslimanë.64
Qëllimi i vetëm i qeverisë së Athinës për arritjen e kësaj marrëveshje, ishte
realizimi i ëndrrës së vjetër për spastrimin etnik të shqiptarëve nga trojet e tyre. Në
përpjekje për të nxjerrë sa më shumë përfitime nga ky shkëmbim, qeveria e Athinës
nxirrte urdhëresa për shpërnguljen e shqiptarëve çamë. Qeveria greke vendosi të
ndërmarrë akte ekstreme, duke konfiskuar pronat e shqiptarëve, si dhe duke ushtruar
terror e dhunë ndaj banorëve me origjinë shqiptare, me qëllim që jeta e shqiptarëve në
këto troje të bëhej e pamundur. Sipas ligjit të ri agrar të miratuar në shtator të vitit 1923,
pronat e çifligarëve shqiptarë shpronësoheshin nga shteti grek, pa u vlerësuar më parë nga
ndonjë gjykatë e pavarur dhe vlera e kompesimit bëhej me vlerën e dhrahmisë të
zhvlerësuar dhe sasia e pagesës do të kryhej me 30 këste vjetore.65
Qeveria shqiptare edhe pse nuk ishte pjesë e marrëveshjes greko-turke mbi
shkëmbimin e popullsive e kundërshtoi që në thelb këtë marrëveshje, duke e denoncuar
në Organizatën e Lidhjes së Kombeve. Qeveria shqiptare kërkonte që, popullsia shqiptare
e cila ndodhej në territorin grek, të mos ishte pjesë e marrëveshjes për këmbimin e
popullsisë dhe si e tillë të përjashtohej kategorikisht nga ky shkëmbim. Megjithëse
qeveria greke mundohej të siguronte shtetin shqiptar se, ajo do të përmbushte të gjitha
detyrimet që rridhnin prej marrëveshjeve të firmosura dhe të njohura tashmë nga
organizata e Lidhjes së Kombeve, në mënyrë krejt të hapur, ajo vazhdonte të ushtronte
dhunë dhe terror ndaj popullsisë shqiptare çame. Si rezultat i presionit të palës shqiptare,
përfaqësuesi grek në Konferencën e Lozanës u detyrua të pranonte faktin se, Greqia nuk
ka aspak si qëllim të kryejë këmbimin e muslimanëve me prejardhje shqiptare dhe se
shqiptarët banojnë në një rajon të përcaktuar qartë, që quhet Epir. Madje përfaqësuesi
grek në këtë conference Kaklamanos, pranoi se shqiptarët janë bashkëfetarë me turqit,
por kurrsesi bashkëpatriotë me ta.66
Qeveria shqiptare mbështetur në realitetin historiko-etnik, të cilin u mundua t’ia
bënte të njohur si, palës greke, ashtu dhe Lidhjes së Kombeve, ndërmori hapa konkrete
për mbrojtjen e të drejtave të popullsisë shqiptare. Qeveria shqiptare e ndërkombëtarizoi
çështjen çame, duke mos e lënë vetëm në kuadër të diskutimeve monotone të Asamblesë
së Lidhjes së Kombeve. Ministria e Jashtme shqiptare, çështjen e mizorive të grekëve
kundër shqiptarëve u mundua t’ia bënte me dije parlamentit britanik. Qeveria britanike,
duke mos dashur të prishte marrëdhëniet me Athinën, parapëlqeu që këtë çështje të lërë
në dorë të Lidhjes së Kombeve dhe u mjaftua vetëm me disa sugjerime e këshilla për
ambasadorin e saj në Paris.67 Ankesës së Mehmet Konicës lidhur me gjendjen e këmbimit
të popullsisë shqiptare drejtuar Foreing Office, qeveria britanike u përgjigj se, “tashmë
63 Historia e Popullit Shqiptar, vëll.III, 502. 64 Rama, Çamëria…,280. 65 Malltezi, Delvina, Mid’hat Frashëri, Ministri Fuqiplotë në Athinë.., 79. Fjala e mbajtur nga Mid’hat
Frashëri në Asamblenë e Përgjithshme të Lidhjes së Kombeve në Gjenevë. 66 Naska, Dokumente për Çamërinë…,91, dok.45. 67 AQSH, F.151, V.1923, D.203, fl.9-10. Njoftim i Pandeli Evangjelit, ministër i Punëve të Jashtme në
Tiranë, drejtuar Kryeministrit të Qeverisë shqiptare, Tiranë, 15 janar 1923.
XI
jeni një vend independent dhe se duhet t’i rregulloni vet punët tuaja”.68 Shqetësime dhe
ankesa në dyert e Foreign Office mbi keqtrajtimin e etnive dhe kombësive të vogla nga
ana e Greqisë, kishin ardhur jo vetëm nga shqiptarët. Megjithë ankesat e herë pas
hershme, zyrtarë të lartë të kësaj ministrie u shprehën se, “do të gjenin rastin që,
miqësisht t’i kërkonin Greqisë të respektojë të drejtat e shqiptarëve dhe të popullsive të
tjera jo greke”.69
Për të zbatuar marrëveshjen e përbashkët greko-turke për këmbimin e popullsive,
u krijua Komisioni Mikst, i cili filloi nga puna që në muajin nëntor të vitit 1923. Ky
komision, që në fillim të punës së tij nuk dha asnjë garanci se do të trajtonte me
seriozitetin e duhur çështjen e popullsisë shqiptare. Gjatë kryerjes së funksioneve të tij,
Komisioni nuk mori në konsideratë kërkesat e shumta të shqiptarëve për të vizituar
krahinat e banuara prej tyre, me qëllim përcaktimin e origjinës, gjuhës dhe prejardhjes së
tyre.70 Anëtarët e këtij Komisioni, në përbërje të të cilit nuk kishte asnjë anëtar me
prejardhje shqiptare, nuk denjuan që të merrnin në konsideratë treguesin themelor, atë të
kombësisë së popullsisë shqiptare. Komisioni Mikst i kryesuar nga gjenerali De Lara,
përbëhej nga një anëtar grek, një turk dhe tre anëtarë të tjerë të paanshëm.71 Në mënyrë
krejt artificiale anëtarët e këtij komisioni gjetën lloj lloj mënyrash për të legalizuar
përfshirjen e një numri të madh banorësh me origjinë shqiptare në këmbimin e tyre me
popullsinë greke të Anadollit.
Protestat e shumta të parisë çame dhe qeverisë shqiptare, e detyruan qeverinë
greke të pranonte përjashtimin nga këmbimi të asaj pjesë të popullsisë shqiptare, e cila
me anë të dokumenteve që dispononin, do të arrinte të provonte para anëtarëve të
Komisionit Mikst, origjinën e tyre shqiptare. Kjo pjesë e popullsisë çame, megjithëse e
përjashtuar nga çështja e këmbimit, duhej të “vertetonte” me dokumente bindëse,
origjinën dhe prejardhjen shqiptare para këtij komisioni. Për pajisjen me dokumente,
shqiptarëve çamë iu duhej të udhëtonin deri në Athinë, ku përveç shpenzimeve të shumta,
popullsisë shqiptare i duhej një kohë e gjatë për t’u pajisur me to.72
Pothuajse në të gjitha rastet, shkëmbimi popullsisë shqiptare u shoqërua me dhunë
dhe terror nga bandat greke. Këto veprime, synonin që me anë të vrasjeve dhe dhunës të
largonin nga shtëpitë dhe pronat e tyre shqiptarët, duke i zëvendësuar ata me refugjatë
grekë të ardhur nga Azia. Shkëmbimi popullsisë muslimane me atë ortodokse greke, ishte
tentativa e radhës e qeverisë greke për shkombëtarizimin e krahinës së Çamërisë. Pjesë e
shkëmbimit u bënë dhe shumë klerikë shqiptarë muslimanë dhe bektashianë. Si rezultat i
përfshirjes të klerikëve në shkëmbim, një pjesë e mirë e kulteve fetare mbetën pa
drejtues. Shpesh ndodhte që disa ditë para se Komisioni Mikst të shkonte në zonat e
banuara prej shqiptarëve për të plotësuar të dhënat mbi origjinën e popullsisë, bandat
greke, me preteksin për të gjetur në shtëpitë e shqiptarëve elementë keqbërës ushtronin
dhunë dhe terror, me qëllim trembjen e këtyre banorëve dhe plaçkitjen e tyre. Sikur të
mos mjaftonin refugjatët grekë, të cilët vendoseshin me dhunë në shtëpitë dhe pronat e
shqiptarëve, familjet çame duhet të përballonin dhe shpenzimet ekstra për mbajtjen e
68 Po aty., fl.339. 69 Po aty., fl.81-82. Njoftim i Mehmet Konicës, ministër Fuqiplotë i Legatës shqiptare në Londër, dërguar
Ahmet Zogut, Londër, 23 gusht 1923. 70 Historia e Popullit Shqiptar, Vëll.III, 503. 71 Dhimitër Berati, Qëllimet dhe organizimi i Lidhjes së Kombeve, (Tiranë, Mbrothësia, 1931), 24. 72 Rama, Çamëria…,286.
XII
xhandarmërisë dhe të trupave ushtarake greke të vendosura në këtë krahinë. Si pasojë e
keqtrajtimeve të bëra nga autoritetet ushtarake, kryesisht nga njësitë e vogla të
shpërndara, shumë fshatra u braktisën, pasi xhandarët dhe ushtarët grekë e kishin kthyer
në zakon që të jetonin në kurriz të familjeve shqiptare. Në shumë raste autoritetet vendase
greke ushtronin presion tek familjet shqiptare duke kërkuar dëmshpërblim me pretekstin
se, gjoja këta ishin të lidhur me shtetin e pavarur shqiptar dhe se kryenin aktivitete të
paligjshme.73 Po ashtu, kushtet në të cilat kryhej zhvendosja e popullsisë shqiptare bëhej
e padurueshme, po të kemi parasysh se ata qëndronin me ditë të tëra, duke pritur në portet
greke anijet, që do ti çonin ata drejt brigjeve të Azisë së Vogël.74
Një rol negativ në çështjen e këmbimit të popullsisë shqiptare me atë turke luajtën
si klerikët ortodoksë grekë dhe ata muslimanë. Të paguar dhe të shantazhuar prej bandave
greke, shumë klrikë mernin përsipër të deklaronin në emër të popullsisë shqiptare se, këta
ishin turq dhe si të tillë duhej të shkëmbeheshin. Myftiu i Paramithisë kishte hartuar një
listë me afro 10.000 çam, të cilët gjoja kishin kërkuar të largoheshin me dëshirën e tyre
drejt Anadollit. Të njëjtën akuzë ndaj drejtuesve të klerit musliman ngrinte dhe patrioti
çam Musa Demi në letrën drejtuar ministrit fuqiplotë shqiptar në Athinë Mithat Frashërit.
Në këtë letër, ndër të tjera M. Demi veçonte problemet që po lindnin në krahinën e
Çamërisë, pas ardhjes së refugjatëve grekë në shtëpitë e shqiptarëve.75 Akuzat drejtuar
klerit fetar musliman u ngritën dhe nga banorët shqiptarë të Margëlliçit, Filatit,
Paramithisë dhe Gumenicës, të cilët akuzonin krerët e tyre fetarë se po nxisnin popullsinë
shqiptare të mos vetdeklaroheshin me kombësi shqiptare. Sipas banorëve, myftinjtë
endeshin nëpër fshatra të Çamërisë, duke i kërcënuar ata me fjalët se, “greku do t’ju djegë
të gjallë dhe do t’ju shfarosë” dhe në këtë mënyrë rruga e vetme për të shpëtuar ishte të
pranonin largimin drejt Anadollit.76
Në shtëpitë e shqiptarëve, me forcën e autoriteteve vendase greke strehoheshin
refugjatë të krishterë grekë të ardhur nga Azia, duke u bënë zotër të pronave dhe shtëpive
të muslimanëve çamë. Pa kryer asnjë lloj veprimi administrativ dhe pa kryer asnjë pagesë
qeraje apo detyrim tjetër, banorë të ardhur filluan menjëherë të punonin tokat dhe të
vilnin prodhimet në pronësi të shqiptarëve. Mid’hat Frashëri, ministër Fuqiplotë i
Shqipërisë në Athinë, në gusht të vitit 1925 protestoi ashpër pranë drejtorit të Seksionit
për Pakicat në Lidhjen e Kombeve, lidhur me praktikat diskriminuese që ndiqte shteti
helen ndaj minoritetit çam në Greqi. Në letrën e tij, M. Frashëri deklaronte se, “nga 190
familje shqiptare në Konicë, për mungesë të letrave, 70 prej tyre u dëbuan për në
Anadoll”.77
Të detyruar prej dhunës dhe terrorit të ushtruar prej bandave greke, shumë
shqiptarë të Çamërisë kalonin kufirin shtetëror të Shqipërisë, duke gjetur përkrahjen e
popullsisë shqiptare. Si për të mos mjaftuar dhuna e ushtruar dhe për të penguar lëvizjen
e lirë të shqiptarëve muslimanë të Çamërisë, qeveria greke nxori një ligj të posaçëm
73 AQSH, F.151, V.1923, D.203, f.210-212. 74 Margaritis, Bashkëpatriotë të padëshiruar…,119. 75 AQSH, F.151, V.1923, D.203, fl.160. 76Naska, Dokumente për Çamërinë…,141, dok.86. Përfaqësues të popullsisë çame i drejtohen Ministrit
Fuqiplotë shqiptar në Athinë Mithat Frashërit. Letra mban datën 31 tetor 1923. 77 Malltezi, Delvina, Mid’hat Frashëri…,273. shif dhe AQSH, F.151, V.1925, D.131/1, fl.106-108.
XIII
doganor, ku shqiptarët çamë ishin të detyruar të paguanin taksa për gjënë e gjallë dhe
plaçkat e nevojshme që ata merrnin me vete.78
Si kundërpërgjigje e masave drastike të ndërmara nga qeveria helene për dëbimin
e shqiptarëve muslimanë nga Çamëria, në qeverinë shqiptare pati disa segmente të cilat
përkrahën idenë, se e njëjta politikë duhej ndjekur dhe ndaj minoritetit grek në Shqipërinë
e Jugut. Idhtari më i flaktë i kësaj vije ishte diplomati shqiptar në Athinë Mid’hat
Frashëri. Sipas M. Frashërit, shqiptarët e dëbuar nga Çamëria duhej të vendoseshin në
tokat dhe shtëpitë e grekëve që jetonin në Shqipëri.79 Në letrën e tij të datës 15 tetor 1925,
dërguar ministrit të jashtëm shqiptar në Tiranë, M. Frashëri sugjeronte se, duheshin marrë
disa masa të lehta kundër grekofonëve, duke instaluar në shtëpitë e tyre refugjatët çamë
apo dhe duke u ndaluar atyre shitjen e pronave, masa këto të ngjashme me ato që qeveria
greke kishte ndërmarë kundër popullsisë muslimane çame në Greqi.80 Duke parë se
Greqia nuk kishte ndërmend të ndalonte largimin e minoritetit çam nga Çamëria, vetëm
pak ditë më vonë, M. Frashëri do të përsëriste kërkesën e tij drejtuar qeverisë shqiptare
për shkëmbimin e elementit grek të Delvinës me shqiptarët çamë. “Meqënëse Greqia po
refuzon drejtësinë për elementin shqiptar,- deklaronte M. Frashëri,- atëherë të
proponojmë këmbimin e elementit grekofon të Delvinës, me Çamërit e Epirit”.81 Idetë e
tij mbi marrjen e masave reciproke ndaj minoritetit grek në Shqipëri, ministri shqiptar në
Athinë ua bëri me dije dhe zyrtarëve grekë. Në takimin me zyrtarë të lartë grekë, të bërë
në fillim të muajit nëntor 1925, M. Frashëri kërcënoi hapur bashkëbiseduesin e tij grek,
duke i deklaruar se, “gjëja më e mirë që mund të bëjë Shqipëria është të dëbojë ata 20
000 grekofonë që ndodhen në Delvinë, por prapë Greqia do të na ketë hua edhe nja 40.
000 frymë të tjera, pasi deri tani,-theksonte M. Frashëri,- janë përzënë me pahir mbi 60
000 shqiptarë”.82
Pavarësisht deklaratave të përfaqësuesve grekë për përjashtimin e muslimanëve
shqiptarë nga shkëmbimi, qeveria greke çështjen e përcaktimit të prejardhjes së
popullsisë muslimane shqiptare e shihte si një proces të vështirë, duke e lënë atë tërësisht
në dorën e anëtarëve të Komisionit Mikst.83 Përpjekjet e shumta të qeverisë shqiptare dhe
rezistenca e popullsisë çame për të kundërshtuar dëbimin me forcë nga Çamëria, e
detyruan Lidhjen e Kombeve që në 9 mars të vitit 1926, të pranonte raportin përfundimtar
të Komisioni Mandator, i cili rekomandonte që, popullsia shqiptare e Çamërisë
konsiderohej tërësisht shqiptare dhe si e tillë e pashkëmbyeshme.84 Pak ditë më vonë dhe
qeveria greke deklaroi zyrtarisht se, popullsia shqiptare e Çamërisë do të gëzonte të gjitha
të drejtat dhe liritë qytetare, ashtu si dhe pjesa tjetër e shtetasve grekë. Duke respektuar
vendimin e Lidhjes së Kombeve për përjashtimin e popullsisë shqiptare të Çamërisë nga
këmbimi, Ministria e Jashtme e Greqisë i konfirmoi përfaqësuesit shqiptar në Athinë se,
78 AQSH, F.151, V.1923, D.203, fl.190. 79 Malltezi, Delvina, Mid’hat Frashëri..,295-296. Sugjerime të Mid’hat Frashërit për Ministrin e Punëve të
Jashtme të Qeverisë Shqiptare, lidhur me masat që duheshin marrë kundër grekofonëve në Shqipëri. 80 Malltezi, Delvina, 295-296. 81 AQSH, F.151, V.1925, D.131/1, fl.315-318. Njoftim i M. Frashërit për Minsitrin e Punëve të Jashtme të
Shqipërisë, Athinë, 29 tetor 1925. 82 Malltezi, Delvina, Mid’hat Frashëri, Ministër Fuqiplotë.., 324. 83 Rama, Çamëria…,286. Pjesë nga proçesverbali i sesionit të 27 të të Këshillit të Lidhjes së Kombeve,
seanca e 10-të. 84 Historia e Popullit Shqiptar, vëll. III, 504.
XIV
Nënkomisioni Mikst për Epirin ishte larguar prej andej, duke e konsideruar të mbyllur
çështjen e këmbimit të popullsisë.85
Veprimet arbitrare të qeverisë greke dhe të Komisionit Mikst të mbështetura në
padrejtësinë ndaj popullsisë çame, sollën dëbimin në masë të kësaj popullsie nga Çamëria
dhe nga krahinat rreth saj për në Azinë e Vogël. Vetëm gjatë viteve 1924-25, nga
krahinat e Maqedonisë të banuara prej shqiptarëve muslimanë u larguan mbi 35. 000
banorë shqiptarë muslimanë.86 Nga 3419 shtëpi muslimane në Çamëri dhe 535 të
krishtera, refugjatët grekë të ardhur nga Azia e Vogël u vendosën në 1943 shtëpi të
shqiptarëve çamë dhe asnjë prej tyre nuk u vendos në shtëpitë e familjeve greke apo të
shqiptarëve ortodoksë.87 Sipas raportit të mbajtur nga përfaqësuesi shqiptar në Lidhjen e
Kombeve në dhjetor të vitit 1928, rezulton se midis viteve 1924-1926, nga Maqedonia
ishin shpërngulur me forcë rreth 40 000 shqiptarë dhe mbi 20 000 të tjerë të shpërngulur
ishin muslimanë shqiptarë të Epirit.88
Autoritetet greke të Çamërisë e konfirmojnë vet misionin e tyre për të
shkombëtarizuar krahinën prej shqiptarëve. Nënprefekti i Çamërisë, në vjeshtë të vitit
1936, njoftonte Ministrinë e Jashtme greke se, “Nënprefektura dhe xhandarmëria e Filatit
dhe Igumenicës po punojnë me forcë për të detyruar çamët të emigrojnë dhe për të rritur
numrin e tyre”.89 Ankthi i vazhdueshëm i autoriteteve greke për largimin e popullsisë
çame reduktoi në mënyrë të ndjeshme prezencën fizike të minoritetit çam në Greqi.
Historiografia greke duke mohuar krejtësisht politikën e dëbimit të ndjekur nga qeveria
greke, në shumicën e rasteve është shprehur se, popullsia shqiptare çame ka shprehur
dëshirën e vet për t’u përfshirë në shkëmbim me arsyetimin për një jetë më të mirë në
Turqi.90
Autori grek Dh. Mihalopulos, duke iu rikthyer çështjes së përjashtimit të çamëve
nga këmbimi i popullsisë gjatë viteve 1923-26, gjykon se ky vendim ishte një gabim i
madh, si për qeverinë greke të asaj kohe, ashtu dhe për diplomacinë ndërkombëtare e për
vetë çamët.91 Duke marrë në konsideratë rregjstrimin e popullsisë prej administratës
greke në vitin 1936, rezulton se, në Çamëri në 279 fshatra kishin mbetur gjithsej 28 000
shqiptarë muslimanë, 20 000 grekë dhe 26 000 shqiptarë ortodoksë.92
Me ardhjen në pushtet të diktatorit fashist Joanis Metaksa, në Greqi në vitin 1936,
gjendja ekonomike, sociale dhe politike e popullsinë shqiptare u rëndua më tepër. Edhe
njëherë rifilluan arrestimet dhe dëbimet masive të shqiptarëve. Me anë të bankave të saj,
qeveria greke lehtësoi procedurat për shitjen e pronave të çamëve, duke bërë të mundur
më pas lehtësimin e nxjerrjes së vizave dhe largimit të tyre përfundimtar nga Çamëria.93
Për të kontrolluar më së miri komunitetin çam, qeveria greke në vjeshtën e vitit 1936
krijoi prefekturën e Thesprotisë, e cila përmblidhte katër krahinat; Filatin, Gumenicën,
85 Naska, Dokumente për Çamërinë…, 515. 86 AQSH, F.151, V.1925, D.131, fl.17. 87 Rama, Çamëria.., 292. 88 Po aty., 297. 89 AYE, 1935, A/4/9/3. Njoftim i Nënprefektit të Çamërisë për Ministrinë e Punëve të Jashtme greke, datë
30.09.1935. 90 Basil Kondis, The Greeks of Nothern Epirus and greek-albanian relations, Cituar sipas Meta, Tensioni
greko-shqiptar.., 142-143. 91 Dimitris Mihalopulos, Çamët, (Athinë, Arsenidhis, 1993), 23. 92 Meta, Tragjedia çame, 45. 93 Historia e Popullit Shqiptar, vëll. III, 506.
XV
Paramithinë dhe Margëlliçin.94 Ky organizim u justifikua nga qeveria greke me
arsyetimin, se ai u bë për arsye ekonomike dhe për unifikimin e administratës shtetërore
greke.95 Sipas këtij organizimi të ri, qendra e njësive administrative do të ishin ato fshatra
me shumicë banorësh të besimit të krishterë, duke eleminuar në këtë mënyrë elementin
shqiptar musliman. Pas këtij organizimi qeveria greke, krijoi reparte të mirëfillta të
ushtrisë dhe xhandarmërisë, të cilat u dislokuan në rajonin e Çamërisë, me qëllim
parandalimin e çdo ndjenje kombëtare të shqiptarëve.
Një tjetër masë shtrënguese e qeverisë greke ndaj minoritetit çam në Greqi ishte
ndalimi i përdorimit të gjuhës shqipe. Vetëm gjatë vitit shkollor 1938-39, qeveria greke
kishte premtuar se do të hapte rreth 13 shkolla shqipe në fshatrat e Çamërisë, si në
Margëlliç, Arpicë, Koskë, Spatar, Versela, Arvenicë, Picar, Kuç, Lugarat, etj.96 Shpesh
herë mësimbërja në gjuhën shqipe ishte lënë në mëshirën e drejtuesve grekë të shkollave,
të cilët e kishin katandisur zhvillimin e gjuhës shqipe për fëmijët çamë vetëm me 2 orë
mësim në javë. Në ato pak shkolla, të cilat ende vazhdonin të konsideroheshin shkolla
shqipe, mësimi jepej nga mësues të besimeve fetare dhe që nuk ishin njohës të mirë të
gjuhës shqipe. Megjithë përpjekjet e qeverisë shqiptare për të vendosur mësues shqiptarë
dhe njohës mjaft të mirë të gjuhës shqipe, qeveria greke pengonte qëllimisht emërimin e
tyre. Krahas kësaj, qeveria greke kishte vendosur një kontroll të rreptë mbi botimin dhe
përdorimin e teksteve shqip. Në shumë raste, faqet e librave me përmbajtje të karakterit
kombëtar, me simbole kombëtare, apo me fotografi të patriotëve shqiptarë griseshin.97
Ministri fuqiplotë i Shqipërisë në Athinë Z. Rauf Fico, u ankua te autoritetet greke të
Çamërisë, të cilët qëllimisht pengonin shpërndarjen e librave shqipe në shkolla. Lidhur
me këtë, ministri i jashtëm grek Mavrudis, në mënyrë të vazhdueshme i kishte tërhequr
vëmendjen ministrit grek të arsimit, duke i kujtuar këtij të fundit se, po bëhej pengesë për
përbushjen e detyrimeve që rridhnin nga marrëveshjet e arritura midis dy vendeve.98
Afrimi i konfliktit të armatosur midis Italisë dhe Greqisë çoi në marrjen e masave
të egra nga qeveria greke ndaj popullsisë shqiptare. Nga frika e një bashkëpunimi të
mundshëm midis shqiptarëve çamë dhe ushtrisë italiane, autoritetet greke arrestuan dhe
më pas internuan të gjithë burrat dhe të rinjtë shqiptarë, kryesisht ata në afërsi të fshatrave
në kufi me Shqipërinë. Para fillimit të konfliktit me Italinë, mijëra burra çamë u arrestuan
dhe u internuan në ishujt e largët të Egjeut. Mosbesimi i autoriteteve greke ndaj
minoritetit çam u shpeh në shumë mënyra. Shumë të rinjë çamë të cilët shërbenin në
radhët e ushtrisë greke, në shumicën e rasteve qëndronin në formacionet e prapavijës, ku
në vend të armëve iu jepeshin vegla punë për të hapur rrugë dhe ndërtuar ura. Si rezultat i
këtyre masave, një pjesë e parisë çame i kthyen sytë nga Italia fashiste për dhënien fund
të vuajtjeve dhe realizimin e bashkimit të Çamërisë me shtetin shqiptar.
94 Naska, Dokumente për Çamërinë.., 681. 95 Manda, Çamët muslimanë..,115. 96 AQSH, F.151, V.1938, D.106, fl.49-54. 97 Naska, Dokumente për Çamërinë.., 695. Njoftim i ministrit të punëve të jashtme të Shqipërisë E.
Libohova për Rauf Ficon, ministër fuqiplotë i Shqipërisë në Athinë, Tiranë 4 janar 1938. 98 Naska, Dokumente për Çamërinë…,708.
PARATHËNIE
Punimi me titull “Çështja çame gjatë Luftës së Dytë Botërore”, ka në fokus të tij
dramën e popullsisë shqiptare çame në Greqi gjatë kësaj periudhe, si dhe qëndresën e
kësaj popullsie ndaj përpjekjeve të qarqeve shoviniste dhe shtetit grek për
shkombëtarizimin e Çamërisë. Mbështetur në analizën e burimeve dokumentare të kohës,
një pjesë e të cilave pasqyrohen për herë të parë në këtë studim, ne jemi munduar të
hedhim dritë mbi zhvillimin e ngjarjeve historike në Çamëri gjatë viteve 1939-1945.
Gjithashtu, për herë ta parë vjen një studim i plotë, i cili përpiqet të trajtojë politikat
diskriminuese e shfaruese të shtetit dhe grupeve nacionaliste greke ndaj minoritetit çam
gjatë Luftës së Dytë Botërore, poltika këto që kulmuan me masakrat dhe spastrimin etnik
të Çamërisë në vitet 1944-45. Në procesin e hulumtimit shkencor jemi mbështetur në
metodologjinë e njohjes dhe vlerësimit të materialeve, përfshirë këtu, literaturën
ekzistuese dhe dokumente historike, duke patur si kriter kryesor, besueshmërinë dhe
vërtetësinë e tyre. Ky punim nuk pretendon të thotë fjalën e fundit përsa u përket
argumenteve të sjella dhe përfundimeve të arritura, por shpresojmë të shërbejë si një
shtysë dhe nxitje për debat të mëtejshëm lidhur me çështjen çame dhe ngjarjet që rrodhën
në Çamëri gjatë Luftës së Dytë Botërore.
Përsa i përket çështjes çame, historiografia shqiptare është në pararojë, jo vetëm
për botimet e shumta që kanë dalë në dritë deri tani, por dhe për faktin se ato janë të
argumentuara dhe të mbështetura në dokumente dhe fakte reale. Nga ana tjetër,
historiografia greke jo vetëm që ka treguar mangësi në trajtimin e çështjes çame, por në
shumicën e rasteve, shkrimet e autorëve grekë janë ndikuar fort nga paragjykimet
nacionaliste ndaj minoritetit çam në Greqi dhe çështjes shqiptare në tërësi. Përgjithësisht
ky proces ka rezultuar i suksesshëm, pasi në literaturën e pakët historike greke rreth
kësaj çështje, çamët u zvendësuan me termat “pseudoçamë”, “turko-shqiptarë”, apo “të
vetëquajturit çamë”. Që nga sulmi italian ndaj Greqisë dhe pas përfundimit të Luftës së
Dytë Botërore, për dekada me radhë, propaganda shoviniste greke nuk pushoi së
akuzuari popullsinë shqiptare në Çamëri për bashkëpunim me fashistët italianë dhe
nazistët gjermanë. Këto akuza kishin për qëllim të justifikonin masakrat e kryera nga
grupet nacionaliste greke ndaj popullsisë së pambrojtur civile shqiptare në fund të luftës.
Në përgjithësi, autorët grekë janë gjendur në vështirësi dhe fare të papërgatitur
nga shpërthimi i papritur i çështjes çame në ambjentet e politikës dhe historiografisë
shqiptare pas viteve ’90. Historiografia greke dhe politika zyrtare e Athinës, çështjen
çame e kanë parë me syrin e një pamfleti politik, duke e trajtuar atë si një çështje të
mbyllur tashmë, në rastin më të keq, si një çështje që nuk ka ekzistuar kurrë. Në tërësi,
veprat e autorëve grekë kushtuar historisë së Çamërisë janë të mbuluara nga një
skepticizëm i thellë, pasi ato vuajnë nga mungesa e analizës shkencore dhe e
shtrembërimit të fakteve historike. Megjithë përpjekjet kohët e fundit të disa autorëve
grekë, të cilët mundohen të shkëputen nga fryma nacionaliste që ka karakterizuar veprat
e botuara deri tani, shumica e tyre ende nuk kanë arritur të bien dakord, përsa i përket
disa temave delikate që kanë të bëjnë kryesisht me origjinën e shqiptarëve çamë të
Greqisë, me çështjen e pronave, gjuhës së tyre dhe genocidit të ushtruar nga forcat
nacionaliste greke në fund të Luftës së Dytë Botërore.
Çështja çame ka qenë pothuajse një kapitull i mbyllur edhe për historianët
shqiptarë gjatë periudhës së rregjimit komunist në Shqipëri. Për gati 50 vjet,
historiografia shqiptare nuk ka marrë përsipër të trajtojë çështjen çame si një argument
të mirëfilltë historik. Vetëm pas viteve ‘90 është bërë e mundur hapja e një kapitulli të ri,
si dhe riformatimi i çështjes çame në arenën ndërkombëtare. Përpjekjet e historiografisë
shqiptare në këto 20 vitet e fundit, për grumbullimin e të dhënave historike dhe
pasqyrimin real të ngjarjeve të ndodhura në kurriz të minoritetit çam në Greqi, kanë si
mision jo vetëm zgjidhjen përfundimtare të kësaj çështjeje, por dhe rregullimin e
përmirësimin e marrëdhënieve diplomatike midis Shqipërisë dhe Greqisë.
Pavarësisht përpjekjeve të bërë nga të dy palët për një qasje të re, shkencore, të
çliruar nga stereotipet dhe ngërçet e së kaluarës, ende sot ka debate lidhur me shumë
çështje që kanë karakterizuar rrugëtimin historik të minoritetit çam, që nga viti 1912 e
deri në përfundim të Luftës së Dytë Botërore. Punimet duhet të karakterizohen nga një
qasje tërësore dhe për një mirëkuptim më të plotë të zhvillimeve që shënjuan vendimet
dhe zgjedhjet që bënë njerëzit, të cilët ose ishin protagonistë, ose thjesht i përjetuan ato
ngjarje. Nisur nga ky këndvështrim, shpresoj që edhe ky punim t’ia ketë arritur qëllimit të
tij, duke shërbyer si një pikënisje e një dialogu të mbështetur në prova e dokumente, rreth
një teme të rëndësishme historike, e cila për dekada me radhë është injoruar pothuajse
tërësisht.
Persekutimi dhe genocidi grek i ushtruar ndaj popullsisë çame pas shpalljes së
Pavarësisë së Shqipërisë në vitin 1912 dhe në vazhdim përgjatë gjithë shekullit të XX-të,
është mjaftueshëm i dokumentuar, por jo dhe aq i zbardhur për lexuesit tanë. Edhe pse
deri sot kanë dalë disa botime dhe shkrime historike, të cilat hedhin dritë mbi çështjen
çame, përsëri trajtesa e kësaj teme kaq delikate ende nuk është e plotë. Ishte pikërisht kjo
përqasje, si dhe dëshira për t’i trajtuar zhvillimet historike që kanë ndodhur në Çamëri,
të bazuara në fakte të pakontestueshme, sa më afër të vërtetës dhe larg propagandës
nacionaliste, disa nga motivet që më shtynë të ndërmarë këtë punim.
Profili i punës prej shumë vitesh si arkivist pranë Drejtorisë së Përgjithshme të
Arkivave më ka mundësuar një njohje relativisht të gjerë të dokumenteve arkivore që
kanë të bëjnë me çështje të ndryshme të historisë së Shqipërisë dhe konkretisht për temën
e sipërpërmendur. Po ashtu, njohja me një literaturë mjaft të pasur, të botuar këto dy
dekadat e fundit rreth çështjes çame, më kanë lehtësuar zgjerimin e temës dhe trajtimin e
saj me argumente bindëse shkencore.
Punimi është bazuar kryesisht në një material të konsiderueshëm arkivor, të
nxjerrë kryesisht nga arkivat shqiptare dhe shumë pak në ato greke, pasi për mua,
megjithë përpjekjet e bëra, konsultimi me dokumentet nga arkivat greke ka qenë i
vështirë. Për trajtimin me seriozitet dhe nivel shkencor të kësaj çështjeje, jam mbështetur
në dokumentet arkivore të Arkivit Qendror Shtetëror Tiranë, veçanërisht në dokumentet e
periudhës së luftës, të organizatave dhe institucioneve shtetërore që kanë ushtruar
veprimtarinë e tyre para vitit 1944. Duke shqyrtuar këto dokumenta është bërë e mundur
krijimi i një pasqyre sa më të qartë të problemeve të kohës, duke i dhënë një dimension
tjetër këtij punimi. Ndër to mund të veçojmë dokumentat e hulumtuara nga; fondi
nr.14/AP (Arkivi Partisë), fondi nr.17/APL (Qarkori i Gjirokastrës), fondi nr.40 (Ushtria
Nacional Çlirimtare Shqiptare), fondi nr.41 (Fronti Nacional Çlirimtar), fondi nr.151
(Ministria e Punëve të Jashtme), fondi nr.161 (Mëkëmbësia e Përgjithshme), fondi nr.195
(Ministria e Arsimit), fondi nr.200 (Instituti i Studimeve Shqiptare), fondi nr.222 (Shtabi i
Përgjithshëm i Ushtrisë Nacional Çlirimtare Shqiptare), fondi nr.270 (Ballit Kombëtar),
si dhe fondi nr.564 (Komisioni Interministerial për Furnizimet nga UNRRA-a), etj. Për të
pasur një pasqyrë më të qartë të ngjarjeve dhe personazheve të kohës rreth aktivitetit të
tyre lidhur me çështjen çame, më është dashur të konsultohem edhe me disa fonde
arkivore personale të disa prej figurave të shquara historike shqiptare si, fondi nr.13
(Faik Konica), fondi nr.14 (Fan Noli), fondi nr.30 (Kristo Dako), fondi nr.35 (Mid’hat
Frashëri), fondi nr.14/AP, D.M/23 (Musa Demi). Gjithashtu, një ndihmesë të madhe më
ka dhënë konsultimi me dokumente nga arkivi i Institutit të Historisë Tiranë, pranë
Qendrës së Studimeve Albanologjike, ai i Arkivit të Ministrisë së Punëve të Jashtme, si
dhe i Arkivit të Ministrisë së Brendshme të Republikës së Shqipërisë.
Botimi kohët e fundit i një serie të tërë me dokumente, si nga arkivat shqiptare
dhe vendeve të huaja, kanë qenë një vlerë e shtuar e këtij punimi. Për t’u përmendur
janë, vëllimi me dokumente të përgatitur nga Kaliopi Naska, i nxjerrë për botim nga
Drejtoria e Përgjithshme e Arkivave me titull, “Dokumente për Çamërinë 1912-1939”
(Tiranë, 1999), botimi me dokumente i përgatitur nga Kastriot Dervishi me titull
“Masakra në Çamëri”, (Tiranë, 2009), si dhe dokumentet e botuara nga Prof. Luan
Malltezi dhe Sherif Delvina me titull, “Mid’hat Frashëri, Ministri Fuqiplotë në Athinë;
Çështja çame”, (Tiranë, 2013).
Nga dokumentet e botuara nga arkivat e huaja, dëshiroj të përmend vëllimet e
plota me titull, “Dokumente Diplomatike Italiane”, seria 6 deri 9, të përgatitura nga
Istituti Poligrafico Dello Stato, Romë, të cilat kanë zënë vend kryesisht në trajtimin e
kapitullit të parë të këtij punimi, e që i referohet pikërisht diplomacisë italiane dhe
çështjes shqiptare gjatë viteve 1939-1942. Përveç kësaj, dalja në dritën e botimit të një
sërë dokumentesh nga arkivat britanike, kanë qenë një bazë mbështetëse e fortë në
punimin e kësaj teme. Për t’u përmendur është botimi më titull, “The Çam Albanians of
Greece”, (Londër, 2002), përgatitur nga Bejtulla Destani dhe albanologu Robert Elsie.
Një tjetër ndihmesë të konsiderueshme në trajtimin e argumenteve në çështje të
veçanta të këtij punimi ka qënë dhe shtypi i shkruar i kohës, ku të dhënat dhe materialet e
nxjerra prej tij janë pasqyruar më gjerësisht në kapitullin e fundit të punimit. Si burime të
rëndësishme kam konsideruar materialet e nxjerra nga gazeta “Tomori”, organi i Partisë
Fashiste, (Tiranë, 1940, 1941, 1942), gazeta “Bashkimi i Kombit”, organ i qeverisë
shqiptare nën pushtim, (Tiranë, 1944), gazeta “Bashkimi”, organ i Qeverisë
Demokratike Shqiptare, (Tiranë, 1945, 1946, 1947), gazeta “Zëri i Çamërisë”, organ i
Këshillit Antifashist Çam në Shqipëri, (Tiranë, 1945, 1946, 1947).
Studimi nuk mund të merrte trajtën e plotë pa konsultimin e literaturës të botuar
pas viteve ’90, kushtuar marrëdhënieve greko-shqiptare dhe çështjes çame. Si
udhërrëfyes në trajtimin me argumente shkencore dhe të dhëna të pakontestueshme në
punën time ka qenë literatura mjaft e pasur shqiptare, botuar këto vitet e fundit, dedikuar
çështjes çame dhe historisë së Çamërisë. Të tilla botime kanë qenë; Historia e Popullit
Shqiptar, Vëllimi III dhe IV, përgatitur nga Akademia e Shkencave të Shqipërisë, (Tiranë,
2007, 2008), punimi i Prof. Arben Putos, me titull “Lufta italo-greke, diktatorë dhe
kuislingë”, (Tiranë, 2011), punimet e Prof. Beqir Metës, me titull, “Tensioni greko-
shqiptar”, (Tiranë, 2002) dhe “Tragjedia çame”, (Tiranë, 2002), studimet e Hajredin
Isufit, me titull, “Çamëria nëpërmjet kronikave të kohës”, (Tiranë, 2007), “Çamëria,
studime historike-sociologjike shek.XIII-XX”, (Tiranë, 2006) dhe monografia me titull,
“Musa Demi dhe qëndresa çame”, (Tiranë, 2002), botimi i Ibrahim Hoxhës me titull,
“Viset kombëtare shqiptare në shtetin grek”, (Tiranë, 2000), punimi studiuesit Hamit
Kaba me titull, “UNRRA në Shqipëri 1944-1947”, (Tiranë, 2000), punimi i autorit Filip
Liço me titull, “Probleme të marrëdhënieve greko-shqiptare”, (Tiranë, 2009), e shumë të
tjerë.
Në mënyrë specifike do të doja të veçoja studimet shkencore të Prof. Fatmira
Ramës, e cila trajton në mënyrë të shterueshme çështjen çame, rolin e shtetit shqiptar në
mbrojtje çështjes çame dhe minoritetit shqiptar në Greqi, si dhe metodat e përdorura nga
shteti grek për shkombëtarizimin e krahinës së Çamërisë gjatë viteve 1912-1940. Të tilla
punime shkencore janë; “Çamëria në vitet 1912-1940”, (Tiranë, 2014), studimi shkencor
me titull, “Konica në kulturën shqiptare në vitet 1925-1939”, (Tiranë, 1996), punimi me
titull, “Problemi çam në Lidhjen e Kombeve”, (Tiranë, 2007), si dhe studimi, “Traktati i
Lozanës, shpërnguljet dhe shpronësimet”, (Tiranë, 2005).
Nga literatura e huaj mund të përmendim autorin Bernd J. Fischer, me punimin e
tij “Shqipëria gjatë Luftës 1939-1945”, (Tiranë, 1999), James Petifer me botimin me
titull, “Woodhouse, Zerva dhe Çamët”, (Tiranë, 2010), e në mënyrë të veçantë autoren
Miranda Vickers, me studimet e saj me titull, “The Cham Issue, Were to Now”,
(Prishtinë, 2002), “The Cham Issue,- Albanian National and Property Claims in
Greece”, (Londër, 2002), studime këto që kanë bërë një jehonë të madhe dhe në radhët e
historianëve e studiuesve ndërkombëtarë.
Një rëndësi të veçantë kohët e fundit, çështjes çame dhe marrëdhënieve trepalëshe
midis Greqisë-Italisë dhe Shqipërisë i kanë kushtuar dhe autorë të ndryshëm italianë, të
tillë si; Donato Martuçi me botimin e tij në gjuhën shqipe me titull, “Tokat e çliruara
shqiptare II, Çamëria”, (Tiranë, 2013), si dhe studimin tjetër në gjuhën italiane me titull,
“Le terre albanesi irredente: La Ciameria tra irredentismo Albanese e propaganda
fascista”, (Itali, 2014), autori Luca Micheletta me artikujt shkencorë, “La questione di
Ciamuria e l’attacco italiano alla Greçia del 28 ottobre 1940”, (Itali, 2004) dhe “La
resa dei conti: Il Kosovo, L’Italia e la dissoluzione della Jugoslavia, 1939-1941” (Romë,
2008).
Në larminë e literaturës së shfletuar, nuk mund të lë pa përmendur historiografinë
greke, megjithë qëndrimin e saj kontravers ndaj çështjes çame dhe asaj shqiptare. Gjatë
analizës që iu kamë bërë argumenteve të hedhura nga historiografia greke, bie në sy një
vlerësim i propagandës nacionaliste, e cila nuk ka aspak për qëllim zgjidhjen e çështjeve
që shqetësojnë dy vendet fqinje. Edhe ata autorë, të cilët në punën e tyre janë nisur nga
ideja e uljes të toneve nacionaliste, përsëri kanë rënë në grackën e zhvillimeve politike,
pa marrë në konsideratë të vërtetën historike dhe ngjarjet e ndodhura. Megjithatë, ka dhe
autorë grekë të cilët kanë treguar guxim në trajtimin me seriozitet dhe servirjen e fakteve
në mënyrë reale si, Jorgos Margaritis me studimin e tij me titull, “Bashkëpatriotë të
padëshiruar, Çamët dhe Hebrenjtë” (Tiranë, 2009), Jani Sharras, me punimin, “Historia
e Igumenicës 1500-1950”, (Athinë, 1985), Nikos Zhangos, “Imperializmi anglez dhe
rezistenca kombëtare 1940-1945”, (Athinë, 1978), autorin Lambros Baltsiotis, me
studimin e tij “The Chams Muslims of Northwestern Greece”, (Stamboll, 2011), autorja
Elefteria Manda me studimin e saj të botuar kohët e fundit në shqip me titull, “Çamët
myslimanë të Epirit 1923-2000”, (Tiranë, 2015) dhe punimin “Muslim Chams of Epirus
and Word War II. From irredentism to collaboration”, (Samothraki, 2004). Këta autorë,
pavarësisht këndëvështrimit dhe interpretimit të ngjarjeve dhe fakteve historike, me
shkrimet e tyre i kanë bërë një shërbim të madh historiografisë greke në përafrimin e së
vërtetës historike.
Në punimin tonë një vend të rëndësishëm kanë zënë kujtimet e kohës dhe ditaret e
mbajtura nga diplomatët e huaj, kryesisht ata italianë, që kanë shërbyer në Greqi e
Shqipëri gjatë viteve 1939-1941. Këto burime historike, për vetë natyrën, kohën dhe
personazhet të cilët i kanë mbajtur, janë përdorur pasi i janë nënshtruar një ekspertize të
mirëfilltë shkencore, për përcaktimin e vlerave dhe të vërtetave që përmbajnë. Kujtime të
tilla janë ato të Francesko Jakomonit, me titull, “Politika e Italisë në Shqipëri”, (Tiranë,
2005), Ditari i Kontit Çiano, (Milano, 2006), ish ministër i jashtëm i Italisë gjatë
pushtimit fashist të Shqipërisë dhe Greqisë, kujtimet e Carlo Umilta me titull
“Jugosllavia dhe Shqipëria. Kujtime të një diplomati”, (Milano, 1947) etj.
Tema është konceptuar nga një parathënie, hyrja dhe pesë kapituj. Ajo përmbyllet
me përfundimet dhe bibliografinë përkatëse. Formatimi i punimit në pesë kapituj e më tej
në sythe, të renditura sipas rrjedhës kohore, u pa e nevojshme nisur nga problematikat e
trajtuara dhe natyra e çështjes. Një ndarje e tillë është bazuar sigurisht, duke respektuar
kriterin kronologjik dhe atë problemor të çështjes.
Hyrja e këtij studimi është konceptuar në formën e një paraqitjeje tërësore të
historisë së Çamërisë, që nga koha e rënies së saj nën shtetin grek në vitin 1913, e deri në
prag të Luftës së Dytë Botërore (1939), periudhë në të cilën merr formë të plotë dhe
trajtesa jonë. Në hyrje trajtohen çështje të tilla si; përcaktimi i kufijve shtetërorë jugor të
shtetit shqiptar, njohja e tij nga Fuqitë e Mëdha, trajtohet çështja shqiptare dhe ajo çame
gjatë konferencës së Londrës, trajtohet çështja çame në fund të Luftës së Parë Botërore
dhe gjatë zhvillimit të punimeve të Konferencës së Paqes në Paris etj. Një vend të veçantë
në hyrje zë çështja e këmbimit të popullsive midis Turqisë dhe Greqisë, mbështetur në
Traktatin e Lozanës (1923), ku pjesë e këtij shkëmbimi u bë dhe minoriteti musliman çam
në Greqi. Po ashtu, në hyrje një vend të rëndësishëm zë politika dhe përpjekjet që bëri
shteti shqiptar dhe qeveritë shqiptare gjatë viteve 1920-1939, për mbrojtjen e të drejtave
dhe lirive themelore të minoritetit çam në Greqi.
Në kapitullin e parë me titull, “Konflikti italo-grek dhe çështja çame”, jemi
munduar të përshkruajmë në mënyrë të qartë rolin që pati propaganda fashiste italiane
në nxitjen e faktorit nacionalist shqiptar për bashkimin e Çamërisë me Shqipërinë. Në
këtë kapitull, rëndësi e veçantë i është kushtuar fillimit të luftës italo-greke, ku dhe kemi
marrë përsipër të shpjegojmë arsyet e vërteta të kësaj lufte. Nga trajtimi që i kemi bërë
kësaj çështjeje, del qartë se Italia fashiste për të justifikuar sulmin ndaj Greqisë ka
trumbetuar me të madhe, se një nga arsyet madhore të fillimit të kësaj lufte kanë qenë
shkaqe që lidheshin drejtëpërdrejtë me fatin e shqiptarëve në rajonin e Çamërisë. Sipas
propagandës fashiste, ishte pikërisht shtypja politike dhe ekonomike e shtetit grek ndaj
shqiptarëve të Çamërisë, arsyeja që çoi në ndërhyrjen e trupave ushtarake italiane në
territorin grek. Me anë të dokumenteve arkivore diplomatike italiane, si dhe të kujtimeve
të vetë diplomatëve italianë në Greqi e vende të tjera, jemi munduar të provojmë, se
preteksti për sulmin italian ndaj Greqisë nuk ishte Çamëria dhe gjendja e shqiptarëve
atje, por synimet e Italisë fashiste për ekspansion në Ballkan dhe më gjerë. Gjithashtu,
pjesë e këtij kapitulli është dhe qëndrimi i shqiptarëve ndaj agresionit italian kundër
Greqisë, si dhe pasojat që pati kjo luftë për shqiptarët e veçanërisht për minoritetin çam
në Greqi.
Në kapitullin e dytë të titulluar “Pozita e Çamërisë gjatë pushtimit italo-gjerman”
jepet një panoramë e gjendjes së Çamërisë dhe popullsisë shqiptare atje pas realizimit të
pushtimit nga ushtritë italo-gjermane. Popullsia e Çamërisë, nisur nga premtimet e bëra
para luftës, kryesisht nga pushtuesit italianë, kishte shpresuar se me pushtimin e Greqisë
erdhi çasti i duhur që Çamëria t’i bashkohej shtetit shqiptar. Pavarësisht premtimeve të
shumta nga pushtuesit italianë, krahina e Çamërisë mbeti nën administrimin ushtarak të
shteteve pushtuese dhe nën administrimin civil kolaboracionist grek. Gjatë periudhës së
pushtimit italo-gjerman të Greqisë, kushtet ekonomike-politike e sociale të popullsisë
shqiptare të kësaj krahine jo vetëm që nuk u përmirësuan, por ato u rënduan më tepër. Në
kushte të tilla, nacionalistët çamë u munduan të krijonin organet vetadministruese
shqiptare në këtë krahinë, nën një miratim në heshtje të komandës ushtarake italo-
gjermane, si dhe shtuan përpjekjet për përhapjen e arsimit e gjuhës shqipe, si një
domosdoshmëri për kultivimin e ndjenjave patriotike.
Kapitulli i tretë, me temë “Pjesëmarrja e popullsisë çame në lëvizjen antifashiste
greke”, i dedikohet në tërësi veprimtarisë së lëvizjes antifashiste nacionalçlirimtare të
popullsisë çame dhe qëndrimit të këaj popullsie gjatë luftës.Gjithashtu në këtë kapitull
pasqyrohet në mënyrë të veçantë, raportet e minoritetit çam në Greqi me forcat ushtarake
e politike greke, si dhe qëndrimi që mbajtën këto forca ndaj pjesëmarrjes së minoritetit
çam në lëvizjen antifashiste. Vëmendje e veçantë në këtë kapitull i është kushtuar
përpjekjeve të Partisë Komuniste Shqiptare dhe Frontit Nacional Çlirimtar shqiptar për
të tërhequr popullsinë çame në luftë kundër pushtuesve nazi-fashistë, si dhe
bashkëpunimit të saj me EAM-in (Frontin Nacional Çlirimtar) grek. Një tjetër çështje po
kaq e rëndësishme e trajtuar në këtë kapitull është dhe roli që patën nacionalistët çamë
në gjirin e rezistencës çame kundër pushtuesve të huaj, si dhe bashkëpunimi i një pjesë të
tyre me pushtuesit italo-gjerman.
Kapitulli i katërt, me titull “Genocidi ndaj popullsisë çame 1944-1945”, i
kushtohet masakrave të kryera nga forcat nacionaliste greke ndaj popullsisë çame gjatë
gjysmës së dytë të vitit 1944 dhe pranverë-verë 1945. Gjatë trajtimit që u kemi bërë
ngjarjeve që pasuan në Çamëri në fund të Luftës së Dytë Botërore, si dhe veprimeve të
grupeve nacionaliste greke të udhëhequra nga Napoleon Zerva kundër minoritetit çam në
Greqi, kemi arritur në konkluzion se ngjarjet e verës së vitit 1944 dhe ato të marsit të vitit
1945, ishin një politikë e pastër e spastrimit etnik të popullsisë muslimane shqiptare nga
Çamëria . Një vend të rëndësishëm në këtë kapitull zë gjithashtu, qëndrimi i politikës
greke dhe misioneve britanike në Greqi ndaj masakrave dhe shpërnguljes me dhunë të
minoritetit shqiptar çam nga trojet e veta.
Në kapitullin e pestë me titull “Kriza humanitare e popullsisë çame”, trajtohet
kriza humanitare e refugjatëve çamë në Shqipëri, si dhe masat që mori qeveria shqiptare
për t’u ardhur në ndihmë familjeve të shpërngulura. Në kushtet e luftës kundër
pushtuesve dhe bashkëpunëtorëve të armikut, populli shqiptar iu gjend pranë vëllezërve
çamë, duke siguruar për ta ushqim, strehim dhe siguri për jetën e familjeve të
shpërngulura. Po ashtu, në këtë kapitull trajtohet qëndrimi që mbajti qeveria shqiptare
për ndërkombëtarizimin e çështjes çame, si dhe veprimtaria e organizatave çame në
organizimin e popullsisë çame dhe përballimin e krizës humanitare. Një vend të veçantë
në këtë kapitull zë veprimtaria e organizatave të komunitetit çam në Shqipëri, për ndarjen
e ndihmave humanitare, organizimin e popullsisë së shpërngulur çame, bashkëpunimin
dhe bashkërendimin e veprimeve me qeverinë shqiptare dhe misionet e huaja në Shqipëri,
për ndërkombëtarizimin e çështjes çame dhe kthimin e refugjatëve çamë në Greqi. Po
ashtu, mbi bazën e dokumenteve arkivore, në këtë kapitull është trajtuar dhe çështja e
ndihmave të dhëna nga Misioni i UNRRA-s në Tiranë për popullsisë e shpërngulur çame,
si dhe rëndësia që patën këto ndihma në përballimin e krizës humanitare në radhët e
familjeve çame që gjendeshin në Shqipëri. Duke pasqyruar shifrat reale, si dhe me anë të
një interpretimi bashkëkohorë, jemi mundur që t’i japim vendin që i takon në
historiografinë shqiptare, rolit që pati UNRRA në Tiranë dhe ndihmat e dhëna prej saj
për popullin shqiptar, e në mënyrë të veçantë për komunitetin çam.
Origjinaliteti i këtij punimi qëndron në faktin se për herë të parë paraqitet një
punim shkencor për Çamërinë dhe historinë e saj gjatë Luftës së Dytë Botërore, duke e
shtjelluar atë në të gjitha apsektet e zhvillimit historik përgjatë një harku të shkurtër
kohor. Një fakt i tillë, bënë që ky punim të japë detaje që në dukje mund të jenë të vogla,
por hedhin dritë mbi ngjarje të mëdha, të cilat ose janë ende të pazbardhura, ose janë
parë nga të tjera këndvështrime. Studimi në fjalë ka synuar që, duke analizuar ngjarjet në
periudhat e ndryshme historike, të paraqesë gjendjen e minoriteti shqiptar në Çamëri
gjatë periudhës së Luftës së Dytë Botërore. Nga faktet e bëra prezentë gjatë trajtimit të
kapitujve të veçantë të këtij punimi, janë bërë prezente politikat diskriminuese të shtetit
grek ndaj shqiptarëve të Çamërisë gjatë viteve 1939-1945, raportet e minoritetit shqiptar
çam me komunitetin ortodoks grek, evidentimin e masakrave ndaj këtij minoriteti, si dhe
shkaqet e vërteta që çuan në spastrimin etnik të popullsisë muslimane çame në Greqi në
fund të luftës. Me modesti mund të shprehem se një qasje të tillë komplekse, e shtrirë në
harkun kohor 1939-1945, mendoj se do të jetë një kontribut për ndriçimin e së vërtetës
historike të kësaj treve.
Duke përfunduar këtë parathënie të shkurtër, e ndjej si detyrim të falenderoj
gjithë stafin pedagogjik të Departamentit të Historisë së Shqipërisë, në mënyrë të
veçantë, Prof. Dr. Valentina Duka, Prof.asc. Dr. Ilira Caushi, Prof. Dr. Ajet Shahu, për
dashamirësinë e treguar në miratimin e kërkesës sime për mbrojtjen e doktoraturës, si
dhe ndikimin që kanë patur me sugjerimet e tyre gjatë diskutimeve në realizimin e këtij
studimi.
Falenderimin special ia dedikoj Prof. Dr. Fatmira Rama, për drejtimin,
orientimin dhe udhëheqjen profesionale në arritjen e këtij studimi. Me sugjerimet dhe në
sajë të një pune të mirëfilltë shkencore, Prof. Fatmira u bë motivuese dhe mbështetja
kryesore për ndërtimin e strukturës së studimit, sigurimin e informacionit bazë të
nevojshëm e konkret për kapitujt specifik dhe thellimin e mendimit, duke mundësuar
realizimin me sukses të këtij punimi. I jam shumë mirënjohës për ngulmimin e saj për të
nxjerrë maksimumin prej meje dhe për kontributin në drejtim të rritjes së nivelit
argumentues dhe shkencor të këtij punimi.
Falenderoj kolegët e mi arkivistë të Arkivit Shtetëror Vendor Durrës dhe të
Arkivit Qëndror të Shtetit në Tiranë, ndihma e të cilëve në gjetjen, grumbullimin dhe
shërbimin e dokumentacionit të nevojshëm arkivor ka qenë e pakursyer.
Së fundi, shpreh mirënjohjen për familjen time, për fëmijët e mi të dashur Jonën
dhe Orin, veçanërisht për bashkëshorten Rozanën, e cila më ka inkurajuar, më ka falur
kohë dhe më ka ndihmuar në korrektimin e këtij punimi.
Çështja çame gjatë Luftës së Dytë Botërore Lorenc Agalliu
1
KAPITULLI PARË
KONFLIKTI ITALO-GREK DHE ÇËSHTJA ÇAME
1.1. “Shqipëria e Madhe” në fokus të politikës fashiste, prill 1939-maj 1940.
Për Italinë, çështja shqiptare ka qënë një problem i hershëm dhe ai lidhet pikërisht
me interesat italiane në rajonin e Ballkanit dhe më gjerë. Në prag të Luftës së Dytë
Botërore, çështja e shqiptarëve që banonin në trojet e lëna jashtë shtetit shqiptar, si dhe
ajo çame në veçanti, morën përmasa të tjera, e kjo falë interesave të diplomacisë italiane
për rajonin. Tashmë në planet e diplomacisë italiane, çështja e shqiptarëve që ndodheshin
në Jugosllavi dhe Greqi u vu në rend të ditës. Faktorët fashistë italianë në Tiranë, me në
krye mëkëmbësin e mbretit Francesko Jakomonin, që në fillim të vitit 1939 adoptuan ide
të reja mbi nacionalizmin shqiptar. Idetë e importuara prej Italisë fashiste mbi
irredentizmin patriotik shqiptar, u përdorën prej italianëve si maja e heshtës së presioneve
ndaj shteteve fqinjë të Shqipërisë. Pikërisht për këtë qëllim, nga Ministria e Punëve të
Jashtme të Italisë u ngrit një zyrë e posaçme, e cila do të merrej me çështjen e
irredentizmit të shqiptarëve.1
Duke shfrytëzuar dëshirën e shqiptarëve për të qenë nën një shtet të vetëm,
Jakomoni njoftonte ministrin e jashtëm italian Çiano se, “pala shqiptare kishte kohë që i
kërkonte ndihmë Italisë fashiste për të realizuar këtë qëllim”.2 Në njoftimin e tij të datës
21 mars 1939, një ditë pas bisedës me mbretin Zog, Jakomoni njoftonte se; “Zogu, duke
parë me admirim atë ç’ka bëri Gjermania me Çekosllovakinë, u shpreh se erdhi koha të
realizojmë dhe ne shqiptarët ëndrrën tonë, të pushtojmë Kosovën”. 3 Madje sipas
Jakomonit, Zogu ishte treguar i gatshëm që me ushtrinë e tij të ndihmonte trupat italiane
në rast të një sulmi kundër Jugosllavisë.4
Nëse në bisedën e tij me Jakomonin, mbreti Zog i kishte përmendur atij çështjen e
popullsisë shqiptare në Jugosllavi, ai për asnjë moment nuk kishte menduar për një
ndërhyrje ushtarake qoftë dhe përkrah një fuqie të madhe Evropiane për të sulmuar
Greqinë. Zogu për asnjë moment nuk kishte menduar seriozisht për të mbështetur Italinë
në një sulm ndaj Greqisë, me qëllim bashkimin e tokave të banuara nga shqiptarët. Lidhur
me këtë qëndrim të Zogut, autori B.J. Fischer argumenton se, Zogu për një mori arsyesh
nuk kishte ndjekur kurrë një politikë irredentiste ndaj vendeve fqinje.5
Nga hulumtimet tona të kryera kryesisht në arkivat shqiptarë, në asnjë
korespodencë zyrtare të kohës dhe në ndonjë dokument arkivor nuk gjendet asnjë
1 Galeazzo Ciano, Ditari 1937-1943; Shqipëria, (Tiranë, Albinform, 1994), 50. Shënimi është bërë në
datën, 17 qershor 1939. 2 DDI, Serie 8 Vol.XI, dok.364. Njoftim i Jakomonit për Ministrin e Jashtëm Çiano rreth bisedës së tij me
mbretin Zog. 3 Po aty. 4 Po aty. 5 Bernd J. Fischer, Shqipëria gjatë Luftës, 1939-1945, (Tiranë, Çabej, 1999), 107.
Çështja çame gjatë Luftës së Dytë Botërore Lorenc Agalliu
2
informacion lidhur me rivendikimet shqiptare për çështjen e shqiptarëve të Çamërisë
gjatë gjithë mbretërimit të mbretit Zog. Një gjë e tillë pohohet nga vetë përfaqësuesi grek
në Londër Simopulos, i cili në atë periudhë kishte refuzuar Çianon dhe shpjegimet e tij
lidhur gjoja me planin e Ahmet Zogut për të sulmuar Jugosllavinë dhe se Shqipëria në
këtë sipërmarrje do të kërkonte mbështetjen e trupave italiane.6
Me pushtimin e Shqipërisë nga Italia fashiste në 7 prill 1939, mori fund dhe
ekzistenca e shtetit të pavarur shqiptar. Në kuadër të bashkimit të dy kurorave, qeveria
italiane suprimoi Ministrinë e Punëve të Jashtme të Shqipërisë dhe tashmë funksionin e
saj dhe mbrojtjen e të drejtave të qytetarëve shqiptarë jashtë trojeve do ta kryente
Ministria e Jashtme italiane. Për Italinë fashiste dhe nacionalistët shqiptarë, situata në
rajon ndryshoi që në kohën kur Italia, me “bujari” pranoi kërkesën e Shqipërisë për
bashkimin e kurorave me Perandorinë e lavdishme romake. Pas këtij gjesti, Italia siguroi
të gjithë të drejtat juridike e politike për të marrë në dorë zgjidhjen e çështjes kombëtare
shqiptare. Me bashkimin e dy kurorave, Italia siguroi të drejtën jo vetëm të ruante
integritetin territorial të Shqipërisë, por edhe të siguronte respektimin e të drejtave të
minoritetit shqiptar në Jugosllavi e Greqi. Në këtë mënyrë, Italia mori në dorë fatin e
popullsisë shqiptare të Çamërisë, që ndodhej brenda territorit të shtetit grek.7
Sipas pikëpamjes fashiste, kjo politikë e jashtme e Italisë në favor të shqiptarëve
duhej t’u bëhej e ditur vendeve të tilla si Jugosllavia e Greqia, vende ku gjendeshin pjesë
të konsiderueshme të minoritetit shqiptar. “Pas një viti e gjysmë eksperience të bashkimit
italo-shqiptar,- shkruante në artikullin e saj gazeta fashiste “Tomori”,- shumë figura të
politikës ballkanase ende nuk e kanë marrë seriozisht këtë bashkim dhe se, tashmë mori
fund njëherë e përgjithmonë shtypja e minoritetit shqiptar deri në mënyrë ekstreme”.8 Më
shumë se sa një thirrje drejtuar shteteve fqinjë të Shqipërisë, kjo deklaratë kuptohet qartë
se ishte një thirrje drejtuar Metaksait, me të cilin qeveria e Romës dhe vet Duçe tashmë
kishin një llogari të hapur.
Shumë shpejt që pas pushtimit të Shqipërisë, vetë italianët filluan t’i hedhin
benzinë zjarrit irredentist shqiptar, tashmë të ndezur. Pasi e panë se dështuan në
përpjekjet e tyre për të bërë për vete shqiptarët, duke vënë në zbatim projekte të zhvillimit
ekonomik e social në Shqipëri, italianët menduan se, duke i përkrahur shqiptarët në
rrugën irredentiste, do të kishin mirëkuptimin dhe mbështetjen e tyre. Në këtë mënyrë,
fatet italiane për pushtimin e mëtejshëm të Ballkanit përputheshin me dëshirën e
shqiptarëve për të bashkuar trojet e lëna jashtë shtetit shqiptar nga Konferenca e Londrës.
Fashistët italianë në Romë dhe Tiranë nisën një fushatë propaganduese të
shfrenuar, qëllimi i së cilës ishte mbajtja lartë e shpirtit irredentist të shqiptarëve. Duke
trumbetuar me të madhe idenë për krijimin e një “Shqipërie të Madhe”, gjatë fjalës së
mbajtur në 13 prill 1939, drejtuar shtabit të Ministrisë së Punëve të Jashtme shqiptare,
Çiano ndër të tjera kishte përmendur faktin se, “Italia dëshiron zmadhimin e kufijve të
Shqipërisë dhe se Italia fashiste do ta ndihmonte atë për realizimin e kësaj aspirate
kombëtare”.9 Po këtë muaj, në datën 16 prill Pierro Badolio vizitoi Shqipërinë për të
verifikuar nga afër situatën politike e sociale pas pushtimit italian. Në raportin e
6 Bernd J. Fischer, Mbreti Zog dhe përpjekja e tij për stabilitet në Shqipëri, (Tiranë, Çabej, 2004), 302. 7 Gazeta “Tomori”, Tiranë, datë, 13 gusht 1940. 8 Po aty. 9 Fischer, Shqipëria gjatë Luftës.., 108.
Çështja çame gjatë Luftës së Dytë Botërore Lorenc Agalliu
3
përgatitur për Ministrinë Jashtme italiane, përveçse vuri në dukje rëndësinë strategjike që
kishte patur pushtimi i Shqipërisë për ekspansionin italian në Ballkan dhe Mesdhe, zyrtari
i lartë italian evidentonte qartë problemin e irredentizmit të shqiptarëve që jetonin jashtë
kufijve shtetërorë.10
Rreth kësaj propagande dhe shqetësimit të ngritur në vendet fqinje, ministri i
jashtëm shqiptar Xhemil Dino në një takim që pati nga mesi i muajit prill me
ambasadorin amerikan në Tiranë Grant, i shpjegoi këtij të fundit se, me këto veprime
Italia synonte të kënaqte shqiptarët e shqetësuar për fatin e vëllezërve jashtë kufijve të
Shqipërisë.11 Sipas fashistëve italianë, “Shqipëria e Madhe” duhej të bëhej apogjeu i
irredentizmit të shqiptarëve e njëkohësisht një instrument në dorën e tyre për të krijuar
“rendin e ri”, i cili do të fillonte pikërisht nga Shqipëria. Ky rend i ri mendohej të
ndërtohej mbi principet nacionaliste në Ballkan dhe synonte të përfshinte përveç
shqiptarëve dhe kroatët në Jugosllavi e vllehët në Greqinë veriore.12 Sipas italianëve
“Shqipëria e Madhe” do të përfshinte të gjitha ato territore që kufizoheshin me
Shqipërinë dhe ku popullsia e këtyre territoreve në shumicë ishte me origjinë shqiptare.
Përveçse një dominim italian, “Shqipëria e Madhe” do të shërbente dhe si një barrierë
kundër një ekspansioni të mundshëm gjerman në Ballkan dhe Mesdhe.13
Italia kishte studjuar gjithë mundësitë e bashkimit të trojeve të Kosovës dhe
Çamërisë me shtetit shqiptar. Këto përpjekje diplomatike të Italisë kishin shqetësuar
mjaft shtetet fqinje të Shqipërisë, Greqinë dhe Jugosllavinë, të cilat nxituan t’i kërkonin
garanci Italisë. Për nxitjen e shqiptarëve të Kosovës, Çiano kishte afruar të
bashkëpunonte ish ministrin shqiptar në Beograd Tahir Shtylla, të cilin kërkonte ta
shfrytëzonte për aftësitë dhe njohuritë e tij mbi këtë çështje.14 Çiano bisedoi me Shtyllën
një ditë më parë se ministri i jashtëm italian të takonte diplomatin serb, Markoviç. Gjatë
takimit, të cilin Çiano e kishte kërkuar për t’u informuar rreth gjendjes së shqiptarëve në
Kosovë, Shtylla i kishte treguar ministrit italian se, në Jugosllavi gjendeshin mbi 850.000
shqiptarë të gatshëm për të mbështetur çdo inisiativë të italianëve për të bashkuar
Kosovën me Shqipërinë. Një informacion i tillë e kishte bërë Çianon entuziast për forcën
fizike që përfaqësonin shqiptarët e Kosovës.15 Dhe si për të ndarë të njëjtin opinion me
bashkëbiseduesin e tij shqiptar, Çiano po atë ditë kishte shënuar në ditarin e tij se,
“Shqiptarët janë të terrorizuar nga serbët. Sot nuk duhet krijuar përshtypja se ky problem
ka tërhequr vëmendjen tonë. Përkundrazi, duhen kloroformizuar jugosllavët dhe në
vazhdim duhet adoptuar një politikë e gjallë interesash për Kosovën”.16
Në rrjedhën e këtyre ngjarjeve, gjatë bisedës së Çianos me ministrin e jashtëm
jugosllav Gjincar Markoviç, të zhvilluar në Venecia në 22 dhe 23 prill 1939, ministri i
jashtëm italian e siguronte homologun serb se, Italia nuk kishte kurrfarë interesi për 10 Donato Martuçi, Le terre albanesi irredente; La Çiamuria tra irredentismo Albanese e propaganda
fascista. Universiteti Salentos, Revista Plaver, Vol.3. (2014), 147. 11 Ilir Ikonomi, Faik Konica, Jeta në Uashington, (Tiranë, Onufri, 2011), 216. Raport i ministrit amerikan
në Shqipëri për Sekretarin e Shtetit, Tiranë, 20 prill 1939. 12 Luca Micheleta, Il sostegno alla Grande Albania: il caso del Kosovo, in “L’Occupazione italiano della
Jugoslavia 1941-1943”. (Firenze, Le Lettere, 2009), 260. 13 Martuçi, Le terre albanesi irredente; La Çiamuria tra irredentismo.., 148. 14 Ciano, Ditari.., 50. Shënimi është bërë në datën, 17 qershor 1939. 15 Fischer, Shqipëria gjatë Luftës.., 107. 16 DDI, Serie 8, Vol.XI, dok.593. Shënimi në ditarin e Çianos është bërë në datë 22 prill 1939.
Çështja çame gjatë Luftës së Dytë Botërore Lorenc Agalliu
4
popullsinë shqiptare që ndodhet jashtë trojeve të Shqipërisë.17 Dhe po atë ditë Çiano,
duke iu referuar “Shqipërisë së Madhe”, do të shënonte në ditarin e tij se; “Ja vlen të
mbahet gjallë një problem irredentist në Ballkan, i cili do të polarizojë vëmendjen e
shqiptarëve e të përfaqësojë një thikë pas shpine për Jugosllavinë”.18
Paralelisht me sigurinë që iu jepej Greqisë dhe Jugosllavisë, Musolini ishte i
përpirë nga ideja për të nxitur ndjenjat irredentiste të shqiptarëve në këto vende, si dhe të
kroatëve në Jugosllavi. Lidhur me nxitjen e shqiptarëve të Kosovës për të kërkuar
shkëputjen e tyre dhe bashkimin me Shqipërinë, Çiano do të shënonte në datën 26 maj të
vitit 1939 se, “Mendoj të organizoj më mirë shqiptarët e Kosovës, që mund të
përfaqësojnë një thikë në shpinën e Beogradit”.19
Për të patur një panoramë sa më të qartë të situatës në të cilën gjendeshin
shqiptarët në Kosovë dhe Çamëri, Çiano thirri në Romë në fillim të qershorit 1939,
Jakomonin dhe Zenone Beninin. Përveç zyrtarëve italianë në takimin e datës 2 qershor të
pranishëm ishin dhe dy nacionalistë shqiptarë, Nebil Dino dhe Tahir Shtylla.20 Nebil
Dino ishte thirrur në Romë për të raportuar mbi gjendjen e minoritetit çam në Greqi,
ndërsa Shtylla do të informonte rreth situatës së shqiptarëve në Kosovë.
Këto lëvizje të diplomacisë italiane shkaktuan reagime te shtetet ballkanike dhe
më gjerë. Për të qetësuar situatën, e cila rrezikonte të dilte jashtë kontrollit, më 10 qershor
1939, gjatë një fjalimi të mbajtur në Pallatin “Venecia”, Musolini premtoi se Italia dhe ai
nuk dëshironin të tërhiqnin në luftë popuj të tjerë kufitarë me Italinë, si nga deti ashtu dhe
nga toka. “Zvicra, Jugosllavia, Turqia dhe Greqia,- deklaronte Musolini,- le të kenë
besim në këto fjalët e mia, nëse do t’i vertetojë koha, plotësisht”.21 Të njëjtën garanci
shefi i diplomacisë italiane Çiano, i kishte dhënë homologut të tij britanik, teksa i
deklaronte një ditë pas pushtimit të Shqipërisë se; “Dy vendet fqinjë me Shqipërinë, si
Jugosllavia ashtu dhe Greqia mund të rrinë fare të qeta pasi Italia nuk ka ndërmend as
tani e as në të ardhmen t’i kërcënojë”.22
Përsa u përket marrëdhënieve me Greqinë, gjatë epokës fashiste të Metaksait,
fryma e “mirëkuptimit” dhe e “bashkëpunimit” midis Greqisë dhe Italisë u rrit në nivelet
më të larta. Me servilizëm, Metaksai në emër të popullit grek do t’a çmonte lartë figurën
e Musolinit, duke e cilësuar Duçen si “mbrojtës të paqes në botë”, e ndërsa premtonte se
edhe ai vet, ashtu si Duçja, “do të kontribuonte në përmirësimin e paqes dhe për forcimin
e marrëdhënieve midis dy vendeve”.23 Madje, nëpërmjet ambasadorit italian në Athinë,
Metaksai i kishte kërkuar Musolinit, që në emër të kësaj paqeje, të dy vendet të merrnin
vendimin për çmobilizimin e trupave greke e italiane që ndodheshin në kufirin midis
Greqisë dhe Shqipërisë.24
17 Po aty. 18 Po aty. 19 Ciano, Ditari.., 48. Shënimi është bërë në datën 26 maj 1939. 20 Luca Micheletta, La resa dei conti; Il Kosovo, l’Italia e la dissoluzione della Jugoslavia 1939-1941,
(Romë, Edizioni Nuova Cultura, 2008), 56. 21 Francesko Jakomoni, Politika e Italisë në Shqipëri, (Tiranë, 55, 2005).., 234. 22 DDI, Serie 8, Vol.XI, dok.598. Njoftim i ambasadorit italian në Londër Crola për Çianon, lidhur me
bisedën që kishte patur me ministrin e jashtëm britanik Halifax. Londër 8 prill 1939. 23 DDI, Seria 8, vol. XI, 1935-1939, dok. nr. 521, fq.610. 24 Po aty., Seria 9, vol. II, 1939-1943, dok. nr.534. Raport i Grazzit për Çianon, Athinë, 22 dhjetor 1939.
Çështja çame gjatë Luftës së Dytë Botërore Lorenc Agalliu
5
Më i dukshëm, afrimiteti midis dy shteteve me orientim të qartë fashist, u vu re
kur Greqia pranoi kushtet e Italisë për ndalimin e aktiviteteve politike të Ahmet Zogut, të
larguar nga Shqipëria pas pushtimit italian të 7 prillit të vitit 1939. Këtë fakt e pranon
vetë i dërguari italian me punë në Athinë, Emanuele Grazzi (Graci), i cili i kënaqur nga
reagimi i qeverisë greke ndaj mbretit të shqiptarëve, pranon se, “qëndrimi i Athinës është
jo vetëm korrekt, por edhe miqësor”.25
Por miqësia midis dy vendeve fashiste shumë shpejt do të prishej. Metaksai filloi
të nuhaste synimet ekspansioniste të Italisë kundër interesave greke, dhe për këtë ai
protestoi pranë ambasadorit italian në Athinë Grazzit në maj të vitit 1939, lidhur me
shtimin dhe forcimin e trupave ushtarake italiane në kufirin shqiptaro-grek.26 Shqetësimi
tij mori një përgjigje miqësore nga Italia, e cila u justifikua me arsyetimin se, këto trupa
ishin vendosur në kufirin jugor të Shqipërisë vetëm për arsye operacionale dhe s’kishin të
bënin aspak me kërcënimet ndaj një vendi mik e fashist siç ishte Greqia.27
Pa kurrëfarë takti dhe e shprehur në mënyrë të shfrenuar, shpesh herë propaganda
italiane mbi çështjet kombëtare shqiptare rrezikonte të dilte jashtë kornizave të
parshikuara nga diplomacia e saj. Nën vijën politike fashiste, mareshalli italian Badolio
gjatë një takimi në Shqipëri në gjysmën e dytë të muajit qershor 1939, kishte folur para
njerëzve dhe u kishte premtuar për zgjerimin e kufijve të Shqipërisë.28 Po atë muaj, gjatë
një fjalimi të mbajtur në qytetin e Korçës, Ministri Arsimit në qeverinë italiane Xhuzepe
Botai, duke bërë një paralelizëm midis Shqipërisë me Piemontin, theksonte se, “nën
mbrojtjen e Italisë fashiste, Shqipëria brenda një harku kohor prej dy apo tre vjetëve
duhet të zgjerojë kufijtë e saj etnik”.29
Pavarësisht shqetësimit të vendeve ballkanike në drejtim të politikës dhe
synimeve të Italisë fashiste në rajon, zyrtarët e lartë fashistë në Romë vazhdonin të
nxisnin shqiptarët në rrugën e çështjes kombëtare. Duke iu referuar problemit të
shqiptarëve jashtë trojeve të shtetit shqiptar, në qershor të vitit 1939, Çiano do të
shënonte në ditarin e tij se; “Duçja e konsideron çështjen e irredentizmit si kandil në fund
të korridorit, i cili në të ardhmen duhet të shkëlqejë për të mbajtur lart shpirtin kombëtar
të shqiptarëve”.30 Po atë ditë, duke vazhduar më tej lidhur me ekspozimin e synimeve
fashiste në Shqipëri dhe rajon, ministri i jashtëm italian shënonte se, “Duçja dhe unë kemi
ngritur problemin e irredentizmit të Kosovës dhe Çamërisë”.31
Ashtu siç deklaronte ministri i jashtëm italian, planet për nxitjen e shqiptarëve
drejt rrugës së irredentizmit po ecnin përpara. Që në muajin korrik të vitit 1939, Çiano i
kërkoi Ernest Koliqit, ministër i Arsimit në qeverinë shqiptare që të përgatiste një
program të mirëfilltë, me qëllim orientimin e irridentizmit dhe futjen e tij në rrugën e
duhur. Për realizimin e këtij projekti, Çiano urdhëroi ngritjen e një zyre të posaçme nën
25 Emanuele Grazzi, Il Principio della fine, L’impresa di Grecia, (Romë, 1945), 45. 26 DDI, Seria 8, Vol.XI, dok.652, fq.756. Telegram i ministrit italian në Athinë Emanuele Grazzi për
Çianon, datë 6 maj 1939. 27 Po aty., dok.669, fq.778, Telegram i Ministrit të Jashtëm italian Çiano për Emanuele Grazzi, datë 8 maj
1939. 28 PRO/FO, 371/23715 R5416/1335/90, Njoftim i A. Ryan për Foreign Ofiçe, Durrës, 24 qershor 1939. 29 Fischer, Shqipëria gjatë luftës.., 108. 30 Ciano, Ditari.., 50. Shënimi është bërë në datën 3 qershor 1939. 31 Po aty.
Çështja çame gjatë Luftës së Dytë Botërore Lorenc Agalliu
6
varësinë e drejtëpërdrejtë të ministrit Koliqi. E cila do të merrej në veçanti me çështjet e
shqiptarëve jashtë trojeve.32 Sipas planit të hartuar nga Çiano, pikat kryesore në të cilat
do të mbështetej strategjia e përpunimit të propagandës irredentiste kishin të bënin me
zhvillimin e saj në tri faza. Në fazën e parë vëmendje e veçantë do t’i kushtohej përhapjes
së propagandës nacionaliste në vendet ku gjendeshin minoritete shqiptare, kryesisht në
Greqi, Jugosllavi, Rumani, Bullgari, Turqi, Egjypt, SHBA, etj.
Faza e dytë kishte të bënte me grumbullimin, botimin dhe shpërndarjen e librave
dhe materialeve me përmbajtje etnike kryesisht te shqiptarët e fesë muslimane që
ndodheshin në Kosovë dhe Çamëri. Faza e tretë, sipas orientimeve të Çianos, kishte të
bënte me krijimin e çetave të armatosura me shqiptarë, të cilët në rast trazirash do të
mbëteteshin dhe nga milicia italiane. Për realizimin me sukses të këtij projekti Çiano
këmbëngulte në një propagandë intensive, ku theksi do të vihej mbi kulturën dhe fenë,
propagandë në të cilën të theksohej rritja e mirëqënies së popullit shqiptar nën
mbretërimin italian, si dhe krijimin i një organizate të fshehtë ushtarake, e cila do të ishte
e gatshme në momentin kur do të shpërthente kriza jugosllave.33
Gjithashtu projekti synonte ngritjen dhe organizimin e qendrave propagandistike
në ato shtete evropiane, ku emigracioni shqiptar ishte i fuqishëm, e nga ku nëpërmjet tyre
do të mund të depërtohej në Kosovë dhe Çamëri. Sipas këtij projekti, synohej që
nëpërmjet qendrave propagandistike që do të ngriheshin në këto shtete, të mund të
depërtonte me anë të propagandës irredentiste në Kosovë dhe Çamëri. Sipas hartuesve të
këtij projekti, për zhvillimin e propagandës kërkohej një mbështetje e madhe financiare, e
cila kapte shifrën rreth 1 milion franga shqiptare në vit, para këto që do të
suvensionoheshin nga buxheti i qeverisë italiane për zyrën e posaçme në Tiranë.34
Sipas llogaritjeve të bëra nga zyrtarët fashistë, rreth 500 000 franga shqiptare nga
shuma e caktuar, duhet të konvertoheshin në valutë për t’u përdorur më pas nën
përgjegjësinë direkte të Ernest Koliqit, duke u shpërndarë ndër propagandistë shqiptarë
dhe italianë në Greqi dhe Jugosllavi.35
Jakomoni e kishte bindur Çianon se, dëshira më e madhe e shqiptarëve ishte që,
një ditë ata të shihnin të bashkuar pikërisht Kosovën me Shqipërinë dhe se sipas tij, për
momentin Çamëria qëndronte në plan të dytë.36 Edhe për qeverinë kuislinge shqiptare,
çështja e Çamërisë dhe e shqiptarëve në Greqi kishte më pak përparësi se ajo e
shqiptarëve në Kosovë. Në këtë mënyrë, energjitë diplomatike duheshin harxhuar për
zgjidhjen afatgjate të kësaj çështjeje. Si rrjedhojë e kësaj politike, Jakomoni u kishte
sugjeruar eprorëve të tij në Romë se, kërkesat e shqiptarëve ishin veçanërisht ato që
kishin për objekt çështjen e Kosovës dhe jo Çamërinë.37
Por për Italinë problemi i shqiptarëve të Kosovës mbetej gjithnjë një problem
paksa i vështirë, për shkak të marrëdhënieve të saj më Jugosllavinë si dhe të interesave të
drejtëpërdrejta gjermane në këtë rajon. Kështu që për Italinë fashiste, e vetmja mundësi
fitimprurëse në aspektin politik ishte çështja e shqiptarëve të Çamërisë që gjendeshin në
32 Micheletta, La resa dei conti: Il Kosovo, L’ Italia e la dissoluzione…,34. 33 Fischer ,Shqipëria gjatë luftës.., 108. 34 Micheletta, La resa dei conti: Il Kosovo…,34-35. 35 Po aty. 36 Jakomoni, Politika e Italisë…, 233. 37 Po aty.
Çështja çame gjatë Luftës së Dytë Botërore Lorenc Agalliu
7
shtetin grek. Në këtë mënyrë të gjitha energjitë dhe burimet e diplomacisë së jashtme
italiane u investuan në zgjidhjen e çështjes së shqiptarëve çamë në Greqi. Edhe Çiano
këmbëngulte se, marrëdhëniet tepër miqësore që kishte për momentin Italia me
Jugosllavinë, nuk lejonin realizimin e një projekti të tillë dhe në këtë mënyrë “shqiptarët
duhej që hë për hë, t’i kufizonin kërkesat e tyre në drejtim të Çamërisë”.38
Propaganda u bë mjeti kryesor për shpërndarjen e ideve irredentiste të shqiptarëve
për bashkimin e Çamërisë me Shqipërinë. Nëpërmjet propagandës në formë të fshehtë
apo të hapur, Italia i referohej së vërtetës historike të hidhur të shqiptarëve, të cilët prej
gabimeve të diplomacisë evropiane kishin humbur gati gjysmën e territorit. Jakomoni e
trajtonte çështjen e Çamërisë, si një ndreqje gabimesh nga ana e Italisë në favor të
shqiptarëve, gabime këto të bëra që nga Konferenca e Ambasadorëve në Londër. 39
Fashistët italianë i bënin analogji të gjatë mëkateve të grekëve ndaj shqiptarëve, duke
filluar që nga Kongresi i Berlinit, Konferenca e Ambasadorëve në Londër, Traktati i
Lozanës.
Duke analizuar përpjekjet e shqiptarëve për bashkimin me Shqipërinë, Çiano
shprehet se, “Përpjekjet greke për të shkombëtarizuar këtë popullsi (çame) janë ndeshur
gjithnjë me vullnetin e saj për t’u bashkuar me mëmëdheun”. 40 Me anë të kësaj
propagande, italianët synonin të zgjonin tek shqiptarët ndjenjën kombëtare për të vepruar
tani që po u jepej rasti me ndihmën e një fuqie të madhe siç ishte Italia. Duke realizuar
këtë aspiratë kombëtare të shqiptarëve, fashistët italianë kishin si qëllim të nxisnin
shqiptarët që të bënin sakrifica të mëdha në emër të irredentizmit, duke iu bashkuar
ushtrisë pushtuese italiane.
Drejtuesit italianë të partisë fashiste në Tiranë i përshkallëzuan që në mundësinë e
parë problemet që lidheshin me çështjen e minoriteteve shqiptare në Jugosllavi dhe
Greqi. Ambicioze në arritjen e synimeve të reja strategjike, problemin e çështjes çame,
Italia e inkuadroi thellë në diplomacinë e saj. Gradualisht një problem që deri tani kishte
qënë vetëm çështje ndërmjet Shqipërisë dhe Greqisë, në saj të “kontributit” të
diplomacisë italiane po merrte përmasa ndërkombëtare. Gjatë bisedave të shpeshta me
personalitete të ndryshëm të politikës shqiptare, Çiano u kishte bërë premtime të mëdha
atyre, duke i bindur se, Italia do të realizonte dëshirën e shqiptarëve për bashkimin e
Kosovës dhe Çamërisë me Shqipërinë.
Qëllimi i Çianos ishte angazhimi i drejtëpërdrejtë i shqiptarëve në çështjen
irredentiste, e po ashtu të krijonte idenë në arenën ndërkombëtare se, çështja e bashkimit
të Shqipërisë me trojet jashtë atdheut ishte një kërkesë e natyrshme e vetë shqiptarëve
drejtuar Italisë. Për një periudhë kohe, manovrat e diplomacisë italiane rezultuan të
suksesshme dhe ato arritën të siguronin një farë mbështetje te shqiptarët, e kryesisht te
eksponentë të lartë fashistë në Tiranë. Në fjalën e mirëseardhjes së ministrit të jashtëm
italian në gusht 1939, Prefekti i Tiranës u shpreh se, “dëshira e tij dhe e gjithë shqiptarëve
ishte krijimi i një Shqipërie më të madhe përmes ndihmës së perandorisë fashiste”.41
Në 11 gusht 1939, pa humbur kohë Musolini urdhëroi që të informohej rregullisht
mbi situatën në Çamëri dhe gjendjen e popullsisë shqiptare atje. Në lidhje me këtë Çiano
38 Po aty. 39 Puto, Lufta italo-greke…,42. 40 DDI, Seria 9, Vol. V. dok.nr.429, fq.411. 41 Fischer, Shqipëria gjatë Luftës, 108-109.
Çështja çame gjatë Luftës së Dytë Botërore Lorenc Agalliu
8
shënonte në ditarin e tij se, “Musolini flet përsëri për çështjen greke e kërkon të dijë
hollësi mbi Çamërinë. Ka përgatitur një farë Stefani (Armando Stefani, student, shënimi
ynë) për të nxitur problemin”.42 Studenti i ri, me nxitjen e agjentëve italianë botoi në
muajin tetor 1939, një artikull mjaft të ashpër në gazetën Fashizmi. Në këtë artikull
dënohej ashpër politika e ndjekur deri tani e Greqisë dhe Jugosllavisë ndaj shqiptarëve.
Nëpërmjet këtij shkrimi, autori ngrinte lartë rolin e Italisë fashiste në mbështetjen e
kërkesave irredentiste të shqiptarëve të cilët kërkonin bashkimin e krahinave të Kosovës
dhe Çamërisë.43
Shtete fqinjë të Shqipërisë u ndien të kërcënuara nga lajmet në gazetë dhe
protestuan ashpër te drejtori i përgjithshëm italian i propagandës dhe turizmit, i cili mohoi
të kishte përgjegjësi, duke premtuar në të njëjtën kohë se, autori i këtij artikulli tani e tutje
do të ishte në mbikqyrje të plotë.44 Pothuajse të gjitha vizitat e ministrit të jashtëm italian
Çiano në Shqipëri pas pushtimit, shoqëroheshin me manifestime “spontane” të popullsisë
shqiptare të organizuara prej propagandistëve italianë. Pjesëmarrësit në mitingje, mes tyre
dhe agjentë italianë të fashizmit, mbanin në duar parrulla dhe harta të cilat tregonin
“Shqipërinë e Madhe”, të projektuar nga italianët, si dhe thërrisnin të entuziazmuar
“Rroftë Kosova” e “Rroftë Çamëria”.45
Në pranverën e vitit 1940, propaganda italiane për mbështetjen e çështjes së
shqiptarëve çamë në Greqi u bë dhe më e dendur. Sipas autorit B. Fischer, këto referenca
të herëpashershme ndaj shqiptarëve jashtë kufinjve, u intesifikuan sidomos kur Musolini
nisi të piqte mendimin rreth ndërmarrjes së veprimeve të mëtejshme ushtarake në
Ballkan.46 Megjithatë politika italiane që nga mesi i marsit 1940, e deri në ditën e sulmit
kundër Greqisë ishte e dyzuar midis kërkesave të nacionalistëve shqiptarë për aneksimi e
Çamërisë dhe ndjekjen e një kursi të moderuar poltitik për të trajtuar kërkesat e pakicës
shqiptare në Greqi në kuadrin e marrëdhënieve dypalëshe me shtetin grek. Në një
promemorje të Jakomonit dërguar Çianos, në 16 mars 1940, Mëkëmbësi i mbretit në
Tiranë i tërhiqte vëmendjen eprorit të tij se, Italia duhet të tregonte më tepër përkujdesje
ndaj pakicës muslimane shqiptare në Epir.47
Përpjekjet e Çianos për nxitjen e irredentizmit shqiptar, krahas synimeve
strategjike në rajon, kishin për qëllim justifikimin e pushtimit të Shqipërisë, si dhe
shmangien e një reagimi të mundshëm të brendshëm nga ana e shqiptarëve kundër
trupave italiane. Në mesin e muajit maj, Çiano kreu një tjetër vizitë në Shqipëri, qëllimi i
së cilës ishte tërësisht propagandistike dhe në shërbim të çështjes së irredentizmit të
shqiptarëve. Vizita e tij e përgatitur ditë më parë u përqëndrua në shpalosjen e
banderolave dhe fotove të shumta që tregonin kërkesat e shqiptarëve drejtuar Italisë
fashiste për bashkimin e trojeve shqiptare.
42 Ciano, Ditari.., 61-62. Shënimi është bërë në datën, 11 gusht 1939. 43 PRO/FO, 371/23715 R6625/1335/90, Durrës, Gamble, 20 gusht 1939, Cituar sipas Fischer, Shqipëria
gjatë luftës, 109. 44 Fischer, Shqipëria gjatë luftës.., 109. 45 Ciano, Ditari.., 60. 46 Fischer, Shqipëria gjatë luftës..,109. 47 ASMAE. Nënsekretariati i Shtetit për Çështjen Shqiptare (SSAA) b, 80b.80. Promemorie e Jakomonit për
Çianon, 16 mars 1940.
Çështja çame gjatë Luftës së Dytë Botërore Lorenc Agalliu
9
Vetë Çiano nuk kishte asnjë kundërshtim rreth politikës për përkrahjen e
kërkesave të nacionalistëve shqiptarë për bashkimin e Çamërisë me Shqipërinë. Madje ai
ishte një nga nxitësit kryesorë të irredentizmit shqiptar. Po këtë muaj, Çiano do të
shënonte në ditarin e tij se, “shqiptarët janë hedhur në rrugën e ndërhyrjes; duan Kosovën
dhe Çamërinë. Për ne është e lehtë të rritim popullaritetin tonë, duke u bërë eksponentë të
nacionalizmit shqiptar”.48
Pavarësisht propagandës së madhe të fashistëve italianë për bashkimin e të gjithë
shqiptarëve nën një shtet të vetëm, gjatë kësaj periudhe nuk u hartua ndonjë projekt
konkret, si nga qeveria kuislinge shqiptare ashtu dhe nga fashistët italianë lidhur me
kufijtë e “Shqipërisë së Madhe”. Të gjitha këto përpjekje deri para fillimit të konfliktit të
armatosur italo-grek mbetën në kuadër të propagandës dhe që kishin si synim tërheqjen e
shqiptarëve në luftë kundër shteteve fqinjë, Greqisë dhe Jugosllavisë. Vetëm pas
pushtimit të Greqisë nga forcat ushtarake të Boshtit, Italia fashiste në kuadër të
premtimeve që iu kishte bërë shqiptarëve si dhe për të zgjeruar territoret e pushtuara prej
saj, hartoi plane konkrete për zgjerimin e kufijve të Shqipërisë, kufij të cilët përfshinin të
gjithë ato territore të lëna jashtë shtetit shqiptar nga vendimet e marra në Konferencën e
Ambasadorëve në Londër dhe Paris.
48 Ciano, Ditari.., 60.
Çështja çame gjatë Luftës së Dytë Botërore Lorenc Agalliu
10
1.2. Propaganda italiane për nxitjen e irredentizmit në Çamëri, Shqipëri, e
diasporë.
Në vitet 1939-1940, Akademia e Romës dhe institucionet shqiptare u përqëndruan
në grumbullimin dhe publikimin e të dhënave historike, të cilat hidhnin dritë mbi ngjarjet
rreth shqiptarëve në Çamëri dhe Kosovë.49 Për të argumentuar qëndrimin fashist, autorë
të ndryshëm italianë të vënë në shërbim të synimeve ekspansioniste në Ballkan, filluan
mbledhjet e fakteve historike për Çamërinë dhe shqiptarët e lënë jashtë trojeve nga
Konferenca e Ambasadorëve. Faktet të cilat përfshinin periudhat historike që nga
lashtësia, përpiqeshin të argumentonin se, Çamëria dhe Epiri kishin qënë krahina të
banuara prej shekujsh nga shqiptarët. Studiues italianë të epokës fashiste përgatitën një
material të gjerë historik, ku në fokus të tyre ishin çështjet e shqiptarëve jashtë trojeve, në
Kosovë dhe Çamëri. 50 Materialet e shumta historike që u mblodhën do të bëheshin
menjëherë publike pas rënies së Greqisë dhe Jugosllavisë dhe me arritjen e triumfit italo-
gjerman në gjithë Evropën. Vëllimi i parë i botimit, i cili i kushtohej çështjes së Kosovës
u botua në vitin 1942, ndërsa ai për Çamërinë nuk u arrit të botohej asnjëherë për shkak të
disfatës që në ditët e para të sulmit italian ndaj Greqisë.51
Pas konsolidimit të pushtimit italian në Shqipëri, fushata antigreke u bë dhe më e
fuqishme. Gjatë pranverës së vitit 1940, propaganda italiane për mbrojtjen e të drejtave të
shqiptarëve çamë në Greqi filloi të intesifikohej së tepërmi. Mëkëmbësi italian në Tiranë
Jakomoni, në mars 1940 njoftonte ministrin e tij të jashtëm se, shqiptarët e fesë ortodokse
në Greqi ishin asimiluar dhe se elementi musliman ishte dobësuar aq shumë sa që në
qendrat e Janinës dhe Prevezës, çdo gjurmë e shqiptarëve po zhdukej.52 Në promemorjen
e tij, Jakomoni këshillonte, që për zgjidhjen e kësaj situate në favor të pakicës shqiptare
në Greqi, politika italiane duhet të ndërmerte një sërë nismash me qëllim rritjen e
propagandës dhe të presionit ndaj qeverisë greke për eleminimin e pasojave në kurriz të
muslimanëve shqiptarë në Epir.
Sipas Jakomonit, me efikasitet do të ishte ngritja e një konsullate në Janinë, e cila
duhej të drejtohej nga një konsull italian dhe një shqiptar. Përfaqësuesi shqiptar në këtë
konsullatë do të bënte të mundur mbajtjen e kontakteve në mënyrë të veçantë me
muftinjtë çamë, si një mjet i mundshëm ndërmjetësimi për propagandë të efektshme në
masën e çamëve irredentë.53 Krahas kësaj, Jakomoni sugjeronte se, qeveria italiane duhej
të shtonte negociatat e saj me Greqinë për t’u dhënë mundësinë shqiptarëve të
arsimoheshin në shkollat shqipe. Jakomoni e përfundonte këtë raportim, duke theksuar
domosdoshmërinë e kësaj politike, pasi sipas tij,- “vetëm në këtë mënyrë, ne mund të
mbajmë ndonjë shenjë jete tonën qoftë dhe modeste në masën e çamëve, nëse nuk
49 AQSH, F.200,(Instituti i Studimeve Shqiptare) V.1940, D.34, fl.50-51. 50 Revista “Thyamis”, Botim i Institutit të Studimeve për Çamërinë, Nr.5. (Tiranë, tetor, 2013). 51 Po aty. 52 ASMAE, Nënsekretariati i Shtetit për Çështjen Shqiptare (SSAA) b, 80. Promemorie Jakomonit për
Çianon, 16 mars 1940. 53 Luca Micheletta, La questione di Ciamuria e l’attacco italiano alla Grecia del 28 ottobre 1940. Në
‘Clio”, viti XL, nr.3, korrik-shtator, (2004), 476-477.
Çështja çame gjatë Luftës së Dytë Botërore Lorenc Agalliu
11
dëshirojmë të braktisim çdo mundësi për të ardhmen e veprimeve irredentiste”.54 Pra,
sipas Jakomonit, programi irredentist në Çamëri duhej të mbështetej në këto dy pika
kryesore; hapja e një konsullate në Janinë dhe mbështetja e qeverisë italiane ndaj
kërkesave të shqiptarëve në Çamëri për çeljen e shkollave shqipe ku do të mësohej gjuha
shqipe.
Në kuadër të programit për nxitjen e irredentizmit në Çamëri në radhët e
shqiptarëve atje, qeveria fashiste në Romë nisi menjëherë nga puna për krijimin e një
konsullate në Janinë, e cila do të merrej me zgjidhjen e çështjeve të pakicës shqiptare në
krahinën e Çamërisë. Për arritjen e negociatave me Greqinë lidhur me çështjen e
shkollave shqipe për shqiptarët në Çamëri, qeveria italiane ia besoi këtë detyrë të
ngarkuarit me punë në Athinë, Emanuele Grazzit. Ambasadori italian, i cili pasi kishte
analizuar çështjen e shkollave shqipe në Çamëri dhe fshtarat e saj, e konsideronte të
mjaftueshme ekzistencën e shkollave shqiptare në 6 fshatra të Çamërisë.55 Sipas Grazzit,
intensifikimi i veprës fashiste nuk do të mungonte të ngjallte shqetësime të mëdha dhe se
për të realizuar qëllimet e tyre, italianët duhej të ecnin shkallë - shkallë dhe me shumë
kujdes, pasi qeveria greke ishte tepër e ndjeshme ndaj pakicës shqiptare në Çamëri.56
Nga fundi i majit të vitit 1940, porositë e Çianos për intesifikimin e propagandës
irredentiste në radhët e shqiptarëve në Çamëri u shtuan. Të nxitur nga agjentët italianë,
një grup çamësh hartuan një peticion drejtuar komandantit të trupave ushtarake italiane
në Sarandë, nga i cili kërkonin që të ndërhynte për mbrojtjen e jetëve, pronave dhe të
drejtave të mohuara nga autoritetet vendore greke.57 Një tjetër peticion iu dërgua Çianos,
me kërkesën për aneksimin nga ana e Shqipërisë të krahinës së banuar prej shqiptarëve.
Porosi e veçantë për ngritjen shpirtërore të shqiptarëve dhe nxitjen e tyre kundër
autoriteteve greke iu dha konsujve italianë në Janinë dhe Korfuz, të cilët ndër të tjera u
porositën të qëndronin në gadishmëri deri në mbërritjen e çastit të duhur.58
Paralelisht me përhapjen e propagandës fashiste, bazuar mbi çështjen kombëtare
shqiptare për bashkimin e Çamërisë me Shqipërinë, italianët u përpoqën që të nxisnin
disa elementë nacionalistë çamë, me qëllim që të siguronin mbështetjen e shqiptarëve në
Çamëri. Në qershor të vitit 1940, fashistët italianë udhëzuan Azis Çamin dhe Masar
Dinon që të rregjistronin vullnetarë çamë të cilët “dëshironin” të merrnin pjesë në
ushtrinë italiane.59 Kjo nismë e italianëve dhe e një pjese të çamëve nacionalistë për
afrimin e shqiptarëve të Çamërisë nuk rezultoi fare pa sukses. Të gjendur nën trysninë e
përhershme të administratës dhe xhandarmërisë greke, si dhe të nxitur nga propaganda
fashiste që bëhej në emër të bashkimit të Çamërisë me Shqipërinë, një pjesë e çamëve
nacionalistë iu bashkuan kësaj inisiative.
54 Micheletta, La questione di Ciamuri.., 476-477. 55 ASMAE, Nënsekretariati i Shtetit për Çështjen Shqiptare (SSAA) b, 13, Raport i Grazzit drejtuar
Ministrisë së Punëve të Jashtme, 19 qershor 1940. 56 Po aty. 57 AYE, 1940, A/4/9, 11, nr..pr. 12930, Nënministria e Sigurisë Publike për Ministrinë e Jashtme. Cituar
sipas Eleftheria Manda, Çamët muslimanë të Epirit 1923-2000, Botimi shqip, (Tiranë, Toena, 2015), 122-
123. 58 AYE, 1940, A/4/9, 11, nr..pr. 27319, Administrata e Përgjithshme e Epirit për Ministrinë e Jashtme,
Janinë 10.9.1940. Cituar sipas E. Manda, Çamët muslimanë të Epirit., 122-123. 59 AQSH, F.152, V.1940, D.99, fl.1-4.
Çështja çame gjatë Luftës së Dytë Botërore Lorenc Agalliu
12
Nisur nga zhvillimet në Shqipëri edhe në Çamëri, kontaktet e shumë
nacionalistëve çamë me idetë fashiste kishin filluar të shtoheshin. Duke përfituar nga
gjendja diskriminuese që ndiqte politika greke ndaj popullsisë shqiptare çame në Greqi,
italianët i llogarisnin çamët si një element mbështetës në veprimet e tyre ushtarake. Për
këtë qëllim italianët kishin hartuar dhe listat me shqiptarët çamë, banues në të dyja anët e
kufirit, tek të cilët ata mendonin se do të gjenin përkrahjen e tyre. Në këtë listë shumë
emërore, sipas italianëve, bënin pjesë kryesisht anëtarë të familjeve të mëdha çame, të
cilat ishin goditur rëndë nga reformat ekonomike dhe ligji agrar në Greqi, familje me
tradita të vjetra të krahinës, si dhe kryetarë të 20 qendrave kryesore të Çamërisë.60
Krahas veprimtarisë diversive në radhët e shqiptarëve të Çamërisë, qeveria
italiane në Romë ndërmori një inisiativë për të mbledhur të dhëna historike dhe
argumente në dobi të çështjes came, si dhe materiale të tjera të cilat do të përligjnin
interesin italian në rajon. Pikërisht për këtë qëllim, në fund të qershorit, nënsekretari
italian i shtetit Zenone Benini, i kërkonte legatës italiane në Athinë që të përgatiste një
studim të mirëfilltë me të dhëna historike, etnike, gjeografike dhe etnografike rreth
minoritetit shqiptar në Greqi. 61 Relacioni përfundimtar i ngarkua Oreste Grazzianit
(Gracianit), i cili ishte sekretar i dytë i legatës italiane në Athinë. Studimi u titullua
“Minoriteti shqiptar në Greqi”, pikërisht ashtu siç ishte kërkuar nga Ministria e Jashtme
italiane. Pavarësisht qëllimit për të cilin ishte hartuar ky studim, të dhënat e tij ishin të
pakontestueshme dhe pasqyronin qartë politikën e ndjekur deri tani nga qeveria greke
kundrejt minoritetit çam në Greqi.
Në studim thuhej se, “deri në rënien e Çamërisë nën sundimin grek popullsia
shqiptare në Çamëri përbënte shumicën, ndërsa pas vitit 1912 e deri në kohën që ishte
hartuar ky studim numri i shqiptarëve në këtë krahinë kishte rënë në mënyrë drastike”.62
Në raportin përfundimtar të hartuar nga Grazziani thuhej se, “këto 27 vjet të dominimit
grek në Çamëri, për shkak të përfshirjes së popullsisë muslimane në procesin e
shkëmbimit (Traktati i Lozanës), numri i shqiptarëve në Çamëri ishte pakësuar ndjeshëm.
Duke iu referuar politikës shtypëse greke ndaj shkombëtarizimit të Çamërisë, Grazziani
theksonte se, “Çamëria për Greqinë përbënte një rëndësi të veçantë, si nga aspekti
gjeografik e strategjik i saj, ashtu dhe për helenizmin e nacionalizmin grek”.63
Në vazhdim të porosive të dhëna, agjentët italianë dhe informatorët e tyre në
Greqi e Çamëri, filluan mbledhjen e të dhënave për njerëz të artit, politikës, biznesit dhe
këdo që kishte shfaqur sadopak ndjenja italofile apo që kishte lëshuar sinjale
bashkëpunimi me Italinë fashiste. Të dhënat në shërbim të sektorit të luftës përfshinin
informacione për të gjithë sektorët kyç të ekonomisë dhe politikës greke dhe të dhëna që
kishin të bënin kryesisht me krahinën e Çamërisë. Nëpërmjet agjentëve të tyre në Çamëri
dhe në brendësi të kufirit me Shqipërinë, italianët kishin arritur të siguronin informacione
lidhur me strukturat organizative të qeverisjes lokale në Çamëri dhe më gjerë.
Informacionet përmblidhnin të dhëna rreth numrit të shkollave dhe nxënësve që i
frekuentonin ato, të dhëna mbi numrin e bankave që vepronin në këtë krahinë si dhe të
60 AQSH, F.161, V.1940, D.1202, fl.59. 61 ASMAE, SSAA, b.13. Scammacca për Grazzin, 28 qershor 1940, letra 71/17105/1782. 62 Po aty, b.80, Grazzi për Beninin, 6 gusht 1940, letra 7205, bashkëngjitur dhe relacioni përfundimtar i
Oreste Grazzianit. 63 Po aty.
Çështja çame gjatë Luftës së Dytë Botërore Lorenc Agalliu
13
kapitalit që ato zotëronin.64 Informacionet e grumbulluara jepnin detaje mbi numrin e
banorëve muslimanë dhe ortodoksë të qyteteve kryesore të Çamërisë, mbi numrin e
institucioneve fetare dhe drejtuesit e tyre.65
Zhvillimi i vrullshëm i politikës evropiane si dhe aksionet e njëpasnjëshme të
Hitlerit në Evropë e detyruan Musolinin që të linte mënjanë politikën e butë dhe të
ndërpriste negociatat me Greqinë për zgjidhjen e çështjeve që shqetësonin të dy vendet.
Mbi bazën e këtyre zhvillimeve në arenën ndërkombëtare, si dhe të raporteve
përfundimtar që kishin ardhur në adresë të Minsitrisë së Jashtme italiane mbi gjendjen e
shqiptarëve në Çamëri, Çiano në fund të korrikut 1940, udhëzonte vartësit e tij në
Shqipëri se, për shkak të gjendjes aktuale, tashmë nevojitet një zgjidhje më radikale përsa
i përket problemit të shqiptarëve në Çamëri.66
Në kuadër të mbledhjes së informatave, të cilat do të viheshin në shërbim të
Italisë për “zgjidhjen e çështjes së shqiptarëve në Greqi”, Kryekonsulli shqiptar në
Korfuz njoftonte ministrin e punëve të jashtme të Shqipërisë Xhemil Dinon se, “sipas të
dhënave të grumbulluara, kuptojmë se në Çamëri vazhdon lëvizja patriotike nga ana e
vëllezërve tanë çamër për një bashkim me Atdhenë”.67
Në informacionet e tij drejtuar Çianos, ambasadori italian në Athinë, Emanuele
Grazzi konfirmonte se: “Çështja e Çamërisë nuk ka qënë e trilluar prej Italisë. Ajo
ekziston që prej vitit 1912”. “Disa herë kam patur rastin,- shpjegon Grazzi,- t’i kujtoj
ministrit grek Mavrudis për situatën e shqiptarëve në atë provincë, për vështirësitë e
ngritura për kalimin e kufirit dhe ushtrimin e lirë të të drejtës së pronës, për pengesat në
kontaktet midis shqiptarëve për kalimin e kufirit”.68
Eksportimi i ideve fashiste në Çamëri u bë prej anëtarëve të familjeve të mëdha
dhe të pasura të zonës. Familja Dino ishte një ndër to që përkrahu pa ndonjë hezitim idetë
irredentiste dhe nacionaliste të shqiptarëve të Çamërisë, duke parë njëkohësisht te Italia
shpëtimtaren e madhe të shqiptarëve. Veprimtaria irredentiste e vëllezërve Dino në dobi
të çështjes çame i ka fillimet e veta që në vitet “30.
Në dokumentet diplomatike italiane dhe në korespodencën e gjerë midis
Jakomonit me ministrin e jashtëm italian Çiano, pasqyrohet gjithë veprimtaria e familjes
Dino në kuadër të zgjidhjes së çështjes çame. Nebil dhe Nuri Dino të dy nacionalistë dhe
njëkohësisht dy prej figurave qëndrore të partisë fashiste në Shqipëri, prej kohësh ishin
vënë në shqrbim të italianëve. Nebil Dino, përfaqësues në Këshillin e Epërm të partisë
fashiste, disa herë me radhë kishte kaluar kufirin grek me qëllim vendosjen e kontakteve
me njerëz të bësueshëm dhe rekrutimin e njerëzve, të cilët besonin në zgjidhjen e çështjes
shqiptare me ndihmën e Italisë.69 Nebili njihej si një nga personat më me influencë në të
gjithë krahinën e Çamërisë e madje deri në Athinë. Për aktivizimin maksimal të Nebil
Dinos në çështjen e Çamërisë dhe në rekrutimin e njerëzve të besuar, Jakomoni i kishte
propozuar Çianos që, Dino të merrte një post në ambasadën italiane në Athinë, duke u
64 AQSH, F.161, V.1940, D.1202, fl.57. 65 Po aty. 66 ASMAE, Nënsekretariati i Shtetit për Çështjen Shqiptare (SSAA) b, 13. Kujtesë e Çianos për pakicat
shqiptare në Çamëri, 29 korrik 1940. 67 AQSH, F.149, V.1939, D.I-95, fl.1. 68 DDI, Seria 9, Vol.V, dok.409, f.392. 69 Po aty, dok.nr.509, 493.
Çështja çame gjatë Luftës së Dytë Botërore Lorenc Agalliu
14
vënë nën varësinë direkte të Gracit. Madje, Jakomoni kishte menduar që përveç detyrave
shtetërore, Nebil Dino do të merrej me çështjen e pronave të shqiptarëve në Greqi, si dhe
me ekzekutimin e porosive private të tij dhe Çianos në kuadër të përgatitjes së terrenit për
ndërhyrjen ushtarake në Çamëri.
Propozimi i Jakomonit për t’a bërë Nebil Dinon pjesë të stafit të ambasadës
italiane në Athinë u hodh poshtë nga Çiano me arsyetimin se, kjo çështje nuk duhej
kurrsesi të ngatërronte ambasadën italiane në Greqi dhe se çdo veprimtari duhej të bëhej
në mënyrë sa më të fshehtë.70 Refuzimit të Çianos për aktivitetin e Nebil Dinos pranë
ambasadës italiane në Athinë, duket se i shtohet dhe kundërshtimi kategorik i vet
ambasadorit Grazzi, i cili refuzonte që veprimtaria e N. Dinos të kishte lidhje të
drejtëpërdrejta me të.
Duke e konsideruar N.Dinon si një njeri me cilësi të larta politike, Jakomoni
besonte se ky do të ishte në gjendje të siguronte një përkrahje të madhe si të shqiptarëve
ashtu dhe të disa prej politikanëve grekë me influencë në Athinë. Sipas Jakomonit,
veprimtaria vetjake e Dinos, të cilin ai e quante mik dhe njeri tepër të sinqertë, mund ta
lehtësonte aktivitetin politik italian në zonën e Çamërisë, duke i siguruar shqiptarët çamë
për kthimin në gjirin e atdheut. Gjithashtu Jakomoni shpresonte se, aftësitë “gjeniale” të
Nebil Dinos do të bindnin dhe një pjesë të madhe të opinionit vendas grek që të kërkonte
nga Athina zyrtare mundësinë e marrjes në konsideratë për bisedime midis Italisë dhe
Greqisë dhe zgjidhjen e çështjeve në rrugë miqësore.71
Planet e Jakomonit rreth përdorimit të figurës së N.Dinos ishin më tepër një
inisiativë personale e tij, të cilat synonin marrjen e Çamërisë në mënyrë diplomatike.
Sipas Jakomonit, veprimtaria e Dinos në gjirin e shqiptarëve të Greqisë do të lehtësonte
së tepërmi punën e italianëve, duke i siguruar shqiptarët e Çamërisë për kthimin e e tyre
në gjirin e atdheut. Hierarku i lartë fashist kishte bindjen se N. Dino preferonte më tepër
përdorimin e diplomacisë se sa atë të forcës ushtarake ndaj Greqisë.72
Veprimtaria e Dinos paraqiste një pritshmëri të lartë për italianët, aq sa, ata me
fanatizëm të madh prisnin prej tij jo vetëm sigurimin e përkrahjes nga ana shqiptarëve,
por dhe bindjen e një pjese të klasës politike greke dhe të qytetarëve të saj për t’i kërkuar
Athinës zyrtare krijimin e një mjedisi bashkëpunimi me Italinë. Nebil Dino e kishte bërë
të besonte Jakomonin dhe si rrjedhojë dhe eprorët e tij në Romë se, grekët nuk kishin
marrë asnjë masë për t’i bërë ballë ndonjë sulmi të mundshëm ushtarak nga ana e Italisë.
Duke ditur se Jakomoni pëlqente t’i merrte informacionet pa u verifikuar nëse ishin të
vërteta apo jo, Nebil Dino raportonte nga Athina se: “populli grek i pret zhvillimet e
ardhshme me indiferentizëm dhe se nuk duket i gatshëm të luftojë”.73 Madje Nebil Dino i
kishte treguar Jakomonit se: “grekët kishin filluar të ndiheshin xhelozë për fatin e mirë të
shqiptarëve, të cilët që në 7 prill i ishin bashkuar Perandorisë së Romës”.74
Një tjetër figurë e nacionalizmit shqiptar në Çamëri ishte Nuri Dino. Ashtu si dhe
Nebili, Nuri Dino gëzonte simpatinë e italianëve, të cilët i kishin besuar atij zhvillimin e
propagandës irredentiste dhe përhapjen e ideve fashiste në radhët e popullsisë çame në
70 Jakomoni, Politika e Italisë.., 254-255. 71 Po aty. 255. 72 Po aty. 243. 73 Cervi, Storia della Guerra, di Grecia.., 74. 74 Jakomoni, Politika e Italisë.., 255.
Çështja çame gjatë Luftës së Dytë Botërore Lorenc Agalliu
15
Greqi. Në vazhdimësi të lajmeve të përditshme që vinin nga Çamëria, N. Dino e
informonte Jakomonin se, edhe një pjesë e mirë e popullsisë ortodokse në fshatrat e
Çamërisë e duan “pjesërisht” e shumica “krejtësisht” Shqipërinë dhe se janë gati për një
bashkim të tyre me shtetin shqiptar.75
Fashistët italianë shpresonin që me anë të propagandës irredentiste të mund të
siguronin më së shumti mbështetjen e klerit fetar musliman të Çamërisë. Për t’i paraprirë
një situate të tillë, Jakomoni kishte ngritur një një rrjet të tërë agjentësh, të cilët ishin
udhëzuar të siguronin informacione të nevojshme lidhur me gjendjen e klerit musliman
në Çamëri, mbi gjendjen e tyre ekonomike, arsimore e sociale.76
Nga informacionet periodike që përcilleshin nga informatorët italianë e shqiptarë
nga Çamëria, jepej numri i xhamive, teqeve dhe numri i banorëve muslimanë te të cilët
italianët shpresonin të gjenin mbështetje pas pushtimit të Greqisë. Nga informacionet që
siguroheshin rezultonte se, “në Gumenicë, nga 150 shtëpi, 14 prej tyre ishin ortodokse”.
Myftiu Halit Efendiu, gjykohej nga raportet si një njeri “pa kulturë dhe ndonjë formim të
veçantë”, por që kishte bindje të “thella patriotike” se, “ishte pro bashkimit të Çamërisë
me Shqipërinë” dhe “pro ndërhyrjes italiane në Greqi”.77 Sipas të njëjtit informacion,
“Myftiu Mehmet Kasimi vlerësohej si një njeri me kulturë mesatare, i ndershëm dhe me
ndjenja patriotike, tek i cili mund të gjeje mbështetje”.78
Një pjesë e konsiderueshme e informacioneve që vinin nga Çamëria jepnin një
panoramë të ekzagjeruar mbi mbështetjen dhe simpatinë që popullsia çame kishte për
Italinë fashiste. Jakomoni edhe pse kishte dyshimet e veta rreth shifrave që vinin nga
informatorët, ai përsëri i dërgonte të papërpunuar të dhënat drejt eprorëve të tij në Romë.
Në jo pak informacione të shqyrtuara nga Jakomoni gjenden shënime “poço sicuro”, “pak
të sigurta”, të cilat as ai vet nuk i besonte, por që situata e kërkonte të ishin të mirëqena.
Në një raport dërguar Mëkëmbësisë në Tiranë mbi gjendjen e popullsisë shqiptare të
Çamërisë nën sundimin grek, thuhet se, “Muslimanët e Çamërisë, duke parë këtë lëvizje,
janë ndezur në një gradë të tillë që të përballojnë çdo mundim deri ditën e lirimit”.79
Në zbatim të porosive të dhëna, në Shqipëri nisi intesifikimi i një propagande të
shfrenuar. Me anë të parave që paguheshin prej agjentëve italianë, kudo në Shqipëri
shpërtheu një propagandë e shfrenuar në përkrahje të çështjes kombëtare shqiptare dhe të
aspiratave të shqiptarëve në Kosovë dhe Çamëri për bashkimin me shtetin shqiptar. Në
disa qytete shqiptare, me nxitjen e agjentëve italianë filluan të zhvilloheshin mitingje, ku
folësit propagandistë italianë dhe shqiptarët kuisling, i referoheshin faktit se tashmë me
ndihmën e Italisë, bashkimi i trojeve shqiptare me trungun mëmë ishte i pashmangshëm.
Prefektët dhe kryetarët e bashkive kryesore të qyteteve të Shqipërisë, ku në pjesën
më të madhe të tyre ishin anëtarë të Partisë Fashiste, të entuziazmuar njoftonin se, në
75 AQSH, F.161. V.1940, D.1202, fl.35. Në këtë material informues jepen shifra mbi numrin e banorëve të
qyteteve kryesore të Çamërisë, ndjenjat e tyre kombëtare si dhe të dhëna për elementë të veçantë te të cilët
fashistët italianë mund të mbështeteshin gjatë sulmit kundër Greqisë. 76 Po aty. 77 Po aty. 78 Po aty. 79 Po aty.
Çështja çame gjatë Luftës së Dytë Botërore Lorenc Agalliu
16
qytetet që ata drejtonin, shpesh përballeshin me protestues të cilët grumbulloheshin në
mbrojtje të çështjes çame dhe në ndjekje të propagandës italiane antigreke.80
Një lajmërim i Prefekturës së Elbasanit dërguar Kryeministrisë në Tiranë, në
muajin korrik 1940, njoftonte se; “Në Peqin mëse 500 vetë të impresionuar prej vuajtjeve
të bashkëpatriotëve çamë si dhe nga mizoritë e barbarizmat greke ndaj kësaj popullsie,
janë grumbulluar në qendër të qytetit, duke kërkuar armë për të qënë pjesë e ushtrisë së
lavdishme italiane”.81
Në letrën e parisë së qytetit të Peqinit, drejtuar qeverisë shqiptare dhe Mëkëmbësit
të Perandorit italian në Tiranë, thuhej se; “Tue qenë të impresionuar për vuajtjet e
parreshtuna që po pësojnë dita ditës vëllezërit tanë në Çamëri nga barbarizmat greke,
ndajmë shpirtërisht dhimbjen ma të madhe dhe si rezultat i kësaj gjendjeje të pa
tolerueshme krijuar prej fqinjës tonë të Jugut, çfaqim dëshirën e vullnetin tonë të plotë
tue kërkue nga Qeveria mbretënore, armë për t’u rreshtuar si pararojë së bashku me
ushtrinë e Italisë fashiste në shpëtim të vëllezërve tanë fatkeq dhe në çlirimin e asaj pjese
shqiptare që për hir të Konferencës së Londrës rënkon nën thundrën greke që prej 27
vjetësh”.82
Pothuajse i njëjti tekst ishte shkruar dhe nga protestuesit e Gramshit, të cilët në
peticionin e datës 29 korrik 1940, drejtuar Qeverisë shqiptare shpreheshin se: “Tuj pa
lajmet e shtypit kombëtar dhe atij të huaj mbi sjelljet barbare greke ndaj vëllezërve çamë,
ndajmë shpirtërisht dhimbjen ma të madhe dhe si rezultat i kësaj gjendjeje të pa
tolerueshme krijuar prej fqinjës tonë të Jugut, çfaqim dëshirën e vullnetin tonë të plotë
tue kërkue nga Qeveria mbretënore, armë për t’u rreshtuar si pararojë së bashku me
ushtrinë e Italisë fashiste{ ….}. Tash për ne shqiptarët erdhi çasti i volitshëm për të n’a u
plotësuar aspiratat kombëtare”.83
Drejtoria e Policisë së Korçës njoftonte Ministrinë e Brendshme në Tiranë dhe
Lugotenencën se, ajo ndihej mjaft e “shqetësuar” nga protestat e përditshme të studentëve
dhe punëtorëve, të cilët mbushnin rrugët e qytetit për të protestuar në emër të çështjes
kombëtare dhe të bashkimit të Çamërisë dhe Kosovës me Shqipërinë.84 Në njoftimin e
kësaj drejtorie për Ministrinë e Brendshme në Tiranë thuhej se: “Protestuesit mbanin në
dorë flamuj shqiptarë dhe italianë, e duke marshuar në rrugët e qytetit i bënin thirrje
Perandorit italian dhe Duçes që të mbështesnin me çdo kusht kërkesat irredentiste të
shqiptarëve për bashkimin e krahinave të lëna jashtë trungut mëmë”.85 Madje, kjo drejtori
për të vendosur rendin dhe qetësinë publike kishte marrë “masa ekstreme” deri në
arrestimin e disa personave. Nga ana e saj, qeveria e Tiranës iu përgjigj menjëherë
“shqetësimit” të ngritur nga Drejtoria e Policisë së Korçës dhe e qyteteve të tjera, duke
njoftuar se, “këto protesta do të lejoheshin deri në atë pikë sa ato të mos përbënin ndonjë
shqetësim për prishjen e rendit dhe qetësisë publike”.86
80 Po aty, D.1-172, fl.12. 81 Po aty. 82 Po aty. 83 Po aty. 84 Po aty, F.152. V.1940. D.45, fl.2. 85 Po aty. fl.6. 86 Po aty. fl.6.
Çështja çame gjatë Luftës së Dytë Botërore Lorenc Agalliu
17
Manifestime të ngjashme në emër të çështjes kombëtare dhe mbështetjes së
vëllezërve çamë në Greqi u mbajtën pothuajse në të gjitha qytetet kryesore të Shqipërisë,
në Shkodër, Tiranë, Durrës. Në manifestimin e mbajtur përpara Bashkisë së qytetit të
Durrësit, nëpunësit Hysen Myshketa dhe Vasil Ziu, i bënin thirrje qeverisë së Italisë dhe
asaj shqiptare që të mbështesnin rivendikimet shqiptare për bashkimin e trojeve nën një
shtet të vetëm.87
Për të kuptuar sa më qartë rolin që kishin agjentët fashistë italianë në përgatitjen e
këtyre protestave, të cilat bëheshin gjoja në mbrojtje të së drejtës të shqiptarëve çamë në
Greqi, mjafton të krahasojmë tekstet e dokumenteve dhe korespodencën zyrtare të kryer
në atë periudhë midis autoriteteve vendore shqiptare dhe atyre fashiste italiane, ku vihet
re i njëjti tekst dhe e njëjta përmbajtje. Pothuajse në të gjitha shkresat zyrtare drejtuar
autoriteteve italiane në Shqipëri ngrihej lartë ushtria e lavdishme italiane dhe përkrahja që
duhej t’i jepnin shqiptarët Italisë fashiste në luftën kundër Greqisë për çlirimin nga
zgjedha greke të popullsisë muslimane çame.
Pavarësisht roli kyç në përgatitjen e fushatës antigreke, Jakomoni në kujtimet e tij
mohon të ketë pasur dijeni për ngjarjet në kufirin greko-shqiptar dhe për synimet e vërteta
fashiste ndaj Greqisë. Por, nga faktet historike dhe ngjarjet e ndodhura, rezulton se ai
është një nga përgjegjësit kryesorë të krijimit të situatave dhe provokacioneve në kufirin
greko-shqiptar në prag të luftës. Në të vërtetë gjithë këtë farsë për fillimin e konfliktit të
armatosur dhe gjetjen e pretekseve për luftë, as vetë Musolini nuk e besonte, ndërsa
shprehet se; “Asnjë nuk do ta besoj këtë fatalitet, por për një justifikim metafizik, mund
të themi se ishte i nevojshëm për të arritur në një konkluzion”.88 Kjo rezulton mëse e
vërtetë, pasi u pa se menjëherë pas pushtimit të Greqisë nga trupat e Boshtit, Çamëria jo
vetëm që nuk iu bashkua Shqipërisë, por ajo mbeti nën administrimin ushtarak të
pushtimit.
Jashtë planit propagandistik italian s’kishte se si të qëndronte dhe shtypi
profashist shqiptar. Gazeta “Tomori” u bë zëri i “ndërgjegjes” së shqiptarëve, nëpërmjet
së cilës, si italianët dhe elementi profashist shqiptar i bënin thirrje rritjes së ndjenjës dhe
ndërgjegjjes kombëtare të shqiptarëve. Duke iu kujtuar shqiptarëve se, tashmë Shqipëria
nën tutelën e Italisë nuk ishte më e dobët dhe se shtetet fqinjë duhet t’i bënin mirë
llogaritë me të, ky organ i qeverisë fashiste nxiste shqiptarët për të rishikuar të drejtat e
tyre të mohuara nga historia.89 Shpesh herë, gazeta “Tomori” në Tiranë fliste me gjuhën e
ministrit të jashtëm italian dhe të gjithë hierarkisë fashiste në Romë. Gazeta “Tomori” u
bë tribuna e nacionalistëve shqiptarë nga ku kërkoheshin të drejtat e shqiptarëve dhe
shpaloseshin çështje që i takonin Shqipërisë me fqinjin e saj jugor, Greqinë.
Në rreshtat e kësaj gazete të datës 13 gusht 1940, në një artikull të Xhovani
Ansaldo, thuhej se; “Kombi shqiptar gjatë shekullit të XIX, ka qënë më i sakrifikuari në
krahasim me kombet e tjera të Ballkanit, duke e fituar më vonë Pavarësinë. Tokat
shqiptare gjithnjë janë konsideruar si plaçkë për të kënaqur orekset e shteteve të mëdha të
Europës dhe të Jugosllavisë e Greqisë”. 90 Sulmin dhe propagandën në favor të
rivendikimeve të trojeve shqiptare, kjo gazetë i vazhdoi pothuajse deri në prag të fillimit 87Po aty. fl.9. 88 Gazeta “L’Unita”, Romë, datë, 18 tetor 1953. 89 Gazeta “Tomori”, Tiranë, datë, 20 gusht 1940. 90 “Tomori”, datë, 13 gusht 1940.
Çështja çame gjatë Luftës së Dytë Botërore Lorenc Agalliu
18
të sulmit italian ndaj Greqisë. Në faqet e para të kësaj gazete, çdo ditë botoheshin artikuj
dhe thirrje të zyrtarëve të lartë shqiptarë dhe italianë, të cilët në mënyrë solemne u bënin
thirrje shqiptarëve, si jashtë dhe brenda vendit të bashkoheshin me Italinë, në dobi të
çështjes shqiptare.91
I frymëzuar nga lajmet që merrte prej të dërguarit të tij në Greqi, Jakomoni në
datën datën 28 gusht 1940, i nisi ministrit të tij të jashtëm një promemorie të gjatë, në të
cilën ndër të tjera thuhej se; “Kam shqyrtuar me këshilltarin e lartë fashist Nebil Dinon, i
sapokthyer nga Athina, mundësinë që miq të tij me ndikim në Greqi, të marrin në
konsideratë gjatë bisedash të ngushta, të ardhmen e Italisë në pellgun mesdhetar si dhe
marrëdhëniet e ardhshme të Greqisë me Italinë”.92
Jakomoni mendonte se Dinot dhe nacionalistët shqiptarë në tërësi, ishin padyshim
të prirur që ta shihnin me optimizëm mundësinë e lëvizjes së popullsisë muslimane çame
në Greqi, e gjitha kjo në dobi të bashkimit të Çamërisë me Shqipërinë. Sipas tij,
nacionalistët shqiptarë mendonin se, gjetja e një zgjedhje paqësore për problemin e
Çamërisë, do të bënte të mundur një bashkëpunim të ngushtë diplomatik midis Greqisë
dhe Italisë.93 Por për kushtet në të cilat ndodhej Evropa, e cila ziente para fillimit të
konfliktit të madh botëror, shpresa se bashkimi i Çamërisë me Shqipërinë mund të vinte
edhe nëpërmjet përmirësimit të marrëdhënieve diplomatike midis Greqisë dhe Italisë
ishte i gabuar. Po aq i gabuar ishte dhe mendimi se, qëllimi i Italisë për të sulmuar
Greqinë ishte për shkak të vuajtjeve të shqiptarëve çamë nën regjimin e Metaksait.
Studiuesit shqiptarë të cilët më së shumti kanë trajtuar çështjen e irredentizmit shqiptar
gjatë pushtimit italian janë të ndarë përsa i përket rolit që kishte familja Dino në çështjen
shqiptare gjatë këtyre viteve. Disa nga studiuesit tanë, e etiketojnë verpimtarinë e familjes
Dino si një veprimtari patriotike dhe nacionaliste në dobi të çështjes shqiptare.
Studiuesi Lisen Bashkurti është i mendimit se, përpjekjet e familjes Dino gjatë
epokës fashiste kishin si kryefjalë Çamërinë dhe se, sipas pikëpamjes së tyre, epoka e re
fashiste, si dhe marrëdhëniet e mira të Metaksait me Musolinin do të mundësonin një
kalim të butë të krahinës së Çamërisë nën autoritetin e shtetit shqiptar.94 Faktet historike
vertetojnë se, veprimtaria e vëllezërve Dino dhe e nacionalistëve të tjerë çamë gjatë
pushtimit italian ishte një veprimtari e gjerë me tendenca nacionaliste. Dinot, ashtu si dhe
një pjesë e mirë e shqiptarëve kishin besuar se, në të vërtetë synimi i Italisë fashiste ishte
vetëm marrja e Çamërisë dhe bashkimi i saj me Shqipërinë. Ndoshta për këtë qëllim ata
menduan ta përkrahin pa kushte politikën italiane që bëhej në emër të bashkimit të trojeve
shqiptare.
Pavarësisht propagandës fashiste që bëhej nga individë të caktuar çamë në emër të
bashkimit kombëtar, në Çamëri gjatë kësaj periudhe pati dhe shumë elementë të cilët jo
vetëm që nuk e përkrahnin këtë inisiativë të vëllezërve Dino, por që e kundërshtuan hapur
një veprim të tillë. Persona me influencë në Çamëri si, Musa Demi në Filat, Mahmut
Male dhe Hizër Ademi në Grikohor, Isuf Izeti, Bido Taho në Varfanj, Abedin Xhemali në
Gumenicë e shumë të tjerë iu kundërvunë hapur propagandës fashiste që bëhej në radhët
91 Po aty, datë, 23 mars 1940. Në kryeartikullin e saj me titull, Italia perandorake feston përvjetorin e
rilindjes së saj, autori M.Kruja i bënë jehonë shpresës që sjell për shqiptarët bashkimi me Italinë fashiste. 92 Jakomoni, Gjysma ime shqiptare.., 232. 93 Po aty, 235. 94 Lisen Bashkurti, Çamëria në rrugën e zgjidhjes, (Tiranë, Geer, 2012), 404.
Çështja çame gjatë Luftës së Dytë Botërore Lorenc Agalliu
19
e popullsisë çame. 95 Kundërshtitë e popullsisë muslimane çame ndaj veprimeve të
familjes Dino e në veçanti të eksponentit fashist Xhemil Dino i konfirmon dhe diplomati
italian Carlo Umilta, i cili në kujtimet e tij shkruan se; “Disa shqiptarë në Prevezë,
vendlindja e familjes Dino, feudal të vjetër të zonës në kohën e Turqisë, më kanë thënë se
ata, gjithashtu shqiptarë e muslimanë, nuk kishin asnjë mëri vetjake me Xhemil
Dinon{….} të cilin as që e njihnin fare. Po nëse ai do të guxonte të shfaqej në Prevezë,
ku ishte shtëpia e Dinove, apo dhe në rrethina të tjera, po ata shqiptarë nuk do ta prisnin
me qejf.”96
Politika italiane për përhapjen e ideve irredentiste në Epir, synonte që krahas
shqiptarëve të bënte për vete edhe popullsinë ortodokse vllahe që jetonte kryesisht në
zonat e Pindit. Duke siguruar dhe përkrahjen e Rumanisë, Italia fashiste synonte të nxiste
revoltat e kësaj popullsie kundër regjimit të Metaksait. Duke iu referuar fjalëve të Çianos,
gazeta fashiste “Tomori”, shkruante në faqet e saj të datës 29 shtator 1940, se; “Vllehët e
Epirit kanë dëshmuar gjithnjë që vullnetarisht të lidhen me Shqipërinë, e të rrojnë me
vëllezërit e tyre shqiptarë brenda kufirit politik”. 97 Duke pretenduar se vullneti i
popullsisë vllehe për shkëputjen nga Greqia dhe bashkimin e saj me shtetin shqiptar
mbështetej dhe nga qeveria rumune, propaganda fashiste deklaronte se, “vet qeveria e
Rumanisë e sheh me simpati krijimin e shtetit shqiptar, duke përfshirë në të krahinat që
ndodhen midis Janinës, Mecovës, Grebenesë dhe Malit Gramoz, me një popullsi që kap
shifrën e 80 000 banorëve, e të përbërë nga 36 fshatra gjithsej”.98
Funksionarët e lartë fashistë në Tiranë si dhe një pjesë e anëtarëve të qeverisë
kuislinge shqiptare, nën dirigjimin e agjentëve italianë theksonin “nevojën e madhe” që
kishte Shqipëria për përkrahjen e Italisë fashiste në realizimin e çështjes së bashkimit
kombëtar. Në njoftimet e shpeshta drejtuar eprorëve të tij në Romë, Jakomoni theksonte
se: “Anëtarët e qeverisë dhe funksionarë të lartë të partisë fashiste, po japin një ndihmesë
të madhe në këtë drejtim”. 99 Të dhënat e Jakomonit bazoheshin më tepër në
informacionet e paverifikuara të cilat vinin nga disa eksponentë çamë, që më herët kishin
shprehur hapur pikëpamjet e tyre në mbështetje të një aksioni ushtarak italian kundër
Greqisë. Një ndër këta persona ishte dhe këshilltari i Jakomonit, Xhemil Dino, i cili në
informacionet drejtuar Mëkëmbësisë në Tiranë i raportonte se; “Në rast veprimi kundër
Greqisë, ne çamët që banojmë në Shqipëri jemi të gatshëm të marrim urdhra për t’u
bashkuar me vëllezërit tanë të shqetësuar të Çamërisë dhe kërkojmë armë për t’i shërbyer
kauzës së perandorisë sonë”.100
Krahas propagandës për përhapjen e ideve irredentiste në Çamëri e Shqipëri,
diplomacia italiane një rëndësi të veçantë i kushtoi idesë për përhapjen e flakëve
nacionaliste në radhët e emigracionit shqiptar në shtetet evropiane dhe kryesisht në
Amerikë. Duke marrë në konsideratë se, një pjesë e mirë e elitës shqiptare të cilët
gëzonin një përkrahje të madhe ndodheshin jashtë vendit, kryesisht që pas pushtimit
italian, diplomacia italiane shtoi përpjekjet në gjetjen e elementëve të duhur për
95 Hajredin Isufi, Musa Demi dhe qëndresa çame 1800-1947, (Tiranë, Dudaj, 2002), 221. 96 Carlo Umilta, Jugosllavia dhe Shqipëria, Kujtime të një diplomati, (Milano, Garzanti, 1947), 131-132. 97 Gazeta “Tomori”, nr. 198, Tiranë, 29 shtator 1940. 98 Po aty. 99 DDI, Seria 9, vol.5, dok.642, fq.621. Njoftim i Jakomonit për Z. Beninin, Tiranë, 25 shtator 1940. 100 ASMAE, SSAA, b.78, Informacion i Xhemil Dinos dërguar Jakomonit, 2 qershor 1940.
Çështja çame gjatë Luftës së Dytë Botërore Lorenc Agalliu
20
përhapjen e ideve irredentiste në radhët e emigracionit shqiptar. Për një periudhë kohe,
çështja e përhapjes së ideve irredentiste në diasporën shqiptare dhe në veçanti në
komunitetin shqiptar që jetonte në Amerikë u bë detyrë parësore e politikës së jashtme
italiane. Përdorimi dhe përhapja e ideve irredentiste në ambjentet e diasporës shqiptare,
sipas Italisë fashiste do të ndihmonte në mbështetjen e bindjeve fashiste nga shqiptarët.
Në fillim, përpjekjet e diplomacisë italiane për të bërë për vete figura të shquara të
diasporës shqiptare u fokusuan te njerëzit më me influencë dhe kryesisht te ata persona që
kishin qënë kundërshtarë të regjimit të mëparshëm zogist. Për të arritur te këto figura të
shquara të diasporës shqiptare, italianët përdorën metodat e shtrëngimit, bindjes dhe të
pagesës. Për shkak të mbështetjes së madhe që gëzonte Zogu tek shqiptarët e Britanisë së
Madhe, propaganda italiane e pati shumë të vështirë të depërtonte midis tyre. Kështu që i
vetmi objektiv i italianëve mbetej hedhja e ideve irredentiste tek shqiptarët e Amerikës, të
cilët përbënin dhe numrin më të madh të shqiptarëve në diasporë.
Faik Konica ishte një prej figurave kryesore të disasporës shqiptare jo vetëm në
Amerikë, por edhe më gjerë. Konica së bashku me Mehdi Frashërin konsideroheshin nga
italianët si persona me kulturë të thellë e të vendosur, e që njiheshin për shpirtin e tyre
rivendikues në dobi të çështjes shqiptare.101 Lidhur me angazhimin e figurave të shquara
të publike shqiptare në çështjen kundër Greqisë, Jakomoni njoftonte plot entuziazëm
ministrin e jashtëm Çiano se: “Edhe ata personalitete publike që deri tani kanë ndenjur të
veçuar dhe në qetësi janë deklaruar të gatshëm të bashkëpunojnë për një Shqipëri të
Madhe fashiste.102 Madje Jakomoni propozonte eprorëve të tij në Romë që të gjendej një
mënyrë që Faik Konica të vizitonte Romën dhe këtu të kishte mundësi të njihej më nga
afër me projektet e Italisë për çështjen shqiptare dhe veçanërisht për Çamërinë. 103
Jakomoni, e kishte mbështetur që në fillim idenë e afrimit të Konicës, duke e cilësuar atë
si një figurë e shquar të lëvizjes shqiptare dhe me ndikim të madh në koloninë e
shqiptarëve të Amerikës. Për Jakomonin, gadishmëria e Konicës për të përkrahur
regjimin e ri që ishte vendosur në Shqipëri, ishte prova e gjallë e “vullnetit italian” për të
bashkuar nën një shtet të vetëm të gjithë shqiptarët.104
Në cilësinë e ambasadorit shqiptar në SHBA, Konica e kishte kundërshtuar dhe
denoncuar tek autoritetet më të larta amerikane vendosjen e pushtimit italian në Shqipëri.
Si çdo njeri edhe Konica kishte pikat e dobëta, të cilat italianët me anë të agjentëve të tyre
nuk vonuan t’i gjenin. Për shkak të aktivitetit të tij të dendur në dobi të çështjes shqiptare
si dhe të lënies në harresë nga qeveria shqiptare e Ahmet Zogut, Konica kishte
grumbulluar borxhe të mëdha financiare. Duke qënë në dijeni të kësaj gjendjeje të
Konicës, italianët u treguan të gatshëm që në këmbim të mbështetjes së tij, të paguanin
gjithë detyrimet e prapambetura të Legatës shqiptare në SHBA. Për t’i paraprirë faktit se
Konica mund të gjente mbështetje në grupe të tjera kundërshtare të Italisë (italianët
besonin se Zogu mund të pagonte detyrimet e Konicës, shënimi ynë), Jakomoni dhe
nënsekretari i shtetit për Shqipërinë në Romë Zenone Benini, u treguan të gatshëm për t’i
101 DDI, seria 9, vol.5, dok.483, 468, Promemorie e Jakomonit për ministrin e jashtëm Çiano, datë 24 gusht
1940. 102 Po aty. 103 AQSH, F.161, V.1940, D.75, fl.3,4. 104 Jakomoni, Politika e Italisë.., 251.
Çështja çame gjatë Luftës së Dytë Botërore Lorenc Agalliu
21
paguar atij gjithë detyrimet, që kapnin vlerën e rreth 7000 dollarëve amerikan.105 Si
shpërblim për shërbimet e tij, italianët kishin menduar që Konica të hynte në kontakte me
zyrën e Nënsekretarit të Shtetit në Romë për çështjet shqiptare
Prej vitesh, si një prej diplomatëve më të shquar shqiptarë, Faik Konica e kishte
patur në vëmendjen dhe në axhendën e tij politike çështjen çame. Konica kishte lindur në
një zonë kufitare midis Greqisë dhe Shqipërisë, e më shumë se ai kusht tjetër mund t’a
kuptonte dramën e thellë që po kalonte popullsia shqiptare nën regjimin grek. Konflikti
historik i Shqipërisë me fqinjët sllavë dhe grekë dhe ideja se tashmë kishte ardhur koha
për zgjidhjen përfundimtare të çështjes shqiptare filloi t’a joshë Konicën. Duke
argumentuar rezultatin pozitiv që mund të arrihej nën tutelën italiane lidhur me çështjen e
shqiptarëve në Greqi, Konica do të shprehej se: “Fakti i thjeshtë është se Italia ka këtu një
argument të mirë dhe të fortë, sepse interesi i saj qëlloi të përputhet më një akt drejtësie
ndaj Shqipërisë, që duhej të ishte bërë me kohë”. 106 Më shumë se sa mbështetja
financiare, ideja e përhapjes dhe përkrahjes së çështjes çame e kishte nxitur dhe Konicën
të mbante një qëndrim aprovues ndaj kësja çështje. Shpresat e Faik Konicës për
bashkimin e trojeve shqiptare nën Italinë fashiste ishin të mëdha, por një veprim i tillë
nuk e bënte atë kurrsesi fashist. Sipas Prof. Fatmira Rama, Konica do ta trajtonte çështjen
kombëtare të shqiptarëve në Kosovë dhe Çamëri si një e të pandarë.107
Ashtu siç kishin shpresuar që në fillim italianët, Konica filloi një fushatë
propagandistike në mbrojtje të çështjes së shqiptarëve çamë në Greqi. Në kuadër të
fushatës antigreke, Konica, i mbështetur financiarisht prej italianëve, përshpejtoi punën
për përmbylljen e një eseje historike, e cila në qendër të saj kishte konfliktin italo-grek.
Që në hyrje të kësaj eseje, Konica argumentonte tezën e tij se, Epiri për shekuj me radhë
ka qënë banuar nga shqiptarët.108 Ligjërimi nacionalist i Faik Konicës i kishte bazat në
zgjidhjen e çështjes shqiptare si dhe në padrejtësitë e bëra nga qeveritë greke ndaj
minoritetit shqiptar çam në Greqi. Sipas Prof. A. Putos, ky ligjerim nën okupacionin
italian ka si përmbajtje të dorës së parë irredentizmin, “kthimin e trojeve të shkëputura
nën shtetin amë”.109
Tezat e tij antigreke lidhur me keqtrajtimet shekullore të shqiptarëve në Greqi dhe
ato në mbrojtje të çështjes shqiptare, Konica ua përcolli dhe disa prej agjencive kryesore
të lajmeve amerikane. 110 Duke dalë nga kuadri i propagandës italiane, Konica
argumentonte për publikun amerikan dhe më gjerë se, faktet e tij historike janë të bazuara
në kronikat e historianëve të njohur dhe jo të ndërtuara rishtazi mbi bazën e propagandës
italiane.111 Madje Konica u përpoq që esenë e tij mbi shqiptarët e Greqisë dhe vuajtjet e
tyre shekullore nën shtetin grek t’ua bënte me dije dhe Senatit amerikan, shtypit dhe disa
prej universiteteve më të njohura në vend.112 Konica e ndoqi me vëmendje të madhe
105 AQSH, F.161, V.1940, D.75, fl.16. 106 Ilir Ikonomi, Faik Konica, Jeta në Uashington, (Tiranë, Onufri, 269. 107 Fatmira Rama, Konica në kulturën shqiptare në vitet 1925-1939, në Studime Albanologjike,
Universitetit Tiranës, (Tiranë, 1996), 10. 108 Ikonomi, Faik Konica…,265. 109 Puto, Lufta italo-greke, 194. 110 AQSH, F.161, V.1940, D.75. fl.18. 111 Ikonomi, Faik Konica.., 265. 112 AQSH, F.161, V.1940, D.75. fl.18.
Çështja çame gjatë Luftës së Dytë Botërore Lorenc Agalliu
22
çështjen çame dhe politikën që ndiqte diplomacia italiane për të përfaqësuar kërkesat e
shqiptarëve për bashkimin kombëtar.
Duke pasur gjithnjë në fokus të shkrimeve dhe të deklaratave të tij çështjen
kombëtare shqiptare, Konica nuk hezitonte për asnjë çast të dëshmonte karakterin
shqiptar të krahinës së Çamërisë.113 Duke iu referuar Çamërisë, Konica argumentonte se,
rezistenca e popullsisë shqiptare në Çamëri, u mbijetoi vrasjeve të organizuara,
mashtrimeve dhe plaçkitjeve. “Emri i saj (Çamërisë),- shprehej Konica, -këto kohët e
fundit është përmendur shpesh në shtypin amerikan. Ajo është Çamëria, të cilën grekët e
kanë shtrembëruar në Tzamuria, pasi kjo vjen prej paaftësisë së alfabetit të tyre për të
riprodhuar tingujt e gjuhës shqipe dhe të disa gjuhëve të tjera”.114 Po sipas tij, deri në
vititn 1913, popullsia e Çamërisë ishte 96 përqind shqiptar, por tashmë për shkak të
dhunës së autoriteteve greke, ky përpjestim është zvogëluar.115
Megjithë thirrjet e Konicës për të përkrahur Italinë në zgjidhjen e padrejtësive të
bëra ndaj shqiptarëve të Çamërisë, jo të gjithë shqiptarët e diasporës përqafuan idetë e
Konicën për t’iu bashkuar çështjes shqiptare të përkrahur nga italianët. Shqiptarët
nacionalistë, kryesisht ata jashtë atdheut kishin të njëjtat qëllime me italianët për
ribashkimin e Çamërisë me Shqipërinë, por ata nuk ishin të një mendje me rrugët që
mund të ndiqeshin për arritjen e saj. Kundërshtitë e para lidhur me mbështetjen që Konica
u jepte ideve për mbështetjen e Italisë ndaj sulmit kundër Greqisë erdhën nga shumë
shqiptarë të diasporës në disa shtete të Evropës. Në një letër drejtuar nacionalistit Dervish
Duma në Londër, i cili ishte kundër kësaj vije politike, Konica i shkruante se: “Më lejoni
t’ju kujtoj se çfarë do që i ka bërë Italia Shqipërisë, ka qënë e një natyre politike, ajo që
Greqia i ka bërë Shqipërisë ka qënë më tepër se diçka politike, një agresion kundër
shtëpive dhe nderit të familjeve”.116
Shqiptarët e Britanisë së Madhe, ishin për një zgjidhje të çështjes shqiptare pa
përkrahjen e italianëve, pasi italianët shiheshin vetëm si pushtues dhe kishin shkelur
sovranitetin e vendit. Shqiptarët në emigracion në Britani prej kohësh kishin qënë të
shqetësuar lidhur me propagandën fashiste të italianëve, të cilët duke i bërë jehonë
problemit çam, kërkonin përkrahjen e shqiptarëve në luftë kundër Greqisë. Ky reagim i
shqiptarëve të diasporës në Britaninë e Madhe vinte dhe si pasojë e ndikimit që kishte
atje mbreti Zog, i cili pas largimit nga Shqipëria si pasojë e pushtimit italian ishte
vendosur në Londër.
Vetë mbreti Zog, i cili me pushtimin e Shqipërisë nga Italia fashiste kishte zbritur
nga froni mbretëror, në një intervistë të dhënë për gazetarin britanik S.E. Man po në
muajin gusht të vitit 1940, nuk e konsideronte çështjen çame një arsye aq të rëndësishme,
sa ta rendiste Shqipërinë në krah të Italisë në luftë kundër Greqisë. “Tani për tani,-
nënvizonte mbreti Zog në intervistën e tij,- më shumë rëndësi se sa zgjerimi i territorit të
Shqipërisë ka rikthimi dhe ruajtja e pavarësisë së shtetit shqiptar të nëpërkëmbur nga
italianët”. 117 Pra siç shihet, qëndrimet e Mbretit Zog ishin në një vijë me shoqatat
113 Rama, Konica në kulturën shqiptare, 10. 114 Faik Konica, Shqipëria: Kopshti shkëmbor i Evropës Juglindore, (Tiranë, Shtëpia Botuese 55, 2010),
171. 115 Konica. Shqipëria: Kopshti shkëmbor..,171. 116 Ikonomi, Faik Konica…, 276-277. Korespodencë e F.Konicës me Dervish Dumën dhe Anton Logoreci. 117 Intervistë e Mbretit Zog dhënë gazetarit S.E.Mann në datë 23 gusht 1940. F.O 371/24866.
Çështja çame gjatë Luftës së Dytë Botërore Lorenc Agalliu
23
patriotike të emigrantëve shqiptarë, të cilët ishin në kundërshtim me politikën e ndjekur
deri tani nga Italia fashiste për të përkrahur interesat kombëtare të shqiptarëve si brenda
dhe jashtë vendit. Duke arsyetuar se, kjo politikë e Italisë kishte si qëllim parësor vetëm
sigurimin e përkrahjes së shqiptarëve në luftën kundër Greqisë dhe vendeve të tjera
fqinje, shqiptarët e diasporës së pari kërkonin njohjen e shtetit të pavarur shqiptar në
kufijtë e 1913 dhe më pas rishikimin e çështjes së bashkimit kombëtar.
Shoqëria shqiptare “Çamëria” qendër në SHBA, në gusht të vitit 1940, botoi në
gazetën londineze Times një artikull në formë rezolute, në të cilin kundërshtohej hapur
dhe qartë politika italiane e ndjekur deri tani në Shqipëri dhe synimet e saj ndaj Çamërisë.
Gjithashtu po në faqet e këtij shtypi, Shoqata Shqiptare “Çamëria” shprehte hapur
ndjenjat e saj antiitaliane, duke kundërshtuar përfshirjen e çështjes çame në axhendën e
politikës së jashtme italiane dhe përdorimin e saj si pretekst për luftë. Duke u mbështetur
në parimin e vetvendosjes së kombeve, kjo rezolutë dënonte ashpër propagandën italiane
si të paskrupullt dhe me qëllime të fshehta ndaj Shqipërisë dhe rajonit në tërësi. 118
Shqetësimi i italianëve për trajtimin që grekët u bënin shqiptarëve, shihej prej kësaj
shoqate si një veprim aspak i sinqertë. Sipas Shoqatës “Çamëria”, zgjidhja e drejtë e
problemit shqiptar nuk mund të zgjidhet as me kontrollin e Italisë e as nga grekët, por
vetëm duke zbatuar parimet e vetëvendosjes së kombeve të vegjël.119
Një tjetër figurë e shquar e shqiptarëve të diasporës ishte kreu i Kishës Autoqefale
Shqiptare në Shtetet e Bashkuara të Amerikës, Imzot Fan Noli. Duke shfrytëzuar
miqësinë e Konicës me Nolin, italianët synonin afrimin e Imzot Nolit për përkrahjen e
politikës së tyre irredentiste. Për italianët, sigurimi i përkrahjes së Nolit do të thoshte
shumë, pasi një veprim i tillë do të afronte shumë shqiptarë që gjendeshin në Amerikë.
Për t’ia arritur qëllimit, Jakomoni i kërkonte ambasadës italiane në Uashington, që
përmes Faikut apo dhe me mënyra të tjera (me anë të shpërblimit financiar, shënim i ynë),
të përpiqej të afronte Imzot Fan Nolin. Jakomoni kërkonte prej autoriteteve italiane në
Uashington që, të punonin sa më shumë me F. Konicën me qëllim që ai të bindë të
bashkëpunojë Fan Nolin “për përhapjen drejt mjediseve amerikane dhe shqiptaro-
amerikane të propagandës italiane në fushatën e saj antigreke”.120
Për të depërtuar sa më mirë në rrethin e shqiptarëve të Amerikës, propaganda
italiane synonte që të përhapte idetë e saj me anë të shtypit dhe të shoqërive shqiptare
atje. Për një kohë fare të shkurtër, me anë të rryshfetit, por edhe me kontributin e
Konicës, italianët siguruan drejtimin e shoqërisë “Vatra” si dhe të gazetës Dielli, e cila
publikonte artikuj që ngrinin lartë propagandën italiane lidhur me çështjen e shqiptarëve
jashtë atdheut.121 Me kryeredaktor Peter Tykon, gazeta Dielli, nga shtatori i vitit 1940,
filloi të publikonte shkrimet e Faikut, të cilat në sfond kishin konfliktin italo-grek dhe
çështjen e shqiptarëve në Greqi. Duke argumentuar karakterin shqiptar të Epirit, Konica
do të shprehej se, “Greqia s’ka aspak të drejtë kur thotë se ish vilajeti i Janinës s’ka qenë
118 PRO/FO. 371/24868/R 7875/7875/90, Rezolutë e Shoqërisë “Çamëria” botuar në Gazetën britanike
Times në datë 31 gusht 1940. 119 Po aty. 120 AQSH, F.161, V.1940, D.79, fl.20. Telegram i Jakomonit për Nënsekretarin e shtetit për Shqipërinë në
qeverinë italiane në Romë, Tiranë, datë 9 shtator 1940. 121 AQSH. F.161. V.1941, D.79, fl.6.
Çështja çame gjatë Luftës së Dytë Botërore Lorenc Agalliu
24
shqiptar; edhe atje ku ngjyra kombëtare e vendit është ndërruar, ndërrimi u bë me kleçka
dhe me vrasje”.122
Një tjetër figurë e shquar e nacionalizmit shqiptar ishte dhe Mit’hat Frashëri. Si
një prej figurave të shquara të nacionalizmit shqiptar dhe një njohës mjaft i mirë i
çështjes çame, ai e kundërshtoi në mënyrë krejt të hapur propagandën e gjerë fashiste, e
cila bëhej gjoja në dobi të shqiptarëve në Greqi. Si një njeri me vizion të gjerë dhe realist
ndaj afrimit të tragjedisë për popujt e Evropës, M. Frashëri kundërshtonte politikat
fashiste italiane të cilat synonin përdorimin e shqiptarëve kundër Greqisë. Si gjithë
njerëzit e shquar të letrave shqipe dhe të çështjes kombëtare shqiptare, M. Frashëri e
konsideronte një gabim të madh kolonizimin e Shqipërisë nga Italia fashiste, pasi një
vend i vogël dhe i varfër si Shqipëria nuk kishte se çfarë t’i ofronte një fuqie si Italia.123
Duke kuptuar qartë synimet e vërteta të Italisë, nacionalistët e vërtetë shqiptarë e kishin
parashikuar më parë se, Shqipëria nuk ishte gjë tjetër veçse një urë kalimi për fuqinë e
Boshtit për në Ballkan dhe më pas në Afrikën e Veriut.
Pra, duket qartë se italianët shpresonin shumë se, këto metoda do të nxisnin
shqiptarët të përkrahnin Italinë në përmbushjen e projekteve të saj në Ballkan. Qëllimi i
vetëm i Italisë dhe i propagandës së saj gjoja në mbështetje të irredentizmit të shqiptarëve
ishte pjesëmarrja e gjerë e shqiptarëve në ushtrinë italiane dhe përdorimi i tyre në
konfliktin kundër Greqisë. Edhe pse italianët u përpoqën me të gjitha mënyrat që ta
realizonin këtë, ata nuk ia arritën qëllimit, për faktin se italianët shiheshin prej
shqiptarëve vetëm si pushtues dhe jo si shpëtimtar të çështjes shqiptare. Megjithë
përpjekjet e vazhdueshme, monologu i diplomacisë italiane rreth çështjeve nacionale të
shqiptarëve jashtë kufijve politik të shtetit shqiptar gjithnjë binte në vesh të shurdhër.
Dështimet e njëpasnjëshme të diplomacisë italiane për të bërë për vete figura të
shquara patriotike shqiptare, kryesisht elementë nacionalistë të diasporës shqiptare,
tregojnë fare qartë se shqiptarët jo vetëm që nuk e kapërdinë lehtë pushtimin e
Shqipërisë, por njëkohësisht ata kundërshtonin në mënyrë të hapur qëllimet e fshehta
italiane për të përdorur shqiptarët kundër shteteve fqinje. Përpjekja e italianëve për
zotërimin e elementit shqiptar dhe përhapjen e ideve irredentiste në radhët e shqiptarëve
të diasporës qe e kotë. Tashmë shqiptarët i kishin kuptuar qëllimet e vërteta të italianëve.
Një fakt të tillë e pohon dhe ministri italian në Athinë Emanuele Graci i cili në një raport
dërguar Ministrisë së Jashtme italiane në Romë theksonte faktin se: “Çamët nuk
dëshironin të luftonin kundër Greqisë”.124 Shqiptarët dhe veçanërisht çamët në Greqi, të
cilët tashmë edhe pse jetonin në kushte jo të barabarta me grekët, ishin për një
bashkëjetesë paqësore dhe fqinjësi të mirë me popullin grek.
122 Ikonomi, Faik Konica…, f.269. Artikull i F. Konicës shkruar në gazetën Dielli, datë 20 shtator 1940. 123 AQSH. F.35 (Mid’hat Frashëri), V.1941, D.37, fl.29. Promemorie e Mid’hat Frashërit dërguar Francesko
Jakomonit me titull “Mbi disa çështje që preokupojnë marrëdhëniet italo-shqiptare”. 124 Sami Repishti, Hyrje në problemin e Çamërisë, (Tiranë, UET, 2014). 60.
Çështja çame gjatë Luftës së Dytë Botërore Lorenc Agalliu
25
1.3. Çështja çame si pretekst dhe vrasja e Daut Hoxhës.
Pothuajse gjatë gjithë intervalit të luftës së brendshme që kumtoi me ardhjen në
pushtet të fashistëve në Itali, vështirë se gjejmë ndonjë fragment konflikti me vendet e
tjera të rajonit. Në ndryshim nga nazistët gjermanë, të cilët kishin një program të qartë si
në politikën e brendshme ashtu dhe në atë të jashtme, fashistët italianë e ndërtuan
programin e tyre mbi zhvillimet spontane të politikës së jashtme dhe interesave të çastit.
Qëndrimi i italianëve në Greqi gjatë vitit 1923, në tentativën për të mbajtur Korfuzin nuk
kishte qënë i gjatë. Pas pushtimit të pasukseshëm të Korfuzit në vitin 1923 dhe deri në
vitin 1939, Italia ishte krejtësisht e dhënë pas pushtimit të Greqisë. Përgjatë këtij intervali
kohor, Italia në të njëjtën kohë mendonte dhe coptimin e Jugosllavisë dhe gjatë gjithë
kësaj kohe ajo u mundua të anashkalonte acarimet e mëdha me Greqinë. Për Musolinin,
tashmë kishte ardhur koha që nderi i Italisë të vihej në vend. Një fakt të tillë e pohon dhe
Çiano në ditarin e tij, në të cilin shënon se: “Duçja mediton një gjest force kundër
Greqisë, sepse që nga viti 1923 ka një llogari të pa shlyer, e grekët gënjejnë veten nëse
mendojnë se ai e ka fshirë nga karta”.125
Sukseset e njëpasnjëshme të aleatit të madh të Boshtit Hitlerit, i cili po
nënshtronte me radhë shtetet e Evropës qëndrore e errësuan tërësisht llogjikën e
Musolinit. Për të qenë i denjë si aleat përkrah Hitlerit, Musolini hodhi vështrimin drejt
vendeve të Ballkanit. Nuhatja e Çianos dhe intuita e tij nuk gabuan teksa kishte kuptuar
qartë se Musolini, ashtu si dhe ai vetë, kishte një etje të madhe për lavdi. Këtë fakt ai e
shfrytëzoi më së miri duke e bindur Duçen se, tashmë kishte ardhur koha që tradita e
pakët italiane në fushën ushtarake si dhe dështimet e njëpasnjëshme në arenën
ndërkombëtare mund të errësoheshin duke pushtuar një vend të vogël si Shqipëria.126
Ministri i Jashtëm italian theksonte se: “Në Shqipëri, e cila aq shpesh në histori n’a ka
përkitur, ne kërkojmë të gjejmë rrugën tonë të natyrshme drejt shtrirjes për në
Ballkan”.127 Madje këtë fakt Çiano ia kishte bërë të ditur si ambasadorit gjerman në
Romë ashtu dhe kryeministrit hungarez të cilët e kishin vizituar atë në zyrën e tij.128
Pushtimi i Shqipërisë nga Italia fashiste ishte hapi i parë i shpërthimit të konfliktit
në Ballkan si dhe trampolina për të vazhduar ekspansionin drejt vendeve të tjera të
gadishullit e për të zotëruar krejt Mesdheun. Në kuadër të ekspansionit në Ballkan,
ministri i propagandës së qeverisë fashiste Dino Alfieri, pohonte qartë synimet italiane,
duke u shprehur se; “Ne synojmë të rindërtojmë Perandorinë Romake dhe për këtë
Shqipëria, përbën një urë të vërtetë për të arritur synimet tona”.129 Për Italinë pushtimi i
Greqisë dhe zotërimi i Mesdheut përveçse kishte një rëndësi të madhe strategjike për fatet
e luftës, do të mënjanonte dhe prezencën britanike në rajon.
Në fillim të vitit 1940, Musolini ende nuk e kishte vendosur se kur do t’a
sulmonte Greqinë. Më 3 janar, Xhuzepe Botai, duke iu referuar vizitës së tij të pak
125 Ciano, Ditari..,61. shënim i datës 10 gusht 1939. 126 Fischer, Shqipëria gjatë Luftës.., 36. 127 Maria Fishel Lavine, Count Ciano: Foreign Affairs and Policy Determination in Fashist Italy, Janar
1939-Korrik 1940, (Dizertacion Doktorature në Universitetin e Vanderbilit 1977), 17. 128 Fischer, Shqipëria gjatë Luftës.., 61. 129 Archivio Centrale di Stato, (ACS), (Romë) Agenzia Stefani, fasc.12.
Çështja çame gjatë Luftës së Dytë Botërore Lorenc Agalliu
26
kohëve më parë në Athinë, theksonte gjatë bisedës me Duçen se, ai ishte kthyer tepër i
kënaqur nga kryeqyteti helen dhe se aty ai kishte gjetur një ambjent miqësor. “Unë,-
shënon Botai në ditarin e tij,- do të jem mjaft cinik në qoftë se u them atyre (grekëve) të
rrinë mjaft të qetë, sepse rruga ime nuk do të kalojë kurrë përmes tokës së tyre”.130 Por
duke mos qenë i sigurtë për vendimet e eprorit të tij fashist, në disa rreshta më poshtë,
Botai do të shënonte në ditar se, “të paktën unë mendoj kështu”.131
Hipokrizia fashiste ndaj vendeve të tjera duket mjaft qartë në rreshtat e shënuara
prej hierarkut fashist Bottai, i cili pak muaj më pas ndryshon kurs në mendimet e tij
politike kundrejt Greqisë dhe popullit grek. Në ditarin e tij në datën 25 maj 1940, Botai
shënonte bisedën që kishte patur me ministrin e jashtëm Çiano rreth kursit të ri të
politikës fashiste italiane në Ballkan dhe Mesdhe. Sipas tij, për Italinë, për momentin
parësore ishte një protektorat mbi Kroacinë, pushtimi me forcë i Dalmacisë, një
protektorat mbi Greqinë, zgjerimi i mbretërisë shqiptare në kufijtë e saj etnikë, -shkurt, i
gjithë Adriatiku.132 Lidhur me synimet italiane për zotërimin e Mesdheut, Bottai shënonte
se, “në Mesdheun jugor: Kretën, Afrikën e Veriut, protektorat mbi Egjiptin, Tunizinë,
Algjerinë, Marokun dhe më në fund Korsika”.133 Ideja për rikthimin e ishujve grek në
autenticitetin roman u bë një fobi në mendjen e italianëve, sa që dhe rënojat antike e
toponimet greke, tashmë konsideroheshin romake.134
Por aksioni kundër Greqisë nuk mund të mendohej kaq lehtë. Pavarësisht faktit se
Greqia gjatë viteve ’40 konsiderohej nga të gjithë si “vendi në krizë”, ky vend prej katër
vite qeverisej nga Metaksa, një diktator ballkanik me tipare fashiste. I frymëzuar nga
faqet e librit të Hitlerit, Metaksa që me ardhjen në pushtet kishte hedhur hapat e para të
vendosjes së një diktature fashiste në Greqi. Duke ndjekur rrugën e Rajhut të Tretë
gjerman, Metaksai synonte të predikonte “Qytetërimin e Tretë Helenik”, me pretendimin
për ngritur nga rrënojat e saj të historisë vlerat pagane të Greqisë së Lashtë dhe ato të
Perandorisë Bizantine.135 Lidhur me tiparet fashiste të Metaksasë, ambasadori italian në
Athinë, Graci do të deklaronte se, nëse ka një burrë në të tërë Greqinë, i cili ka ndjenja të
forta për Italinë, ai është vetëm një, Johanis Metaksa.136
Metaksai kishte instaluar në Greqi një shtet policor, ku liria e shtypit, liritë
politike ishin kufizuar së tepërmi. Shumë vepra letrare, përveç Platonit, arti, muzika,
teatrot ishin censuruar. Në gjendje akoma dhe më të vështirë ishte vendosur popullsia
shqiptare çame në Greqi, e cila prej vitesh kishte humbur të drejtën e pronës, të gjuhës
dhe lirisë. Metaksai kishte një kulturë gjermane, pasi ai kishte kryer studimet ushtarake
në Gjermani, por në politikën e jashtme ai kishte prirje anglofile. Nga ana tjetër, mbreti
Jorgo II, i kishte lënë dorë të lirë Metaksait për të qeverisur Greqinë, ndërsa në politikën e
130 Giuseppe Bottai, Diario 1935-1944, (Itali, Rizoli, 2001).172. 131 Po aty. 132 Po aty. 133 Po aty. 134 Gazeta L’Unita, 18 tetor 1953. Në artikullin e kësaj gazete me titull “Provoktarorët e luftës”, autori
Roberto Bataglia rendit De Vechin (guvernator i ishujve Dodekanez), Jakomonin (Mëkëmbësi i Mbretit në
Shqipëri), Çianon (Ministri i Punëve të Jashtme të Italisë) dhe Musolinin si katër nxitësit kryesor të
konfliktit me Greqinë. 135 Clogg, Histori e Përmbledhur e Greqisë..,119. 136 Emanuelle Grazzi, Il principio della fine, (Romë, 1945), 27.
Çështja çame gjatë Luftës së Dytë Botërore Lorenc Agalliu
27
jashtme, ai e kishte orientuar vendin drejt Anglisë, pasi në Londër ai kishte kaluar
periudhën e ekzilit.
Italia edhe mund të ishte përpjekur ta bënte për vete Metaksain, i cili po ashtu
kishte prirje të theksuara fashiste, por Musolini nuk kërkonte aleat tjetër për Boshtin, ai
kërkonte kundërshtarë të lehtë dhe jo të denjë për të. Për më shumë, vetë Musolini kishte
një etje për t’u bërë i njohur si predikues i përpjekjeve, i agresionit dhe i pushtetit, më
tepër se për të qëndruar si princ i paqes në botë. Duçja kishte ndjekur me vëmendje
grushtin e shtetit në Greqi dhe ardhjen e Metaksait në krye të qeverisë. Diktatori grek që
në fillim, kishte dhënë shenjat e para të orientimit fashist të politikave të brendshme të tij
në Greqi. Por, kur për Musolinin po bëhej gjithnjë e më e qartë se diktatori grek nuk
kishte ndërmend të ndryshonte kursin e politikës së jashtme greke, duke besuar gjithnjë te
Britania e Madhe, atëherë ai e shënoi Greqinë si interes italian.137 “Shumë prej ishujve
grekë si, Kreta, Korfuzi, Mudros, etj,- raportonte përfaqësuesi diplomatik italian në
Athinë,- janë tashmë në dispozicion të anijeve britanike, duke qenë kështu një siguri më
shumë për ruajtjen e ujrave detarë të Greqisë”.138 Një veprim i tillë i Athinës nuk kishte
se si të mos i bënte përshtypje Italisë, e cila e shihte këtë akt si një pengesë serioze për të
realizuar synimet e saj për zotërimin e Mesdheut dhe kalimin për në kontinentin afrikan.
Disa herë diktatori fashist i kishte bërë thirrje kryeministrit grek që të hiqte dorë nga
mburoja angleze, por veprimet e tij kishin rënë në vesh të shurdhët.139
Ndërkohë që për Çianon çështja greke kishte karakter personal. Nuk është krejt e
rastësishme shprehja e Çianos, drejtuar Grazzit të cilit i thotë se; “T’i thuash Metaksait
se, në rast se nuk më jep kënaqësinë në rastin e Minierës së Lokrias, do t’i marr
Korfuzin”.140 Historiani B.J. Fischer arrin në konkluzionin se, çështja e pushtimit të
Greqisë ishte bërë një çështje personale për Çianon aq sa “planin makbethjan për vrasjen
e Mbretit Zog, ai e kishte menduar dhe për kryeministrin grek”.141
Edhe pse italianët ishin krejtësisht të bindur se me pak presion diplomatik do të
mund t’ua shkëpusnin fare lehtë grekëve Çamërinë, përgatitjet ushtarake në kufirin
shqiptaro-grek që pas pushtimit të Shqipërisë filluan të intesifikoheshin. Lidhur me një
sulm të mundshëm të Italisë ndaj vendit të tij, Metaksai nuk i kishte besuar as
paralajmërimit të ministrit britanik në Athinë, kur diplomati anglez e kishte paralajmëruar
kryeministrin grek për përgatitjet e Italisë për një sulm eventual ndaj Greqisë.
Ambasadori italian në Athinë do të konfirmonte një lajm të tillë teksa i raportonte
Çianos se; “Nga informacionet e sigurta që kam, ministri britanik në Athinë këtë mëngjes
herët u takua me Metaksain, të cilit i ka rekomanduar të përgatitet për një sulm të
mundshëm nga ana e Italisë. Metaksai iu përgjigj se nuk i besonte këto dhe se ai vet as që
kishte ndërmend të përballonte ushtarakisht një sulm të tillë”.142 Në të njëjtën linjë me
kryeministrin e tij ishte dhe ministri i jashtëm i qeverisë greke Mavrudis, i cili u mundua
të sigurojë ambasadorin italian në Athinë Graci, duke i shprehur atij gadishmërinë se
137 Jerezy W. Borejsza, Greece and the Balkan Policy of Fascist Italy, 1936-1940, 55. in Journal of
Hellenic Diaspora. 138 DDI, Serie 8, Vol.XI, dok.596. Njoftim i Grazzit për Çianon, Athinë 24 prill 1939. 139 Ciano, Ditari..,61. 140 “L’Unita”, datë 18 tetor 1953. 141 Fischer, Shqipëria gjatë Luftës.., 111. 142 DDI, Serie 9, Vol.VIII, dok.484, Grazzi për Çianon.
Çështja çame gjatë Luftës së Dytë Botërore Lorenc Agalliu
28
Greqia do të mund të ruante sa më shumë neutralitetin e saj në raport me shtetet e tjera.143
Dhe si për të provuar besnikërinë ndaj shteteve të Boshtit, Greqia mbeti jashtë Paktit
Turko-Britanik, për aq kohë sa vendi nuk rrezikohej nga ndonjë sulm i mundshëm nga
fuqitë e Boshtit.144
Pas një momenti hezitimi dhe bindjeje se, Italia si një vend mik dhe fashist nuk do
t’a sulmonte kurrë Greqinë, Metaksa vendosi të marrë masat e duhura për t’i bërë ballë
një sulmi të mundshëm ushtarak. Shtimi forcave italiane përrreth kufirit greko-shqiptar
çoi në marrjen e masave ushtarake të qeverisë greke ndaj rrezikut që i kanosej. Lidhur me
masat e ndërmara nga Greqia për përforcimin e kufirit verior me Shqipërinë, Prefektura e
Gjirokastrës njoftonte në muajin qershor 1940, se; “Në Prevezë ka zbarkuar një divizion
me ushtarë grekë, në Janinë 4 batalione, një në Gumenicë, një në Kakavijë dhe një në
Filat”. 145 Në një tjetër telegram të datës 10 qershor 1940, kjo prefekturë njoftonte
Ministrinë e Brendshme në Tiranë se; “Qeveria e Athinës ka formuar çeta me qëllim që
në rast lufte, të ndërmarrë inkursione në brendësi të territorit shqiptar”.146
Paralelisht me masat e marra, qeveria greke rriti presionin ndaj popullsisë civile
shqiptare, e cila që në pikënisje të problemit paragjykohej si bashkëpunëtore dhe
tradhëtare. Qeveria greke ndërmori mobilizimin e detyrueshëm ushtarak të burrave çamë,
proçes ky që u ndërthur me masat e marra për largimin nga shtëpitë e tyre të burrave të
aftë për luftë. Masat e marra nga qeveria greke, sollën si rezultat reagime të forta te
popullsia shqiptare, e cila e shprehu pakënaqësinë e saj në formë dezertimi, mosbindje
dhe herë herë me kalimin e saj në radhët e ushtrisë italiane.147
Në Shqipëri, plani për nxitjen e irredentizmit të shqiptarëve po shkonte ashtu siç
ishte parashikuar nga diplomacia italiane në Romë. Në varësi të ecurisë së këtyre
planeve, Musolini dhe vartësit e tij, shumë shpejt do të hartonin dhe strategjinë e sulmit
ushtarak ndaj Greqisë. Për Italinë, Greqia paraqitej si rasti më i mirë i mundshëm për të
zbatuar strategjitë ushtarake në kuadër të zhvillimit të Luftës së Dytë Botërore. Me urdhër
të eprorëve të tij në Romë, Jakomoni kishte marrë të gjitha masat për të krijuar kushtet e
nevojshme për fillimin e një lufte të mundshme kundër Greqisë. Jakomoni, vazhdimisht
duhet të sajonte çështje për të zgjidhur midis Greqisë dhe Italisë. Dhe ajo ekzistonte: ishte
çështja çame dhe gjendja e popullsisë shqiptare në kufijtë e shtetit grek.
Përveç të tjerash, Çiano kishte ngarkuar Jakomonin dhe gjeneral Praskën që të
projektonin me urgjencë një projektplan për kufijtë e rinj midis Shqipërisë dhe Greqisë, e
të hartonin shpejt strategjinë e luftës. Nga padurimi për të vepruar kundër Greqisë Çiano
e kishte vendosur vet kufirin, i cili shkonte deri në malet e Epirit dhe Jakomoni e Praska
vetëm sa e kishin konfirmuar atë.148 Ndërkohë që në korrik të vitit 1940, Shtabit të
Përgjithshëm të Ushtrisë italiane i qe kërkuar të studionte një raport për pushtimin e
Çamërisë. Tashmë nën trysninë italiane, çamët dhe Çamëria u vunë në fokusin e të dy
143 DDI, dok.718. Raport i Grazzit për ministrin e jashtëm Çiano. Athinë 17 maj 1939. 144 Po aty. 145 AQSH, F.161, V.1940, D.691, fl.23. 146 Po aty. fl.11. 147 Maragritis, Bashkëpatriotë të padëshiruar.., 124-125. 148 DDI, Seria 9, Vol.V, dok.442, datë 17 gusht 1940. Njoftim i Jakomonit për Çianon mbi ecurinë e
propagandës italiane si dhe të punimeve ushtarake në kufirin greko-shqiptar.
Çështja çame gjatë Luftës së Dytë Botërore Lorenc Agalliu
29
shteteve, Greqisë dhe Italisë, duke sjellë argumente dhe kundërargumente si një pretekst
për fillimin e një konflikti të armatosur.
Megjithë fuqizimin e reparteve ushtarake me trupa të reja përreth kufirit
shqiptaro-grek, eksponentë të veçantë të regjimit fashist në Romë, ishin të bindur se
Çamëria do të merrej fare lehtë. Një fakt i tillë del dhe nga korespodenca midis
Jakomonit dhe Çianos, ku Mëkëmbësi i Mbretit në Shqipëri i raporton shefit të tij se:
“Ekziston një përshtypje mjaft e përhapur, se autoritetet greke mendojnë ta lënë
Çamërinë”.149
Kohët e fundit, me hapjen e arkivave kryesisht ata britanikë, rezulton se edhe në
disa qarqe të larta të qeverisë greke, kishte opinione të cilat mbështesnin idenë për
dhënien e Çamërisë Italisë me qëllim shmangien e luftës. Sipas autorit italian Gianluca
Andre (Xhanluka Andre), shefi i ushtrisë greke Aleksandër Papagos, ishte gati t’ua jepte
italianëve Epirin, para tetorit të vitit 1940. 150 Madje sipas dokumenteve britanike të
kohës, të njëjtin qëndrim deri para fillimit të luftës mbajtën si ministri i jashtëm grek
Mavrudis ashtu dhe ai i financave Apostolidis.151
Për t’i bërë sa më të besueshme deklaratat e tij, Jakomoni raportonte nga Tirana
se: “Në disa ambjente të Athinës mendojnë se, në rast të ndonjë sulmi italian do të bëhet
një farë rezistence fillestare sa për t’i treguar botës se Greqia u përpoq t’i rezistonte
agresionit”.152 Jakomoni e dinte fare mirë se, si Çianos dhe Musolinit, iu pëlqente të
besonin se sulmi programuar ndaj Greqisë, do të ishte diçka e lehtë dhe se Greqia ishte e
izoluar nga pikëpamja ndërkombëtare e kryesisht nga Anglia. Në këtë mënyrë ai servirte
vetëm lajme pozitive nga Shqipëria, ashtu siç do të preferonin shefat e tij të dëgjonin.
Të bindur se shqiptarët e Çamërisë do të ishin në anën e Italisë gjatë sulmit
kundër Greqisë, Shtabi i Përgjithshëm i ushtrisë italiane kishte planifikuar që sulmi të
kryhej në dy etapa. Si fillim sulmi do të synonte marrjen e Çamërisë dhe ishujve Jonianë,
të cilët shërbenin si bazë për strehimin e anijeve dhe të flotës britanike. Së dyti,
menjëherë pas këtij suksesi, sulmi do të drejtohej drejt marrjes së kryeqyetit grek Athinës
dhe më pas me synim të gjithë Greqië.153 Një projekt të tillë e konfirmon dhe Çiano, i cili
shënon në ditarin e tij se; “Në qoftë se Çamëria dhe Korfuzi do të jepen pa goditje force,
nuk do të kërkojmë më tepër. Nëse përkundrazi, do të bëhet rezistencë, do ta shtyjmë
aksionin deri në fund”.154
Në të vërtetë politika italiane nuk synonte një zgjidhje paqësore të çështjes së
popullsisë shqiptare në krahinën e Çamërisë. Roma kishte lënë të kuptohej se, në të
vërtetë fashistët nuk synonin arritjen e një marrëveshjeje me Greqinë, e cila do të kënaqte
dëshirat e shqiptarëve në Çamëri. Nga qëndrimi dhe veprimet diplomatike e ushtarake të
Italisë del qartë se, Roma e quante të nevojshme që të eleminonte rrezikun e krijimit të
Greqisë si bazë ajrore e detare britanike ashtu dhe rrezikun tjetër që mbarte emrin e
149 Mario Cervi, Storia della Guerra di Grecia, (Milano, 1965), 75. 150 Gianluca Andre, La politica estera fascista durante la seconda Guerra mondiale, në L’Italia fra
tedesschi e alleati, (Edicione Renzo de Felice, Bolonga, 1973), 122-123. 151 Po aty. 123. 152 Cervi, Storia della Guerra.., 75. 153 DDI, Seria 9, Vol.V, dok.728, f.699-705. Takimi në Pallatin Venecia datë 15 tetor 1940 mbi hartimin e
planit për sulmin ndaj Greqisë. Në takim merrnin pjesë Musolini, Çiano, Badolio, Jakomoni, Praska etj. 154 Ditari Contit Çiano.., 62
Çështja çame gjatë Luftës së Dytë Botërore Lorenc Agalliu
30
Hitlerit. Një veprim i tillë nuk kishte të bënte aspak me përfshirjen e Shqipërisë në luftë
kundër Greqisë e aq më tepër me përkrahjen e lëvizjes irredentiste të shqiptarëve të
Çamërisë.
Në kuadër të synimeve në rajon, krahas politikës dhe propagandës së tyre,
italianët zhvilluan dhe infrastrukturën rrugore të Shqipërisë. Të gjitha investimet në
përmirësimin e infrastrukturës në Shqipëri u vu në dobi të çështjes greke dhe synimeve
italiane në luftën kundër Greqisë. Projektet italiane për të sulmuar Greqinë nga territori
shqiptar konsistonin në ndërtimin e porteve për zbarkimin e anijeve ushtarake dhe të
rrugëve që të çonin drejt kufirit jugor të Shqipërisë. Për realizimin e planeve të agresionit
kundër Greqisë, rëndësi të veçantë mori ndërtimi i rrjetit rrugor në Shqipërinë e Jugut,
rrjet ky i cili të çonte drejt Greqisë.
Në shërbim të synimeve pushtuese italiane u filluan nga puna për thellimin dhe
zgjerimin i portit të Durrësit, për të bërë të mundur ankorimin dhe përpunimin e anijeve
të tonazheve më të mëdha, meqëllimi furnizimin e ushtrisë italiane me armatim dhe
pajisje të tjera ndihmëse. Çiano, në kujtimet e tij lidhur me ecurinë e planeve ushtarake
me synim Greqinë, shënonte se; “Punët publike po fillojnë të shkojnë mirë. Gjithë
programi i rrugëve po orientohet drejt kufirit grek. Kjo është urdhëruar nga vet Duçja që
mediton gjithmonë t’i vërsulet mbi kurriz Greqisë me rastin më të pare”.155
Grekët kishin kërkuar garanci nga gjermanët, të cilëve u premtuan me anë të
ministrit të tyre të jashtëm Mavrudis, se Greqia nuk shihte ndonjë shkak për të hyrë në
luftë, përveç rrezikut rus. 156 Kjo politikë e jashtme e Greqisë nuk i pëlqente aspak
Britanisë së Madhe, e cila po shihte t’i largohej nga orbita aleati i vetëm i saj në Ballkan.
Për të ndaluar Greqinë të hidhej në krahët e Bllokut, Britania e Madhe u mundua ta
ndalonte Greqinë të hynte në marrëveshje të drejtëpërdrejtë me Gjermaninë dhe për këtë
ndërhyrje vetë ministri i jashtëm italian Çiano protestoi ashpër.157
Grekët u munduan të shfrytëzonin të gjitha mundësitë që krijoheshin në politikën
e jashtme për të ruajtur raporte të mira me Italinë. Për t’ia arritur qëllimit, politika greke u
mundua të krijonte një bllok shtetesh neutrale, madje ata u munduan të tërheqin dhe
vëmendjen e Ankarasë për ta përdorur atë si një ndërmjetëse të vendosjes së kontakteve
me Italinë fashiste.158 Qeveria greke ishte e gatshme të sakrifikonte marrëdhëniet me
aleaten e vjetër të saj, Britaninë e Madhe, vetëm e vetëm që t’i qëndronte koherent
qëndrimit neutral të saj ndaj Gjermanisë hitleriane dhe Duçes.
Në momentin kur sinjalet për shpërthimin e konfliktit italo-grek ishin më të qarta
se kurrë, në muajin qershor 1940, persona të armatosur vranë patriotin me origjinë çame
Daut Hoxha. Daut Hoxha së bashku me vllahun Taqi Dhimandi që prej 20 vjetësh kishte
qënë në kërkim nga policia dhe qeveria greke, e cila për eleminimin e tyre kishte vënë në
dispozicion një shumë të majme dhrahmish. Daut Hoxha u vra në muajin qershor në
Konispol pranë shtëpisë së tij. Koka e ndarë nga trupi, u shëtit nga vrasësit Ilia Foto dhe
Pilo Koçi në Paramithi dhe nëpër fshatrat e banuara prej shqiptarëve në formë presioni
për t’u treguar atyre se i njëjti fat i priste të gjithë ata që ngrinin krye.159
155 Ciano, Ditari.., 46. Shënimi është bërë në datën 12 maj 1939. 156 DDI, Seria 9, Vol.V, dok.585. Raport i Grazzit për ministrin e jashtëm Çiano. 157 Po aty, dok.307. Njoftim i Çianos për Grazzin, datë 29 nëntor 1939. 158 Po aty, dok.287, Grazzi për Çianon. 159 AQSH, F.152. V.1940. D.45, fl.24.
Çështja çame gjatë Luftës së Dytë Botërore Lorenc Agalliu
31
Daut Hoxha njihej për aktivitetin e tij patriotik në dobi të çështjes çame dhe prej
shumë vitesh, për shkak të rrethanave politike ai e ushtronte këtë aktivitet në brendësi të
territorit të shtetit shqiptar. Në kuadër të përgatitjes së çetave me vullnetarë shqiptarë, të
cilat mendoheshin të hynin në Greqi bashkë me ushtrinë italiane, D. Hoxha sipas
njoftimeve të Drejtorisë së Policisë Tiranë kishte përgatitur një trupë prej 100-150 vetësh,
të cilët ishin të pajisur me armë dhe do t’i bashkoheshin ushtrisë italiane pas nisjes së
konfliktit të armatosur.160
Çështja e vrasjes së Daut Hoxhës mori karakter zyrtar dhe diplomatik për Italinë.
Qeveria italiane, e cila tashmë kishte marrë kopetencat e zgjidhjes dhe mbrojtjes së
çështjes shqiptare, kërkonte prej palës greke kapjen dhe ekstradimin e autorëve. Duke
mos e pranuar fajin e krimit të kryer, Greqia akuzoi shqiptarët për vrasjen e D. Hoxhës,
duke e cilësuar këtë akt si një vrasje për motive hakmarrje.161
Agjencia zyrtare italiane Stefani, e trajtoi me shumë vëmendje këtë rast, duke i
bërë një akuzë zyrtare autoriteteve greke për këtë vrasje.162 Në 14 gusht kjo agjenci
publikoi një deklaratë të mbërritur disa ditë më parë nga Tirana mbi vrasjen e Daut
Hoxhës. Sipas kësaj deklarate, Daut Hoxha ishte një luftëtar i vjetër i irredentizmit
shqiptar në Çamëri dhe se prej vitesh ai luftonte së bashku me bashkëpatriotët e tij për të
bashkuar Çamërinë me trungun mëmë. Artikulli i plotë i agjencisë Stefani ishte ky;
Daut Hoxha, shqiptar irredentist i Shqipërisë, është gjendur i vrarë barbarisht në
territorin shqiptar. Trupi i tij që u gjend pa kokë u morr në Greqi nga vrasësit grekë,
duke e dorëzuar atë tek autoritetet vendase, të cilët kishin vendosur dhe një çmim
për vrasjen e tij. Lajmet tregojnë se qëllimisht koka e Daut Hoxhës u çua në
fshatrat shqiptarë, duke u ekspozuar në publik me të vetmin qëllim që të frikësohej
dhe kërcënohej popullsia irredente çame.
Daut Hoxha ishte një luftëtar i vjetër i irredentizmit shqiptar të Çamërisë. Për
shumë vite ai kishte kryer një aktivitet të dendur patriotik në radhët e
bashkëkombasve të vet, për të arritur bashkimin e Çamërisë me mëmëdheun.
I përndjekur nga autoritetet greke ai kishte gjetur strehim në Shqipëri, ku shpesh i vinin
kërcënime me vdekje. Sot autorët grekë e kanë mbuluar me gjak jetën e tij patriotike,
por sakrifica e tij nuk do të shkojë dëm, pasi krimi i kryer ka prekur shumë thellë
shqiptarët e Çamërisë.
Ky nuk është një rast i izoluar i Greqisë dhe i politikës së saj. Disa muaj më parë
u gjend një shqiptar tjetër i vrarë, në trupin e të cilit u gjend një shënim, ku
shkruhej se vdekja do të prekë të gjithë ata shqiptarë që do të përpiqen të
shkëpusin Çamërinë nga dominimi grek, e ta bashkojnë atë me Shqipërinë.
Kundër kësaj popullsie sot rëndon më shumë se kurrë pesha e despotizmit grek, ku
shumë çamë janë të detyruar të largohen për në Shqipëri, për t’u shpëtuar
persekutimeve të shumta.
Autoritetet greke, sipas dëshmive të shumta të mbledhura nga dëshmitarë okularë,
përhapin lajme se së shpejti italianët do të përzëhen nga Shqipëria. Por çamët
160 Po aty. fl. 18. 161 Manda, Çamët myslimanë të Epirit.., 124. 162 Puto, Lufta italo-greke.., 46.
Çështja çame gjatë Luftës së Dytë Botërore Lorenc Agalliu
32
më shumë se kurrë din t’u kthejnë reston thashethemeve greke. Nëse dashuria për
atdheun e tyre shqiptar mjafton të ngrejë lart besimin në këtë periudhë të errët, ata do të
shohin te Shqipëria atdheun e tyre të arsyes dhe shpresës.163
Më shumë se një artikull gazete, e gjithë kjo deklaratë duket si një thirrje drejtuar
minoritetit shqiptar çam në Greqi për të përkrahur aksionin italian që po përgatitej në
dyert e diplomacisë së saj. E njëjta thirrje me të njëjtat tone u përdor dhe një javë më
vonë në rubrikën kushtuar zhvillimeve në Shqipëri gjatë muajit gusht të vitit 1940, në të
cilën si argument kyesor ishte sërish çështja e shqiptarëve të Çamërisë.164
Sipas diplomacisë italiane, fakti që Greqia dëmshpërbleu vrasësit e Daut Hoxhës
përbënte një akt fajësie nga ana e qeverisë greke dhe kjo çështje duhej diskutuar në
nivelet më të larta.165 Duke shfrytëzuar këtë rast, Italia u mundua të përfitonte sa më
shumë të ishte e mundur, për të vazhduar idenë e saj irredentiste ndaj shqiptarëve dhe për
të lënë të kuptohet se ajo ishte thellësisht e prekur dhe e interesuar për zgjidhjen e kësaj
çështje. Qeveria italiane, vrasjen e Hoxhës e cilësonte si një krim të pastër me motive
politike dhe etnike dhe se për të ky nuk ishte një rast i shkëputur.
Menjëherë pas incidentit në fjalë, ambasadori italian në Athinë Grazzi, me porosi
të Çianos mori një takim me zyrtarë të Ministrisë së Jashtme greke. Gjatë takimit të tij me
Mavrudis, Grazzi i transmetoi ministrit grek shqetësimin e qeverisë italiane lidhur me
incidentin në fjalë si dhe me faktin se Greqia me këtë veprim kishte cënuar rëndë
marrëdhëniet miqësore që kishte patur deri tani me Italinë. Në lidhje me çështjen e
shqiptarëve në Çamëri, Grazzi i theksoi gjatë takimit ministrit grek se, “Çështjen çame
nuk e kemi shpikur ne, por ajo ekziston që prej vitit 1912. Tani të drejtat e popullit
shqiptar i ndjek Italia”.166
Nga ana e tij Mavrudis nuk e kishte prituar aspak mirë tonin e lartë të Agjencisë
italiane Stefani lidhur me vrasjen e irredentistit shqiptar Daut Hoxha. Sipas Mavrudis,
para se kjo çështje të bëhej publike për mbarë opinionin ndërkombëtar, Italia duhet t’a
kishte diskutuar në rrugë diplomatike me qeverinë e tij greke. Gjithashtu gjatë takimit me
ambasadorin italian, Mavrudis e kërcënoi atë se, Greqia ishte e gatshme t’i bënte ballë
çdo agresioni të jashtëm dhe se ajo ishte në gjendje të siguronte integritetin territorial të
saj.167 Në lidhje me vrasjen e Daut Hoxhës, Mavrudis i kishte shprehur qëndrimin e tij
personal dhe atë të qeverisë së tij, se Daut Hoxha ishte një bandit, i cili kërkohej prej
kohësh për krimet e tij dhe jo një luftëtar nacionalist.168
Edhe ministri i jashtëm fashist Çiano, në letrën e gjatë dërguar përfaqësuesit të
qeverisë greke në Romë Politis, i rendit një sërë krimesh të kësaj qeverie kundër
popullsisë muslimane shqiptare në Çamëri. Në letrën e tij të dërguar në muajin gusht
1940, menjëherë pas vrasjes së Daut Hoxhës, Çiano akuzon Greqinë se, prej kohësh ajo
ka diskriminuar shqiptarët dhe këtë e ka bërë në të gjitha fushat e jetës. Çiano jo pa të
163 Artikull i publikuar në Agjencinë Stefani me titull, “Irredentista Albanese della Çiamuria assassinato
da emissari greci”, in Relazioni Intrenacionali, 24 agosto 1940, anno VI, nr.34. 1292-1293. 164 Relazioni Intrenacionali, 31 agosto 1940, anno VI, nr.35 165 Puto, Lufta italo greke.., 49. 166 DDI, Seria 9, Vol.5, dok. nr.409, fq.394. Njofrtim i Grazzit për Çianon, Athinë, 13 gusht 1940. 167 Po aty. 168 Po aty.
Çështja çame gjatë Luftës së Dytë Botërore Lorenc Agalliu
33
drejtë akuzonte qeverinë fashiste greke se, diskriminimi i shqiptarëve në favor tëgrekëve
kishte prekur lirinë themelore, të jetës, të pronës dhe të mësimit të gjuhës shqipe. Sipas
tij, qeveria greke qëllimisht ka sponsorizuar në nivel lokal dhe më gjerë, metoda të egra,
duke larguar shqiptarët nga qendrat kryesore të banimit me qëllim lënien e tyre në
errësirë, varfëri dhe larg qytetërimit. Duke marrë në dorë fatet e shqiptarëve, Çiano i
kujton ambasadorit grek në Romë Politis se, rajonet shqiptare të Greqisë kanë qënë
gjithmonë të pretenduara nga ana e Shqipërisë si një pjesë integrale dhe e nevojshme për
unitetin e saj kombëtar.169
Nota verbale e ministrit të jashtëm italian drejtuar qeverisë greke, mbante
ngjyrime të forta nacionaliste të lidhura këto me çështjen kombëtare të shqiptarëve në
Greqi. Sipas qeverisë italiane, vrasja e irredentistit shqiptar nuk është një episod i
shkëputur, ky akt pason një seri faktesh të dhimbshme, të vëna në dukje shumë herë, por
të pa njohura publikisht, që janë kryer në dëm të popullsisë shqiptare.170 Duke vazhduar
më tej me kartën e irredentizmit shqiptar, në komunikimin e tij për homologun grek,
Çiano theksonte se, “gjendja e tanishme e shqiptarëve në Çamëri, është një shfaqje e
hapur dhe e dhunshme, sa e lashtë aq dhe kronike”.171
Greqia nuk ishte në gjendje t’a përballonte presionin në rritje nga ana e Italisë, e
cila gradualisht po shtonte përpjekjet e saj për t’a vënë Greqinë përpara përgjegjësisë
ndërkombëtare për aktin e kryer. Diplomacia italiane duke përfituar dhe nga situata e
rënduar, kërkonte prej Greqisë largimin e anijeve britanike nga bazat e saj detare. Për
këtë akt, Çiano, i cili ishte mjeshtër i prapaskenave dhe intrigave, stisi disa të dhëna
“sekrete” të cilat ia serviri diplomatit grek në Romë. Sipas të dhënave që kishte siguruar
Çiano nga dokumentet franceze, Greqia kishte vendosur që të gjithë portet e saj do të
viheshin në dispozicion të Britanisë së Madhe. Për këtë veprim Çiano e kërcënonte
ambasadorin grek se, tashmë kishte ardhur koha që Greqia të heqë dorë nga idetë utopike
të saj.172
Pothuajse në të njëjtën valë për përhapjen e ideve irredentiste shqiptare, ishin si
diplomacia italiane dhe propaganda e saj e shfrenuar në radio dhe gazetat e vendit fashist.
Radioja dhe shtypi italian i bënin një jehonë të madhe vrasjes së Daut Hoxhës prej
bandave greke. Duke i dhënë ngjyrime të forta nacionaliste vrasjes së D. Hoxhës, folësi
italian i radios EIAR, shprehej se; “Sakrificat e tij nuk do të shkojnë dëm, vrasja e tij ka
prekur thellë gjithë popullin shqiptar të Çamërisë”.173
Në të vërtetë reprezaljet dhe vrasjet ndaj shqiptarëve nga ana e grekëve ishin të
zakonshme në Çamëri. Një fakt të tillë e pohonte dhe amabasadori italian në shtetin helen
Grazzi, i cili e konsideronte si një vazhdim të vrasjeve të mëparshme që ka bërë Greqia
kundër pjesëmarrjes shumë aktive të çamëve në luftën për çlirimin kombëtar të asaj
krahine.174 Vetëm dy muaj përpara fillimit të konfliktit italo-grek, qeveria fashiste greke
burgosi në ishujt e Egjeut pothuajse të gjithë meshkujt çamë të moshës 16 deri në 70 vjeç.
169 DDI, dok.429, fq.411-413, Gusht 1940. Çiano për ministrin grek në Romë Politis. 170 Jakomoni, La politica estera fascista.., 244-245. 171 Po aty., 244. 172 DDI, Seria 9, Vol.5, dok. nr.87, fq.29. 173 Montaneli, Çervi, L’Italia.., 333. 174 DDI, Serie 9, Vol.V, dok.409, f.392. Njoftimi i ambasadorit italian në Athinë Grazzi për Çianon, datë 13
gusht 1940.
Çështja çame gjatë Luftës së Dytë Botërore Lorenc Agalliu
34
Mbi 350 vetë u masakruan nga thikat dhe bajonetat e andartëve grekë dhe po kaq vdiqën
nga uria dhe torturat çnjerëzore.175
Terrori dhe genocidi grek i ushtruar ndaj popullsisë shqiptare në Greqi, e kishte
bazën në filozofinë fashiste të diktaturës së Metaksait. Në kulmin e fuqisë së tij,
kryeministrit grek Metaksa, do të deklaronte se; “Ne duhet t’ua nënshtrojmë orekset tona,
pasionet tona dhe kultin e tepruar të unit tonë, tërësisë së interesit kombëtar”.176 Në
vazhdën e spastrimit etnik të Çamërisë forcat qeveritare greke kishin parashikuar se, në
rast të një konflikti të mundshmë ushtarak me fuqitë e Boshtit, të largonin të gjitha gratë
dhe fëmijët çamë të mbetur në Çamëri.177
Lidhur me incidentin e vrasjes së D. Hoxhës, me keqtrajtimin e shqiptarëve në
Greqi dhe me rivendikimet shqiptare për bashkimin e trojeve të lëna jashtë kufirit politik
të Shqipërisë, autori italian Xhovani Ansaldo në artikullin e tij të datës 13 gusht 1940, në
faqet e gazetës “Tomori”, shkruante se; “Incidenti në fjalë si ai që ndodhi në Çamëri, janë
rasti për t’u kujtuar të gjithëve se një ndryshim i shpejtë i kufijve në Ballkan vetëm sa do
të rregullonte gabimet e bëra në të shkuarën në dëm të kombit shqiptar”.178 Përveç faktit
se Italia fashiste kërkonte arsye qoftë dhe të vogla për të sulmuar Greqinë, çështja e
minoritetit çam e aq më tepër ajo e vrasjes së bariut shqiptar D. Hoxha, nuk ishin çështje
që preokuponin realisht Italinë. Ambasadori amerikan në Greqi, Mac Veagh, vetëm pak
ditë pas vrasjes së D. Hoxhës në një raport dërguar qeverisë amerikane do të shprehej se;
“Akuzat që lidhen me vrasjen e bariut shqiptar janë të pathemelta. Me shumë gjasa, Italia
nuk e shikon me simpati rishikimin e kufijve të Shqipërisë. Çamëria është vetëm një
pretekst”.179
Si një hierark tipik i regjimit fashist, Jakomoni pati meritën e madhe, duke e
transformuar çështjen e vrasjes së Daut Hoxhës në një çështje ndërkombëtare midis
Greqisë dhe Italisë. Letra ngushëllimi drjetuar Jakomonit për vrasjen e irredenistit çam
erdhën nga vende të ndryshme satelite fashiste. Letra ngushëllimi erdhën nga shqiptarët e
Rumanisë, të cilët ishin “thellësisht” të prekur nga kjo ngjarje.180 Vrasja në fjalë dhe
situata e krijuar prej saj u bë objekt bisede midis ambasadorit grek në Berlin dhe ministrit
të jashtëm gjerman von Ribentrop. Qëndrimi i Gjermanisë në këtë rast megjithë versionin
dhe justifikimet greke, nuk mund të ishte jashtë kornizës së politikës së Boshtit, pasi
Gjermania i njihte të gjithë të drejtat Italisë për zotërimin e Mesdheut.181
Për të transformuar një mik potencial në një armik të mundshëm, u ndërtuan lloj-
lloj akuzash të rreme dhe të pa argumentuara politikisht. Provokimet nga ana e italianëve
për të stimuluar një konflikt të mundshëm ushtarak me Greqinë u shpeshtuan. Pa kaluar
pak javë nga vrasja e D. Hoxhës, në 15 gusht të vitit 1940, gjatë një ceremonie festive në
175 Arkivi i Ministrisë së Punëve të Jashtme të Republikës së Shqipërisë (më tej AMPJ), V.1944, D.42, (B
VII-3). Një kronikë e politikës greke në Çamëri. 176 Clogg, Historia e Përmbledhur e Greqisë, 120. 177 Historia e Popullit Shqiptar, Akademia e Shkencave të Shqipërisë, Vëllimi IV, (Tiranë, Toena, 2008),
151. 178 “Tomori”, 13 gusht, 1940. 179 John Iatrides, Ambassador Mac Veagh Reports, Greçe, 1933-1947, (New Yersey, 1980), 213, cituar
sipas Mentor Nazarkos, Pesha e kohës në zgjidhjen e çështjes së pronësisë në Çamëri në procesin
europianizues të Greqisë dhe Shqipërisë, (Tiranë, UET Press, 2014), 314. 180 AQSH, F.161, V.1940, D.26, fl.1. 181 DDI, Seria 9, Vol.5, dok.439, Njoftim i Grazzit për Çianon, datë, 17 gusht 1940.
Çështja çame gjatë Luftës së Dytë Botërore Lorenc Agalliu
35
portin e Tinos një silur goditi kryqëzorin grek Helli, i cili u fundos në ujrat e detit Jon.182
Aksioni i parashikuar rezultoi plot sukses për italianët. Tashmë lufta po afrohej.
Pretekstet për fillimin e konfliktit të armatosur midis Italisë dhe Greqisë sa vinin e
shtoheshin. Vrasja e Daut Hoxhës dhe incidenti i kryqëzorit Helli, gjetën pasqyrim të
gjatë në shtypin fashist. Propaganda fashiste i lidhte këto dy incidente si, “vepër të
anglezëve”, të cilët donin të nxisnin luftën ndërmjet Italisë dhe Greqisë.183
Ndërkohë që në Tiranë, gazeta “Tomorri” organ i partisë fashiste, me porosi të
Jakomonit vazhdonte fushatën antigreke lidhur me vrasjen e Daut Hoxhës. Kjo gazetë me
porosi dhe të ideatorëve italianë në ministrinë e Propagandës në Romë, botonte reagimet
apo “përshtypjet negative” që kishte krijuar në Itali vrasja e irredentistit shqiptar të
Çamërisë. Në artikullin e kësaj gazete shkruhej se; “Gazetat konfirmojnë (fjala është për
titujt e gazetave të publikuara në Itali dhe në vendet satelitare fashiste të nxitura prej
agjenturës italiane,- shënimi ynë) se vrasja në territorin shqiptar e irredentistit Daut
Hoxha, pavarësisht egërsisë së saj, u prit me maturi prej qeverisë italiane”.184 Më tej në
këtë artikull nënvizohej fakti se, ky nuk ishte rasti i parë dhe i vetëm i keqtrajtimit të
minoritetit shqiptar në Greqi, pasi incidente të tilla me shqiptarët kishin ndodhur që më
1923, kur Italia kishte tentuar të pushtonte ishullin e Korfuzit.185 Në fund të artikullit të
tij, autori duke dashur të nxiste shqiptarët dhe t’i afronte ata sa më afër me qëllimet e
Italisë, kërcënonte se, “kush prek Shqipërinë ka prekur Italinë dhe për këtë duhet t’i bëjnë
mirë llogaritë”.186
Fushata intensive dhe e shfrenuar e gazetës “Tomori”, shqetësoi dhe politikën
italiane në Romë, e cila i dha porosi Tiranës zyrtare që gazeta të pakësonte momentalisht
fushatën e mëparshme dhe që brenda një kohe të pacaktuar të mos flitej më për çështjen e
shqiptarëve në Greqi.187 Çiano duke parë entuziazmin dhe zellin e tepruar që po tregonte
Jakomoni për të qenë në krye të propagandës antigreke, u shqetësua së tepërmi se ndoshta
situata mund t’i dilte jashtë parashikimeve dhe planeve të hartuara në mendjen e tij.
Çiano njoftonte Jakomonin në Gusht të vitit 1940 se: “Shtypi shqiptar po ndjek në
mënyrë të gjallë polemikën kundër Greqisë. Tashmë kjo do të kryhet në mënyrë më
oportune nga shtypi italian”. 188 Jakomoni kishte premtuar se do të ulte tonin
propagandistik të gazetës shqiptare, por njëkohësisht ai duhet të mbante të ndezur
çështjen e Çamërisë, sigurisht duke shmangur krizat me Greqinë, deri në një urdhër të
dytë nga eprorët e tij.189
Vrasja e irredentistit çam D. Hoxha u bë nga grekë ndoshta dhe të nxitur nga
agjentët italianë, të cilët ishin të interesuar për nxitjen e trazirave mes shqiptarëve dhe
grekëve. Italianët duke shfrytëzuar faktin se për vrasjen e D. Hoxhës qeveria greke prej
vitesh kishte vënë në dispozicion një shumë të konsiderueshme të hollash, e shfrytëzuan
këtë rast për t’a përdorur si pretekst për fillimin e sulmit ndaj Greqisë. Një argument të
182 Njoftim i Agjensisë së lajmeve greke “Athena” në datën 16 gusht 1940 mbi mbytjen e kryqëzorit grek. 183 AQSH, F.161, V.1940, D.1201. fl.11. 184 “Tomori”, 13 gusht 1940. 185 Po aty. 186 Po aty. 187 DDI, Seria 9, Vol.5, dok.469, f.454. 188 Po aty. 189 Po aty.
Çështja çame gjatë Luftës së Dytë Botërore Lorenc Agalliu
36
tillë e mbështet dhe autori italian Pierro Crociani, i cili shprehet se, vetëm italianët ishin
të interesuar për vrasjen e tij.190
Në protestën e mbajtur në qytetin e Peruxhias në Itali, në datën 27 gusht 1940,
studentët shqiptarë të Universitetit të këtij qyteti, akuzonin agjentët italianë për kurdisjen
e vrasjes së Daut Hoxhës.191 Përveç kësaj, studentët shqiptarë, duke dënuar politikën e
deritanishme që kishte ndjekur Italia fashiste në Shqipëri për nxitjen e çështjes kombëtare
e në veçanti asaj çame, deklaronin se, shqiptarët nuk kanë pse të masakrohen në një luftë,
e cila nuk u përket aspak atyre.192
Ndërkohë që shtypi ra në heshtje, provokacionet italiane në kufirin greko-shqiptar
sa vinin dhe shtoheshin. Me porosi të Musolinit dhe Çianos, Jakomoni ishte urdhëruar të
nxiste trazira në krahinën e Çamërisë dhe të mbante ende ndezur pishtarin e propagandës
irredentiste. Nga Shqipëria, Jakomoni njoftonte Ministrinë e Jashtme italiane se;
“propaganda për çështjen e shqiptarëve në Greqi po merr përmasa të mëdha”.193 Në
shërbim të kësaj propagande, Jakomoni kishte përgatitur instalimin e një stacioni
radiofonik në qytetin e Gjirokastrës, e cila do të transmentonte programe në dy gjuhë,
shqip dhe greqisht. Në një rreze shpërndarje valësh prej 250 kilometrash, qëllimi i vetëm
i kësaj radioje ishte përhapja e propagandës italiane dhe të ideve irredentiste ndër
shqiptarë dhe mbase dhe përkrahjen e këtij qëllimi prej vetë grekëve, të paktën kështu
shpresonin italianët.194
Sipas Jakomonit, kjo radio nuk duhej të sulmonte drejtëpërdrejtë politikën e
qeverisë greke, por veçse të qortonte Greqinë për nënshtrimin e saj ndaj Britanisë së
Madhe. Bashkërisht me transmetimet në valë radiofonike, Jakomoni kishte menduar që,
po në këtë zonë të Shqipërisë së Jugut, të botohej një gazetë javore edhe kjo në dy
gjuhësh, shqip dhe greqisht, e cila do të përdorej si mjet propagandues tek shqiptarët e
jugut dhe te popullsia grekofone.195 Me porosi të shefit të tij Çiano, Jakomoni informonte
nga Shqipëria se: “shqiptarët po tregohen të papërmbajtur dhe se qeveritarët italianë në
Shqipëri po hasin vështirësi të mëdha në ndalimin e tyre për të mos kaluar kufirin dhe ta
fillojnë vetë konfliktin”. 196 Krahas propagandës, komandantët ushtarakë italianë u
porositën që të organizonin ndonjë sulm të befasishëm ndaj postblloqeve ushtarake
italiane dhe për këtë fajtorë do të konsideroheshin padyshim grekët. Madje ishin porositur
pushkë dhe bomba të prodhimit francez, me qëllim fshehjen e autorëve të vërtetë para
opinionit ndërkombëtar.197
Edhe në qytetin e Gjirokastrës, aty ku ndihej më pranë se kurrë era e një konflikti
të mundshëm midis Italisë dhe Greqisë, e ku propaganda italiane ishte më e fortë,
qytetarë të ndryshëm, kryesisht njerëz të paguar nga agjentët italianë manifestuan vetëm
190 Pierro Crociani, Gli albanesi nelle force armate italiane, (Romë, 2001), 97. 191 AQSH, F.153, V.1940, D.45, fl.67. Njoftim i Kuesturës Korçë, për zyrën e SIM-it në Tiranë lidhur me
protestën e studentëve shqiptarë të Universitetit të Peruxhias në Itali, datë 27 gusht 1940. 192 Po aty. 193 DDI, Seria 9, Vol.5. dok.442. Njoftim i Jakomonit për Çianon, datë, 17 gusht 1940. 194 Po aty. 195 Po aty. 196 Fischer, Shqipëria gjatë Luftës.., 113. 197 “L’Unita”, datë, 18 tetor 1953.
Çështja çame gjatë Luftës së Dytë Botërore Lorenc Agalliu
37
disa orë para se Italia t’i shpallte zyrtarisht luftë Greqisë.198 Të gjitha këto veprime e
detyruan Jakomonin të raportonte në Romë se, “rinia shqiptare, e cila gjithnjë ka qenë e
durueshme, këtë herë është e papërmbajtur dhe po shfaq shenja të hapura miratimi”.199
Nën efektin e entuziazmit që kishte përfshirë pothuajse të gjithë hierarkët italianë, të cilët
ishin përfshirë në çështjen e Greqisë, Jakomoni raportonte se, “jo vetëm rinia shqiptare,
por dhe gjithë patriotët e ushtria shqiptare po digjen nga dëshira e madhe për të çliruar
Epirin e Veriut njëherë e përgjithmonë”.200 Në një tjetër manifestim të mbajtur në qytetin
e Elbasanit mbajtur në datën 29 shtator 1940, protestuesit mbanin në duar flamujë
shqiptar dhe italianë si dhe parrulla, të cilat bënin thirrje për bashkimin e krahinave të
Çamërisë dhe Kosovës me Shqipërinë.201
Musolini priste rastin e volitshëm për t’i treguar Hitlerit, se ishte i denjë si aleat i
Boshtit, se edhe ai mund të arrinte fitore të bujshme dhe për këtë zgjodhi Greqinë si një
objektiv të lehtë. Gjatë takimit që pati më Hitlerin pak ditë para sulmit ndaj Greqisë në 11
tetor 1940, Musolini i kishte shprehur Fyhrerit gjerman vendosmërinë e tij për të sulmuar
Greqinë. “Për Greqinë,- ishte shprehur Musolini,- do të lë mënjanë çdo ngurrim dhe do të
veproj shumë shpejt”.202
Për Italinë ngjarjet në arenën ndërkombëtare po rridhnin shumë shpejtë. Për të
nxitur situatën në Greqi, Musolini gjatë një takimi në Pallatin Venecia në 15 tetor 1940,
porosiste Jakomonin që të përgatiste sa më parë provokacione në kufi midis shqiptarëve
dhe grekëve. Jakomoni i gatshëm për të kryer detyrën e tij me zell të tepruar, i premtonte
Duçes se do të mund të bënte diçka në kufi, ndonjë incident midis çamëve dhe
grekëve”.203 Në këtë takim rezulton që të jenë hartuar gjithë detajet e sulmit italian
kundër Greqisë. I pyetur nga Duçe se si është gjendja shpirtërore e popullsisë greke,
Jakomoni i përgjigjej se; “ajo është thellësisht depresive”.204 Ndërsa për gjendjen në
Shqipëri dhe të shqiptarëve, Jakomoni i përgjigjej Musolinit se; “aksioni pritet gjithë
ankth, vendi është plot entuziazëm dhe njerëzit presin me padurim nisjen e aksionit
tonë”.205 Në të vërtetë Jakomoni merrte shkas nga disa reagime spontane të shqiptarëve
dhe të nxitura nga paratë e italianëve, të cilët shtynin një grusht personash të falenderonin
Italinë lidhur me përkrahjen që kjo po i bënte çështjes së bashkëpatriotëve në Greqi.
Në të vërtetë çështja çame i shërbeu vetëm si pretekst Italisë për t’i shpallur luftë
Greqisë, pasi një luftë të tillë Musolini e kishte planifikuar që më herët. Një fakt të tillë
Musolini do ta pohonte me gojën e vet gjatë një fjalimi në datën 15 tetor 1940, ku pat
deklaruar se: “Ky është një veprim i pjekur tek unë për muaj e muaj të tërë, që para
përfshirjes tonë në luftë, madje para fillimit të saj”.206
Vetëm katër ditë më vonë, gjatë një takimi në Këshillin e Ministrave, Duçja do të
ritheksonte edhe njëherë rëndësinë e madhe që kishte sulmi italian ndaj Greqisë, duke e 198 AQSH, F.153, V.1940, D.45, fl.11. 199 DDI, Seria 9, Vol.5, Dok.Nr.442, f.424-426. Jakomoni për Çianon. 200 Po aty. 201 AQSH, F.152, V.1940, D.45, fl.7. 202 DDI, Seria 9, Vol.5, dok.nr.753, fq.720-722. 203 L’Unita, datë 18 tetor 1953. 204 DDI, Seria 9, vol.5, dok.728, fq.699-705. Procesverbal i mbledhjes së datës 15 tetor 1940 mbi
përcaktimin e modaliteteve të sulmit kundër Greqisë. 205 Po aty. 206 Po aty.
Çështja çame gjatë Luftës së Dytë Botërore Lorenc Agalliu
38
deklaruar këtë aksion si një nevojë për të vënë nën kontrollin italian të paktën 50 milion
subjekte të reja dhe për të siguruar balancën brenda Boshtit.207
Në letrën e hartuar për Hitlerin në datën 19 tetor 1940, lidhur me planin për
pushtimin e Greqisë, Musolini shkruan se: “Greqia për Italinë në detin Mesdhe,
përfaqëson atë çka përfaqësonte dhe Norvegjia në detin e Veriut”. “Greqia, -vazhdon
Musolini, duke justifikuar qëllimet e veta, -është një pikë strategjike e Anglisë në
Mesdhe, ku zyrtarët e lartë dhe ushtarakët britanikë kanë zënë detyra dhe poste të larta në
administratën greke”.208 Përgjigjja e Gjermanisë për synimet e Italisë ishin të qarta. Sipas
Fyhrerit, tani për tani nuk duhej të hapej një front tjetër, i cili do të rrezikonte planet e
Gjermanisë kundër Britanisë së Madhe. Për këtë Ribentropi i kujtonte Musolinit se
çështja ndaj Anglisë tashmë ishtë një çështje për jetë a vdekje dhe se, të gjitha përpjekjet
duhej të drejtoheshin vetëm kundër saj, prandaj nuk duhej të hapej një front i ri luftimi.209
Madje për të ruajtur raportet midis Metaksait dhe Duçes, gjermanët ishin përpjekur që të
siguronin një vazhdimësi dhe bashkëpunim të mëtejshëm politik dhe ekonomik midis
Greqisë dhe Italisë.
E ndërsa lufta po afrohej çdo ditë e më shumë, në 26 tetor agjencia shtetërore
italiane Stefani njoftonte se, një bandë greke kishte sulmuar një postkomandë italo-
shqiptare dhe se nga ky sulm kishte patur viktima dhe të plagosur.210 Po këtë ditë, kjo
agjenci njoftonte për tre bomba të hedhura nga terroristët grekë në zyrën e Mëkëmbësisë
në qytetin e Sarandës.211 Për të nxitur sa më shumë afrimin e konfliktit të armatosur, kjo
agjenci nuk hezitonte të përfshinte në këto sulme dhe si nxitës të tyre Britaninë e Madhe,
e cila sipas kësaj agjencie, me anë të agjentëve të saj po mundohej të fuste në luftë
Greqinë dhe Italinë.212
Si për ironi të fatit, ndërkohë që organizoheshin prapaskena në aspektin ushtarak,
në Teatrin e Athinës një vepër e Puçinit po vihej në skenë. Madje me ftesë të qeverisë
greke në këtë aktivitet ishte ftuar dhe djali i mjeshtrit të madh italian. Pas aktivitetit dhe
mbylljes së shfaqjes, Grazzi organizoi një pritje madhështore në Ambasadën italiane në
Athinë, ku të ftuar nderi padyshim ishin familja mbretërore greke dhe kryeministri
Metaksa. Duke shfrytëzuar këtë ceremoni, ambasadori italian i dorëzoi kryeministrit grek
ultimatumin e përgatitur nga qeveria e tij. Kërkesa e qeverisë italiane drejtuar asaj greke,
konsistonte në faktin se Greqia duhet të dorëzonte me dëshirë dhe paqësisht të gjitha ato
pika strategjike, të cilat rrezikonin të binin në duart e anglezëve. Në ultimatum thuhej se,
qeveria italiane kishte vënë re se qeveria greke në konfliktin aktual ka mbajtur një
qëndrim të përsëritur në kontrast me marrëdhëniet normale në kohë paqe që dy vendet
tona janë munduar të krijojnë deri tani.213
Krahas kësaj, qeveria italiane nuk harronte t’i kujtonte qeverisë greke se aksionet
provokative kundër popullsisë shqiptare të Çamërisë të shoqëruara nga një politikë
207 Bottai, Diario 1935-1944., 227. 208 Montaneli, Cervi, L’Italia …,341. 209 Po aty., 333. 210 Po aty., 341. 211 Po aty. 212 Aggressione greca contro un posto di vigilance Albanese, Artikull i Agjencisë Stefani, në Relazioni
Internazionali, 2 novembre 1940, anno VI, nr.44, fq.1578. 213 Montaneli, Cervi, L’Italia …,342.
Çështja çame gjatë Luftës së Dytë Botërore Lorenc Agalliu
39
terroriste, kishin për qëllim dhe shkaktimin e trazirave në anën tjetër të kufirit me
Shqipërinë.214 Ultimatumi nuk i linte shumë kohë Metaksait për t’u menduar, pasi ai iu
dorëzua në orën 03 të mëngjesit dhe se kishte afat vetëm 3 orë për përgjigje. Ai duhet të
zgjidhte shpejt, të dorëzohej ose të mbrohej.
214 Po aty.
Çështja çame gjatë Luftës së Dytë Botërore Lorenc Agalliu
40
1.4. Agresioni italian ndaj Greqisë dhe pasojat për popullsinë çame.
Shpesh herë pushtimet e bëra në Europë nga Hitleri, kishin shërbyer si element
nxitës për shpërthimet emocionale të Musolinit. Sjellja e Fyhrerit gjerman në politikën e
jashtme kishte lënë përshtypjen tek Duçja se, rendi i ri që po krijohej prej dorës së
diktatorit gjerman, do të kishte vetëm një qëllim, të shprehte imazhin e tij dhe se Hitleri
do të ishte i vetmi udhëheqës i Europës së Re. Ashtu si në rastin e sulmit ndaj Shqipërisë,
Musolini, edhe për rastin e aksionit kundër Greqisë u nxit nga aleati i tij i Boshtit. Edhe
pse diktatori gjerman e kishte këshilluar disa herë Musolinin se, në Ballkan duhej të ruhej
staut quo-ja dhe se armiku i vetëm për tu mundur për jetë a vdekje ishte Britania, ai vet e
prishi atë duke pushtuar sa hap e mbyll sytë Rumaninë. Si gjithnjë Hitleri po bëhej
katalizator për sulmet e Musolinit. Midis boshtit Romë - Berlin ekzistonte një hendek i
thellë mosbesimi. Sulmi i Hitlerit ndaj Çekosllovakisë solli sulmin e Musolinit ndaj
Shqipërisë, sulmi kundër Francës dhe inkursionet e shpejta gjermane në Rumani sollën
agresionin italian ndaj Greqisë.
Musolini kishte hartuar brenda një muaji 3-4 aksione ushtarake të mundshme
kundër shteteve të vogla me qëllim pushtimin e tyre. Në 11 gusht të vitit 1940, Musolini
kishte paraqitur planin e pushtimit të Jugosllavisë, por meqënëse ky territor njihej si
ndikim gjerman, obsioni i sulmit ndaj Jugosllavisë u la për më vonë. Në datën 30 gusht,
ai kishte parë mundësinë për të organizuar aksione ushtarake kundër Afrikës ekuadoriale,
e si të mos mjaftonin këto, në 17 shtator, urdhëroi shtabin e tij ushtarak të shikonin
mundësinë për pushtimin e ishullit të vogël të Korsikës.215 Kjo gjendje kaotike e liderit
fashist italian shpjegon më së miri dhe dështimin e trupave ushtarake italiane kundër
ushtrisë greke gjatë ofensivës së tetorit të vitit 1940.
Në fillim të tetorit të vitit 1940, disa avionë të Luftwaffe-s dhe ushtarë gjermanë,
me pretendimin për të mbrojtur puset e naftës prej nga furnizohej ushtria e motorrizuar
gjermane, zbarkuan në Bukuresht. Në të vërtetë, që prej datës 8 tetor, reparte të ushtrisë
gjermane kishin filluar të instaloheshin në Rumani. Pikërisht kjo inisiativë e shpejtë e
Hitlerit, pa u konsultuar me aleatët e Boshtit, ashtu siç ishte rënë dakort në Paktin e
Akullt, e inatosi Musolinin, i cili pasi e mori vesh deklaroi në 12 tetor 1940 se, “Hitleri
më vë gjithnjë para faktit të kryer. Këtë radhë kam vendosur ta paguaj me të njëjtën
monedhë. Ka për ta marrë vesh prej gazetave që unë kam pushtuar Greqinë”.216 Pas këtij
incindenti, fushata kundër Greqisë që pas ndërprerjes së saj në muajin gusht, u rikthye
përsëri në qendër të vëmendjes së diplomacisë italiane.
Musolini kishte menduar që sulmin ndaj Greqisë ta fillonte me trupat dhe
divizionet italiane që ndodheshin në Shqipëri. Në këtë periudhë trupat ushtarake italiane
në Shqipëri komandoheshin nga gjenerali Visconti Praska, i cili nuk kishte pak kohë që
kishte zëvendësuar komandantin Carlo Geloso (Karlo Xhelozo). Gjeneral Xhelozo ishte
larguar nga drejtimi i ushtrisë pas konflikteve të shumta me popullsinë shqiptare dhe
215 Po aty., 329. 216 Ciano, Ditari.., 300.
Çështja çame gjatë Luftës së Dytë Botërore Lorenc Agalliu
41
Jakomonin. Si këshilltar ushtarak, gjenerali Praska e kishte bindur Musolinin se do të
mjaftonin vetëm trupat italiane në Shqipëri për të mposhtur Greqinë.217
Të mësuar tashmë me ultimatume të orës së fundit, italianët përgatitën për
Metaksain mesazhin, ku i bënin me dije se ai, duhet të pranonte nënshtrimin përpara
italianëve. Në ultimatumin dërguar Metaksait, Greqia akuzohej se si shtet neutral, nuk po
e kryente si duhet detyrën e vet, ndërsa vet kryeministri grek jo pa baza akuzohej se
kishte kërkuar mbështetjen e Britanisë së Madhe në rast të një sulmi italian dhe sigurisht
që kjo sjellje nuk i pëlqente aspak Musolinit. Por kryeministri grek, vendosi t’u thotë jo
kërkesave italiane dhe dita e njohur tashmë si “Day Oqi” “Jo”, ishte i vetmi obsion që
grekët i ofruan Italisë fashiste.
Pasi mori garancinë e duhur prej gjeneralëve të tij, Musolini dha urdhër për nisjen
e sulmit ndaj Greqisë. Sulmi filloi në datën 28 tetor 1940, në agim të ditës së re. Nën një
shi të rrëmbyeshëm, trupat italiane prej 140.000 vetësh, të ndarë në 8 divizione ushtarake
kaluan kufirin shqiptaro-grek. Aksioni i pa llogaritur mirë, ishte i destinuar që të
dështonte pa nisur. Që në përballjen e parë me trupat greke, forcat ushtarake italiane
hasën vështirësi për shkak të përgatitjes së keqe dhe të motit që nuk i favorizonte aspak.
Këtë e dëshmoi qartë dhe përparimi i trupave italiane, të cilat edhe pas 11 ditëve luftime,
kishin përparuar vetëm 15 km në brendësi të territorit grek dhe kjo më shumë falë
mbashtetjes se marinës detare.218
Informatat e gabuara që i vinin Musolinit nga fronti i luftës i kishin krijuar atij
bindjen se tashmë misioni i ushtarëve të tij kishte përfunduar dhe se për italianët kishte
ardhur momenti që të bënin pak humanizëm duke shpërndarë ndihma në ilaçe dhe
ushqime për popullsinë në të dyja anët e kufirit.219 I mbytur nga euforia dhe nga lajmet që
vinin nga fronti i luftës, se ushtria italiane po avanconte drejt tokës greke, Musolini
mbajti një fjalim para krerëve të lartë fashistë në Romë, ku deklaronte tërë entuziazëm se,
“pasi duruam për një kohë të gjatë, ne ia hoqëm maskën një vendi të garantuar nga
Britania e Madhe, një armiku të mbyllur: Greqisë”.220
Italia nuk kishte dashur të angazhonte më tepër trupa të ushtrisë së saj kundër
Greqisë, pasi gjithnjë hierarkët fashistë kishin menduar se ndihma e shqiptarëve do të
ishte e pakursyer. Duke përdorur shqiptarët në luftë kundër Greqisë, italianët mendonin
se, nuk do të ishte i nevojshëm angazhimi i 10 apo 20 divizioneve ushtarake të ushtrisë së
lavdishme italiane.221 Musolini ishte krejtësisht i bindur për mbështetjen e madhe që do
t’i jepnin trupat shqiptare ushtrisë italiane në aksionin kundër Greqisë. Sipas autorit B. J.
Fischer, shqetësimi kryesor i Musolinit ishte fakti, se në rast fitoreje ndaj ushtrisë greke,
meritat për këtë sukses do t’i merrnin trupat shqiptare.222
Megjithë humbjet e mëdha, që në ditët e para të konfliktit me Greqinë, euforia dhe
gënjeshtrat nga fronti i luftës për sukseset e ushtrisë italiane vazhdonin. Oficerët italianë
njoftonin për “heroizmat” e trupave italiane në front, të cilët edhe në momentet para
vdekjes nuk harronin të thërrisnin “Rroftë Duçja’’ dhe “Rrofta Çamëria” dhe se ata po
217 Montanelli, Cervi, L’Italia.., 338. 218 Fischer, Shqipëria gjatë luftës.., 115. 219 Po aty. 220 Artikulli me titull “T’i heqim maskën Greqisë”, gjendet në Bibliotekën e AQSH Tiranë. 221 Montaneli, Çervi, L’ Italia…, 333. 222 Fischer, Shqipëria gjatë Luftës..,113.
Çështja çame gjatë Luftës së Dytë Botërore Lorenc Agalliu
42
vdisnin për çlirimin e vëllezërve shqiptarë çamë nga barbaritë greke.223 Krahas oficerëve
italianë, entuziazmi kishte përfshirë dhe disa nëpunës shqiptarë, të cilët të nxitur agjentë
fashistë si dhe nga dëshira për parë të bashkuar Çamërinë më trungun shqiptar, shprehnin
“simpatinë e tyre” për këtë inisiativë të Duçes. Nënprefekti i Matit në telegramin e urimit,
dërguar qeverisë shqiptare dhe Jakomonit, shprehej se: “Falenderojmë Duçen për kalimin
e kufirit të padrejtë të vendosur midis Greqisë dhe Shqipërisë si dhe mundësia që u
krijuar për realizimin e aspiratave kombëtare të popullit shqiptar”.224
Deklarata mbështetëse në emër të çështjes çame erdhën dhe nga shqiptarët e
Kosovës. Prefekti i Kosovës Hysni Peja, vetëm një ditë pas nisjes së sulmit ndaj Greqisë,
duke përshëndetur këtë luftë, shprehej në letrën e tij dërguar Jakomonit dhe qeverisë
shqiptare, se me këtë veprim u vu në vend drejtësia mbi vendosjen e kufijve mesjetarë të
Shqipërisë. 225 Duke vazhduar më tej në përshëndetjen e tij, Prefekti i Kosovës
falenderonte trupat italiane që sipas tij, “iu bashkuan ushtrisë shqiptare për t’u ardhur në
ndihmë vëllezërve çamë, të cilët deri tani ishin përndjekur dhe masakruar barbarisht prej
grekëve”.226
Po ato ditë, nënprefektura e Gramshit njoftonte Drejtorinë e Përgjithshme të
Policisë në Tiranë mbi një “kërkesë” të ardhur nga përfaqësues të popullsisë së katundeve
të kësaj qendre, për armatosjen e tyre me qëllim për t’u ardhur në ndihmë ushtrisë italiane
në luftën kundër Greqisë. Në emër të kësaj popullsise, kryepleqtë e katundeve Kodovjat
dhe Shëmërdhej shkruanin se; “Ne të nënshkruemit dhe mbarë popullsia e Gramshit, tue
pa lajmet e shtypi kombëtar dhe ato të huaja mbi sjelljet barbare të grekëve kundrejt
vëllezërve tanë çamër, të prekun thellësisht nga kjo gjendje{…} kërkojmë nga qeverija
jonë të na japë armë e municione për me shkue në kufirin e jugut e me luftue me armikun
barbar për shpëtimin e vëllezërve çamë. Për ne shqiptarët tash erdhi çasti më i volitshëm
për me na u plotësue aspiratat t’ona kombëtare, tue qenë të sigurtë se kemi edhe
përkrahjen vllazërore të armatës ushtarake glorioze (të lavdishme) t’Italisë Fashiste {…}
prandaj parashtrojmë ndjenjat tona për shpëtimin e vëllezërve të naltëpërmendun, si dhe
besimin e patundun kundrejt Perandorisë, Mbretit Perandor dhe Duçes së
Fashizmit…”227 Nga teksti i haruar i letrave, rezulton se emëruesi i përbashkët i tyre ishte
propaganda fashiste, e cila synonte që duke prekur ndjenjat patriotike të shqiptarëve, të
siguronte përkrahjen e tyre në luftë kundër Greqisë.
Krejt ndryshe ishte situata për shqiptarët çamë në frontin grek. Abuzimet e
ushtarëve italianë pas hyrjes së tyre në tokat e Çamërisë bëri që shumë shqiptarë të
zhgënjeheshin që në fillim ndaj Italisë fashiste. Lidhur me sjelljen e trupave italiane në
Çamëri, Nuri Dino njoftonte gjeneralin italian Parini se, ushtarët italianë në Çamëri kanë
hyrë në shtëpitë e shqiptarëve duke bastisur dhe plaçkitur çdo gjë që iu dilte përpara.228
Sipas N. Dinos, trupat e këmbësorisë italiane në 2 nëntor të vitit 1940, pasi kishin hyrë në
Filat dhe Gumenicë, duke përfituar nga largimi i familjeve çame nga shtëpitë e tyre si
223 AQSH, F.153. V.1940. D.45, fl.76. 224 Po aty. F.161, V.1940, D.1208, fl.12. 225 Po aty. fl.1. Letër falenderimi e Prefektit të Kosovës Hysni Peja dërguar Mëkëmbësit të mbretit në
Tiranë Jakomonit, datë 29.10.1940. 226 Po aty., D.1205, fl.1. 227 Po aty., F. 153, V.1940, D.I/172, fl.15. 228 Po aty., D.47, fl.1.
Çështja çame gjatë Luftës së Dytë Botërore Lorenc Agalliu
43
pasojë e luftimeve, bastisën shtëpitë e tyre duke mos kursyer asgjë, si familjet e krishtera
ashtu dhe ato të muslimanëve shqiptarë.229 “Është e pakëndëshme dhe e dhimbshme në të
njëjtën kohë,- shprehej Nuri Dino në letrën e tij dërguar Mëkëmbësisë së Tiranës,- që
popullsia çame të na kërkonte ndihmë për veprimet e kryera nga trupat e rregullta
ushtarake italiane”.230
Përveç bastisjeve të shtëpive dhe pasurive të shumë shqiptarëve, ushtarë të
divizionit italian Siena arrestuan me dhjetra meshkuj çamë, të cilët sipas italianëve, u
treguan indiferentë gjatë hyrjes së tyre në Çamëri. Arrestimi i meshkujve çamë i la
familjet e tyre krejt në varfëri si dhe fëmijët nën mëshirën e bandave të shpërndara
greke.231 Përveç arrestimeve nga ana e ushtrisë italiane, të shumta ishin rastet e debimeve,
arrestimeve dhe vrasjet nga ana e ushtrisë dhe bandave greke. Vetëm në Filat dhe në
zonat përreth mbi 6000 vetë, kryesisht çamë muslimanë u dëbuan dhe u interrnuan në
ishujt e largët të Greqisë.232
Në Romë, Musolini po ndjehej tepër i shqetësuar rreth lajmeve që vinin nga fronti
greko-shqiptar. Grekët përditë e më tepër po forconin rradhët e tyre, duke bërë të
pamundur depërtimin në thellësi të Çamërisë të trupave italiane. Kthimi i trupave italiane
në drejtim të kufirit shqiptar po kryhej me një shpejtësi të madhe. Po kështu dhe ata pak
shqiptarë çamë, të cilët përbënin trupat vullnetare të ushtisë italiane po tërhiqeshin së
bashku me ushtrinë italiane. Duke përfituar nga kjo tërheqje e shpejtë e ushtrisë italiane
ushtria greke rimori disa zona të cilat për pak ditë kishin qenë nën zotërimin italian.
Në javët e para të nëntori trupat greke kishin filluar të avanconin në brendësi të
kufirit me Shqipërinë. Të futura deri në thellësi të kufirit shtetëror shqiptar, bandat greke
kryen masakra, përdhunime dhe grabitje të pasurive të familjeve shqiptare. Veprimet e
ushtarëve grekë ndaj popullsisë civile shqiptare ishin në përputhje të plotë me urdhërat e
marra nga eprorët e tyre në Athinë. Në disa qytete grekët filluan zëvendësimin e
administratës shqiptare.
Kreu i Këshillit Nacional të Rumunëve të Pindit A. Diamondi, në një relacion
dërguar Zyrës së Mëkëmbësisë në Tiranë, në datë 12 nëntor 1940, shpjegon se; “Në rast
të një pushtimi të qytetit të Korçës, grekët kanë menduar të krijojnë një qeveri paralele
me atë të Tiranës, ku pjesë e kabinetit qeveritar të jenë shumë elementë zogistë”.233 Për të
parandaluar një situatë të tillë, Diamondi propozonte riformatimin e qeverisë së Tiranës
duke i dhënë asaj një karakter më të theksuar nacionalist dhe me besim të fortë te Italia
fashiste.234 Më shumë se sa vepër e grekëve, krijimi i një qeverie tjetër shqiptare, ku në të
do të bënin pjesë shumë elementë zogistë, kishte të bënte me planet e britanikëve për
aktivizimin e mbretit Zog në çështjen e Shqipërisë, si dhe planet e Foreign Office për
nxitjen e një kryengritjeje në Shqipërinë e Veriut.
Pas sukseseve në ditët e para të ushtrisë italiane, në 14 nëntor 1940, gjenerali
Aleksandër Papagos, shef i shtatmadhorisë së ushtrisë greke, në krye të një ushtrie më të
vogël se ajo italiane, nisi kundërofensivën ndaj trupave italiane. Trupat greke e detyruan
229 Po aty., fl.2. 230 Po aty.
231 Po aty. 232 Po aty., F. 149, V.1941, D.I-241, fl.2-3. 233 Po aty., D.29, fl.9. 234 Po aty.
Çështja çame gjatë Luftës së Dytë Botërore Lorenc Agalliu
44
ushtrinë italiane të tërhiqej nga pozicionet që kishte zënë brenda territorit grek. Për
pasojë, veprimtaria luftarake e trupave greke u rrit ndjeshëm e po kështu disfata e trupave
italiane po afrohej së tepërmi. Përforcimet e grekëve me trupa të reja si dhe përqëndrimi
më i madh i tyre ishte në zonën e Çamërisë veriore, ku ishin dislokuar mbi 1500 ushtarë
grekë dhe 15 oficerë të ardhur nga Korfuzi.235
Të ndikuar nga synimet e tyre për shuarjen e çdo ndjenje patriotike shqiptare,
politika greke e Athinës urdhëroi administratën civile dhe atë ushtarake në territoret e
pushtuara shqiptare, që të mbante nën kontroll çdo veprimtari patriotike të shqiptarëve.
Kështu me rastin e festimeve për kremtimin e ditës së Pavarësisë së shtetit shqiptar në 28
nëntor 1940, administrata ushtarake greke në Korçë dhe Gjirokastër u urdhërua që të
ndalonte çdo veprimtari për festime nga ana e shqiptarëve.236 Megjithë urdhërat e dhëna,
popullsia e Korçës u tregua tepër indiferente si ndaj ushtrisë greke ashtu dhe ndaj
autoriteteve civile e organeve të ngritura prej tyre.
Dita e 28 Nëntorit 1940, u festua në të gjithë qytetin e zotëruar prej grekëve.
Kudo në çdo vend ku ishin vendosur flamujtë grek u hoqën dhe u zëvendësuan me ata
shqiptarë. Në fjalën e tyre të mbajtur me rastin e festimeve të Ditës së Pavarësisë, folësit
përveçse përmendën faktin e çlirimit të Korçës prej grekëve, nuk harruan të deklaronin
se; “tani më shumë se kurrë është detyra jonë të mblidhemi nën hijen e flamurit shqiptar.
Kushdo që do të guxojë të cënojë pavarësinë tonë do të kundërshtohet nga i gjithë populli
shqiptar”.237
Për popullsinë shqiptare çame, rikthimi i ushtarëve grekë në krahinën e Çamërisë
në mesin e muajit nëntor 1940 ishte i egër. Pas tërheqjes së trupave italiane, ushtarët dhe
xhandarët grekë e trajtuan krahinën e Çamërisë si tokë armike dhe jo si një pjesë e shtetit
të tyre që prej vitit 1913. Mëkëmbësi italian në Tiranë pranonte faktin se me tërheqjen e
trupave italiane, pjesa më e madhe e çamëve muslimanë që kishin shfaqur më parë
ndjenja italofile, pësuan shtypjen greke.238 Gjatë kësaj periudhe, në harkun kohor të disa
ditëve në Filat u vranë 56 shqiptarë çamë, mbi 300 të tjerë në Paramithi dhe Gumenicë
me pretekstin se kishin përkrahur forcat italiane gjatë hyrjes së tyre në Çamëri.239
Për të dënuar shqiptarët çamë për mbështetjen e tyre të dhënë ndaj trupave
italiane, si dhe të frikësuar nga ndonjë rikthim i ushtrisë italiane, një valë e re internimesh
nisi në fshatrat kryesorë të Çamërisë. Vetëm në harkun kohorë të 2-3 ditëve, nga datë 12
deri në 15 nëntor 1940, u interrnuan mbi 1500 djemë dhe burra çamë për në ishullin
Lefkada.240 Sipas dëshmive, rreth 330 u ekzekutuan gjatë rrugës dhe 33 çamë të tjerë
vdiqën në burgje si pasojë e torturave, sëmundjeve dhe kushteve të këqija.241Lidhur me
masakrën e ushtrisë greke në zonën e Paramithisë dhe të Gumenicës, historiani Ibrahim
Hoxha mbështetur mbi dëshmitë e atyre personave të cilët i kanë përjetuar e që kanë
mundur t’u shpëtojnë masakrave greke, jep një shifër mbi 500 shqiptarë çamë të vrarë.242
235 Po aty., F.152, V.1940, D.203, fl.6. 236 Fischer, Shqipëria gjatë luftës.., 120. 237 Meta, Tensioni greko-shqiptar.., 73. 238 Jakomoni, Politika italiane…, 290. 239 Meta, Tragjedia çame.., 59. 240 Gazeta “Çamëria”, Tiranë, datë 16 tetor 1991. 241 Po aty. 242 Ibrahim Hoxha, Viset kombëtare shqiptare nën shtetin grek. (Tiranë, Hoxha Tahsin, 2000), 269.
Çështja çame gjatë Luftës së Dytë Botërore Lorenc Agalliu
45
Përfaqësuesit civilë dhe ata ushtarakë të qeverisë greke, të cilët hynë në Çamëri
pas largimit të trupave ushtarake italiane, me preteksin se kishin bashkëpunuar me
ushtrinë italiane dhe se kishin kryer krime ndaj popullsisë vendase greke, nxorrën para
gjyqeve dhe ekzekutuan një numër të konsiderueshëm banorësh dhe zyrtarësh me origjinë
muslimane. Prej ekzekutimit nuk mundi të shpëtonte as myftiu i Paramithisë, i cili sipas
grekëve u kishte uruar mirëseardhjen trupave italiane dhe trupave shqiptare.243
Me pretekstin e marrjes në pyetje të grave dhe vajzave të reja muslimane për fatin
e burrave të tyre të larguar nga shtëpitë, autoritetet policore e ushtarake greke i dhunonin
ato dhe i mbanin të mbyllura për ditë të tëra. Masakrat greke ndaj popullsisë shqiptare
ishin selektive, duke dënuar për bashkëpunim me trupat italiane vetëm ata shqiptarë të
fesë muslimane dhe jo shqiptarët ortodoksë. Gjatë ditëve të para të hyrjes së trupave
greke në fshatrat çamë në mesin e nëntorit 1940, trupat greke dhe bandat e armatosura
vranë në Viglisa 8 shqiptarë muslimanë.244 Këto veprime të ushtarëve dhe bandave greke
shoqëroheshin nga plaçkitjet e banorëve të krishterë në pronat dhe shtëpitë e braktisura të
shqiptarëve çamë. Në 16 nëntor të vitit 1940, trupat greke pasi grumbulluan në fshatin
Nistë e Salicë burrat dhe të rinjtë shqiptarë vranë mbi 40 banorë, të cilët pasi i lidhën i
masakruan nën breshërinë e armëve.245
Të detyruar prej masakrës së trupave ushtarake greke shumë banorë të Çamërisë u
detyruan të lënë shtëpitë e tyre dhe t’i drejtohen kufirit të shtetit shqiptar. Për shkak të
afërsisë me kufirin shqiptar, shumë banorë nga frika e luftimeve dhe e masakrave nga
bandat greke braktisën tërësisht banesat e tyre. Dyndjet e mëdha të banorëve çamë e
detyruan qeverinë shqiptare të merrte masa për strehimin e këtyre banorëve, duke i
vendosur ata larg rrezikut të ushtrisë greke. Për shpëtimin e jetës së këtyre banorëve, vetë
Prefekti i Gjirokastrës Daut Çarçani, në një letër dërguar Ministrisë së Punëve të
Brendshme shqiptare, propozonte se strehimi i çamëve të ardhur fshehtas nga Greqia
mund të bëhej në zonën e Beratit.246
Paralelisht me ofensivën ndaj trupave italiane në brendësi të territorit shqiptar,
ushtria greke në Çamëri vazhdonte internimet dhe masakrat ndaj popullsisë shqiptare
çame. Me pretekstin se, gjoja kishin përkrahur ushtrinë italiane gjatë hyrjes së saj në
Çamëri, bandat greke dhe ushtria arrestonin, burgosnin, interrnonin dhe masakronin
njerëz të pafajshëm. Si rezultat i replezaljeve të ushtrisë greke qindra banorë çamë,
kryesisht të rinj dhe burra të aftë për luftë u interrnuan në ishujt më të largët të Greqisë.
Vetëm në fillim të muajit dhjetor 1940, në burgun e Filatit mbaheshin të burgosur
afërsisht 100 çamë dhe 6 prej tyre u ekzekutuan në vendin e quajtur Prapal.247 E sikur të
mos mjaftonin rrahjet dhe torturimet nëpër burgjet greke, shumë çamë të aftë për punë,
përdoreshin në punë të rënda në portet dhe rrugët e Çamërisë. Gjtaë këtyre muajve dhuna
dhe plaçkitjet ndaj familjeve çame ishin të zakonshme në Çamëri. Krahas krimeve të kryera ndaj banorëve shqiptarë të Çamërisë, trupat greke në
ndjekje të ushtrisë së coptuar italiane, kaluan kufirin shqiptar duke hyrë thellë në
territorin e Shqipërisë së jugut. Trupat greke filluan të pushtojnë me radhë qytetet
243 Margaritis, Bashkëpatriotë të padëshiruar..,127. 244 Jani Sharra, Istoria tis periohis Igumenicas (1500-1950), (Athinë, 1985), 631. 245 Hoxha, Viset kombëtare …, 268. 246 AQSH, F.152, V.1940, D.208, fl.1. 247 “Zëri i Çamërisë”, nr.5, Tiranë, datë 1.2.1946.
Çështja çame gjatë Luftës së Dytë Botërore Lorenc Agalliu
46
shqiptare si Gjirokastrën, Përmetin, Korçën, duke mos kursyer as jetën e banorëve
muslimanë të këtyre zonave. Në qytetet shqiptare të pushtuara prej grekëve, u vendosën
këshilla të përbashkëta greko-shqiptare, por në të gjitha rastet numrin e anëtarëve të
këtyrë organeve e dominonin grekët.
Në praktikë metodat greke të qeverisjes në zonat shqiptare të pushtuara prej tyre,
ndoqën procedura, të cilat zakonisht ndiqen në raste pushtimi të një territori. Aty ku
grekët shihnin se ligjet shqiptare dhe zbatimi i tyre binte ndesh me interesat e ushtrisë
greke, ndërhynin menjëherë duke vënë në zbatim ligjet e luftës, e në këtë mënyrë
shqiptarët në trojet e pushtuara trajtoheshin në të njëtën mënyrë si dhe italianët. 248
Komandantët e ushtrisë greke, krahas autoritetit ushtarak u përpoqën të ngrinin dhe
organet vendore civile për të lënë të kuptohej se qëllimi i tyre nuk ishte pushtimi por
çlirimi i Shqipërisë së Jugut.
Në fillim të dhjetorit të vitit 1940, trupat greke të komanduara nga gjeneral
Kaçimitro, komandant i Divizionit VIII, pasi ngritën administratën civile në Delvinë,
arrestuan dhe vranë disa shqiptarë muslimanë, një pjesë e tyre ishin banorë çamë të
larguar nga Çamëria.249 Të gjitha këto veprime të grekëve krijuan përshtypjen, si te
shqiptarët ashtu dhe te fuqitë perëndimore, se Greqia synonte marrjen e këtyre territoreve,
duke realizuar kështu ëndrrën e saj për Epirin e Veriut. Një fakt të tillë e mbështet dhe
ambasadori britanik në Athinë, i cili në një njoftim për eprorët e tij në Londër deklaronte
se; “Qeveria greke nuk ka deklaruar kurrë me saktësi se çfarë ka ndërmend të bëjë, por
unë jam krejtësisht i bindur se ata i kanë drejtuar sytë nga Epiri i Veriut”.250
Grekët e mbanin të çliruar prej italianëve Shqipërinë e jugut dhe këtë nuk e bënin
për t’iu bërë favore shqiptarëve, por për ta patur nën Greqinë, me pretendimin se kishin
arritur çlirimin e Epirit të Veriut. Një konfirmim të tillë e bënë Philip Nikolsi, shefi i
Departamentit Jugor në Foreing Offise, i cili nisur nga fjalët e kryeministrit grek
Metaksa, theksonte se; “Është e qartë se ajo që donte të thoshte gjenerali, është se Greqia
lufton për çlirimin e Shqipërisë nga sundimi italian, por në asnjë mënyrë nuk ka
ndërmend ta angazhojë veten për rivendosjen e një Shqipërie të Pavarur”.251
Për të arritur synimet e veta shoviniste në kurriz të mbajtjes së trojeve të
Shqipërisë jugore, Greqia premtonte se ajo ishte e gatshme dhe merrte kurajon që t’i
kërkonte aleates së saj Britanisë së Madhe të largohej nga ishujt grek. Në shkëmbim të
kësaj marrëveshje me Boshtin, Greqia do të mbante tokat shqiptare të fituara me luftë
kundër ushtrisë italiane. Për të realizuar këtë synim, kryeministri grek Metaksa, në
dhjetor të vitit 1940, u mundua të fuste në lojë dhe Gjermaninë, duke dërguar për
bisedime sekrete me gjermanët një nga njerëzit e tij më të besuar, Georgios
Pesmatzoglou.252
Ëndrra e Greqisë për zotërimin e territorreve të Shqipërisë së Jugut ishte e
hershme. Aq shumë i dëshironte Greqia këto territore shqiptare, sa që ishte gati t’i jepte
fund konfliktit me Italinë vetëm në shkëmbim të territoreve shqiptare që tashmë
gjendeshin nën pushtimin e ushtrisë greke. Lidhur me qëllimet e vërteta të grekëve ndaj
248 PRO/FO. 371/29712 R442/149/90, Raport i Palairet datë 21 dhjetor 1940. 249 Hoxha, Viset kombëtare …, 275. 250 PRO/FO. 371/29712 R442/149/90, Raport i Palairet datë 21 dhjetor 1940. 251 Puto, Nëpër analet e diplomacisë angleze.., 51. 252 Meta, Tensioni greko-shqiptar.., 51
Çështja çame gjatë Luftës së Dytë Botërore Lorenc Agalliu
47
Shqipërisë së Jugut, Mid’hat Frashëri do të shprehej se, “Duke parë vendosmërinë e
Duçes për t’i shkuar deri në fund aksionit kundër Greqisë, atëherë grekët preferuan të
vdisnin nga bajonetat dhe armët italiane, se sa të lëshonin tokat shqiptare të fituara,
përfshi këtu dhe krahinën e Çamërisë”.253
Gjendja e rëndë ekonomike e krijuar si rezultat i zhvillimit të luftimeve në Çamëri
dhe në gjithë rajonet e Shqipërisë së Jugut, e detyroi popullsinë shqiptare çame të
emigronte në territoret më në brendësi të vendit. Të detyruar nga ashpërsimi i luftimeve,
të masave ekstreme të qeverisë greke dhe autoriteteve vendore të Çamërisë, shumë
familje çame vendosën të emigronin drejt Shqipërisë dhe më pak drejt Turqisë. Në qytetet
e Vlorës dhe Beratit u vendosën mbi 1500 refugjatë çamë. Po ashtu në Lushnje u
vendosën mbi 700 emigrantë came ndërsa në qytetin e Fierit rreth 1400.254 Shumica e
këtyre familjeve u strehuan në barraka të ngritura enkas për refugjatët çamë të
shpërngulur nga Greqia. Duke parë gjendjen e rënduar ekonomike në të cilat ndodheshin
këto familje të ardhura, qeveria shqiptare vendosi t’i ndihmonte me ushqime,
veshmbathje dhe ilaçe. Gjithashtu qeveria shqiptare mori masa për dhënien e një ndihme
modeste financiare, duke iu dhënë nga një lek për çdo anëtar familjeve të strehuara në
qytetet kryesore të vendit.255
Gjatë fundit të vitit 1940 dhe fillimit të vitit 1941, rreth 550 refugjatë çamë të
ndihmuar dhe nga autortetet italiane, me kërkesën e zyrtarëve shqiptarë u zhvendosën për
në Kozenca të Italisë për t’u strehuar në familjet e komunitetit të emigrantëve shqiptarë.
Në njoftimin e Sekretarit të Përgjithshëm të Mëkëmbësit italian në Tiranë, drejtuar
Komandës Superiore të Forcave ushtarake italiane lidhur me problemin e refugjatëve
çamë, thuhet se, “përsa i përket refugjatëve shqiptarë nga Çamëria, autoritetet italiane
kanë menduar që të dërgohen në Itali 550 prej tyre, të cilët do të sistemohen në komunat e
banuara prej italo-shqiptarëve të provincës së Kozencës”.256 Në kuadër të sistemimit të
refugjatëve çamë të shpërngulur nga lufta, vetëm në fund të muajit janar të vitit 1941, nga
porti i Durrësit u nisën rreth 320 çamë, kontigjenti i parë ky i refugjatëve shqiptarë për në
drejtim të Italisë.257
Krahas sistemimit të refugjatëve çamë në Itali, qeveria shqiptare mori masat dhe
organizoi të gjitha strukturat e saj për të pritur refugjatët e shpërngulur nga trojet e tyre si
pasojë e gjendjes së rëndë të krijuar prej luftimeve. Shumë shkolla, magazina,
institucione shtetërore dhe ambjente të ndryshme publike u vunë në dispozicion të
familjeve çame të shpërngulura nga Çamëria dhe rrethinat përreth saj. Në kuadër të
këtyre masave, Prefekti i Shkodrës Riza Drini njoftonte Tiranën zyrtare, se në Shkodër
ishin marrë të gjitha masat për sistemimin e familjeve çame të ardhura nga Greqia.258
Pasojat e luftës italo-greke për refugjatët çamë u ndien edhe pas rënies së Greqisë
nën pushtimin italo-gjerman. Për gjendjen e refugjatëve çamë të shpërngulur si pasojë e
luftimeve në luftën italo-greke, Nënprefektura e Bilishtit në mesin e muajit maj të vitit
1941, i përcillte Prefekturës së Korçës njoftimin se; “Parashtrohet se afro 820 persona
253 AQSH, F. 35 (Mid’hat Frashëri), fq.30. 254 AQSH, F.161, V.1940, D.48, fl.19, 32. 255 Po aty., fl.19. 256 Po aty., V.1941, D.7, fl.42-43. 257 Po aty., fl.51 258 Po aty., fl.76.
Çështja çame gjatë Luftës së Dytë Botërore Lorenc Agalliu
48
Çamër q’ishin internuar nga Qeveria Greke n’Ishullin e Mitilenës, mrrijtën prej
Follorine në Kapshticë në këmbë, mbasi deri në Follorinë kishin ardhur me tren. Janë
gati të zbathur dhe të zhveshur, s’kanë as rroba fjetje. Mbrëmë që shkoj ja u shpërndam
për ushqim e fjetje familjeve të Kapshticës. Lutemi na urdhëroni mënyrën e veprimit për
ushqimin dhe transportin e tyre”.259
Lufta ndaj Greqisë solli dhe shkatërrimin përfundimtar të atyre pak të mirave që
pushtimi italian ishte munduar t’i sillte Shqipërisë. Në të gjithë qytetet kryesore shqiptare
e kryesisht në rajonet e Shqipërisë së Jugut, me dekret të mbretit të Italisë u vendos ligji i
luftës. Përveç ekonomisë, lufta italo-greke shkatërroi dhe atë pak ndjenjë irredentiste tek
shqiptarët, të cilën italianët e ngritën me pará dhe propagandë të fuqishme. Ky shkatërrim
i shpejtë i ushtrisë italiane në sytë e shqiptarëve, dalëngadalë bëri që një pjesë e
nacionalistëve shqiptarë t’i kthenin sytë nga politika gjermane mbi Shqipërinë dhe
shqiptarët.
259 Po aty., F. 217, V.1941. D.64, fl.67. Njoftim i Nënprefektit të Bilishtit Tare Shyti dërguar Prefekturës
së Korçës në datë 14 maj 1941.
Çështja çame gjatë Luftës së Dytë Botërore Lorenc Agalliu
49
1.5. Qëndrimi i shqiptarëve në luftën italo-greke.
Megjithë propagandën e madhe të bërë në emër të bashkimit kombëtar të
Çamërisë dhe viseve të tjera me Shqipërinë, mbështetja që siguruan italianët nga
shqiptarët gjatë sulmit kundër Greqisë ishte i papërfillshëm. Pavarësisht thirrjeve dhe
propagandës italiane për të tërhequr popullsinë shqiptare në konfliktin me Greqinë,
shqiptarët qëndruan indiferent, duke mos u bërë pjesë e këtij konflikti të armatosur. Sipas
Prof. B. Meta, propaganda e madhe italiane në Çamëri, e bërë në emër të çlirimit
kombëtar nuk mundi të sigurojë më tepër se një simpati të përkohshme fillestare te
shqiptarët, simpati kjo që pas pushtimit, do të shuhej shumë shpejt. 260 Në sytë e
shqiptarëve, lufta kundër Greqisë dhe arroganca e ushtrisë italiane pas hyrjes në Çamëri,
shkatërroi dhe atë pak reputacion që italianët kishin mundur të blenin deri në këto çaste
me paratë e tyre.
Autorë të ndryshëm shqiptarë janë të mendimit se, pavarësisht përpjekjeve të
mëdha të italianëve, propaganda e tyre për bashkimin e Çamërisë me Shqipërinë nuk i
siguroi Italisë asnjë repart ushtarak me shqiptarë nga Çamëria, e po ashtu ushtria italiane
nuk pati në radhët e saj një numër të konsiderueshëm çamë. 261 Numri i çamëve
pjesëmarrës në ushtrinë italiane ishte i pakonsiderueshëm e për më tepër që, shumica e
tyre ose ishin në rolin e udhërrëfuesit ose qëndronin në prapavijën e ushtrisë italiane.
Pjesa më e madhe e popullsisë muslimane çame në Çamëri mbajti një qëndrim neutral
ndaj sulmit italian kundër Greqisë. Çamët muslimanë u munduan që gjatë ditëve të para
të sulmit të ushtrisë italiane të ruanin qetësinë dhe raportet e mira me popullsinë e
krishterë të Çamërisë.262
Popullsia muslimane çame gjatë luftës italo-greke nuk ra viktimë e propagandës
fashiste për t’u bashkuar trupave italiane në sulmin ndaj Greqisë. Ajo mbajti
përgjithësisht një qëndrim asnjanës, pavarësisht rrethanave të krijuara nga administrate
civile dhe ushtarake greke para dhe gjatë fillimit të këtij sulmi.
Thyerja dhe disfata që pësoi ushtria italiane që në ditët e para të sulmit, krijoi
bindjen te shqiptarët se, ushtria italiane s’ishte gjë tjetër veçse një ushtri pushtuese dhe e
pamotivuar. Një fakt i tillë ndikoi në rritjen e rezistencës antiitaliane në tërë Shqipërinë.
Si rezultat i rritjes së rezistencës shqiptare, trupave italiane iu duhej t’i kushtonin
vëmendje të madhe dhe rritjes së rezistencës së lëvizjes shqiptare në Shqipëri. Kudo në
qytetet kryesore shqiptare, kuesturat italiane njoftonin Jakomonin dhe hierarkët e lartë
fashistë në Tiranë mbi traktet e hedhura dhe lajmet që shpërndaheshin kudo mbi
braktisjen e frontit të luftës dhe bashkimin e armëve me trupat greke.263 Krahasuar me
260 Meta, Tensioni greko-shqiptar.., 148. 261 Historia e Popullit Shqiptar, Akademia e Shkencave të Shqipërisë, Vëllimi IV, (Tiranë, Toena, 2008),
151. 262 AQSH, F. 151, V. 1944, D.101, fl.8-9. Promemorje e një përfaqësie të çamëve me banim në Tiranë,
dërguar Ministrisë së Punëve të Jashtme shqiptare, lidhur me gjendjen e shqiptarëve çamë në Çamëri, datë,
23.3.1944. 263 AQSH, F.149, V.1940, D.1/95, fl.1-3. Njoftime të Ministrisë së Punëve të Brendshme dërguar Këshillit
të Ministrave Tiranë mbi trakte të shpërndara në shumë zona, kryesisht në viset jugore të Shqipërisë, ku i
bëhej thirrje popullit shqiptar të bashkonte armët me ushtrinë greke, kundra asaj italiane.
Çështja çame gjatë Luftës së Dytë Botërore Lorenc Agalliu
50
shumat e mëdha dhe premtimet e bëra nga italianët për të fituar besimin dhe përkrahjen e
shqiptarëve, rezultati ishte tepër i vogël, madje i papërfillshëm. Agjentët shqiptarë i
kishin bindur funksionarët italianë se shqiptarët madje dhe grekët përtej kufirit do të ishin
të gatshëm të ndihmonin trupat ushtarake italiane të depërtonin me lehtësi.
Lidhur me mbështetjen që popullsia çame i dha ushtrisë italiane, autori grek Jani
Sharras shprehet se; “Pavarësisht propagandës së fuqishme që italianët kishin bërë para
fillimit të konfliktit të armatosur, me hyrjen e ushtrisë së saj në territotin grek, asnjë
shqiptar çam nuk iu bashkua ushtrisë fashiste të Musolinit”. 264 Në të vërtetë, pas
propagandës së fuqishme të italianëve në favor të rivendikimeve shqiptare dhe të
bashkimit të Çamërisë me Shqipërinë, pati disa elementë nacionalistë të cilët iu bashkuan
ushtrisë italianë. Në emër të bashkimit të Çamërisë me trungun shqiptar, nacionalistët
çamë, zgjidhjen e çështjes kombëtare e shihnin në mbështetjen e madhe të Italisë fashiste.
Pas zhgënjimit të pësuar që në ditët e para nga komanda italiane lidhur me
administrimin e krahinës së Çamërisë, trupat shqiptare filluan të braktisin ushtrinë
italiane. Batalioni me vullnetarë shqiptarë pjesë e ushtrisë italiane, i përbërë kryesisht nga
emigrantë çamë të përzënë me forcë nga Greqia, e braktisën ushtrinë italiane sapo
mësuan qëllimet e vërteta të Italisë fashiste. Çamët për asnjë moment nuk e fshehën
dëshirën dhe vullnetin e tyre për të luftuar në krah të grekëve kundër ushtrisë italiane. Por
grekët nuk dëshironin që shqiptarët të merrnin pjesë në këtë luftë me qëllimin për ta
përdorur këtë si pretekst për spastrimin etnik pas përfundimit të luftës. Mbi 1800 ushtarë
djem të rinj çam pjesë e ushtrisë së rregullt greke, u çarmatosën dhe u lanë të kryenin
detyra të rëndomta xheniere. Ata kryesisht u ngarkuan në thyerjen e gurëve dhe në
rregullimin e rrugëve malore për nga ku do të kalonte ushtria greke. Këto veprime
qeveria greke i ndërmerrte pasi ajo e paragjykonte popullsinë çame, si bashkëpunëtore të
armikut për shkak të dëshirës së saj për bashkimin me trungun e shtetit shqiptar.265
Një pjesë e konsiderueshme e autorëve grekë e pranojnë politikën shoviniste dhe
përjashtuese që përdori shteti grek ndaj popullsisë çame në prag të sulmit italian ndaj
Greqisë. Përjashtimi që iu bë djemve shqiptarë nga ushtria greke,- thotë historiani Jani
Sharra, bëri që mbi 2000 djemë të mos ishin mbështetje për prapavijën e ushtrisë greke.
“Në këtë mënyrë,- thotë ai- nëse këta djemë çamë do të ishin pjesë përbërëse e ushtrisë
greke, atëherë dhe familjet e tyre nuk do të jepnin kurrfarë ndihme për ushtrinë italiane,
përkundrazi ata do të sulmonin bashkë me ta”. 266 Megjithë kërcënimet e ndjenjat
antishqiptare të shfaqura nga qeveria greke dhe segmente të saj, djemtë çamë të rekrutuar
në ushtrinë greke i zbatuan me përpikmëri çdo detyrë të ngarkuar, duke dashur të
kontribuonin në çështjen e lirisë së shtetit grek.
Autori grek Jorgos Margaritis, me shumë të drejtë evidenton faktin se, ishin vetë
grekët ata që kontribuan në qëndrimin e popullsisë çame, duke krijuar klimën e
mosbesimit ndaj shqiptarëve muslimanë çamë dhe duke i shtyrë ata drejt rrugës së
bashkëpunimit me pushtuesit ose indiferencës ndaj ngjarjeve që po ndodhnin.267 Më tej J.
Margaritis argumenton se, rritja e presionit të autoriteteve civile dhe ushtarake greke në
prag të pushtimit italian, për rekrutimin e të rinjve dhe burrave çamë në ushtrinë greke,
264 Sharra, Istoria tis periohis Igumenicas.., 615. 265 Po aty., 615. 266 Po aty., 604. 267 Margaritis, Bashkëpatriotë të padëshiruar..,125.
Çështja çame gjatë Luftës së Dytë Botërore Lorenc Agalliu
51
bëri që shumë prej tyre të dezertonin dhe të kalonin në anën tjetër të kufirit.268 Si pasojë e
këtyre veprimeve arbitrare, një pjesë e djemve dhe burrave çamë ose u bashkuan me
ushtrinë italiane ose qëndruan në kufijtë e shteti shqiptar, duke pritur me shpresë se një
ditë do të riktheheshin në shtëpitë dhe familjet e tyre.
Autori tjetër grek Lambros Baltsiotis, duke pranuar faktin se në prag të pushtimit
italian të Çamërisë mbi popullsinë shqiptare çame është ushtruar presion dhe kërcënime
nga administrata ushtarake greke, argumenton se, këto veprime të qeverisë greke i dhanë
komunitetit çam prova për një perceptim negativ nga ana e autoriteteve greke të krahinës
për minoritetin çam.269 Arrestimet dhe internimet e kryera nga autoritetet lokale greke të
Çamërisë ndaj krerëve çamë, sipas L. Baltsiotis, e lanë popullsinë çame pa udhëheqës,
një faktor ky mjaft i rëndësishëm që sipas autorit, ndikoi në sjelljen e tyre të mëpasme
ndaj grekëve.270
Studiuesja greke, Georgia Kretsi, (Xhorxhia Kretsi), lidhur me mbështetjen që
siguroi Italia fashiste nga shqiptarët në Çamëri thekson faktin se, autoritetet italiane u
mbështetën vetëm prej shqiptarëve çamë të pasur, të cilët më parë kishin qenë viktimë e
politikave ekonomike dhe abuzimeve të ndjekura nga shteti grek.271 Edhe autori H. Isufi
mbështet faktin se, qeveria greke ndërmori disa veprime që zbuluan qartë dyshimet dhe
mosbesimin ndaj minoritetit çam në Greqi. Sipas këtij autori, Athina zyrtare, si në
mobilizimin e parë në vitin 1939, ashtu dhe në të dytin në gusht të vitit 1940, në prag të
konfliktit italo-grek, i përjashtoi çamët muslimanë nga mobilizimi ushtrak. 272
Përjashtimin e të rinjvë dhe burrave çamë nga e drejta për të qenë pjesëmarrës në ushtrinë
greke e pranon dhe autori grek Jani Sharras, i cili thekson faktin se, me përjashtimin që
shteti grek iu bëri çamo-shqiptarëve nga e drejta për t’u mobilizuar në ushtri, tregoi hapur
mungesën e besimit të autoriteteve greke ndaj popullsisë shqiptare çame.273 Në këtë
mënyrë, fryma antishqiptare që ekzistonte në Çamëri, si dhe mohimi i të drejtave dhe
lirive themelore qytetare të popullsisë çame prej shtetit grek, iu dha mundësi italianëve që
të përhapnin me shpejtësi propagandën e tyre fashiste në radhët e një pjese të kësaj
popullsie.
Ndjenja e mosbesimit ndaj shqiptarëve muslimanë ishte e përhapur në të gjitha
nivelet e shoqërisë, politikës dhe të ushtrisë greke. Vetë kapiteni i xhandarmërisë së
Filatit, Stavridhis, duke kërcënuar haptazi shqiptarët muslimanë çamë deklaronte se: “Ju
muslimanët e Çamërisë, prisni që të vijë këtu Italia dhe Shqipëria. Ju lajmëroj se ajo ditë
nuk do të vijë kurrë, por edhe sikur të vijë ne grekërit jemi 7 milionë e gjysmë dhe nuk do
të lemë asnjë çam të gjallë. Ne do t’ju therim të gjithëve”.274 Të tilla kërcënime bëheshin
me qëllim që të trembnin popullsinë çame dhe të detyronin banorët shqiptarë të
largoheshin nga shtëpitë e tyre nën presionin e armëve të xhandarmërisë greke.
268Po aty., 125-126. 269 Lambros Baltsiotis, The Muslim Chams of Northwestern Greece, European Journal of Turkish Studies,
Dhjetor 2011, fq.11. 270Po aty. 271 Georgia Kretsi, The secret Past of the Greek-Albanian Bordelands. Cham muslims Albanians:
Perspectives on a Conflict over Current Rights. Ethnologia Balkanica, (Sofje, Vol.6, 2002). 176. 272 Isufi, Musa Demi,221-222. 273 Sharra, Istoria tis…604-605. 274 AQSH, F.161, V.1940, D.1202, fl.16.
Çështja çame gjatë Luftës së Dytë Botërore Lorenc Agalliu
52
Krahas kësaj dhe politika zyrtare e Athinës me veprimet dhe mosveprimet e saj
ndikoi në rritjen e mosbesimit ndaj shqiptarëve dhe në thellimin e mosmarrëveshjeve.
Këtë e verteton më së miri dhe deklarata e kryeministrit grek Metaksa, i cili gjatë
ofensivës greke kundër trupave italiane në qytetin e Korçës, deklaroi në një radio greke
se; “Greqia po lufton edhe për çlirimin e Shqipërisë”.275 Ajo që të bie në sy në qëndrimin
grek është fakti se, në deklaratën e kryeministrit grek nuk gjejmë asnjë fjalë për
pavarësinë e Shqipërisë edhe pse ky vend ashtu si dhe Greqia ishin të pushtuara nga i
njëjti armik i përbashkët. Greqia dhe kryeministri i saj ishin të interesuar të mbanin të
pushtuar gjithë Shqipërinë e Jugut, të paktën deri në përfundim të luftës. Me këtë veprim
grekët do të pretendonin nga konferenca e paqes, një ndarje të padrejtë dhe mbajtjen nën
zotërimin e tyre të tokave që për ta konsideroheshin të çliruara nga vet grekët. Fjalëve të
Metaksait nuk i besonin as miqtë e tyre britanikë, të cilët do të shpreheshin se, “Metaksa i
shpalli botës se Greqia lufton edhe për çlirimin e Shqipërisë, porse në të vërtetë çdo njeri
e di se asnjë grek nuk i jep as më të voglën rëndësi çështjes sa që të derdhë gjakun e vet
për lirinë e shqiptarëve”.276
Vetëm një ditë para sulmit italian kundër Greqisë, Ministria e Brendshme
shqiptare njoftonte Mëkëmbësin e Përgjithshëm se në krahinat jugore të Shqipërisë,
avionët britanikë kishin hedhur nga ajri broshura, me anë të të cilave i bënin thirrje
popullit shqiptar që të bashkonte armët me ushtrinë greke kundër asaj italiane. Në tekstin
e kësaj thirrjeje thuhej se; “Shqipëria kurdoherë ka qenë krenare e lirisë së sajë dhe
Greqia gjithnjë e ka respektuar dhe sot rreziku është i përbashkët, pasi Musolini dhe
Hitleri duan të bëjnë popujt e Ballkanit shërbëtorë të interesave të tyre”.277
Pas sulmit italian të Greqisë ndryshoi dhe qëndrimi i diplomacisë britanike ndaj
Shqipërisë dhe synimeve greke për aneksimin e tokave të jugut. Britanikët menduan se
kishte ardhur momenti i duhur për të aktivizuar Ahmet Zogun në përgatitjen e rezistencës
shqiptare kundër ushtrisë italaine. Sipas, britanikëve një kryengritje e mundshme
shqiptare do të ishte një thikë pas shpine në prapavijën e ushtrisë italiane. Në këtë mënyrë
ushtria greke do t’a kishte më të lehtë të thyente forcat italiane që ndodheshin brenda
territorit të Greqisë. Ahmet Zogu e pa këtë propozim të britanikëve si një mundësi për të
vënë në vend drejtësinë për largimin e tij nga Shqipëria si dhe për të provuar
kredibilitetin e tij të humbur në sytë e shqiptarëve.
Në një takim që Zogu pati me Andrey Rajan, ish përfaqësuesit britanik në Tiranë
para pushtimit italian, i kujtoi bashkëbiseduesit britanik se, ai ishte në gjendje të thërriste
nën armë mbi 30 000 besnikë të tij dhe t’i pajiste ata me 10 000 pushkë, të cilat deri tani
qëndronin të fshehur në Veriun e Shqipërisë.278 Nuk vonoi shumë dhe Zogu këtë plan
konkret më 8 nëntor 1940 e paraqiti përpara zyrtarëve të Foreign Office. Gjatë
parashtrimit të detajeve lidhur me planin e tij, Zogu propozonte që ai vet të shkonte në
Stamboll dhe të organizonte atje rreth 14 000 shqiptarë, duke krijuar një forcë të
mirëfilltë ushtarake.279
275 Fischer, Shqipëria gjatë luftës.., 119. 276 AIH, PRO/FO. 371 File Nr.24868. Përkujtesë e P. Dikson datë 11 dhjetor 1940. 277 AQSH, F.149, V.1940, D.I/95, fl.3. 278 Fischer, Shqipëria gjatë luftës..,152. 279 Po aty.
Çështja çame gjatë Luftës së Dytë Botërore Lorenc Agalliu
53
Disfata në ditët e para të pushtimit, të ushtrisë italiane, u konsiderua nga Ahmet
Zogu si mundësia më e mirë për të bindur qeverinë e Metaksait se, ishte në dobi të
interesave të përbashkëta të të dy vendeve, që të lidhej një aleancë kundër Italisë fashiste.
Në shërbim të kësaj aleance, Zogu do të ndihmonte edhe me forca ushtarake, duke
premtuar se do të mobilizonte 400 ushtarë, të cilët do të ishin të gatshëm të marshonin
drejt Selanikut, ku së bashku me shqiptarët që ndodheshin në Greqi, të cilët ishin
mobilizuar nga agjentët anglezë do të hidhshin më pas në Shqipëri.280 Sipas planit të
detajuar me këtë forcë ushtarake do të bashkoheshin edhe vullnetarët shqiptarë emigrantë
në Jugosllavi. Sipas këtij projekti, trupat shqiptare të inkuadruara në ushtrinë italiane në
Shqipëri, të dislokuara në kufirin shqiptaro-grek, ishin të gatshëm të sabotonin
operacionet e ushtrisë italiane në rastin e një sulmi ndaj Greqisë dhe ishin gati gjithashtu,
të bashkërendonin veprimet ushtarake me ushtrinë greke.281 Pothuajse në një zë të vetëm,
personalitete shqiptare dhe shoqata të ndryshme të emigrantëve shqiptarë e dënuan
agresionin e Italisë kundër Greqisë. Personalitete dhe përfaqësues kryesorë të shqiptarëve
të diasporës si, Tajar Zavalani me qëndrim në Londër dhe Mirash Ivanaj në Stamboll,
vetëm dy ditë pas sulmit italian ndaj shtetit helen, i drejtohen ambasadave greke në
vendet respektive duke shprehur solidaritetin e tyre me fqinjët grekë dhe duke nënvizuar
se, “të njëjtin fat kishte pësuar dhe Shqipëria e tyre”.282
Edhe banorët shqiptarë të krahinave jugore iu bënë thirrje forcave greke që
bashkërisht të luftonin kundër italianëve. Shqiptarët ishin të gatshëm të formonin 4
batalione, të cilët nën flamurin shqiptar do të luftonin përkrah forcave greke, por kjo
përpjekje e tyre u kundërshtua nga qeveria greke.283 Thirrjes së shqiptarëve për të luftuar
përkrahë grekëve kundër të njëjtit armik, iu bashkuan dhe figura qëndrore të politikës
londineze. Në një mesazh drejtuar popullit shqiptar me rastin e 28 Nëntorit 1940, Lordi
Cecil (Sesil) ndër të tjera do të theksonte se; “Do të ishte mirë që miqtë tanë grekë të
bashkojnë përpjekjet e tyre me shqiptarët për ta goditur agresorin”. 284 Oferta për
bashkëpunim midis shqiptarëve dhe grekëve në luftë kundër italianëve erdhën dhe nga
legata shqiptare në Turqi si dhe nga shqiptarët në diasporë. Legata shqiptare në Turqi i
kërkoi qeverisë helene të lejonte formimin e një regjimenti shqiptar, i cili do të luftonte
bashkë me grekët kundër trupave italiane, por kjo të bëhej nën flamurin shqiptar. Sipas
këtij propozimi, trupat shqiptare nën komandën e oficerëve shqiptarë do të ishin pjesë
përbërëse e ushtrisë greke, duke luftuar kundër të njëtit armik.285
Në vazhdimësi të politikës shoviniste dhe aneksioniste, qeveria greke me
mbështetjen dhe të Londrës hodhi poshtë çdo mundësi bashkëpunimi me shqiptarët dhe
mbretin Zog. Pasojë e kësaj prapavije në politikën greke ishin dhe refuzimet e
njëpasnjëshme që Metaksa i bënte vullnetit të shqiptarëve dhe të Ahmet Zogut për të
bashkëpunuar në luftë kundër italianëve. Në funksion të propagandës helene, kryeministri
grek nuk pranoi as idenë e Zogut për t’u bërë shqiptarëve thirrje nëpërmjet radio Athinës,
280 AQSH, F. 153, V.1940, D.39, fl.69. 281 Po aty. 282 Puto, Lufta italo-greke, 378-379. Shtojcë e dokumenteve mbi pjesmarrjen e Shqipërisë në luftën italo-
greke. 283 Historia e Popullit Shqiptar, vëll.IV, 43-45 284 O. Pearson, Albania in oçupation and Ëar, vol. 2, (Neë York, 2005), 76 285 Meta, Tensioni greko-shqiptar, 54.
Çështja çame gjatë Luftës së Dytë Botërore Lorenc Agalliu
54
me rastin e Pavarësisë së Shqipërisë më 28 nëntor 1940 dhe të bashkonin armët me
popullin fqinj grek kundër ushtrisë italiane.286
Nga fundi i shkurtit të vitit 1941, qeveria greke hodhi poshtë një tjetër përpjekje të
Ahmet Zogut për të transmetuar një thirrje nga Radio BBC me qendër në Londër, pasi
sipas Metaksait, shprehja që do të përdorej nga Zogu gjatë kësaj interviste se, ai (Zogu):-
shpresonte që një ditë t’i shihte shqiptarët të lumtur dhe të bashkuar brenda kufijve të
ligjshëm, përbënte një ekuivok për të ardhmen e Shqipërisë dhe në veçanti për
Çamërinë.287
Refuzimi i ofertave dhe të kërkesave të shqiptarëve për bashkëpunim me trupat
greke, bëhej qëllimisht nga qeveria greke. Ky refuzim fshihte në vetvete një prapaskenë
të menduar hollësisht nga politika greke. Qeveria e Athinës me anë të refuzimit që iu
bënte thirrjeve të shqiptarëve për bashkëpunim, donte të krijonte përshtypjen në arenën
ndërkombëtare se asnjë shqiptar, qoftë dhe minoritar, nuk dha ndihmë në largimin e
pushtuesve italianë. Duke menduar se kjo luftë do të ishte e shkurtër dhe se aspiratat e saj
do të ishin afatshkurtra, grekët kishin një tjetër qëllim më shpresëdhënës, atë të politikës
së tyre antishqiptare pas përfundimit të luftës. Duke parë refuzimet e njëpasnjëshme të
politikës greke ndaj ofertave bujare të shqiptarëve për bashkimin e armëve, na duket
mëse i drejtë konstatimi që bën Prof. B. Meta, i cili shprehet se, nëse grekët do të kishin
pranuar bashkëpunimin me shqiptarët kundër ushtrisë italianë, atëherë pushtimi i Italisë
në të dy vendet do të kishte qenë mjaft i shkurtër.288
Megjithë përpjekjet e shumta të ardhura nga shqiptarët, për fat të keq asnjë
marrëveshje nuk u arrit, sepse disfata e ushtrisë italiane dhe kundërsulmi i ushtrisë greke,
e cila u fut në Korçë, Gjirokastër, Himarë, Leskovik, Delvinë, në vend që të shërbente si
faktor për të inkurajuar popullin shqiptar për bashkëpunim dhe luftë kundër armikut të
përbashkët, zgjoi ëndrrat e vjetra shoviniste greke. Në kushte të tilla, kur ushtria greke
ndodhej në brendësi të territorit shqiptar duke mbajtur të pushtuara krahinat e jugut të
synuara prej kohësh, nuk kishte se si të merrej në konsideratë kërkesa e shqiptarëve për
bashkëpunim. Në fazën e euforizë që kishte përfshirë politikën greke për këtë sukses ndaj
trupave italianë, kërkesa e shqiptarëve për të bashkuar armët me ushtrinë greke ishte e
parakohshme. Dëshirën e shovinistëve grekë e mbështeti dhe politika londineze, e cila
mendonte se për sa kohë që Greqi ishte e aftë të mbante të pushtuara territoret e
Shqipërisë së Jugut, përse të mos i zotëronte ato deri në përfundim të luftës.289
Një nga arsyet e mosrealizimit të bashkëpunimit me Athinën ishin edhe
kundërshtimet e forta të qeverisë greke në ekzil në Londër. Qeveria greke dhe mbreti i saj
në Londër ishin kundër angazhimit personal të Ahmet Zogut, në organizimin e një
kryengritjeje antiitaliane në Shqipëri. Shqetësimi më i madh i Athinës zyrtare dhe
qeverisë së saj në mërgim ishte përfshirja e britanikëve për të organizuar një kryengritje
në Shqipëri, e cila më pas do të sillte rritjen e lëvizjes antifashiste në vend. Sipas qeverisë
greke, kjo do të thoshte se pozita e Shqipërisë pas luftës do të ishte e forcuar dhe e
pacënuar nga akuzat greke, të cilat e identifikonin Shqipërinë jo vetëm si bashkëpunëtore
286 Fischer, Shqipëria gjatë Luftës..,153. 287 PRO/FO, 371/29714 R1804/187/90, Raport i Palairet nga Athina më 25 Shkurt 1941. 288 Meta, Tensioni greko-shqiptar, 54. 289 Puto, Nëpër analet e diplomacisë.., 35.
Çështja çame gjatë Luftës së Dytë Botërore Lorenc Agalliu
55
të fashizmit, por edhe si inisiatore të sulmit ndaj Greqisë. Është fakt, se një pjesë e
diplomacisë britanike ndikohej nga politika greke.
Italianët për të justifikuar dështimin e tyre dhe organizimin e dobët të ushtrisë
akuzonin shqiptarët si shkaktarë të kësaj disfate. Periudha e fillimit të luftës italo-greke
korespondonte me punët në bujqësi për shqiptarët. Gjendja e tyre ekonomike dhe e
familjeve të tyre nuk jua lejonte pjesmarrjen në forcat ushtarake italiane. Gjatë kohës së
mobilizimit ushtarak në muajin korrik 1940, shqiptarët kujdeseshin për të korrat e tyre
dhe për punët në bujqësi.290 Pjesëmarrja e dy batalioneve me trupa shqiptarë në radhët e
ushtrisë italiane u bë në kuadër të dekreteve mbretërore italiane për shkrirjen e
xhandarmërisë shqiptare dhe inkuadrimin e saj me ushtrinë italiane. Megjithë pjesmarrjen
e këtyre trupave në radhët e ushtrisë italiane, zyrtarët italianë vinin re mungesën e
vullnetarëve nga radhët e intelektualëve, madje edhe të atyre që deri tani kishin qenë pro
italian.291
Mareshalli i ushtrisë italiane, Badolio, në kujtimet e tij shkruan se; “Forcat
shqiptare që bënin pjesë në divizionet tona tradhëtuan duke kryer sabotime apo në shumë
raste dhe duke kaluar në anën e grekëve”.292 Në përgjithësi dhe gjeneralët italianë në
drejtim të trupave në terren, e pranonin se “tradhëtia” e shqiptarëve dhe kalimi i tyre në
anën greke bëri që disfata e ushtrisë italiane të ishte më e afërt.293 Vetëm pas arritjes së
fitores me ndihmën e gjermanëve, Musolini nuk do të harronte që t’iu bënte qejfin
shqiptarëve duke deklaruar se: “Kontributi dhe disiplina e admirueshme e popullit
shqiptar është për t’u admiruar”.294
Lajmin se xhandarmëria dhe populli shqiptar nuk po i përgjigjej mobilizimit në
radhët e ushtrisë italiane për të shkuar në frontin grek e konfirmonte dhe agjencia
prestigjoze e lajmeve në Londër, Rojter. Në një njoftim të kësaj agjencie që mban datën
31 tetor 1940, thuhet se; “Mobilizimi i Shqipërisë dështoi krejtësisht dhe se xhandarët
shqiptarë që ishin ngarkuar të mblidhnin të thirrurit ikën të gjithë duke u rekrutuar në
çetat greke, që kanë invaduar një pjesë të tokës shqiptare”.295 Po kjo agjenci në lajmet e
saj të datës 22 dhjetor 1940, njoftonte se ushtarët shqiptarë të mobilizuar me forcë kanë
ngritur krye dje në një sektor të prapavijave italiane duke u shkaktuar humbje trupave
italiane.296 Si për të treguar se lufta e nisur nga italianët nuk ishte çështje që u përkiste
shqiptarëve, majori Fuat Dibra së bashku me të gjithë trupat e batalionit shqiptar që ai
drejtonte refuzoi të luftonte përkrah ushtrisë italiane.297
Pothuajse në të gjitha qytetet kryesore shqiptare shpërthyen protestat antiitaliane,
ku të pranishmit u bënin thirrje ushtarëve shqiptarë të lëshonin armët dhe të mos luftonin
kundra popullit grek, madje dhe të bashkonin armët e tyre me ushtrinë greke kundër asaj
italiane.298 Kësaj thirrje iu përgjigj dhe batalioni “Tomori”, ku mbi 500 ushtarë shqiptarë
290 Puto, Lufta italo-greke.., 79. 291 DDI, Serie 9, Vol.VI, dok.152, fq.162. 292 Historia e Popullit Shqiptar, Vëllimi IV, 44. 293 Puto, Lufta italo-greke…, 379. 294 Gazeta “Tomori”, Tiranë, datë 17 prill 1941. 295 AQSH, F.161, V.1940, D.1202, fl.4. Njoftim i Agjencisë Rojter, datë 1 Nëntor 1940. 296 Agjencia Rojter, datë, 22 dhjetor 1940. Cituar sipas Puto, Lufta italo-greke…,379. 297 AQSH, F.153, V.1940, D.54, fl.19. 298 Po aty., D.39, fl.143-144.
Çështja çame gjatë Luftës së Dytë Botërore Lorenc Agalliu
56
dezertuan nga radhët e ushtrisë italiane e iu drejtuan shtëpive dhe familjeve të tyre.299
Dezertimi në masë i batalioni “Tomori”, sipas autoriteteve italiane kishte lënë një
përshtypje të keqe tek ushtria italiane dhe ata shpresonin që ky lajm të mos përhapej te të
gjithë ushtarët, pasi pasojat do të ishin mjaft të rënda.300
Po ashtu dhe vet qeveria greke në mërgim në Londër, gjithë entuziazëm do të
pranonte faktin se trupat shqiptare po dezertonin nga radhët e ushtrisë italiane, duke u
përqëndruar në një kamp në Shqipërinë e Mesme. Batalioni Çamëria i përbërë nga trupa
shqiptare të xhandarmërisë dhe nga vullnetarë çamë që në muajin dhjetor 1940, pothuajse
ishte shpërbërë i tërë. Të vetmet trupa ushtarake shqiptare të cilat besonin ende te fitorja e
ushtrisë italiane dhe te bashkimi kombëtarë i Çamërisë me Shqipërinë ishin trupat e pakta
të udhëhequra nga nacionalistët çamë si, Nuri Dino, Azis Çami etj..301 Njoftimet e shumta
bënin fjalë për dezertim të oficerëve të rekrutuar, të cilët braktisnin pozicionet e tyre
luftarake madje shpesh duke bërë dhe qëndresë ndaj oficerëve italianë.302 Në shumë raste
nga terreni jepeshin lajme për kryerje akti sabotazhi nga shqiptarët, duke prerë tela
telefoni, atentate kundër ushtrisë italiane, dhënie informacioni sekrete ushtrakëve grekë
etj,.303
Megjithë masat shtrënguese të organeve të qeverisë fashiste në Tiranë kundrejt
familjeve të ushtarëve që dezertonin nga radhët e ushtrisë italiane, përsëri lista e
shqiptarëve që refuzonin të merrnin pjesë në frontin grek shtohej nga dita në ditë.304
Përveç dezertimeve në masë, të shpeshta ishin dhe rastet e thyerjes së urdhërave në front
nga ana e ushtarëve shqiptarë, të cilët refuzonin t’u bindeshin eprorëve të lartë të ushtrisë
italiane. Në shumë raste kundërshtitë e ushtarëve shqiptarë për t’iu kundërvënë
komandantëve italianë shkonin deri në konfrontime të armatosura midis tyre. Ushtarët
shqiptarë ishin krejtësisht të pamotivuar për të qënë pjesë e ushtrisë italiane, megjithë
propagandën e madhe që bëhej, si dhe pagesat e larta që ofroheshin prej autoriteteve
italiane për të qëndruar në frontin e luftës.305 Pas tre muajsh luftime, trupat vullnetare
shqiptare dhe ato të rregullta të inkuadruara në ushtrinë italiane nuk ksihin asnjë motiv
për të vazhduar luftën.
Një prej figurave të shquara të lëvizjes nacionaliste shqiptare Mid’hat Frashëri,
pavarësisht dëshirës për ta parë një ditë Çamërinë të bashkuar më Shqipërinë, ishte krejt
në kundërshtim me vijën e ndjekur nga disa elementë të qeverisë shqiptare dhe asaj
italiane. Në një promemorje dërguar Jakomonit në shkurt të vitit 1941, M. Frashëri
shprehej se: “Është detyra jonë patriotike, e të gjithë shqiptarëve si dhe e qeverisë në
detyrë të bëjë të ditur në këtë moment tragjik të historisë tonë, pikpamjen tonë qeverisë së
Romës lidhur me zhvillimin e marrëdhënieve midis dy popujve tanë”. 306 Duke e
konsideruar një gabim trashanik të qeverisë italiane përfshirjen e Shqipërisë në luftën
299 Po aty., D.54, fl.37. 300 Po aty., F.161 , V.1940, D.516, fl.1. 301 Hoxha, Viste kombëtare shqiptare…, 280. 302Puto, Lufta italo-greke.., 262. 303 Fischer, Shqipëria gjatë Luftës.., 118. 304 AQSH, F.152/2, V.1941, D.345, fl.1-41. 305 Po aty., V.1942, D.610, fl.1-4. 306 Po aty., F.35, V.1941, D.37, fl.28. Promemorje e Mid’hat Frashërit dërguar Mëkëmbësit italian në
Shqipëri Francesko Jakomoni, shkurt 1941. Origjinali është në frëngjisht.
Çështja çame gjatë Luftës së Dytë Botërore Lorenc Agalliu
57
kundër Greqisë, M. Frashëri ngrinte zërin dhe u bënte thirrje shqiptarëve të mos luftonin
për një çështje që nuk u përkiste aspak atyre. “Cilatdo qofshin marrëdhëniet midis Italisë
dhe Greqisë, shprehej Mid’hat Frashëri,- qeveria italiane kurrsesi nuk mund të n’a
përdorë ne shqiptarëve në luftën e saj kundër Greqisë”.307
Për shqiptarët edhe pse Italia fashiste dhe kryesisht shtypi i saj kishte
propaganduar me të madhe se një nga qëllimet kryesore të kësaj lufte ishte emancipimi i
Çamërisë dhe bashkimi i saj me atdheun mëmë, pjesëmarrja në luftën kundër Greqisë
ishte në dëmin e tyre. Shqiptarët e konsideronin një gabim të madh luftën ndaj Greqisë,
pasi i tillë kishte qënë dhe për ta pushtimi i Shqipërisë nga Italia fashiste.
Sulmi kundër Greqisë ishte një shembull i dështimit të politikës së fashistëve, të
cilët nuk ishin në gjendje të bënin llogaritë me realitetin e ri gjeo-politik në Europë.
Historiani Bernd Fischer jep një statistikë të frikshme, kur përmend faktin se vetëm pak
muaj përpara sulmit ndaj Greqisë, Musolini me një urdhër të tij, çmobilizoi mbi 600.000
ushtarë italianë të mirëstërvitur duke i dërguar ata në shtëpi. Sipas këtij autori, urdhri i
Musolinit erdhi në një kohë fare të papërshtatshmë dhe u mor pa u konsultuar me
komandantët e gjeneralët e ushtrisë italiane.308 Si rezultat pjesa e mbetur e ushtrisë, e cila
u dërgua në frontin italo-grek ishin ushtarë të pastërvitur dhe jo të përgatitur për të
ndërmarrë luftime të këtij niveli.
Jakomoni e justifikonte dështimin e trupave italiane përballë atyre greke, me
faktin se Italia nuk ishte e përgatitur seriozisht për sulmin, pasi sipas tij, Italia vetëm sa
donte ta frikësonte Greqinë për të dorëzuar vullnetarisht krahinën e Çamërisë. Zyrtarët e
lartë fashistë në Romë dhe Tiranë do të pranonin me dhimbje se, humbja e prestigjit
ushtarak italian në Greqi erdhi si pasojë e pamjaftueshmërisë së përgatitjes ushtarake,
përkundrejt entuziazmit dhe euforisë së madhe që i parapriu këtij sulmi.309
Hitleri, që në fillim të nisjes së fushatës italiane kundër Greqisë e kishte parë atë
si fillimin e disfatës së trupave të Boshtit ndaj Aleatëve perëndimorë. Krejtësisht i
zhgënjyer nga veprimi i nxituar i Duçes, Hitleri do të shprehej se, “hyrja e befasishme e
Italisë në luftës kundër Greqisë u dha fitoret e para armiqve tanë”.310
Sipas historianit italian I. Montaneli, një nga shkaqet kryesore të dështimit të
ushtrisë italiane, si në Shqipëri ashtu dhe në Greqi ishte se, gjeneralët e saj më shumë
përpiqeshin që të ruanin postin e tyre zyrtar se sa pozicionet në betejë. Përveç kësaj,
Montaneli, e shikonte disfatën e ushtrisë fashiste në faktin se, ky qytetërim nuk kishte se
çfarë t’i ofronte më njerëzimit. “Më shumë se sa disfata,- thotë ai,- ajo që më ka prekur
më shumë është mënyra se si erdhi kjo disfatë”.311
Kur Italia zyrtarisht zbriti në fushën e betejës në vitin 1940, ajo ishte krejtësisht e
papërgatitur ushtarakisht dhe psikologjikisht e rrënuar. Ajo thjesht ishte e lodhur nga
retorika e përsëritur e luftës që ofronte Musolini dhe gjeneralët e tij. Nevojat e brendshme
të fuqive fashiste diktonin një qëndrim agresiv ndaj botës së jashtme. Për të ekzistuar si
pushtet real dhe për të kryer funksionet e tij, fashistët duhet të bënin përpjekjet e
nevojshme në mënyrë që të dominonin ato shtete me të cilat ata mendonin se kishin një
307 Po aty., fl.23. 308 Fischer, Shqipëria gjatë Luftës.., 121. 309 Jakomoni, Politika e Italisë.., 284. 310 Cervi, Storia della Guerra di Greçia, 12. 311 Montaneli, Cervi, L’Italia ….,311.
Çështja çame gjatë Luftës së Dytë Botërore Lorenc Agalliu
58
strukturë të ngjashme autoritare. Prandaj dhe Greqia u zgjodh si një aleat-armik shumë i
favorshëm për t’u pushtuar.
Arsyeja se pse italianët nuk u përkrahën masivisht në luftën e tyre kundër Greqisë
prej shqiptarëve çamë ishte mjaft e kuptueshme. Minoriteti shqiptar në Greqi, por edhe
shqiptarët në Shqipëri e kishin kuptuar se, Italia s’ishte gjë tjetër veçse një shtet pushtues,
i cili kishte shkelur pavarësinë e Shqipërisë dhe si e tillë ajo kurrë nuk mund të siguronte
zgjerimin e kufijve të shtetit shqiptar. Për shqiptarët dhe pse italianët kishin trumbetuar
me të madhe se ndjenja irredentiste tek shqiptarët ishte e fortë, ajo shërbeu vetëm si
pretekst për të filluar luftën dhe jo për ta vazhduar atë.
Historiani B. Fischer, duke argumentuar rezultatet e dobta dhe mbështetjen e
pakët që italianët siguruan prej shqiptarëve shprehet se, nëse italianët do t’i kishin
përdorur trupat shqiptare në sulmin ndaj Çamërisë dhe jo në zonat ortodokse të Korçës,
milicia shqiptare do të kishte treguar ndoshta më shumë entuziazëm.312 Mbështetja e
popullsisë çame për trupat italiane nuk ishte ajo që Duçja kishte besuar disa ditë para
nisjes së sulmit ndaj Greqisë. Në përfundim të luftës Italia nuk arriti të çonte në tavolinën
e paqes atë çka pretendonte të fitonte me anë të sulmit ushtarak. Pozita e Çamërisë mbeti
po e njëjtë me atë të paraluftës. Premtimet e italianëve për zgjerimin e kufijve të
Shqipërisë dhe përfshirja në shtetin shqiptar të krahinës së Çamërisë mbeti një dëshirë që
nuk u realizua kurrë.
312 Fischer, Shqipëria gjatë luftës…, 118.
Çështja çame gjatë Luftës së Dytë Botërore Lorenc Agalliu
59
KAPITULLI II
POZITA E ÇAMËRISË GJATË PUSHTIMIT ITALO-GJERMAN
2.1. Pushtimi i Greqisë dhe statusi i krahinës së Çamërisë.
Vdekja e papritur e Metaksait në janar të vitit 1941, solli dhe fundin e paqes së
përkohshme në politikën greke. Deri në këto momente suksesi i trupave ushtarake greke
kundër ushtrisë italiane kishte qënë i padiskutueshëm. Aleksandër Koritzis, i cili pasoi
Metaksain në detyrën e Kryeministrit të Greqisë, nuk ngurroi të kërkonte mbështetjen e
britanikëve për vazhdimin e betejës kundër trupave italiane dhe sigurimin e kufijve të
Greqisë. Dëshira e grekëve u mbështet menjëherë nga Britania e cila dërgoi në ndihmë të
Greqisë rreth 100.000 trupa të ushtrisë mbretërore. Kjo kërkesë e grekëve, ashtu siç dhe
pritej, irritoi së tepërmi Hitlerin, i cili për çështje strategjike ushtarake synonte me çdo
kusht të pengonte një penetrim të Britanisë në ishujt grekë. Për të prishur një aleancë të
mundshme të fuqive perëndimore si dhe për t’i shpëtuar nderin aleatit të tij Musolinit,
Hitleri vendosi të pushtojë Greqinë.
Disfata që po pësonte ushtria italiane në Ballkan dhe Afrikë nuk mund të kalohej
lehtë nga Hitleri, i cili mendonte se një gjë e tillë do t’u jepte kurajo fuqive aleate
perëndimore për të sulmuar me radhë këto rajone. Në 6 prill të vitit 1941, Hitleri dha
urdhër për të sulmuar Jugosllavinë dhe Greqinë. Pas një sulmi të rrufeshëm bombardimi
mbi Jugosllavi, ku mbetën të vrarë mbi 17 000 njerëz, Beogradi u dorëzua. Pa bisedime
diplomatike dhe pa ultimatum të orëve të fundit, siç ishte bërë zakon nga Fuqitë e Boshtit
në prag të Luftës së Dytë Botërore, Greqia u sulmua nga trupat gjermane. Tashmë fati për
Greqinë pas rënies së Jugosllavisë ishte vendosur.
Në datën 9 prill, trupat gjermane zotëronin pjesën veriore të Selanikut dhe portin e
këtij qyteti të rëndësishëm. Të ndodhura përpara euforisë ushtarake të trupave gjermane,
ushtria greke refuzonte të zbatonte urdhërat e dhëna nga oficerët grekë dhe britanikë. Në
këtë fazë të zhvillimeve ushtarake në Ballkan dhe në Greqi, epërsia e trupave gjermane
ishte në kulmin e tyre. E kundërta ndodhte me moralin e trupave greke, të cilat kishin
humbur krejtësisht efikasitetin e tyre. Të frikësuar dhe nga revanshi që kishte marrë
Hitleri në Ballkan, komanda greke mendoi më tepër për tërheqjen e ushtrisë dhe
minimizimin e humbjeve se sa për t’i bërë ballë kësaj furie. Një fakt të tillë e konfirmon
dhe veprimi i gjenerali grek Jorgos Tsolakoglu (Çollakogllu), i cili në cilësinë e
Komandantit të Armatës Greke të Maqedonisë Perëndimore la të hapur rrugë kalimin e
ushtrisë gjermane drejt Greqisë qëndrore, duke mos bërë asnjë rezistencë ndaj tyre.313
Duke vepruar në këtë mënyrë, forcat greke lanë të vetëm përballë ushtrisë
gjermane dhe ato trupa të ushtrisë britanike, të cilat u kishin ardhur më parë në ndihmë.
Pas këtij veprimi të komandës së ushtrisë greke u duk qartë se ajo shumë shpejtë do të
binte në pozita kolaboracioniste me ushtrinë gjermane. Pas një sulmi të befasishëm, më
313 Meta, Tensioni greko-shqiptar, 77.
Çështja çame gjatë Luftës së Dytë Botërore Lorenc Agalliu
60
23 prill të vitit 1941, trupat greke tashmë të dërrmuara plotësisht iu dorëzuan komandës
gjermane pa kushte.
Vetëm tri javë, do t’i nevojiteshin Hitlerit për të përfunduar atë që aleati i tij
italian kishte vite që e kishte nisur. Tashmë, gjithë Greqia kontinentale ishte e pushtuar
me përjashtim të Kretës, e cila do të rezistonte deri në fund të muajit maj. Marrëveshja e
kapitullimit dhe e dorëzimit të ushtrisë greke, para asaj gjermane u nënshkrua në qytetin e
Janinës. Menjëherë pas nënshkrimit të marrëveshjes, Komanda e Lartë gjermane në
Athinë, kërkoi dorëzimin pa kushte edhe të asaj pjese të ushtrisë greke, e cila nën
komandën e dhespotit Spiridon, mbante të pushtuar Shqipërinë e Jugut.314
Nisur nga zhvillimi i ngjarjeve në Greqi në prag të pushtimit të saj prej ushtrisë
gjermane, të krijohet përshtypja se, shumica e politikanëve grekë e kishin mirëpritur këtë
hyrje të ushtrisë së Hitlerit në territorin e tyre. Të lodhur tashmë prej rezistencës së gjatë
ndaj ushtrisë italiane, gjeneralët dhe politikanët grek, si Metaksa dhe pasardhësit e tij,
mezi e prisnin një pushtim prej Gjermanisë naziste. Madje që para nisjes së sulmit të
ushtrisë gjermane drejt Athinës, disa politikanë grekë kishin filluar të bindnin eksponentë
të lartë gjermanë se, një ndërhyrje ushtarake gjermane në Greqi do të neutralizonte
situatën në dobi të Boshtit.315
Pothuajse në të gjithë Greqinë, faza e parë e pushtimit të saj nga trupat e Boshtit
kaloi pa ndonjë qëndresë, pasi shumica e liderëve politikë dhe ushtarakë të vendit më
tepër u morën me betejën midis republikës dhe monarkisë.316 Mbretit Jorgos II pas hyrjes
së trupave të Boshtit në Greqi u gjend përpara dy mundësive, ose të qëndronte në vend
dhe në këtë mënyrë ai do të binte nën pozitat kolaboracioniste me gjermanët, ose do të
largohej së bashku me qeverinë e tij, por edhe në këtë rast ai do të konsiderohej nga
populli dhe besnikët e tij si tradhëtar. Pas një hezitimi të shkurtër, mbreti vendosi të
largohej për në Londër së bashku me kryeministrin e qeverisë së tij. Mbreti Jorgos II
gjeti strehim te aleatët britanikë, duke krijuar në Londër dhe qeverinë greke në ekzil të
kryesuar nga kryeministri saj Emanolis Tsouderos.
Pas pushtimit nga ushtritë e Boshtit në prill të vitit 1941, Greqia u nda në tri zona
influence midis komandave ushtarake të Italisë, Bullgarisë dhe Gjermanisë. Italia mori
nën administrimin e saj ushtarak pjesën kontinentale dhe atë ishullore të shtetit helen.
Bullgaria mori në administrim Trakën dhe pjesën e Maqedonisë Lindore, ndërsa
Gjermania përfshinte në administrimin e saj Selanikun, brigjet e Vardarit, Athinën dhe
një pjesë të madhe të Kretës. Kjo ndarje administrative e Greqisë ishte e menduar më së
miri nga komanda e lartë ushtarake e Boshtit që drejtonte operacionin kundër Greqisë,
pasi një ndarje e tillë e influencave ishte e mbështetur në baza etnike, duke siguruar në
këtë mënyrë një qeverisje më të mirë dhe një copëtim të shtetit helen. Bullgarët morën në
administrim sllavët e Greqisë veriore dhe të Maqedonisë duke u siguruar që në
vazhdimësi këto grupe etnike do të krijonin pavarësinë nga shteti grek. Po kështu dhe
Italia mori në zotërim territore të banuara nga vllehët arumunë, me qëllimin e vetëm për
t’i inkurajuar këta për një shkëputje në të ardhmen nga shteti grek.
314 Cervi, Storia della Guerra di Grecia, 252. 315 Mazower, Inside Hitler’s Greece…, 15. 316 Hondoros, Occupation and Resistance.., 123-124.
Çështja çame gjatë Luftës së Dytë Botërore Lorenc Agalliu
61
Për shqiptarët e Greqisë ishte rezervuar një tjetër ide e administrimit territorial të
tyre. Krahina e Çamërisë dhe Epirit e banuar prej shqiptarëve u vu nën administrimin e
përbashkët italo-gjerman, të cilët duke ditur aspiratat kombëtare dhe përpjekjet e
vazhdueshme të shqiptarëve, së bashku përpiqeshin që t’ia aneksonin këtë krahinë shtetit
shqiptar.317 Ndërsa vllehët ishin helenizuar dhe maqedonasit ishin të izoluar nga malet e
larta që i rrethonin, shqiptarët përbënin një forcë të vërtetë lëvizëse brenda shtetit grek. Si
një grup kompakt, popullsia shqiptare e Çamërisë kishte në zotërim pjesët më pjellore të
krahinës.
Situata në Çamëri gjatë muajve të parë të pushtimi, u provokua nga vetë italianët,
të cilët për interesa politike e ushtarake të momentit nuk bënë asnjë përpjekje për
rregullimin e gjendjes dhe administrimin e krahinës. Pas pushtimit të Çamërisë, italianët
vepruan ndryshe nga çfarë kishin propaganduar para luftës. Ata ndoqën një politikë të
dyanshme, e cila mbështetej në interesat e çastit. Italianët herë vinin në drejtim të
pushtetit lokal shqiptarët, herë grekët, e herë ngrinin flamurin shqiptar e herë atë grek.
Natyrisht që kjo rrugë e ndjekur do të provokonte rritjen e tensionit politik, por ajo
njëkohësisht bëri që popullsia shqiptare çame ta
humbiste besimin te Italia dhe ta shikonte ushtrinë italiane si pushtuese.
Disa herë me radhë pretendimet italiane për bashkimin e Çamërisë me Shqipërinë
u kundërshtuan nga komanda gjermane, duke lënë në fuqi marrëveshjen e 8 prillit të vitit
1941, midis komandës ushtarake greke dhe asaj gjermane për ruajtjen e kufijve ndërmjet
Greqisë dhe Shqipërisë, sipas marrëveshjeve ndërkombëtare tashmë të njohura si,
Konferenca e Londrës, Firences dhe ajo e Parisit. Gjatë takimit midis ministrit të jashtëm
italian Çiano dhe atij gjerman Ribentrop në Vjenë në 22 prill 1941, u ra dakort që
Gjermania të mbështeste pretendimet italiane lidhur me zgjerimin e vijës kufitare të
Shqipërisë, duke e çuar këtë kufi në jug deri në vijën Follorinë - Pind - Artë – Prevezë.318
Hitleri ishte tërësisht dakort rreth propozimeve italiane për të zgjeruar kufirin e
Shqipërisë në jug në drejtim të Greqisë dhe që ishujt Joninanë t’i aneksoheshin Italisë.319
Pavarësisht marrëveshjes paraprake të arritur, ministri i jashtëm italian nuk ndihej aspak
entuziast lidhur me atë çka do të ofronte në realitet Komanda e Lartë gjermane. Në ditarin
e tij, vetëm një javë më vonë, Çiano do të shkruante se, “më duket se e pakta që duhet të
bëhet është t’u kërkohet gjermanëve të na lihet edhe qeveria civile e territoreve që ne
reklamojmë. Nëse jo, druhem se në fund të llogarisë, përfitimi që na rezervohet ne do të
jetë shumë modest”.320 Duket qartë se gjermanët u treguan tepër dorështrënguar ndaj
kërkesave të italianëve për të marrë në dorë, si administrimin ushtarak dhe atë civil të
krahinave të kërkuara prej tyre, e kryesisht të Çamërisë. Një kërkesë e tillë padyshim që
kishte në konsideratë dhe kërkesat e shqiptarëve, të cilët deri tani kishin shpresuar së më
në fund bashkimi i Çamërisë me Shqipërinë do të bëhej realitet.
Në kuadër të bisedimeve italo-gjermane për ndarjen e influencave në Ballkan, si
dhe për vendosjen e kufijve të Shqipërisë, një delegacion shqiptar i përbërë nga
eksponentë të lartë të qeverisë shqiptare vizitoi Romën në fund të muajit maj 1941.
Delegacioni shqiptar kryesohej nga Mustafa Kruja dhe në përbërje të tij ishin, Dhimitër 317 Mazoëer, After the War..., fq.24. 318 AIH, AV. 38, fl.23. 319 DDI, Seria IX, vol.VI, dok.967, Bisedimet e Çianos me Johachim Von Ribentrop, 21 prill 1941. 320 Ciano., Ditari, 88. Shënimi është bërë në datën 28 prill 1941.
Çështja çame gjatë Luftës së Dytë Botërore Lorenc Agalliu
62
Berati, Tahir Shtylla, Xhemil Dino përfaqësues i krahinës së Çamërisë dhe Fejzi Alizoti
si përfaqësues i shqiptarëve të Kosovës.321 Gjatë qëndrimit të tij në Romë delegacioni
shqiptar zhvilloi disa takime intensive me zyrtarë të lartë fashistë të ministrisë së punëve
të jashtme italiane si dhe me zyrtarë të nënsekretariatit për çështjen shqiptare. Gjatë
bisedimeve midis palëve, delegacioni shqiptar i kërkoi qeverisë italiane që të merrte në
konsideratë premtimet e bëra para lufte si dhe kërkesat e shumta të shqiptarëve për
rivendosjen e kufijëve të Shqipërisë, duke hedhur poshtë vendimet e Konferencës së
Londrës dhe asaj të Parisit.322
Pothuajse gjatë gjithë muajit qershor 1941, delegacioni shqiptar punoi në mënyrë
intensive dhe mbajti kontakte të vazhdueshme me zyrtarë të lartë fashistë të ministrisë së
jashtme italiane, si dhe me Zenone Beninin e Skamakën (Scammaca), të dy zyrtarë të
lartë të nënsekretariatit për çështjen shqiptare në Romë. Qëllimi i këtyre takimeve ishte
qartësimi sa më mirë i rivendikimeve shqiptare dhe përfundimi njëherë e mirë i çështjeve
të minoriteteve shqiptare që gjendeshin në Jugosllavi dhe Greqi. 323 Në përfundim të
konsultimeve, palët hartuan dy projekte lidhur me të ardhmen e shqiptarëve në rajon. Në
projektin e parë parashikohej krijimi i një “Shqipërie të Madhe”, me një popullsi që
shkonte nga 2.5 deri në 3 milionë banorë.324 Ndërsa në projektin e dytë, i cili ishte më pak
ambicioz, italianët nuk kishin përfshirë brenda shtetit shqiptar krahinën e Çamërisë, aq të
premtuar për shqiptarët para fillimit të konfliktit me Greqinë.325
Bisedimet e zhvilluara në Romë, si dhe marrëveshja paraprake italo-gjermane për
përcaktimin e kufijve të Shqipërisë sipas projektit italian, patën jehonë të madhe te shtypi
shqiptar, si dhe te qeveria shqiptare e Tiranës. Gazeta “Tomori” në faqet e saj të datës 11
qershor 1941, në artikullin me titull “Kosova dhe Çamëria i kthehen Shqipërisë” do të
shkruante se, “Shqipëria do të zgjerohet e do të zmadhohet me tokat e Kosovës në veri
dhe të Çamërisë në jug…..Sipas marrëveshjes së arritur me komandën gjermane, e gjithë
Greqia bashkë me Athinën, do të pushtohet nga trupat italiane”.326
Por, konfliktet e shpeshta midis gjermanëve dhe italianëve të cilat kishin nisur që
para aksionit të Duçes kundër Greqisë, përfshinë dhe vendimet e tyre për bashkimin e
Çamërisë me shtetin shqiptar. Italianët kishin vendosur një farë kontrolli mbi Çamërinë,
duke përfshirë nën juridiksionin e tyre Janinën, Prevezën dhe Thesprotinë me afro 300
mijë banorë, me bindjen se këtë territor do t’ia bashkangjisnin Shqipërisë. Komanda
gjermane në Athinë këtë ide të projektuar nga italianët, të arritur mbase dhe me presionin
e ardhur nga nacionalistët shqiptarë e kundërshtoi. Pavarësisht kësaj ndarjeje, përsëri
pjesa më e madhe e Çamërisë mbeti nën kontrollin e Athinës, me përjashtim të një
territori midis Follorinës dhe Bilishtit, e cila mbeti nën autoritetin doganor të
Shqipërisë.327
321 ASMAE, SSAA, b.78, F. Komisioni shqiptar për përcaktimin e kufijve. Njoftim i Skamakës për
Jakomonin datë 24 maj 1941, tel. 71/05275/12448. 322 Po aty. 323 Po aty., Tel.71/06605/1799. Shënime të Skamakës për GAB-AP, datë, 22 qershor 1941. 324 Manda, Çamët muslimanë…,141. 325 Po aty. 326 Gazeta “Tomori”, Nr.147, Tiranë, datë 11 qershor 1941. 327 Bashkurti, Çamëria në rrugën e zgjidhjes, 419.
Çështja çame gjatë Luftës së Dytë Botërore Lorenc Agalliu
63
Nisur nga këto zhvillime politike që po ndodhnin në Shqipëri dhe rajon, ku
presioni i nacionalistëve shqiptarë për bashkimin real të tokave të çliruaara sa vinte e
rritej, diplomacia italiane vendosi që për të kënaqur disi kërkesat e shqiptarëve të
emëronte si ministër shteti për trojet shqiptare në Jugosllavi, Fejzi Alizotin dhe Xhemil
Dinon si Komisioner i Lartë i trojeve shqiptare në Çamëri.328 Sipas dekretit mbretëror,
Xhemil Dino do të kishte të gjithë mbështetjen e qeverisë kuislinge shqiptare të Tiranës
për të ushtruar autoritetin e tij në veprimtarinë e shqiptarizmit dhe do e shtrinte autoritetin
e vet nga kufiri shtetëror i Shqipërisë Jugore e deri në Janinë.329
Edhe pse me këmbënguljen e nacionalistëve shqiptarë dhe aprovimin e italianëve
Xhemil Dino u zgjodh në korrik të vitit 1941, si Komisioner i Lartë për Çamërinë, përsëri
kjo krahinë mbeti nën kontrollin dhe administrimin e komandës ushtarake gjermane në
Athinë. Qeveria kuislinge greke nuk mund të pranonte kurrsesi që Çamëria të
vetqeverisej nga shqiptarët dhe aq më tepër ajo t’i bashkohej Shqipërisë. Emërimi i
Xhemil Dinos në funksionin e Komisionerit të Lartë u kundërshtua menjëherë nga
zyrtarët grekë kuislingë dhe kështu posti i tij mbeti vetëm në cilësinë e një detyre
honorifike dhe pa funksione vendimmarrëse apo zbatuese.330 Emërimi i Xhemil Dinos në
funksionin e Komisarit të Lartë për Çamërinë, nuk u prit mirë as nga popullsia greke e
qytetit të Janinës dhe zonave përreth. Për grekët ishte e papranueshme që ky qytet të
administrohej nga shqiptarët. Duke iu trembur një aneksimi të afërt nga ana e
shqiptarëve, popullsia vendase u rebelua duke bërë që autoritetet ushtarake italianë të
trembeshin dhe të vendosnin përkohësisht ngrirjen e aktivitetit të Xhemil Dinos në këto
zona.331 Një fakt të tillë Xhemil Dino e konfirmon vetë, teksa në një takim me Duçen i
ankohet se, “pavarësisht se jam caktuar në funksione të larta, unë nuk bëj gjë tjetër veçse
shëtis”.332
Të vënë përpara presionit në rritje si nga qeveria kuislinge greke e Athinës, ashtu
dhe nga kundërshtitë e shumta të popullsisë greke, politika italiane dhe komanda
ushtarake e saj në Çamëri gjykuan se do të ishte në interesin e tyre që të ruanin raportet e
mira me popullsinë greke. Ndjekja e një rruge të tillë do të ndikonte ndjeshëm në uljen e
rezistencës greke kundër trupave italiane në Greqi, si dhe do të bënte të mundur afrimin e
klasës politike greke në rugën e bashkëpunimit me ta. Për të argumentuar këtë qëndrim,
Komandanti i Korparmatës së XXVI, Guido Della Bona, i referonte komandës ushtarake
se, grekët e krahinës së Çamërisë dhe veçanërisht qytetet e tilla si, Janina e ato të tjera me
shumicë popullsie greke, preferonin më mirë të qëndronin nën pushtimin italian se të
aneksoheshin e të qeveriseshin nga shqiptarët.333
Për të vertetuar të dhënat e mësipërme si dhe për të justifikuar qëndrimin e tyre,
Ministria e Punëve të Jashtme italiane ngarkoi Carlo Umilta (Karlo Umilta) me detyrën e
328 Martuçi, Tokat e çliruara shqiptare; Çamëria.., 28. 329 Relazioni Internazionali, Sviluppi dell’ Albania, datë 9 gusht 1941, nr.32, viti VII, 1028. 330 Hoxha, Viset shqiptare…, 323. 331 AUSSME, Fondi L 15, b.22. Njoftim i Komandës XXV të Korparmatës drejtuar Komandës Eprore të
Forcave të Armatës në Greqi, datë, 20 korrik 1941. 332 AQSH, F.161, V.1941, D.104, fl.2. 333 AUSSME, Fondi L 15, b.27, Njoftim i Përfaqësisë së Italisë në Greqi për Komandës Eprore të Forcave të
Armatës në Greqi, datë, 3 nëntor 1941.
Çështja çame gjatë Luftës së Dytë Botërore Lorenc Agalliu
64
inspektimit të situatës në krahinën e Çamërisë e cila do t’i bashkëngjitej Shqipërisë.334
Gjatë këtij inspektimi, diplomati italian arriti në konkluzion se, në zonat e Kosturit e disa
fshatra përreth, nuk ekzistonte as “hija e shqiptarit”. Sipas tij, banorët e këtyre zonave
ishin maqedonas dhe dëshira e tyre ishte që të bënin pjesë në shtetin maqedonas, por nëse
kjo nuk ishte e mundur ata do preferonin të qëndronin ende nën administrimin grek.
“Edhe nëse dështonte kjo politikë, -theksonte C. Umilta në raportin e tij,- këta banorë me
kënaqësi do të preferonin një administrim italian, por në asnjë rast nuk do të përshtateshin
me aneksimin nga Shqipëria dhe kundër një aneksimi të tilla ata ishin gati për një
kryengritje të përgjithshme”. 335 Duke vazhduar më tej inspektimin e tij, Umilta, në
rrëfimin për Grebenenë, Mecovën, Janinën kishte arritur në të njëjtin konkluzion.
Duke iu referuar asaj çka ai kishte parë e biseduar në Janinë, Umilta kishte vënë
re se, “qyteti ishte krejtësisht grek, me ndonjë pakicë shumë të dobët muslimanësh
shqiptarë”.336 “Mjafton të shihje njerëzit në rrugë,- theksonte diplomati italian,- për t’u
bindur se asnjëri nuk do t’i përshtatej aneksimit me Shqipërinë….mendimi për t’i
bashkuar këto vise me Shqipërinë ishte absurd dhe gjithë populli do të ngrinte krye”.337
Kurajoja e diplomatit italian shkonte deri atje, sa ai të kritikonte në mënyrë të hapur këtë
“çmenduri” të Romës, për të bashkuar Çamërinë me Shqipërinë. Sipas pikpamjes së tij,
politika e Romës ishte kapur në befasi, kur kishte menduar për bashkimin e Çamërisë me
Shqipërinë dhe se ata nuk e kishin idenë e saktë për rrezikun që u kanosej.338 Të gjitha
këto justifikime vinin për faktin se, tashmë Italia kishte menduar që të mos vazhdonte më
me politikën e saj për bashkimin e Çamërisë me Shqipërinë. Një politikë e tillë bëhej
enkas për t’i mbyllur gojën kërkesave të qeverisë shqiptare drejtuar asaj italiane, për të
mbajtur premtimet e saj të para luftës për bashkimin e trojeve shqiptare nën një shtet të
vetëm.
Por, për Italinë fashiste tashmë rëndësi e dorës së parë ishte ruajtja e
marrëdhënieve të mira me grekët dhe komandën gjermane të Athinës. Për të zbatuar
politikën e tyre, autoritetet italiane në verën e vitit 1941, emëruan guvernator të Epirit,
Mihalis Tsimbir, i cili në bashkëpunim me gjermanët e rikonfirmoi këtë post edhe në
vjeshtën e vitit 1944.339 Gjithashtu, Prefektët e krahinave si dhe shefat e xhandarmërisë
vendase ishin grekë, të cilët në shumicën e rasteve bashkëpunuan me autoritetet ushtarake
të Boshtit për administrimin e krahinës së Çamërisë si dhe shtypjen e rezistencës
antifashiste.
Pavarësisht ngjarjeve në terren të cilat nuk ishin aspak në favor të shqiptarëve,
politika fashiste në Romë vazhdonte të theksonte me të madhe se, tashmë bashkimi i
tokave shqiptare të lëna jashtë trungut mëmë ishin bashkuar me Shqipërinë. Në 12 korrik
të vitit 1941, revista italiane me titull “Relazioni Internazionali” shkruante në faqet e saj
se; “Si pasojë e ofensivës së Boshtit në Ballkan muajin e kaluar të prillit, armët italiane,
përveç zonave jugore të pushtuara së fundi nga grekët, çliruan edhe krahinat shqiptare të
334 Carlo Umilta, Jugosllavia dhe Shqipëria. Kujtime të një diplomati, (Milano, 1947). 128-129. 335 Po aty. 336 Po aty. 337 Po aty. 338 Po aty., 132. 339 Hermann Frank Meyer, Blutiges Edelweiss. Die I. Gebirgs-Division im Zweiten Weltkrieg. (Berlin,
2008). 463.
Çështja çame gjatë Luftës së Dytë Botërore Lorenc Agalliu
65
mbetura deri tani nën zgjedhën jugosllave dhe greke”.340 Duke iu referuar çështjes së
bashkimit të Çamërisë me Shqipërinë, kjo gazetë shkruante se, “në këtë mënyrë u
bashkuan me atdheun tokat dhe popullsitë e Çamërisë, të Kosovës dhe Maqedonisë
Jugosllave, të cilat ndërkohë kishin treguar në mënyrë të padyshimtë vullnetin e tyre”.341
Për të qenë në kohezion me kërkesat e nacionalistëve shqiptarë, të cilët që më
herët kishin kërkuar bashkimin e Çamërisë me Shqipërinë, politika fashiste italiane kishte
premtuar se me ndërhyrjen e Fuqive të Boshtit në Ballkan do të bëhej e mundur vendosja
e rendit të ri, ku si rrjedhojë, si Kosova dhe Çamëria do t’i bashkëngjiteshin Mbretërisë së
Shqipërisë.342 Por raporti përfundimtar i hartuar nga C. Umilta, i cili iu dërgua Ministrisë
së Punëve të Jashtme në Romë, i vuri një herë e përgjithmonë kapakun çështjes së
aneksimit të Çamërisë nga shteti shqiptar. Pavarësisht ankesave të njëpasnjëshme të
Xhemil Dinos dhe nacionalistëve të tjerë shqiptarë, qeveria italiane miratoi në mënyrë
unanime përfundimet e arrituara nga inspektori italian. Raporti i diplomatit italian
Umilta, duket se ka patur jo pak ndikim në vendimarrjen e politikës italiane, e cila për
momentin e konsideronte të mbyllur çështjen çame dhe bashkimin e Çamërisë me
Shqipërinë. Përfundimi i gjithë kësaj, ishte ndërprerja e propagandës për të bashkuar
Çamërinë me Shqipërinë, gjë për të cilën u arrit të bindej dhe qeveria shqiptare e Tiranës,
si dhe vet Xhemil Dino, i cili përfundimisht u kthye në Romë.
Megjithë premtimet e mëdha të pushtuesve italianë dhe gjermanë për krijimin e
Shqipërisë së Madhe, çështja e shqiptarëve jashtë trojeve gjatë Luftës së Dytë Botërore
mbeti e pazgjidhur. Për të justifikuar dështimin e politikave të qeverisë së tij, Jakomoni
do të pranonte se, fati i territoreve të pushtuara nga trupat italiane në fund të operacioneve
ushtarake, u rregullua pa ia bashkëngjitur Çamërinë trojeve të Shqipërisë, pasi ajo ngeli
nën administrimin ushtarak të forcave pushtuese në Greqi.343
Lidhur me statusin juridik të shtetasve me origjinë shqiptare të cilët gjendeshin
jashtë terrtioreve të shtetit shqiptar, duhet theksuar se ata mbetën në të njëjtat pozita që
kishin qenë dhe para pushtimit italian. Zyra e Çështjeve Civile pranë Mëkëmbësisë së
Përgjithshme italiane në Tiranë, në një komunikim me Ambasadën italiane në Sofje, në
fund të muajit gusht të vitit 1941, bënte me dije se, pas aneksimit të Kosovës të gjithë
individët me prejardhje nga territoret të cilat u janë bashkëngjitur “Mbretërisë shqiptare”,
në bazë të dekretit mbretëror të 12 gushtit të vitit 1941, u njihej e drejta për t’u pajisur me
pasaportë shqiptare nga të gjitha ambasadat italiane dhe shteti shqiptar.344
Përsa u përkiste shqiptarëve të Çamërisë, ky njoftim bënte me dije se, shqiptarët e
Çamërisë dhe ata të pjesës së Kosovës e cila nuk ishte pjesë e “mbretërisë së re shqiptare”
nuk mund t’u lëshohej pasaportë shqiptare, pasi çamët konsideroheshin shtetas grekë,
ndërsa të dytët konsideroheshin shtetas bullgarë. 345 Për popullsinë me prejardhje
shqiptare që jetonte në Trakën Perëndimore, ishte parashikuar që individët e lindur në
340 Relazioni Internazionali, Sviluppi dell’ Albania, datë 12 korrik 1941, nr.28, viti VII, 880. 341 Po aty. 342 Po aty., Fjalim i Duçes në Dhomën e Fashios dhe të Korporatave në 10 qershor 1941. 343 Jakomoni, Gjysma ime shqiptare.., 214. 344 AQSH, F.161, V.1941, D.724, fl.7. 345 Po aty.
Çështja çame gjatë Luftës së Dytë Botërore Lorenc Agalliu
66
Shqipëri me banim në këtë krahinë që nga gushti i vitit 1927, të rikonsideroheshin shtetas
shqiptar.346
Nga analiza e ngjarje dhe fakteve historike, rezulton se gjatë gjithë periudhës së
dominimit ushtarak italian në Çamëri gjatë Luftës së Dytë Botërore, çështja çame si dhe
ndikimi i qeverisë shqiptare e Mëkëmbësisë së Tiranës erdhi duke u zvogëluar. Edhe
njëherë tjetër shpresat e popullsisë së Çamërisë për t’u bashkëngjitur trungut mëmë u
venitën.
346 Po aty.
Çështja çame gjatë Luftës së Dytë Botërore Lorenc Agalliu
67
2.2. Gjendja sociale-ekonomike e minoritetit shqiptar në Çamëri, 1941-1942.
Pas shpartallimit të ushtrisë greke në prill të vitit 1941, dhe vënies nën kontrollin
e forcave të Boshtit të Greqisë, popullsia shqiptare në Çamëri kishte të gjitha të drejtat të
festonte, pasi ata shpresonin se tashmë erdhi dita që ëndrra e tyre për t’u bashkuar me
trungun mëmë më së fundi do të bëhej realitet. Sipas autorit grek V. Krapsitis, pas hyrjes
së trupave të Boshtit në krahinën e Çamërisë, sheshet dhe shtëpitë e banorëve shqiptarë u
mbushën me flamuj shqiptarë dhe italianë.347 Bashkë me trupat italiane u rikthyen dhe ata
shqiptarë të larguar për shkak të reprezaljeve të administratës civile e ushtarake greke.
Pas rënies së Greqisë në duart e ushtrive të Boshtit, Faik Konica do të vazhdonte
shkrimet e tij në mbështetje të idesë se, sulmi italian ndaj këtij vendi s’ishte gjë tjetër
veçse vënia e drejtësisë në vend për shqiptarët. Në artikullin e tij me titull “Pas dehjes”, të
botuar në gazetën “Dielli”, të datës 17 maj 1941, Konica do të shprehej me nota të thella
sarkazme ndaj thyerjes së turpshme të ushtrisë greke përpara ushtrive të Boshtit. “Grekët
kanë një zakon të keq,- shprehej Konica,- ata dehen shumë…dehen nga fjalët dhe
ëndrrat”. 348 Duke përshkruar krimet e kryera nga grekët ndaj popullsisë shqiptare
muslimane çame në Greqi, Konica shprehej se, “krimet e kryera nga grekët kundër
bashkëpatriotëve tanë shqiptarë kanë qenë të tmerrshme, veçanërisht në Çamëri, ku
njerëzit vriteshin si kafshët, e në kampet e përqëndrimit ata liheshin të vdisnin nga uria
dhe etja”.349 Duke iu referuar torturave të bëra në burgjet greke ndaj shqiptarëve çamë e
veçanërisht ndaj patriotit Musa Demi, Konica premtonte se, këto ngjarje rrënqethëse do të
përmblidheshin në një shkrim tjetër po në faqet e kësaj gazete.350 Madje Konica bënte me
faj grekët, të cilët me qëndrimin e tyre ndaj shqiptarëve i detyruan këta që të konsideronin
si shpëtimtarë dhe miq italianët.
Sulmi italian kundër Greqisë pati pasoja katastrofike sidomos për popullsinë
muslimane shqiptare çame në Greqi, e cila u ndodh para një situate të rëndë sociale dhe
ekonomike. Në Çamëri, pothuajse të gjithë burrat e moshës 13 deri në 60 vjeç ishin
internuar në ishujt e largët të Egjeut. Vetëm në ishullin e Mitilenës qeveria greke kishte
internuar mbi 820 çamë, të cilët në kushte të vështira dhe në pamundësi për t’u rikthyer
në shtëpitë e tyre, kishin arritur të strehoheshin nga autoritetet lokale të Nënprefekturës së
Bilishtit.351 Në njoftimin e nënprefektit të Bilishtit, Tare Shyti, dërguar Prefekturës së
Korçës në mesin e muajit maj të vitit 1941, lidhur me gjendjen e shqiptarëve çamë të
kthyer nga burgjet greke, thuhej se, “afro 820 çamë që ishin internuar nga qeveria greke
në ishullin e Mitilenës, mbërritën prej Follorine në Kapshticë në këmbë{…} janë gati të
zbathur dhe të zhveshur, s’kanë rroba fjetje. Mbrëmë që shkoi u shpërndamë ushqim e
fjetje familjeve të Kapshticës”.352
Po ato ditë, Komisari i Jashtëzakonshëm Zef Kadare, i dërgonte një njoftim
Kryesisë së Këshillit të Ministrave në Tiranë, lidhur me problemin e strehimit dhe
347 Vasilis Krapsitis, Istoria tu Margaritiu, (Athinë, 1992), 102. 348 AQSH, F.161, V.1941, D.79, fl.3. Artikull i Gazetës Dielli, 17 maj 1941. 349 Po aty. 350 Po aty. 351 Po aty., F. 317, V.1941, D.64, fl.67. 352Po aty. .
Çështja çame gjatë Luftës së Dytë Botërore Lorenc Agalliu
68
shpenzimeve të emigrantëve çamë. Në këtë njoftim thuhej se, “refugjatët erdhën në
Bilisht në sasi të madhe, përmbi 800, dhe duheshin nisë në Filat nji orë e më parë, mbasi
Bilishti nuk mund të kishte as ushqim e as strehim për nji shumicë kaq të madhe”.353
Po atë muaj, Azis Çami, së bashku me disa shqiptarë të tjerë, në emër të
refugjatëve çamë të cilët gjendeshin në Shqipëri, i dërguan një promemorje kryeministrit
të qeverisë shqiptare në Tiranë Shefqet Vërlacit.354 Në këtë promemorje, përfaqësuesit e
refugjatëve çamë njoftonin kryeministrin shqiptar, lidhur me gjendjen e rëndë të
popullsisë çame në Çamëri pas hyrjes së trupave italo-gjermane në këtë krahinë. Në
promemorje thuhej se, “nga informatat e fundit që kemi marrë prej Çamërie, njoftohemi
se grekërit kanë vrarë mbi 500 vetë. Popullsia që ka mbetur në Çamëri përbëhet vetëm
nga gra, fëmijë e disa pleq, të cilët vuajnë nga mungesa e ushqimeve dhe barnave”.355
Duke vazhduar më tej me njoftimin rreth situatës në Çamëri, Azis Çami dhe shqiptarët e
tjerë kërkonin prej qeverisë shqiptare që, të dërgohej në Çamëri një komision i kryesuar
nga oficerë të lartë të ushtrisë mbretërore dhe përfaqësues të popullsisë çame, me qëllim
mbledhjen e të dhënave rreth shqiptarëve çamë të zhdukur dhe të interrnuar në ishujt
grekë. Gjithashtu, në këtë promemorje kërkohej, që një tjetër komision të dërgohej në
zonat që mbaheshin të pushtuara nga ushtarët gjermanë, për mbledhjen e informatave
rreth fatit të çamëve të interrnuar. Hartuesit e kësaj letre, kërkonin nga qeveria shqiptare,
që të bisedohej me komandën gjermane në Çamëri për kthimin në shtëpitë e tyre të
çamëve që gjendeshin në burgjet dhe ishujt grekë, si dhe të liroheshin ushtarët çamë të
cilët gabimisht mbaheshin të internuar nga autoritetet ushtarake italiane në Kolonjë të
Lushnjes.356 Në një tjetër njoftim në të njëjtën periudhë, dërguar kryeministrit të qeverisë
shqiptare të Tiranës theksohej se, “për shkak të mungesës së meshkujve çamë në krahinën
e Çamërisë, autoritetet ushtarake italiane kanë lejuar rikthimin në detyrë të të gjithë
funksionarëve të vjetër grekë, të cilët vazhdojnë të tmerrojnë familjet çame, duke u thënë
se së shpejti në zonë do të vij ‘karofiloqija’ greke.”357
Ndër masat e menjëhershme që ndërmori komanda e Lartë gjermane në Janinë
ishte lirimi i të gjithë të burgosurve dhe të internuarëve shqiptarë çamë prej regjimit të
mëparshëm grek. Tashmë qindra familje çame të detyruar të largoheshin prej mizorive
greke, u rikthyen në trojet e veta. Me ndihmën e komandës gjermane, u bë i mundur
lirimi nga burgjet dhe internimet i qindra e mijëra burrave çamë, që kishin qenë në ishujt
e largët të Greqisë. Kthimi i shqiptarëve në shtëpitë e tyre, edhe pse pritej të kthehej në
një hakmarrje si përgjigje ndaj veprimeve barbare të administratës dhe banorëve me
origjinë greke, i zhgënjeu grekët të cilët besonin se, zemërimi i shqiptarëve do të bindte
mbi ta. Duke analizuar pikërisht këtë sjellje të shqiptarëve çamë, autori M. Dezhgiu
353 Po aty., F. 149, V.1941, D.64, fl.86. 354 Po aty., D. I-241, fl.1. Njoftim i përfaqësuesve të popullsisë çame në Shqipëri dërguar Kryeministrit të
qeverisë shqiptare mbi gjendjen e popullsisë çame në Çamëri pas hyrjes së trupave italiane në këtë krahinë,
datë 1.5.1941. 355 Po aty. 356 Po aty., fl.1-2. 357 Po aty, fl.2.
Çështja çame gjatë Luftës së Dytë Botërore Lorenc Agalliu
69
thekson se, shqiptarëtu ngritën mbi pasionet shoviniste, duke iu ofruar grekëve rrugën e
bashkëpunimit kundër armikut të përbashkët.358
Si pasojë e luftimeve, tregëtia e zonave të Çamërisë me pjesë të tjera të Greqisë
kontinentale u ndërpre. Qeveria greke nëpërmjet Bankës Bujqësore ndërhynte për
vendosjen e çmimeve për produktet bujqësore dhe blektorale të prodhuara nga shqiptarët
muslimanë. Duke diktuar çmimet, kjo bankë, qëllimisht grumbullonte sasira të
konsiderueshme prodhimesh me çmime të ulëta dhe më pas i shiste ato në tregjet greke
me çmime shumë herë më të larta.359 Abuzimet më të mëdha të politikave ekonomike të
ndjekura nga Banka Bujqësore greke kishin të bënin kryesisht me prodhimin e vajit të
ullirit, produkt i cili në masën 90% ndodhej në duart e popullsisë muslimane shqiptare.
Duke marrë në konsideratë faktin se, shqiptarët muslimanë zotëronin në masë të
konsiderueshme prodhimin e vajit të ullirit, paria çame u propozonte autoriteteve italiane
që ky produkt të shkëmbehej me produkte të tjera të domosdoshme si grurë, miell etj. të
cilat ishin të nevojshme për mbajtjen gjallë të familjeve muslimane çame.360 Fushat e
Paramithisë, Pargës, Prevezës të cilat prodhonin sasira të konsiderueshme drithi dhe
prodhime të tjera bujqësore, që eksportoheshin në tregun e brendshëm të Greqisë, tashmë
kishin mbetur djerrë. Musa Demi në kërkesë drejtuar autoriteteve të larta të ushtrisë
italiane, u kërkonte që të siguronin një sasi të konsiderueshme gruri, për mbjelljen e
fushave të gjera të Çamërisë, të cilat për shkak të luftimeve kishin mbetur pa mbjellë.361
Ndër masat e tjera të cilat ndikonin drejtëpërdrejtë në gjendjen ekonomike të
çamëve muslimanë ishte bllokimi nga ana e qeverisë kolaboracioniste greke të shitjes së
pronave të shqiptarëve, si dhe dhënia me qera e kullotave që zotëroheshin prej tyre. Kjo
politikë, kishte për qëllim rrënimin gradual të ekonomisë së familjeve shqiptare çame. Për
shkak të ndjekjes së këtyre politikave diskriminuese nga ana e qeverisë greke, çmimet e
produkteve bujqësore dhe blektorale në krahinën e Çamërisë gjatë viteve të para të luftës
pësuan një rritje drastike. Mjafton të përmendim faktin se, 1 litër qumësht në vitin 1940
kushtonte 6 dhrahmi, ndërsa vetëm një vit më vonë çmimi i këtij produkti u
dhjetëfishua.362
Shumë shqiptarëve muslimanë u sekuestrohej malli në treg prej autoriteteve
greke, ndërsa kishin dalë për t’a shitur atë. Shqiptarit Iljaz Arifi nga Arpica, iu sekuestrua
malli me një vlerë prej 110 dhrahmi, e pas kundërshtive të tij ndaj vendimit të
autoriteteve vendore greke, ai u dërgua në gjyq e më pas u dënua me burg.363 Ndërkohë
që për shqiptarët merreshin masa ekstreme, grekët fare hapur dhe me dijeninë e
autoriteteve italiane kryenin kontrabandë dhe abuzonin me çmimet e mallrave në tregun e
zi.
Mungesa e theksuar e ushqimeve dhe emigrimi në masë i familjeve çame e çoi
këtë popullsi në prag të një katastrofe të vërtetë njerëzore. Duke parë krizën e thellë
ekonomike në të cilët ishte zhytur popullsia çame, paria e Çamërisë i kërkonte
358 Muharrem Dezhgiu, Dinajt dhe nacionalistët çamë para sfidave të Luftës së Dytë Botërore, Materiali
gjendet në versionin online në www.cameriainstitute.org. 359 AQSH, F.149, V.1941, D. I-241, fl.2. 360 Po aty., D.394, fl.1. 361 Po aty., F.161, V.1941, D.691, fl.64. 362 Po aty., D.699, fl.16. 363 Po aty., fl.2.
Çështja çame gjatë Luftës së Dytë Botërore Lorenc Agalliu
70
autoriteteve italiane në Greqi dhe atyre në Shqipëri, që të mundësonin importimin e një
sasie të konsiderueshme drithi për popullsinë në nevojë, me qëllim kalimin e krizës
ekonomike. Për zgjidhjen e këtij problemi, Komanda e Lartë ushtarake italiane e
Çamërisë, njoftonte Mëkëmbësin e Përgjithshëm në Tiranë Jakomonin, mbi nisjen nga
portet italiane të një sasie të konsiderueshme gruri e ushqimesh të tjera të nevojshme dhe
mbërritjen e tyre në portin e Sarandës e më pas shpërndarjen për popullsinë shqiptare
çame.364
Në korrik të vitit 1941, Tirana zyrtare njoftonte Komisionin e Lartë të Çamërisë
për mbërritjen në Portin e Sarandës të 8 000 kuintalëve miell, sasi kjo e cila do t’i
shpërndahej popullsisë civile të kësaj krahine.365 Lidhur me masat e marra nga qeveria
shqiptare dhe autoritetet ushtarake italiane për ndihmat ekonomike në dobi të popullsisë
çame, gazeta “Tomori” në artikullin e saj me titull, “Gjesti bujar i Duçes”, ngrinte lartë
masat e marra dhe “kujdesin” e madh që Duçe dhe qeveria shqiptare kishin treguar për
pritjen e refugjatëve çamë të cilët kishin lënë shtëpitë e tyre, për shkak të luftimeve midis
trupave greko-italiane. Në artikullin e saj, kjo gazetë shkruante se, “Dora atnore e
qeverisë u shtri me dhembshuri e bujari në karvanet të tëra refugjatësh që dita-ditës u
larguan nga vatrat e tyre”.366
Si pasojë e masave ekstreme ekonomike dhe ligjit të reformës agrare të zbatuar
nga qeveritë e ndryshme greke, që pas rënies së Çamërisë në pushtimin grek, gjendja e
popullsisë shqiptare në këtë krahinë ishte tepër e rënduar. Kjo situatë e rëndë reflektohej
më tepër tek familjet shqiptare muslimane, të cilat ishin prekur drejtëpërdrejtë nga
reformat agrare që kishin ndërrmarë qeveritë greke dhe autoritetet vendase të krahinës së
Çamërisë. Kriza e rëndë ekonomike që kishte përfshirë Çamërinë në vitet e para të
konfliktit botëror, e detyroi popullsinë e kësaj krahine të kërkonte prej autoriteteve
italiane, që të bënin të mundur krijimin e Qendrave të Asistencës, të organizuara këto në
formën e Kryqit të Kuq. Një tjetër formë organizimi për t’u ardhur në ndihmë banorëve
shqiptarë të Çamërisë, mendohej të ishin filantropitë, ku njerëzit apo dhe qeveria greke e
autoritetet italiane të kontribuonin në forma të ndryshme për gjetjen e furnizimeve me
ushqim të popullatës.367
Duke mos qenë në gjendje të punonin tokat e tyre dhe të mblidhinin produktet
bujqësore, familjet çame humbën çdo mundësi për të mbajtur gjallë frymën. Në një
relacion të administratës vendore italiane të Çamërisë në vitin 1941, theksohej se, “kjo
popullsi prej 52 000 banorë ka nevojë për një sërë produktesh të nevojshme ushqimore
me qëllim që të kalonte të paktën dy muajt në vazhdim”.368 Sasia e parashikuar për këtë
popullsi përbëhej nga mjell 6240 kg, oriz 1560 kg, sheqer 1040 kg, kafe 52 kg, fasule
3120 kg.369
Gjendja e rëndë ekonomike dhe sociale e familjeve çamë në Greqi i detyroi
shumë prej tyre që të marrin rrugën e emigrimit drejt Shqipërisë. Për zgjidhjen e kësaj
situate, paria e Çamërisë i kërkonte komandës ushtarake italiane të merrte masa për
364 Po aty., V.1940, D.690, fl.10. 365 Po aty., V.1941, D.691, fl.46. 366 Gazeta “Tomori”, nr. 84, Tiranë, 28 mars 1941. 367 AQSH. F. 161, V.1941, D.699, fl.17. 368 Po aty., D.76, fl.18. 369 Po aty.
Çështja çame gjatë Luftës së Dytë Botërore Lorenc Agalliu
71
dërgimin dhe shpërndarjen e një sasie prej 3 tonë miell, sasi kjo e nevojshme për familjet
e 5000 çamëve të liruar nga burgjet greke.370
Ndërkohë, bandat dhe ushtria greke duke përfituar nga amullia e krijuar si rezultat
i mungesës së administratës shtetërore palçkisnin çdo pasuri që ndodhej në duart e
familjeve shqiptare çame. Kjo situatë e rëndë ekonomike e familjeve çame u shfrytëzuar
nga autoritetet vendase greke për përhapjen e propagandës antiitaliane, duke e
konsideruar atë si shkaktaren e vërtetë të rrënimit ekonomik të shqiptarëve të Çamërisë.
Në njoftimin që vinte nga Çamëria për zyrtarët fashistë në Tiranë thuhej se; “Na
komunikojnë se, pronarët grekë të cilët gjenden në provincën e Çamërisë, duke përfituar
nga varfëria që ka përfshirë popullsinë e kësaj zone, po bëjnë propagandë antiitaliane,
duke theksuar se, ju shqiptarëve mirë t’ju bëhet, ju që deshët Italinë, e meritoni të vdisni
urie tani”.371 Gjithashtu në këtë raport të gjendjes në Çamëri, bëhej e ditur kriza e rëndë
ekonomike që kishte përfshirë popullsinë shqiptarë të Çamërisë, e cila furnizohej me
vetëm 60 gram bukë në ditë për person. Sipas përfaqësuesve të popullsisë së Çamërisë,
autoritetet italiane duhej të mbanin premtimet e tyre për dërgesat deri në 1000 kuintal
grurë për furnizimin kësaj popullsie me bukë.372
Lidhur me rritjen dhe forcimin e propagandës antiitaliane, qeveria greke kishte
dhënë rreth 70 milionë dhrahmi, të cilat ishin dhënë gjoja në formën e investimeve dhe
ndihmave për popullsinë e varfër të Prevezës.373 Gjithë kjo shumë i ishte besuar dhespotit
grek Spridhoni, i cili njihej si një antishqiptar i betuar dhe që bashkëpunonte ngushtë me
qarqet shoviniste greke. Qëllimi i dhënies së kësaj ndihme ishte lufta kundër aneksimit të
qytetit të Prevezës dhe bashkimit të saj së bashku me tërë krahinën e Çamërisë me shtetin
shqiptar.
Qendrat kryesore të Çamërisë si Filati, Margëlliçi, Gumenica, Parga, Spatari etj,
kishin një popullsi dërrmuese shqiptare muslimane, e cila deri para fillimit të luftës italo-
greke kishte humbur pothuajse gjithçka nga pasuria e tyre. Shqiptarët çamë, të prekur nga
kjo politike e qeverisë greke, disa herë me radhë u kishin kërkuar autoriteteve italiane të
ndërhynin dhe të merrnin masat e nevojshme për zgjidhjen e çështjeve që shqetësonin
ata.374
Me rastin e vizitës së Nuri Dinos, gjatë vjeshtës së vitit 1941 në Çamëri, për t’u
njohur me gjendjen e popullsisë shqiptare muslimane pas pushtimit italo-gjerman të
Greqisë, paria e Paramithisë, i shkruante Mëkëmbësit të Përgjithshëm në Tiranë se; “Ne
paria e Paramithisë, me rastin e vizitës së doktor Nuri Dinos, i dërguar këtu prej
Shkëlqesisë Suaj, ju informojmë se të gjithë shqiptarët muslimanë po vdesin nga uria për
shkak të konfiskimeve të pasurisë nga ana e autoriteteve greke”. 375 “Sikur të mos
mjaftonin këto masa,- shkruanin ata,- qeveria greke, e shtyrë nga bashkëpatriotët tanë
ortodoks, ka konfiskuar të gjitha pronat që gjenden në duart e shqiptarëve”.376 Duke
370 Po aty., D.1208, fl.41. 371 Po aty., D. 691, fl.36. 372 Po aty. 373 Po aty., D. 699, fl. 12. 374 Po aty., fl.3. Origjinali në italisht. Kërkesa dërguar autoriteteve italiane është e firmosur nga Xhemil
Mustafa, Refik Pronjo, Sali Muhedini, Isuf Musa, Isuf Pronjo, Abedin Dino etj. datë 9 nëntor 1941. 375Po aty., fl.1. 376Po aty.
Çështja çame gjatë Luftës së Dytë Botërore Lorenc Agalliu
72
përfunduar letrën e tyre drejtuar F. Jakomonit, paria çame e Paramithisë i kërkonte
Mëkëmbësit italian që t’u mundësonte atyre kthimin e të gjitha pasurive që tashmë
gjendeshin në duart e grekëve.377
Pothuajse i njëjti tekst gjendet edhe në letrën e dërguar nga paria e Margëlliçit,
drejtuar qeverisë shqiptare në Tiranë dhe Mëkëmbësit të Përgjithshëm italian. Në letrën e
tyre, paria e Margëlliçit, shkruante se, “që kur erdhën ushtarët italianë, popullsia e
provincës sonë po vdes urie, duke na shpërndarë vetëm 5 kg miell për frymë”.378 Duke
vazhduar më tej me kërkesat e tyre drejtuar Jakomonit dhe qeverisë shqiptare, popullsia
muslimane e Margëlliçit, kërcënonte se, “deri tani ne kemi ndjekur rregullat dhe kemi
zbatuar urdhërat tuaja, por tashmë e tutje do të jetë e pamundur të durojmë vuajtjet që na
shkaktojnë nëpunësit grekë, armiqtë tanë të djeshëm dhe të sotëm, të cilët gjatë luftës
kanë vrarë vëllezërit tanë”.379
Paria çame njoftonte autoritetet italiane se, sikur të mos mjaftonte gjithë këto
masa, qeveria greke përpara fillimit të konfliktit të armatosur me Italinë kishte konfiskuar
pasuritë e të gjithë shqiptarëve çamë që ndodheshin jashtë Greqisë, në Shqipëri, Itali dhe
Turqi. Sipas tyre, ligji i konfiskimit të pasurive ishte më i rëndë ndaj atyre shqiptarëve që
njiheshin si italofil dhe si mbështetës të ideve irredentiste kombëtare dhe se përpara
sulmit të trupave italiane, qeveria greke ndërmori dhe një sërë arrestimesh dhe
internimesh të të gjithë meshkujve çamë, duke filluar që nga mosha 11 vjeç e lartë.380 Në
ankesën e tyre çamët muslimanë ankoheshin lidhur me abuzimet e administratës vendore
greke e cila kishte urdhëruar që të mos u shiteshin asgjë banorëve muslimanëve, duke u
thënë atyre se, “ju deshët Italinë, tani shkoni dhe ankohuni te ata”.381
Keqtrajtimet e xhandarmërisë greke ndaj shqiptarëve muslimanë vazhdonin edhe
pas vendosjes së pushtimit italian në Çamëri. Ekzistenca e xhandarmërisë dhe e
autoriteteve vendore greke në Çamëri e kishte kthyer situatën tërësisht në favor të
grekëve ortodoksë. Pavarësisht premtimeve të paraluftës të dhënë nga italianët, popullsia
shqiptare muslimane e ndiente veten tërësisht të pambrojtur nga autoritetet ushtarake
italiane. Shqiptarëve, e sidomos atyre që vinin nga Shqipëria nuk u lejohej të hynin në
ambjentet private në Çamëri.
Qytetarët shqiptarë, me urdhër të autoriteteve vendore greke iu lejohej të
qëndronin vetëm në ambjentet publike, të cilat gjatë gjithë kohës ishin nën survejimin e
xhandarmërisë dhe të spiunëve grekë. Në një njoftim të ardhur nga Çamëria për
Mëkëmbësinë e Tiranës, lidhur me kufizimet e lirive dhe të drejtave të qytetarëve
shqiptarë në Greqi thuhej se; “Shoferëve shqiptarë, të cilët kryejnë intenerarin Shqipëri-
Follorinë nuk u lejohej të ndalonin në asnjë vend tjetër përveçse në destinacionin e tyre
final”.382 Gjithashtu, shqiptarët çamë ankoheshin se, xhandarmëria greke kishte ngritur
një rrjet të tërë spiunësh dhe agjentësh të cilët kishin marrë udhëzime për të denoncuar
çdo shqiptar që shfaqte ndjenja antigreke dhe proitaliane.383
377Po aty. 378 Po aty., fl.21. 379 Po aty. 380 Po aty., fl.3. 381 Po aty. . 382 Po aty., D.1071, fl.1-3. 383 Po aty., D.699, fl.16.
Çështja çame gjatë Luftës së Dytë Botërore Lorenc Agalliu
73
Të gjitha këto veprime kryeheshin në hundën e autoriteteve ushtarake italiane, të
cilët shumë shpejt i kishin harruar premtimet e dhëna para luftës për vendosjen e
drejtësisë midis shqiptarëve dhe grekëve. Politika zyrtare e Romës, tashmë po fillonte të
ndryshonte raportet e saj lidhur me trajtimin e popullsisë së minoritetit shqiptar në
Çamëri dhe kërkesave të tyre për bashkimin e trojeve shqiptare. Minoriteti çam në Greqi
tashmë po e kuptonte se ushtria italiane nuk ishte gjë tjetër veçse një zëvendësuese e
përkohshme e regjimit shtypës shovinist grek, i cili duhej larguar sa më parë nga këto
troje. Në kushte të tilla, popullsia çame dhe përfaqësues të saj shtuan përpjekjet për rritjen
e lëvizjes antifashiste si dhe krijimin e njësive administrative për vendosjen e pushtetit të
shqiptarëve në Çamëri.
Çështja çame gjatë Luftës së Dytë Botërore Lorenc Agalliu
74
2.3. Organizimi i nacionalistëve çamë dhe ngritja e organeve të vetadministrimit
shqiptar.
Si rezultat i presionit në rritje i krijuar nga bandat greke të mbetura nga shpërbërja
e ushtrisë pas kapitullimit të Greqisë në prill 1941, popullsia vendase shqiptare e krahinës
së Çamërisë u detyrua të vetorganizohej për mbrojtjen e jetës, pronës dhe familjeve të
tyre. Situata e krijuar u stimulua dhe nga qëndrimi i dyfishtë i pushtuesve, të cilët për
interesa gjeo-strategjike të zhvillimit të luftës, lejuan ekzistencën e administratës së vjetër
greke nën mbikqyrjen e autoriteteve uashtarake të pushtimit. Me kalimin e kohës,
presioni dhe mbikqyrja e autoriteteve ushtarake të pushtimit ndaj qeverisë kuislinge greke
erdhi duke u shtuar. Lidhur me situatën në Greqi dhe veçanërisht në Çamëri, autori S.
Rrepishti, është i mendimit se, “si rrjedhojë e kësaj politike, grupe të ndryshme
shoqërore, me synimin e ruajtjes së rendit dhe qetësisë publike, filluan të dalin në
skenë”. 384 Në këtë mënyrë në krahinën e Çamërisë, si rezultat i mungesës totale të
strukturave shtetërore greke, shqiptarët filluan të vetorganizohen për krijimin e
strukturave dhe organeve administrative të krahinës.
Për t’i bërë ballë presionit në rritje si dhe për të garantuar rendin dhe qetësinë në
vend, nga ana e popullsisë shqiptare u krijuan reparte të xhandarmërisë më trupa të
rregullt çamë. Të gjendur përballë pafuqisë së forcave ushtarake italiane, të cilët ishin të
zhytur si kudo në korrupsion dhe inkompetencë të plotë, si dhe të gjendur përpara terrorit
në rritje nga administarata ushtarake greke, popullsisë vendase shqiptare në krahinën e
Çamërisë nuk i mbetej gjë tjetër veçse të organizohej në struktura të veçanta për të
mbrojtur jetën, pronën dhe familjet e tyre.
Gjatë fillimit të verës së vitit 1941, propaganda irredentiste e eksponentit të
Partisë Fashiste shqiptare Nuri Dinos në Çamëri filloi të rritej. Si rezultat, u bë e mundur
që në këtë krahinë gjatë kësaj periudhe të hidheshin hapat e para për organizimin e
strukturave të Partisë Fashiste. Me mbështetjen e një grupi nacionalistësh çamë të
udhëhequr nga Nuri dhe Masar Dino, të cilët i kishin varur shpresat te Italia fashiste për
bashkimin kombëtar të Çamërisë me Shqipërinë, në mesin e muajit qershor 1941 në
Çamëri u krijua Partia Fashiste.385 Duke kërkuar nga çamët që të përkrahnin krijimin e
degëve të kësaj partie, vëllezërit Dino kërkonin që në shenjë mirënjohje të Musolinit,
çamët të rreshtoheshin në radhët e Partisë Fashiste Çame.386 Por megjithë propagandën e
madhe të bërë në emër të bashkimit kombëtar, pjesa dërrmuese e banorëve të krahinave të
Çamërisë nuk i përkrahën vëllezërit Dino në nismën e tyre.
Historiani Pëllumb Xhufi, në diskutimet e tij lidhur me çështjen e bashkëpunimit
të nacionalistëve çamë gjatë kësaj periudhe me pushtuesin fashist, pranon faktin se, kishte
pjesë të elitës çame muslimane të cilët me ndërgjegjje e udhëhoqën komunitetin çam në
bashkëpunim të vazhdueshëm me italianët.387 Më tej, Prof. P. Xhufi, argumenton se,
pavarësisht nga pjesëmarrja e popullsisë muslimane çame në partinë fashiste që u
384 Rrepishti, Hyrje në problemin e Çamërisë, 76. 385 Liço, Probleme të marrëdhënieve…, 234. 386 Isufi, Musa Demi dhe qëndresa…, 226. 387 Pëllumb Xhufi, Dialog historik mbi çështjen çame. 9. Debat shkencor i mbajtur nga Instituti për
Studimet për të Drejtat e Njeriut. (Columbia University, New York. USA). www.harimancolumbia.edu.
Çështja çame gjatë Luftës së Dytë Botërore Lorenc Agalliu
75
themelua në rajon, kushtet favorizonin një lidhje të ngushtë të muslimanëve me forcat e
Boshtit dhe se bashkëpunimi nuk është një veçori vetëm e çamëve gjatë Luftës së Dytë
Botërore.388
Përkrahja që shqiptarët muslimanë të Çamërisë i bënë nismës së vëllezërve Dino
për themelimin e Partisë Fashiste në këtë zonë ishte e pakët. Lidhur me dështimin e
nismës së vëllezërve Dino, autori H. Isufi argumenton se, “të gjendur përballë mosbindjes
së popullsisë shqiptare, vëllezërit Dino të mbështetur nga një grup nacionalistësh çamë,
në fund të vitit 1941, formuan Këshillin Administrativ të Pavarur të Çamërisë”. 389
Këshillin Administrativ të Pavarur të Çamërisë, i krijuar prej Nuri dhe Masar Dinos,
kishte në përbërjen e tij 16 vetë. Ky këshill mori përsipër detyrat për administrimin e
krahinës së Çamërisë. Kryesisht, anëtarët e këtij këshilli vinin nga familje të pasura çame,
të cilat më parë ishin goditur rëndë nga reformat agrare të ndërmarra nga shteti grek.
Krijimi i një administrate tërësisht shqiptare nuk kishte se si të mos pritej mirë nga
shqiptarët e Çamërisë, të cilët shpresonin se administrimi i vendit tashmë do t’u përkiste
atyre, duke bërë të mundur kështu shkëputjen një herë e mirë nga administrate e vjetër
greke dhe përafrimin e një bashkimi të mundshëm të Çamërisë me Shqipërinë.
Autori F. Liço, është i mendimit se, pas krijimit të Partisë Fashiste në Çamëri,
nacionalistët çamë morën masa për suprimimin pothuajse plotësisht të administratës
greke.390 Në fakt, që pas hyrjes së trupave ushtarake të Boshtit në Çamëri, në prill 1941, e
tërë administrata greke e mëparshme ishte larguar. Në kushtet e mungesës së nëpunësve
grekë, shqiptarët ishin të detyruar të zëvendësonin administratën e vjetër me elementë
shqiptarë. Vetëm pas vendosjes së qetësisë në krahinë, nën besën e dhënë nga shqiptarët
çamë si dhe nën mbrojtjen e trupave italiane, një pjesë e konsiderueshme e administratës
lokale greke u rikthye në detyrë.
Pas pushtimit të Greqisë nga forcat ushtarake të Boshtit, u duk se një erë e re
ndryshimi do të frynte në fushën e zhvillimit të gjuhës dhe arsimit shqip. Në kushtet e një
zbraztësie totale dhe mungesës së elementeve të shtetit, shqiptarët çamë ishin të detyruar
nga rrethanat për të marrë vetë situatën në dorë. Nacionalistët çamë me mbështetjen dhe
të italianëve suprimuan këshillat e komunave me anëtarë grekë, duke i zëvendësuar këto
organe me këshilla të reja me përbërje të plotë shqiptare.391
Ndër masat e para që ndërmorën këshillat çamë ishte krijimi i kushteve të
nevojshme për mësimin e gjuhës shqipe nga fëmijët shqiptarë çamë. Për arritjen e
rezultateve sa më të kënaqshme në fushën e arsimit dhe të administrimit të krahinës së
Çamërisë, nacionalistët çamë vendosën lidhje të ngushta bashkëpunimi me qeverinë e
Tiranës. Në fillim të muajit shtator të vitit 1941, Komiteti Konsultativ Çam dërgoi në
Tiranë Haxhi Sejkon nga Filati, si përfaqësues të popullsisë vendase, i cili i dorëzoi
personalisht një kërkesë ministrit shqiptar të Arsimit Ernest Koliqi. Në kërkesën për
çeljen e shkollave shqipe në Çamëri, thuhej gjithashtu se grekët kishin filluar sërish të
hapnin shkollat e tyre, me pretekstin e përfundimit të vitit shkollor. Ministri shqiptar i
arsimit njoftohej gjithashtu, se në shenjë bojktoi të këtij veprimi nga ana e autoriteteve
greke, popullsia çame kishte vendosur që të mos dërgonin në shkollat greke fëmijët e
388 Xhufi, Dialog historik mbi çështjen çame. 9. 389 Isufi, Musa Demi dhe qëndresa.., 227. 390 Liço, Probleme të marrëdhënieve.., 236. 391 Po aty., 234.
Çështja çame gjatë Luftës së Dytë Botërore Lorenc Agalliu
76
tyre. Ndër të tjerë, përfaqësuesi i popullsisë çame në kërkesën drejtuar E. Koliqit i
shprehte atij indinjatën dhe për qëndrimin e autoriteteve italiane të krahinës së Çamërisë,
të cilët nuk kishin ndërmarë asnjë masë lidhur me gjobat e vëna nga autoritetet greke të
krahinës familjeve çame për mos dërgimin e fëmijëve të tyre në shkollat greke.392 Në
kushte të tilla, paria e Çamërisë kërkonte prej komandës italiane dhe qeverisë shqiptare të
Tiranës, që të mundësonin çeljen e shkollave dhe kurseve për mësimin e gjuhës shqipe.
Gjithashtu paria çame kërkonte nga qeveria shqiptare e Tiranës mbajtjen e këtyre
shkollave me bazë materiale mësimore dhe didaktike si dhe emërimin në këto shkolla të
mësuesve shqiptarë.393
Për zgjidhjen e këtyre problemeve një grup çamësh arsimdashës, i dërguan një
peticion ministrit shqiptar të Arsimit, ku i theksonin faktin se, “nevojat për çeljen e
kurseve në gjuhën shqipe në Çamëri, diktonin dërgimin në këtë krahinë të mbi 20
mësuesve të tjerë”.394 Të vendosur para presionit të administartës civile dhe ushtarake
greke për të dërguar fëmijët e tyre në shkollat greke, shqiptarët e krahinës së Çamërisë në
promemorjen dërguar Ministrisë shqiptare të Arsimit i kërkonin asaj mbështetjen për
çeljen e kurseve për mësimin e gjuhës shqipe. Në vazhdën e kërkesave të shumta të parisë
çame, drejtuar Ministrisë së Arsimit në Tiranë, ishte dhe kërkesa e dërguar në 17 shtator
të vitit 1941, nga Myftiu i Filatit Fuat Rakipi, i cili i lutej kësaj ministrie që të ndërhynte
tek italianët, me qëllim dhënien e lejes për çeljen e shkollave në gjuhën shqipe.395
Në vazhdën e përpjekjeve për të siguruar mbështetjen e qeverisë shqiptare të
Tiranës dhe të autoriteteve italiane në Çamëri e Shqipëri, një komision çam i cili në
përbërje të tij kishte emra të tillë si; Hysni Abazi, Neshat Demi, Jahja Hasani etj., i
kërkonte Zyrës së Fashios në Tiranë të jepte leje për çeljen e shkollave shqipe në fshatrat
dhe qytetet e Çamërisë. Komisioni theksonte gjithashtu, se të njëjtën kërkesë ia kishte
drejtuar dhe komandës ushtarake italiane në Filat, e cila iu kishte rekomanduar që këtë
kërkesë, përfaqësuesit çamë t’ia përcillnin Komandës së Përgjithshme të Armatosur
italiane në Tiranë. Paralelisht me këto veprime, përfaqësuesit e popullsisë çame, kërkesën
e tyre ia kishin dërguar edhe ministrit shqiptar të Arsimit, të cilit i kërkonin që të bënte
demarshet e duhura pranë autoriteteve italianë për lejimin e çeljes së shkollave shqipe në
Çamëri.396
Nga ana e saj qeveria shqiptare që në fillim përkrahu çdo inisiativë të patriotëve
çamë për përhapjen e shkollave shqipe në krahinën e Çamërisë dhe më gjerë. Qeveria
shqiptare me anë të pagesave stimuloi shumë të rinjë çamë, të cilit kishin studiuar në
Shqipëri që të shkonin si mësues në Çamëri. Në kushtet e vështira ekonomike të
popullsisë shqiptare, shumë të rinj çamë u vetëofruan për të dhënë mësim falas në
shkollat shqipe që do të hapeshin në krahinën e Çamërisë. Në këtë nismë të tyre
patriotike, shteti shqiptar merrte përsipër që t’i pajiste këta arsimtarë me pasaporta, me
qëllim për t’u krijuar atyre lëvizshmërinë në të dyja anët e kufirit.397 Studentët e parë
392 AQSH, F.195. V.1941. D.112/1, fl.145-150. 393 Po aty., fl.146. 394Po aty. 395Po aty., fl.151. 396 Po aty. 397 Po aty., V. 1942, D.268, fl.56-79.
Çështja çame gjatë Luftës së Dytë Botërore Lorenc Agalliu
77
çamë të cilët u shprehën të gatshëm t’i përgjigjeshin thirrjes së qeverisë shqiptare ishin;
Shefqet Sejko, Qani Sejko, dhe Muharrem Demi nga Filati.398
Në korrik të vitit 1942, në Çamëri u krijua Këshilli Përgjithshëm i Mbrojtjes, një
organizëm ky politiko-ushtarak me qendër në Gumenicë dhe me shtrirje të gjerë
pothuajse në të gjithë fshatrat si Filat, Margëlliç, Paramithi, Pargë, Mazrek, Arpicë,
Varfanj etj. 399 Për Filatin, pjesëtarë të këtij këshilli ishin kryetar, Ramadan Uzeiri,
nënkryetar Qamil Dojaka, anëtar për mbrojtjen ishte Tefik Sulo, për kulturën Haxhi
Sejko, për rendin Xhelal Hajdëri dhe sekretar Fejzo Sejko. Për zonën e Gumenicës,
kryetar ishte Mahmut Banushi, për mbrojtjen Xhomakë Xhemaliu, për drejtësinë Damin
Beqiri dhe për rendin Hamzo Himo. Për Margëlliçin, kryetar u zgjodh Ibrahim Bajrami
dhe nënkryetar për rendin u zgjodh Abdulla Jatroi. Këshilli çam i Pargës përbëhej nga
Abaz Shuaipi kryetar, Omer Buqi nënkryetar, Mehmet Kanali anëtar i rendit dhe sekretar,
Spiro Vëllazëroi. Ndërsa këshilli çam i Paramithisë përbëhej nga Haxhi Shehu kryetar,
nënkryetar për drejtësinë dhe arsimin ishte av. Spiro Xhalluka, anëtar për rendin Feti
Kapoli dhe sekretar Adem Bako e Gani Mulla.400
Këto këshilla, si detyrë parësore kishin përmirësimin e kushteve të jetesës,
ruajtjen e rendit dhe qetësisë, përhapjen e arsimit e të gjuhës shqipe në Çamëri. Nismëtar
për ngritjen e këtij Këshilli ishin anëtarë të familjes Dino, të cilët dalloheshin për
veprimtarinë e tyre nacionaliste në dobi të çështjes çame. Në detyrën e kryetarit të këtij
Këshilli, u zgjodh Masar Dino, ndërsa vëllai i tij Nuri Dino, u zgjodh në cilësinë e
nënkryetarit.401 Si organ me kopetenca të plota, ky organizëm shfuqizoi të gjitha aktet
zyrtare të pushtetit të mëparshëm grek, si dhe suprimoi aktivitetin e strukturave shtetërore
greke.
Autori F. Liço, pohon se, ngritja dhe veprimtaria e këshillave të formuar prej
vëllezërve Dino ishin kryesisht për qëllime personale të tyre.402 Pavarësisht qëllimit të
ngritjes së këtij këshilli prej vëllezërve Dino, në fillim të aktivitetit të tij ky organizëm
tregoi se ishte jashtë influencës së tyre dhe të propagandës italo-gjermane. Një argument
të tillë e mbështet dhe autori H. Isufi, i cili thekson se, këshilli i ngritur, ndoqi një politikë
të bashkëjetesës harmonike midis dy komuniteteve dhe jashtë çdo ndikimi nga Nuri dhe
Masar Dino.403 Në të vërtetë misioni i tyre ishte ruajtja e qetësisë dhe rendit në krahinë,
shuarja e mosmarrëveshjeve midis banorëve dhe përhapja e arsimit shqip në Çamëri. Për
sa kohë që situata në Çamëri ishte e turbullt dhe ndihej mungesa e administratës vendore
greke, këto këshilla luajtën rolin e institucioneve vetqeverisëse shqiptare.
Gradualisht ky këshill filloi shtrirjen e aktivitetit të tij në zonat kryesore të
Çamërisë, duke ngritur në këtë mënyrë rrjetin e pushteti lokal të drejtuar nga çamët. Si
rezultat i shtrirjes së veprimtarisë, u formuan komitete të caktuara në fshatrat muslimane
të prefekturës së Çamërisë.404 Këto komitete gradualisht filluan të shtrijnë aktivitetin e
tyre pothuajse në të gjitha fushat e jetës në krahinë. Me nismën e komiteteve filloi ngritja
398 Po aty., fl.89. 399 Hoxha, Viset shqiptare…, 327. 400 Po aty., 328-331. 401 Po aty. 402 Liço, Probleme të marrëdhënieve..,233. 403 Isufi, Musa Demi dhe qëndresa…, 227-228. 404 Margaritis, Bashkëpatriotë të padëshiruar…,137.
Çështja çame gjatë Luftës së Dytë Botërore Lorenc Agalliu
78
e strukturave shqiptare në Çamëri, duke u krijuar reparti i xhandarmërisë muslimane
çame, doganat, gjykatat dhe autoritetit financiar lokal.405
Si një organ fuqiplotë, Këshilli shfuqizoi tërë zinxhirin e pushtetit të deri
atëhershëm grek në krahinë, të cilat për shqiptarët kishin qenë vetëm organe dhune dhe
terrori. Këshilli me atributin që i jepte ligji, vendosi për mbylljen e shkollave greke dhe
çeljen e shkollave shqipe në Çamëri. Gjithashtu u morën vendime për zëvendësimin e
simboleve greke me ato shqiptare si dhe zëvendësimin e administratës shtetërore dhe të
nënpunësve grekë me ata shqiptarë.406 Veprimtaria e këtij Këshilli mbështetej në ruajtjen
e qetësisë, të rendit, ndalimin e vëllavrasjes midis shqiptarëve të krishterë dhe atyre të
fesë muslimane. Këshilli ngriti dhe organizata e struktura të vetat në çdo qendër apo njësi
administrative të krahinës së Çamërisë të përbëra prej 5 personash. 407 Kjo lëvizje e
shqiptarëve, argumenton historiani grek J. Margaritis, dha për herë të parë të dhëna të një
organizimit shtetëror për muslimanët e Thesprotisë, domethënë të drejta…jashtë të cilave
i mbante me devotshmëri këmbëngulëse shteti grek.408
Në këtë situatë anomalie të krijuar prej gjendjes së luftës dhe të mungesës së
elementeve shtetërore greke, të krishterët krijuan paralelisht organizatat e tyre. Si
kundërpërgjigje e organizimit të detyruar të shqiptarëve, grekët krijuan çeta me xhandarë
të krishterë, të cilët kontrollonin zonat periferike të krahinës. Këto struktura greke të
krijuara si rezultat i mungesës totale të shtetit, më pas u bënë pjesë e bandave të EDES-it,
qëllimi i së cilës ishte padyshim mohimi me çdo kusht i bashkëpunimit me shqiptarët
muslimanë.
Krahas përpjekjeve për çlirimin nga zgjedha e huaj nazi-fashiste si dhe ndaj klikës
vendase greke, popullsia shqiptare e krahinës së Çamërisë nuk i ndali për asnjë moment
përpjekjet për zhvillimin e arsimit dhe të gjuhës shqipe në këtë rajon. Duke e konsideruar
arsimin në gjuhën shqipe, si një akt të rëndësishëm për rritjen e ndërgjegjes kombëtare
dhe duke ecur në gjurmët e rilindasve shqiptarë, patriotët dhe nacionalistët çamë i shtuan
akoma dhe më shumë përpjekjet e tyre për hapjen e shkollave shqipe.
Kërkesa për çeljen e shkollave shqipe në Çamëri dhe Kosovë, në adresë të
qeverisë shqiptare të Tiranës erdhën dhe nga mësues italianë. Në një letër drejtuar
Këshillit të Përhershëm shqiptar, një mësues italian kërkonte që të mundësohej hapja e
një shkollë bujqësore në Kosovë dhe Çamëri, ku të mësonin nxënës shqiptarë.409 Kërkesa
të tilla nga përfaqësues italianë bëheshin dhe në vazhdën e përpjekjeve për përhapjen e
propagandës irredentiste te shqiptarët e Çamërisë, të cilët gradualisht kishin filluar t’i
humbisnin shpresat për një përkrahje të italianëve kundër shtypjes greke.
Krahas kësaj, qeveria shqiptare dhe Ministria e Arsimit merrte përsipër të
mbulonte të gjitha shpenzimet për mbarëvajtjen e procesit mësimor si dhe për rrogat e
mësuesve të shkollave shqipe në Çamëri. Për të stimuluar ekzistencën e shkollave shqipe
në zonën e Çamërisë dhe kryesisht në fshatrat e thella, shpesh herë ministria shqiptare e
arsimit shpërblente me të holla mësuesit e dalluar dhe ata të cilët punonin në kushte të
405 Manda, Çamët mslimanë.., 147-148. 406 Hoxha, Viset kombëtare shqiptare…, 331. 407 AMPJ, V.1945, D.59/10. 408 Margaritis, Bashkëpatriotë të padëshiruar..,137. 409 AQSH, F.195. V. 1942. D.926, fl.1.
Çështja çame gjatë Luftës së Dytë Botërore Lorenc Agalliu
79
vështira duke marrë parasysh trazirat që ekzistonin në atë periudhë në Çamëri.410 Një
përpjekje e tillë, duke patur parasysh kushtet e vështira që kalonte popullsia shqiptare në
Greqi tregon qartë dëshirën e tyre për ruajtjen e identitetit kombëtar si dhe për rritjen e
ndërgjegjes kombëtare shqiptare.
Me qëllim përhapjen e gjuhës shqipe dhe të propagandës kombëtare, qeveria
shqiptare dërgoi në Çamëri mësues dhe patriotë të shquar çamë. Në shkresën e saj,
Ministria e Kulturës dhe Propagandës shqiptare dërguar Ministrisë së Jashtme, teksa i
përcillte shqetësimin lidhur me mungesën e shkollave dhe mësuesve të gjuhës shqipe në
krahinën e Çamërisë, i propozonte listën me 15 emra mësuesish, ndër ta Abdyll Sejko,
Dervish Dojaka, Haxhi Sejko, Tahir Demi, Thanas Karaçolli, Rexhep Seiti, Spiro
Vllazëroi, Sami Demi, Sami Muharremi, Jahja Hasani etj, të cilët do të dërgoheshin në
këtë krahinë për të ndihmuar në çeljen e kurseve dhe shkollave shqipe. 411 Megjithë
fillimin e mbarë të punës për hapjen e shkollave shqipe në Çamëri, gjendja e trazuar dhe
konflikti që kishte shpërthyer midis dy komuniteteve gjatë vitit 1941-42, e la disi në
harresë çështjen e gjuhës dhe arsimit shqip. Edhe në ato shkolla që ende qëndronin të
hapura fëmijët shqiptarë të trembur prej hakmarrjes së bandave greke qëndronin të
mbyllur në shtëpitë e tyre. Në kushtet e terrorit të ushtruara nga shteti dhe bandat greke,
popullsia shqiptare çame e gjeti veten të pambrojtur.
Me shpresën se zëri i tyre do të dëgjohej nga institucionet ndërkombëtare, një
grup çamësh të shpërngulur në qytetin e Sarandës, i dërguan një peticion Sekretarit të
Përgjithshëm të Kombeve të Bashkuara në Gjenevë, ku bënin me dije lidhur me abuzimet
dhe shtypjen që pësonte minoriteti shqiptar në Greqi.412 Peticioni dërguar Lidhjes së
Kombeve përmblidhte të gjitha abuzimet e bëra nga shteti grek ndaj popullsisë shqiptare
çame, të drejta këto që lidheshin me mohimin e gjuhës shqipe, mohimin e të drejtave
kulturore, sociale dhe ekonomike. Përfaqësuesit e emigrantëve çamë, kërkonin nga
Lidhja e Kombeve, që ky institucion të përdorte të gjitha mjetet e duhura për të ndaluar
shtypjen dhe terrorin që pësonte çdo ditë popullsia çame prej autoriteteve të shtetit grek.
Pavarësisht ankesave të herëpashershme të popullsisë shqiptare, shteti grek dhe
administrata vendore në krahinën e Çamërisë nuk i morën asnjëherë në konsideratë
kërkesat e shqiptarëve. Administrata vendore greke lidhur me kërkesën e minoritetit
shqiptar për çeljen e shkollave shqipe, shprehej në mënyrë cinike se, ata mësojnë gjuhën
e tyre lokale nëpërmjet mësimit fetar që u jepet në shqip dhe kjo është mëse e
mjaftueshme për nevojat e tyre kulturore.413
Në këtë kuadër dhe administrata ushtarake italiane qëndroi indiferente ndaj
këkresave të shqiptarëve çamë. Përveç mbështetjes në ditët e para të pushtimit, Komanda
ushtarake italiane nuk kishte ndërmend të ndërhynte në zgjidhjen e çështjeve që
shtetësonin shqiptarët në Çamëri. Në disa raste vetë Komanda e Lartë ushtarake italiane
në Çamëri ishte bërë pengesë për ecurinë dhe mbarëvajtjen e arsimit në shkollat shqipe,
pasi një pjesë e godinave të shkollave ishin kthyer në garnizone dhe depo armatimesh për
410 Po aty., V.1943, D.88, fl.163. 411 Po aty., F.151, V.1944, D.147, fl.1. 412 Po aty., V.1943, D.36, fl.1. Dokumenti origjinal i shkruar në frëngjisht është nënshkruar në emër të
emigrantëve çamë të shpërngulur nga Qazim Domi, Dalip Sejko, Dule Hysen Musa, Meço Maliqi, Mezan
Dino etj. 413 Baltiotis, The muslim Chams..,10.
Çështja çame gjatë Luftës së Dytë Botërore Lorenc Agalliu
80
ushtrinë italiane. Në mars të vitit 1943, Komanda e Lartë e forcave të armatosura të
ushtrisë italiane në Tiranë refuzonte kërkesën e Ministrisë së Arsimit në Tiranë për të
liruar ndërtesat e shkollave në Çamëri të zëna nga ushtria italiane.414
Si përfundim mund të themi se, mungesa e dëshirës së autoriteteve civile greke
dhe atyre ushtarake italiane në Çamëri bëri që për shumë kohë situata në këtë krahinë të
ishte e pasigurtë. Në një situatë të tillë, detyrë parësore e shqiptarëve çamë ishte
organizimi dhe mobilizimi për mbrojtjen e jetëve, pronave dhe familjeve të tyre, si dhe
largimi i pushtuesve të vjetër dhe të rinj.
414 Iljaz Gogaj, Arsmi shqip në diasporë dhe në Çamëri 1912-1944, (Tiranë, N. Frashëri, 2007), 183.
Çështja çame gjatë Luftës së Dytë Botërore Lorenc Agalliu
81
2.4. Nxitja e mosmarrëveshjeve midis komunitetit çam dhe atij grek.
Pas vendosjes së regjimit italian në krahinën e Çamërisë, situata në këtë zonë të
banuar nga shqiptarët po bëhej gjithnjë dhe më shqetësuese. Edhe pse në fillim
shpresohej ndryshe, gjendja e popullsisë shqiptare sa vinte e rëndohej së tepërmi. Situata
e turbullt e krijuar për shkak të paqartësisë së krijuar midis autoriteteve greke dhe atyre
italiane kishte pasoja të drejtëpërdrejta në jetën sociale dhe ekonomike të popullatës
çame. Autoriteti i ushtrisë dhe i administratës civile italiane, në sytë e banorëve të
Çamërisë kishte filluar të binte që para nisjes të aksionit ushtarak ndaj Greqisë. Në kaosin
e krijuar, administrata ushtarake italiane në Çamëri e kishte të pamundur të ushtronte
autoritetin e saj. Në këtë mënyrë dhuna e autoriteteve civile dhe e xhandarmërisë greke
ndaj popullsisë civile shqiptare erdhi duke u shtuar, kjo pasi një pjesë e mirë e
xhandarmërisë greke vazhdoi të qëndronte në të njëjtat pozita komanduese edhe gjatë
pushtimit italian.415
Duke nisur nga vera e vitit 1941 dhe deri në fund të vitit 1942, situata në Çamëri u
karakterizua nga konflikte të ndezura midis banorëve grekë dhe atyre shqiptarë
muslimanë çamë. Sipas autorit Filip Liço, konflikti midis grekëve dhe shqiptarëve në
Çamëri kishte lindur që me mbarimin e kryengritjes greke për pavarësi në vitin 1821.416
Sipas këtij autori, duke qënë se një pjesë e konsiderueshme e muslimanëve shqiptarë
çamë zotëronin prona të mëdha, një pjesë e banorëve të krishterë qofshin këta me
kombësi greke apo shqiptare ishin kthyer në bujq, të cilët punonin tokat e bejlerëve dhe të
agallarëve shqiptarë muslimanë, kryesisht të fshatrave të Margëlliçit e të Paramithisë.417
Me kalimin e viteve, natyrshëm lindi një xhelozi e theksuar dhe lakmi tek
popullsia ortodokse greke për pasurinë dhe aftësinë udhëheqëse të klasës së bejlerëve
muslimanë shqiptarë, të cilët përveç pronës zotëronin dhe një pjesë të konsiderueshme të
pushtetit administrativ të Portës së Lartë. Përveç pasurisë si një tregues i qartë i rendit
klasor, feja luajti një rol të rëndësishëm në ndarjen e thellë dhe në antagonizmat që
ekzistonin midis dy popullsive, asaj të krishtere ortodokse dhe asaj muslimane.
Pushtimi italian i Greqisë i dha një zhvillim të ri konfliktit të nisur më herët midis
dy komuniteteve. Hyrja në Çamëri të një grupi çamësh së bashku me ushtrinë italiane,
krijoi te grekët një ndjenjë hakmarrje, e cila e ndihmuar dhe nga autoritetet vendase dhe
xhandarmëria greke, gradualisht u shndërrua në një konflikt të armatosur midis
muslimanëve shqiptarë dhe ortodoksve grekë. Disfata që pësoi ushtria italiane që në ditët
e para të pushtimit, e shtoi akoma dhe më shumë ndjenjën e hakmarrjes së grekëve ndaj
komunitetit shqiptar, të cilët u konsideruan fajtor dhe bashkëpunëtor të pushtuesit.
Zhvillimet historike të kësaj periudhe janë pikërisht ato që përcaktuan më pas dhe
fatin e minoritetit shqiptar deri në përfundim të luftës së Dytë Botërore në Çamëri. Lidhur
me ngjarjet që pasuan vendosjen e regjimit italian në Çamëri, historiani grek L. Baltsiotis,
415 AUSSME, L-15, Raccoglia 23, fasc.3. Relacion i Komandës së Lartë të Forcave të Armatosura italiane
në Greqi, dërguar Komandës Supreme, mbi veprimtarinë e zhvilluar në fushën ekonomike dhe politike
gjatë një viti të pushtimit italian në Greqi, 3 gusht 1942. 416 Liço, Probleme të marrëdhënieve.., 215. 417 Po aty.
Çështja çame gjatë Luftës së Dytë Botërore Lorenc Agalliu
82
argumenton se, “ishte pikërisht ky veprim, shkaktar i eksodit të çamëve gjatë viteve
1944-45”.418 Shumë grekë të larguar nga krahina të trembur nga hakmarrja e popullsisë
shqiptare për krimet e tyre makabre, u rikthyen nën besën e dhënë nga paria çame dhe
nën mbrojtjen e administratës civile e ushtarake. Në zbatim të marrëveshjeve të
nënshkruara deri në këtë periudhë, në Çamëri u rikthyen në postet e tyre dhe ata zyrtarë
grekë, të cilët me vendimet e tyre kishin kryer masakra në dëm të popullsisë civile
shqiptare para ardhjes së trupave ushtarake italiane në krahinë.
Autorja greke G. Kretsi, thekson se deri në momentet e para luftës, marrëdhëniet
midis banorëve grekë dhe atyre shqiptarë të Çamërisë kishin qenë tepër miqësore dhe në
harmoni të plotë. Sipas saj, reminishencat e para të një konflikti social u shfaqën atëherë
kur një pjesë e popullsisë çame filluan të krijonin marrëdhënie me italianët dhe politikën
e tyre fashiste, e cila propagandonte bashkimin e Çamërisë me Shqipërinë.419 Megjithatë,
autori tjetër grek, J. Margaritis, thekson se, krijimi i një situate të tillë gjatë viteve të para
të pushtimit, nuk mund t’i atribuohet kurrsesi “komploteve” të çamëve ose italianëve.
Sipas tij, kjo situatë ishte pasojë e vazhdimësisë së politikave të turbullta dhe presioneve
të shtetit grek në kurriz të minoritetit çam musliman.420 Konflikti i nisur gjatë kësaj
periudhe midsi dy komuniteteve, atij çam musliman dhe ortodoksve grekë, e kishte
zanafillën e vet te çështja e pazgjidhur e pronave, pasi pronarët e vjetër çamë, në mënyrë
abuzive kishin humbur të drejtën mbi tokën e tyre, e drejtë kjo që iu dha pronarëve të rinj
grekë.
Mungesa e administratës shtetërore, e rendit dhe e qetësisë publike bëri që në
Çamëri të shfaqeshin hakmarrjet e vjetra. Po ashtu, vendimi i italianëve për mbajtur në
postet e larta zyrtare administratën e vjetër greke, shkaktoi një pakënaqësi të madhe te
shqiptarët, kryesisht te ajo pjesë nacionaliste, e cila kishte shpresuar se, me hyrjen e
ushtrisë italiane në Çamëri, kjo krahinë do t’u kthehej shqiptarëve. Ekzistenca dhe
mbajtja në detyrë e xhandarmërisë së mëparshme greke, e cila para hyrjes së trupave
italiane në Greqi kishte kryer krime dhe kishte abuzuar me popullsinë shqiptare
muslimane shkaktoi trazira në Çamëri.421 Ende nuk ishin harruar prej familjeve shqiptare,
arrestimet, interrnimet dhe vrasjet e kryra nga xhandarmëria greke ndaj banorëve
shqiptarë para se ushtria italiane të hynte në Çamëri.
Në një zë të vetëm, të gjithë shqiptarët e Çamërisë u kërkonin autoriteteve italiane
në Greqi dhe në Shqipëri, që të merrnin masa për largimin e autoriteteve greke dhe të
xhandarmërisë greke nga territori i Çamërisë, pasi sipas tyre, të gjithë këta i kishin duart
ende të lara me gjakun e familjarëve të tyre.422 Për popullsinë shqiptare çame, prania e
administratës greke në krahinën e Çamërisë, përveç të tjerash binte në kundërshtim me
organizimin e krahinës së Çamërisë e vendosur kjo nga autoritetet e larta ushtarake të
pushtimit.
Pavarësisht gjithë këtyre, autori grek J. Margaritis është i mendimit se, muajt e
parë të pushtimit italian të Çamërisë ishin relativisht muaj të qetë, veçanërisht nëse i
418 Baltsiotis, The Muslim Chams..,11. 419 Kretsi, The secret Past of the Greek-Albanian Bordelands. Cham muslims Albanians, 175. 420 Margaritis, Bashkëpatriotë të padëshiruar.., 130. 421 AUSSME, L-15, Raccoglia 23, fasc.3. 422 AQSH, F.161, V.1941, D.699, fl.17. Promemorje e Nuri Dinos dhe e popullsisë çame të Paramithisë,
Margëlliçit, Gumenicës dërguar Jakomonit ku e njoftojnë mbi gjendjen e popullsisë shqiptare në Greqi.
Çështja çame gjatë Luftës së Dytë Botërore Lorenc Agalliu
83
krahasojmë me ato që kishin ndodhur në periudhat e mëparshme.423 Kjo shpjegon se,
shqiptarët u treguan mjaft të duruar ndaj politikave shtypëse të qeverisë greke edhe pse në
dukje çamët kishin mbështetjen e italianëve. Shumica e shqiptarëve të Çamërisë ishin për
zgjidhje paqësore të problemit të pronësisë, si dhe të çështjeve të tjera.
Por pati dhe nga ata çamë, të cilët të ndikuar dhe nga prania e ushtarëve italianë,
vendosën t’i zgjidhnin vetë problemet e vjetra me grekërit. Të mbushur me ndjenjën e
urrjtjes për vuajtjet e shkaktuara nga shteti dhe administrata e vjetër greke, disa çamë të
mbështetur dhe nga Komanda ushtarake italiane, vendosën të hakmerreshin ndaj grekëve.
Për të vënë në vend drejtësinë e munguar, në disa raste të shkëputura, karabinieria italiane
shoqëronte bujqërit shqiptarë që të mblidhnin të korrat dhe prodhimet bujqësore në ish
tokat e tyre, të cilat me ndihmën e qeverisë ishin rrëmbyer prej refugjatëve grekë. Nën
mbështetjen e trupave italiane, në disa raste sporadike pronarët shqiptarë u përpoqën të
rimerrnin tokat e tyre të rrëmbyera prej grekëve. Në raste të kundërshtimit nga ana e
pronarëve të rinj grekë, shqiptarët reagonin duke djegur pronat e tyre si dhe duke
shkatërruar prodhimet bujqësore.424
Argumenti se, ishte pikërish dhuna e ushtruar nga agallarët shqiptarë ndaj
pronarëve grekë, faktori nxitës i vrasjeve në Çamëri425, nuk qëndron pasi, pikërisht grekët
kishin rrëmbyer me anë të reformave agrare dhe shpronësimeve të padrejta, pasuritë e
shqiptarëve muslimanë. Historiani. B. Meta, duke argumentuar këtë sjellje të një grushti
çamësh, shpjegon se, “politika represive sistematike e shtetit grek kishte krijuar tension të
mbishtresëzuar, i cili te shumë shqiptarë tani manifestohej në mënyra të ndryshme”.426
Sipas B. Metës, faktori kryesor që ndikonte në veprimin e shqiptarëve çamë, ishte
pikërisht grabitja e pronave të popullsisë shqiptare dhe dhënia e tyre refugjatëve grekë.427
Si pasojë e mbështetjes nga ushtria italiane, një pjesë e nacionalistëve çamë të
udhëhequr nga Nuri Dino shtuan përpjekjet e tyre për vënien në kontroll të administratës
lokale të Çamërisë. Në emër të ruajtjes së rendit dhe qetësisë publike, në datat 17-18
qershor 1941, në fshatin Palohor, rreth 300 ushtarë italianë të shoqëruar nga një grup
nacionalistësh çamë, arrestuan dy vëllezër ortodoksë, të cilët pa përdorur dhunë, i
dorëzuan në komandën ushtarake të Filatit.428 Njerëz me peshë dhe ndikim në jetën
sociale dhe politike të Çamërisë, shqiptarë si Musa Demi, Haxhi Sejko punuan me
devotshmëri për të mos lejuar dënimin e këtyre personave, e po ashtu ndërhynë
energjikisht për lirimin e tyre pa pasoja.
Ishin pikërisht këto figura të shquara të lëvizjes patriotike çame si, Musa Demi,
Jasin Sadiku, Haxhi Sejko, e shumë shqiptarë të tjerë, nismëtar për uljen e gjakrave dhe
shuarjen e konfliktit të armatosur midis shqiptarëve dhe grekëve. Përveç këtyre,
pothuajse në çdo fshat të Çamërisë kishte grupe shqiptarësh, të cilët u ngritën kundër
nxitjes së urrejtjes midis dy komuniteteve. Kështu, idetë përparimtare dhe paqedashëse në
Pargë shpërndaheshin nga Mexhit Sami Leskoviku, Omer Buka, Husho Kasavet, në
fshatin Mazaraq këto ide përparimtare përqafoheshin nga çamët Tahir Meta, Mehmet
423 Margaritis, Bashkëpatriotë të padëshiruar.., 130. 424 AUSSME, L-15, Raccoglia 23, fasc.3. 425 Liço, Probleme të marrëdhënieve.., 239. 426 Meta, Tensioni greko-shqiptar, 150. 427 Po aty. 428 Liço, Probleme të marrëdhënieve.., 236.
Çështja çame gjatë Luftës së Dytë Botërore Lorenc Agalliu
84
Husi, Rexhep Çami e shumë të tjerë. Madje shqiptarët organizuan dhe grupe rojtarësh të
armatosur të cilët kishin si detyrë kryesore ruajtjen e fshatrave grekë, ruajtjen e të
mbjellave, pronave dhe familjet e të krishterëve nga ndonjë sulm prej muslimanëve të
inatosur.429
Shqiptarët muslimanë të Çamërisë jo vetëm që nuk u hakmorrën ndaj krimeve të
kryera nga banorët grekë para pushtimit italian, por ata kontribuan në vendosjen e paqes
midis dy komuniteteve. Jasin Sadiku, në një takim të parisë së fshatit të Margëlliçit në
qershor të vitit 1941, lidhur me rikthimin e gjendjes së qetësisë në vend, kishte deklaruar
në emër të të gjithë banorëve muslimanë shqiptare se: “Le të japim ne, muslimanët,
shembullin e parë që duam afrim dhe bashkëjetesë me dashuri dhe mirëkuptim me të
krishterët”.430 Duke i konsideruar të krishterët si ata me origjinë shqiptare dhe ata grekë,
miq dhe fqinj të mirë, popullsia muslimane shqiptare për një kohë të gjatë iu përmbajt
premtimeve të dhëna, për të mos sulmuar banorët e fesë ortodokse. Në kuadër të
vendosjes së paqes midis muslimanëve dhe të krishterëve, nga mbledhja e Margëlliçit, u
vendos që vendimet e marra t’u bëheshin me dije dhe kryepleqësive të fshatrave të tjera
dhe ato të ishin të zbatueshme dhe të detyrueshme për të gjithë.431
Historiani grek Niko Zhangu, në cilësinë e bashkëkohësit dhe përjetuesit të
ngjarjeve, pohon se; “Nëse shqiptarët çamë do të kishin qënë kriminelë, të gjithë fshatrat
e banuara prej të krishterëve do të zhdukeshin”432. Një fakt të tillë e mbështet dhe autorja
greke E. Manda, e cila lidhur me mosmarrëveshjet e lindura në Çamëri midis dy etnive,
shkruan se, “mjaft prej anëtarëve të popullsisë shqiptare nuk merrnin pjesë në këto
veprime arbitrare”. 433 Duke argumentuar më tej, historiania greke pranon faktin se,
shumica e shqiptarëve çamë ishin elementë të moderuar dhe përparimtarë, të cilët nuk
ishin aspak dakord me veprimet e disa nga bashkëpatriotët e tyre.434 Pra, vetëm një pjesë
e çamëve shqiptarë, kryesisht ajo pjesë që ishte prekur më shumë nga reforma agrare e
shtetit grek, u bënë palë me pushtuesin italian për rimarjen e pasurive të rrëmbyera më
parë nga grekët.
Autori F. Liço fajëson muslimanët çamë të Greqisë, si nxitës të konfliktit të
armatosur midis dy etnive. Për të argumentuar këtë ai jep dhe fakte historike e data duke
mos respektuar ndoshta qëllimisht kriterin kronologjik të ngjarjeve. Autori F. Liço, duke
shpjeguar ngjarjet që ndodhën në Çamëri në vjeshtën e vitit 1941, thekson se në datë 29
shtator 1941, bandat shqiptare nën udhëheqjen e Servet Adem Plakut vranë 3 banorë të
fshatit Paloklis të Filatit dhe, “si kundërveprim,-thotë autori,- greku Vasil Ballumi më
datë 6 shtator 1941 vrau në shenjë hakmarrje një djalosh 16 vjeçar çam musliman. Në
këtë mënyrë,- thotë Liço,- filluan vrasjet reciproke që nuk u ndalën kurrë.435
429 Nikos Zhango, Imperializmi anglez dhe rezistenca kombëtare 1940-1945, (Athinë, 1978), Vëllimi.I,
146-148. 430 Isufi, Jasin Sadiku.., 190. 431 Po aty. . 432 Zhango, Imperializmi anglez dhe rezistenca…,146. 433 Manda, Çamët myslimanë.., 155. Të njëjtën ide autorja e shtjellon dhe në artikullin e saj me titull, The
Chams of Albania and the Greek State 1923-1945, botuar në Revistën Journal of Muslim Minority Affairs,
Londwr, 2009. 434 Po aty. 435 Liço, Probleme të marrëdhënieve.., 238.
Çështja çame gjatë Luftës së Dytë Botërore Lorenc Agalliu
85
Nga të dhënat e disponueshme, të cilat vertetojnë më së miri ngjarjet e ndodhura
në Çamëri gjatë pushtimit italian, arrijmë në konkluzionin se, përgjegjës për nxitjen e
konfliktit në Çamëri nuk ishin shqiptarët dhe përkrahësit e Nuri Dinos, por vetë qeveria
dhe administrata vendore greke, e cila për dekada me radhë kishte ndërmarë masa
ekstreme ndaj popullsisë muslimane shqiptare. Lidhur me argumentin e mësipër, të
njëjtin mendim ka dhe historiani grek Lambros Baltsiotis, i cili shprehet se, “toleranca
fetare që ekzistonte midis dy komuniteteve atij ortodoks dhe musliman nuk u kapërdi
lehtë nga shteti grek, i cili e përdori këtë situatë për të rritur hatërmbetjet midis dy
komuniteteve për të arritur qëllimet e veta”. 436 Sipas këtij autori, qëllimi i vetëm i
qeverisë greke ishte pakësimi i pranisë së çamëve në krahinën e Çamërisë.437
Në jo pak raste autori F. Liço është kontradiktor në analizën që iu bën fakteve
historike lidhur me shkaktarët e vërtetë të trazirave të vitëve 1940-42, midis komunitetit
grek ortodoks dhe atij çam muslimanë. Autori teksa bën më faj shqiptarët çamë si nxitës
të konfliktit, që sipas tij,- me ndihmën e karabinierisë italiane kishin korrur arat e mbjella
nga grekët, në disa rreshta më poshtë shprehet se, “megjithatë popullsia çame nuk i
miratonte këto mjete dhune duke kërkuar mirëkuptimin dhe bashkëpunimin midis dy
komuniteteve”.438 Ndërsa autori J. Margaritis, në lidhje me zhvillimin e ngjarjeve gjatë
viteve të para të pushtimit italian të Çamërisë, si dhe me konfliktin midis muslimanëve
çamë dhe grekëve ortodoks, thekson se, në këtë kohë në Çamëri vepruan dhe mekanizmat
irredentiste dhe fashiste të importuara nga Tirana, por të cilat sipas tij, mbetën vetëm në
stadin e planeve dhe të qëllimeve.439
Pas një periudhe të shkurtër qetësie në dukje midis dy komuniteteve, atij çam dhe
grek të krishterë, në fillim të vitit vitin 1942, tensioni midis banorëve muslimanë dhe
atyre ortodoksë u rishfaq sërish. Shkak për prishjen e qetësisë provizore, u bë vrasja nga
ana e grekëve në 12 janar 1942, të dy shqiptarëve çamë me influencë si, Tefik Qemali
dhe Jahja Kasemi. Vrasja e këtyre veprimtarëve të shquar të levizjes çame nga ana e
xhandarmërisë greke, bëri që ngjarjet të percipitonin me shpejtësi. Tashmë konflikti u bë
më i hapur dhe më gjakësor midis dy popullsive. Si kundërpërgjigje, çamët muslimanë në
11 shkurt të atij viti në Gumenicë, vranë Prefektin e Gumenicës, Jorgos Vasiliakos, i cili
konsiderohej si një nga përgjegjësit kryesorë të vuajtjeve të shqiptarëve.440 Tensionin e
lartë të krijuar midis dy komuniteteve në Çamëri e konfirmon dhe një raport i Komandës
së Xhandarmërisë greke të Thësprotisë dërguar Komandës së Lartë të Xhandarmërisë së
Epirit në 27 shkurt, në të cilin thuhej se; “Situata në Thesproti që nga data 14 janar, kur
një xhandar kreu vrasjen e dy muslimanëve të njohur, është jashtëzakonisht e acaruar”.441
Ndërhyrja e popullsisë muslimane shqiptare të fshatit Karbunar, bëri të mundur
shpëtimin nga djegia dhe shkatërrimi prej zemërimit të një grupi çamësh të indinjuar nga
436 Baltsiotis, The Muslim Chams.., 1. 437 Po aty. 438 Liço, Probleme të marrëdhënieve.., 240. 439 Margaritis, Bashkëpatriotë të padëshiruar.., 130. 440 AUSSME, L.15, Raccoglia 23. Fasc.3. 441 Margaritis, Bashkëpatriotë të padëshiruar.., 148. Shtojcë dokumenti. Raport i Komandantit të
Xhandarmërisë së Thesprotisë Joanis Kristinidhis, dërguar Komandës së Lartë të Xhandarmërisë së Epirit
në Janinë, lidhur me situatën e krijuar në Çamëri pas vrasjes së dy çamëve muslimanë dhe të prefektit të
Gumenicës Vasiliakos. Gumenicë, më 27 Shkurt 1942.
Çështja çame gjatë Luftës së Dytë Botërore Lorenc Agalliu
86
vrasja e bashkëpatriotëve të tyre.442 Takimi i organizaur nga paria çame në xhaminë e
fshatit Karbunar pati si qëllim uljen e gjakrave dhe dhënien e besës së muslimanëve
kundrej fqinjëve të tyre ortodoksë. Për vendosjen e rendit në Çamëri, Komanda e
Xhandarmërisë greke së Thesprotisë, i kërkonte Komandës së Lartë të Epirit shtimin e
numrit të xhandarëve, pasi vetëm në këtë mënyrë mund të bëhej i mundur imponimi i
forcës së ligjit në këtë prefekturë. Komandanti i xhandarmërisë greke Joanis Kristinidhis,
propozonte që krahas përforcimit me xhandarë, oficerë dhe vullnetarë, të punohej për
pajtimin e dy elementëve, atij të krishterë ortodoksë dhe komunitetit musliman çam.443
Për të qetësuar situatën e krijuar në Çamëri, qeveria kuislinge greke mendoi të shtonte
numrin e xhandarëve dhe oficerëve grekë, veprim ky që kërkonte dhe aprovimin e
autoriteteve ushtarake italiane të Çamërisë për shtimin e 10 oficerëve dhe 60 xhandarëve.
Pas aprovimit të kërkesës së qeverisë greke nga ana e autoriteteve ushtarake italiane për
shtimin e numrit të oficerëve dhe xhandarëve grekë, në Çamëri u shtuan dhe 90 xhandarë
të dhe 10 oficerë të rinj, si dhe u urdhërua inkuadrimi i 100 xhandarëve të tjerë grekë, me
shërbim jot ë detyrueshëm ushtarak në këtë komandë.444
Në njoftimin dërguar Komandës së Lartë të Epirit në Janinë, Kristinidhis bënte
me dije se; “Meqënëse shumica e fshatarëve muslimanë dhe në veçanti ata të
papajtueshmit, besojnë se akti kriminal i xhandarit Ilia Niku, autor i vrasjes së dy
bashkëbesimtarëve të tyre, erdhi si udhëzim i prefektit dhe i shefave të tjerë të tij {…}
kemi parasysh që për të njëjtat arsye do të shfaqen të njëjtat veprimtari vrasëse edhe për
funksionarë të tjerë të administratës si dhe të oficerëve të xhandarmërisë”. 445 Për të
qetësuar situatën e krijuar pas vrasjes së dy shqiptarëve dhe të Prefektit të Gumenicës, si
dhe për të shmangur vrasjen e ndonjë funksionari të lartë grek, autoritetet vendase,
kërkonin zëvendësimin e xhandarëve të cilët konsideroheshin përgjegjës nga ana e
shqiptarëve për vrasjen e ndodhur. Si kusht për rivendosjen e qetësisë dhe rendit publik
në Çamëri, autoritetet vendore greke kërkonin largimin e mënjëhershëm të nënprefektit të
krahinës, i cili konsiderohej si person i paaftë për të kryer detyrën e tij.446
Mungesa e xhandarëve për një periudhë kohe në krahinën e Çamërisë si dhe
situata e rëndë e krijuar për shkak të konfliktit midis dy komuniteteve, solli dobësimin
dhe boshatisjen e buxhetit të administratës vendore. Kjo situatë e krijuar si rezultat i
dhunës dhe reprezaljeve të administratës greke ndaj popullsisë muslimane shqiptare,
ndikoi dhe në dobësimin e rrënimin e administratës publike dhe ndërprerjen e
funksioneve jetike të saj. Administrata greke nuk ishte në gjendje të mblidhte të ardhurat
dhe taksat për shkak dhe të trazirave në rajon. Nga kaosi i krijuar, situata ekonomike e
banorëve shqiptarë ishte rënduar së tepërmi, pasi në kushtet e një izolimi të thellë prej
konfliktit, shqiptarët çamë nuk përfitonin asnjë ndihmë ekonomike prej shtetit dhe
administratës vendore greke. Nga ana tjetër, shtimi i masave dhe i presionit tatimor mbi
prodhimet bujqësore, në vend që të qetësonte situatën e rëndoi më tepër atë. Vendimet e
qeverisë greke mbi tatimet për të ardhurat nga prodhimet bujqësore, gjatë pranverës së
442 Zhango, Imperializmi anglez…, 255. 443 Margaritis, Bashkëpatriotë të padëshiruar.., 150. 444 Po aty., 154-155. 445 Po aty., 151. 446 Po aty., 150-151.
Çështja çame gjatë Luftës së Dytë Botërore Lorenc Agalliu
87
vitit 1942, i acaroi më tepër marrëdhëniet midis autoriteteve vendore greke dhe popullsisë
agrare.447
Administrata vendase greke, për dekada me radhë abuzonte me pronat e
shqiptarëve duke i tjetërsuar ato pa ndonjë shpërblim në favor të grekëve të krishterë të
ardhur qëllimisht në Çamëri për të spastruar etnikisht këtë zonë nga shqiptarët. Ankesat e
banorëve shqiptarë drejtuar administratës italiane lidhur me çështjen e pronave të tyre dhe
të abuzimit nga ana e grekëve me to, si dhe me kompesimin e vlerës së pronave të
konfiskuara nga ana e qeverisë greke, kjo e fundit si gjithnjë premtonte se, do t’i
rregullonte ato në bazë të ligjeve të shtetit grek. Në një raport të dërguar në verën e vitit
1942 Komandës Supreme, Karlo Xhelozo (Carlo Geloso) shpjegonte se:
“Mosmarrëveshjet ndërmjet muslimanëve dhe të krishterëve, të cilat këto kohët e fundit
janë bërë më të shpeshta, lidhen kryesisht me problemet e shkaktuara prej legjislacionit
grek në dëm të pronarëve muslimanë shqiptarë”.448
Çështjen e pronave të shqiptarëve të rrëmbyera prej grekëve e pranonte dhe
administrata greke e Epirit, duke e cilësuar këtë si një burim të pashtershëm të konfliktit
midis shqiptarëve muslimanë dhe grekërve. Edhe qeveria greke e pranonte se, konfiskimi
i pronave të shqiptarëve çamë ishte bërë në emër të rehabilitimit të të krishterëve grekë, të
cilët nuk kishin tokë.449 Si e vetmja rrugëzgjidhje për të shuar konfliktin që kishte lindur
midis grekëve dhe pronarëve shqiptarë, tashmë të mbetur pa tokë, administrata greke
propozonte marrjen e masave të nevojshme për rregullimin në kohën e duhur si dhe
zgjidhjen përfundimtare të çështjes së pronave të tjetërsuara të muslimanëve shqiptarë të
Çamërisë.450
Duke parë se situata në Çamëri midis dy komuniteteve ishte acaruar tej mase, në
fillim të muajit korrik 1942, për të ulur tensionin e krijuar midis grekëve dhe shqiptarëve
muslimanë, Jasin Sadiku dhe një pjesë e parisë çame vendosën të organizojnë kuvendin e
Margëlliçit.451 Qëllimi kryesor i këtij kuvendi ishte gjetja e rrugëve të paqtimit midis dy
komuniteteve. Për të qenë sa më rezultativ në zgjidhjen e çështjeve që shqetësonin
banorët e dy komuniteteve, në këtë takim u vendos që të merrnin pjesë anëtarë të
komunitetit ortodoks dhe atij muslimanë të Çamërisë.
Pavarësisht acarimit të situatës, qarqet greke as që kishin ndërmend të nxisnin
paqe midis banorëve dhe aq më tepër të uleshin në bisedime për zgjidhjen reciproke të
çështjeve që shqetësonin bashkësitë fetare. Duket qartë se kjo situatë e krijuar
artificialisht nga autoritetet greke iu vinte për shtat interesave të ngushta të tyre, duke
krijuar një situatë krejtësisht të paqartë në dëm të shqiptarëve, të cilët ishin të pambrojtur
nga administrata civile dhe ushtarake vendore. Të vendosur për t’u bërë ballë presioneve
të xhandarmërisë greke, shqiptarët e Çamërisë vendosën që në zonat e banuara prej tyre
447 Jorgos Margaritis, Nga humbja në revoltë. Greqia, pranverë 1941-vjeshtë 1942, (Athinë, Politis 1993),
164. 448 AUSSME, L-15, Raccoglia 23, fasc.3. Relacion i Komandës së Lartë të Forcave të Armatosura italiane
në Greqi, dërguar Komandës Supreme, mbi veprimtarinë e zhvilluar në fushën ekonomike dhe politike
gjatë një viti të pushtimit italian në Greqi, 3 gusht 1942. 449 Margaritis, Bashkëpatriotë të padëshiruar..,159. 450 Po aty.,160. Shtojcë dokumenti. Raport i inspektorit të ekonomisë Evangjelos Palaska për Komandën e
Përgjithshme të Epirit, qershor 1942. 451 Isufi, Jasin Sadiku..,175.
Çështja çame gjatë Luftës së Dytë Botërore Lorenc Agalliu
88
të mos shkelte më asnjë këmbë qeveritari apo xhandari grek. Në kërkesën e tyre drejtuar
konsullit italian në Filat, Pelisonit, muslimanët shqiptarë ndër të tjera kërkonin që,
fajtorët e vrasjes së shqiptarëve tashmë të identifikuar, të arrestoheshin dhe të merrnin
dënimin e duhur, në të kundërt zemërimi i shqiptarëve do të binte ndaj grekëve.452
Krimet dhe vrasjet ndaj shqiptarëve muslimanë prej të krishterëve grekë
konsideroheshin nga grekët si rezistencë kombëtare dhe luftë kundër armiqve të Greqisë.
Shpeshherë aktet e pabesa të grekëve, të cilët në prita dhe natën vrisnin krerët muslimanë
shqiptarë ktheheshin në muza popullore, aq sa këndoheshin në dasma dhe panairet që
organizoheshin nga të krishterët. 453 Abuzimet e xhandarmërisë vendase greke si dhe
vrasjet e bandave greke ndaj krerëve çamë nuk kishin marrë fund. Akti që shkuli nga
themelet paqen e brishtë që ishte vendosur në Çamëri midis grekëve ortodoksë dhe
muslimanëve shqiptarë, ishte vrasja e veprimtarit të shquar të lëvizjes çame Jasin Sadiku
në 6 dhjetor 1942. Vetë Prefekti i Gumenicës, Kondojanis, vrasjen e Jasim Sadikut do ta
cilësonte si një moment të keq për prishjen e qetësisë relative që ishte vendosur deri tani
në krahinën e Çamërisë. Në raportin e tij dërguar Komandës së Përgjithshme në Janinë,
prefektura e Thesprotisë (Çamërisë) njoftonte më datë 14 dhjetor 1942, se: “Fatkeqësisht
u vra në rrethinat e Pargës njëri nga faktorët më të rëndësishëm të muhamedanëve, Jasin
Sadiku, veprim i kryer nga kriminelë të panjohur dhe që minoi të gjithë ndërtesën e
pajtimit që synohej të arrihej midis muhamedanëve dhe të krishterëve”.454
Vrasja e Jasin Sadikut ishte një provokacion i hapur ndaj shqiptarëve të Çamërisë,
të cilët kuptuan se, tashmë grekët në dëshpërim e sipër mund të kryenin krime akoma dhe
më të rënda. Autori J. Margaritis thekson se, “në kohën kur përpjekjet e faktorit vendas
për të arritur një periudhë paqe midis dy komuniteteve ishin intesifikuar, vrasja e Jasin
Sadikut prej Ilia Nikos, plotësoi proçesin e përçmimit të mekanizmave shtetërorë në
Thesproti”.455 Vrasja e Jasin Sadikut shkaktoi një zemërim të fuqishëm në radhët e
muslimanëve shqiptarë. Vala e hakmarrjes ndaj të krishterëve grekë dhe kryesisht ndaj
vllehëve po fillonte dhe të rritej, për shkak se ata njiheshin si ekzekutorët e udhëheqësit
dhe nacionalistiti çam Jasin Sadiku. Hakmarrja e shqiptarëve ndaj të krishterëve grekë
nisi menjëherë që pas kryerjes së ritit për varrosjen e trupit të Jasin Sadikut. Në
gjaknxehtësi e sipër, dhjetra shqiptarë të zemëruar nga vrasja e Jasin Sadikut sulmuan
fshatrat e krishtera. Objekt i këtij sulmi u bënë kryesisht pronat e banorëve grekë, të cilat
më parë kishin qenë në zotërim të shqiptarëve.
Denigrimit i figurave patriotike çame, prej historianëve grekë, duke i konsideruar
ata dhe gjithë popullsinë çame si bashkëpunëtorë të fshistëve italianë dhe nazistëve
gjermanë, bëhet vetëm për të njollosur tërë veprimtarinë patriotike të minoritetit çam në
luftë kundër pushtuesve të huaj. Autori grek V. Krapstitis, patriotin e shquar çam Jasin
Sadikun, herë e paraqet si grabitës të fshatrave të krishtera, herë si komandant çete dhe
herë si bashkëpunëtor të fashistëve italianë.456
452Po aty. 453 Sharra, Istoria tis…, 218-219. 454 Margaritis, Bashkëpatriotë të padëshiruar.., 171. Shtojcë dokumenti. Njoftim i Prefektit të Igumenicës,
K. Kondojanis, dërguar Komandës së Përgjithshme të Epirit në Janinë, datë 14. Dhjetor 1942. 455 Po aty., 137. 456 Basilis Krapsites, Oi muusoulmanoi Tsamides tis Thesprotia, (Athinë, 1986), 66- 67.
Çështja çame gjatë Luftës së Dytë Botërore Lorenc Agalliu
89
Frika nga ndonjë hakmarrje e mundshme e shqiptarëve çamë, e detyroi gjithë
popullsinë e krishterë të fshatit Spatharë, që gjatë dimrit të vitit 1942 të merrnin malet
dhe të strehoheshin familjarisht në kushte të vështira.457 Në shenjë hakmarrje, shqiptarët
çamë vranë kryetarin e Komunës së Spatharit, Vasil Cupi si dhe priftin Spiridon Nuci, i
njohur për nxitjen e dhunës kundër shqiptarëve çamë dhe familjeve të tyre.458 Tashmë
ushtrimi i forcës ishte bërë e vetmja mënyrë për të vendosur rend dhe qetësi. Në kushtet e
një anomalie të thellë dhe të zbrazdësisë së ekzistencës të një pushteti qëndror dhe
vendor, situata në Çamëri u rëndua së tepërmi. Siç thekson dhe autori Ibrahim Hoxha,
gjatë vitit 1942, për shkak të situatës së krijuar në Çamëri prej ekzistencës së dy
pushteteve, atij grek dhe shqiptar, pati shumë përplasje midis dy komuniteteve etnike.459
Për të qetësuar gjakrat e ndezura si dhe me synimin e afrimit të distancave të
krijuara midis dy komuniteteve, u ra dakord të krijoheshin komisione të përbashkëta, ku
në përbërje të tyre do të kishte përfaqësues të minoritetit çam dhe atij grek të krishterë.
komisione të tilla u ngritën në fshatin Kastrizë të Gumenicës, ku në përbërje të tij ishin
njerëz me influencë në jetën sociale të zonës si: Ali Hajro, Refat Rusho, Miço Papai,
Mitro Barba, Mehmet Malko etj. Detyrë kryesore e komisioneve, ndër të tjera do të ishte
diskutimi dhe zgjidhja e mosmarrëveshjeve të krijuara deri tani midis dy komuniteteve
dhe kryesisht zgjidhja e çështjes së pronave dhe i kthimit të gjësë së grabitur nga të
krishterët familjeve muslimane.460 Veprimtaria e këtyre Komisioneve synonte të paktën
që të arrihej një zgjidhje qoftë dhe e përkohshme e me kompromisin e të dyja palëve.
Këto komisione përveç të tjerave do të evidentonin dhe do të nxirrnin para drejtësisë
personat përgjegjës e shkaktarë të trazirave të krijuara deri në momentin e shqyrtimit të
problemit. 461 Krahas kësaj, synohej që vendosja e një administrate të drejtë dhe të
vetëdijshme për detyrat e saj, do të ndihmonte në qetësimin e situatës.
Ideja për krijimin e komisioneve të përbashkëta, sigurisht që kërkonte dhe
aprovimin e administratës ushtarake italiane të Çamërisë. Mirëpo, Komanda e Lartë
ushtarake italiane për intersat e saj e kundërshtoi që në fillim këtë nismë të faktorit
përparimtar vendas. Përpjekjet e shiptarëve përparimtarë dhe e grekëve, të cilët kërkonin
zhvillimin e një jete normale, administrata ushtarake italiane nuk i aprovonte, pasi
interesi i italianëve ishte vazhdimi i gjendjes së nderë dhe shtimi i konflikteve midis
komunitetit ortodoks grek dhe atij shqiptar musliman në Çamëri.
Autori grek J. Margaritis, duke mos fshehur vullnetin e mirë dhe dëshirën e një
pjese të përfaqësuesve të administratës greke për gjetjen e rrugëve të paqtimit midis dy
komuniteteve, shpjegon se, “ato thjesht u bënë në kohën e shpërthimit përfundimtar”.462
Autoritetet greke, në fillim ishin të interesuara që për hir të vazhdimësisë të pushtetit grek
dhe të ekzistencës së administratës greke në krahinën e Çamërisë, të mos denjonin të
merrnin masa për qetësimin e situatës. Vetëm në momentin kur tashmë ekzistenca e tyre
po vihej në diskutim, përfaqësues të administratës vendore greke shtuan përpjekjet për
gjetjen e rrugëve të zgjidhjes së problemeve midis dy komuniteteve. Të ndërgjegjshëm
457 Isufi, Jasin Sadiku.., 221. 458 Margaritis, Bashkëpatriotë të padëshiruar.., 171. 459 Hoxha, Viset kombëtare shqiptare…, 332. 460 Po aty. 461 Margaritis, Bashkëpatriotë të padëshiruar.., 169. 462 Po aty., 133.
Çështja çame gjatë Luftës së Dytë Botërore Lorenc Agalliu
90
për krimet e shkaktuara në të kaluarën ndaj minoritetit çam, si dhe frika nga ndonjë
eleminim fizik si pasojë e hakmarrjes së shqiptarëve, e detyroi administratën lokale greke
të Çamërisë të kërkonte rrugët e shpëtimit.
Në shumë raste çamët muslimanë dhanë kontributin e tyre dhe në shpëtimin e
jetëve të banorëve ortodoksë qofshin këta shqiptarë dhe grekë. Gjatë rrethimit nga ana e
gjermanëve të fshatit Palohor, në fillim të vitit 1943, me qëllim arrestimin e disa çamëve
ortodoksë, të cilët më parë kishin refuzuar bashkëpunimin me gjermanët, ishte Dino
Laçku, pinjoll i një familjeje muslimane ai që sakrifikoi dhe lajmëroi banorët të
shpërnguleshin para se të mbërrinin gjermanët.463
Në maj të vitit 1943, disa individë muslimanë çamë në shenjë hakmarrje ndaj
grabitjeve të kryer në pronat dhe shtëpitë e tyre, sulmuan fshatin Kastrizë i cili banohej
nga të krishterë shqiptarë. 464 Të gjendur përballë kësaj situate, krerët e këtij fshati
kërkuan ndihmën e parisë muslimane të fshatrave Grikohor, Varfanj, Salicë, Gravë etj,
ndihmë kjo që nuk vonoi të vinte. Si rezultat i ndërhyrjes së krerëve muslimanë të këtyrë
fshtarave situata në Kastrizë u qetësua dhe u arrit që të ndaleshin veprimet që nxisnin
dhunën midis dy komuniteteve.
Nga analiza e rasteve të përmenduar, arrijmë në përfundimin se shumica e
popullsisë muslimane çame ishte për një bashkëjetesë në paqe dhe në harmoni me
komunitetin ortodoks. Veprime individuale të cilët nxisnin dhunën në Çamëri gjatë kësaj
periudhe ishin të shumta dhe ato vinin nga të dy minoritetet. Përsa i përket veprimeve të
cilat vinin nga radhët e popullsisë muslimane çame, mund të themi se masa e gjerë e
popullsisë shqiptare i dënonte ato. Një vlerësim të tillë e ka theksuar dhe historiani grek
N. Zhango, i cili në veprën e tij është shprehur se, popullsia muslimane në Çamëri nuk
ishte dakord me krimet. Ata kërkonin të zhduknin armiqësitë dhe frymën e përçarjes në
popull.465
463 Liço, Probleme të marrëdhënieve.., 241. 464 Isufi, Musa Demi.., 232. 465 Zhango, Imperializmi anglez.., 137.
Çështja çame gjatë Luftës së Dytë Botërore Lorenc Agalliu
91
KAPITULLI TRETË
PJESËMARRJA E POPULLSISË ÇAME NË LËVIZJEN ANTIFASHISTE
GREKE
3.1. Lëvizja antifashiste e popullsisë çame dhe formacionet e para partizane.
Për patur një panoramë sa më të qartë të zhvillimit të rezistencës antifashiste në
Greqi gjatë Luftës së Dytë Botërore, si dhe për të kuptuar rolin që pati popullsia shqiptare
çame në këtë lëvizje, jemi të detyruar të japim një tablo të përgjithshme të zhvillimeve
politike dhe ushtarake në Greqi gjatë kësaj periudhe. Krahas trajtimit të ngjarjeve lidhur
me zhvillimin e rezistencës greke ndaj ushtrive pushtuese, me rëndësi të veçantë është
analiza e fakteve dhe ngjarjeve, të cilat kanë të bëjnë kryesisht me mënyrën se si forcat
politike greke e panë pjesëmarrjen e popullsisë shqiptare në luftë ndaj pushtuesve
gjermanë. Roli i misioneve britanike në Greqi si dhe qëndrimi i tyre ndaj forcave politike
greke dhe popullsisë shqiptare në veçanti, është një tjetër diskutim, i cili lidhet ngushtë
me trajektoren që mori vetë lëvizja antifashiste në Greqi.
Me futjen e trupave gjermane në Ballkan, rezistenca antifashiste kundër ushtrive
të Boshtit kishte hyrë në një fazë të re zhvillimi. Ballkani tani ishte bërë një pikë referimi
i ushtrive aleate për të krijuar një front të gjerë antifashist dhe me pjesmarrjen e të gjitha
forcave politike e ushtarake të rajonit. Aktet e para të rezistencës greke kundër ushtrive të
boshtit ishin akte sabotazhi apo kundërshtimi ndaj regjimit të ri kuisling të instaluar në
Greqi. Një hov të rëndësishëm, lëvizja antifashiste e popullit grek, ashtu si dhe e popujve
të tjerë të shtypur të Evropës lindore, mori pas mësymjes së trupave gjermane në
Bashkimin Sovjetik. Ishte pikërisht rezistenca e popullit rus dhe lëvizja komuniste ruse,
ajo që zgjoi qëndresën antigjermane të grupeve komuniste në të gjithë Evropën dhe
Ballkanin. Si pasojë e rezistencës ruse ndaj trupave hitleriane, grupimet e majta në
Evropë u aktivizuan fuqishëm.
Në shtator të vitit 1941, me inisiativën e një grupi oficerësh dhe ushtarakësh
republikanë, në Greqi u krijua Lidhja Demokratike Kombëtare Greke (EDES). Në krye të
kësaj force politike, si udhëheqës politik qëndronte Nikolas Plastiria, ndërsa si komandat
ushtarak, u vendos Napoleon Zerva.466 EDES-i, më shumë se sa një forcë politike e
ushtarake, u formua si një bandë e armatosur (andartë), e cila gjatë periudhës së luftës në
Greqi u përdor nga Zerva për qëllimet e tij personale. Ai e transformoi EDES-in në një
organizatë autoritare për të arritur aspiratat e tij politike.
Në kuadrin e organizimit të grupimeve të majta edhe në Greqi, në shkurt të viti
1942 u themelua Fronti Çlirimtar Kombëtar Grek (EAM), me udhëheqës politik Aris
Velokiotis. Qëllimi kryesor dhe veprimtaria fillestare e EAM-it, ishte organizimi i
rezistencës ndaj trupave hitleriane si dhe zgjedhje të lira dhe forma e qeverisjes pas
466 Mark Mazouer, Inside Hitler’s Greece. The Experience of Occupation 1941-1944, Yale University
Press, (New Haven and London, 1993), 106.
Çështja çame gjatë Luftës së Dytë Botërore Lorenc Agalliu
92
çlirimit të vendit. EAM-i mori drejtimin politik të rezistencës ndaj ushtrive të Boshtit,
ndërsa krahu ushtarak i armatosur i saj ELAS, e njohur si Ushtria Çlirimtare Kombëtare e
popullit grek, mori drejtimin e operacioneve ushtarake. Fillimisht, megjithë thirrjen e
drejtuar nga krerët komunistë të EAM-it për bashkimin e forcave greke pa dallime kundër
pushtuesve, mbështetja për këtë forcë politike ishte e pakët. Vetëm një grup i vogël i
socialistëve grekë dhe disa grupe agrare iu bashkuan thirrjes së EAM-it për bashkimin e
rezistencës greke.467
Megjithë fillimin e vështirë për shtimin e rradhëve të EAM/ELAS-it, gjendja e
rënduar ekonomike dhe kriza e shkaktuar nga lufta, e detyroi popullsinë greke, kryesisht
atë rurale, të mos kishte rrugë tjetër veçse të përqafonte idetë e grupimeve të majta greke.
Kështu, deri në mesin e vitit 1944, EAM-i numëronte mbi 500.000 mbështetës politikë,
ndërsa krahu i saj i armatosur ELAS, numëronte rreth 60.000 luftëtarë. 468 Po t’i
referohemi statistikave, numri i forcave ushtarake të EAM/ELAS-it që nga krijimi i saj e
deri në përfundim të Luftës së Dytë Botërore erdhi duke u rritur në mënyrë drastike
megjithë përpjekjet e oficerëve britanikë për të dobësuar këtë forcë politike. Mjafton të
kujtojmë se, në fillim të vitit 1943, EAM/ELAS-i numëronte në radhët e saj rreth 12.000
trupa, përkundrejt 4000 vetëve të rreshtuar në radhët e EDES-it.469
Si një aleate e vjetër e Greqisë, Britania e Madhe mori në dorë organizimin e
rezistencës antifashiste në Greqi. Misionet e para britanike u hodhën në Greqi në vjeshtë
të vitit 1942. Nga frika se mos rezistenca antifashiste greke do të binte në duart e EAM-it,
britanikët nxituan të dërgonin në Greqi misionet ushtarake me qëllim organizmin e së
djathtës greke. Synimi fillestar i hedhjes së këtyre misioneve, ishte ndërmarrja e
aksioneve të sabotazhit në prapavijën greke, me qëllim ndërprejen e rrugëve të furnizimit
dhe komunikimit të trupave gjermane në Afrikën Veriore. Në krye të misionit britanik u
vendos oficeri Edmund Myers (Edmund Majers) dhe si zëvendës i tij Christopfer
Montague Woodhouse (Kristofer M. Uathaus), i njohur nga grekët si Kris dhe nga
britanikët e tjerë me nofkën Monti. Një nga përbërësit kryesor të misionit britanik në
Greqi, ishte dhe Nicholas Hammond (Nikola Hamond), i njohur dhe ky si një
antikomunist dhe djathtist i vendosur. Pas largimit të Majersit nga skena greke, ishte
Uathaus ai që do të merrte më pas drejtimin e misionit britanik në Greqi, i cili do të njihet
dhe si mbështetësi kryesor i politikës nacionaliste dhe antishqiptare të Zervës.
Që në fillim të veprimtarisë së tyre, oficerët britanik të atashuar pranë
nacionalistëve grekë shfaqën hapur tendencat e tyre filohelene dhe antikomuniste. Krahas
pikpamjeve antikomuniste, krerët e misioneve britanike të atashuar pranë nacionalistëve
grekë, të ndikuar dhe nga pikpamjet ekstremiste antishqiptare të zervistëve, nuk vonuan
të binin nën ndikimin e tyre. Politika që ndoqën misionet aleate në Greqi, duke përkrahur
EDES-in nga njëra anë dhe, duke sabotuar punën e EAM-it nga ana tjetër, shkaktoi dëme
të pallogaritshme në rezultatet e luftës antifashiste në Greqi. Gjithashtu, me ndërhyrjen e
forcave nacionaliste greke, një pjesë e oficerëve britanikë në Greqi sabotuan qëllimisht
përpjekjet për të tërhequr në luftë minoritetin shqiptar çam. Ka nga ata autorë që
mendojnë se, njerëz të shitur te pushtuesit dhe tek britanikët, ndoqën një politikë të
467 Clogg, Histori e Përmbledhur.., 125. 468 Po aty., 128. 469 Hondoros, Occupations and Resistance.., 117.
Çështja çame gjatë Luftës së Dytë Botërore Lorenc Agalliu
93
paramenduar, e cila synonte të komplikonte situatën në zonën ku vepronte EDES-i dhe
minoriteti çam.470
Në kohën kur ishin krijuar dy kampet kryesore politike e ushtarake greke, të cilat
diktuan deri në fund në ngjarjet e Luftës së Dytë Botërore në Greqi, edhe në rradhët e
shqiptarëve të Çamërisë u shfaqën dy rryma kryesore. Njëra rrymë, e cila përfaqësohej
nga vëllezërit Masar dhe Nuri Dino, i kishte shfaqur më herët pikëpamjet e saj rreth
qëndrimit ndaj forcave të huaja pushtuese. Që në fazën e parë të pushtimit italo-gjerman
të Greqisë, përfaqësuesit kryesorë të këtij formacioni politik, kishin shprehur hapur idenë
se ishin për një bashkëpunim me ushtrinë italiane. Në këto rrethana të ndërlikuara të
situatës politike në Greqi, grupimi nacionalist çam i udhëhequr nga vëllezërit Dino, luajti
një rol të rëndësishëm në trajtimin e çështjes çame.
Propaganda e bërë nga pushtuesit, si dhe nga nacionalistët çamë të udhëhequr nga
Nuri Dino për bashkimin e Çamërisë me Shqipërinë vetëm nën mbrojtjen e ushtrisë italo-
gjermane, bëri që në nisje puna për inkuadrimin e çamëve në radhët e lëvizjes antifashiste
nacionalçlirimtare të ishte e vështirë. Popullsia çame në Greqi e kishte të qartë, se
pjesëmarrja e saj përkrahë rezistencës antifashiste greke, ishte e lidhur qëllimisht dhe me
trysninë që ushtrohej ndaj kësaj popullsie prej forcave zerviste e nacionaliste të EDES-it.
Në të njëjtën kohë, përshtjellimi i situatave midis dy kampeve politike e ushtarake greke,
diktonte natyrshëm dhe qëndrimin e popullsisë çame gjatë Luftës së Dytë Botërore,
qëndrim ky i pasqyruar me pjesëmarrjen gjerësisht të popullsisë shqiptare përkrah EAM-
it. Duke analizuar sjelljen e popullsisë çame gjatë kësaj faze të zhvillimit historik në
Çamëri, Prof. Fatmira Rama thekson se, minoriteti çam u përpoq të qëndronte si përballë
presioneve të administratës kolaboracioniste greke, ashtu dhe ndaj forcave pushtuese, të
cilat synonin ta mbanin këtë popullsi larg rezistencës antifashiste.471
Rryma tjetër, e cila për nga numri ishte më i lartë, përfqaësohej nga Musa Demi,
Prokop Shqevi etj, shprehu hapur vullnetin e saj për bashkëpunim midis dy komuniteteve
të Çamërisë dhe bashkimin e forcave kundër pushtuesve të huaj. Aktiviteti i patriotëve të
shquar çamë kundër pushtuesit italianë dhe gjermanë, është më i hershëm nga sa është
shkruar në historiografinë greke. Aktivistë çamë si, Musa Demi, Njazi Demi, Abdyl
Demi, Kasem Demi, Hilmi Seiti, Alush Sejko e shumë të tjerë, janë të skeduar për
veprimtarinë e tyre antiitaliane që në ditët e para të pushtimit italian të Greqisë.472
Të përndjekur nga qeveria greke e Metaksait si veprimtarë të çështjes kombëtare
shqiptare, një pjesë e mirë e patriotëve çamë u rreshtuan në radhët e Partisë Komuniste
Shqiptare në Tiranë, që në ditët e para të krijimit të saj. Të dhënat arkivore të nxjerrë nga
dokumentet e administratës fashiste në Shqipëri, vërtetojnë më së miri aktivitetin
antiitalian të këtyre elementëve çamë. Në të njëjtën kohë, këto dokumente hedhin poshtë
tezën greke, që i klasifikon të gjithë çamët shqiptarë të Greqisë si bashkëpunëtorë me
fashizmin. Aktiviteti i tyre kundër pushtuesve italianë dhe gjermanë është një dëshmi e
gjallë e rezistencës së popullit shqiptar, e veçanërisht atij çam në luftën antifashiste
nacionalçlirimtare. Ishin pikërisht këta elementë përparimtarë të lëvizjes antifashiste
470 Liço, Probleme të marrëdhënieve.., 245. 471 Fatmira Rama, Dukuri arsimore gjatë Luftës së Dytë Botërore, Tiranë, Argeta-LMG, 2005. 472 AQSH, F.153, V.1942, D.294, fl.224.
Çështja çame gjatë Luftës së Dytë Botërore Lorenc Agalliu
94
nacionalçlirimtare çame, që u bënë bërthama për krijimin e çetave të para luftarake, të
cilat luftuan përkrah forcave greke të EAM-it.
Një ndihmesë të madhe në organizimin e elementëve të ndershëm çamë dhe
largimin e atyre shqiptarëve të gënjyer, të cilët ishin rekrutuar në radhët e xhandarmërisë
italiane dha anëtari i Partisë Komuniste Shqiptare me origjinë çame, Ali Demi.473 Ali
Demi, gjatë kohës kur Italia fashiste filloi sulmin ndaj Greqisë ndodhej në Tiranë dhe
merrej me veprimtarinë komuniste antiitaliane në radhët e PKSH. Në mënyrë ilegale ai u
hodh në Çamëri për organizimin e të gjithë elementëve përparimtarë çamë, si dhe për
përhapjen e propagandës komuniste në favor të luftës antifashiste nacionalçlirimtare.
Përveç thirrjeve drejtuar çamëve për bashkim pa dallim feje dhe ideje, Ali Demi i
këshillonte bashkëpatriotët e tij, që të linin mënjanë hasmëritë dhe hakmarrjet e vjetra
ndaj grekëve dhe të bashkoheshin me ta në luftë kundër pushtuesit të përbashkët.474 Kjo
inisiativë patriotike e tij dha rezultate mjaft të kënaqshme, pasi ajo jo vetëm ngjalli
frymën antifashiste te populli shqiptar çam, por njëkohësisht solli solidaritetin midis
çamëve patriotë për një veprim të përbashkët dhe të organizuar. Falë veprimtarisë së tij
dhe të Musa Demit, patriotët çamë filluan të organizojnë njësitet e guerrile dhe çetat e
para të armatosura në Çamëri, të cilat më vonë u radhitën pa hezitim përkrahë EAM-it, në
luftën kundër pushtuesve nazifashistë.
Nismëtarë për organizimin dhe ngritjen e çetave të para luftarake antifashiste në
krahinën e Çamërisë u bënë patriotët çamë si, Musa Demi dhe mësuesi Prokop Shqevi, i
cili prej kohësh qëndronte në shtëpinë e Musa Demit.475 M. Demi, që në fillim të vitit
1942, filloi të punonte për organizimin e lëvizjes antifashiste nacionalçlirimtare në
Çamëri. Ai dhe e gjithë familja e tij u vunë në shërbim të çështjes kombëtare shqiptare
dhe në shërbim të luftës antifashiste nacionalçlirimtare. Në shtëpinë e Musa Demit
organizoheshin takime të fshehta midis anëtarëve të lëvizjes komuniste shqiptare, pjesë e
së cilës ishin shumë studentë, bijë dhe bija të Çamërisë si; Taho Sejko, Teme Sejko,
Vehip Hyso, Vehip Demi etj, Këta të rinj, ish nxënës dhe student në shkollat shqiptare në
Shqipëri, mbanin kontakte të ngushta më udhëheqës të Partisë Komunistë Shqiptare të
Tiranës. 476 Veprimtaria kryesore e këtij grupimi në fillim të aktivitetit të tij, ishte
vendosja e kontakteve me krerët kryesorë të lëvizjes antifashiste çame, si dhe koordinimi
i veprimeve midis çetës mikste të Filatit me komandën partizane të Konispolit, e cila në
atë kohë drejtohej nga Rexhep Plaku dhe Haki Rushiti.
Në sajë të bashkëpunimit midis shqiptarëve muslimanë dhe komunitetit ortodoks,
në fund të vitit 1942 në Çamëri u formua çeta e parë e armatosur si pjesë e ushtrisë së
ELAS-it. Udhëheqësit kryesorë të kësaj çete ishin, Musa Demi, Prokop Shqevi, Njazi
Demi, Kasem Demi, Mustafa Sulo, Dervish Dojaka, Muharrem Demi, Braho Karasani,
Sami Alushi, Tahir Demi, Vehip Huso, Nikolla Kukani, Jani Konti, Vangjel Dhupi e
shumë të tjerë.477 Krijimin e çetës së armatosur të Filatit, studiuesi shqiptar H. Isufi e
vendos diku aty nga fillimi i muajit janar i vitit 1943.478 Ndërsa historiani B. Meta,
473 Po aty, F. 14/AP, D.M/23, fl.20. Kujtime të Musa Demit. 474 Po aty. 475 Isufi, Musa Demi dhe qëndresa.., 237. 476 Po aty. 477 Liço, Probleme të marrëdhënieve…,242. Isufi, Musa Demi dhe qëndresa.., 237. 478 Isufi, Musa Demi..., 237.
Çështja çame gjatë Luftës së Dytë Botërore Lorenc Agalliu
95
krijimin e kësaj çete e përcakton në dimrin e vitit 1942-1943.479 Në fillim të aktivitetit të
saj kjo çetë ngriti grupet e para politike-ushtarake, si në Çamëri, ashtu dhe në zonën e
Konispolit, brenda kufirit shqiptar. Si rezultat i kësaj pune, u bë e mundur rrëzimi i
organeve të vjetra drejtuese të kryepleqësive dhe në vend të tyre u formuan këshillat
antifashistë nacionalçlirimtar.480
Vetë situata e krijuar në gjithë Europën dhe më gjerë, nxirrte në plan të parë
fashitjen e problemeve që kishin patur grupe të ndryshme dhe bashkimin e forcave të
përbashkëta kundër pushtuesve nazi-fashistë. EAM-i, që herët kishte përkrahur idenë e
bashkëpunimit me të gjithë minoritetet që ndodheshin në Greqi. Në dhjetor të vitit 1942,
EAM-i organizoi Konferencën Panhelene, në të cilën vendosi që, minoritet dhe pakicat
kombëtare, të cilat ekzistonin në shtetin grek mund të ishin pjesë përbërëse e forcave
politike dhe ushtarake të saj.481 Në deklaratën përfundimtare të kësaj konference thuhej
se; “Në aleancën mbarë popullore të EAM-it kanë vend të gjithë forcat e popullit grek
dhe të minoriteteve kombëtare pavarësisht nga partitë, klasat shoqërore, pikëpamjet
politike dhe ato fetare”.482 Kjo thirrje u prit mirë si nga popullsia çame, ashtu dhe nga
PKSH, e cila shpresonte në rritjen e përkrahjes së minoritetit shqiptar çam dhe rreshtimin
e tij në radhët e ushtrisë nacionalçlirimtare greke e shqiptare.
Në fillim të vitit 1943, njësiti luftarak i Filatit i përbërë nga luftëtarë çamë, u
bashkua me njësitin grek në fshatin Koqinishtë. Të dyja këto çeta krijuan në këtë mënyrë
një formacion ushtarak të përbashkët, që për nga veprimtaria dhe numri ishte i dyti në
gjithë krahinën e Epirit.483 Kjo çetë me shtimin e rradhëve të saj, iu bashkua më pas
Regjimentit të XV të forcave të ELLAS-sit, deri në përfundim të Luftës së Dytë
Botërore.484
Gupi i parë i luftëtarëve shqiptarë çamë i krijuar në Çamëri në janar të vitit 1943,
përbëhej nga një grup njerëzish prej 25-30 personash. Në të merrnin pjesë shqiptarë të
fshatrave përreth, si nga Filati, Finiqi, Galbaqi etj. Shumë shpejtë ata vendosën lidhjet me
përfaqësuesit e rezistencës antifashiste greke. Në kuadër të zgjerimit të luftës antifashiste
të FNÇl shqiptar dhe ELAS-it, një tjetër çetë e përzier, e përbërë nga çamë muslimanë
dhe pjestarë të pakicave greke në Shqipëri, u krijua në fillim të shkurtit 1943 në
Konispol, e cila më vonë do të bëhej bërthama e batalionit “Çamëria”.485 Numri fillestar i
anëtarëve të kësaj çete ishte rreth 40-50 persona, por shumë shpejt ky numër u rrit në mbi
250 luftëtarë. Komandanti i parë i kësaj çete ishte Haki Rushiti, i cili më pas do të kalonte
në anën e çetave të Ballit Kombëtar Çam të udhëhequr nga Nuri Dino.
Në kuadër të bashkëpunimit të Frontit Nacional çlirimtar shqiptar me EAM-in
grek, në fund të muajit shkurt dhe fillim të muajit mars të vitit 1943, një komision i
përbashkët i përbërë nga Rexhep Plaku, Taho Sejko, Vehip Demi, i cili ishte dhe si i
dërguar i EAM-it grek për Çamërinë, u dërguan në fshatrat e çame për mobilizimin e
479 Meta, Tensioni greko-shqiptar.., 152. 480 Hoxha, Viset kombëtare shqiptare.., 338. 481 Zhango, Imperializmi anglez…,143-144. 482 Po aty. 483 Meta, Tragjedia çame.., 64. 484 Mazouer, Inside Hitler’s Greece..,15. 485 Manda, Çamët myslimanë…, 157.
Çështja çame gjatë Luftës së Dytë Botërore Lorenc Agalliu
96
forcave të reja partizane çame dhe ngritjen e Këshillave Antifashistë
Nacionalçrilimtarë.486
Në datën 7 mars ky, komision i shoqëruar dhe nga 2 partizanë shqiptarë dhe një
grek, si përfaqësues i EAM-it, pasi përshkoi fshatrat Shalës, Vërvë, Dishat, së bashku me
një pjesë të çetës çame prej 20 personash, shkuan në fshatin Koskë, në Çamërinë tej
kufirit. Në këtë fshat, ata u pritën nga një përfaqësi e çetës partizane greke që vepronte në
atë zonë. Në takimin e zhvilluar midis përfaqësuesve të të dy çetave dhe popullsisë
vendase, u ra dakord, që të mbështeteshin aksionet kundër italianëve dhe
bashkëpunëtorëve të tyre, qofshin këta grekë apo shqiptarë.487
Një ditë më pas, ky komision shkoi në fshatin Spatar, ku ishin mbledhur dhe
përfaqësues të çetave partizane çame të katundeve të Filatit. Në këtë takim, pas një pritje
të ngrohtë që iu bë përfaqësuesve greko-shqiptarë nga popullsia vendase, u bisedua rreth
mundësisë së bashkimit greko-shqiptar. Në përfundim të takimit u arrit marrëveshja, që
krerët çamë të Filatit të mundësonin kalimin e çetave partizane greke nëpër zonat e
kontrolluara nga çetat partizane çame të Filatit.488 E njëjta pritje, komisionit të përbashkët
iu bë dhe në fshatin Pleshavicë, ku edhe këtu në takimin e zhvilluar me krerët e çetave
vendase u ra dakord që të lejohej veprimtaria ushtarake e çetave partizane mikste të
përbërë nga çamë muslimanë dhe grekë ortodoksë. Në sajë të këtij aktiviteti të ngjeshur
propogandistik, deri në datën 12 mars çeta e përzier kishte 120 luftëtarë të armatosur, ku
60 prej të cilëve, me urdhër të FNCl shqiptar dhe EAM-it grek, mbetën efektiv i
armatosur i çetës dhe 60 të tjerë u shpërndanë nëpër fshatrat Shalës, Dishat, Vërvë, Ninat,
Janjar, etj. për të qenë pjesë e njësiteve guerrile të këtyre fshatrave.489
Në shumë fshatra të Çamërisë, në bashkëpunim me forcat partizane shqiptare dhe
greke u krijuan Këshilla Nacional çlirimtar, të cilët morën funksione administrative në
ato zona ku vepronin. Në mars të vitit 1943, në fshatin Koskë u krijua Këshilli
Nacionalçlirimtar Çam. Ky këshill u krijua falë punës së përbashkët të krerëve lokalë
çamë si, Taho Sejko dhe Vehip Demi etj, në bashkëpunim me krerët e EAM-it dhe të
FNÇSH.490 Edhe në fshatrat e Filatit u vendos pushteti i këshillave nacional çlirimtar, të
cilët morën masa kundër spiunëve të fashizmit dhe bashkëpunëtorëve të tyre. Në ato zona
ku ishin ngritur këto këshilla, filloi të mbizotëronte qetësia dhe puna për nxitjen e
banorëve për përkrahjen e rezistencës antifashiste ishte inkurajuese.
Gjithashtu, këshillat nacionalçlirimtar çamë, në bashkëpunim dhe me kuadrot
partizanë të EAM-it grek, filluan një propagandë intensive kundër EDES-it dhe
bashkëpunëtorëve të nazistëve.491 Propaganda synonte t’i bënte të ditur popullsisë çame,
që rruga e vetme për të siguruar lirinë nga pushtuesi i huaj, ishte bashkimi i forcave me
çetat partizane të EAM-it grek dhe ato të Frontit Nacional Çlrimtar shqiptar. Gjithashtu
kjo propagandë kishte për qëllim largimin e asaj pjesë të popullsisë së gënjyer çame, e
cila për arsye të ndryshme ishte rreshtuar përkrah çetave të Ballit Kombëtar Çam të
udhëhequra nga Nuri dhe Masar Dino.
486 AQSH, F.17/APL, V.1943, D.7, fl.14. 487 Po aty., fl.26. 488 Po aty. 489 Po aty. 490 Po aty., fl.14. 491 Liço, Probleme të marrëdhënieve…, 242.
Çështja çame gjatë Luftës së Dytë Botërore Lorenc Agalliu
97
Me inisiativë të Këshillit Nacionalçlirimtar shqiptar, në krahinën e Çamërisë dhe
në zonat kufitare gjatë pranverës së vitit 1943, u dërgua zv. komandanti Lefter Talo, i cili
mori përsipër organizimin e çetave të para luftarake, në përbërje të të cilave kishte
shqiptarë çamë muslimanë dhe pjestarë të pakicave greke në Shqipëri.492
Pas ngritjes së çetës së Filatit, në këtë zonë u formua dhe një tjetër çetë, e përbërë
nga çamë muslimanë dhe grekë, por fatkeqësisht veprimtaria e kësaj çete zgjati shumë
pak. Kjo çetë u shpërnda për shkak të tradhëtisë së Theodhori Vitos, i cili së bashku me
luftëtarët grekë u largua dhe u bë pjesë e ushtrisë edeiste të Napoleon Zervës.493 Ndërsa
luftëtarët çamë të larguar nga shpërbërja e kësaj çete, u bashkuan me çetën e Filatit dhe
më pas u bënë pjesë e batalionit “Çamëria”.
Karakteristikë e veçantë e formimit të çetave të para partizane çame, ishte se në to
merrnin pjesë njerëz pa dallim feje, kombësie apo ideje. Shumë shqiptarë të krishterë iu
bashkuan formacioneve të para ushtarake çame, duke dhënë kontributin e tyre përkrahë
vëllezërve muslimanë në luftë kundër pushtuesve gjermanë. Tjetër karakteristikë e çetave
të armatosura çame, ishte bashkëpunimi në zonat kufitare me Frontin Nacionalçrimtar
shqiptar, i cili e kishte çuar luftën kundër pushtuesve në një fazë tepër të zhvilluar. Me
nxitjen e FNC shqiptar në fshatrat e Çamërisë veriore organizoheshin takime të gjera me
popullsinë vendase, në të cilat kërkohej hedhja e popullsisë çame në krah të ushtrisë
antifashiste greke të EAM-it. Mbledhje të tilla u bënë gjatë muajve mars dhe prill të vitit
1943 në fshatrat Lops dhe Spatar. Në këto takime, krahas përfaqësuesve të Këshillit të
Përgjithshëm Nacionalçlirimtar shqiptar ishin dhe përfaqësues të EAM-it dhe të ELAS-it
grek.494 Emëruesi i përbashkët i këtyre takimeve ishte bashkëpunimi ushtarak midis dy
komuniteteve, inisiativë kjo e dy forcave politike majtiste greko-shqiptare.
Si një zonë tepër e rëndësishme, si për italianët, ashtu dhe për nacionalistët grekë
të udhëhequr nga N. Zerva, Çamëria u bë një nga vatrat kryesore të lëvizjes nacional-
çlirimtare. Në kuadër të organizimit të luftës antifashiste dhe të mobilizimit të popullsisë
shqiptare të Çamërisë, Konferenca Panepirote e Partisë Komuniste greke, që zhvilloi
punimet e saj në maj të vitit 1943 në fshatin Zagori, ndër të tjera miratoi dërgimin e një
ekipi për riorganizimin e qarkorit të Çamërisë dhe për ngritjen në luftë të minoritetit
shqiptar musliman çam.495 Ekipi grek i caktuar për këtë mision, kryesohej nga Kostas
Barkas, anëtar i sekretariatit të Epirit dhe anëtarë të tjerë të komisionit ishin Filip Liço, si
i dërguar për çështejt politike me minoritetin çam dhe Taqi Petko nga fshati Dholan, si i
dërguar i EAM-it për çështjet ushtarake. Këtij ekipi iu bashkuan përfaqësues çamë të
dërguar të Frontit Nacionalçlirimtar shqiptar si, Teme Sejko, Tahir Demi, dhe personi
tretë, nga të dhënat e nxjerrë në mënyrë indirekte nga dokumentet arkivore të kohës, ka të
ngjarë të ketë qenë Lefter Talo, i njohur me pseudonimin “Muzhiku”.496
Në ditët e para të muajit qershor, ekipi i përbashkët greko-çam u nis në krahinën e
Filatit për riorganizmin e këshillave dhe mibilizimin e popullsisë në radhët e çetave
partizane mikste. Ndërsa në ditët në vazhdim, përfaqësuesit e të dy fronteve, shkuan në
zonën e Paramithisë, ku organizuan një mbledhje të madhe me përfaqësuesit e këshillave
492 Hoxha, Viset kombëtare shqiptare…, 338. 493 Po aty. 494 Po aty. 495 Liço, Probleme të marrëdhënieve.., 244. 496 AQSH, F.17/APL, V.1943, D.7, fl.12.
Çështja çame gjatë Luftës së Dytë Botërore Lorenc Agalliu
98
antifashistë të EAM-it, për zonën e Llaka Sulit. Pas përfundimit me sukses të fushatës për
riorganizimin e këshillave antifashistë dhe mobilizimin e popullsisë në radhët e
rezistencës antifashiste, grupi i përbashkët shkoi në vendin e quajtur Shkallë të
Paramithisë për t’u takuar me krerët nacionalistë çamë. Por sabotimi që i bëri kreu i
grupit të punës Kostas Barkas vijës së ndjekur deri tani nga PKG dhe PKSH për tërheqjen
e minioriteteve në gjirin e rezistencës antifashiste nacionalçlirimtare, bëri që kjo
përpjekje të dështonte.497
Për të shmangur keqkuptimet, apo dhe për të nxitur popullsitë greko-shqiptare që
t’i bashkoheshin luftës antifashiste, çeta “Çame” e cila vepronte në këto zona, në muajin
qershor të vitit 1943 i drejtohej me një thirrje të hapur kësaj popullsie në të dy anët e
kufirit. Në thirrjen drejtuar popullsisë çame dhe asaj greke të Konispolit, lidhur me luftën
që i duhej bërë propagandës përçarëse të pushtuesve italianë thuhej; “Mos dëgjoni fjalët
që përhapin italianët fashistë dhe agjentët e tyre, të cilët ju thonë se ne jemi të shitur. Kjo
është propaganda e fashistëve të cilët kanë për qëllim të na përçajnë dhe të na nxisin në
një luftë vëllavrasëse”.498 Në thirrjen e saj, çeta partizane “Çame”, ndërsa i bënte jehonë
luftës heroike të partizanëve shqiptarë, ftonte popullsinë minoritare çame në të dyja anët e
kufirit që të përkrahnin pa hezitim lëvizjen antifashiste të popullit shqiptar, si dhe
bashkimin dhe vëllazërimin me popujt fqinjë dhe me të gjithë popujt e botës, të cilët
luftonin për të siguruar lirinë.499
Pavarësisht pengesave, përpjekjet e PKSH dhe e EAM-it, për nxitjen e pakicës
greke dhe çamëve shqiptarë për përkrahjen e lëvizjes antifashiste nuk munguan. Me
bashkimin e çetave të krijuara deri tani, si dhe me mbështetjen e Frontin Nacionalçrimtar
shqiptar, në qershor të vitit 1943 u krijua batalioni “Çamëria”, pjesë e të cilit ishin
partizanë çamë dhe pjestarë të pakicave greke në Shqipëri. Batalioni “Çamëria” u formua
pas bashkimit të tre çetave partizane, përkatësisht të çetës “At Stath Melani”, çetës
“Alush Taka” dhe të çetës “Hoxha Tasim”. Në përbërje të tyre ishin patriotët e shquar si;
Tefik Dine, komandant i çetës “At Stath Melani”, Diamondi komisar i kësaj çete dhe
përfaqësues i minoritetit vllah në Greqi dhe Shqipëri, Rexhep Huso, Loli Cerro, Sami
Alushi, Izet Malo, komandant i çetës “Hoxha Tasim”, Sami Murat me detyrën komisar,
Muharrem Demi zëvendës komisar, Petro Zhupa, ekonom dhe përfaqësues i popullsisë
minoritare greke.500
Veprimtaria e batalionit “Çamëria” dhe e çetave të tjera, ku në përbërje të tyre
shumica ishin shqiptarë, kryhej pranë kufirit me Shqipërinë, si dhe në zonat e afërta
brenda kufirit të Çamërisë greke. Një nga arsyet kryesore të kësaj veprimtarie në kufijtë e
shtetit shqiptar ishte se, bashkëpunimi i çetave shqiptare çame me FNçl shqiptar ishte më
efikas në këto rajone. Po ashtu, një arsye themelore e ushtrimit të aktivitetit luftarak të
çetave shqiptare në kufirin me Shqipërinë dhe jo në brendësi të territorit të shtetit grek,
ishte propaganda e theksuar nacionaliste antishqiptare e ushtruar prej Zervës dhe forcave
të tij, të cilat nuk lejonin verpimtarinë e çetave shqiptare në territorin grek. Megjithë
pengesat që haste në pjesën e Çamërisë matanë kufirit, batalioni “Çamëria” në shumë
497 Liço, Probleme të marrëdhënieve.., 245. 498 AQSH, F.126/APL, V.1943, D.1, fl.1. Thirrje e çetës partizane “Çame” drejtuar popullit minoritar të
Konispolit. 499 Po aty. 500 Po aty, F.17/AP, V.1943, D.7, fl.1.
Çështja çame gjatë Luftës së Dytë Botërore Lorenc Agalliu
99
raste shkonte dhe në fshatrat ku pjesa më e madhe e popullsisë ishte greke. Partizani
Vehip Hyso, pjesë e këtij formacioni ushtarak kujton se, “kur batalioni ynë vizitoi fshatin
Çamanda, ai u prit nga banorët e krishterë të këtij fshati, të cilët u hapën dyert partizanëve
çamë, duke mbajtur më pas dhe një manifestim në shenjë solidaritetit në qendër të
fshatit.501
Pikërisht për të shuar çdo keqkuptim që kishte lindur nga propaganda fashiste dhe
nga ajo nacionaliste greke, e cila ishte kundër çdo mundësie për bashkim të forcave
progresiste shqiptare dhe greke, çetat partizane çame e ndienin të nevojshme shpjegimin
e situatës para opinionit grek dhe shqiptar të krahinës së Çamërisë. E njëjta situatë
mbizotëronte dhe në ato fshatra me popullsi greke të Shqipërisë, ku reaksioni zervist
kishte arritur të depërtonte mjaft thellë. Edhe në radhët e formacioneve ushtarake të
ELAS-it dhe të krerëve komunistë grekë të EAM-it, që prej vitit 1943, kishte filluar të
dominonte fryma nacionaliste dhe antishqiptare.502
501 Kujtime të Vehip Hysos, cituar sipas Isufi, Musa Demi..,240. 502 Historia e Popullit Shqiptar, vëll.IV, 154.
Çështja çame gjatë Luftës së Dytë Botërore Lorenc Agalliu
100
3.2. Raportet e PKSH dhe FNÇ Shqiptar me EAM-in grek dhe nxitja e rezistencës
në Çamëri.
Çamëria shihej nga EAM dhe FNC si një territor ku duhej të zgjerohej aktiviteti i
lëvizjes antifashiste nacionalçlirimtare. Ky mendim përforcohej më shumë, si nga
përkrahja e popullsisë çame për të luftuar kundër pushtuesit, por edhe nga burimet
ekonomike që kjo krahinë mundësonte për mbajtjen e çetave partizane me furnizime dhe
veshmbathje. Si EAM dhe LANçl iu bënin thirrje popullsive në të dy anët e kufirit me
anë të propagandës në terren dhe të deklaratave të përbashkëta, të cilat përpiloheshin në
gjuhën greke dhe shqipe, që të përkrahnin pa hezitim rezistencën antifashiste kundër
ushtrive të Boshtit.503 Popullsisë minoritare çame në Greqi dhe popullsisë grekfolëse në
Shqipëri, u kërkohej mbi të gjitha që të linin mënjanë hasmëritë e vjetra dhe të
rreshtoheshin pa dallim në rradhët e ushtrive nacionalçlirimtare. Si rezultat i thirrjeve
drejtuar minoriteteve, në radhët e Ushtrisë Nacionalçlirimtare pati një përkrahje të
konsiderueshme nga të dy minoritetet. Si pasojë e vendosjes së bashkëpunimit midis
grupimeve ushtarake të majta greke dhe shqiptare, u realizua disi dhe heqja e pengesave
të mosbesimit që kishte ekzistuar deri tani midis dy popujve fqinjë.
Në frymën e bashkëpunimit ndërmjet dy popujve fqinjë, si dhe të krijimit të
formacioneve luftarake, midis të majtës greke dhe asaj shqiptare u bënë përpjekje për të
vendosur pika të përbashkëta orientimi. Në këtë kuadër, midis Frontit Nacionalçlirimtar
të Greqisë dhe Frontit Nacionalçlirmtar Shqiptar, gjatë mesit të vitit 1943 u shtuan
përpjekjet për të rritur bashkëpunimin midis tyre. Për nxitjen e rezistencës antifashiste në
të dy anët e kufirit greko-shqiptar, ndërmjet përfaqësuesve të EAM-it dhe atyre të
Komitetit Qarkor të Gjirokastrës, në 10 gusht të vitit 1943, në Konispol u zhvillua një
takim i përbashkët.504
Autorja greke E. Manda e cila flet për këtë marrëveshje, shprehet se për palën
greke përfaqësues ishte Miltos Kirjanis (me pseudonimin Aleksis Janaris), për Qarkorin e
Gjirokastrës përfaqësues ishte Qemal Karagjozi (me pseudonimin Çelnika), e ndërsa
përfaqësues i Frontit Nacional Çlirimtar shqiptar ishte Rexhep Plaku, në shtëpinë e të cilit
u zhvilluan bisedimet.505 Nga hulumtimet e bëra nga ana jonë në dokumentet arkivore
shqiptare, rezulton se si përfaqësues i FNÇl shqipar ka qenë i pranishëm një person me
emrin ose pseudonimin Haki, (Haki Rushiti, Haki Shehu, ose pseudonimi i Rexhep
Plakut).506 Krahas përfaqësuesve të EAM-it grek dhe FNÇ shqiptar, të pranishëm në këtë
takim ishin dhe përfaqësues të minoritetit çam në Greqi.
Një nga temat kryesore në këtë takim ishte lënia pas krahëve e mërive të vjetra që
kishin shoqëruar prej vitesh dy popujt fqinjë, si dhe zgjidhja e problemeve e çështjeve që
shqetësonin minoritetet e të dy vendeve. Në qendër të bisedimeve midis palëve, ishte
lufta pa kompromis kundër pushtuesve nazifashistë dhe bashkëpunëtorëve të armikut.
Gjithashtu, një rëndësi e veçantë iu kushtua çështjes së nxitjes minoritetit çam në Greqi
dhe pakicave greke në Shqipëri nën frymën internacionaliste, si dhe lënien pas të 503 AQSH, F.14/APL, V.1943, D.7, fl.6. 504 Po aty., F.222/APL, V.1943, D.4, fl.1/1. 505 Manda, Çamët muslimanë…,158-159. 506 AQSH, F.222/APL, V.1943, D.4, fl.1/2.
Çështja çame gjatë Luftës së Dytë Botërore Lorenc Agalliu
101
keqkuptimeve apo ndasive etnike e fetare që pengonin zhvillimin e luftës dhe të
marrëdhënieve të fqinjësisë së mirë. Midis pikave kryesore të marrëveshjes ishte formimi
nga ana e popullsisë çame në Greqi dhe e asaj greke në Shqipëri i një organizate
antifashiste, e cila do të drejtohej prej një komiteti të përbërë nga përfaqësues të EAM-it
dhe FNÇ shqiptar, si dhe nga një përfaqësues të popullsive respektive. Marrëveshja
parashikonte gjithashtu se, anëtar i komitetit drejtues të organizatave antifashiste mund të
ishte dhe një përfaqësues i misioneve ushtarake britanike, por kjo do të lihej në dorë të
minoriteteve, nëse ata e dëshironin një gjë të tillë. Në përfundim të takimit të dyja palët
dolën me një vendim të përbashkët, ku i bënin thirrje popullsisë çame dhe asaj greke që të
përkrahnin pa hezitim lëvizjen antifashiste nacionalçlirimtare kundra pushtuesve
gjermanë dhe veglave të tyre bashkëpunëtorë me ta.507
Vëmëndje e veçantë gjatë bisedimeve iu kushtua çështjes së amnistisë për të
gjithë ata persona që deri në këtë periudhë kishin qenë të lëkundur apo dhe që kishin
ndihmuar armikun, por që nuk kishin luftuar me armë në dorë kundër rezistencës
antifashiste greke e shqiptare. Gjatë bisedimeve u theksua, se rëndësia e kësaj
marrëveshje “do t’u mbyllte gojën shovinistëve në të dyja anët për tradhëti kombëtare”,
gjë e cila rëndonte më tepër EAM-in grek, pasi propaganda e Zervës kundër
bashkëpunimit me shqiptarët kishte hedhur rrenjë, si në Greqi, ashtu dhe në pakicat greke
në Shqipëri. Në përfundim të bisedimeve, midis përfaqësuesve grekë dhe shqiptarë u arrit
dhe një marrëveshje e cila u pasqyrua në një deklaratë të përbashkët të përbërë nga 10
pika, e që u firmos nga palët pjesëmarrëse.
Objekt i kësaj marrëveshjeje të përbashkët ndërmjet të majtës greke dhe asaj shqiptare
ishin këto pika:
1. “Me paragjykimet shekullore, me gabimet e bëra nga të dy anët, me krimet e disa
keqbërësve dhe me propagandën shoviniste të disa njerëzve që dinë të
manovrojnë, propagandë kjo që nxitet dhe nga ana e fashizmit dhe e agjentëve të
tij, u krijua për minoritetin grek dhe shqiptar një gjëndje e tillë që mban mjaft
forca në neutralitet dhe të kundërta njëra me tjetrën, pra të vdekura për luftën
antifashiste që bëjnë popujt, grekërit dhe shqiptarët. Popujt e minoriteteve, pa
dashur i kanë shërbyer armikut kundër interesave të tyre. Të gjitha shenjat e
ditëve të fundit na tregojnë se katastrofa nuk vonon të vijë, në qoftë se
përgjegjësit do të mbyllin sytë dhe nuk do të ndërrmarin inisiativë, ata të cilët janë
afër ngjarjeve.
2. Formimi i një organizatë antifashiste në çdo minoritet është tani një nevojë
urgjente. Një dëshirë e tillë është treguar qartë nga ana e minoritetit grek dhe
duket e gjallë midis elementëve të shëndoshë të Çamërisë. Formimi reciprok i
organizatave antifashiste u mbyll gojën shovinistëve në të dyja anët për tradhëti
kombëtare.
3. Kjo zgjedhje brenda vijave të luftës së sotme për liri dhe vetvendosjen e popujve
do të ndihmojë bashkimin në luftë, duke vllazëruar të dy popujt fqinjë. Kjo është e
vetmja rrugë e përshtatshme për një punë të drejtëpërdrejtë dhe frytëdhënëse.
507 Po aty., fl.1/1.
Çështja çame gjatë Luftës së Dytë Botërore Lorenc Agalliu
102
4. Organizatat antifashiste do të drejtohen nga një këshill që do të përbëhet nga
përfaqësues grek, shqiptar dhe nga një përfaqësues të çdo minoriteti. Pranë këtyre
këshillave do të jetë një përfaqësues i misionit anglez, i cili do të marrë pjesë nëse
do të kërkohet nga vetë minoriteti.
5. E njëjta punë do të bëhet dhe për organizimin ushtarak.
6. U jepet amnisti e përgjithshme të gjithë atyre që deri më sot kanë punuar keq, si
në çështjet politike po dhe në jetën private si rezultat i korrupsionit të fashizmit
dhe shovinizmit të pavend.
7. Të dy organizatat greko-shqiptare të bashkëpunojnë për garantimin e të tashmes
dhe të ardhmes, për jetën, nderin dhe pasurinë e popujve minoritarë.
8. Ky vendim do t’u njoftohet popujve të dy minoriteteve si dhe organizatave më të
larta.
9. Statusi i organizatave antifashiste të minoriteteve do të përfshijë pika lidhjeje me
pjesmarrjen aktive të popujve minoritarë në luftën antifashiste, duke ndaluar çdo
lloj propagande, përveç asaj të luftës.
10. Shtypi i të dy organizatave do të ndihmojë në sqarimin e popujve të të dy
minoriteteve duke i ngritur politikisht.”508
Për të arritur rezultate të frytshme në punën e tyre, si EAM-i dhe FNÇ ranë dakord që
në vazhdim të organizonin takime të përbashkëta në të dy anët e kufirit, me qëllim nxitjen
dhe hedhjen e popullsisë çame dhe asaj greke në Shqipëri në radhët e ushtrive partizane.
Qëllimi i përbashkët i grupeve komuniste greke dhe shqiptare, ishte afrimi i pjestarëve të
pakicës greke në Shqipëri dhe popullsisë çame në Greqi me rezistencën antifashiste, si
dhe një goditje e hapur drejtuar gjithë bashkëpunëtorëve të fashizmit në të dy vendet.
Rezultatet e këtij takimi ishin të suksesshme, pasi ato u pasuan nga një përkrahje e
konsiderueshme e minoritetit shqiptar në Greqi ndaj EAM-it grek. Në këtë mënyrë
minoriteti çam e kuptoi rëndësinë e pjesëmarrjes në rezistencën antifashiste, duke dënuar
njëkohësisht propagandën e nacionalistëve grekë, që bëhej në emër të tradhëtisë së
synimeve shoviniste e cila dënonte bashkëpunimin e komunistëve greke me ata shqiptarë.
Autorja greke E. Manda, duke dënuar dhe justifikuar njëkohësisht këtë
marrëveshje nga ana e EAM-it grek, thekson se, kjo marrëveshje me shumë mundësi
ishte një inisiativë personale e të dërguarit të EAM-it, i cili kishte tejkaluar kompetencat e
dhëna.509 Pjesëmarrja e përfaqësuesve çamë në takimin midis të majtës greke dhe asaj
shqiptare, është një tregues i qartë i përkrahjes që popullsia çame në Greqi i dha
rezistencës antifashiste greke. Kjo ishte një njohje de fakto e sakrificës së popullsisë
shqiptare në Greqi dhe luftës kundër pushtuesve nazi-fashistë.
Me forcimin e rolit të udhëheqjes komuniste, si në Shqipëri ashtu dhe në Greqi, që
nga muaji tetor i vitit 1943, për të harmonizuar këtë inisiativë ishin ndërmarrë hapa
konkrete me qëllim finalizimin e këtij bashkëpunimi. Nga ana e Partisë Komuniste
Shqiptare u mor vendimi, që një grup pune i Partisë Komuniste Greke të lejohej të hynte
në territorin shqiptar dhe të punonte me minoritetin grek në Shqipëri, me qëllim nxitjen
508 Po aty., fl.1/1. 509 Manda, Çamët myslimanë…, 160.
Çështja çame gjatë Luftës së Dytë Botërore Lorenc Agalliu
103
dhe hedhjen e tij në luftë kundër gjermanëve.510 Në bazë të strukturës së organizimit,
grupe pune të partive komuniste greke dhe shqiptare u hodhën në të dyja anët e kufirit
duke punuar me popullsitë përkatëse për nxitjen dhe përkrahejn prej tyre të rezistencës
antifashiste. Në kuadër të bashkëpunimit, si EAM-i dhe PKSH, ranë dakord që në të dy
anët e kufirit të krijonin këshillat nacionalë çlirimtarë, të cilat do të drejtonin punën pranë
popullsisë çame dhe greke, për nxitjen në pjesëmarrjen e tyre përkrahë rezistencës
antifashiste.
Lidhur me përpjekjet e bëra nga FNÇ shqiptar për organizimin e minoritetit çam
në Greqi, na informon një raport informativ i Taho Sejkos, dërguar KQ të PKSH Qarkorit
Gjirokastër në mesin e muajit tetor të vitit 1943, në të cilin thuhej se; “…Dje jam kthyer
nga Çamëria tej kufirit {...}.Paraqiten vështirësi për të punuar atje. Komanda gjermane e
Filatit kërkon të rekrutojë masat çame për luftë kundër E.A.M-it e neve. Në katundin
Koskë gjendja paraqitet e mirë, atje në bashkëpunim me Vehip Demin formova një
Këshill N.Çl. provizor. Iu drejtova Ballit të Filatit dhe i vura në dukje katastrofën drejt së
cilës po ecën populli çam i drejtuar prej tyre{…} Shpresoj të kem së afërmi një përpjekje
me disa nga eksponentët e asaj krahine {… }Koska duhet të jetë baza për punën në
Çamëri”.511
Në kuadër të bashkëpunimit me EAM-in grek si dhe për tërheqjen e popullsisë
çame në rezistencën antifashiste, PKSH dhe FNÇ u treguan të kujdesshëm që të mos
dërgonin në Çamëri njerëz të cilët mund të dëmtonin vijën politike të këtyre forcave. Në
lidhje me këto direktiva, Taho Sejko kërkonte në raportin e tij, “që në në Çamëri të
hidhen sa më shpejtë shokë të zotë për punë organizative”.512
Në këtë kuadër, udhëheqës komunistë shqiptarë kaluan kufirin grek për të punuar
në radhët e popullsisë shqiptare çame për nxitjen dhe shtimin e radhëve të ushtrisë
nacionalçlirimtare greke dhe anasjelltas. Lëvizja Antifashiste Nacionalçlirimtare
Shqiptare, dërgoi në Greqi në pranverë të vitit 1944, Xhelal Kason për të organizuar
minoritetin çam në luftë dhe bashkimin e këtij minoriteti me forcat partizane greke të
EAM-it. Qëllimi kryesor i vizitës së tij, ishte t’u rekomandonte krerëve çamë të linin pas
krahëve hasmëritë e ndryshme, si me shqiptarët e fesë ortodokse ashtu dhe me popullsinë
greke dhe të bashkoheshin me luftën antifashiste.513 Sipas autorit F. Liço, veprimtaria e
Xhelal Kasos për të tërhequr minoritetin çam në luftë kundër pushtuesve rezultoi pa
sukses për shkak të veprimtarisë së nacionalistëve çamë të udhëhequr nga Nuri Dino.514
I njëjti raport i përmendur më sipër, lidhur me veprimtarinë e Nuri Dinos dhe
bashkëpunimit të tij me pushtuesit gjermanë, për organizimin e Ballit Kombëtar Çam dhe
krijimin e çetave prej tij na informon se, “...Sikundër dihet, Balli Kombëtar u shkatërrua,
mirëpo këto ditët e fundit ka filluar një lëvizje për riorganizimin e tij me ndihmën e
Komandës gjermane në Konispol dhe sidomos me reaksionarët çamër (pjesëtarë të Ballit
Kombëtar Çam, shënimi ynë) tej kufirit. Kalova në të gjitha katundet muhamedane të
krahinës për të luftuar mundësinë e rimëkëmbjes së Ballit {...} Veprimtaria e re e hapët e
armikut për të hedhur çamërit në luftë kundër nesh dhe E.A.M-it, në bashkëpunim me
510 Po aty., F.14/APL. V.1943, D.13, fl.34. 511 Po aty., D.7, fl.14-15. 512 Po aty. . 513 Zhango, Imperializmi anglez…, 156. 514 Liço, Probleme të marrëdhënieve…, 250-251.
Çështja çame gjatë Luftës së Dytë Botërore Lorenc Agalliu
104
EDES-in e Ballin Kombëtar, natyrisht do të ndihmohet shumë nga tradhëtari Nuri Dino e
këlyshët e tij….të hidhen sa më shpejtë në Çamëri, shokë të zotë për punë organizative.
Ka kërkuar një takim me mua tradhëtari Rexhep Dino. Ende nuk jam takuar me të.
Pandehet se kërkon të shpëtojë kokën duke u hedhur në luftën t’onë”.515
Megjithë vështirësitë që hasën në fillimin e punës, PKSH dhe FNÇ shqiptar nuk u
tërhoqën nga ideja për të dërguar përfaqësuesit e tyre pranë minoriteti çam dhe nxitjen e
tyre në luftë kundër pushtuesve dhe bashkëpunëtorëve të tyre. Për PKSH, Çamëria e
jashtme, siç e konsideronin komunistët shqiptarë atë pjesë të Çamërisë që kishte ngelur
nën administrimin grek, në të ardhmen mund të ishte një thikë pas shpine për Lëvizjen
Nacionalçlirimtare shqiptare. Sipas një urdhëri dite të Shtabit të Përgjithshëm të Ushtrisë
Nacionalçlirimtare shqiptare, dërguar Shtabit të zonës operative Vlorë-Gjirokastër në 12
mars 1944, thuhej se, “Çamëria është me rëndësi të posaçme për luftën tonë. Çamëria e
jashtme mund të bëhet një thikë në kurrizin tonë. Ajo mund të bëhet një urë
bashkëpunimi në mes të dy popujve”.516
Në të njëjtin urdhër, Komanda e Përgjithshme e UNÇ shqiptare, dërguar Shtabit të
zonës operative Vlorë-Gjirokastër, lidhur me propagandën dhe masat që duhet të
merreshin për punën politike në Çamëri thuhej se; “Ju në bashkëpunim me Regjimentin e
15-të grek (regjiment që në përbërje të tij kishte trupa shqiptare çame dhe greke, shënim i
L.A), mund të futeni ushtarakisht për propagandë dhe agjitacion”.517 Në këtë urdhër,
Shtabi i Përgjithshëm i UNÇ shqiptare porosiste që, popullsia shqiptare, veçanërisht ajo
në Çamëri, duhej të ngrihej në luftë dhe të organizonte çetat çame kundër gjermanëve,
duke u vënë në të njëjtën kohë nën komandën e Ushtrisë Nacionalçlirimtare greke të
EAM-it.518
Gjithashtu në këtë urdhër, Shtabi Përgjithshëm i UNÇ shqiptare për të bërë të
mundur afrimin e minoritetit çam me Ushtrinë Nacionalçlirimtare Greke, si dhe për të
thyer çdo paragjykim që ekzistonte ndërmjet dy popujve fqinjë, theksonte që, “t’u
shpjegohet popullatave në Çamëri se, lirinë ato do ta fitojnë vetëm duke luftuar kundër
gjermanëve, në bashkëpunim të plotë me Ushtrinë Nacionalçlirimtare greke dhe me
ndihmën që do t’ju japë Lufta Nacionalçlirimtare Shqiptare.519 Krahas kësaj, PKSH u
mundua që çështjen çame, ta shihte në kuadër të zhvillimeve politike me forcat aleate të
majta në Greqi, si dhe në kuadër të zhvillimeve politike pas luftës. PKSH, duke iu
përmbajtur Kartës së Atlantikut mbi zgjidhjen e çështjeve kombëtare dhe të vetvendosjes
së popujve, pretendonte se qeveria demokratike greke që do të formohej pas luftës, do të
ishte në gjendje të zgjidhte çështjen e popullsisë shqiptare çame brenda kornizave
ndërkombëtare dhe frymës internacionaliste që i bashkonte këto dy forca.
PKSH u kujdes që të dërgonte në Çamëri për të punuar në radhët e minoritetit
çam njerëz me influencë dhe të përgatitur. Udhëheqja e PKSH e pa të udhës se duhej
punuar së bashku me forcat e EAM-it grek, që kjo popullsi të bëhej një faktor lidhës
midis dy forcave nacionalçlirimtare dhe dy popujve fqinjë. Duke parë rëndësinë e madhe
515 AQSH, F.17/APL. V.1943. D.7, fl.14-15. 516 Dokumente të Shtabit të Përgjithshëm dhe të Komandës së Përgjithshme të Ushtrisë Nacional Çlirimtare
Shqiptare, Vëll.I, Instituti i Studimeve M-L, (Tiranë, 1976), 260-261, dok.nr.111, datë 12 mars 1944. 517 Po aty. 518 Po aty. 519 Po aty.
Çështja çame gjatë Luftës së Dytë Botërore Lorenc Agalliu
105
që kishte lufta e popullit çam në luftë kundër pushtuesve gjermanë, si dhe duke peshuar
mirë rëndësinë që kishte çështja e minoriteteve gjatë bashkëpunimit me forcat e EAM-it
grek, PKSH dhe FNÇL shqiptar u kujdesën që pranë popullsisë çame të dërgonin njerëz
të përgatitur dhe që e njihnin mirë situatën në Çamëri. Lidhur me çështjet politike,
udhëheqja komuniste shqiptare udhëzonte të dërguarit e saj pranë minoritetit çam në
Greqi që të mos merreshin me çështje politike, por vetëm me organizimin e luftës.
Në udhëzimin e Shtabit të Përgjithshëm të UNÇSH dërguar në mars 1944, Shtabit
të Zonës Vlorë-Gjirokastër thuhej; “Të ndihmoni nga ana tjetër Çamërinë e jashtme me
shokë që të punojnë në terren, por të ruheni e të mos dërgoni atje njeri që të mos dijë
vijën politike dhe na ngatërron çështjen e minoritetit që është shumë e koklavitur”.520
Lidhur me kujdesin që duhet të tregohej nga kuadrot komunistë gjatë punës së tyre me
minoritetin shqiptar në Greqi, Komiteti Qarkor i PKSH për Gjirokastrën njoftonte KQ të
PKSH se, “Elementët që shkuan (në Çamëri) s’ janë të ngritur politikisht, 6 të hequr nga
ushtria dhe 2 nga terreni, prandaj të ndihmohen prej partisë sonë për të mos rënë në
pozita shoviniste dhe autonomiste”.521
Edhe pse ishin të pakta në numër, rastet e bashkëpunimit të Ushtrisë
Nacionalçlirimtare Shqiptare me atë greke nuk munguan. Format e bashkëpunimit midis
EAM grek dhe LANÇ shqiptare ishin të ndryshme. Shpesh të dyja organizatat ushtarake
shkëmbenin informacione lidhur me veprimtarinë e organizatave të tjera armike, të cilat
vepronin në rajonet respektive. Po ashtu shkëmbimi i informatave bëhej dhe për marrjen
e masave paraprake për t’i paraprirë sulmit të ushtrisë gjermane në rajonet që
kontrollonin këto dy forca.522
Në një urdhër të Shtabit të Përgjithshëm të Ushtrisë Nacionalçlirimtare Shqiptare,
të datës 2 prill 1944, lidhur me sulmet e përbashkëta ndaj ushtrisë gjermane dhe
bashkëpunëtorëve me pushtuesit, theksohej që të shihej mundësia e bashkëpunimit me
forcat çlirimtare greke të EAM-it, për të prishur rrugëkalimin Grapsh-Kakavijë-
Arinistë.523
Thirrjes për pjesëmarrjen në Kongresin Panhelen të mbajtur në muajin maj të vitit
1944, Partia Komuniste Shqiptare iu përgjigj pozitivisht, duke e konsideruar këtë si një
provë të gjallë të soliaritetit dhe të bashkëjetesës midis dy popjve fqinjë. Për të treguar
solidaritet dhe mbështetjen e saj për luftën kundër pushtuesve gjermanë, PKSH dërgoi në
konferencë si përfaqësues të saj Koçi Xoxen. Qëllimi kryesor i PKSH dhe i EAM-it grek,
ishte forcimi i mëtejshëm i lidhjes dhe bashkëpunimit midis dy organizatave, si dhe
bashkëpunimi i minoriteteve të të dy shteteve fqinjë.
Duke shpresuar në bashkëjetesën midis popujve të Ballkanit, udhëheqja
komuniste shqiptare shpresonte në krijimin e një klime vëllazërore, si dhe të një
konfederate ballkanike pas lufte, ku të gjithë popujt fqinjë do të krijonin kushte të njëjta
për jetesë dhe harmoni. Në korrik të vitit 1944, Tahir Demi do të njoftonte qarkorin e
Gjirokastrës mbi punën organizative në Çamëri, si dhe përpjekjet e tij për nxitjen e
rezistencës antifashiste çame në këtë krahinë.
520 Po aty., 261-262, datë 12 mars 1944. 521 Po aty., F.14/APL, V.1944, D.115, fl.11. Raport informativ i Peço Kogjinit për KQ të PKSH. 522 Po aty., V.1943, D.7, fl.6. 523 Dokumente të Shtabit të Përgjithshëm dhe të Komandës së Përgjithshme…, 276-277, dok.nr.118, datë 2
prill 1944.
Çështja çame gjatë Luftës së Dytë Botërore Lorenc Agalliu
106
Në njoftimin e tij lidhur me bashkëpunimin me komunistët grekë për organizimin
e çetave të armatosura çame thuhej se; “Në bazë të kërkesës së Regjimentit të 15 grek,
Grupit të IV të U.P.V (Ushtria e Pavarur Vullnetare greke) dhe me pëlqimin Shtabit të
Zonës së Parë, unë bashkë me shokët e tjerë të Grupit IV, u caktuam për të shkuar në
Greqi dhe të bënim pjesë në Regjimentin e 15, për të formuar kështu batalione
Minoritare në Krahinën e Çamërisë. Mbasi muarmë direktivat e duhura të punës t’onë
atje, u përcollëm po prej grupit për të shkuar edhe një herë pranë zonës së Parë për të
biseduar atje mbi punën t’onë në Çamëri. Mbetmë dakord që ne të shkonim atje për të
bërë një punë më tepër politike se sa ushtarake, të lëviznim brenda në Çamëri dhe me
elementat që kishim të formonim atje Batalionin “Ali Demi”{…}. Gjendja në Çamëri
ishte po thua ndryshuar krejtësisht në favor të Lëvizjes s’onë, sidomos me masakrimin e
Zervistëve në zonën e Paramithisë”.524
Pavarësisht thirrjes drejtuar popullit çam, për të përkrahur pa kufizim luftën
nacionalçlirimtare kundër pushtuesve të huaj si e vetmja rrugëzgjidhje për të siguruar
lirinë, PKSH ishte e bindur në vetvete, se e ardhmja e popullit shqiptar në Çamëri dhe
Kosovë do të varej nga konjukturat politike, që do të krijoheshin pas luftës. PKSH
pretendonte se, çështja e pazgjidhur kombëtare e Kosovës dhe Çamërisë do të zgjidhej në
bazë të Kartës së Atlantikut, në bazë të parimit të vetvendosjes së popujve dhe kurrsesi
nuk mund të diskutohej tani në fazën e zhvillimit të luftës kundër Boshtit dhe
bashkëpunëtorëve të tij.525
Lidhur me qëndrimin e PKSH dhe të Enver Hoxhës për çështjen kombëtare
shqiptare, autorja M. Vikers ka një tjetër opinion rreth përpjekjeve të E. Hoxhës dhe
udhëheqjes komuniste shqiptare për bashkimin e krahinave të Çamërisë dhe Kosovës me
Shqipërinë. Sipas Vikers, E. Hoxha dhe pjesa tjetër e udhëheqjes komuniste shqiptare,
besonte se çamët ashtu, si dhe kosovarët ishin bashkëpunëtorë me gjermanët.526 Për
autoren, kjo pikëpamje do t’i jepte Enver Hoxhës një mundësi reale për të hequr dorë nga
kërkesat e tij për bashkimin e Çamërisë dhe Kosovës me Shqipërinë. Autorja është e
mendimit se, i shtyrë nga ndikimi komunist jugosllav dhe ai grek, Hoxha e kishte më të
lehtë të zgjidhte rrugën e diskriminimit si bashkëpunëtorë të popullsisë shqiptare çame
dhe asaj kosovare, se sa të prishte miqësinë që kishte lindur midis partive komuniste
shqiptare, greke dhe jugosllave.527
Në të vërtetë, analiza që i bën Vikers qëndrimit të E. Hoxhës dhe komunistëve të
tjerë shqiptarë kundrejt minoritetit çam në Greqi dhe popullsisë kosovare në Jugosllavi
nuk qëndron. PKSH dhe udhëheqësit e saj, zgjidhjen e çështjes së minoriteteve me vendet
fqinje e shihte në kuadrin e Kartës së Atlantikut dhe të frymës internacionaliste. Për
komunistët shqiptarë çdo ndryshim i kufijve në kushtet e Luftës së Dytë Botërore ishte e
pa pranueshme dhe se çdo çështje që ekzistonte midis Shqipërisë dhe fqinjëve të saj do të
zgjidheshin në frymën e mirëkuptimit pas përfundimit të luftës. PKSH, e kishte bërë të
524 AQSH, F.17/APL. V.1944. D.35/1, fl.1-4. 525 Historia e Luftës Antifashiste Nacionalçlirimtare e Popullit Shqiptar, 1939-1944, (Tiranë, 8 Nëntori,
1988), 335. 526 Miranda Vickers, The Cham Issue; Albanian National and Property Claims in Greece, (London, 2002),
7. 527 Po aty.
Çështja çame gjatë Luftës së Dytë Botërore Lorenc Agalliu
107
ditur qëndrimin e saj gjatë luftës për zgjidhjen e çështjes çame, duke theksuar se kjo
zgjidhje do të vinte nëpërmjet luftës së kësaj popullsie kundër pushtuesve nazi-fashistë.
Çështja çame gjatë Luftës së Dytë Botërore Lorenc Agalliu
108
3.3. Qëndrimi i forcave politike greke ndaj rezistencës çame dhe veçoritë e tyre.
Si italianët edhe pushtuesit gjermanë, u munduan që me anë të propagandës së
tyre të hidhnin popullsinë shqiptare çame kundër forcave të EAM-it dhe Lëvizjes
Antifashiste Nacionalçlirimtare shqiptare. Por, pavarësisht thirrjeve të tilla, apo dhe
masave shtrënguese që përdorën gjermanët dhe bashkëpunëtorët e tyre, përsëri popullsia
çame nuk hezitoi të përkrahte rezistencën antifashiste, duke u rreshtuar në radhët e Frontit
Nacionalçlirimtar Grek.
Kundër bashkëpunimit të forcave të majta shqiptare dhe greke, e për më tepër
kundër luftës antifashiste të popullit shqiptar, ishte edhe qeveria greke në ekzil në
Londër. Me mbështetjen dhe të zyrtarëve britanikë, kreu i qeverisë monarkiste greke në
Londër u përpoq me të gjitha mjetet që të pengonte bashkimin e forcave ushtarake
komuniste greke dhe shqiptare. Duke i akuzuar shqiptarët dhe çetat e tyre si terroriste e
shoviniste, qeveria greke dhe mbreti i saj, denoncuan pranë Foreing Offise, si vrasës të
minoritetit grek partizanët shqiptarë.528
Në letrën e ministrit të jashtëm të qeverisë greke, drejtuar qeverisë britanike në
maj të vitit 1943, shqiptarët akuzoheshin për krime të kryera ndaj popullsisë greke të
Epirit të Veriut.529 Të njëjtat akuza për diskriminim dhe vrasje nga partizanët shqiptarë,
vinin dhe nga oficerët britanikë të atashuar pranë shtabit të Zervës. Për të hetuar mbi
akuzat e bërë nga qeveria greke në Londër, oficerët britanikë në terren në Shqipëri dhe
Greqi, ndërmorën në mënyrë të pavarur disa hetime. Nga hetimet e kryera në zonat që
banoheshin prej pakicave greke në Shqipëri, oficerët britanikë arritën në përfundimin, se
nuk kishte patur asnjë rast për keqtrajtimin e kësaj popullsie.530
Në vazhdën e politikës së tyre shoviniste, pothuajse i njëti tekst dhe të njëjtat
fakte, iu bënë të njohura dhe Departamentit Amerikan të Shtetit prej ambasadës greke në
Uashington. Në tekstin e akuzave të stisura nga grekët, thuhej se, “të ashtuquajturit
patriotë shqiptarë po ndërmarrin inkursione ndaj popullsisë minoritare greke në Epirin e
Veriut, duke detyruar këtë popullsi të ndryshoi ndjenjat e saj kombëtare”.531 Por edhe në
këtë rast, tentativat e qeverisë greke në mërgim për të mohuar përpjekjet e shqiptarëve
dhe kontributin e tyre në Luftën e Dytë Botërore dështuan. Si qeveria londineze dhe ajo
amerikane nuk i morën të mirëqena faktet e stisura për qëllime shoviniste prej Greqisë.
Situata e krijuar në Çamëri vuri në alarm Komitetin Qendror të PKG, i cili
organizoi një takim të zgjeruar në qershor të vitit 1943, në fshatin Vivar të Murganës. Në
këtë mbledhje merte pjesë dhe një delegacion i PKSH, i kryesuar nga Shemsi Totozani, i
cili në emër dhe të forcës politike e ushtarake që përfaqësonte, shprehu hapur
kundërshtitë lidhur me mendimet që mbizotëruan diskutimet në mbledhje, rreth një
bashkëpunimi të ngushtë midis EAM-it, Zervës dhe britanikëve.532 Në rrethana të tilla të
zhvillimit të ngjarjeve, Sh. Totozani, shprehu pikëpamjet e tij dhe të PKSH, se qëndrimet
528 PRO-FO, File 37147. 529 Po aty. 530 Po aty. Raporti mban datën 18. VII.1943. Cituar sipas Puto, Nëpër analet…, 103. 531 Basil Kondis, Eleftheria Manda, The greek minority in Albania- A documentary record (1921-1993),
(Athinë, 1994), 112. 532 Hondoros, Occupations and Resistance.., 30-31.
Çështja çame gjatë Luftës së Dytë Botërore Lorenc Agalliu
109
e shfaqura nga krerët komunistë të EAM-it, nuk pajtoheshin me qëndrimet që mbante
PKSH për organizimin e luftës antifashiste.533
Gjatë vjeshtës së vitit 1943, radhët e Zervës dhe BK shqiptar çam u shtuan së
tepërmi për shkak dhe të ofensivës gjermane, si dhe të përkrahjes që oficerët britanikë iu
dhanë forcave ushtarake të EDES-it. Gjithashtu dhe puna e dobët e propaganda shoviniste
e bërë nga komunistët grekë në fshatrat e Shqipërisë së jugut, bëri që pakënaqësia e
komunistëve shqiptarë ndaj atyre grekë të shtohej. Një njoftim i Qarkorit të Gjirokastrës
shkruante se; “Në minoritete kishin ardhur dy shokë nga Greqia, të cilët kanë bërë disa
konferenca, kanë formuar këshilla antifashiste në fshatra, u munduan të krijojnë çeta, por
asgjë efektive”.534
Propaganda zerviste nga njëra anë dhe puna e dobët e bërë nga krerët komunistë
grekë në radhët e popullsisë greke në Shqipëri, kishte bërë që në gjirin e kësaj popullsie
të shfaqeshin pakënaqësi ndaj çetave partizane shqiptare. Fjalët e përhapura, veçanërisht
nga forcat zerviste greke, kishin karakter fetar dhe kombëtar, duke bërë që ndasitë midis
shqiptarëve dhe grekëve të ishin të mëdha. Në thirrjet e përhapura nga propaganda
zerviste shprehej urrejtja ndaj popullsisë shqiptare çame në Greqi dhe theksohej fakti se,
çdo grek duhej t’a derdhte gjakun e tij në Greqi dhe duke luftuar shqiptarët e
komunistët.535
Oficerët grekë të EAM-it propagandonin se, “minoriteti grek duhet t’i kishte sytë
në çdo moment nga Greqia dhe se e ardhmja e tyre nuk mund të shihej ndryshe, vetëm në
suazën e shtetit grek”.536 Përfaqësuesit e EAM-it të dërguar për të punuar në fshatrat e
Shqipërisë së jugut në takimet me banorët e pakicave greke, me qëllim rekrutimin e tyre
në rradhët e Ushtrisë Nacional-çlirimtare shqiptare deklaronin se; “Ne duhet të punojmë
që të jemi nën një Greqi, qoftë kjo e majtë apo e djallit, vetëm të jemi nën Greqi”.537
Gjithashtu, PK Greke për të ruajtur pakicat greke në Shqipëri nga masakrat dhe
reprezaljet e gjermanëve, këshillonte FNÇ shqiptar që të mos ndërmerrte inkursione ndaj
trupave gjermane në afërsi të fshatrave të banuar me grekë.538
Drejtuesit komunistë grekë të EAM-it, për t’ia arritur qëllimit që të shkëpusnin
popullsinë greke nga FNÇ shqiptar, kërkonin zyra të posaçme për minoritetin, si dhe
krijimin e formacioneve luftarake të veçanta për partizanët minoritarë. Këtë arsyetim
komunistët grekë e mbështesnin në faktin se, minoriteti grek kishte aq forca të
mjaftueshme sa të krijonte në mënyrë të pavarur brigata dhe batalione, pa qenë në varësi
të ushtrisë nacional çlirimtare shqiptare.539 Veprime të tilla nxiteshin vetëm me qëllimin e
përhapjes së propagandës shoviniste për shkëputjen e minoritetit, si dhe të Epirit të Veriut
e bashkimit me Greqinë. PKSH nuk mund të ishte dakord me qëndrimin e komunistëve
grekë, pasi për komunistët shqiptarë krijimi i formacioneve ushtarake nga ana e pakicave
greke në Shqipëri, do të nxiste shkëputjen e tyre nga influenca e Frontit Nacional
çlirimtar shqiptar. Për lëvizjen komuniste shqiptare një veprim i tillë jo vetëm që do të
533 Po aty. 534 AQSH, F.14/AP, V.1943, D.13, fl.34. 535 Po aty., F.17/AP L. V.1944. D.17, fl.27. 536 Po aty., D.115, fl.10. 537 Po aty. 538 Po aty., F.14/APL, V.1943, D.13. fl.28. 539 Po aty.
Çështja çame gjatë Luftës së Dytë Botërore Lorenc Agalliu
110
dëmtonte rëndë rezistencën antifashiste, por do të ishte në kundërshtim të hapur me
marrëveshjet e arritura deri tani midis dy partive komuniste, greke dhe shqiptare.
Kjo politikë nuk mbeti pa u vënë re nga udhëheqja komuniste shqiptare, e cila
ishte mosbesuese ndaj veprimtarisë së komunistëve grekë në radhët e kësaj popullsie në
territorin shqiptar. Për pasivitetin e treguar nga komunistët grekë, si dhe për të larguar
elementët të cilët përhapnin propagandën shoviniste në radhët e pakicave greke në
Shqipëri, udhëheqja komuniste shqiptare në pranverë të vitit 1944 mori vendimin që
komunistët grekë të ndërprisnin aktivitetin e tyre në Shqipërinë e jugut dhe të largoheshin
nga vendi.
Në urdhërin e Shtabit të Përgjithshëm të Ushtrisë Nacionaçlirimtare Shqiptare,
dërguar Shtabit të zonës operative Vlorë-Gjirokastër në datën 2 prill 1944 lajmërohej, “që
të gjithë oficerët grekë që ishin në batalionin minoritar të largoheshin nga territori
shqiptar”.540 Sipas këtij urdhëri, oficerëve grekë të EAM-it iu bëhej me dije se, “ata e
kishin plotësuar misionin e tyre, në përkrahjen që kishin dhënë për mobilizimin e
popullsisë minoritare në luftën kundër okupatorit, e se tashmë kishte ardhur koha të
largoheshin në mënyrë shoqërore”.541 Udhëheqja e PK shqiptare e shihte “kryesisht të
përmbushur” misionin e ushtarakëve të EAM-it për hedhjen e popullsisë greke në radhët
e UNÇSH dhe tashmë sipas drejtuesve komunistë, kishte ardhur koha për largimin e tyre.
Për PKSH, një qëndrim më i gjatë i komunistëve grekë në radhët e popullsisë greke në
Shqipëri mund të ishte i dëmshëm, pasi sipas krerëve komunistë shqiptarë, “batalionet e
minoritetit tashmë kishin hyrë në luftë dhe kishin arritur maturinë e nevojshme
ushtarake”.542
Manovrat propagandistike për distancimin e të krishterëve nga partizanët
muslimanë shqiptarë, bënë që një pjesë e mirë e drejtuesve çamë të izoloheshin dhe të
kufizoheshin në veprimtarinë e tyre ushtarake. Në këtë mënyrë kontributi i tyre
minimizohej krahasuar me kuadrot ushtarakë të krishterë të radhitur në radhët e çetave
partizane të EAM-it grek. Puna sabotuese e elementëve grekë në radhët e ushtrisë së
ELAS-it, ndaj partizanëve çamë, kishte një prapavijë të thellë politike dhe nacionaliste.
Një raport i komandantit të Shtabit të Zonës së Gjirokastrës Islam Radovicës,
drejtuar Shtabit të Përgjithshëm të Ushtrisë Nacionalçlirimtare shqiptare në prill të vitit
1944, theksonte se; “Shokët grekë e kanë pohuar me gojën e tyre se, puna e bërë nga
EAM-i me minoritetin shqiptar në Greqi ka qënë shumë e pakët në krahasim me punën që
ka bërë Fronti NÇ me minoritetin grek në Shqipëri”.543
Ndërsa një raport informativ i Vehip Demit dërguar Enver Hoxhës mbi punën e
bërë në Çamëri për organizimin politik e ushtarak të minoritetit çam theksonte se; “Për
çështjen minoritare çame të tej kufirit, më datën 22/VIII/944, u bë një përpjekje (takim)
midis Komandantit dhe Komisarit të Regjimentit XV, Komandantit dhe Komisarit të
Brigadës së VIII dhe meje {…} Gjendja politike e minoritetit shqiptar në Greqi, për të
cilën të sipërmit na thanë se organizata e EAM-it s’ka patur mundësi që të futej dhe të
punonte në minoritet, për shkak se Nuri Dinua me klikën e tij kishte mundur që t’i
tërhiqte çamërit me anën e kryetarëve të krahinave të ndryshme tue i futurë në luftë
540 Dokumente të Shtabit të Përgjithshëm dhe të Komandës…,281, dok.nr.120, datë 2 prill 1944. 541 Po aty. 542 AQSH, F.17/APL, V.1944, D.24, fl.5. 543 Po aty., F.41 STR, V.1944, D.79, fl.8.
Çështja çame gjatë Luftës së Dytë Botërore Lorenc Agalliu
111
kundra popullatave greke dhe nga ana tjetër, tue qenë se Regjimenti nuk ka patur forca të
mjaftueshme që të hynte me ushtri në ato krahina{…}”.544 Shpesh herë udhëheqësit
komunistë grekë punën e tyre të dobët politike dhe ushtarake për organizimin e
minoritetit shqiptar çam në Greqi mundoheshin t’ia faturonin ekzistencës së Ballit
Kombëtar Çam dhe çetave të Nuri Dinos.
Në shumë raste çetat partizane çame të inkuadruara në forcat e ELAS-it,
shmangeshin qëllimisht nga luftimet dhe aksionet direkte ndaj trupave gjermane e
zerviste. Në njoftimin e dërguar nga Tahir Demi për Komitetin e Partisë të Qarkorit të
Gjirokastrës në korrik të vitit 1944, theksohej se, çetat çame qëndronin për ditë të tëra pa
u futur në aksion dhe nuk lejoheshin që të depërtonin në drejtim të fshatrave të
Çamërisë.545
Urdhërat e dhëna nga Shtabi i Përgjithshëm i EAM-it, për komandantët shqiptarë
çamë të çetave partizane shpesh herë ishin kontradiktore dhe të qëllimshme. Në bazë të
këtyre urdhërave, forcat çame qëndronin me ditë të tëra në pritje të aksioneve luftarake
kundër zervës dhe aksionet nuk realizoheshin asnjëherë për shkak të direktivave të dhëna
gabim. Çetat partizane çame ndaloheshin qëllimisht të kryenin aksione kundër trupave
gjermane dhe zerviste në territorin e Çamërisë dhe kryesisht në ato zona ku banorët e
fshatrave ishin shqiptarë me qëllim që të mos binin në kontakt me ta.
Po ashtu, krerëve çamë të çetave partizane u ndalohej propaganda dhe aktiviteti i
tyre në fshatrat shqiptare. Propozimet e komandantëve shqiptarë çamë dërguar krerëve të
Regjimentit të XV grek të EAM-it, për të rënë në kontakte me çamë të tjerë në krahinën e
Çamërisë, në shumicën e rasteve merrnin përgjigje negative. Edhe në ato vende ku ishin
krijuar këshilla nacionalçlirimtarë, numri i shqiptarëve ishte i papërfillshëm dhe në
shumicën e rasteve shqiptarët çamë liheshin qëllimisht jashtë organeve drejtuese.546 Të
gjitha këto veprime, ishin padyshim vijë e qartë e propagandës nacionaliste që bëhej në
radhët e EAM-it, për të penguar aktivitetin e çetave çame dhe të popullsisë çame në
rezistencën antifashiste greke.
Mosmarrëveshjet e thella midis komandantëve grekë dhe shqiptarë të çetave
mikse, shpesh rrezikonin të acaroheshin deri në konflikte fizike. Për partizanët çamë,
bërja e politikës apo trajtimi i bisedave me karakter nacionalist ishte e ndaluar. 547
Partizanëve shqiptarë të çetave të përbashkëta luftarake u thuhej prej udhëheqësve grekë
të EAM/ELAS-it se; “Ju jeni ushtarë të ELAS-it dhe nuk ju përket aspak politika, mjafton
që ju të dini të hapni dhe të mbyllni pushkët”.548
Rastet e shpeshta të konflikteve të hapura midis krerëve të çetave partizane mikse
në Çamëri shqetësuan dhe udhëheqësit më të lartë të dy forcave politike të majta; greke të
EAM-it dhe asaj të PKSH. Për të sheshuar problemet që kishin lindur në gjirin e ushtrisë,
përfaqësues të qarkorit të Gjirokastrës dhe të PKSH të kësaj zone, pas presionit të EAM-
it, morën vendimin që komandantët çamë Tahir Demi dhe Muharrem Demit të largohen
nga drejtimi i batalionit Mikst, i përbërë nga grekë dhe çamë, për të vazhduar aktivitetin e
544 Po aty., fl.42. 545 Po aty., F.17/APL, V.1944, D.35/1, fl.1. 546 Historia e Popullit Shqiptar, Vëll. IV, 154. 547 AQSH, F.17/AP, V.1944, D.35/1, fl.2. 548 Po aty.
Çështja çame gjatë Luftës së Dytë Botërore Lorenc Agalliu
112
tyre luftarak në zonat brenda kufirit shtetëror të Shqipërisë.549 Duke dënuar politikën
refraktare në gjirin e së majtës greke, Tahir Demi shpjegonte se, “duke parë se fjalët tona
nuk kishin asnjë vlerë dhe se puna jonë për Çamërinë ishte zero, atëherë kërkova që të
shkoja pranë regjimentit për të dhënë kontributin tim”.550
Largimi i drejtuesve çamë nga kompanitë partizane mikse të EAM-it gjatë verës
së vitit 1944, pati pasoja të rënda për këto çeta, pasi një pjesë e mirë e partizanëve të
pakicës greke dhe çamë, të indinjuar nga vendimet e krerëve grekë u tërhoqën
përkohësisht në shtëpitë e tyre.551 Ky veprim çoi në krijimin e situatave në favor të
bandave zerviste dhe gjermanëve, të cilët mobilizuan me anë të forcës një pjesë të mirë të
popullsisë minoritare. PKG e kufizoi së tepërmi mundësinë e bashkëpunimit të popullsisë
çame dhe futjen e saj në radhët e ELLAS-it. Autori Filip Liço, njëkohësisht dhe
pjesëmarrës në luftë në radhët e forcave partizane, tregon se, “kuadrot e PKG nuk i dhanë
rëndësinë e duhur problemit çam, problem ky që ishte po aq i vështirë, sa dhe problemi
që EAM-i kishte me nacionalistët e Zervës”.552
Në të njëjtën kohë, me anë të makinacioneve, komunistët grekë nuk lejuan
komunistët shqiptarë të ushtronin lirisht aktivitetin e tyre propagandistik në rradhët e
popullsisë shqiptare në territorin grek. Pengesat e bëra nga forcat majtiste dhe djathtiste
greke, duke kundërshtuar veprimtarinë e grupeve shqiptare brenda gjirit të popullsisë
çame, ishin tashmë të njohura dhe kurrsesi nuk ishin vepër e grupimit çam të udhëhequr
nga Nuri Dino.553 Ndërkohë që edhe veprimtaria e grupit të Nuri Dinos dhe përkrahësve
të tij që në fillim të vitit 1944 ishte gjithnjë e në rënie për shkak të demaskimit që i ishte
bërë aktivitetit të tij nga forcat antifashiste çame.
Propaganda antishqiptare filloi të përhapej dhe në fshatrat dhe qytetet shqiptare ky
banonin pakica kombëtare greke. Në zonat kufitare dhe në qytetet kryesore të Shqipërisë
së Jugut, si në Gjirokastër, Përmet, Sarandë dhe fshatrat përreth, elementë të ndryshëm
grekofilë përhapnin fjalë që kishin si qëllim shkëputjen e komunitetit fetar ortodoks nga
ai musliman. Kjo propagandë antishqiptare e vinte theksin në përkatësinë fetare, duke
përhapur idenë se, të gjithë ortodoksit ishin grekë, e si të tillë, ata duhej të kërkonin
mbështetje vetëm te forcat greke.554
Elementët reaksionarë në radhët e pakicës greke në Shqipëri si, Jani Pullo dhe
Jorgji Zoto, propagandonin se, “anglezët dhe zervistët do të hynin në radhët e minoritetit
dhe do t’i jepnin fund lëvizjes antifashiste nacionalçlirimtare shqiptare”.555 Në të njëjtën
kohë elementë të tjerë nga rradhët e pakicës greke në Shqipëri viheshin tërësisht në
shërbim të politikës shoviniste zerviste, madje duke mbështetur me ndihma në ushqime
dhe veshmbathje forcat zerviste.556 Mjeku Jorgji Zoto, u vu tërësisht në shërbim të Zervës
dhe forcave ushtarake të tij, duke u bërë një pengesë në përpjekjet për bashkëpunim midis
me FNÇ shqiptar dhe pakicave greke në Shqipëri. Sipas udhëzimeve të marra nga shtabi i
549 Po aty., fl.4. 550 Po aty., fl.3/1. 551 Po aty., fl.1 552 Liço, Probleme të marrëdhënieve.., 245. 553 Po aty., 251. 554 AQSH, F.14/AP L. V.1944. D.115, fl.6. 555 Po aty., F.17/AP, V.1944, D.31, fl.31. 556 Po aty.
Çështja çame gjatë Luftës së Dytë Botërore Lorenc Agalliu
113
EDES-it, Zoto u përpoq që të pengonte bashkëpunimin e pakicës greke me çetat partizane
shqiptare dhe të merrej me formimin e bandave zerviste në zonat e banuara prej tyre.557
Duke përdorur stërlinat dhe armatimet e dhëna nga anglezët, Jorgji Zoto u përpoq të
tërhiqte rreth vetes njerëz nga minoriteti grek dhe t’i rreshtonte në radhët e EDES-it. Një
veprim i tillë u denoncua nga EAM-i dhe FNCL shqiptar te misioni britanik që ndodhej i
atashuar pranë Shtabit të Zonës së Gjirokastrës.558
Krahas propagandës antishqiptare zerviste në radhët e popullsisë grekfolëse në
Shqipëri edhe oficerët anglezë u munduan të minonin punën e bërë deri tani nga
udhëheqja komuniste shqiptare dhe greke për të bashkuar këtë popullsi me luftën
antifashiste nacionalçlirimtare. Për të penguar radhitjen e kësaj popullsie në radhët e
ushtrisë nacionalçlirimtare shqiptare, oficerët britanikë propagandonin në fshatrat e jugut
dhe në Sarandë, mbi mundësitë që kishte vendosja e regjimit të Zogut pas përfundimit të
luftës.559
Me propagandën e tyre, britanikët synonin shkëputjen e pakicave greke nga radhët
e FNÇ shqiptar si dhe përgatitjen e terrenit për të parë mundësinë e rikthimit të mbretit
Zog në Shqipërinë e pasluftës. Oficerët britanikë propagandonin se, “ashtu si në Greqi ku
opinion publik po kthehet në favor të mbretit, edhe në Shqipëri duket se po shtohen
ndjenjat në favor të rikthimit të mbretit Zog. Nuk ka ndonjë dëm nëse i marrim në
konsideratë këto ndjenja”.560 Britanikët edhe pse ishin krejtësisht të bindur se shumica e
shqiptarëve nuk do ta dëshironin një rikthim të mbretit Zog, përsëri ata vazhdonin
propagandën e tyre në dëm të forcimit të lëvizjes antifashiste nacionalçlirimtare
shqiptare.
Paratë e britanikëve dhe propaganda zerviste, e cila dënonte bashkëpunimin e
grekëve me çamët shqiptarë, tronditi thellë dhe vetë krerët drejtues të EAM-it.
Nacionalistët grekë dhe Zerva, ndërmorën një fushatë të shfrenuar propagandistike
kundër bashkëpunimit të EAM-it dhe çetave çame. Forcat zerviste dhe oficerët britanikë
përhapnin lajme të rreme pranë minoritetit, duke theksuar të ardhmen komuniste të
Shqipërisë dhe se, atentatet e krimet ndaj individëve të veçantë kryheshin nga forcat
partizane dhe jo nga ato zerviste.561
Propaganda shoviniste greke e Zervës, për të larguar pakicat greke në Shqipëri
nga çetat partizane shqiptare, misioni i të cilave ishte lufta ndaj pushtuesit dhe
bashkëpunëtorëve të tij, theksonte se, anglezët nuk do të përkrahnin kurrë muslimanët
shqiptarë se, “Zerva ishte pritur mjaft mirë në Janinë dhe se po kështu duhej të pritej dhe
këtu…. se, ne duhet të ngremë këtu vetëm flamurin tonë grek”.562 Kjo propagandë e vinte
theksin në antagonizmat fetarë që ekzistonin midis të krishterëve dhe muslimanëve. Si
rezultat i propagandës anti çame, e anti shqiptare të bërë nga Zerva dhe oficerët britanikë,
hemoragjia në radhët e çetave partizane të EAM-it vazhdoi për një kohë të gjatë dhe ajo u
shtri në të gjithë Greqinë. Nacionalistët grekë e konsideronin organizatën e EAM-it si
tradhëtare, e cila sipas tyre, kishte shitur interesat e Greqisë dhe kishte vendosur të
557 Po aty., V.1943, D.7, fl. 6. Shif dhe N. Zhangos, Imperializmi anglez…,32. 558 Po aty. 559 Po aty., V.1944. D.37, fl.21. 560 Puto, Nëpër analet e diplomacisë…,120. 561 AQSH, F.17/AP L. V.1944. D.17, fl.27. 562 Po aty.
Çështja çame gjatë Luftës së Dytë Botërore Lorenc Agalliu
114
bashkëpunonte më çamët shqiptarë, të cilët konsideroheshin bashkëpunëtorë të
pushtuesve italianë.563
Puna e komunistëve të EAM-it në territorin shqiptar bëhej e veçuar dhe pa
bashkëpunimin me përfaqësuesit e PKSH. Kur përfaqësues të PK greke hynin në Shqipëri
për të punuar me pakicat greke, gjatë bisedimeve shpesh herë komunistët shqiptarë nuk
ishin të pranishëm. Një fakt të tillë e mbështet dhe një raport i Komitetit Qëndror të
Partisë Komuniste Shqiptare i qarkorit të Gjirokastrës, dërguar KQ PKSh në Tiranë, ku
theksohej se, “ata (komunistët grekë) mbi të gjitha na kanë dëmtuar punën tonë politike,
pse punën me minoritetin e kanë parë të ndarë dhe autonome, duke mos patur lidhje të
rregullta me ne”.564 Akuzat e komunistëve shqiptarë për homologët grekë gjatë periudhës
së fundvitit 1943 dhe fillimit të vitit 1944, u bënë më të shpeshta për shkak dhe të
përkrahjes që popullsia minoritare greke në Shqipëri po i jepte lëvizjes së MAVI-it.565
Në jo pak raste, Partia Komuniste Shqiptare u ankua për format e punës të
komunistëve grekë, metoda këto që binin ndesh me marrëveshjet e arritura midis dy
forcave politike të majta. Për të mos lejuar që puna e komunistëve grekë me minoritetin
të ishte një punë e veçuar dhe me prapaskena shoviniste, PKSH i bëri të ditur PKG që
komunistët e ardhur në Shqipëri për çështjen e minoritetit duhej të aderonin në PKSH dhe
aktivitetin e tyre politik e ushtarak t’a zhvillonin së bashku me përfaqësues shqiptarë.566 E
njëjta rrugë u mendua të ndiqej dhe në Çamëri, për nxitjen e komunitetit shqiptar çam dhe
bashkimin e tyre me forcat e EAM/ELAS-it. Komanda e Qarkut të Gjirokastrës, në jo pak
raste kundërshtoi në mënyrë të hapur kërkesat arbitrare dhe të njëanshme të komunistëve
grekë për arrestimin dhe dënimin e çamëve, të cilët konsideroheshin kriminelë lufte dhe
që ndodheshin në territorin e shtetit shqiptar.
Puna e dobët dhe përçarëse e disa prej kuadrove komunistë në gjirin e udhëheqjes
së PKG, sabotoi në mënyrë të qëllimshme vijën e bashkëpunimit të popullsisë çame me
EAM-ELAS-in. Shumë udhëheqës komunistë grekë të ndikuar nga fryma nacionaliste,
ishin kundër përfshirjes së shqiptarëve muslimanë në batalionet e armatosura të ushtrisë
nacionalçlirimtare greke. Brenda gjirit të udhëheqjes së PKG dhe të EAM-it kishte nga
ata drejtues, siç ishte Kostas Inois (Barkas), i cili kishte shprehur mendimin se,
“partizanët e ELAS-it duhet të paguheshin ashtu siç kishin bërë anglezët me ushtrinë
zerviste".567 Një veprim i tillë çoi në sabotimin e vijës politike, ideologjike dhe ushtarake
të Partisë Komuniste greke dhe dëmtimin e rezistencës antifashiste.568
Në të njëjtën kohë, propaganda komuniste greke e fshehu qëllimin e saj të vërtetë
duke mos ushtruar aktivitet në territorin shqiptar në dobi të çështjes së përbashkët.
Komunistët grekë duke e shfrytëzuar këtë hapësirë që i la pala shqiptare, në vend që të
nxisnin pakicat greke të bashkoheshin me ushtrinë nacionalçlirimtare shqiptare kundër
pushtuesve, ushtruan një veprimtari shoviniste në kurriz të territorit shqiptar.
563 Mazouer, Inside Hitler’s.., 141. 564 AQSH, F.14/AP L, V.1943, D.13, fl.34. Raport i dërguar Komitetit Qëndror të Partisë Komuniste
Shqiptare në Tiranë, mbi aktivitetin politik dhe ushtarak të KQ PKSH për qarkorin e Gjirokastrës. 565 Manda, Çamët myslimanë…, 162. 566 AQSH, F.14/AP, V.1943, D.13, fl.34/1 567 Liço, Probleme të marrëdhënieve…, 245. 568 Po aty.
Çështja çame gjatë Luftës së Dytë Botërore Lorenc Agalliu
115
Puna e dobët e komunistëve grekë në radhët e popullsisë grekfolëse në Shqipëri u
pasqyrua në shtimin e radhëve të forcave zerviste dhe nacionaliste greke e shqiptare.
Gradualisht në fshatrat ku banonin pakica greke në Shqipëri, filloi të hedhë rrënjë
propaganda shoviniste zerviste, e cila pengonte popullsinë të përkrahte EAM dhe LANÇ
shqiptare. Në lidhje me këtë, një raport të Ihsan Budos dërguar Qarkorit të Gjirokastrës
mbi gjendjen në rrethin e Sarandës në vjeshtën e vitit 1944, thuhej se, “të frikësuar nga
terrori i gjermanëve dhe i bandave zerviste, fshatrat me popullsi ortodokse në Shqipërinë
e Jugut nuk ofronin strehim dhe kishin ndërprerë çdo ndihmë për forcat partizane të
EAM-it dhe të FNÇ”.569 Në raport thuhej se, “edhe pas disa konferencave dhe me punën
propagandistike të bërë nga PKSH dhe EAM në fshatrat minoritare Pal, Aliko, Vrion,
Çukë, Metoq e Vermera përsëri kishte vështirësi në mbledhjen e ndihmave dhe të
kuotacioneve për çetat partizane”.570
Falë propagandës shoviniste, popullsia greke në Shqipëri aktivitetin e saj në dobi
të luftës antifashiste nacionalçlirimtare kërkonte ta kryente e shkëputur nga ndikimi i
partisë komuniste shqiptare. Në shumë raste puna e komunistëve shqiptarë në radhët e
kësaj popullsie ishte tepër e vështirë, pasi propaganda shoviniste e Zervës dhe ajo e PKG
kishin hedhur thellë rrënjë. Propagandën antishqiptare të Zervës në Greqi, si dhe luftën e
tyre kundër çdo bashkëpunimi midis forcave të majta ushtarake greke dhe shqiptare e
konfirmon më së miri një tjetër raport i Ihsan Budos, i datës 2 nëntor 1944 dërguar
Shtabit të Zonës Operative në të cilin thuhet se; “Në Korfuz është krijuar një Komision
ku marrin pjesë zervistë, inglezë dhe amerikanë”571. Sipas këtij raporti, “ky Komision ka
ndaluar rreptësisht që njerëz të EAM-it të shkojnë në tokën shqiptare, duke ju vënë në
dukje se me shqiptarët ju jeni armiq”.572
Prapaskenat e përgatitura nga grekët, qofshin këta të majtë apo të djathtë, për
pengimin e veprimtarisë partizane shqiptare në territorin grek, fshihnin në vetvete një
tjetër qëllim. Me veprimet e tyre ata donin të eliminonin çdo provë bashkëpunimi me
shqiptarët, duke treguar pas lufte, se shqiptarët jo vetëm që nuk dhanë kontributin e tyre
në luftë kundër fashizmit, por se ata ishin dhe bashkëpunëtorë të tij.
569 AQSH, F.17/AP L. V.1944. D.37, fl.21. Raport i Ihsan Budos dërguar Qarkorit të Gjirokastrës mbi
gjendjen në rrethin e Sarandës. 570 Po aty. 571 Po aty., fl.22. Raporti mban datën 2 nëntor 1944. 572 Po aty.
Çështja çame gjatë Luftës së Dytë Botërore Lorenc Agalliu
116
3.4. Zgjerimi i lëvizjes së armatosur antifashiste çame, 1943-1944.
Gjatë muajit gusht 1943, ku veprimtaria e ushtrisë italiane pothuajse ishte shuar
fare, veprimtaria e çetave partizane shqiptare në Çamëri dhe në Shqipërinë e jugut ishte
rritur ndjeshëm. Por, pas kapitullimit të Italisë fashiste, vendin e trupave italiane në
Çamëri e zunë ato gjermane, të cilat deri tani e kishin njohur këtë krahinë si dominim të
aleatëve të tyre fashistë. Më 5 gusht, një pjesë e divizionit 104 të këmbësorisë gjermane
me qendër në Janinë, division ky i cili ishte në përbërje të truparmatës së 22, u ndesh me
batalionin “Çamëria”. Beteja midis batalionit partizan shqiptar “Çamëria” dhe trupave
gjermane u zhvillua në Qafën e Kandalit, ndërmjet fshatrave Konispol dhe Skalomë.573
Në fillim të vjeshtës së vitit 1943, sulmet gjermane për të marrë në kontroll
Konispolin dhe Çamërinë u bënë më të shpeshta. Kjo zonë përbënte një nga pengesat
kryesore për aktivitetin luftarak të komandës së Korpusit 22 malor gjerman, i cili synonte
të pushtonte këtë territor dhe të kontrollonte gjithë bregdetin e detit Jon, që nga Preveza e
deri në gjirin e Vlorës.574 Pikërisht, për shkak të kësaj situate, Prefektura e Gjirokastrës,
në qershor të vitit 1943 njoftonte Ministrinë e Punëve të Brendshme në Tiranë, se situata
në këto zona paraqitej shumë delikate.575
Në muajin shtator, trupat gjermane të ndihmuara dhe nga forcat nacionaliste greke
të N. Zervës të komanduara nga gjenerali Vitos, hynë në Konispol dhe kryen masakra
kundër popullsisë shqiptare dhe asaj greke që kishte mbajtur një qëndrim mbështetës ndaj
FNÇl shqiptar. Gjatë këtyre masakrave, u vranë dhjetra banorë dhe u dogjën mbi 50
shtëpi.576 Për t’u bërë ballë sulmeve të forcave gjermano-zerviste, në ndihmë të batalionit
“Çamëria” erdhën dhe forca vullnetare partizane, të përbërë nga çamë dhe minoritarë
grekë. Forcat partizane shqiptare për ditë të tëra mbajtën të bllokuar ushtrinë gjermane në
segmentin rrugor Konispol-Sajadhë, Vërvë-Koskë. Beteja e Konispolit zgjati 55 ditë dhe
në përfundim të saj, forcat gjermane u shpartalluan keq nga goditja e trupave partizane të
këtij batalioni.
Në 9 shtator të vitit 1943, ndërsa çeta partizane shqiptare e udhëhequr nga
luftëtari çam Haki Rushiti po merrej me çarmatimin e ushtarëve italianë që tashmë kishin
dezertuar në Delvinë e Sarandë, çeta tjetër partizane “Hoxha Tahsin”, së bashku me disa
njësi të tjera të fshatit Konispol, mbetën ende në vijat e luftimit kundër trupave gjermane. 577 Në shenjë hakmarrje të disfatës së pësuar në betejat me çetat çame, gjatë operacionit të
dimrit të vitit 1943, bandat zerviste së bashku me trupat gjermane, shkatërruan dhe
dogjën krahinat e Zagorisë dhe Pogonit.578
Në kuadër të krijimit të çetave luftarake partizane, si EAM-i dhe FNÇ shqiptar,
afruan në gjirin e tyre pjesëtarë të popullsive greke dhe shqiptare në të dyja anët e kufirit
greko-shqiptar. Për llogari të Ushtrisë Nacionalçlirimtare shqiptare minoriteti grek formoi
çetat e tij ushtarake, të cilat qëndruan deri në fund të luftës në krah të forcave partizane
573 Dokumente të Komandës së Përgjithshme dhe të Shtabit të Ushtrisë Vullnetare Shqiptare, Vëll. I, 261. 574 A.I.H, Dokumente gjermane, T.113/482, Nr.17/43. 575 AQSH, F.149, V.1943, D.1/481, fl.9. 576 Enver Hoxha, Dy popuj miq, (Tiranë, 8 Nëntori, 1985), 37. 577 Hoxha, Viset kombëtare.., 341. 578 Hoxha, Dy popuj miq..,37.
Çështja çame gjatë Luftës së Dytë Botërore Lorenc Agalliu
117
shqiptare. Në muajin nëntor të vitit 1943 me pjesëmarrjen e minoritetit grek në Shqipëri,
u formua batalioni i parë “Thanas Ziko”, i cili ishte pjesë e ushtrisë nacionale çlirimtare
shqiptare dhe vepronte nën komandën e saj. Ndërsa batalioni “Çamëria”, i cili më vonë
mori emrin e dëshmorit “Thoma Lulo”, u përfshi në Brigadën e XIX Sulmuese të
Ushtrisë Nacional Çlirimtare Shqiptare, duke u bërë njëkohësisht simbol i vëllazërimit të
popullit shqiptar me minoritetin grek.579
Në kuadër të riorganizimit të formacioneve partizane shqiptare, Shtabi i
Përgjithshëm i Ushtrisë Popullore Vullnetare Nacionalçlirimtare shqiptare, udhëzonte
Shtabin e zonës operative Vlorë-Gjirokastër në muajin prill të vitit 1944, mbi masat që
duhet të merreshin për organizimin e brigadës së VIII sulmuese. Në këtë udhëzim thuhej
se; “Jemi të mendimit për brigadën e VIII që të formohet prej këtyre reparteve. Një pjesë
e mirë të merret nga batalioni “Çamëria”, një pjesë të merret nga Vlora {…} dhe dy
kompani të merren nga batalioni minoritar “Thanas Ziko”.580
Çetat partizane mikse të përbëra nga grekë dhe shqiptarë, kryen disa operacione të
rëndësishme ushtarake kundër forcave të përbashkëta gjermane e zerviste në zonat e
Mallumit, Pleshavicë në Revani etj. Gjatë këtyre betejave nga rradhët e partizanëve çamë
ranë dëshmorë heroikisht në fushën e betejës, Muharrem Myrtezai, Ibrahim Halluni,
Musa Vejseli etj.581 Në kuadër të rritjes dhe forcimit të radhëve të ushtrisë antifashiste, në
fshatin Kastanjë të Greqisë në maj të vitit 1944, u krijua batalioni i minoritetit çam, i cili
mori emrin e heroit të luftës antifashiste nacionalçlirimtare “Ali Demi”.582 Pjesë e këtij
batalioni u bënë shumë të rinj çamë të ardhur nga familjet me traditë të Çamërisë si ajo e
Fadil Brahos nga Paramithia, e Mete Duros nga Njihori si dhe nga Galbaqi, Lopësi,
Spatari, Karbunari, Kurtesi, Vola etj,.583 E veçanta e këtij mobilizimi të madh të fshatrave
çame ishte se deri në këtë periudhë shumica e tyre kishin mbajtur një qëndrim asnjëanës,
duke mos dashur të angazhoheshin në luftë as përkrah Nuri Dinos e as në krahë të forcave
partizane të EAM-it grek. Si rezultat i këtij mobilizimi, batalioni “Ali Demi” për pak
kohë u forcua me mbi 500 luftëtarë të rinj, ku pjesa më e madhe ishin pikërisht nga
fshatrat e Çamërisë.584
Në korrik të vitit 1944, përpjekjet e krerëve shqiptarë çamë të Çamërisë për
bashkëpunim me EAM/ELAS-in grek, u finalizuan me nënshkrimin në Finiq të Filatit të
një marrëveshjeje të përbashkët, e cila në thelb të saj kishte angazhimin e forcave çame
në krahë të ushtrisë nacionalçlirimtare greke.585 Sipas kësaj marrëveshje, përfaqësuesit e
çamëve muslimanë ranë dakord që të lejonin ushtrinë e ELAS-it të merrte në kontrollin e
saj ushtarak Filatin dhe zonat e tij përreth. Gjithashtu, përfaqësuesit e popullsisë
muslimane çame pranuan që të furnizonin me ushqime e veshmbathje ushtrinë partizane
greke, sipas nevojave të rastit. Po ashtu, palët u zotuan që të siguronin një amnisti të
579 Historiku i Brigadës XIX Sulmuese, (Tiranë, 2000), 4. 580 Dokumente të Shtabit të Shtabit të Përgjithshëm e të Komandës së Përgjithshme të Ushtrisë, I, (Tiranë, 8
Nnëtori, 1976), 279. 581 Meta, Tensioni greko-shqiptar.., 153. 582 AMPJ, V. 1946, D.137, fl. 29-31. 583 Krapsites, Oi mousolmanoi..,175. 584 AMPJ, V. 1945, D.59/2. 585 Njoftim i Shtabit të Përgjithshëm të Ushtrisë, 907/ ╓/B, EOEA, Drejtoria Informative për Misionin
Aleat, datë 20.8.1944. Cituar sipas Manda, Çamët myslimanë…, 189.
Çështja çame gjatë Luftës së Dytë Botërore Lorenc Agalliu
118
përgjithshme, për ata persona që kishin bashkëpunuar me armikun, por që nuk kishin
kryer krime ndaj njerëzve të ELAS-i.586
Publikimi i marrëveshjes nga ana e EAM-it, shkaktoi një pakënaqësi të madhe në
radhët e popullsisë ortodokse greke, e cila e nxitur dhe nga propaganda antishqiptare e
Zervës, e kundërshtoi hapur atë. Kjo ngjarje bëri që shumë kuadro komunistë grekë të
EAM-it të udhëtonin në fshatrat me popullsi greke të Çamërisë, për të bindur popullsinë
mbi rëndësinë e madhe që kishte arritja e kësaj marrëveshjeje me çamët shqiptarë.587 Në
kushtet në të cilat ndodhej vendi, arritja e një bashkëpunimi të tillë ishte mjaft e
domosdoshme, pasi jo vetëm që bëhej bashkimi i të gjitha forcave të gatshme për luftë
kundër pushtuesve të huaj nazi-fashistë, por hidhej një hap mjaft i rëndësishëm për
pajtimin dhe bashkëjetesën midis dy komuniteteve që jetonin në Çamëri.
Masakrat e Zervës ndaj minoritetit shqiptar në Greqi në qershor të vitit 1944, çuan
në shtimin e radhëve të çetave partizane greke e shqiptare me luftëtarë çamë. Si rezultat i
spastrimit etnik të kryer nga zervistët, rreth 500 çamë gjatë muajve shtator, tetor dhe
nëntor të vitit 1944, iu bashkuan njësive luftarake të ELAS-it grek, për të luftuar kundër
gjermanëve. Autori F. Liço mbështet të dhënat e mësipërme, duke shtuar se, si pasojë e
masakrave të EDES-it ndaj popullsisë çame, në dhjetëditëshin e fundit të muajit nëntor
1944, disa qindra çamë u bashkuan me ELAS-in në Pogon të Epirit dhe, kryesisht, me
batalionin miks greko-çam në regjimentin e XV.588
Edhe autorja greke E. Manda, thekson se, “pas ngjarjeve të shtatorit dhe pas
largimit të popullsisë çame nga Filati, vihet re një pjesëmarrje më masive e çamëve
muslimanë në radhët e ELAS-it”. 589 Sipas saj, 300 deri në 500 luftëtarë çamë u
inkuadruan në radhët e formacioneve të ELAS-it, ku shumica e tyre u bënë pjesë e
batalionit mikst të regjimentit të XV-të të divizionit të 8, nën drejtimin e Jani Sarafit dhe
që vepronte në zonat kufitare greko-shqiptare.590
Shtimin e rradhëve të FNÇ shqiptar me partizanë çamë, pas masakrave të para të
kryera nga Zerva ndaj popullsisë shqiptare, e mbështet dhe një raport informativ i
nënkolonelit Islam Radovicka dërguar Enver Hoxhës në datën 17 nëntor të vitit 1944, ku
thuhej se, “nga masakrimet e bëra kundra popullatave çame në Paramithi dhe nga
përkrahja që gjetën tek ne familjet e shpërngulura nga zonat përtej kufirit, nga dy tre
konferenca të mbajtura prej nesh dhe prej përfaqësuesve grekë të Regjimentit të XV, në
të cilat u vu në dukje tradhëtia e N. Dinos dhe e H. Rushitit, u arrit që çamërit vet ta
kuptojnë {...} e të mobilizohen në radhët e UNÇL”.591
Megjithë përpjekjet e minoritetit çam në Greqi për të përkrahur Ushtrinë
Nacionalçlirimtare Greke, ka autorë që e quajnë të gabuar vijën e ndjekur nga elementët
antifashistë çamë. Autori F.Liço e konsideron të gabuar taktikën e ndjekur nga pjesa
antifashiste çame, e cila vendosi të radhitej përkrah forcave të EAM/ELAS-it grek. Sipas
tij, elementët antifashistë çamë, kryesisht studentë, në vend që të punonin për të
organizuar popullsinë çame kundër forcave të Nuri Dinos, si dhe kundër pushtuesve
586 Manda, Çamët myslimanë…, 189. 587 Po aty., 190. 588 Liço, Probleme të marrëdhënieve..,275. 589 Manda, Çamët muslimanë.., 200. 590 Po aty., 200-201. 591 AQSH, F.41, V. 1944, D.79, fl.42.
Çështja çame gjatë Luftës së Dytë Botërore Lorenc Agalliu
119
nazifashistë, preferuan rrugën e lehtë të inkuadrimit në forcat partizane të ELAS-it dhe në
batalionin “Çamëria”.592 Mos vallë radhitja e popullsisë çame përkrah forcave të ELLAS-
it, nuk kishte për qëllim luftën kundër pushtuesve nazi-fashistë dhe klikës së Nuri Dinos?
Për autorin Liço, do të ishte më mirë që popullsia çame të vritej në një luftë civile midis
njëri-tjetrit, se sa të rradhitej përkrahë forcave çlirimtare greke. Nëse mund të quhej rrugë
e lehtë pjesëmarrja e elementit përparimtar çam përkrah forcave çlirimtare greke, a nuk
ishte dhe kjo rrugë një kontribut që dhe popullsia çame për çlirimin e Greqisë nga forcat
nazi-fashiste. Sigurisht që ajo pjesë e konsiderueshme e popullsisë çame, e cila ishte
radhitur përkrahë forcave çlirimtare greke, luftonte si kundër Nuri Dinos dhe kundër
bashkëpunëtorëve të tjerë grekë me fashizmin.
Ndër të tjera, autori F. Liço mundohet të japë disa shkaqe që sipas tij, ndikuan në
mospjesëmarrjen masive të popullsisë çame në lëvizjen antifashiste nacionalçlirimtare.
Sipas këtij autori, arsyeja kryesore ishte krijimi i Partisë Fashiste dhe i degëve të saj në
krahinën e Çamërisë prej përkrahësve të Nuri Dinos, gjë e cila frenoi popullsinë çame t’i
bashkohej rezistencës antifashiste.593 Por, ky autor vetëm pak rreshta më poshtë pranon
se, vëllezërit Nuri dhe Masar Dino, pavarësisht nga numri i kufizuar i përkrahësve të tyre,
arritën të neutralizojnë elementin përparimtar çam.594 Pra, vetë autori pranon se numri i
përkrahësve të vëllezërve Masar dhe Nuri Dino ishte i kufizuar. Liço jep dhe argumente
të tjera që, sipas tij minuan punën e EAM-it për të tërhequr minoritetin musliman çam në
luftë kundër pushtuesve gjermanë dhe Zervës. Autori si një pjesëmarrës në luftën
antifashiste në radhët e ushtrisë së ELAS-it, pranon faktin se, si pasojë e politikës së
gabuar të disa kuadrove të veçantë të EAM-it, si dhe të agjenturës greke e cila vepronte
kundër luftës antifashiste, ai vet u izolua nga puna për të tërhequr minoritetin çam në
luftë kundër pushtuesëve, detyrë të cilën ia kishte ngarkuar Komiteti Panepiriot.595
Në fakt numri i çamëve shqiptarë, pjesëmarrës në Luftën e Dytë Botërore, përkrah
rezistencës antifashiste greke, është shumë herë më i lartë nga sa pretendon historiografia
greke dhe misionet britanike në Shqipëri e Greqi. Në këto shifra, asnjëra palë nuk ka
marrë qëllimisht në konsideratë, numrin e shqiptarëve çamë të cilët i përkisnin besimit
ortodoks dhe që kanë luftuar në çetat partizane greke kundër pushtuesve italo-gjermanë.
Misioni britanik në Shqipëri e pranon, ndonëse me tone të ulëta se, çamët shqiptarë kishin
400 deri në 700 luftëtarë të armatosur pranë ELAS-it, por sipas tyre kjo forcë ishte krijuar
më tepër për të luftuar kundër Zervës se sa kundër gjermanëve.596 Po në këtë raport,
oficeri britanik duke mbështetur linjën e bashkëpunimit të çamëve me pushtuesit italo-
gjerman, argumentonte se, gati 2000 vetë “kishin bashkëpunuar me gjithë zemër me
gjermanët”.597 Akuzat e Zervës dhe të britanikëve se, çamët së bashku me ushtrinë e
ELAS-it në dhjetor të viti 1944, kanë sulmuar trupat e Zervës598 edhe nëse është i vërtetë,
592 Liço, Probleme të marrëdhënieve.., 307. 593 Po aty., 306. 594 Po aty., 307. 595 Po aty., 245. 596 Përmbledhje e Raportit të Palmerit mbi vizitën e tij në Greqinë e veriut, cituar sipas K. Dervishit,
Masakrat…, 99. 597 PRO/FO. 371/48094, Raport i Palmerit mbi vizitën e tij në Greqinë e Verit në datët 13-14 prill 1945. 598 Meta, Tensioni greko-shqiptar, 173.
Çështja çame gjatë Luftës së Dytë Botërore Lorenc Agalliu
120
është një akt për t’u përshëndetur e jo për t’u dënuar, pasi deri në atë kohë Zerva ishte
akuzuar hapur si bashkëpunëtor i pushtuesve gjermanë në Greqi.
Pjesëmarrja e popullsisë çame në gjirin e rezistencës antifashiste greke gjatë
Luftës së Dytë Botërore është e pamohueshme. Kjo pjesëmarrje vërtetohet nga
dokumentet e kohës, ashtu dhe nga numri i lartë i pjesëmarrësve çamë në rezistencën
antifashiste. Sipas të dhënave numri i luftëtarëve çamë në formacionet partizane greke e
shqiptare ishte rreth 1 000 persona, ndërsa numri i dëshmorëve të rënë në luftë kundër
pushtuesit të huaj është 68 partizanë çamë.599
599 Arkivi i Shoqatës Patriotike “Çamëria”, dosja 6. Cituar sipas Meta, Tensioni greko-shqiptar.., 163.
Çështja çame gjatë Luftës së Dytë Botërore Lorenc Agalliu
121
3.5. Veprimtaria e nacionalistëve çamë dhe raportet me grupet politike greke e
shqiptare.
Në pranverë të vitit 1943, prej vëllezërve Dino dhe disa elementëve të tjerë
nacionalistë çamë, në krahinën e Çamërisë u formua organizata e Ballit Kombëtar Çam.
Veprimtaria politike dhe ushtarake e Ballit Kombëtar Çam u shtri dhe në zonat e
fshatrave të jugut të Shqipërisë dhe në fshatrat ku banoni pakicat greke. Në Konispol,
Balli Kombëtar Çam udhëhiqej nga Hasan Pilavi dhe Neshat Rushiti komandat çete i
zonës.600 Ndër eksponentë të tjerë të çetave të Ballit në zonat e jugut të Shqipërisë dhe në
fshatrat çame në afërsi të kufirit ishin Hasan Lame, Omer Mehmeti nga Shalësi, Shyqyri
Xhaferri, Shefqet Haxhi e Brahim Isuf nga Konispoli etj.601
Nacionalistët shqiptarë i kishin shfaqur më herët pikëpamjet e tyre politike mbi të
ardhmen e Shqipërisë dhe të trojeve të saj të lëna jashtë shtetit shqiptar nga vendimet e
Konferencës së Londrës. Një pjesë e nacionalistëve shqiptarë në Shqipëri, Kosovë e
Çamëri shfaqën hapur synimet e tyre për bashkëpunim me gjermanët me qëllim
bashkimin e të gjitha territoreve shqiptare të lëna jashtë shtetit shqiptar. Ata iu bashkuan
idesë për bashkëpunim me pushtuesit, pasi në këtë mënyrë shpresat e tyre për bashkimin
kombëtar mund të bëheshin realitet. Nacionalistët çamë shpresonin që, ashtu si Kosova
dhe Çamëria, me vullnetin e gjermanëve mund t’i bashkoheshin një ditë Shqipërisë. Me
hyrjen e trupave gjermane në Çamëri pas kapitullimit të Italisë fashiste, kontaktet e
nacionalistëve çamë të kryesuar nga Nuri Dino me komandën gjermane u bënë më të
shpeshta. Nuri Dino, pasi kishte shuar çdo shpresë te italianët për realizimin e bashkimit
kombëtar të Çamërisë me Shqipërinë, u hodh në bashkëpunim të hapur me pushtuesit
gjermanë.602
Krahas përpjekjeve të grupeve të majta greke dhe shqiptare për bashkëpunimin
edhe e djathta shqiptare nuk nguroi të mbesë mbrapa në këtë inisiativë. Në kuadër të këtij
bashkëpunimi, oficeri britanik Majers, i cili në pranverë të vitit 1943 ishte ende në krye të
misionit aleat britanik në Greqi, u përpoq të organizonte një takim midis krerëve
nacionalistë shqiptarë dhe nacionalistëve grekë në Manastirin e Paganionit, pranë fshatit
Selan të Paramithisë.603 Në takimin e mbajtur në muajin maj të vitit 1943, nacionalistët
çamë përfaqësoheshin nga Masar Dino dhe nga Myftiu i Paramithisë. Përfaqësues të tjerë
të Ballit Kombëtar Çam, ishin dhe Ferhat Kaso e Sali Meto. Ndërsa për palën britanike
përfaqësues ishte oficeri Majers, kapiten Zhupa përfaqësues i EDES dhe tre oficerë të
tjerë të shtabit të forcave zerviste.604 Kërkesa e ofruar nga britanikët për nacionalistët
shqiptarë në këmbim të mbrojtjes së jetëve të familjeve çame, ishte bashkimi forcave
nacionaliste shqiptare me ato të EDES-it kundra EAM-ELAS-it. Ngurimi i shfaqur nga
Masar Dino dhe krerët e tjerë të nacionalistëve shqiptarë, për ta vënë Ballin Kombëtar
600 AQSH, F.17/APL, V.1943, D.7, fl.14. Raport informativ i Taho Sejkos, Zv. Komandant i Komandës së
Qarkut për Çamërinë, datë 25 nëntor 1943. 601 Po aty. 602 Historia e Popullit Shqiptar, vëll.IV, 152. 603 Isufi, Musa Demi dhe qëndresa….,247-248. 604 Po aty., 248.
Çështja çame gjatë Luftës së Dytë Botërore Lorenc Agalliu
122
Çam nën drejtimin e komandës ushtarake të EDES-it, bëri që kjo përpjekje e britanikëve
të dështonte.
Të njëtin fat pati dhe përpjekja tjetër e bërë nga forcat zerviste greke dhe BKÇ, të
kryesuar po nga Masar Dino, në 10 gusht të vitit 1943, për të arritur një marrëveshje
bashkëpunimi dhe bashkimin e forcave kundër EAM-ELAS-it dhe PKSH.605 Edhe në
këtë takim, i cili u zhvillua në qytetin e Pargës, pala greke erdhi me synime të qarta për të
vënë nën kontrollin e vet gjithë forcat e armatosura të Ballit Kombëtar Çam. Në këtë
takim, nacionalistët grekë iu propozuan krerëve nacionalistë çamë, që të kryhej
menjëherë çarmatimi i plotë i popullsisë çame dhe të gjitha forcat e tjera të afta për luftë
të vendoseshin nën komandën e EDES-it. Gjithashtu, pala greke kërkoi që, për
administrimin e Çamërisë të krijohej një administratë e re me një këshill në krye, i cili do
të quhej Ethnikos Agonas. Nisur nga synimet e tyre të qarta shoviniste, përfaqësuesit
zervistë i kërkuan palës shqiptare që, në zonat që kontrolloheshin nga forcat zerviste të
mos shkelte asnjë këmbë shqiptari i armatosur dhe se të gjitha ndihmat ekonomike që do
të mblidheshin nga popullsia vendase, do të shkonin të gjitha në favor të ushtrisë dhe
komandës zerviste.606 Të vendosur përpara një dileme të madhe, nacionalistët çamë i
refuzuan propozimet greke, duke bërë që edhe këtë radhë, përpjekjet për një marrëveshje
midis nacionalistëve grekë dhe atyre çamë të dështonin.
Në vjeshtën e vitit 1943, me ndihmën e gjermanëve, kontaktet e krerëve
nacionalistë grekë me ata shqiptarë erdhën duke u shtuar. Shumë personalitete të
rëndësishme të nacionalistëve në qeverinë kuislinge shqiptare si Koço Kota,
Kryeministër, Thoma Orolloga, ministër i Drejtësisë, Selim Mborja etj, vendosën
kontaktet e para me përfaqësues nacionalistë grekë në qeverinë kislinge greke si, Thanas
Hrisohoun me detyrë sekretar i Përgjithshëm në Ministrinë për Greqinë Veriore dhe me
Levandi Dingën.607 Objekt i këtyre bisedimeve ishte bashkëpunimi i forcave nacionaliste
greke dhe shqiptare si dhe mundësia për krijimin e një shteti dualist greko-shqiptar në
përfundim të luftës. Nga ana e nacionalistëve shqiptarë, u bënë përpjekje për të vendosur
kontakte dhe me nacionalistët jugosllavë të udhëhequr nga Mihajlloviçi, përpjekje këto që
rezultuan pa sukses.
Nuri Dino dhe nacionalistët e tjerë shqiptarë që e mbështesnin atë, nuk kishin
besim as tek politika e Britanisë së Madhe dhe as te oficerët e saj të pranishëm pranë
forcave djathtiste greke, të cilët më herët i kishin shfaqur ndjenjat e tyre antishqiptare.
Një argumentim të tillë e mbështet dhe historiani Beqir Meta, i cili thekson se;
“nacionalistët shqiptarë çamë nuk i përkrahën përpjekjet e oficerit britanik të ndërlidhjes
për një marrëveshje bashkëpunimi të nacionalistëve çamë me grupin nacionalist të
Zervës, duke parë tek ky i fundit një armik të vendosur të shqiptarëve”.608 Nga ana tjetër
edhe nacionalistët grekë nuk e dëshironin seriozisht një bashkëpunim të popullsisë
shqiptare muslimane me trupat e tyre, pasi një gjë e tillë pengonte arritjen e synimeve
shoviniste të tyre për spastrimin etnik të Çamërisë.
Në Shqipëri, Balli Kombëtar shqiptar pas largimit të italianëve mendoi të dalë nga
pozitat e tij pritëse. Në një udhëzim të shpërndarë nga KQ i BK shqiptar në verë të vitit 605 AMPJ, V. 1944, D.38. 606 Isufi, Musa Demi dhe qëndresa…, 249. 607 Liço, Probleme të marrëdhënieve.., 258. 608 Meta, Tensioni greko-shqiptar.., 156.
Çështja çame gjatë Luftës së Dytë Botërore Lorenc Agalliu
123
1943, thuhej se... “të gjithë shqiptarët duhet të rrëmbejnë armët dhe t’i bashkohen luftës
për atdhe dhe për kufijtë etnikë”.609 Gjermanët për t’a bërë më të lehtë qëndrimin e tyre
në Shqipëri, krijuan një Asamble Kombëtare shqiptare, veprimtaria e së cilës do të
ushtrohej vetëm brenda territorit të shteti shqiptar pa përfshirë Çamërinë. Qeveria
shqiptare e dalë nga Asambleja Kombëtare e 14 gushtit të vitit 1943, u njoh me
pompozitet të madh dhe nga vetë Hitleri, i cili e “përgëzoi” këtë vepër të shqiptarëve.610
Prishja e Marrëveshjes së Mukjes nga udhëheqja komuniste shqiptare në gusht të
vitit 1943, kishte hedhur poshtë një mundësi të mirë për nacionalistët shqiptarë për të
shpalosur qëllimin e tyre lidhur me të ardhmen e kombit shqiptar. Për nacionalistët
shqiptarë mundësia e një bashkëpunimi politik me Frontin Nacionalçlirimtar shqiptar
ishte shuar që në shtator të vitit 1943, kur FNÇ rrëzoi të gjitha pikat e Marrëveshjes së
Mukjes. Marrëveshja e cila pavarësisht se vinte në dukje çështjen e bashkimit kombëtar
të shqiptarëve, nuk theksonte në mënyrë specifike bashkimin e Çamërisë me Shqipërinë.
Çështja kombëtare dhe ajo e Shqipërisë etnike, e cila u diskutua në Konferencën e
Mukjes, trajtonte çështjen e shqiptarëve të Kosovës dhe bashkimit të saj me Shqipërinë.
Ndikimi i komunistëve jugosllavë në PKSH, bëri që edhe kjo çështje të mos trajtohej me
seriozitetin e duhur.
Pavarësisht kushteve të reja politike që ishin krijuar brenda vendit si pasojë e
prishjes së marrëveshjeves me komunistët, forcat e djathta shqiptare nuk i rreshtën
përpjekjet e tyre për bashkimin e trojeve shqiptare me Shqipërinë. Në vazhdën e
përpjekjeve të nacionalistëve shqiptarë për bashkimin e trojeve shqiptare të lëna jashtë
kufirit shtetëror, majori Abaz Kupi në një thirrje të tijën në nëntor të vitit 1943, theksonte
faktin se; “Çdo shqiptar dëshiron marrëdhëniet më të mira me popujt fqinj....dhe se është
detyrë e çdo shqiptari që Kosovën dhe Çamërinë jo vetëm t’i pretendojë, por të luftojnë e
të shkrihen deri në pikën e fundit të gjakut përderisa këto të bashkohen me Nanën
Shqipëri”.611
Gjermanët, duke shfrytëzuar mbështetjen e nacionalistëve shqiptarë çamë, u
përpoqën që të hidhnin minoritetin shqiptar në Greqi kundër forcave të EAM-it grek dhe
të FN çlirimtar shqiptar. Përpjekjet e gjermanëve për të siguruar përkrahjen e popullsisë
shqiptare çame kundër rezistencës antifashiste, shpesh herë u shoqëruan me masa terrori
ndaj pjesës së pabindur të minoritetit çam. Në të shumtën e rasteve, propaganda
nacionaliste në emër të bashkimit të Çamërisë me Shqipërinë shoqëronte mobilizimin e
minoritetit çam në radhët e ushtrisë gjermane dhe forcave nacionaliste të udhëhequra nga
vëllezërit Dino e Haki Rushiti.
Rekrutimi i luftëtarëve të çetave të Ballit në zonën e Çamërisë dhe të fshatrave në
jug të Shqipërisë bëhej nëpërmjet mbështetjes dhe kërcënimeve të gjermanëve e
zervistëve, të cilët kërcënonin fshatra të tërë me djegie, interrnime të familjeve dhe
vrasje. Si rezultat i masave të egra të ndërmara nga komanda gjermane, Zerva dhe Balli
Kombëtar Çam, shumë prej burrave çamë detyroheshin të largoheshin nga shtëpitë e tyrë
për ditë të tëra duke qenë të detyruar të qëndronin të fshehur në male.612
609 AQSH, F.153, V.1943, D.343, f.45 610 Po aty., F.151, V.1943, D.33, fl.1. 611 Kotini, Çamëria denoncon, 202. 612 Isufi, Musa Demi.., 243.
Çështja çame gjatë Luftës së Dytë Botërore Lorenc Agalliu
124
Lidhur me masat shtrënguese të komandës gjermane dhe çetave të Nuri Dinos
ndaj banorëve të fshatrave çamë, për mobilizimin me forcë në radhët e trupave gjermano-
balliste, në raportin informativ të Taho Sejkos, dërguar Shtabit të Zonës së Parë
Operative Vlorë-Gjirokastër, të datës 25 nëntor 1943, thuhet se; “Qëndrimi i disa krerëve
konispolarë dhe shalsiotë në këtë milici naziste, vjen si rezultat se janë të trembur nga
kërcënimi i disa agjentëve të komandantit të batalionit Haki Shehu, kërcënim ky i
vertetuar dhe nga komandantë në prezencë, nga luftëtarë të tjerë dhe nga populli”.613
Një pjesë e mirë e burrave çamë, duke mos pranuar të luftonin në krah të
gjermanëve u hodhën në radhët e ushtrisë partizane shqiptare. Në kundër përgjigje të
këtyre veprimeve, me ndihmën e Nuri Dinos, komanda gjermane ndërmori një valë
arrestimesh ndaj krerëve kryesorë të fshatrave të Çamërisë, të cilët kishin refuzuar
mobilizimin “vullnetarë” nga Ballit Kombëtar çam. Si pasojë e mos bindjes, u arrestuan
Isuf Izeti nga Varfanji, Sako Braho nga Spatari, Qazim Rexhepi dhe Galip Xhaferi.614
Bastisjet e shtëpive dhe reprezaljet e ushtrisë gjermane i konfirmon dhe raporti informativ
i Taho Sejkos i datës 25 nëntor 1943, në të cilin thuhet se, “shumë persona, krejt të
pafajshëm, janë shpërngulur nga krahina që para shkatërrimit të Ballit dhe largimit
provizor të trupave gjermane nga Konispoli nën parrullën, jemi larguar se na ka dënuar
Hakiu me vdekje”.615
Në kuadër të përpjekejeve për të krijuar ura bashkëpunimi midis nacionalistëve
grekë dhe atyrë shqiptarë, prej të dërguarit gjerman në Ballkan Hermann Neubacher
(Herman Noibaher), në fund të vitit 1943 u hodh ideja për zgjidhjen e problemit midis
grekëve dhe shqiptarëve, për sa i përket çështjes së popullsisë dhe të kufijve greko-
shqiptar. Noibaher mendonte se një zgjidhje përfundimtare e këtij problemi do të ishte
shkëmbimi i popullsisë greke që jetonte në jug të Shqipërisë me atë shqiptare të
Greqisë.616 Ajo që të bie në sy është fakti se, në këto përpjekje për bashkëpunim midis
përfaqësuesve të qeverisë kolaboracioniste greke dhe asaj shqiptare mungonte
përfaqësimi i nacionalistëve çamë.
Paralelisht me veprimet e nacionalistëve shqiptarë në Shqipëri, nacionalistët çamë
i shtuan përpjekjet e tyre për krijimin e administratës lokale në Çamëri të udhëhequr nga
shqiptarët. Për këtë qëllim, në fund të vitit 1943, Masar dhe Rexhep Dino, organizuan në
Paramithi një takim me krerët muslimanë shqiptarë të Çamërisë.617 Gjatë këtij takimi u
nënvizua fakti se, për muslimanët shqiptarë tashmë kishte ardhur koha që pushteti lokal të
kalonte në duart e tyre. Gjithashtu në takim u ra dakord që të mos njihej administrata e
mëparshme greke dhe nga ana e shqiptarëve të formohej një këshill administrativ për
Çamërinë, qëndra e të cilit do të ishte Paramithia.618
Nuri Dino, krahas bashkëpunimit që kishte vendosur me pushtuesit gjermanë në
Çamëri, mbante kontakte të ngushta me krerët kryesorë të Ballit Kombëtar shqiptar dhe
me krerët e Regjencës shqiptare në Tiranë. Si një nga eksponentët kryesorë të BKÇ, ai
kishte vendosur lidhje të ngushta me Mehdi Frashërin dhe me kryetarin e qeverisë
613 AQSH, F.17/APL, V.1943, D.7, fl.14. 614 Isufi, Musa Demi.., 244. 615 AQSH, F.17/APL, V.1943, D.7, fl.14. 616 Fischer, Shqipëria gjatë luftës.., 226. 617 Zhango, Imperializmi anglez.., 163-164. 618 Po aty.
Çështja çame gjatë Luftës së Dytë Botërore Lorenc Agalliu
125
kuislinge Rexhep Mitrovicën. 619 Lidhjet e ngushta të Ballit Kombëtar Çam me
eksponentë të qeverisë kuislinge në Tiranë i konfirmon dhe raporti i Taho Sejkos, i
nëntorit të vitit 1943, në të cilin thuhet se; “Balli në Konispol u formua nga tradhëtari
Nuri Dino e një farë Hasan Pilavi, tashti që të dy me qëndrim në Tiranë”.620
Krahas lidhjeve me BK shqiptar dhe me qeverinë kuislinge në Tiranë, krerët e BK
Çam, me ndihmën e gjermanëve u përpoqën të vendosnin sërish kontakte me
nacionalistët grekë. Në kuadër të bisedimeve për bashkëpunimin midis forcave
nacionaliste greke dhe atyre shqiptare, në datën 26 dhjetor 1943, kreu i nacionalistëve
çamë Nuri Dino dhe vëllai i tij Masar Dino, u takuan me N. Zervën dhe nacionalistë të
tjerë grekë në shtëpinë e Qenan bej Mesaresë, shtëpi kjo e cila për shumë kohë kishte
qënë bazë e lëvizjes nacionaliste çame. Megjithëse nga ky takim palët nuk dolën me
ndonjë marrëveshje konkrete, kontaktet e nacionalistëve grekë dhe shqiptarë vazhduan
më vonë gjatë dimrit dhe pranverës së vitit 1944.621
Për ta patur më të lehtë luftën kundër forcave të majta greke dhe shqiptare,
komanda gjermane u mundua të siguronte një bashkëpunim midis EDES- it dhe forcave
nacionaliste shqiptare. Për këtë qëllim, në muajin shkurt të vitit 1944, Nuri Dino dhe
nacionalistë të tjerë shqiptarë morën udhëzime nga gjermanët që të tregoheshin më të
butë në qëndrimin e tyre ndaj Zervës.622 Në fund të këtij muaji, Nuri Dino u takua me
kolonel Th. Sarandis, një nga krerët lokalë të forcave edesiste. Sipas, Sarandis, qëllimi
kryesor i Nuri Dinos ishte të përpiqej të siguronte mosdënimin dhe shpëtimin e jetëve dhe
të pasurive të bashkëatdhetarëve të tij pas çlirimit, duke kërkuar nga N. Zerva, që të
disiplinonte andartët e tij, e t’i bindte ata të tregoheshin shpirtgjerë e të mos derdhej
gjak.623 Përfaqësuesi i Zervas nuk dha asnjë garanci për jetët e shqiptarëve çamë, veprim
ky i cili tregon se msakrat që ndodhën më pas ndaj popullsisë çame në Greqi, ishin të
parapërgatitura. Në kujtimet e tij, Sarandis shkruan se, përgjigjja ime për Nuri Dinon
ishte, se shpëtimi jetëve të minoritetit çam varej nga ata vetë..se Zerva e ka të vështirë të
bindë ushtarët e tij, pasi ata nuk janë ushtarë por mercenarë.624
Gjatë muajve të parë të vitit 1944, Haki Rushiti i cili kishte lënë Frontin
Nacionalçlirimtar shqiptar për të kaluar në radhët e BKÇ, kishte arritur që, nën siglën e
FNÇ të grumbullonte rreth 600 luftëtarë çamë. 625 Një pjesë e partizanëve çamë të
udhëhequr nga Haki Rushiti, të shkëputur nga batalioni “Çamëria”, kaluan në përkrahje të
nacionalistëve shqiptarë të udhëhequr nga Nuri Dino. Por menjëherë, pasi u kuptua se H.
Rushiti këtë mobilizim e kishte bërë për llogari të Ballit Kombëtar Çam, pothuajse të
gjithë këta luftëtarë refuzuan të luftonin kundër vëllezërve shqiptarë dhe atyre grekë. Si
rezultat, luftëtarët çamë braktisën në masë çetat e Ballit, të cilat u katandisën në rreth 40
vetë. Kështu në betejën e Konsipolit dhe Zminecit, të zhvilluar në datat 14-15 shkurt
1944, që në ditën e parë dhe të dytë, kur e panë se përballë për të luftuar kishin çetat
619 AMPJ. D.59/10, V.1945. 620 AQSH, F.17/APL, V.1943, D.7, fl.14. 621 Liço, Probleme të marrëdhënieve…, 258-259. 622 AQSH, F.151, V. 1944, D.38, fl.3. 623 Sarandis, To Vorioipiritiko zitima.., 18. Cituar sipas Liço, Probleme të marrëdhënieve…, 259. 624 Po aty. 625AQSH, F.41, V.1944, D.79, fl.3.
Çështja çame gjatë Luftës së Dytë Botërore Lorenc Agalliu
126
partizane, ata refuzuan të luftonin, duke u hedhur të gjithë në anën e FNÇ shqiptar.626
Historiani I. Hoxha, për kalimin e komandantit Haki Rushiti kundër Lëvizjes
Nacionalçlirimtare, bën me faj pikërisht udhëheqësit komunistë të Qarkut Gjirokastër, të
cilët sipas tij, me kokëfortësi gjykuan tërësisht gabim vijën e ndjekur deri tani nga çeta e
tij.627
Dështimi i njëpasnjëshëm i përpjekjeve për të gjetur aleatë strategjikë, si dhe
goditja e fortë që morën forcat e ballit në betejën e 18-22 shkurtit 1944 nga forcat
partizane, e detyroi Nuri Dinon të kërkonte paqe me komunistët shqiptarë. Në shkurt të
vitit 1944, kreu i nacionalistëve çamë i shkruante një letër Shefqet Peçit, ku e njoftonte
mbi mundësinë e bashkëpunimit të forcave greke të EAM/ELAS-it dhe EDES-it dhe
rrezikun që paraqiste për Shqipërinë ky bashkim. Për të qenë sa më objektiv në
pasqyrimin real të fakteve historike, letrën e Nuri Dinos drejtuar Shefqet Peçit më poshtë
po e japim të plotë:
“Nga informatat të sigurta rezulton se në Greqi, Partia Komuniste u bashkua më Partinë
Nacionaliste dhe me gjithë këtë në Sotirë, Pepel, Leshnicë, grekërit po sulmojnë çetat
t’ona. Si shqiptar kam detyrë t’ju njoftoj se populli grek simbas zakonit të tij milenar
(shekullor, të vjetër, shënimi ynë,) edhe sot po vazhdon të gënjejë që të shkatërrojë
Shqipërinë qoftë edhe nën maskën komuniste, siç po veprojnë sot me juve. Thotë një fjalë
turke “Siz shehit biz gazi” d.m.th. “Juve dëshmorë neve heronjë, thonë grekërit”. Mjaft
gjak shqiptari vaditi tokën tonë, mjaft larg u dëgjua afshi i popullit t’onë për liri, edhe kjo
mjafton për të nesërmen, por duhet të na gjejë të bashkuar më shumë se kurrë, se fqinjët
t’onë do të na hanë. Janë kamaleontë (kameleonë), ndrishojnë jo vetëm karakter, por edhe
fytyrë. Unë i njoh pak më mirë.
Për hir të gjakut që na bashkon edhe të zakonit që nuk mund të na ndajë, po ju drejtohem
tue ju kerkuar të më njoftoni si mejtoni juve këtë çështje edhe unë jam në një mejtim, i
njëj bashkimi bazat e të cilit mund juve të na i njoftoni me konditë që të mos preken
principet t’ona edhe karakteri kombëtar. Me letër prorësin të më jepni përgjigje konkrete
mbi çka ju parashtrova ma sipër. Çdo marrëveshje që mund të fillojë do të zhvillohet
eksluzivisht midis meje edhe juve me zotnime reciproke, sepse këto gjëra mund të
vendosen vetëm ndërmjet burrash të vendosur për çdo sakrificë. Siç do të kini njoftim
Haki Rushiti hoqi dorë nga vëllavrasja kur kuptoi mejtimet e errëta të grekërve. Di që
edhe juve keni çfaqur një mejtim të tillë në Zhulat kundra vëllavrasjes. Prandaj kam
shpresë se neve të dy do të bëhemi shkaktar të një rruge të mbarë…”628
Letra e Nuri Dinos drejtuar komunistëve shqiptarë mbeti pa përgjigje dhe nuk u
mor asnjëherë në konsideratë nga ana e udhëheqjes komuniste të Lëvizjes Antifashiste
Nacionalçlirimtare. Vija politike e kësaj force tashmë ishte e përcaktuar qartë. Ajo nuk
parashikonte asnjë lloj bashkëpunimi me forcat e tjera, e aq më tepër me nacionalistët e
Nuri Dinos, të cilët ishin shpallur tradhëtarë dhe bashkëpunëtorë me pushtuesit italo-
gjermanë. Për PKSH pozitat e vështira në të cilën ndodheshin nacionalistët, nuk mund t’u
diktonin atyre bashkëpunim. Sipas udhëheqjes komuniste, ky veprim i nacionalistëve
ishte i detyruar për shkak të disfatës që çetat nacionaliste të Nuri Dinos kishin pësuar së
626 Po aty. 627 Hoxha, Viset shqiptare…, 349. 628 AQSH, F.14/AP, V.1944, D.79, fl.6.
Çështja çame gjatë Luftës së Dytë Botërore Lorenc Agalliu
127
fundi përballë ushtrisë partizane. Thirrja për bashkëpunim e Nuri Dinos, drejtuar Lëvizjes
Antifashiste Nacionaçlirimtare shqiptare nuk u morr në konsideratë, pasi nga LANÇ-i kjo
kërkesë vlerësohej si një thirrje e diktuar nga kushtet e kapitullimit, në të cilën ndodhej
tashmë Balli Kombëtar Çam dhe Nuri Dino.
Më shumë se sa një vendim politik i forcave nacionaliste shqiptare, thirrja e N.
Dinos drejtuar PKSH të Qarkorit të Gjirokastrës, dukej se ishte një inisiativë personale tij
për të shpëtuar atë ç’ka kishte mbetur nga kredibiliteti politik dhe ushtarak i
nacionalistëve shqiptarë çamë pas betejës së shkurtit të vitit 1944. Në betejën e zhvilluar
në datat 18 deri në 22 shkurt midis forcave partizane dhe atyre nacionaliste, të
udhëhequra nga Haki Rushiti, për marjen e korridorit midis Çamërisë dhe Konispolit,
forcat e Ballit Kombëtar Çam dolën të dërrmuara. Në letër del qartë dhe karakteri
personal që Nuri Dino i kishte dhënë çështjes së arritjes së një marrëveshjeje me
komunistët shqiptarë. Pra duket qartë se, për arritjen e kësaj marrëveshjeje Dino nuk
kishte marrë aprovimin e Komitetit drejtues të BK dhe nacionalistëve të tjerë, ashtu siç
dhe ai ishte i bindur se, kompetencat e Sh. Peçit nuk mund të tejkalonin një vendimarrje
të tillë, e cila i takonte vetëm Shtabit të Përgjithshëm të Ushtrisë Nacionalçlirimtare
Shqiptare dhe udhëheqësve të lartë komunistë.
Pretendimet e Nuri Dinos të shprehura në letrën drejtuar Shefqet Peçit se, forcat e
tij janë goditur nga ato greke, hidhen poshtë nga një njoftim i bërë nga Qazim Isufi,
komisari politik i Komandës së Gjirokastrës, drejtuar Shtabit të Përgjithshëm të UNÇL.
Në këtë njoftim, i cili mban datën 8 mars 1944, thuhej se, “për goditjen që pretendon
(Nuri Dino), se u është bërë nga çetat greke nuk është e vërtetë, pasi luftimet në Pepel-
Sotirë e Leshnicë janë zhvilluar ndërmjet forcave partizane minoritare të përziera me
forcat partizane shqiptare, kundër nazi-ballistëve në datat 18 deri në 22”.629
Gjithashtu, në sqarimin që i bënte letrës së Nuri Dinos, komanda partizane e
qarkut të Gjirokastrës shpjegonte se, letra e Nuri Dinos ishte shkruar në datën 21 shkurt
dhe se ajo ishte nisur në datën 2 mars, me shpresën se situata e luftimeve do të kthehej në
favor të forcave të Ballit Kombëtar.630 Sipas kësaj komande, Nuri Dino priste që situata të
ndryshonte në favor të forcave të Ballit, pas ardhjes në ndihmë të komandantit Haki
Rushitit, së bashku me një numër të konsiderueshëm çamë të rekrutuar nën siglën e
FNÇl.631 E vërteta është se, forcat çame sapo morrën vesh që ishin rekrutuar për llogari të
Ballit Kombëtar Çam, nuk pranuan të luftonin kundër partizanëve shqiptarë, duke
dezertuar në masë e duke u hedhur në radhët e batalionit mikst, të përbërë nga minoritarë
dhe partizanë shqiptarë.632
Edhe pas refuzimit të ftesës për bashkëpunim me Partinë Komuniste Shqiptare,
forcat nacionaliste çame të udhëhequra nga Nuri Dino nuk mbetën duarkryq. Ata u vunë
menjëherë në lëvizje për të vendosur kontakte bashkëpunimi me Shtabin Aleat të
Mesdheut. Një përpjekje të tillë e konfirmon dhe Noibaher, i dërguari special i Hitlerit, i
cili thekson se, ky grup nacionalist shqiptar ishte i gatshëm të bashkëpunonte me cilindo,
629 Po aty., fl.5. Njoftim i Komandës së Qarkut të Gjirokastrës për Shtabin e Përgjithshëm të Ushtrisë
Nacionalçlirimtare mbi kopjen e letrës së Nuri Dinos dërguar Shefqet Peçit. 630 Po aty. 631 Po aty. 632 Po aty.
Çështja çame gjatë Luftës së Dytë Botërore Lorenc Agalliu
128
mjafton që të arrinte bashkimin e Çamërisë me Shqipërinë.633 Por edhe përpjekjet e
nacionalistëve çamë për të arritur një marrëveshje bashkëpunimi me Shtabin Aleat të
Mesdheut rezultuan të pasuksesshme, pasi britanikët u treguan mjaftë skeptikë për
vendosjen e urave të bashkëpunimit me grupet nacionaliste shqiptare, e veçanërisht me
nacionalistët çamë.634 Ky refuzim i bashkëpunimit nga misioni britanik, lidhet ngushtë
dhe me këmbënguljen e forcave nacionaliste greke të udhëhequra nga N. Zerva, i cili
njihej për pikëpamjet antishqiptare, si dhe kundër çdo bashkëpunimi të mundshëm me
forcat politike shqiptare, qofshin këto dhe të djathta.
Duke e konsideruar rrezikun komunist, si të keqen më të madhe me të cilin mund
të përballeshin, si Shqipëria dhe Greqia pas luftës, nacionalistët shqiptarë dhe edeistët
grekë u përpoqën sërish të vendosnin ura bashkëpunimi midis tyre. Në emër të rrezikut që
i kanosej Ballkanit prej përhapjes së komunizmit, nacionalistët shqiptarë dhe ata grekë
ndërmorën dhe aksione politike. Forcat nacionaliste shqiptare edhe pse po pësonin
dështime njëri pas tjetrit, përsëri nuk mendonin të hiqnin dorë nga qëllimet e tyre për të
shpëtuar atë pak reputacion që iu kishte mbetur.
Duke parë zhvillimin e ngjarjeve në Shqipëri dhe kudo në Evropë, nacionalistët
shqiptarë kërkonin të mos mbeteshin jashtë sferës së ndikimit të tyre në zhvillimin e
rezistencës antifashiste kundër ushtrive të Boshtit. Krahas zhvillimit dhe rritjes së
veprimtarive ushtarake në Shqipëri, krerët e Ballit Kombëtar shqiptar dhe të Partisë së
Legalitetit kërkuan të gjenin rrugë të mundshme bashkëpunimit me rezistencën greke dhe
kryesisht me grupimet e djathta helene.
Bahri Omari, në cilësinë e ministrit të jashtëm të qeverisë shqiptare, autorizonte
në prill të vitit 1944, Ministrin Fuqiplotë shqiptar në Athinë, Xhavit Leskovikun, që të
hynte në bisedime me personalitete të ndryshme greke dhe parti politike të të gjitha
tendencave me qëllim, sipas tij,- “diskutimin dhe shuarjen e të gjitha mosmarrëveshjeve
që ekzistonin midis Shqipërisë dhe Greqisë”.635 Në të njëtën kohë, ministri shqiptar në
Athinë kishte të gjithë autoritetin e dhënë nga qeveria kolaboracioniste shqiptare që të
propozonte dhe të nënshkruante marrëveshje me çdo forcë politike greke, me synim
ndjekjen e një politike të përbashkët rajonale midis dy vendeve si dhe sigurimin e
raporteve miqësore midis popujve.636
Përpjekjet e përbashkëta të grupeve nacionaliste greke dhe shqiptare u finalizuan
me takimin e radhës i cili u mbajt në datat 1 dhe 2 maj të vitit 1944, në fshatin Voskop të
Korçës.637 Pala shqiptare në këtë takim përfaqësohej nga një nivel i lartë, ku i pranishëm
ishte vetë kreu i BK shqiptar Mid’hat Frashëri, Ali Këlcyra, Ali Nivica, Tare Malishova,
Qazim Prodani, Thoma Orgolloga, Fuad Asllani etj. Më shumë se sa bashkimi i forcave
në luftë kundër trupave gjermane në Ballkan, qëllimi i këtij takimi i kërkuar me ngulm
ndoshta nga pala shqiptare, ishte gjetja e rrugëve të shpëtimit pas fitores së mundshme të
F.N.Ç shqiptar. Sarandis, major i ushtrisë së N. Zervës e mbështet një argument të tillë
teksa riprodhon diskutimin e Fuad Asllanit në këtë takim i cili është shprehur se;
“Mendoj se e vetmja rrugë që na mbetet dhe e vetmja rrugëdalje është Greqia, ku duhet të
633 A.I.H. Dokumente gjermane, J.47, T.314, Bob.1458. 634 Historia e Popullit Shqiptar, vëll. IV, 53. 635 AQSH, F.151, V.1944, D.81, fl.3. 636 Po aty. 637 Liço, Probleme të marrëdhënieve…, 259.
Çështja çame gjatë Luftës së Dytë Botërore Lorenc Agalliu
129
shkojmë sa më shpejtë. Po të mundemi, të bëhemi një me grekët. Kështu, nesër Greqia do
të shpërblehet nga anglo-amerikanët, e me këtë rast shpëtojmë edhe ne”.638 Por, sigurisht
që nacionalistët grekë nuk kishin ardhur në këtë takim, me qëllimin e mirë për të shpëtuar
nacionalistët shqiptarë nga rreziku komunist që u kanosej.
Zervistët grekë kishin ardhur në këtë takim me synime të qarta dhe të
paramenduara. Ata kërkonin të përfitonin sa më shumë nga hutimi dhe kaosi që kishte
përfshirë partitë e djathta shqiptare. Vetë Sarandis e pohon një gjë të tillë ndërsa deklaron
se; “Ne nuk shkuam atje për të shpëtuar bejlerët shqiptarë. Ne interesoheshim të forcohej
sa më shumë atdheu ynë dhe të bashkohej me çfarëdo mënyre me Shqipërinë, mbasi
populli i saj është më i afërt me ne në të gjithë Ballkanin”.639 Nga analiza e fakteve dhe e
argumenteve të nxjerra nga goja e Sarandis, kuptohet qartë se, qëllimi i zervistëve grekë
ishte arritja e synimeve nacionaliste greke për marrjen e krahinës së Shqipërisë së Jugut
dhe bashkimi i saj pas luftës me Greqinë. Po për të njëjtin qëllim, në garë për të arritur
një marrëveshje bashkëpunimi midis forcave nacionaliste shqiptare dhe atyre greke,
kishin hyrë dhe oficerët britanikë në Greqi. Oficerët britanikë të vendosur pranë shtabit të
EDES-it kishin marrë të gjitha masat e duhura për të siguruar një takim të mundshëm
midis krerëve nacionalistë çamë dhe atyre grekë.
Për të patur mbështejen greke dhe të qeverisë së saj që do të dilte pas luftës,
nacionalistët shqiptarë, i paraqitën palës greke një marrëveshje konkrete, e cila iu dërgua
Dhimitër Fallos në Selanik.640 Në njoftimin e organizatës shqiptare të BK, i cili mban
datën 11 maj 1944, thuhej se; “Zoti Dhimtër Fallo është i ngarkuar nga Komiteti Qëndror
i Organizatës Nacionaliste “Balli Kombëtar” të lidhë dhe të nënshkruajë me Partitë
Nacionaliste Greke, në bashkëpunim me anëtarët e tjerë të një Komisioni të caktuar për
këtë qëllim”.641 Për të arritur në përfundim të marrëveshjes si dhe për të ndjekur zbatimin
e saj, u ngrit dhe një komision i përbërë nga përfaqësues të të gjitha forcave nacionaliste
shqiptare. Pjesë e këtij Komisioni ishin, Xhavit Leskoviku, si përfaqësues i qeverisë
kuislinge në Tiranë, Selman Riza përfaqësues i shqiptarëve të Kosovës dhe Koço Kota
përfaqësues i Partisë së Legalitetit. Sipas dokumentit që gjendet në arkivat shqiptare,
pikat kryesore të marrëveshjes së propozuar do të ishin:
1. “Duke marrë në konsideratë se objekt i marrëveshjes është forma federative e të
dy shteteve, atij shqiptar dhe grek, të dyja palët zotohen se janë të gatshme për
zbatimin e kësaj platforme.
2. Baza e lidhjes do të jetë pavarësia dhe sovraniteti i të dy palëve.
3. Kufijtë shqiptaro-grek do të deklarohen dhe njihen të mirëqënë kufijtë e vitit
1939, kohë në të cilën Shqipëria humbi sovranitetin e saj nga Italia fashiste.
4. Të dy palët premtonjnë se do të bëjnë aleancë mossulmimi, si dhe do të krijojnë
lidhje të forta miqësie dhe ushtarake.
5. Palët premtojnë se do bëjnë traktate ekonomike në interes të të dyja palëve.
638 Sarandis, To Vorioipiritiko Zitima.., 20. Cituar sipas Liço, Probleme të marrëdhënieve…,259. 639 Po aty. 640 AQSH. F.270 AP, V.1944. D.8, fl.3. Dokumenti që autorizonte Dhimitër Fallon si përfaqësues më
kopetenca të plota për të lidhur marrëveshjen midis BK shqiptar dhe Partive Nacionaliste Greke është i
nënshkruar nga Kryetari i BK Mid’hat Frashëri. 641 Po aty.
Çështja çame gjatë Luftës së Dytë Botërore Lorenc Agalliu
130
6. Palët do të përpiqen që kjo lidhje të bëhet sa më parë një lidhje greko-turko-
shqiptare.
7. Në rast lufte, komanda e përgjithshme ushtarake do të vihet në dorë të Greqisë.
8. Si rezultat i kësaj marrëveshje të dyja palët do të paraqiten para Konferencës së
Paqes si dy palë me interes të përbashkët, duke përkrahur interesat e njëra-tjetrës.
Greqia nga ana e saj do të zotohet se do të mbështesë rivendikimet e palës
shqiptare për çështjen e Kosovës dhe pjesën e Dibrës, që kështu në kohët e
ardhshme të mund t’i bëhet ballë rrezikut sllav.
9. Në qoftë se zihet me gojë çështja e minoriteteve, kjo mund të jetë më fortë një
mjet afrimi se sa një mjet largimi midis të dyja palëve. Ta kini ndërmend se
minoritetet duhet t’i kqyrim me sy të mirë të dyja palët dhe të kenë të drejtat e
tyre”.642
Nga gjuha e përdorur dhe stili i natyrshëm i marrëveshjeve ndërkombëtare,
kuptojmë qartë se kjo marrëveshje e propozuar nga forcat nacionaliste të djathta shqiptare
është bërë në nxitim e sipër. Në asnjë pikë të marrëveshjes së projektuar nga nacionalistët
shqiptarë nuk flitet për çështjen çame. Ndërsa kërkonte mbashtetjen e nacionalistëve
grekë për rivendikimet shqiptare për Kosovën e Dibrën, për BK dhe udhëheqësit
nacionalistë shqiptarë, është e pafalshme që të mos përmendin në asnjë pikë të
marrëveshjes zgjidhjen e problemit çam. Balli Kombëtar mjaftohej me deklaratat se,
çështja e minoriteteve midis dy vendeve fqinje duhet të shërbente si një urë lidhëse643,
por pa përmëndur se si do të zgjidhej çështja e shqiptarëve në Greqi, të mbetur jashtë
shtetit shqiptar.
Autori M. Dëzhgiu, mbron idenë se, kjo marrëveshje ishte fryt i qëndrimit
konstant dhe të palëkundur të forcave nacionaliste shqiptare ndaj çështjes kombëtare.644
Por, më shumë se sa çështjet e tjera, nacionalistët shqiptarë duket se i shqetësonte së
tepërmi rreziku komunist dhe gjetja e rrugëve për shpëtim në rast të fitores së
komunistëve. Po të analizojmë pikat e marrëveshjes të ofruar nga nacionalistët shqiptarë,
të marra në tërësi ato janë një nënshtrim i qartë i palës shqiptare ndaj asaj greke.
Konkretisht pika e shtatë e kësaj marrëveshje, e cila bën fjalë për vënien e komandës së
përgjithshme ushtarake shqiptare nën atë greke, tregon qartë padurimin e nacionalistëve
shqiptarë për të shpëtuar nga rreziku komunist, pa kuptuar se mund të binin nën një
kundërshtar edhe më të rrezikshëm, ai shovinist grek.
Gjithashtu, nëse do të ishte një përpjekje serioze e nacionalistëve shqiptarë në
mbrojtje të çështjes shqiptare dhe të bashkimit kombëtar të Kosovës dhe Çamërisë me
shtetin shqiptar, nuk mund të pranohej prej tyre, që kufiri midis Greqisë dhe Shqipërisë
do të ishte ai i vendosur para pushtimit italian të vitit 1939. Nacionalistët shqiptarë, nga
nxitimi i tepërt për t’i shpëtuar rrezikut komunist që u kanosej, nuk i peshuan fare
pikëpamjet shoviniste dhe qëndrimet e deritanishme të forcave nacionaliste greke ndaj
popullsisë shqiptare në Greqi. Ashtu sikundër nacionalistët shqiptarë nuk kishin
parashikuar se, një aleancë e mundshme turko-greko-shqiptare do të ishte krejtësisht e
642 Po aty., fl.2. 643Po aty. 644 Muharrem Dezhgiu, Mit’hat Frashëri, personalitet i denjë i nacionalizmit shqiptar, Studime historike,
(Tiranë, 1995), nr.1-4.
Çështja çame gjatë Luftës së Dytë Botërore Lorenc Agalliu
131
parealizueshme, për vetë natyrën e përbërjes së saj. Grekët nuk mund të dënonin veten e
tyre duke u vënë në mes të një koalicioni shtetesh me përbërje fetare në shumicë
muslimane, e për më tepër që historikisht kishin patur përplasje rreth kufijve shtetërorë.
Inisiativa e nacionalistëve shqiptarë për të krijuar një urë lidhëse midis tyre dhe forcave
nacionalistë greke mund të shihet më shumë si një përpjekje e dëshpëruar, për të dalë nga
pozitat i izolimit në të cilën kishin qëndruar deri tani gjatë rezistencës antifashiste në
Shqipëri. Në të njëjtën kohë, mundësia e nacionalistëve shqiptarë për të lidhur
marrëveshje bashkëpunimi me nacionalistët grekë, shihej si e vetmja shpresë për të qënë
sa më afër me misionet britanike në Greqi. Kjo inisiativë e tyre, vinte pas braktisjes që
britanikët po i bënin Ballit Kombëtar dhe Legalitetit në Shqipëri, për shkak të pozitave
kolaboracioniste me pushtuesin gjermanë, që kishin mbajtur këto forca politike deri tani
në rezistencën shqiptare.
Vetëm pak kohë më parë misioni i gjeneralit britanik Dejvisit në Shqipëri, e kishte
denoncuar BK dhe Legalitetin si bashkëpunëtorë të pushtuesve gjermanë, pasi sipas tij, të
dyja këto forca deri tani kishin ndjekur një politikë të izoluar.645 Edhe muajt në vazhdim
të vitit 1944, do të tregonin se, raportet që vinin nga Shqipëria përforconin bindjen e
britanikëve se, Balli Kombëtar tashmë ishte kthyer një forcë e thjeshtë milicie në shërbim
të pushtuesve, duke humbur efikasitetin e saj.
Në Shqipëri ngjarjet e diktuara nga zhvillimet në kampin e Frontit
Nacionalçlirimtar po ecnin shumë shpejt dhe ato ishin në disfavor të Ballit Kombëtar dhe
Legalitetit. Revanshi që kishte marrë FNçl shqiptar i kishte vënë nacionalistët me
shpatulla pas muri. Në kushte të tilla dhe marrëveshja e propozuar për palën greke nga
nacionalistët shqiptarë mbeti krejtësisht formale dhe nuk mundi të finalizohej me sukses.
Përpjekjet e nacionalistëve shqiptarë për bashkëpunim me ata grekë, u mbyllën pas
arrestimit dhe ekzekutimit të Dhimitër Fallos nga ana e lëvizjes komuniste shqiptare, të
cilit iu kapën dhe dokumentet përkatëse.646
Balli Kombëtar po kuptonte se pasiviteti i tij relativ i treguar deri tani, mund të
ishte i mbushur në një gjëndje të tillë me disavantazhe të shumta për të. Ky disavantazh
thellohej më tepër po të kemi parasysh faktin se, Lëvizja Nacional çlirimtare shqiptare
kishte dalë pothuajse e paprekur nga përplasjet me ushtrinë italiane dhe atë gjermane. Jo
vetëm kaq, por LNÇSH tashmë po bëhej përditë e më tepër një forcë dominuese dhe
reputacioni i saj vazhdonte të rritej.
Shpesh nga historianët grekë vihet shenja e barazisë, si bashkëpunëtorë të
pushtuesve midis popullsisë shqiptare në Greqi dhe familjes Dino, e cila për shkak të
bindjeve të saj nacionaliste, nevoja e lypte që të bashkëpunonte më italianët e më pas me
gjermanët. Nga dokumentet e hulumtuara deri tani nga ana jonë, rezulton se në tërësinë e
saj, gjithë veprimtaria e vëllezërve Dino, kryesisht e Masar dhe Nuri Dinos ka qënë
vetëm në fushën e administrimit të organeve qeveritare, të ruajtjes së rendit dhe qetësisë
publike në Çamëri. Autori F. Liço në analizën që i bën veprimtarisë së Nuri Dinos
pranon, se edhe pse rreth N.Dinos ishin grumbulluar 300 deri 600 çamë, “kjo nuk do të
thotë që të vendosësh shenjën e barazimit të kësaj pjese me gjithë popullsinë çame”.647
645 Puto, Nëpër analet e diplomacisë…, 110. 646 Fischer, Shqipëria gjatë Luftës…,187. 647 Liço, Probleme të marrëdhënieve.., 288.
Çështja çame gjatë Luftës së Dytë Botërore Lorenc Agalliu
132
Para së gjithash forcat e rreshtuara përkrah Nuri Dinos, asnjëherë nuk u bënë
pjesë e ushtrisë gjermane në Greqi dhe Shqipëri, duke ruajtur në këtë mënyrë neutralitetin
e tyre. Në një dokument të Komandës së Lartë gjermane të Athinës, lidhur me krijimin e
një reparti të ri të milicisë në zonën e Konispolit, në mesin e muajit maj 1944, thuhet se;
“Doktor Dino ka urdhëruar që, asnjë shqiptar nuk do t’i bashkohet regjimentit 724
gjerman pa lejen e tij”.648 Një veprim i tillë, sipas Nuri Dinos do të ishte një shërbim që i
jepej gati propagandës komuniste.649 Në të vërtetë, N. Dino mendonte se krijimi i një
trupe milicie të veçantë shqiptare do të bënte të mundur marrjen në dorë të situates në
krahinën e Çamërisë pas largimit të gjermanëve.
Bashkëpunimi i një pjese të nacionalistëve çamë me pushtuesit, u bë në kushtet e
një izolimi të thellë administrativ dhe brenda një zone të kufizuar prej grekëve,
gjermanëve dhe italianëve, të cilët nuk i lejuan asnjëherë shqiptarët të vepronin jashtë
juridiksionit të dhënë prej tyre. Nga ana tjetër bashkëpunimi i forcave nacionaliste greke
me pushtuesit italianë dhe më pas gjermanë, u bë në nivel qendror qeverisës,
administrativ dhe ushtarak. Ky bashkëpunim i forcave ekstremiste nacionaliste greke u
shtri në të gjithë territorin e Greqisë kontinentale dhe asaj ishullore.
Lidhur me këtë çështje, autori grek J. Margaritis argumenton se, përballë
kërcënimit të fuqishëm të EDES-it, për çamët shqiptarë, të moderuar ose jo, nuk
ekzistonin aspak hapësira për manovra të ndryshme. Në këtë mënyrë thekson Margaritis,
inkuadrimi i çamëve në trupat e sigurisë gjermane, ishte konjukturë e kohës, pothuajse
ishte e vetmja rrugë.650
Përveç kësaj, bashkëpunimi i një grushti shqiptarësh çamë me pushtuesit
nazifashistë ishte i lidhur drejtëpërdrejtë me zgjidhjen e çështjes kombëtare dhe me
finalizimin e ëndrrës për realizimin e bashkimit të Çamërisë me Shqipërinë. Ky
bashkëpunim, nuk kishte të bënte aspak me motivet që shtynë disa segmente të
nacionalizmit grek të rreshtoheshin në radhët e qeverisë kuislinge, si dhe të hidheshin në
krahë të Zervës, i cili njihet si një bashkëpunëtor i pushtuesve gjermanë.
648 Kotini, Çamëria denoncon, 180. 649 Po aty. 650 Margaritis, Bashkëpatriotë të padëshiruar…,139.
Çështja çame gjatë Luftës së Dytë Botërore Lorenc Agalliu
133
KAPITULLI KATËRT
GENOCIDI NDAJ POPULLSISË ÇAME 1944-1945
4.1. Situata në Çamëri pas kapitullimit të Italisë dhe vendosjes së pushtimit
gjerman.
Lufta civile në Greqi midis EAM-it dhe EDES-it është një pjesë e dhimbshme e
historisë së politikës së dështuar të Britanisë së Madhe në Greqi. Ajo ishte një kompleks i
gjatë, që kaloi në disa faza zhvillimi që nga nisja e saj e deri në fund. Si EDES-i dhe
EAM/ELAS-si, po luftonin për të siguruar sa më shumë kredibilitet në situatën pas luftës,
me qëllim marrjen e drejtimit politik të shtetit grek. Armët e dhuruara nga britanikët për
ushtritë çlirimtare greke, nuk po përdoreshin për të luftuar gjermanët, por kundra njëra-
tjetrës.
Me të drejtë, lufta civile në Greqi është konsideruar si konflikti më i përgjakur në
Evropë që nga viti 1945 e deri në nisjen e konflikteve etnike në Jugosllavi në fillim të
viteve “90.651 Si EAM-i dhe EDES-i, duke ditur se fundi i luftës ishte i afërt, përpiqeshin
të shtrinin influencën e tyre në çdo rajon të Greqisë. Krahas kësaj, forcat ushtarake greke
të EAM/ELAS-it dhe ato ekstremiste të djathta të EDES-it, mundoheshin të siguronin
mbështetjen dhe përkrahjen politike e ushtarake të britanikëve dhe të Aleatëve të tyre
perëndimorë, mbështetje kjo që do t’u siguronte të ardhmen në arenën politike të
pasluftës. Mbështetja e oficerëve britanikë për EDES-in përveç armatimeve dhe
ndihmave ushqimore përfshinte dhe orientime politike e deri në eliminimin fizik të
krerëve të EAM-it.652
Statusi i veçantë, që EAM-ELAS-i kishte fituar gjatë këtyre viteve të rezistencës
antifashiste, i kishte detyruar britanikët që ta konsideronin këtë realitet të ri në Greqi, si
një përgjigje negative ndaj përpjekjeve të tyre për rikthimin në Greqi të mbretit Jorgo II.
Gjatë luftës civile midis forcave të EAM/ELAS-it dhe EDES-it, Misioni Britanik në
Greqi u mundua që të mbante anën e EDES-it, duke bërë të mundur që të ndërpriteshin
furnizimet ushtarake për forcat ushtarake të EAM-it. Megjithë përpjekjet e britanikëve
për të dobësuar forcën e veprimeve ushtarake të EAM-it kundër EDES-it, EAM-i nuk i
braktisi synimet e veta politike për të ardhmen. Edhe pse pa përkrahjen e britanikëve,
lufta kundër EDES-it vazhdoi akoma dhe më. Kjo situatë e rënduar për shkak të luftës
civile që kishte shpërthyer në Greqi midis forcave të majta dhe të djathta, dukej se u vinte
përshtat gjermanëve.
Krisja e grupeve të rezistencës dhe dobësimi i veprimtarisë së saj, iu mundësoi
gjermanëve të rekrutonin njerëz të frikësuar prej rrezikut komunist dhe të krijonin grupe
të armatosura të sigurisë, të cilët u vunë nën drejtimin e qeverisë kuislinge greke.653 Në
651 Mazouer, After the War ..., 10. 652 AQSH, F.17/APL, V.1944, D.37, fl.22. Raport i Ihsan Budos mbi gjendjen politike e ushtarake në
rrethin e Sarandës. 653 Clogg, Histori e Përmbledhur..,132.
Çështja çame gjatë Luftës së Dytë Botërore Lorenc Agalliu
134
këtë amulli, gjermanët arritën të siguronin mbështetjen e mijërave trupave greke, të cilët
u rreshtuan përkrah qeverisë kuislinge greke, duke kryer në këtë mënyrë një akt të hapur
tradhëtie në dëm të kauzës së aleatëve perëndimorë.
Pas largimit të turpshëm të italianëve nga skena e luftës, kryeministri kuisling
grek Ralisi së bashku me autoritetet e larta ushtarake gjermane, gjatë vjeshtës së vitit
1943 dhe dimrit të vitit 1944, forcuan bashkëpunimin e tyre duke krijuar batalionet greke
të sigurimit. Veprimtaria e këtyre trupave gjatë luftës në Greqi, ishte në konflikt të hapur
ndaj kauzës së aleatëve perëndimorë. Këto batalione greke, në shërbim të forcave
gjermane, formuan gjithsej nëntë formacione ushtarake me trupa të parregullta greke me
pjesëmarrjen e mbi 6000 personave. Në Greqinë qendrore, Athinë, Atikë dhe Peloponez,
gjermanët organizuan forcat e rregullta me pjesëmarrjen e 5 724 grekëve dhe 3370 trupa
të tjerë, pjesë e xhandarmërisë greke në shërbim të Batalioneve të Sigurimit.654
Formimi dhe veprimtaria e këtyre formacioneve ushtarake nacionaliste greke, në
shërbim të trupave gjermane në Greqi, vuri në dilemë të madhe dhe politikën britanike
gjatë Luftës së Dytë Botërore. Në kohën kur batalionet e sigurimit u bënë përsëri aktive,
pas shpërbërjes që kishin pësuar prej forcave partizane greke të EAM/ELAS-it, në fund të
vitit 1943 dhe fillim të vitit 1944, shumë pyetje dhe hamendësime lindën në qarqet e
politikës britanike, lidhur me pozicionin që duhet të mbanin ndaj këtyre trupave. Lideri i
Partisë Komuniste Greke dhe i EAM/ELAS-it, Jorgos Siantos, kërkoi prej kreut të Partisë
Liberale greke Themistokli Sofulis, kryeministrit të qeverisë greke në Londër, Tsuderosit
dhe Foreign Offisit denoncimin zyrtar të batalioneve të sigurimit grek, si bashkëpunëtorë
të gjermanëve.655 Pavarësisht argumenteve dhe fakteve të sjella nga krerët e PKG dhe të
EAM/ELAS-it, mbi aktivitetin kuisling dhe krimet e kryera nga trupat greke të
batalioneve të sigurimit, politika londineze nën ndikimin e kolonel Ëoodhaus, hezitoi të
denonconte zyrtarisht këto trupa.656
Për shkak të veprimtarisë së shtuar të gjermanëve dhe bandave zerviste, që
mundoheshin me të gjitha mjetet të nxisnin popullsinë vendase të hidhej kundër EAM-it
dhe LANÇ shqiptare, gjendja politike në Çamëri nga fundi i vitit 1943, paraqitej e
vështirë. Propaganda gjermane dhe e elementëve zervistë bashkëpunëtorë me ta, duket se
e kishte bërë punën e vet në Çamëri për përçarjen e popullsisë së saj. Në saj të terrorit dhe
punës së dobët propagandistike të bërë nga EAM-i dhe PKSH, për të bindur popullsinë
shqiptare çame të përkrahë lëvizjen partizane, gjendja në krahinë dukej e destabilizuar.
Një situatë të tillë e pohonte një njoftim i Taho Sejkos, dërguar qarkorit të Gjirokastrës në
nëntor të vitit 1943, në të cilin thuhej; “Dje jam kthyer nga Çamëria e përtejme. Paraqiten
vështirësi për të punuar atje. Komanda gjermane në Filat kërkon të rekrutojë masat çame
për luftë kundër nesh dhe EAM-it”.657
Megjithë terrorin e trupave gjermane, të mbështetura dhe nga forcat zerviste
greke, propaganda gjermane nuk gjeti mbështetjen e duhur të popullsisë shqiptare, si asaj
654 National Archives, Washington, DC, (NA), Microcopy T-311, Record of German Army Field
Commands, Doc.650303/3, Roll. 179, Sipas John Louis Hondoros, Journal of Hellenic Diaspora, Vol.XV,
No.1-2, 1988. 655 PRO, FO 371/43706, Jean Hamilton për Reginald Leeper, ambasador i qeverisë greke në mërgim, 7
janar 1944. 656 Po aty., Minister of State Resident in Cairo Lord Moyne to Foreign Offce, 11 march 1944. 657 AQSH, F.17/APL, V.1943, D.7, fl.14/1.
Çështja çame gjatë Luftës së Dytë Botërore Lorenc Agalliu
135
çame dhe të asaj në Shqipërinë e Jugut. Pa sukses rezultoi dhe përpjekja e nacionalistëve
shqiptarë çamë të udhëhequr nga Nuri Dino, për të formuar degë të Këshillit
Administartiv edhe në krahinat e Shqipërisë së Jugut.
Pavarësisht përgjigjes negative të popullsisë çame për t’u radhitur në radhët e
Ballit Kombëtar, veprimtaria e Nuri Dinos dhe e elementëve të tjerë nacionalistë në
Çamëri, ishte kthyer në një shqetësim real për EAM-in grek dhe LNÇ shqiptare. Si EAM-
i dhe LANÇ shqiptare, ia dedikonin pikërisht veprimtarisë së shtuar të çetave zerviste dhe
ato të Ballit Kombëtar, të mbështetura nga gjermanët, punën e dobët në Çamëri dhe në
zonat minoritare greke në Shqipëri. Lidhur me këtë, krerët lokalë të çetave partizane
kërkonin eleminimin fizik të udhëheqësve të Ballit Kombëtar Çam, si të Nuri Dinos,
Masar Dinos e Rexhep Dinos nga Paramithia, të Hasan Pilavit, Ahmet Çapunit nga
Lopësi, Saliko Dalos nga Galbaqi etj.658
Popullsia shqiptare në Çamëri e gjendur përballë përplasjeve të grupeve ushtarake
greke, kishte vendosur të ruante qetësinë dhe asnjëanësinë e saj. Administrata civile greke
dhe ajo ushtarake, pothuajse ishin inegzistente dhe si pasojë situata në Çamëri sa vinte e
përkeqësohej. Një raport i komandës ushtarake gjermane të zonës, dërguar Administratës
ushtarake në Athinë e konfirmonte më së miri situatën në të cilën ndodhej krahina e
Çamërisë në fund të vitit 1943 dhe në fillim të vitit 1944. Në raportin e datës 10 janar të
vitit 1944, mbi situatën në Çamëri thuhej se; “Gjendja në krahinën e Çamërisë është
përkeqësuar akoma më tepër gjatë javëve të fundit. Deri afër fundit të vitit 1943,
shqiptarët mjaftoheshin vetëm me ushtrimin dhe zotërimin në sferën e influencës së tyre,
pa marrë përsipër administrimin e vendit”.659 Nga ky raport jemi në gjendje të kuptojmë
se, pretendimet e popullsisë shqiptare çame ishin krejtësisht të qarta. Ata kërkonin
vetadministrim të krahinës së Çamërisë dhe ushtrimin e të gjitha funksioneve qeverisëse
vetëm prej administratës të përbërë nga shqiptarë.
Vullneti i shqiptarëve shtohej dhe më tepër, duke parë inekzistencën e
administratës shtetërore greke në krahinën e Çamërisë. Raporti, shpjegonte se, shqiptarët
e Çamërisë kishin marrë të gjitha masat, duke përforcuar pozitën e tyre në drejtim të
vetadministimit të krahinës. Marrja e këtyre masave sipas raportit të komandës gjermane,
vinte si rezultat i falimentimit të administratës civile greke në Çamëri, ndërsa vetë
komanda ushtarake gjermane nuk kishte marrë asnjë masë për të parandaluar formimin
dhe vendosjen e organeve të administratës shqiptare në Çamëri. I njëjti njoftim bënte me
dije se, “deri tani Feldkomanda nuk ka ndërhyrë të ndalojë shqiptarët të heqin dorë nga
marrja e masave administrative”.660
Kjo politikë e ndjekur nga gjermanët, bëri që te një pjesë e nacionalistëve çamë të
shtohej besimi dhe shpresa për një bashkim të mundshëm të Çamërisë me Shqipërinë, ose
të paktën për një vetadministrim të krahinës nga ana e shqiptarëve. Gjatë muajve të parë
të vitit 1944, Komanda e Lartë ushtarake gjermane në Janinë, lejoi zvendësimin e
658 Po aty., fl.14/1-15. 659 Kotini, Çamëria denoncon, 173. 660 Po aty.
Çështja çame gjatë Luftës së Dytë Botërore Lorenc Agalliu
136
xhandarmërisë greke me atë shqiptare, si dhe funksionimin me kompetenca të plota të
Këshillit Nacional Shqiptar në territorin e Çamërisë.661
Në janar të këtij viti, Komanda e Lartë gjermane e Grup Armatës E në Greqi
njoftonte Komandën e Lartë të Evropës Juglindore me qendër në Beograd, se tensioni
midis shqiptarëve dhe grekëve në Prefekturën e Thesprotisë karakterizohet nga një
tension i lartë, gjë e cila bënte urgjente nevojën e zgjidhjes së problemit. Për këtë
Administrata e Qarkut të Gumenicës propozonte që liderit të nacionalistëve shqiptarë
Nuri Dinos, t’i jepej drejtimi i prefekturës, kjo për shkak dhe të paaftësisë së prefektit me
origjinë greke. 662 Në këto kushte, autoritetet ushtarake gjermane duke parë aftësitë
drejtuese të shqiptarëve në krijimin e strukturave të veçanta civile dhe ushtarake, lejuan
gradualisht një zëvendësim të administratës greke me atë shqiptare. Në një komunikim të
komandës gjermane në muajin shkurt 1944, lidhur me situatën në prefekturën e
Thesprotisë, theksohej se; “Çështja shqiptare në nënprefekturën e Thesprotisë është
diskutuar me të dërguarin e jashtëzakonshëm të ministrisë së punëve të jashtme, me
ministrin gjerman Noibaher gjatë qëndrimit të tij në Athinë”.663
Rreziku i vendosjes së pushtetit administrativ të shqiptarëve në Çamëri, e detyroi
kryeministrin kuisling grek Ralisin të kërkonte ndërhyrjen e gjermanëve për pushtimin e
saj dhe rivendosjen e administratës greke. Në një njoftim të zyrës së kryeministrit grek të
datës 27 shkurt 1944, lidhur me ripushtimin e Çamërisë thuhej se, “Kryeministri grek
Ralisi, i ka premtuar zyrës së të dërguarit të posaçëm në ministrinë e punëve të jashtme
në Athinë, një ripushtim të shpejtë të prefekturës së Thesprotisë”.664 Nga dokumenti del
qartë se ky aksion i ishte besuar një oficeri grek me përvojë ushtarake dhe që kishte
besimin, si të qeverisë kuislinge greke, ashtu dhe të trupave gjermane në Greqi.
Nisur nga raportet e mira të bashkëpunimit që gëzonin gjermanët dhe Zerva, del
se ky aksion i ishte besuar forcave nacionaliste të Napoleon Zervës, i cili deri nga mesi i
vitit 1944 kishte qenë një shërbëtor i bindur i gjermanëve. Një fakt të tillë e pohon dhe
historiani grek J. Margaritis, i cili argumenton se periudha e qetësisë së përkohshme në
Greqi, e kryesisht në krahinën e Çamërisë gjatë pranverës së vitit 1944, i dedikohej më së
shumti marrëveshjes së bërë nga Zerva me gjermanët për mos sulmim të trupave
ushtarake gjermane në Greqi.665 Sigurisht që kjo bindje buronte nga fakti se, gjermanët
kishin arritur të përdornin trupat e Zervës në luftë kundër ELAS-it, duke ruajtur trupat e
tyre nga një përballje e përgjakshme me rezistencën e vërtetë antibosht në Greqi. Në
përfundim të kësaj analize mund të themi se, pushtimi i Çamërisë nga forcat e Zervës dhe
shpërngulja e popullsisë së saj ishte një plan i paramenduar i qeverisë kuislinge greke dhe
forcave të tjera shoviniste në shërbim të saj.
Lidhur me administrimin e përkohshëm të disa zonave të Çamërisë nga
nacionalistët shqiptarë, në një njoftim për Tiranën zyrtare në muajin maj të vitit 1944,
661 AQSH, F.151, V.1944, D.101, fl.2. Njoftim i Nuri Dinos për Ministrinë e Jashtme Shqiptare në Tiranë,
lidhur me krijimin e Këshillit Nacional shqiptar në krahinat e Filatit, Gumenicës, Margëlliçit, Paramithisë,
Pargës etj. 662 Njoftim i Komandës së Lartë të Grup Armatës E Athinë, për Komandën e Lartë gjermane të Evropës
Juglindore, Cituar sipas Manda, Çamët myslimanë…, 300. 663 Kotini, Çamëria denoncon, 174. 664 Po aty., 175. 665 Margaritis, Bashkëpatriotë të padëshiruar…,140.
Çështja çame gjatë Luftës së Dytë Botërore Lorenc Agalliu
137
Nuri Dino theksonte se; “Qysh prej tre muaj kjo komandë (Komanda e Lartë gjermane e
Janinës, shënim ynë), ka ndaluar autoritetet e xhandarmërisë greke të funksiononjë në
Çamëri, duke lejuar funksionimin e Këshillit Nacional shqiptar të Çamërisë”. 666 Një
veprim i tillë sipas Nuri Dinos, kishte shkaktuar një ndjenjë kënaqësie në radhët e
shqiptarëve, të cilët tani mund të ndiheshin zotër të vendit të tyre.667 Lidhur me veprimin
e gjermanëve, për lejimin e ngritjes dhe funksionimin e organeve vetqeverisëse shqiptare
në Çamëri, N. Dino nuk harronte t’i kujtonte Ministrisë së Jashtme shqiptare në Tiranë,
që të falenderonte komandën gjermane në Janinë “për këtë mirësjellje kundrejt çamëve,
të cilëve ju njihej ai vend, si vend shqiptar”.668
Tolerimi i bërë nga komanda gjermane në Greqi, për lejimin dhe formimin e
administratës lokale shqiptare, nuk u mirëprit as nga qeveria greke në Londër. Aktiviteti
në rritje i Këshillit Nacional Shqiptar në dobi të çështjes shqiptare, kishte krijuar
përshtjellime dhe shqetësime në rradhët e qeverisë kuislinge greke, e cila i kërkoi
Komandës gjermane të ndalonte menjëherë veprimtarinë e mëtejshme të këtij këshilli.
E trembur nga forcimi i shpejtë i radhëve të çetave nacionaliste çame, qeveria kuislinge e
Athinës i kërkoi komandës gjermane të Epirit, që të mos lejonte ushtrimin e aktiviteteve
luftarake të trupave nacionaliste çame brenda territorit grek. Kryeministri kuisling grek
Ralisi, i shqetësuar për veprimtarinë në rritje të nacionalistëve shqiptarë dhe të
organizimit administrativ të tyre, kërkoi prej Noibaherit që këshillat shqiptarë të ngritura
në krahinën e Çamërisë të pushonin aktivitetin e tyre.669 Por si në çdo rast, besnikë të
politikës së tyre “përça e sundo”, gjermanët nuk nxituan t’i kthenin një përgjigje pozitive
qeverisë kuislinge greke, pasi ekzistenca e dy pushteteve në Çamëri ishte në favor të tyre.
Një qëndrim i tillë i gjermanëve ishte i justifikuar me faktin se, kjo status quo i
shërbente ruajtjes së qetësisë dhe rendit publik në Çamëri, si dhe uljes së rezistencës
antigjermane. Koloneli gjerman Fon Botme, saktësonte qëndrimin neutral të komandës
gjermane, duke u shprehur se, “Feldkomanda ka mundësi vetëm t’i lërë ngjarjet që të
ndjekin rrjedhën e tyre, duke mbajtur një qëndrim pritës dhe vrojtues, mbasi çdo
ndërhyrje në kuptimin e njërës apo tjetrës palë, do të kishte si pasojë vetëm dëmtimin e
padëshiruar të çështjes”.670
Por, si Nuri Dino dhe të gjithë shqiptarët e Çamërisë e kuptonin se një situatë e
tillë do të ishte e përkohshme, për aq kohë sa gjermanët do të qëndronin në Greqi.
Nacionalistët çamë, duke parë këtë lëvizje të gjermanëve, u munduan të përfitojnë nga
kjo situatë e krijuar, duke u përpjekur të shtrijnë në të gjithë Çamërinë veprimtarinë e
këtij këshilli. Duke analizuar zhvillimet e fundit, si dhe të tatëpjetën që po merrte ushtria
gjermane, nacionalistët shqiptarë të Çamërisë po kuptonin gjithnjë e më shumë se, tashmë
duhej të angazhoheshin më tepër për të pasur nën zotërimin e tyre krejt administratën
vendore të kësaj krahine. Po ashtu, marrja e masave për vetqeverisje nga ana e
shqiptarëve diktohej nga mosfunksionimi i administratës së mëparshme greke, e cila ishte
inekzistente në këtë krahinë të banuar nga shqiptarët.
666 AQSH, F.151, V.1944, D.101, fl.2. 667 Po aty. 668 Po aty. 669 A.I.H, Dokumente gjermane, Dosja J.47, T.314, bob.1458, dok. nr.59644. 670 Kotini, Çamëria denoncon., 173.
Çështja çame gjatë Luftës së Dytë Botërore Lorenc Agalliu
138
Situatën e rënduar që ekzistonte në Çamëri gjatë pranverës së vitit 1944, e
konfirmon dhe një tjetër raport i dërguar nga qarkori i Gjirokastrës për KQ të PKSH, në
maj të vitit 1944, në të cilin thuhej se, “edhe për minoritetin shqiptar në Greqi (Çamërinë
e përtejme) gjendja s’është e mirë, sepse populli sheh afër forcat gjermane, të Zervës dhe
ato balliste dhe partizanë nuk sheh”. 671 Në këtë kuadër, PKSH e gjykoi si mjaft të
favorshme situatën e krijuar në krahinën e Çamërisë, ku popullsia çame kishte refuzuar të
bënte lojën politike të Nuri Dinos. Për përmirësimin e propagandës në favor të
mbështetjes së LANÇ, u propozua që në fillim të pranverës së vitit 1944, të dërgoheshin
në Çamëri njerëz me influencë si, Njazi Demi, Hilmi Hasani, Gazali Sejko, Bido Sejko,
Xhelal Kasemi, të cilët krahas thirrjes për luftë kundër pushtuesve të huaj, do të
orientonin minoritetin çam në vijën e PKSH.672
Në kërkesën e komandës së Shtabit të Zonës së Parë Operative drejtuar Komandës
së Shtabit të Përgjithshëm të UNÇl theksohej se; “Mbasi në Çamërinë e përtejme deri tani
nuk është bërë aspak puna që duhet dhe kjo ka rrjedhur si rezultat i reaksionit të Zervës
që ka qenë gjithnjë i pranishëm, ashtu edhe prej veprimit të reaksionit të Nuri Dinos,
Haki Rushitit e të tjerë çamë me mentalitet të vjetëruar. Prandaj, personat e mësipërm
janë shumë të nevojshëm që të merren prej atje ku janë, e të dërgohen sa më parë, mbasi
kjo çështje ka një rëndësi të dorës së parë”.673 Nga kjo kuptojmë se PKSH ishte tepër e
kujdesshme në veprimtarinë e saj në Çamëri, duke mos ngatërruar çështjet e luftës me ato
të minoriteteve, pasi një gjë e tillë sipas saj do të dëmtonte së tepërmi lëvizjen antifashiste
nacionalçlirimtare.
Një situatë e tillë e krijuar në krahinën e Çamërisë, duket se iu vinte për shtat
gjermanëve, të cilët kishin vendosur të qëndronin krejtësisht neutral dhe pasivë.
Komandës gjermane as që i interesonte ndryshimi i gjendjes dhe i status-quosë, që ishte
vendosur në raportet midis administratës greke dhe asaj shqiptare në Çamëri. Gjermanët
mendonin se, për sa kohë administrata greke ishte e paaftë të vendoste autoritetin e saj,
përse kjo të mos u lihej në dorë shqiptarëve. Madje gjermanët mendonin se, në kushtet në
të cilat ndodhej situata në vend, shqiptarët ishin më të aftë në rivendosjen e rendit dhe të
qetësisë, gjë të cilën ata më parë e kishin provuar.
Ashtu si italianët edhe gjermanët kërkuan ngritjen e një komisioni, i cili do të
merrte në shqyrtim kërkesat e shqiptarëve dhe grekëve për administrimin e mëtejshëm të
Çamërisë. Për marrjen e një vendimi Noibaher i kërkoi kolonelit Von Kohoutek që gjatë
gjatë dhjetëditëshit të parë të muajit korrik 1944, së bashku me një komision prej 4-5
vetash të vizitonte rajonin e Çamërisë. Qëllimi i kësaj vizite, sipas dokumenteve
gjermane do të ishte mbledhja e të dhënave në teren dhe hartimi më pas i një raporti
përfundimtar në lidhje me kushtet reale dhe mundësinë e kalimit të administrimit të
pushtetit në Çamëri nga nacionalistët shqiptarë. 674 Në njoftimin për të dërguarin e
posaçëm të Hitlerit në Evropën Juglindore Noibaher, lidhur me mundësinë e
administrimit të Çamërisë nga shqiptarët thuhet se; “shqiptarët kanë faktikisht
administratën dhe pushtetin në territorin grek, por grekët nuk mund të imponohen….të dy
671 AQSH, F.14/AP (str), V.1944, D.115, fl.11. 672 Po aty., F.41, V.1944, D.79, fl.14. 673 Po aty. 674 Njoftim i Komandës së Lartë të Grupit Armatës E, për Komandën e Lartë gjermane të Evropës
Juglindore, Cituar sipas Manda, Çamët myslimanë…, 302.
Çështja çame gjatë Luftës së Dytë Botërore Lorenc Agalliu
139
palëve u është premtuar se do të ngrihet një komision gjerman për verifikimin e kushteve
reale, por deri më sot ngritja e këtij komisioni është shtyrë”.675 Një nga arsyet kryesore të
shtyrjes së formimit të këtij komisioni ishte se për gjermanët gjërat në Çamëri deri tani po
funksiononin më së miri nën administrimin e shqiptarëve. Nga ana tjetër gjermanët nuk
mund të binin dakord me kërkesat e nacionalistëve shqiptarë për aneksimin e kësaj
krahinë qeverisë shqiptare të Tiranës, pasi një gjë e tillë do të nxiste revoltën e
bashkëpunëtorëve të tyre grekë.
Në kushtet e pritjes së verifikimit të situatës në krahinën e Çamërisë, komanda
gjermane kishte marrë përsipër që të ushtronte ndikimin e saj lidhur me ruajtjen e qetësisë
dhe të marrëdhënieve midis grekëve dhe shqiptarëve në këtë zonë. Në një njoftim të
komandës vendore gjermane thesksohej fakti se;
“I dërguari i jashtëzakonshëm ka projektuar që për sqarimin e kësaj çështjeje të
dërgohet një komision i posaçëm në Thesproti për të studiuar në vend situatën.
Në këto rrethana Felkomandatura tani për tani duhet të ushtrojë ndikimin e saj
për të arritur që marrëdhëniet midis shqiptarëve dhe grekëve të mos pësojnë
ndonjë ashpërsim të mëtejshëm të organeve vetiake shqiptare të administratës,
drejtësisë dhe financave, gjë që synon qartazi një shkëputje praktike të këtij
territori nga shteti grek, e të mos krijohen kushte të atilla që të mund të
vështirësojnë zgjidhjen e çështjes në kuadrin e shtetit grek apo të bënin të
pamundur një gjë të tillë”.676
Nga ky dokument i kohës kuptohet qartë dyanshmëria e lojës politike të komandës
gjermane në Greqi, e cila nga njëra anë lejonte vendosjen gradualisht të një
vetadministrimi të krahinës së Çamërisë prej shqiptarëve dhe nga ana tjetër përpiqej që
kjo inisiativë të mos nxiste reagimin e ashpër të grekëve, të cilët deri tani ishin aletatët e
tyre më besnikë.
675 Po aty. 676 Po aty.
Çështja çame gjatë Luftës së Dytë Botërore Lorenc Agalliu
140
4.2. Masakrat zerviste ndaj minoritetit çam, qershor-dhjetor 1944.
Që nga viti 1913, kohë në të cilën krahina e gjerë e Çamërisë ra nën zotërimin
grek, qeveritë e ndryshme greke kishin provuar të gjitha mënyrat për të arritur asimilimin
e popullsisë shqiptare që banonte në këto troje. Lufta e Dytë Botërore kishte krijuar
kushte të reja për forcat shoviniste greke për shpërnguljen përfundimtare të popullsisë
çame nga trojet e veta. Dhuna dhe terrori ishte i vetmi mjet që andartët dhe shovinistët
grekë kishin përgatitur për të asgjesuar në masë popullsinë shqiptare çame. Një mentalitet
i tillë nuk hasej vetëm në planet e nacionalistëve grekë. Në formë pak a shumë të njëjtë ai
haset dhe në studimet akademike të kohëve të fundit, kryesisht në ato të pas luftës së
Dytë Botërore. Si në rastin e shkëmbimit të popullsive midis Greqisë dhe Turqisë dhe në
atë të dëbimit masiv të shqiptarëve në vitet 1944-45, mos kryerja e shpërnguljes
përfundimtare të popullsisë çame, do të konsiderohej një gabim i madh prej këtyre
studiuesve. Një akt i tillë barbar nga nacionalistët grekë, nuk mund të shpjegohej ndryshe,
vetëm me synimin e mbylljes njëherë e përgjithmonë të çështjes për eliminimin e
minoritetit shqiptar në Greqi. Në këtë kontekst, krahas luftës politike kundër EAM-it, për
marrjen e pushtetit, forcat zerviste kishin dhe një mision final, atë të shfarosjes në masë të
shqiptarëve dhe spastrimin etnik të krahinës së Çamërisë prej tyre.
Në pranverë të vitit 1944, forcat zerviste numëronin rreth 2000 vullnetarë, ku
pjesa më e madhe e tyre mbaheshin nën armë me paratë e dhëna nga misionet angleze në
Greqi. Në krah të këtyre forcave u bashkëngjitën për ndihmë dhe forcat e Divizionit të X-
të grek të EDES-it, të komanduara prej Vasil Kamarës. Me pretekstin se, shqiptarët kishin
bashkëpunuar me pushtuesit italianë dhe gjermanë dhe se gjatë periudhës së Luftës së
Dytë Botërore kishin kryer krime ndaj popullsisë civile greke, andartët zervistë përgatitën
terrenin për spastrimin etnik të Çamërisë.677
Në fillim të verës së vitit 1944, forcat e EDES-it të komanduara prej Napoleon
Zervës gjendeshin në rrethinat e Paramithisë dhe të fshatrave të tjerë çamë, duke përbërë
kështu një rrezik serioz për jetën e popullsisë së pambrojtur civile shqiptare. Gjatë
periudhës maj-qershor të vitit 1944, në kohën kur gjermanët ishin të përfshirë në
operacione ushtarake, Zerva dhe trupat e tij e përdorën këtë moment për të kryer
masakrat në Çamëri. Për shkak të operacionit ushtarak me emrin Rosselspring, të
ndërmarë nga Komanda e Lartë ushtarake gjermane gjatë muajve maj-qershor 1944,
numri i ushtarëve gjermanë në zonën e Çamërisë u pakësua së tepërmi. Kjo mungesë e
trupave gjermane në zonën e Epirit u shfrytëzua më së miri nga Napoleon Zerva për
fillimin e masakrave kundër popullsisë muslimane shqiptare të Çamërisë.678
Gjatë kësaj periudhe, Rexhep Dino, duke parë tendencat antishqiptare në rritje të
trupave zerviste, i kërkoi komandantit gjerman Remold, furnizimin me armatime të reja
dhe mos dorëzimin e armëve që kishin në dorë burrat çamë. Krerët e lartë të Komandës
gjermane të Regjimentit 99 të vendosur në Çamëri, e pritën ftohtë këtë propozim të
Rexhep Dinos dhe të një grupi të rezistencës nacionaliste çame. Komandanti gjerman, jo
677 Kokosalakis Nikos and Psimmenos Iordanis, Modern Greece: A profile of Identity and Nationalism,
(Panteion University, Athinë, 2002), 18.
678 Kotini, Çamëria denoncon, 176.
Çështja çame gjatë Luftës së Dytë Botërore Lorenc Agalliu
141
vetëm që nuk pranoi pajisjen e burrave çamë me armë, por ai dha urdhër për çarmatosjen
e të gjihë burrave çamë të armatosur, duke i konsideruar ata grekë.679
Në datën 22 qershor 1944, pas tërheqjes së trupave të fundit gjermane, ushtria
zerviste hyri në qytetin e Pargës pa asnjë pengesë. Sulmet e para të andartëve grekë u
drejtuan ndaj fshatrave shqiptarë, që i kishin rezistuar me armë në dorë pushtetit grek.
Paramithia u bë viktima e parë e sulmeve greke. Natën e 26 qershorit, qyteti i Paramithisë
u rrethua nga të gjitha anët prej ushtarëve zervistë, të cilët bllokuan çdo rrugë kalimi për
banorët e këtij qyteti. Në mëngjesin e datës 26, një grup ushtarësh zervistë zhvilluan një
takim me myftiun e Paramithisë, Sali Hafizin, të cilit i premtuan se në rast të dorëzimit të
armëve, asgjë e keqe nuk do të ndodhte për çamët muslimanë. Myftiu, duke iu besuar
ushtarëve grekë, mblodhi një përfaqësi të burrave çamë, të cilët dhanë fjalën se nuk do të
sulmonin forcat zerviste. Madje sipas historianit H. Isufi, prej popullatës shqiptare çame
u organizuan dhe momente festive për të pritur ushtarët edeistë si çlirimtarë.680 Po atë
ditë, disa ushtarë grekë të shpërndarë nëpër rrugët e Paramithisë bënin thirje për qetësi e
vëllazëri midis grekëve dhe shqiptarëve. Pas takimit me dhespotin grek, zervistët iu
drejtuan me një tjetër thirrje shqiptarëve që të dorëzonin armët, pasi rendin dhe qetësinë
do të mbante ushtria e tyre.681
Pas dorëzimit të armëve nga burrat çamë në datën 27 qershor, prej andartëve
grekë u krijua provizorisht një gjykatë speciale ushtarake, ku në përbërje të saj merrnin
pjesë ekstremistët grekë zervistë si, Aristidh Kranja, komandant i Regjimentit XVI të
EDES-it, Muskunaqis Kostandinis dhe Kristo Stravropullos. Misioni final i
nacionalistëve edeistë ishte dënimi i shpejtë i veprimtarëve të shquar çamë me akuzën e
bashkëpunimit me pushtuesit. Me akuzën se, këta shtetas grekë kishin ngritur armët
kundër atdheut të trye, u arrestuan 35 persona, veprimtarë muslimanë çamë nga paria e
Paramithisë dhe u dënuan me ekzekutim 34 prej tyre.682
Lidhur me ekzekutimin e 34 shqiptarëve muslimanë çamë, autorja greke E.
Manda shpjegon se, ata u ekzekutuan nga një kompani e formuar me andartë vendas, të
cilët me këto veprime, kishin shprehur urrejtjen e tyre ndaj muslimanëve shqiptarë për
bashkëpunimin e tyre me trupat italo-gjermane. “Në këto kushte shprehet autorja, -ishte e
pamundur që të kontrolloheshin devijimet në gjendje krize dhe të një ngarkese
psikologjike ekstreme”.683 Në fakt, siç del dhe nga të dhënat historike dhe dëshmitë e
qindra çamëve që i panë me sytë e tyre këto masakra, vrasja e çamëve muslimanë në
Paramithi u krye prej ushtarëve zervistë të udhëhequr nga Aristidh Kranja. Vet Kranja,
lidhur me ngjarjet në Paramithi dhe krimet kundër popullsië muslimane çame do të
shkruante në kujtimet e tij se, “ajo që ndodhi më pas, nuk përshkruhet”.684
Pasojat e masakrave ndaj popullsisë muslimane në Paramithi në fund të qershorit
të vitit 1944 ishin të rënda. Në datën 28 qershor, nëpër rrugët e qytetit gjendeshin vetëm
679 “Çamëria”, datë 13 shtator 1992. Dëshmi e Rexhep Dinos. 680 Isufi, Çamëria, Studime historike-sociologjike.., 201. 681 “Bashkimi”, Tiranë, 7 Mars 1947. 682 Krapsites, Oi mussulmanoi…,133. 683 Manda, Çamët myslimanë.., 182. 684 Po aty., 178.
Çështja çame gjatë Luftës së Dytë Botërore Lorenc Agalliu
142
viktima, njerëz të shpërfytyruar, gra të përdhunuara, pleq dhe fëmijë të ekzekutuar me
thika dhe bajoneta armësh.685
Ndër viktimat e para të shqiptarëve ishte vetë Myftiu i Paramithisë Sali Hafizi, së
bashku me të dy djemtë e tij, ndërsa gruas së myftiut i prenë kokën me hanxhar.686
Kuadrin e vrasjeve e mbyllte në mënyrën më makabre, keqtrajtimi masiv i grave dhe
rrëmbimi i çdo pasurie të minoritetit çam. Mbi 160 vajza çame u mbyllën në burgjet e
Paramithisë dhe për ditë me radhë u bënë pre e mizorive dhe e përdhunimeve sistematike
nga ushtarët zervistë.687 Ushtarët edeistë të mbushur me urrejtje për shqiptarët muslimanë
nuk i kursyen barbarizmat edhe ndaj fshatit Karbunar, banorët e të cilit kohë më parë
kishin shpëtuar të krishterët grekë të fshatit Rahuli prej vrasjes së sigurtë nga trupat
gjermano-balliste të Nuri Dinos.688
E gjendur mes valës së tërbimit të andartëve zervistë, një pjesë e popullsisë
shqiptare çame mundi t’i shpëtoi shtetërrethimit, për t’u larguar më pas drejtë kufirit
shqiptar. Mbi 5000 familje çamë iu drejtuan të tmerruar kufirit me Shqipërinë për të
shpëtuar ato jetë që kishin mundur të çanin rrethimin e ushtarëve grekë. Në këtë masakër
të pashoqe u vranë mbi 600 gra, fëmijë, burra dhe pleqë të Paramithisë.689 Banorët të
tmerruar nga ngjarjet që kishin përjetuar iu drejtuan me një letër kryeministrit të qeverisë
shqiptare në Tiranë, ku thuhej se, “nuk kanë të mësuar as vuajtjet, as grabitjet dhe as
përdhunimet e kriminelëve të Zervës. Ajo pjesë e popullsisë që akoma nuk ka rënë ndër
thikat e zervistëve, po ikën e tmerruar drejt Shqipërisë duke humbur gjithçka”.690
Autori grek J. Margaritis hedh dyshime të forta lidhur me pretendimin e banorëve
grekë të Paramithisë, të cilët akuzonin muslimanët shqiptarë çamë, se kishin ndihmuar
komandën gjermane në përzgjedhjen e 49 viktimave të ekzekutuar nga forcat gjermane në
të njëtin qytet një vit më parë. Sipas këtij autori, ekzekutimi i banorëve të Paramithisë u
bë në kuadrin e hakmarrjes të gjermanëve për vrasjen e 10 ushtarëve gjermanë dhe se
akuzat që çamët ndihmuan në përzgjedhjen e grekëve që do të ekzekutoheshin, më tepër i
atribuohet trillimeve të vazhdueshme dhe të qëllimshme të mitropolit grek Doroteos.691
Përveç argumenteve që servir historiani grek Margaritis, një fakt të tillë e konfirmojnë
dhe dokumentet ushtarake gjermane të kohës, të cilat theksojnë se; “Krerët shqiptarë,
Masar dhe Nuri Dino janë udhëzuar menjëherë që t’i përmbahen çdo lloj veprimi arbitrar
dhe që në asnjë mënyrë të mos përdorin dhunë kundër popullsisë greke që ndodhet në
Çamëri”.692
Komuniteti Musliman Shqiptar në Tiranë protestoi ashpër për vrasjen e Myftiut të
Paramithisë dhe të krimeve të tjera të kryera nga trupat zerviste ndaj popullsisë me
origjinë muslimane. Në një letër të kreut të këtij komiteti, Hafiz Sherif Langu, dërguar
Kryqit të Kuq Ndërkombëtar me seli në Bernë të Zvicrës, thuhej se, “shumë katunde e
685 “Bashkimi”, Tiranë, 4 Prill 1947. 686 Krapsites, Oi mussulmanoi.., 13. 687 AQSH, F.151, V. 1944, D.101, fl.8. 688 Zhango, Imperializmi anglez…, 255. 689 “Bashkimi”, Tiranë, 30 dhjetor 1945. 690 AQSH, F.151, V.1944, D.179, fl.2. 691 Margaritis, Bashkëpatriotë të padëshiruar…,140. 692 Kotini, Çamëria denoncon, 179. Dokument nr.000466. Urdhër i Komandës ushtarake të Greqisë,
Athinë, datë 10 janar 1944.
Çështja çame gjatë Luftës së Dytë Botërore Lorenc Agalliu
143
xhamija janë grabitur dhe djegur, e popullsia civile e tmerruar nga rreziku i çetave të
armatosura të Zervës, kanë lënë krejt vendin. Mbi 20.000 refugjatë kanë kaluar lumin
Kalamas dhe kanë ardhur përkëndej (në kufirin brenda territorit shqiptar, shënimi ynë)
për të kërkuar mbrojtje, duke vuajtur nga mungesa e ushqimeve dhe e sendeve të tjera të
nevojshme”.693 Duke vazhduar me krimet ndaj shqiptarëve, Hafiz Sherif Langu, bënte me
dije kreun e Kryqit të Kuq Ndërkombëtar se, “bandat zerviste kanë grirë popullsinë
shqiptare të Paramithisë dhe të krahinave përreth”.694 Përveç të tjerave, në letrën e tij kreu
i Komunitetit Musliman shqiptar falenderonte organizatën e Kryqit të Kuq Ndërkombëtar
mbi ndihmën e dhënë në këtë situatë të vështirë për popullsinë çame të larguar me dhunë
nga trojet e veta.695
Te autorët grekë ndihet ndjenja e fajit pasi në masakrën ndaj popullsisë së
pafajshme civile çame në Pararmithi, krahas trupave zerviste morën, pjesë dhe qindra
grekë paramithiotë, të cilët të mbushur me ndjenjën e urrejtjes dhe xhelozisë ndaj
shqiptarëve vranë dhe masakruan njerëz të pafajshëm. Masakra e Paramithisë ishte një
ngjarje e rëndë në fund të Luftës së Dytë Botërore për çamët e Greqisë. Autori grek N.
Zhango, teksa përshkruan ngjarjet rrënqethëse të krimeve kundër shqiptarëve shkruan se;
“Duhet të ndihemi të turpëruar për veprimet që nuk i shkojnë popullit tonë krenar dhe të
mburremi për veprime burrërore. Therja e grave dhe fëmijëve nuk përputhet aspak me
zemrën e madhe të popullit epirot që dëshiron të mbetet i pastër dhe trim në historinë e
tij”.696
Autorja greke E. Manda mbron mendimin se, urrejtja e grumbulluar te grekët për
çdo veprim të dhunshëm, që kishin kryer shqiptarët në krah të pushtuesve italianë dhe
gjermanë, tani ra mbi kokat e muslimanëve shqiptarë.697 Më tej autorja pranon faktin se,
që në fillim ishte i njohur rreziku se, ndaj popullsisë muslimane të Thesprotisë
(Çamërisë) do të kryheshin vandalizma dhe si pjesëmarrëse në këto masakra (rasti i
masakrave të Paramithisë) ishte dhe një kompani e pavarur edeiste, e përbërë nga grekë
paramithiotë, të cilët kaq shumë i urrenin shqiptarët.698
Ndërsa historiani grek Jani Sharras, duke trajtuar me hollësi çështjen e masakrës
dhe të dëbimit të popullsisë shqiptare çame nga Greqia, shprehet se, marrja e Paramithisë
nga EDES-i ishte një ngjarje fatale dhe tragjike njëkohësisht për minoritetin shqiptar
çam.699 Sipas këtij autori, likujdimi dhe çrrënjosja e kësaj popullsie nga trojet e të parëve
të tyre, ishte pjesë e politikës antishqiptare greke dhe si i tillë, ky veprim i nacionalistëve
grekë ishte i pashmangshëm.700
Edhe pas masakrës së Paramithisë, forcat zerviste të EDES-it vazhduan përpjekjet
për eleminimin e plotë të rezistencës çame. Në 29 qershor, komandanti edeist Kamara iu
drejtua çamëve me një tjetër thirrje, ku kërkohej dorëzimi pa kushte i armëve, duke i
premtuar sërish popullatës shqiptarë se do t’u garantohej qetësia, jeta, nderi dhe prona e
693 AQSH, F.151, V. 1944, D.100, fl.1-2. 694 Po aty. 695 Po aty. 696 Zhango, Imperializmi anglez dhe rezistenca…, 258. 697 Manda, Çamët muslimanë..,178. 698 Po aty., 180-181. 699 Sharra, Istoria …., 661-662. 700 Po aty., 662
Çështja çame gjatë Luftës së Dytë Botërore Lorenc Agalliu
144
tyre. Ende pa u tharë gjaku i qindra çamëve të derdhur vetëm dy ditë më pare, forcat
edeiste të N. Zervës shpresonin se thirrja e tyre do të merrte përgjigje pozitive.
Për të arritur qëllimin e tyre, në javën e parë të muajit korrik 1944, forcat edeiste
kërkuan ndërhyrjen e oficerëve britanikë, me qëllim organizimin e një takimi me krerët
nacionalistë çamë. Në bisedimet e zhvilluara në fshatin Mininë në datët 3 deri në 6
korrik, forcat edeiste i parashtruan përfaqësuesve nacionalistë çamë disa kërkesa, të cilat
synonin vënien e popullsisë çame nën komandën e forcave zerviste. Kërkesat e
parashtruara nga përfaqësuesit e Zervës kishin të bënin me çarmatimin e plotë të
popullsisë çame, mobilizimin e saj në radhët e EDES-it, si dhe pranimin e pushtetit
administrativ edeist në krahinën e Çamërisë.701 Në kushte të tilla, nacionalistët çamë
refuzuan të bisedojnë dhe të bien dakord me kërkesat e parashtruara nga përfaqësuesit e
Zervës.
Duke parë mundësinë që t’u ikte nga duart, N. Zerva kërkoi ndërmjetësimin e
oficerëve britanikë për të arritur një marrëveshje me përfaqësuesit e popullsisë çame. Me
këmbënguljen e oficerëve britanikë, u organizua një takim tjetër në 11 korrik në
Paramithi, midis nacionalistëve grekë dhe atyre çamë. Në ndryshim nga përpjekjet e para
të dështuara, ky takim u përmbyll me një marrëveshje, ku që të dyja palët premtonin se
nuk do të luftonin kundër njra-tjetrës. Gjithashtu, një tjetër pikë e marrëveshjes ishte fakti
se, palët duhej të ruanin pozicionet e fituara deri në këtë moment dhe se çamët, nuk do të
merrnin pjesë në aksionet e spastrimit që mund të ndërmerreshin nga forcat gjermane.
Një nga pikat kryesore të bisedimeve të zhvilluara midis edeistëve dhe
nacionalistëve të Ballit Kombëtar Çam, të kryesuar nga Masar dhe Nuri Dino, ishte
dhënia e territorit të Çamërisë forcave të Zervës. 702 Një tjetër pikë diskutimi e
marrëveshjes midis forcave të N. Zervës dhe krerëve çamë të udhëhequr nga vëllezërit
Dino, ishte dorëzimi i armëve prej nacionalistëve çamë, pikë kjo e cila për një javë e la
pezull zbatimin e kësaj marrëveshjeje.703
I ndodhur para kërcënimit të vazhdueshëm të forcave edeiste, delegacioni çam
kishte të gjitha të drejtat për të hedhur poshtë kushtin e vënë nga edeistët mbi dorëzimin e
armëve. Çamët ende nuk e kishin harruar erën e gjakut të trupave të familjarëve të tyre të
masakruar nga e njëjta dorë që do nënshkruante marrëveshjen. Refuzimi i kësaj
marrëveshje prej krerëve çamë, iu dha të drejtë grekëve t’a cilësonin këtë veprim si një
shkelje të hapur të marrëveshjes së arritur. Si rezultat, komandanti edeist Kranja u dërgoi
një tjetër thirrje çamëve, por këtë herë në formë ultimatumi, i cili skadonte brenda 24
orëve të ardhshme.704 Përpjekjet e vazhdueshme midis krerëve nacionalistë grekë dhe
atyre shqiptarë çamë gjatë muajit korrik 1944, për të rënë në ujdi nuk patën sukses.
Pas masakrave, një grup nacionalistësh çamë iu drejtuan në mesin e muajit korrik
1944, me një promemorje kryeministrit të qeverisë shqiptare në Tiranë, Rexhep
Mitrovica. Në këtë promemorje bëhej me dije se, pas masakrave të Zervës në Paramithi të
gjithë fshatrat përgjatë vijës bregdetare ishin boshatisur krejt nga shqiptarët. Sipas këtij
burimi, bëhej me dije se katundet, Arpicë, Vole, Gropë, Kuç, Luara, Mazrek, Smokovina,
Grikohor, Varfanjë etj, ishin boshatisur krejtësisht të boshatisur. “Në personin tuaj,-
701 Meta, Tragjedia.., 73. 702 Manda, Çamët myslimanë..,185. 703 Po aty. 704 Po aty., 188.
Çështja çame gjatë Luftës së Dytë Botërore Lorenc Agalliu
145
shpreheshin banorët shqiptarë të Çamërisë, populli shqiptar sheh mishërimin e
patriotizmit dhe sintezës së virtyteve shqiptare. Çamërit te ju shohin burrin e vendimeve
dhe veprimit. Presim që qeveria shqiptare të tregojë mirënjohje ndaj popullsisë çame për
sakrificën e tyre sublime”.705
Gjithashtu, në këtë letër theksohej se, “mbi 5000 familje kanë marrë rrugën drejt
kufirit shqiptar, për t’i shpëtuar masakrave nga bandat zerviste dhe se, në Paramithi mbi
160 vajza vazhdonin të qëndronin të burgosura duke u përdhunuar sistematikisht nga
ushtarët zervistë”. 706 Duke i bërë një retrospektivë ngjarjeve që kishin ndodhur në
Çamëri, që nga koha e rënies së saj nën regjimin grek, banorët çamë shpreheshin në
letrën e tyre se, “popullsia çame u dënua me të padrejtë nga të mëdhenjtë që të vuaj larg
gjirit të shtetit shqiptar. Që prej 30 vjetësh, me sjelljen e saj të urtë e të matur, ajo ka ditur
të tërheqë jetën e saj nën mizerjen më të madhe ekonomike, politike e shoqërore, pa i
dhënë sundonjësit asnjë shkak dhe arsye, aq sa duket popullsia më e bindur”.707 “Kohët e
fundit,- vazhdonte letra, Çamëria e jugut dhe e qendrës u sulmua nga fuqitë shoviniste të
gjeneralit Zerva. Edhe pse Çamëria martire u tregua asnjëanëse dhe spektatore, ata
(popullsia çame) u bënë përsëri preh e barbarizmave greke”.708
Në përfundim të kësaj promemorje, përfaqësuesit e popullsisë çame, kërkonin nga
qeveria shqiptare dhe nga kryetari i saj, që të ngrinte zërin për të mbrojtur të drejtat e
çamëve ndaj barabarizmave greke, si dhe të merrte masa për pritjen e refugjatëve çamë,
sistemimin e tyre dhe furnizimin me ushqime e veshmbathje.709 Paria çame i sugjeronte
qeverisë shqiptare, që për strehimin e familjeve të shpërngulura, shteti shqiptar të vinte në
dispozicion tokat e lira në Lushnje, ku familjet të ngrinin strehën e tyre. Gjithashtu
kërkohej prej qeverisë shqiptare, që të bënte të gjitha përpjekjet e duhura, duke ndërhyrë
pranë organizatës së Kryqit të Kuq Ndërkombëtar, me qëllim sigurimin e ndihmave të
nevojshme për familjet çame në nevojë.710
Ndërkohë që përpjekjet e oficerëve britanikë për të arritur një marrëveshje midis
edesitëve dhe Ballit Kombëtar Çam vazhdonin, forcat zerviste përgatiteshin për masakrën
e radhës ndaj popullsisë civile shqiptare të Çamërisë. Të vënë në dijeni për planet
shfarosëse që po përgatiteshin nga andartët grekë, forcat nacionalistë çame të udhëhequra
nga Nuri Dino, morën masa për largimin e menjëhershëm të fëmijëve shqiptarë dhe
pleqve mbi 60 vjeç nga fshatrat e Mazaraqit dhe Margëlliçit për në drejtim të Filatit, duke
lënë vetëm ata persona të cilët ishin të aftë për rezistencë.711 Krahas këtyre masave,
popullsia e aftë për luftë e Çamërisë u organizua për tu bërë ballë sulmeve të tjera të
forcave nacionaliste greke. Brenda një harku të shkurtër kohor, rreth 2000 forca
vullnetare çame u mblodhën, duke formuar një front të gjerë, që shtrihej që nga
Margëlliçi e deri në Mininë.
705 AQSH, F.151, V. 1944, D.101, fl.11. Letër e disa nacionalistëve çamë dërguar Rexhep Mitrovicës,
Kryeministër i qeverisë shqiptare, korrik 1944. 706 Po aty., fl.9. 707 Po aty., fl.8. 708 Po aty., fl.9. 709 Po aty., fl.10. 710 Po aty. 711 Liço, Probleme të marrëdhënieve.., 270.
Çështja çame gjatë Luftës së Dytë Botërore Lorenc Agalliu
146
Midis forcave nacionaliste greke dhe atyre shqiptare çame, u zhvilluan disa
luftime të ashpra, të cilat për momentin ua prenë hovin sulmeve të andartëve grekë ndaj
popullsisë civile çame. Këto luftime u zhvilluan gjatë muajve korrik-gusht dhe në to
morrën pjesë dhe djemtë çamë, të cilët ishin mobilizuar nga nacionalistët çamë dhe
gjermanët.712 Në kuadrin e masave të mara për mbrojtjen e jetëve të familjeve çame, të
cilat i ishin drejtuar kufirit shqiptar, ishte dhe mbajtja në gjysmën e dytë të muajit korrik,
e Kuvendit të dytë çam, në Grikohor.713 Një nga vendimet kryesore të këtij kuvendi ishte,
mbajtja me forcë e frontit, si dhe të pengohej me çdo kusht mësymja e forcave zerviste në
Çamëri për t’i dhënë mundësi familjeve çame të tërhiqeshin pa pasoja drejt kufirit me
Shqipërinë.714
Megjithë masat e marra nga komanda nacionaliste çame, për t’u bërë rezistencë
trupave zerviste, përparimi i tyre drejt fshatrave shqiptare ishte i shpejtë. Operacionet
zerviste kundër popullsisë shqiptare u shoqëruan me vrasje dhe shkatërrimin e të gjithë
fshatrave që ishin në vijën e sulmit Gumenicë-Mininë. Një nga betejat për mbajtjen e
frontit dhe ndalimin e avancimit të trupave zerviste u zhvillua në fund të korrikut, në
vendin e quajtur Qafa e Shurzës.715 Në këtë beteje, rreth 55-60 luftëtarë vullnetarë çamë u
ndeshën me batalionin zervist, të cilët lanë 10 ushtarë të vrarë dhe nga pala shqiptare
dhanë jetën Vehip Hodo e Hasim Memo.716
Në ditët e para të muajit gusht, divizioni i X-të i EDES-it rifilloi operacionet
kundër popullsisë çame të fshatrave të Margaritit, Mazrekut dhe Gumenicës. Megjithë
rezistencën që bënë formacionet e pakta të forcave të armatosura çame, forcat zerviste
arritën të vinin nën kontrollin e tyre të gjithë vijën ndarëse Gumenicë-Mininë. Hyrja e
formacioneve ushtarake zerviste në fshatrat e kësaj zone u shoqërua me djegien e
fshtarave çamë në luginën e Maragritit dhe plaçkitjen e shtëpive të tyre prej banorëve të
krishterë grekë. Komandanti grek i divizionit zervist Kamara, në vend që të qetësonte
ushtarët e tij për të ndalur veprimet vrastare ndaj popullsisë civile çame, u bënte thirrje
banorëve grekë se, më në fund ata kishin mundur të hiqnin qafe elementin muslimanë, që
sipas tij kishte bashkëpunuar me pushtuesit italianë dhe gjermanë.717
Përpjekjet për të sulmuar forcat zerviste, si dhe për të parandaluar masakrat ndaj
popullsisë çame, u bënë dhe nga Fronti Nacionalçlirimtar shqiptar. Rexhep Plaku, një nga
udhëheqësit e çetave partizane që vepronte në ato zona, gjatë muajit arriti një marrëveshje
me çetat partizane greke për të sulmuar forcat zerviste, por mosparaqitja e forcave
partizane greke në vendin e përcaktuar ku do të bëheshin luftime, bëri që kjo tentativë të
dështonte.718
Të dëshpëruar dhe të gjendur pa asnjë rrugëdalje, një grup nacionalistësh çamë të
Janinës, në verën vitit 1944, nëpërmjet ushtarëve gjermanë, iu drejtuan me një thirrje
712 Meta, Tragjedia..,72. 713 Rexhep Dino, Çamëri, kjo dhimbje e madhe. Kujtime, (Munih, 1993), 88, cituar sipas Metës, Tragjedia
çame, 73. 714 Dino, Çamëri kjo dhimbje…,88. 715 Hoxha, Viset shqiptare…,373. 716 Po aty. 717 AYE, 1944, 42/6, pa nr. pr. Divizioni X-të EOEA, Thirrje e Kamarës për popullsinë e Çamërisë, datë,
9.8.1944. Cituar sipas Manda, Çamët myslimanë.., 190. 718 Meta, Tragjedia.., 74.
Çështja çame gjatë Luftës së Dytë Botërore Lorenc Agalliu
147
qeverisë shqiptare nën pushtimin gjerman të Tiranës, të cilën e njoftonin mbi masakrat e
kryera nga bandat zerviste ndaj popullsisë shqiptare çame. Në njoftimin drejtuar kësaj
qeverie, nacionalistët çamë shpreheshin se; “Ngjarjet e fundit në Paramithi e përreth, të
cilat u shoqëruan me vrasjen e 250 burrave, grave e fëmijëve, përdhunimin e grabitjen
nga Zerva, shënojnë një gjendje dëshpërimi në Çamëri. Zerva ka ndërmend të zaptojë
krejt Çamërinë. Popullsia e terrorizuar po kërkon të ikë në Shqipëri dhe po rend drejt
kufirit. Kjo popullsi është në rrrezik të humbë gjithçka dhe se kalimi për në Shqipëri po
vështirësohet nga gjendja në Jug. Paniku po shtrihet edhe ndër popullsinë e Gjirokastrës,
e kudo ka mungesë organizimi, dizinteresimi e kujdes i pakët”.719 Në fund të njoftimit për
gjendjen e krijuar, nënshkruesit e këtij dokumenti; Xhelo Aliçko, Haziz Vrioni, Jaho
Kalasa, Qemal Frashëri e Nazima Jupi, i kërkonin qeverisë shqiptare që të merrte masat e
duhura për dërgimin e një delegati fuqiplotë dhe rregullimin e çështjeve në Çamëri e
Gjirokastër.720
Në gusht të vitit 1944, një përfaqësi e popullsisë së fshatrave të Komunës së
Filatit, si Xhelal Skëndo, Abdullah Kasemi, Muni Rustemi, Ramadan Siriu, Hamit
Muharremi etj, i kërkuan A. Lambert, përfaqësues britanik i Kryqit të Kuq Ndërkombëtar
për Epirin, që të ndërmerrte hapat e duhura për ndalimin e masakrave dhe të shpërnguljes
së popullsisë shqiptare çame. Në kërkesën e tyre dërguar Lambert, përfaqësia e banorëve
të Filatit, kërkonte që ai të ndërhynte pranë forcave nacionaliste greke për të ndaluar
masakrat dhe vuajtjet e popullsisë shqiptare.721 Banorët shqiptarë i kërkonin atij se, nëse
ndalimi i vrasjeve dhe dhuna e ushtruar nga zervistët nuk do të ndërpritej, të paktën të
bëhej e mundur transportimi i banorëve para se të ishte vonë dhe marrja e tyre nën
mbrojtjen e ndërkombëtarëve.722 Zyrtari anglez menjëherë u vu në lëvizje për të marrë
kontakte me forcat zerviste greke. Në përgjigjen e tij, të datës 17 gusht, Lambert
siguronte letërshkruesit se, popullsia shqiptare nuk duhej të largohej nga shtëpitë e tyre,
pa u marrë më parë përgjigjja nga Zerva.723
Agjencia Telegrafike Shqiptare (ATSH), njoftonte në datën 26 gusht 1944, se
ngjarjet tragjike në Çamëri, vrasja e qindra shqiptarëve të pafajshëm dhe të qetë, si dhe
shpërngulja me pahir e mijëra të tjerëve nga toka e të parëve të tyre e tronditën opinionin
publik shqiptar.724 Në deklaratën e ATSH, flitej për vrasjen e Myftiut të Paramithisë, i cili
së bashku me shqiptarët e tjerë u pre në besë nga dhespoti i Paramithisë, duke u
masakruar nga bajoneta dhe thika e andartëve zervistë. Duke vazhduar më tej me
përshkrimin e krimeve të kryera nga grekët, kjo agjenci bënte me dije se, shkaku i këtyre
ngjarjeve duhej kërkuar vetëm në politikën shoviniste greke të Megalidesë dhe se krimet
e kryera nga Zerva ishin veprime të qëllimshme dhe të paramenduara. Në vazhdim të
deklaratës së kësaj agjencie thuhej se; “Lajme të zeza nga Çamëria na detyrojnë të heqim
dorë nga optimizmi….e kemi parë Greqinë kurdoherë si djepin e qytetërimit dhe kemi
719 AQSH, F.151, V.1944, D.179, fl.2. 720 Po aty. 721 AMPJ, V.1944, D.42. Letër e përfaqësuesve të popullsisë çame, drejtuar A. Lambert, përfaqësues i
Kryqit të Kuq Ndërkombëtar për Epirin. 722 Po aty. 723 Po aty. Shif dhe AYE 1943-1944/2. Përgjigje e A. Lambert, dërguar përfaqësisë së popullsisë çame,
Janinë 17 gusht 1944. 724 “Bashkimi Kombit”, nr.206, datë 1 shtator 1944.
Çështja çame gjatë Luftës së Dytë Botërore Lorenc Agalliu
148
pritur prej saj dritë e dituri. Terrorizmi grek ditët e fundit na ka habitur të gjithë dhe
besojmë se çdo grek i mirë do të përbuzë këto veprime çnjerëzore që përbëjnë një njollë
të zezë në marrëdhëniet midis dy vendeve tona dhe që na kthejnë shumë kohë
mbrapa”.725
Ndërsa, lidhur me masat paraprake që kishte ndërmarë Lambert dhe organizata që
ai drejtonte, për t’u ardhur në ndihmë refugjatëve çamë, kjo agjenci në datën 27 gusht
njoftonte se, “pjesa më e madhe, apo 20.000 vetë, tani janë grumbulluar si mos më keq në
Filat, ku me vështirësi të mëdha Kryqi i Kuq Ndërkombëtar ka mundur t’u japë një
ndihmë të parë”.726
Për ndalimin e masakrave ndaj çamëve muslimanë, si dhe gjetjen e një zgjedhjeje
për familjet e shpërngulura, zotit Lambert iu dërgua një letër dhe nga Myftiu i Janinës.
Në letrën e tij, ai kërkonte që Lambert të ndërmjetësonte personalisht pranë Zervës, që
çamët e larguar të kishin mundësi të ktheheshin në shtëpitë e tyre. Nisur nga qëllimet
humanitare, kreu i Kryqit të Kuq Ndërkombëtar vendosi kontakte me krerët e EDES-it,
ku paraqiti kërkesat e bëra nga shqiptarët, lidhur me rikthimin e tyre në Çamëri. Si
përgjigje Zerva vendosi disa kushte, të cilat Lambert pas takimit ia komunikoi parisë
çame të përmbledhura në tetë pika:
1. Popullsia muslimane çame do të mund të kthehej në vatrat e saj, duke patur
garancinë për sigurimin e jetës, nderit dhe pasurisë.
2. Ata që dispononin armë, duhet t’i dorëzonin ato te autoritetet locale e ushtarake.
3. Jeta e tyre shoqërore si shtetas grekë, që nga ai moment do të rregullohej në bazë
të ligjeve greke dhe urdhërave e kushteve të vendosura nga EDES-i.
4. Ajo pjesë e popullsisë që kishte kryer krime kundër popullsisë greke, nuk duhej të
kthehej, ndërsa pjesa që do të kthehej do të rregjistrohej në bazë të fshatrave nga
ana e një komision i cili do të ngrihej posaçërisht për këtë process. Listat me
emrat e banorëve të rregjistruar do t’u dorëzohej Kryqit të Kuq Ndërkombëtar në
Janinë. Ky rregjistrim do të ishte i detyrueshëm për të gjithë. Kundër atyre
personave që ishin përgjegjës për vepra penale ndaj qytetarëve grekë apo dhe ndaj
shtetit, do të jepeshin dënime që parashikoheshin nga ligji.
5. Banorët e kthyer në shtëpitë e tyre nuk duhet të bashkëpunonin, apo të përkrahnin
organizata të tjera ushtarake të cilat ishin në luftë me EDES-in.
6. Deri në kthimin e një përgjigje nga paria shqiptare trupat edeiste do të ndërpritnin
çdo lloj aksioni kundër tyre.
7. Çamët muslimanë të cilët nuk dëshiroheshin të ktheheshin mund të shkonin në
çdo vend tjetër, mjafton që të mos u binin në qafë të krishterëve grekë, si dhe të
mos mbanin qëndrim armiqësor ndaj EDES-it..
8. Përgjigja për propozimet e bëra nga EDES, duhej të kthehej brenda datës 24 gusht
1944.727
725 AQSH, F.151, V.1944, D.101, fl.12-13. 726 “Bashkimi i Kombit”, nr.202, Tiranë, datë.27 gusht 1944, fq.1. 727 Manda, Camët myslimanë..,191-192.
Çështja çame gjatë Luftës së Dytë Botërore Lorenc Agalliu
149
Përgjigja e nacionalistëve grekë më tepër dukej si një kurth i ngritur për të
mbyllur një herë e përgjithmonë llogaritë me shfarosjen e shqiptarëve. E gjitha kjo nuk
ishte gjë tjetër veçse një justifikim për masakrat e kryera deri tani ndaj popullsisë çame, si
dhe një mënyrë për të rikthyer ato familje që kishin braktisur shtëpitë e tyre, e për të
mbyllur njëherë e përgjithmonë çashtjen çame nëpërmjet spastrimit etnik.
Një tjetër qëllim i Zervës ishte përfshirja e popullsisë çame në luftën civile greke
dhe përdorimi i saj si forcë ushtarake kundër EAM-it. Të mësuar tashmë me premtime,
kushtet e vëna nga Zerva mbetën në letër. Ato nuk u morën në konsideratë nga paria
çame dhe krerët e saj. Sipas autorëve grekë, të cilët për fat të keq nuk janë të pakët në
numër, Zerva iu ofroi çamëve muslimanë besën dhe garanci për jetët dhe pronat e tyre,
por ata (çamët) të vetëdijshëm për fatin e tyre për bashkëpunimin me gjermanët vendosën
të largoheshin për në Shqipëri.728
Ndërkohë që kryheshin bisedimet ndërmjet palëve, Zerva kishte filluar
operacionin e spastrimit të popullsisë shqiptare në lindje të lumit Kalamas. Si rezultat i
këtyre masave të egra, një pjesë e mirë e popullsisë çame kishte kaluar lumin dhe ishte
grumbulluar në rrethinat e Filatit dhe në afërsi të kufirit greko-shqiptar, zona këto që
kontrolloheshin nga forcat partizane greke të ELAS-it.729 Duke parë mundësinë që t’i kte
nga duart për shfarosjen e popullsisë çame, Zerva i deklaroi Lambertit se ai ishte i
gatshëm që t’u ofronte një tjetër mundësi çamëve për kthimin e tyre, por pa lëvizur nga
kushtet që kishte paraqitur.730
Lambert iu drejtua edhe një herë përfaqësuesve çamë, duke i kritikuar ata për
vendimin që kishin marrë për zhvendosjen e popullsisë së pa mbrojtur civile, me
arsyetimin se tashmë Zerva do ta kishte të lirë rrugën për pushtimin e fashatrave të
braktisur dhe se ai nuk mund të bënte asngjë për ndalimin e bombardimeve nga ana e
aleatëve, gjë e cila mund të rrezikonte jetët e tyre.731 Në përfundim të letrës së tij drejtuar
përfaqësuesve çamë, ai shkruante se, “mbetem gjithnjë në dispozicionin tuaj, duke
përsëritur edhe njëherë atë që u theksova të gjithëve, se ndërmjetësimi im është
krejtësisht jozyrtar. Nuk mund të japë asnjë ndihmë për popullsinë e cila dëshiron të
emigrojë në Shqipëri, veçse në rast se të gjitha palët e interesuara bien dakord”.732
Pas Paramithisë radhën e kishin fshatrat e tjerë të banuara me shqiptarë, të cilët të
gjendur përpara planeve shfarosëse të andartëve zervistë, e kishin të pamundur të
vetëmbroheshin në kushtet e një izolimi të thellë. Nga fundi i gushtit të vitit 1944, forcat
zerviste mësynë sërish në fshatrat shqiptare të Pargës dhe zonave përreth. Në harkun e
disa ditëve, forcat edeiste sulmuan Filatin, Sajadhën dhe Gumenicën. Në datën 28 gusht,
prej këtyre forcave u ekzekutuan 49 burra dhe 8 gra.733 Egërsia e reparteve ushtarake
728 Kentritis Kyriakos, Myths an Realities About Minorities in Greece. The Case of the Moslem Cams of
Epirus, International Center for Minority, Studies and Intercultural Relations, (Sofje, 1995). 729 Manda, Çamët muslimanë…,192. 730 Po aty. 731 AYE, 1944, 42/6, pa nr.prot., Lambert për Komisionin Përfaqësues të Muslimanëve të Çamërisë, Janinë
16.8.1944. Cituar sipas Manda, Çamët muslimanë…,194. 732 Po aty. 733 “Bashkimi”, datë, 30 dhjetor 1945.
Çështja çame gjatë Luftës së Dytë Botërore Lorenc Agalliu
150
zerviste përballë popullsisë çame ishte e madhe dhe të gjithë ata çamë të armatosur që
ziheshin ekzekutoheshin në vend.734
Komandanti i batalionit “Çamëria” Rexhep Plaku, duke denoncuar krimet e brëa
nga nacionalistët grekë gjatë verës së vitit 1944, paralajmëronte krerët komunistë në
Shqipëri, se tragjedia e popullsisë çame nuk kishte përfunduar ende. Në letrën e tij të
datës 13 shtator, dërguar Qeverisë së Përkohshme, ai bënte thirrje për marrjen e masave
urgjente që krime të tilla të mos përsëriteshin më. Ai kërkonte nga udhëheqja komuniste
shqiptare që të informoheshin aleatët anglo-amerikanë dhe ata sovjetikë, se popullsia
shqiptare e Çamërisë nuk ishte bashkëpunëtore e fashizmit, por ajo ishte e radhitur
përkrahë rezistencës antifashiste. 735 Kërkesa e tij konsistonte në faktin që, aleatët
perëndimorë të këmbëngulnin pranë qeverisë greke për ndalimin e masakrave ndaj
popullsisë çame, si dhe të merreshin masat e nevojshme për kthimin e kësaj popullsie në
territoret e shpërnguluara. Njëkohësisht komandanti i batalionit “Çamëria”, kërkonte nga
krerët komunistë të EAM-it, që së bashku të sulmonin forcat zerviste dhe ato gjermane në
Filat. “Ne politikisht humbasim shumë,- shkruante Rexhep Plaku në letrën e tij,- pasi në
të kundërt do të vertetoheshin akuzat e reaksionit, se ne ia kemi shitur Çamërinë
Greqisë”.736
Filati u bë qendra e radhës e masakrave zerviste ndaj kësaj popullsie. Në 14
shtator 1944, forcat edeiste grumbulluan në qendër të Filatit të gjithë burrat, kryesisht
djem të rinj dhe pleq, të cilët pas një gjyqi të improvizuar u ekzekutuan me akuzën e
bashkëpunimit me pushtuesit.737 Urdhëri i ekzekutimit për banorët shqiptarë të Filatit
ishte dhënë një ditë më parë nga komandanti zervist Kamara, i cili i shkruante Aristidh
Kranjës, se, duhej t’i pushkatonin të gjithë pa vonesë, pa pritur urdhëra nga komanda më
të larta, “se pastaj do të jetë shumë vonë”.738
Në bazë të këtyre urdhërave, në intervalin midis dy-tre ditëve në Filat u vranë 47
burra pranë vendit të quajtur Ura e Filatit dhe pa kaluar ende tre ditë u ekzekutuan dhe 51
çamë të tjerë pranë Spitalit të Filatit dhe vendit të quajtur Përroi i Shejlës.739 Për pesë ditë
me radhë në qytet mbizotëronte kaosi, vrasjet, djegiet dhe përdhunimet. Vetëm në qytetin
e Filatit, në harkun e një jave, numëroheshin mbi 259 persona të vrarë dhe të zhdukur pa
lënë asnjë gjurmë.
Lidhur me krimet e Zervës në Filat, autorja greke E. Manda shprehet se,
“popullsia shqiptare e mbetur në Filat, e cila nuk kishte mundur të kalonte në Shqipëri, u
përndoq pa mëshirë, pati me dhjetëra viktima, shumë shtëpi të çamëve u plaçkitën dhe u
dogjën, u shkatërruan dhe xhami”.740
Pas vrasjeve të para në Filat, forcat zerviste deklaruan se në qytet ishte vendosur
qetësia, se të gjithë banorët tashmë mund të qëndronin të pashqetësuar në shtëpitë e tyre
734 Manda, Çamët muslimanë…, 195. 735 P. Kalaja, “Pjesëmarrja aktive e shqiptarëve të Çamërisë…Artikull i botuar në Gazetën “Rilindja”
(Zvicër, 1995). Cituar sipas autorit Repishti, “Epiri jugut, Çamëria”, 85. 736 Kalaja, “Pjesëmarrja aktive e shqiptarëve të Çamërisë.., Cituar sipas autorit Repishti, “Epiri jugut,
Çamëria”, 85. 737 “Bashkimi”, datë, 30 dhjetor 1945. 738 Po aty. 739 Po aty. 740 Manda, Çamët muslimanë…, 195.
Çështja çame gjatë Luftës së Dytë Botërore Lorenc Agalliu
151
dhe mund të lëviznin lirisht nëpër rrugët e qytetit. Kjo ishte një tjetër manovër dinakërie
nga ana e monarkofashistëve grekë, të cilët shpresonin në grumbullimin dhe më pas
masakrimin e popullsisë çame. Gjatë mbrëmjes së 23 shtatorit 1944, duke u gdhirë data
24, vetëm në Filat u vranë 47 vetë, ndërsa në Spatar nga forcat zerviste u masakruan 157
burra, gra e fëmijë të grumbulluar nga fshatrat muslimane përreth. Bilanci i viktimave
deri në fund të muajit shtator 1944, ishte 46 njerëz të therur me thika dhe 45 banorë të
tjerë të masakruar dhe djegur të gjallë në Filat.741 Edhe ajo pjesë e banorëve që për
momentin i shpëtoi ndëshkimit u nxorrën përpara një gjykate të improvizuar dhe u
dënuan me vdekje. Gjatë seancës gjyqësore njerëz të nxitur nga urrejtja e madhe që
kishin për shqiptarët çamë, thërrisnin në sallë se, “këta duan plumb kokës”, “se këta janë
turq e jo grek” e shumë akuza të tjera të paqëna.742
Një raport i Mihalis Tsianis, sekretar i zyrës së PKG për Epirin, dërguar PKG
greke në Athinë në fund të tetorit të vitit 1944, theksonte faktin se për shkak të
veprimtarisë së shtuar të trupave edeiste, në zonën e Çamërisë mbizotëronte një regjim
akoma më i keq. Sipas njoftimit, nga forcat edeiste të udhëhequar nga komandanti Vito
dhe Nanos, vazhdonin goditjet dhe arrestimet ndaj luftëtarëve të ELAS-it dhe familjeve të
tyre.743 Raporti theksonte gjithashtu dhe përgatitjet e forcave nacionaliste greke për një
goditje të radhës në Çamëri kundër popullsisë civile shqiptare. Në këtë raport, thuhej se,
“ashtu siç e shikoni dhe nga kopjet e shtypit të tyre që po ju dërgojmë (fjala është për
shtypin luftarak të organizatës së EDES-it), vazhdojnë kryeartikujt zjarrëvënës,
veçanërisht rreth Çamërisë dhe Vorio Epirit. Kanë botuar lista të tëra me emrat e çamëve
muslimanë, të cilët akuzohen se kanë therur përpara kohësh të krishterët”.744
Spastrimet në fshatrat me popullsi muslimane shqiptare në jug të Kalamas, bënë
që shumica e banorëve të largoheshin prej shtëpive të tyre. Mbasi nuk kishin asnjë
mundësi për të bërë rezistencë ndaj trupave të armatosura zerviste, çamët morën rrugën e
shtegëtimit drejt kufirit me Shqipërinë. Sulmi i trupave zerviste ndaj banorëve të
fshatrave të Filatit dhe Sajadhës u ndërmor për shkak se, kjo zonë njihej për mbështetjen
që i kishte dhënë Frontit Çlirimtar Kombëtar grek dhe se këtu forcat e Ushtrisë Çlirimtare
Popullore Greke gëzonin mbështetje të madhe. Lista e përgatitur nga zervistët me emrat e
çamëve, të cilët kishin qenë pjesë e formacioneve të Regjimentit XV të ushtrisë së ELAS-
it, e vërtetojnë më së miri këtë fakt. Vetëm gjatë kalimit në fshatin Grikohor, zervistët
vranë disa ish luftëtarë çamë të ELAS-it, si Habib Omeri, Islam Ademi, Selman Osmani,
Zeqir Ademi nga Arvenica, Kasem Jakupi nga Kuçi, Aqif Ahmeti e Isak Damo nga
Vrohori.745
Lidhur me gjendjen e mjeruar që po kalonte popullsia çame pas masakrave të
kryera nga forcat nacionaliste greke, si dhe mbështetjen që ata i dhanë lëvizjes
antifashiste nacionalçlirimtare shqiptare gjatë këtyre muajve, na njeh dhe një raport
informativ dërguar KQ të Partisë Komunistë, për Qarkorin e Gjirokastrës në të cilin
741 Memorandum i Komunitetit Antfashist të Emigrantëve Çamë në Shqipëri, drejtuar Këshillit të Sigurimit
të Kombeve të Bashkuara, Komisionit Hetimor për Trajtimin e Minoritetit Çam Shqiptar në Greqi dhe
Masakrat ndaj tyre, Shif Margaritis, Bashkëpatriotë të padëshiruar…,185. 742 “Zëri i Çamërisë”, Tiranë, datë 8 tetor 1946. 743 Margaritis, Bashkëpatriotë të padëshiruar…,178-179. 744 Po aty., 179-180. 745 “Çamëria”, Nr. 14, datë 2 tetor 1991.
Çështja çame gjatë Luftës së Dytë Botërore Lorenc Agalliu
152
thuhej se, “Me avitjen e fuqive Zerviste në kufi, populli çam i Shqipërisë ka pësuar një
farë tronditje morale. Janë grumbulluar më tepër rreth frontit dhe kanë deklaruar se janë
gati për çdo rast që të paraqitet, të marrin pjesë në luftë në qoftë së do të kërkohet ndihmë
nga forcat ushtarake partizane”.746 Si pasojë e reprezaljeve të shovinistëve grekë, deri në
muajin dhjetor të vitit 1944, vazhdoi largimi i popullsisë shqiptare nga trojet e veta në
drejtim të Shqipërisë. Vetëm në zonën e Konispolit u zhvendosën mbi 20.000 çamë, të
cilët u përballën me mungesën e ushqimeve, të barnave dhe të strehimit.747
746 AQSH. F.17/APL. V.1944. D.79, fl.66. 747 Bashkimi, Nr.240, datë 7 tetor 1945.
Çështja çame gjatë Luftës së Dytë Botërore Lorenc Agalliu
153
4.3. Genocidi në mars 1945, shpërngulja dhe bilanci i krimeve ndaj minoritetit
çam.
Pas masakrave të para të kryera nga forcat nacionaliste greke ndaj minoritetit çam
në Greqi, si dhe me largimin e forcave gjermane, situata në Çamëri u përkeqësua. Ashtu
si dhe në të gjithë Greqinë edhe Çamëria ishte e përfshirë nga ethet e luftës civile që
kishte shpërthyer midis EAM-it dhe EDES-it. Pikërisht, për të frenuar një gjë të tillë, si
dhe për të bashkuar forcat e rezistencës greke kundër ushtrisë gjermane, oficerët e
misionit britanik në Greqi bënë përpjekje për të arritur një marrëveshje midis EAM-it dhe
EDES-it. Pas shumë bisedimesh midis përfaqësuesve të këtyre dy forcave me
ndërmjetësimin e oficerëve britanikë, në fund të muajit gusht 1944, në Kazerta të Italisë u
firmos marrëveshja e armëpushimit midis EAM-it dhe EDES-it të udhëhequr nga
Napoleon Zerva.
Në bazë të kësaj marrëveshje, si EAM-i dhe EDES-i ranë dakort për përcaktimin e
zonave të influencës, duke bërë që kufiri në veri të lumit Kalamas dhe që vazhdonte në
vijën perëndimore të Manastirit të Shën Mërisë – Dhovlas – Gjithë Shenjtorët – Libovë –
Qeramicës – Malunit, t’u përkiste partizanëve muslimanë shqiptarë, të cilët ishin pjesë e
batalionit mikst të Ushtrisë Çlirimtare Popullore Greke. Ndërsa, zonat e Gumenicës dhe
Janinës e deri në zgjatimin në veri, deri në kufirin me Shqipërinë, njiheshin si zona
influence të EDES-it.748 Forcat e Regjimentit të XV të ELAS-it, të udhëhequra nga
komandanti grek Paraskas, në kundërshtim me urdhërat e dhëna nga krerët ushtarakë të
ELAS-it, vendosën që të merrnin nën kontrollin e tyre një pjesë të mirë të territoreve të
Filatit dhe Sajadhës. Një veprim i tillë nuk u prit aspak mirë nga krerët ushtarakë e
politikë të EAM/ELAS-it, të cilët urdhëruan tërheqjen e menjëhershme të trupave të këtij
regjimenti dhe kalimin e kësaj zone nën influencën e batalionit mikst, të përbërë nga
çamët shqiptarë.749
Forcat edeiste, duke mos respektuar pikat e marrëveshjes u futën në zonat e
banuara nga shqiptarët, të cilat i ishin lënë në kontroll pikërisht batalionit mikst të
Regjimentit të XV të ELAS-it. Një raport informativ i PKG, i degës së Epirit, dërguar
Komitetit Qëndror të Partisë Komuniste Greke në Athinë, lidhur me futjen e trupave të
Regjimentit të X të EDES-it në Çamëri gjatë muajit nëntor 1944, njoftonte se, “ky
keqkuptim serioz (fjala ishte për shkeljen e territorit të Çamërisë, e cila në bazë të kësaj
marrëveshje i ishte njohur Rregjimentit të 15 të Ushtrisë Çlirimtare Popullore Greke, i
përbërë nga grekë dhe shqiptarë çamë, shënimi ynë) i dha të drejtën EDES-sit, të shijë në
Filat dhe në Çamëri dhe të mbulojë të gjitha krimet e saj të tmerrshme”.750 Vetë EAM-i
me ushtrinë e saj, për shkak të divergjencave që ekzistonin në gjirin e kësaj lëvizjeje, nuk
ishte në gjendje që t’i bënte ballë presionit në rritje nga ana e Zervës dhe grupimeve të
748 Margaritis, Bashkëpatriotë të padëshiruar.., 174-175. Raport i PKG, Zona e Epirit për Shtabin e
Përgjithshëm të UNÇP greke, datë 14 tetor 1944. 749 Po aty. 750 Po aty., 177. Raport i Partisë Komuniste Greke, Zyra e Epirit, për Partinë Komuniste Greke, mbi pasojat
e moszbatimit të marrëveshjes së Kazertës lidhur me territorin që duhet të kontrollonin partizanët shqiptarë
muslimanë.
Çështja çame gjatë Luftës së Dytë Botërore Lorenc Agalliu
154
tjera ekstremiste nacionaliste, të cilat kishin dhe mbështetjen e misioneve britanike në
Greqi.
Duke përfituar nga situata e krijuar, forcat nacionaliste greke të udhëhequra nga
N. Zerva shprehën hapur inisiativën për të vazhduar aksionin e tyre ushtarak dhe në
krahinat e Shqipërisë së jugut. Një veprim i tillë i ekspozuar me forcë nga Zerva dhe
përkrahësit e tij, për të kaluar kufirin shqiptar u kundërshtua nga politika amerikane. Në
nëntor të vitit 1944, nënsekretari amerikan i shtetit Stetinius, i informuar rreth asaj çka po
ndodhte në Çamëri do të theksonte se; “Ne mendojmë se nuk duhet të lejojmë forcat e
armatosura greke dhe ato shqiptare të kalojnë kufirin dhe se përpjekjet e tyre për të
përzënë ose asgjesuar pakicën që i përket një gjuhe ose një grupi kombëtar të ndryshëm
nuk duhet të tolerohen”. 751 Strategjinë e Zervës për të sulmuar popullsinë çame në
brendësi të territorit shqiptar, e denoncoi hapur pranë aleatëve dhe Shtabi i Përgjithshëm i
UNÇL shqiptare, i cili iu përgjigj në të njëjtën mënyrë kërcënimit edeist.
Të gjendur përballë një përplasje midis EDES-it dhe FNCl shqiptar, si dhe duke
njohur forcën e vërtetë ushtarake të ushtrisë çlirimtare shqiptare, Shtabi Aleat i Lindjes së
Mesme i komunikoi Zervës se, “në rast se tentonte të kalonte qoftë dhe një pëllëmbë
kufirin shqiptar, do të ishte përgjegjës për atë që do të pasonte më pas”.752 Sipas aleatëve,
plani i Zervës në rast të një tentative të mundshme për kalimin e kufirit shqiptar, do të
rezultonte i paarritshëm, për shkak se forcat nacionaliste greke do të viheshin midis dy
zjarreve, ku nga njëra anë ato do të sulmoheshin nga trupat e EAM/ELAS-it dhe nga ana
tjetër do të sulmoheshin nga forcat ushtarake të LANÇ shqiptare.
Pas përpjekjeve të shumta, në dhjetor të vitit 1944, një pjesë e konsiderueshme e
krahinës së Çamërisë u vu nën kontrollin e Frontit Nacional Çlirimtar të EAM-it dhe
ELLAS-it. Si pasojë e kësaj situate të krijuar, forcat edeiste në dhjetëditëshin e parë të
janarit të vitit 1945, u larguan në drejtim të Korfuzit. Pas vënies nën kontrollin e
përkohshëm të këtyre territoreve nga ana e forcave të EAM-it, u duk se ishin krijuar
kushtet për rikthimin e popullsisë së shpërngulur çame në shtëpitë e tyre. Në vazhdën e
përpjekjeve të patriotëve çamë për të denoncuar masakrat që ishin kryer ndaj popullisë
shqiptare, si dhe për të mundësuar rikthimin e familjeve çame të shpërngulura, një
përfaqësi e kësaj popullsie e kryesuar nga patrioti Musa Demi në ditët e para të janarit
1945, mori kontakte me krerët e EAM-it dhe Komitetit Panepiriot në Janinë.753 Kërkesa e
M. Demit drejtuar udhëheqësve eamistë për të krijuar kushtet e duhura për rikthimin e
çamëve në Çamëri, u prit mirë nga komunistët grekë. Pas takimit me udhëheqësit grekë të
EAM-it, Musa Demi i shoqëruar dhe nga Jani Kondi nga fshati Finiq i Filatit, u paraqitën
në Athinë për të takuar kryeminsitrin grek Papandreu, i cili refuzoi në mënyrë të prerë të
takohej me përfaqësinë e shqiptarëve muslimanë çamë.754
Megjithë dështimin për të siguruar një takim me përfaqësues të qeverisë greke,
komisioni i përfaqësuesve të popullsisë çame nuk u tërhoq nga përpjekjet për të
përfunduar misionin që kishin ndërmarrë. Musa Demi dhe përfaqësuesit e tjerë të
minoritetit çam takuan një përfaqësi të misionit aleat në Athinë, të cilëve u bënë të njohur
751 Stetinius, Acting Secretary to A.C.Kirk, në Foreign Relations of the US, 1944 (FRUS) Vëll.III, Albania,
pp.285, cituar sipas Nazarko, Pesha e kohës në zgjidhjen e çështjes së pronësisë në Çamëri…, 323. 752 PRO/FO, 371/43564, NO.177, Philip Broad për Mac Millan, Bari 28 tetor 1944. 753 F. Liço, Probleme të marrëdhënieve…, 276. 754 “Zëri i Çamërisë”, 24 prill 1946.
Çështja çame gjatë Luftës së Dytë Botërore Lorenc Agalliu
155
faktet rrënqethëse dhe situatën e vështirë në të cilën ndodhej popullsia shqiptare në
Çamëri.755 Premtimi i vetëm që morën përfaqësuesit çamë, ishte se problemi që ata
shtronin do të ishte në vëmendjen e aleatëve, por se ata nuk merrnin përsipër zgjidhjen
përfundimtare të çështjes dhe kthimit të familjeve çame në Çamëri.756
Përpjekjet për të mundësuar rikthimin e familjeve çame të shpërngulura në trojet e
tyre u shtuan nga forcat e majta greke dhe shqiptare. Për këtë qëllim si EAM-i grek dhe
FNÇL shqiptar, ranë dakort që popullsia e shpërngulur çame, të mund të rikthehej në
Çamëri gjatë ditëve në vazhdim. Në bazë të marrëveshjes në 6 janar 1945, Komanda e
Lartë e Regjimentit të XV të ELAS-it, iu drejtua me një thirrje Komitetit Antifashist
Çam, si dhe të gjithë emigrantëve çamë të shpërngulur nga Çamëria.757 Në këtë thirrje
theksohej fakti se, kthimi i familjeve çame në shtëpitë e tyre do të ishte i shpejtë, por ky
kthim do të fillonte vetëm në ato momente kur të merrej një vendim i përbashkët midis
qeverisë shqiptare dhe asaj të ELAS-it. Të ndërgjegjshëm për krimet e kryera nga
zervistët në kurriz të popullsisë çame, drejtuesit grekë të EAM-ELAS-it, theksonin se;
“Drama dhe katastrofa që kishte përfshirë kohët e fundit elementin musliman çam e
kishte shkatërruar plotësisht atë”.758
Paralelisht me thirrjen drejtuar minoritetit çam, Komiteti Nacionalçlirimtar i
EAM-it dhe Komiteti Panepiriot Grek, në datën 28 janar 1945, lëshuan dhe një thirrje
drejtuar banorëve të krishterë të Çamërisë, me anë të së cilës bëhej i njohur vendimi i
marrë nga Prefektura e Gjirokastrës për kthimin e refugjatëve çamë në shtëpitë e tyre.759
Në këtë thirrje porositej popullsia vendase, që të mos pengonte riatdhesimin e popullsisë
çame në shtëpitë e tyre, si dhe të merreshin masa për eleminimin e qejfmbetjeve dhe
krijimin e marrëdhënieve miqësore midis dy komuniteteve. Gjithashtu, udhëzohej
administrata provizore lokale e Çamërisë, që të merrte masa për pritjen e komunitetit
çam, që ky kthim duhej të shoqërohej me një propagandë, në të cilën të theksohej miqësia
dhe harmonia midis komuniteteve dhe dy popujve fqinjë.760 Për të kontrolluar zbatimin e
porosive të dhëna, si dhe për të ndjekur nga afër proçesin e riatdhesimit të çamëve,
Komiteti Nacionalçlirimtar i EAM-it dërgoi në terren njerëz të posaçëm. Masat e marra
nga EAM-i dhe Komiteti Panepiriot helen ishin të konsiderueshme dhe puna për
riatdhesimin e popullsisë së shpërngulur çame eci normalisht. Të inkurajuar dhe nga
bisedimet midis EAM-it dhe qeverisë shqiptare, rreth 3 000 deri në 5000 çamë vendosën
të riatdhesohen në Çamëri.
Por, pavarësisht masave të marra nga pala greke dhe garancive të dhëna nga
misioni britanik në Tiranë, një pjesë e mirë e banorëve çamë, të cilët mundën t’u
shpëtojnë masakrave të Zervës dhe që kishin parë me sytë e tyre krimet e bëra, as që
kishin ndërmend të ktheheshin në shtëpitë e tyre. Koha u dha të drejtë. Shumë shpejt ky
rikthim do të rezultonte fatal për këtë pjesë të popullsisë. Vetëm disa javë më vonë, forcat
755 “Zëri i Çamërisë”, 24 prill 1946. Shif dhe F.Liço, Probleme të marrëdhënieve.., 276-277, shif. Meta,
Tensioni greko-shqiptar…, 176, shif. Isufi, Musa Demi…, 266. 756 Isufi, Musa Demi…,266. 757 AMPB, D.17-18, V.1945. 758 Po aty. 759 Krapsitis, Oi musulmani…, 179. 760 Po aty.
Çështja çame gjatë Luftës së Dytë Botërore Lorenc Agalliu
156
e Zervës do të rimernin sërish kontrollin e krahinës së Çamërisë dhe për shqiptarët fati
kishte përgatitur një tjetër akt mizor.
Rreziku i formimit të një qeverie komuniste në Greqi alarmoi misionet britanike
në Greqi dhe qeverinë e Londrës. Si rezultat i ndërhyrjes britanike për krijimin e një
qeverie kombëtare greke, në 12 shkurt të vitit 1945, midis EAM-it dhe EDES-it u
nënshkrua marrëveshja e Varkizës. Sipas kësaj marrëveshjeje, forcat e ELAS-it duheshin
të çarmatoseshin menjëherë dhe kontrollin ushtarak të Greqisë e mori në dorë qeveria
kuislinge e Ralisit.761 Marrëveshja e Varkizës përveçse ishte një kapitullim pa kushte i
EAM-ELAS-it, ajo përcaktoi përfundimisht dhe fatin e popullsisë shqiptare çame në
Greqi. EDES-i, si një forcë e cila udhëhiqej nga parime të theksuara nacionaliste dhe
antikomuniste, prej kohësh kishte një vijë konstante antiçame dhe antishqiptare në
përgjithësi. Në mars të vitit 1945, forcat zerviste të mbështetura dhe prej britanikëve
krijuan një trupë ushtarake të veçantë, e cila mori emrin “Rojat Kombëtare”.762 Detyrë
parësore e këtij formacioni ushtarak paramilitar ishte eleminimi i kundërshtarëve të tyre
politik, si dhe shfarosja e dëbimi në masë i popullsisë civile shqiptare nga Çamëria.
Në 5 mars 1945, një trup ushtarake prej 200 ushtarësh zervistë, të veshur dhe
armatosur me armatime britanike, zbarkuan nga Korfuzi në fshatin Sajadhë. Pasi rrethuan
Filatin, Shqeparin dhe Spatarin, forcat edeiste të komanduara nga Kristo Kaca, Ilia Kaca
dhe kol. Zotos rifilluan masakrimet e popullsisë civile çame.763 Në 8 mars, u vra Selam
Izeti nga fshati Spatar, ndërsa në datë 9 mars, u vra Kadri Konduri nga Sollopia. Vetëm
në datat 12 dhe 13 mars, nga trupat e komanduara prej gjeneralit zervist Zotos, në Filat u
vranë 217 çamë, nga këta 120 burra, 60 gra dhe 15 fëmijë.764
Të dhënat e masakrave të kryera nga ushtria zerviste gjatë kësaj periudhe janë
kontradiktore. Autorja greke E. Manda, e minimizon numrin e viktimave çame, duke e
çuar atë në 60-70 vetë.765 Lidhur me numrin e të vrarëve në Filat nga forcat zerviste të
udhëhequra prej kolonelit Zotos, në datën 12 dhe 13 mars, autori M. Mazower jep një
numër prej rreth 60 të vrarë në radhët e popullsisë shqiptare.766 Ndërsa numrin total të të
vrarëve çamë gjatë masakrave të marsit të vitit 1945, ky autor e çon nga 70 deri në 100
burra çamë.767 Sipas tij, pjesa e mbetur e popullsisë së këtyre fshatrave, që u shpëtoi
barbarisë së edeistëve, u largua për në Shqipëri nën shoqërimin e UNRRA-s dhe të
organizatave të tjera ndërkombëtare.768 Lidhur me masakrat e marsit në Filat kundër
popullsisë çame, autorja greke E. Manda thekson se, “si pasojë e operacioneve të
spastrimit të popullsisë çame në Filat, gjatë datave 12 dhe 13 mars u vranë rreth 60-70
çamë, e ndërsa pjesa tjetër u detyrua të largohet në drejtim të kufirit shqiptar”.769
Në datën 14 mars, bandat zerviste të udhëhequra nga Ilia Kaca, vranë Haki
Banon. Po në këtë datë, një grup familjesh çame teksa u detyruan të emigronin drejt
761 AMPB, D.3, V.1945. 762 Mazouer, After the War.., 26. 763 PRO/FO, 371/48094. Raport i Palmerit mbi vizitën e tij në Greqinë veriore, 9-14 prill 1945. 764 AMPB, D.32, V.1945. 765 Manda, Çamët myslimanë…, 203-204. 766 Mazouer, After the Ëar.., 26. 767 Po aty. 768 Po aty. 769 Manda, Çamët myslimanë...,204.
Çështja çame gjatë Luftës së Dytë Botërore Lorenc Agalliu
157
kufirit me Shqipërinë u ekzekutuan gjatë rrugës. Nga dëshmitë e treguara nga të
mbijetuarit, rezulton se nga forcat edeiste u vranë rreth 40 burra.770 Në 16 mars, forcat
edeiste të udhëhequra nga Kosta Tasho dhe Fete Noti nga Smarta, ekzekutuan Hysen
Shabanin së bashku me djalin e tij Jakupin dhe vëllanë Riza Shabanin.771 Pas ekzekutimit
të burrave të familjes Shabani, pjesa tjetër e mbetur mori rrugën për në drejtim të kufirit
me Shqipërinë, duke braktisur gjithçka. Autori grek J. Sharras, e përshkruan në këtë
mënyrë eskodin e madh të refugjatëve çamë drejt kufirit me Shqipërinë; “Mijëra burra,
gra e fëmijë, me dhimbje e keqardhje në fytyrat e tyre, niseshin me ç’mundnin të merrnin
me vete, në rrugën e shpëtimit”.772
Pasojat e masakrave të andartëve grekë ndaj minoritetit çam në Greqi ishin mjaft
të rënda. Shifrat e shpërnguljes së popullsisë muslimane çame nga Çamëria, tashmë janë
pranuar nga të gjithë organizmat ndërkombëtarë. Sipas të dhënave zyrtare, numri i
refugjatëve çamë të shpërngulur me dhunë nga Greqia gjatë viteve 1944-45 është rreth 25
000 vetë. Të masakruar dhe të humbur gjithsej rezultojnë 2 300 persona, të vdekur
rrugëve gjatë largimit për në Shqipëri e zona të tjera numërohen rreth 2 400 vetë. U
dogjën tërësisht dhe u shkatërruan mbi 61 fshatra shqiptare të Çamërisë, ku numri i
shtëpive të djegura e të plaçkitura shkon në 5800. U rrëmbyen mbi 17 000 krerë bagëti
dhe mbi 110 000 të tjera humbën, apo ngordhën. Përsa u përket prodhimeve bujqësore,
rreth 1 730 000 okë drithëra dhe 620 000 okë vaj shkuan dëm, ose u rrëmbyen nga bandat
greke. Në total, humbjet në produkte të prodhimeve bujqësore për vitin 1944-45 për
bujqit çamë ishin 4 000 000 okë drithëra, 3 700 000 okë misër dhe 2 990 000 okë vaj.773
Pas çlirimit të Greqisë nga forcat nazifashiste, qeveria greke në detyrë miratoi një
Kod Penal të Posaçëm, me qëllim ndëshkimin e të gjithë atyre që konsideroheshin
bashkëpunëtorë me italianët, bullgarët dhe gjermanët. Nëpërmjet akteve kushtetuese774
dhe ligjeve,775 u rregulluan hollësitë e nevojshme për të përfshirë nën juridiksionin e
Gjykatave Speciale, krimet që do të gjykoheshin prej tyre dhe dënimet që do të jepeshin
në bazë të fajit të kryer nga individë apo grupe të ndryshme të popullsisë. Nëpërmjet
këtyre akteve e ligjeve, parashikohej se në varësi të shkallës së veprimit që kishte kryer i
pandehuri, gjykata speciale do të shprehej për sekuestrimin e pjesshëm apo të plotë të
pasurisë së personit. Ky ligj special, ndër të tjera ishte përgatitur prej qeverisë greke, me
qëllim që të përfundonte njëherë e mirë punën e nisur për konfiskimin e pasurive të
minoritetit çam në Greqi që pas vitit 1913.
Në bazë të këtyre urdhëresave, më 23 maj të vitit 1945, Gjykata Speciale e
Janinës dënoi me vdekje në mungesë 1930 çamë shqiptarë, të cilët sipas vendimit të kësaj
gjykate, u cilësuan bashkëpunëtorë të pushtuesve. Po nga kjo gjykatë, vetëm katër ditë
më vonë, më 27 maj 1945, u dënuan me vdekje edhe 79 çamë të tjerë me të njëjtën akuzë.
770 Dervishi, Masakrat në Çamëri, 166-167. Dëshmi e Reshat Resulit dhënë Komisionit Hetimor të
Kombeve të Bashkuara në datë, 26.2.1947. 771 Po aty., 124. Rrëfim i Sadrije Hysenit dhënë Komisionit Hetimor të Kombeve të Bashkuara në datë,
26.2.1947. 772 Sharras, Istoria tis…., 667. 773 Gazeta “Bashkimi”, 30 dhjetor 1945. 774 Fletorja Zyrtare e Qeverisë Greke I, nr.12, botuar në datë 21.01.1945 775 Ligji detyrueshëm 533/1945 “Për ndryshimin, plotësimin dhe kodifikimin e Aktit Kushtetues nr.6/1945,
mbi imponimin e sanksioneve, etj. Fletorja Zyrtare e Qeverisë Greke I, nr.224, datë 3.9.1945.
Çështja çame gjatë Luftës së Dytë Botërore Lorenc Agalliu
158
Si detyrim ndaj gjithë të dënuarve çamë me akuzën për bashkëpunim me armikun, u
vendos masa e konfiskimit të pasurisë së tyre, përfshi dhe atë që ndodhej në duart e
bashkëshortëve, fëmijve dhe familjarëve të tjerë që kishin lidhje me ta. Në këtë mënyrë
shteti grek sanksionoi në mënyrë ligjore, ashtu siç kishte vepruar dhe më parë, vjedhjen
dhe konfiskimin e pasurive të minoritetit çam në Greqi.
Zhdukja dhe spastrimi etnik me çdo kusht i shqiptarëve u bë ndër detyrat më të
rëndësishme për andartët grekë. Dëbimi masiv dhe masakrat e kryera prej tyre mbi
shqiptarët çamë gjatë Luftës së Dytë Botërore dhe në përfundim të saj, përveçse solli
dëme të pallogaritshme për minoritetin shqiptar, ai la gjurmë në marrëdhëniet midis dy
popujve fqinjë. Nacionalistët grekë u munduan të justifikonin masakrën e kryer ndaj
popullsisë çame me pretekstin se, popullsia çame u largua me dëshirën e vet, pasi sipas
tyre, kjo pjesë e popullsisë e ndjeu se i priste ndëshkimi për shkak të rolit si
bashkëpunëtorë të nazistëve. 776 Për ta, masakra e kryer ndaj popullsisë muslimane
shqiptare kishte ndodhur më parë se ky territor të pushtohej nga trupat ushtarake
qeveritare greke dhe para se në Çamëri të vendosej autoriteti shtetëror grek.777
Masakra e bërë nga shovinistët grekë ndaj popullsisë civile muslimane shqiptare,
nuk ishte diçka e rastësishme. Kjo masakër ishte një vepër e kurdisur mjaft mirë në
kuadër të politikave shoviniste greke të Megaliidesë. Napoleon Zerva e pohonte me gojën
e vet një politikë të tillë të shtetit grek, teksa i shkruante një miku të tij disa vite më vonë
se, “duhet t’u rikujtojmë bashkëatdhetarëve tanë se kush e çliroi Çamërinë nga shqiptarët,
të cilët për pesëqindvjetë shkelnin në qafë helenizmin”.778 Pa kaluar shumë kohë nga
përfundimi i Luftës së Dytë Botërore, autoritetet greke me kënaqësi të madhe njoftonin
se, në qytetin e Pargës kishin mbetur vetëm 113 çamë, nga këta; 79 gra, 34 fëmijë dhe
pjesa tjetër pleq në moshë të thyer. 779 Si për të konfirmuar bilancin e viktimave të
shkaktuara nga shteti grek dhe nga forcat nacionaliste greke ndaj popullsisë shqiptare
çame në Greqi, autorja greke E. Manda shprehet se, “Në këtë mënyrë u mbyll një cikël i
gjakderdhjes në Epir, cikël që kishte filluar shumë më herët, qysh prej vitit 1940”.780
776 Meta, Tensioni greko-shqiptar…, 193. 777 PRO/FO.371/48094. Memorandum i qeverisë greke dërguar qeverisë britanike më 11 dhjetor 1945. 778 Hasan Minga, Hilmi Saqe, Genocidi grek kundër Çamërisë vazhdon, (Tiranë, Arbëria, 2004), 54. 779 Margaritis, Bashkëpatriotë të padëshiruar…,146. Njoftim i Komandantit të Stacionit të Xhandarmërisë
Mbretërore Greke në Pargë për Prefektin e Prevezës, datë 20.1.1947. 780 Manda, Çamët myslimanë..,198.
Çështja çame gjatë Luftës së Dytë Botërore Lorenc Agalliu
159
4.4. Qëndrimi i gjermanëve, misioneve britanike dhe forcave politike greke ndaj
spastrimit etnik në Çamëri.
Greqia ishte i vetmi vend në Europë nga kampi i fituesve, ku bashkëpunëtorët
fashistë me pushtuesin, kuislingët dhe tradhëtarët, dolën përsëri fitues. Britania e Madhe
si një fuqi e konsiderueshme politike dhe ushtarake evropiane kundër Boshtit, luajti një
rol të rëndësishëm në vendosjen e pozitave ideologjike në gadishullin e Ballkanit. Si
gjithnjë e kujdesshme për të mos iu kundërvënë interesave të Greqisë në rajon, Londra
bëri çdo përpjekje që interesat e aleates së vjetër të saj, të mos cënoheshin për asnjë çast,
pavarësisht rrethanave që krijoheshin. Roli i misioneve britanike në rajonin e Ballkanit
gjatë Luftës së Dytë Botërore ishte përcaktues, përsa i përket vendosjes së regjimeve të
pas luftës në shtetet ballkanike. Po kaq vendimtare ishin dhe veprimet apo mosveprimet e
qeverisë britanike përsa i përket çështjes shqiptare në rajon.
Akuzat se, Britania e Madhe mbështeste rivendikimet greke ndaj Epirit të Veriut,
u pasqyruan dhe në shtypin e shkruar britanik. Gazeta londineze New Cronicle, në një
artikull të saj të datës 25 shtator 1944, teksa përshëndeste marrjen në kontroll nga forcat
partizane shqiptare të qytetit të Gjirokastrës, hidhte dyshime se a do të ishin të zotë
shqiptarët t’a mbanin gjatë këtë qytet. 781 Në shkrimin e tij, autori F. W. Walbank,
theksonte faktin se, pavarësia e Shqipërisë që nga krijimi i shtetit shqiptar ka qenë e
garantuar prej Fuqive të Mëdha. Gjithashtu, në shkrimin e tij ky autor shtonte se, “kjo
garanci nuk do të kishte asnjë vlerë, nëse po, këto Fuqi marrin vendimin që Shqipërisë t’i
shkëputen territore nga viset jugore të saj”.782 Autori, pasi i bënte jehonë luftës së popullit
shqiptar dhe atij grek përkrahë forcave aleate perëndimore, shtonte se, “për asnjë palë
nuk duhej të kishte rivendikime të njëanëshme në favor të njërit apo tjetrit shtet, pa marrë
më parë në konsideratë plebishitin dhe vullnetin e popullsive”.783
Për Britaninë e Madhe dhe diplomacinë e saj momenti kur Italia pushtoi
Shqipërinë nuk përbënte asgjë të veçantë, pasi ky qëndrim justifikonte interesat italiane
në rajon dhe veçanërisht ato mbi Shqipërinë.784 E ndodhur tashmë përpara faktit se, Italia
kishte cënuar aletaten e saj të vjetër, si dhe kishte prishur planet strategjike britanike,
duke pushtuar ishujt grekë, politika e Londrës shpejtoi të hartonte plane, për të nxitur
rajonin e Ballkanit në luftë kundër Italisë. Pushtimi i ishujve grekë nga ana e Italisë, të
cilët për Britaninë e Madhe përbënin pikat më nevralgjike që do të shërbenin si baza gjatë
konfliktit me Boshtin, risolli në vëmendjen britanike edhe njëherë çështjet aq të nxehta të
politikës ndërkombëtare në Ballkan.
Menjëherë Ministria britanike e Luftës hartoi plane lidhur me aktivizimin e
rezistencës antiitaliane në Greqi dhe në të gjithë ato vende ku ishte instaluar regjimi
fashist. Në planet e hartuara nga kjo ministri për të nxitur revolta dhe veprime të
armatosura në rajon kundër ushtrisë italiane, bënin pjesë dhe shqiptarët. Planet e
diplomacisë britanike ndryshonin sa herë që ndryshonin dhe raportet e forcave politike
dhe ushtarake në rajonine Ballkanit. Politika britanike në Greqi gjatë Luftës së II 781 AQSH, F.151, V.1944, D.72. fl.1. 782 Po aty. 783 Po aty. 784 DDI, Ottava serie, vol.XI, 1935-1939, dok.496, fq.588.
Çështja çame gjatë Luftës së Dytë Botërore Lorenc Agalliu
160
Botërore kishte dy synime. Objektivi i parë ishte afatshkurtër, pasi ai lidhej
drejtëpërdrejtë me krijimin e rezistencës antigjermane, ndërsa objektivi tjetër lidhej me
dominimin britanik në Greqi dhe Mesdhe pas përfundimit të kësaj lufte.
Spastrimi etnik i popullsisë shqiptare çame nga trojet e veta u bë nën syrin e
britanikëve dhe të trupave gjermane. Si gjatë luftës dhe pas saj, të dy palët fajësonin njëra
tjetrën për neglizhencën e treguar apo për aprovimin e kësaj masakre të kryer nga forcat
zerviste greke, ndaj popullsisë civile shqiptare. Dokumentet britanike theksojnë rolin që
patën gjermanët në inkurajimin dhe nxitjen e forcave ushtarake zerviste për të kryer
masakrën ndaj popullisë shqiptare dhe dëbimin e tyre, pasi gjermanët me urdhërat e
dhëna ndikuan drejtëpërdrejtë në çarmatosjen e popullsisë shqiptare çame dhe lënien e
tyre në mëshirë të fatit.785
Lidhur me masakrat e kryera ndaj minoritetit shqiptar në Greqi, kreu i misionit
aleat britanik pranë shtabit të Napoleon Zervës konfirmonte se; “Dëbimi i shqiptarëve u
krye sigurisht përmes një gjakderdhjeje të madhe, siç ishte ajo në Filat, e cila nuk mund
të falet”.786 Studiuesi grek Jani Sharra, duke folur për mbështetjen që Zerva siguronte prej
misionit aleat britanik në Greqi, shkruan se; “Disa familje çame të tmerruara nga krimet e
Zervas, iu drejtuan konsullatës britanike për të gjetur shpëtim, por kjo zyrë në vend që t’i
strehonte dhe t’i shpëtonte prej Zervës, i dorëzoi të gjithë shqiptarët tek forcat e EDES-
it”, të cilët i masakruan në sytë e anglezëve.787
Ndihmën e dhënë nga oficerët britanikë, për të lejuar kalimin e forcave të EDES-it
për “arsye operacionale” në zonën e Filatit dhe në fshatrat përreth, e pohon dhe studiuesi
tjetër grek J. Margaritis, i cili thekson se, “forcat e EDES-it me ndihmën e oficerëve
britanikë që ndodheshin në zonë, si dhe me urdhërin e gjeneralit britanik Skobi, kaluan në
veri të lumit Kalamas”.788 Objektivat gjoja ushtarake dhe operacionale, që mendonin të
kryenin forcat zerviste me ndihmën e oficerëve britanikë, fshihnin dy misione të
posaçme. Këto misione të fshehta kishin të bënin kryesisht me shpartallimin e forcave të
Batalionit të XV të ELAS-it, i cili ishte i përbërë nga të ashtuquajturit “turko-shqiptar”
dhe përsëritjen e masakrave në Filat dhe fshatrat përreth. 789 Euforia e EDES-it për
përbushjen e këtij misioni “kombëtar”, shkonte deri në atë masë sa që ata hodhën dhe ide
të tilla se, “detyrën e nisur mund ta vazhdonin edhe në brendësi të territorit shqiptar”.790
Studiuesit e njohur të çështjes shqiptare dhe asaj ballkanike James Pettifer dhe
Miranda Vickers, fajësojnë veçanërisht britanikët, lidhur me masakrën e kryer gjatë luftës
ndaj popullsisë çame. Sipas tyre, problemi çam është një krijesë dhe përgjegjësi e
drejtëpërdrejtë e britanikëve dhe e ekstremistëve të djathtë grekë gjatë Luftës së Dytë
Botërore.791 Tashmë është e provuar, se britanikët ishin krejtësisht në dijeni të masakrave
që ndodhnin në Çamëri gjatë periudhës pranverë – verë 1944 dhe ato të vitit 1945. Në
lidhje me përgjegjësitë e misionit ushtarak britanik në Greqi lidhur me masakrat e
785 A.I.H, PRO/FO. 371/48094, Raport i Palmerit mbi udhëtimin e tij në Greqinë veriore, 9-14 prill 1945. 786 A.I.H, 787 Sharra, Istoria …., 669. 788 Margaritis, Bashkëpatriotë të padëshiruar.., 142. 789 Po aty. 790 Manda, Çamët myslimanë..,196-197. 791 James Pettifer, Miranda Vickers, Çështja shqiptare, Riformëzimi Ballkanit, (Tiranë, Bota Shqiptare,
2007), 384-385.
Çështja çame gjatë Luftës së Dytë Botërore Lorenc Agalliu
161
nacionalistëve grekë ndaj minoritetit çam, historiani Beqir Meta thekson se, ndonëse
britanikët ishin në dijeni të plotë të asaj ç’ka ndodhte në Çamëri me popullin çam, ata i
kryen tepër vonë hetimet lidhur me këto ngjarje. Sipas tij, edhe në rastin e mbledhjes së
provave për hetimin e çështjes, britanikët kishin si informacion të vetëm burimet greke.792
Edhe historiani me origjinë minoritare greke F. Liço, e pranon rolin e madh që kishin
forcat britanike në genocidin e ushtruar nga trupat zerviste ndaj popullit çam. Sipas tij,
nën besën dhe ndërhyrjen e misionarëve britanikë, çamëve iu garantua paprekshmëria,
nëse ata do të dorëzonin paqësisht armët dhe nuk do të bënin asnjë rezistencë ndaj
trupave nacionaliste.793
Në raport me përgjegjësinë që duhet të mbajnë palët pjesëmarrës të drejtëpërdrejtë
ose jo në këtë masakër, shumica e autorëve në analizën që i bëjnë ngjarjeve të ndodhura
në përfundim të luftës, ngarkojnë me përgjegjësi britanikët. Ishte vetë kreu i misionit
britanik pranë Zervës, Christopfer Woodhouse, ai i cili nxiti ekstremistët zervistë që, me
pretekstin e realizimit të planeve të ushtrive aleate për pushtimin e Ballkanit dhe largimin
e gjermanëve, të kryenin masakrën ndaj popullsisë së pa mbrojtur çame.794
Gjatë masakrave të Zervës ndaj popullsisë shqiptare çame, roli i britanikëve nuk
ishte thjesht ai i sehirxhiut. Misioni britanik i atashuar pranë Zervës pretendonte, se ishte
i pafuqishëm të ndalte vrullin e zervistëve dhe masakrat e tyre ndaj popullsisë civile
shqiptare në Çamëri. Mirëpo shënimet e lëna nga kreu u misionit britanik C. Woodhouse,
tregojnë krejt të kundërtën e asaj çka pretendohet. Lidhur me ngjarjet dhe masakrat ndaj
popullsisë shqiptare çame, Woodhouse në shënimet e tij shkruan se: “Zerva i nxitur nga
Misioni Aleat i drejtuar nga unë, i ndoqi ata (çamët) prej shtëpive të tyre në vitin 1944,
me qëllim lehtësimin e operacioneve ndaj armikut”.795 Woodhouse pranon se, në realitet
Zerva kreu krime ndaj shqiptarëve çamë, por ai asnjëherë nuk ka folur për krimet reale,
për numrin e shqiptarëve të vrarë, apo për dëmet që i janë shkaktuar kësaj popullsie prej
aleatëve të britanikëve në Greqi. Edhe pse pranon faktin se ka patur masakra të forcave
zerviste ndaj popullsisë shqiptare çame, Woodhouse në asnjë moment të reflektimit të tij
pas lufte, nuk jep shpjegime lidhur me qëndrimin indiferent apo dhe mbështetës ndaj
aksioneve të Zervës gjatë masakrave në Çamëri. Si një antikomunist dhe antishqiptar deri
në fund të jetës së tij, ai kurrë nuk shfaqi ndonjë ndjenjë pendimi, edhe pse në vetvete
ishte tërësisht i bindur se ndaj çamëve ishte kryer një genocid i vërtetë. Për kreun e
misionit britanik, “çamët, thjesht morën atë që meritonin”.796
Diplomacia britanike, e cila në saj të mosveprimit kishte toleruar masakrat e
Zervës ndaj popullsisë shqiptare në Greqi, nuk kishte dëshirë për të ndërhyrë pranë
qeverisë greke, për zgjidhjen e problemit çam. Për Londrën zyrtare kjo çështje ishte një
problem i cili mund të zgjidhej në rrugën e bisedimeve midis qeverisë greke dhe asaj
shqiptare. Madje edhe pas kryerjes së krimeve prej trupave zerviste, misionet aleate
britanike në Greqi dhe Shqipëri nguruan të ndërmernin hetime asnjanëse për të nxjerrë
përpara drejtësisë fajtorët përgjegjës. Një fakt të tillë e pohon nënkoloneli Palmer, i cili
në raportin e tij të zgjeruar dërguar shefit të misionit britanik në Tiranë në mesin e muajit
792 Meta, Tensioni greko-shqiptar.., 200. 793 Liço, Probleme të marrëdhënieve…, 263. 794 Pettifer, Vickers, Çështja shqiptare…,385. 795 A.I.H, (PRO-FO).371/48094/18138. Shënim i Cris Woodhouse, datë 16 tetor 1945. 796 Po aty.
Çështja çame gjatë Luftës së Dytë Botërore Lorenc Agalliu
162
prill 1945, lidhur me kryerjen e hetimeve rreth kësaj ngjarjeje, thotë se, “deri në atë kohë
asnjë hetim nuk qe bërë dhe se trupat britanike nuk kishin mbërritur në zonën e Filatit”.797
Misioni britanik në Tiranë jo vetëm që nuk dënoi krimet e kryera nga zervistët kundër
minoritetit çam në Greqi, por krerët e tij u munduan që fajin t’ua hedhin forcave eamiste
greke, me pretendimin se gjatë kohës që u kryen këto masakra Çamëria, kjo krahinë ishte
nën kontrollin e forcave të EAM/ELAS-it.798
Pas masakrave të forcave zerviste, kërkesa të shumta në drejtim të misionit
britanik në Tiranë për hetimin e ngjarjeve dhe masakrave në Çamëri erdhën dhe nga
organizatat çame në Shqipëri dhe nga përfaqësues të kësaj popullsie. Në kërkesat e
përsëritura, kërkohej prej Misionit Aleat Britanik në Tiranë që të ngrihej një komision
hetimor, në përbërje të të cilit të kishte dhe përfaqësues nga popullsia shqiptare çame.799
Ndonëse kërkesa për ngritjen e një komisioni hetimor u mor në konsideratë nga
kreu i misionit britanik në Tiranë Hodgson, ajo për pjesëmarrjen në përbërje të komisionit
të një përfaqësie të shqiptarëve çamë, u hodh poshtë. Kërkesat e njëpasnjëshme të
popullsisë çame, drejtuar kreut të misionit britanik në Tiranë gjeneralit Hodgson, e
detyruan këtë të fundit që së bashku me zëvendësin e tij nënkolonelin Palmer, në
pranverë të vitit 1945 të udhëtonte në qytetin e Sarandës, ku gjendeshin pjesa më e madhe
e familjeve të refugjatëve çamë të shpërngulur. Pas takimit që pati me përfaqësues të
popullsisë çame, nisur nga dëshmitë e emigrantëve çamë, si dhe nga të dhënat paraprake
të ardhura nga hetimet e Palmerit, Hodgsoni pranonte faktin se, mbi këtë popullsi ishte
ushtruar dhunë dhe persekutime nga ana e monarko-fashistëve grekë. Madje, gjenerali
Hodgson nuk harroi as të falenderonte punën e mirë të bërë nga Fronti Nacionalçlirimtar
shqiptar, në kuadër të dhënies së ndihmës për këtë popullsi në nevojë.800 Pas marrjes në
pyetje të shumë çamëve të dëbuar me forcë nga Greqia, Hodgsoni u kthye në Tiranë,
ndërsa ndihmësi i tij Palmer, e vazhdoi misionin përtej kufirit shqiptar, me qëllim
mbledhjen e dëshmive nga të mbijetuarit dhe nga anëtarët e misionit ushtarak britanik në
Greqi.
Objekt kryesor i hetimit nga ana e Palmerit, ishte mbledhja e të dhënave dhe
fakteve nëpërmjet burimeve nga autoritetet britanike në Greqi, rreth masakrës së kryer
nga zervistët në kurriz të popullsisë shqiptare. Me shpresën se, faktet e mbledhura rreth
masakrës dhe tragjedisë së popullit çam, do të ndihmonin britanikët në marrjen e masave
për parandalimin e tyre, si dhe për ndëshkimin e autorëve të vërtetë, kreu i Komitetit
Çam, Musa Demi, porositi përfaqësues të shumtë të popullsisë shqiptare çame që të
vazhdoni mbledhjen e të dhënave dhe dëshmive për t’ia dërguar më pas grupit hetimor
britanik të ngritur për këtë qëllim.801
Gadishmëria e treguar nga kreu i misionit britanik në Tiranë për një hetim të
drejtë të ngjarjeve të ndodhura në Çamëri, nuk e bindi aspak Musa Demin, i cili në
kujtimet e tij shkruante se; “I mësuar nga përvoja e hidhur nga e shkuara jo e
largët….edhe nga ky mision dhe nga z. Palmer nuk prisnim asgjë, përkundrazi mund të
na servirej ndonjë shpifje tjetër e shëmtuar, nga ato që grekët dinë të gatuajnë me
797 AMPJ, V. 1945, D. 11, Raporti i Nënkolonel Palmerit. 798 Po aty., Shif dhe Dervishi, Masakra në Çamëri..,51. 799 AMPJ, V. 1945, D.59/1, fl.6. 800 Dervishi, Masakra në Çamëri, 90. 801 AMPJ, V.1945, D.59/1, fl.6.
Çështja çame gjatë Luftës së Dytë Botërore Lorenc Agalliu
163
mjeshtëri në kuzhinat e tyre dhe në këtë drejtim me të huajt kanë qënë gjithnjë të
sukseshsëm”.802
Duke patur të drejtë në gjykimin e tij ndaj qëndrimit që do të mbanin anëtarët
britanikë të komisionit hetimor të kryesuar nga nënkolonel Palmer, Musa Demi
parashikonte se, grekët do të ishin të aftë të mbulonin si gjithnjë krimet e kryera. Kjo
bindje ishte formuar jo vetëm në mendjen e Musa Demit, por edhe të të gjithë çamëve
shqiptarë të cilët e ndjenin mungesën e dëshirës dhe paaftësinë e Plamerit për të zbuluar
të vertetën e hidhur, një e vërtetë ku ishin të përfshirë dhe oficerët britanikë në Greqi.
Ashtu siç besohej që në fillim, Palmeri iu shmang tërësisht ballafaqimit të fakteve
të nxjerra nga shqiptarët, të cilët i përjetuan dhe i panë me sytë e tyre krimet greke. Në
vend që të mblidhte informata, Palmeri pyeste oficerët zervistë rreth qëndrimit që kishin
mbajtur çamët gjatë pushtimit italo-gjerman të Greqisë.803 Një veprim i tillë, më tepër
ngjante si një përpjekje për të justifikuar masakrat zerviste ndaj popullsisë shqiptare, se sa
zbardhjes të së vërtetës. Madje për t’iu përgjigjur pyetjeve të tij, Palmeri kishte marrë në
cilësinë e dëshmitarit një nga armiqtë kryesor të shqiptarëve dhe një pjesëmarrës të
drejtëpërdrejtë në masakra, majorin zervist Sarandis. Pyetjes së Plamerit lidhur me
qëndrimin e popullsisë shqiptare çame gjatë kohës së luftës, majori zervist iu përgjigj se,
“çamët kishin bashkëpunuar me pushtuesin, se ata kishin bërë shumë krime ndaj të
krishterëve ortodoksë dhe se kjo kishte sjellë një urrejtje të madhe ndaj çamëve, sa që në
luftën e forcave të EDES-it kundër tyre do të bashkoheshin dhe element të ELAS-it”.804
Mashtrimet e Sarandis ndaj pyetjeve të adresuara nga Palmeri vazhdonin
pafundësisht, kur ai u pyet rreth masakrave të ndodhura ndaj popullsisë shqiptare çame
gjatë muajve qershor-shtator të vitit 1944 në Paramithi, si dhe gjatë periudhës së muajit
mars të vitit 1945 në Filat. Sarandis argumentonte në përgjigjet e tij, se prej grekëve
pranohej se ishin kryer krime nga të dyja palët, pra si nga shqiptarët dhe nga grekët.
Gjithashtu, Sarandis e kishte bërë të besonte Palmerin se, gjenerali Zerva dispononte
dokumente të besueshme, të cilat sipas tij, “vertetonin krimet e bëra nga çamët
shqiptarë”, ashtu dhe nga andartët e tij. Për krimet e kryera nga grekët ndaj shqiptarëve
çamë, ai deklaronte se, këto nuk ishin kryer nga forcat zerviste të EDES-it, por nga disa
të krishterë, të cilët kishin vepruar pa dijeninë e Napolon Zervës, e në kundërshti të plotë
me urdhërat e tij.805 Lidhur me numrin e viktimave dhe të vrarëve çamë shqiptarë, majori
grek deklaronte se numri i tyre nuk i kalonte të 60 vetëve, duke mohuar tërësisht ngjarjet
makabre të ndodhura gjatë verës së vitit 1944 dhe marsit të vitit 1945.806
Megjithë qëllimin final që kishte vizita e Plamerit në Greqinë e Veriut, misioni i
tij nuk arriti përfundimisht të sillte argumente të plota për të ndëshkuar fajtorët e vërtetë
të masakrave ndaj minoritetit çam në Greqi. Duke u munduar në një farë mënyre të
justifikonte krimet e bëra nga zervistët ndaj popullsisë shqiptare, Palmeri argumentonte
se dëshira e shqiptarëve të Greqisë për të parë një ditë Çamërinë t’i bashkohej Shqipërisë,
i shtyu ata të bashkëpunonin me italianët.807
802 Isufi, Musa Demi…, 274. 803 AMPJ, V.1945, D.59/1, fl.6. 804 AMPB, V.1945, D.18, fl.24. 805 Po aty., V.1945, D.11, fl.12. 806 Po aty. 807 Dervishi, Masakra në Çamëri, 98.
Çështja çame gjatë Luftës së Dytë Botërore Lorenc Agalliu
164
Lidhur me argumentin se, 400 deri në 700 luftëtarë çamë, ishin rreshtuar me armë
në dorë në krah të forcave çlirimtare të EAM-it, Palmeri e justifikonte këtë me dëshirën e
shqiptarëve për të luftuar më tepër kundër forcave të EDES-it se sa kundër gjermanëve.808
Për të justifikuar krimet e bandave zerviste ndaj popullsisë civile shqiptare në
Greqi, Palmeri deklaronte në raportin e tij se, “këta njerëzit lokalë të EDES-it, kanë
vuajtur shumë nga minoriteti, si nga bashkëpunëtorët e gjermanëve dhe nga ata që qenë
në bandat e ELAS-it”.809 Ndërsa britanikët gjenin forma të ndryshme për të justifikuar
krimet e grekëve kundër shqiptarëve çamë, misioni amerikan në Shqipëri e drejtonte
gishtin e akuzës kundër Zervës dhe gjithë klasës politike greke. Për amerikanët, ngjarjet e
ndodhura ndaj minoritetit shqiptar në Greqi, e veçanërisht gjatë viteve 1944-45, ishin
veprime të qëllimshme të grekëve, të cilët duke gjetur pretekst te aktiviteti
kolaboracionist i disa çamëve, gjetën rastin e volitshëm të çlironin Greqinë nga një
problem që i kishte krijuar asaj kokëçarje të mëdha gjatë gjithë kësaj periudhe.810
Po në muajin prill të vitit 1945, një tjetër raport i misionit ushtarak britanik në
Greqi për çështjen çame iu dërgua ministrisë së jashtme britanike. Ky raport nuk ishte gjë
tjetër veçse një përmbledhje e informacioneve të marra në rrugë dytësore nga oficerët
britanikë në terren, pas bisedave të tyre me Palmerin gjatë vizitës së tij në Greqi gjatë
javës së dytë të muajit prill. Në raport fillimisht pranohej, se ndaj çamëve shqiptarë ishin
kryer krime, por sado të qortueshme të ishin ato, ishin të kuptueshme, për sa kohë që i
kishin shërbyer kauzës së aleatëve në luftë ndaj pushtuesve.811 Mbështetur mbi të dhënat
e siguruara nga Libri i Bardhë grek, ky raport i përfytyronte çamët si një popullsi
gjaknxehtë dhe që vazhdimisht prodhonin dhunë, duke i krahasuar ata me fiset malore të
rajoneve ballkanike.812
Duke u munduar të justifikonte masakrat e kryera nga nacionalistët grek kundër
popullsisë çame, zyrtari britanik në Athinë citonte se, çamët u gjykuan nga karriera e
njohur kriminale e disa individëve dhe se kjo popullsi ka qenë e përfshirë në sjelljen e
shkatërrimit në zonën ku ata banonin. Për të justifikuar krimet e aleatëve të tyre grekë,
raporti theksonte se, “të paktën dy herë minoriteti shqiptar çam ka qenë i përfshirë në
shkatërrimet e zonës, ku ata jetojnë”.813 Në vazhdimësi raporti vijonte duke theksuar se,
“pozicioni gjeografik, shtrirja e bregdetit shqiptar përballë ishullit të Korfuzit, kishte qenë
një nxitje e përhershme për nacionalistët e zjarrtë grekë dhe se gjatë lëvizjes së
rezistencës, çamët i kishin shqetësuar sërish grekët, duke vepruar me bandat e tyre midis
bregdetit dhe forcave të gjeneral Zervës. Ata ia prenë lidhjet Zervës ose të paktën
penguan lidhjet e tij me kolegët e vet në Korfuz. Çamët përfaqësonin për Aksin një
element nacionalist antigrek. Nuk duhet harruar se Zerva, kur u godit dhjetorin e kaluar
nga ELAS-i, u ankua se ai ishte goditur, gjithashtu edhe nga shqiptarët. Këta më shumë
808 Po aty., 92. Raport i Ministrisë së Punëve të Brendshme të RPSH, mbi vizitën e anëtarëve të misionit
britanik gjatë vitit 1945. 809 Po aty., 93. 810 NADS, 875.4016/9-2485, Raport i Herry T. Fultz për Departamentin Amerikan të Shtetit, Tiranë
28.9.1945. Cituar sipas Manda, Çamët muslimanë…, 215. 811 PRO/FO.371/48094. Raport i R.A. Leeper dërguar Antony Eden, Athinë 23 prill 1945. Cituar sipas
Destani, Elsie, The Cham Albanians…, 359-360. 812 Po aty. 813 Po aty.
Çështja çame gjatë Luftës së Dytë Botërore Lorenc Agalliu
165
mundësi ka që të ishin çamët, sesa ndonjë forcë nga Shqipëria”.814 Raporti përfundonte
me justifikimin e veprimeve të andartëve grekë ndaj popullsisë çame, duke theksuar se,
“në këto kushte aktivitetet antiçame në Epir, si pjesë e Greqisë ishin të kuptueshme”.815
Nga ana e saj qeveria e Athinës diti t’u bëj bisht përgjegjësive dhe kritikave të
drejtuara në adresë të saj, lidhur me masakrat e kryera ndaj shqiptarëve muslimanë.
Politika greke dhe shtypi i saj i cilësonte si gënjeshtra, ato ç’ka deklaronin organizatat
çame dhe qeveria shqiptare rreth masakrave të kryera nga Zerva ndaj tyre. Autori grek
Athanas Konduras, në një artikull të shkruar në gazetën greke “Ipiritikon” më 17 maj
1945, mundohej të hidhte poshtë të gjitha akuzat e bëra nga çamët shqiptarë rreth
masakrave të kryera ndaj tyre, duke deklaruar ndër të tjera në artikullin e tij se, “të gjithë
ata që u ekzekutuan shkuan përpara gjyqit ushtarak si tradhëtarë”.816
Në tërësi, si politika greke, ashtu dhe forcat nacionaliste, u munduan t’a
justifikojnë emigrimin në masë të popullsisë çame, si një reagim të kësaj popullsie ndaj
ndjenjës së fajit, si bashkëpunëtorë të pushtuesve. Sipas diplomacisë greke, çamët me
familjet e tyre u larguan së bashku me gjermanët, meqëllim për t’i shpëtuar ndëshkimit të
merituar që i priste.817 Në kuadër të përgënjeshtrimeve, qeveria greke ngriti njëherësh
disa komisione për mbledhjen e fakteve në Çamëri lidhur me krimet e kryera nga
popullsia çame kundër asaj greke të krishterë. E vendosur para presionit të opinionit
ndërkombëtar dhe aleatëve perëndimorë, qeveria greke ndërmori disa hetime, të cilat në
të vërtetë, më tepër kishin si qëllim mbulimin dhe zhdukjen e provave, se sa nxjerrjen në
dritë të së vërtetës dhe të fajtorëve.
Edhe pas mbylljes së hetimeve të kryera nga vet kriminelët, asnjë përgjegjës nuk
u ndëshkua për krimet e kryera. Kryetar i Komisionit të hetimeve nga qeveria greke, i cili
i përfundoi hetimet e tij në muajin korrik, u caktua po një ish zervist, pjesëtar i batalionit
të 164-t të Gardës Kombëtare greke, Vasilis Papajanis.818 Në raportin e tij përfundimtar, i
cili iu bë me dije dhe aleatëve perëndimorë, Papajanis mohoi në mënyrë kategorike
përgjegjësinë e trupave zerviste në masakrat të kryera ndaj shqiptarëve çamë, duke i
paraqitur vrasjet e kryera prej tyre si element të hakmarrjes dhe jo si krime masive. Duke
vazhduar me mbulimin e fajeve dhe të fajtorëve, Papajanis në raportin e tij theksonte se,
vrasjet e kryera nga forcat zerviste ishin si pasojë e përplasjeve të armatosura të
zhvilluara midis EDES-it dhe EAM/ELAS-it, në përbërje të të cilit kishte dhe
shqiptarë.819
Duke mohuar tërësisht përgjegjësinë e qeverisë greke dhe të forcave nacionaliste
në masakrat e marsit të vitit 1945, Papajanis theksonte se, “ata 60-70 çamë të vdekur në
sulmet e marsit, qeveria i konsideron si humbje që kishin pësuar çamët, të cilët ishin
inkuadruar në radhët e ELAS-it”.820 Faktet e dhëna nga oficeri zervist Papajanis, se
shqiptarët e masakruar ishin pjesë e formacioneve ushtarake të EAM/ELAS-it,
814 Po aty. 815Po aty. 816 Gazeta “Ipiritiko”, datë 15 maj 1945. Cituar sipas Dervishi, Masakrat në Çamëri..,55. 817 PRO/FO.371/48094. Cituar sipas Meta, Tensioni shqiptaro-grek, 194. 818 Manda, Çamët muslimanë…, 214. 819 PRO/FO.371/48094. Raport i Vasilis Papajanis më datë 14 korrik 1945, i ngarkuar me kryerjen e
hetimeve për masakrën e marsit të vitit 1945 të kryer ndaj popullsisë shqiptare çame. 820 Manda, Çamët muslimanë…, 214-215.
Çështja çame gjatë Luftës së Dytë Botërore Lorenc Agalliu
166
kundërshtohen në mënyrë kategorike, pasi viktimat në të shumtën e rasteve ishin gra,
fëmijë dhe pleq të pa fajshëm dhe të pa mbrojtur, të cilët fatëkeqësisht u gjendën përballë
egërsisë gjakpirëse të forcave ekstremiste greke. Po ashtu, edhe nëse këto viktima kanë
qënë pjesë e formacioneve ushtarake të EAM/ELAS-it, tregon qartë se shqiptarët
muslimanë çam ishin renditur në krah të forcave progresiste greke dhe se ishin për
bashkëpunim të të gjitha forcave pa dallime etnike, gjuhësore apo fetare. Në përfundim të
raportit, duke iu kundërvënë qeverisë shqiptare për akuzat e ngritura, oficeri grek
theksonte se, propaganda shqiptare synonte ta shfrytëzonte çështjen çame për qëllimet e
veta politike dhe se ndaj minoritetit çam në Greqi kishin ndodhur veçse disa veprime
hakmarrëse personale të banorëve të krishterë vendas.821
Faktet e mbledhura dhe të pretenduara nga qeveria greke iu dërguan me urgjencë
qeverive aleate perëndimore, ku synimi kryesor ishte “përmbysja e tablosë” së paraqitur
prej qeverisë shqiptare. Pavarësisht objektivave të vëna nga qeveria greke, në raportet
informuese qëllimisht ishin lënë në harresë të plotë ngjarjet e marsit të vitit 1945. Në
lidhje me këtë, qeveria britanike me një ton të qartë imponues, kërkonte prej qeverisë
greke të jepte shpjegim, se pse 3000 deri në 5000 shqiptarë çamë, të cilët ishin kthyer në
Çamëri, u detyruan të largohen përsëri.822
Po në korrik të atij viti, Ministria greke e Arsimit ngriti një komision të posaçëm,
i cili kishte si detyrë mbledhjen e fakteve, identifikimin dhe rregjistrimin e shkatërrimeve
të bëra pas vitit 1940.823 Edhe në këtë rast, më së shumti, anëtarë të komisionit ishin ish-
ushtarakë të gardës greke, të cilët i kishin ende duart e lara me gjakun e shqiptarëve çamë
të pafajshëm. Nuk kishte asnjë dyshim, që komisioni i ngritur për këtë çështje, në
përfundim të hetimeve të mos nxirrte fajtor për të gjitha krimet shqiptarët çamë. Sipas
raportit përfundimtar të paraqitur përpara qeverisë greke nga ky komision, çamët
konsideroheshin fajtorë për të gjitha shkatërrimet, djegiet dhe krimet e kryera në Çamëri
gjatë viteve të Luftës së Dytë Botërore.824 Një tjetër komision “kompetent”, në muajin
qershor të atij viti u ngrit dhe nga Administrata e Përgjithshme e Epirit, i cili edhe ky do
të mblidhte fakte dhe të dhëna rreth “aktivitetit shkatërrues” të minoritetit çam gjatë kësaj
periudhe.825
Për t’i shpëtuar përgjegjësive që kishte lidhur me masakrat e kryera ndaj
minoritetit shqiptar në Greqi, qeveria e Athinës vazhdoi politikën e saj të qejfmbetjes me
aleatët perëndimorë. E indinjuar thellësisht nga veprimi i “pamatur”, siç i cilësonte ajo, i
përfaqësuesve të qeverisë britanike dhe asaj amerikane, të cilët morën pjesë në Kongresin
e Emigrantëve Çamë, mbajtur në Vlorë në 23 shtator të vitit 1945, qeveria greke me anë
të ambasadorit të saj në Britaninë e Madhe, protestoi ashpër lidhur me këtë veprim të
aleatëve të saj të luftës.826 Për të bindur aleatët strategjikë, Britaninë e Madhe dhe SHBA,
si dhe për të mohuar akuzat që drejtoheshin ndaj saj, qeveria helene iu paraqiti qeverive
821 Po aty., 215. 822 PRO/FO, 371/48351, R. 10028/322/19. Njoftim i ambasadës greke në Londër për D. F. Hoëard, Londër
më 6.6.1945. 823 Manda, Çamët muslimanë…,215. 824 Po aty., 216. 825 Po aty. 826 PRO/FO.371/48094. Notë proteste e ambasadorit grek në Londër, J.Romanos, dërguar Laskey,
përfaqësues i qeverisë britanike, 12 dhjetor 1945.
Çështja çame gjatë Luftës së Dytë Botërore Lorenc Agalliu
167
perëndimore të shteteve përkatëse një memorandum, në të cilin justifikohej politika e
ndjekur deri tani ndaj minoritetit shqiptar çam në Greqi. Në memorandumin drejtuar
qeverive të Londrës dhe Uashingtonit thuhej se, “Pas të dhënave të shumta dhe të
detajuara që qeveria greke pati mirësinë t’ua servirte aleatëve të mëdhenj, lidhur me
çështjen çame, nuk mund të pritej që përfaqësuesit britanike dhe amerikanë në Shqipëri
do të mund të zhvillonin takime me njerëz, shumica e të cilëve janë bërë përgjegjës nga
drejtësia për krime kundër ligjit dhe për aktivitetet e tyre kundër aleatëve.827 Madje,
qeveria greke reagoi dhe ndaj akuzave e dëshmive të mbledhura në terren nga anëtarë të
misionit britanik në Shqipëri, duke i cilësuar ato si, “përpjekje për të poshtëruar Greqinë
dhe veprime që nxisnin prishjen e paqes në Ballkan”.828
Krahas çështjes së masakrave dhe gjetjes së fajtorëve të tyre, gjatë vitit 1945, pas
presionit të vazhdueshëm të qeverisë shqiptare dhe kërkesave të ardhura nga organizatat
çame në Shqipëri, në axhendën e politikës britanike zuri vend dhe çështja e rikthimit të
popullsisë çame në territoret dhe shtëpitë e braktisura. Sa i përket kësaj çështje, gjatë
kësaj periudhe nga politika e jashtme britanike u hodhën dy variante. Pikëpamja e parë
kishte të bënte me rikthimin e të gjithë refugjatëve çamë të shpërngulur me dhunë nga
Çamëria, por problemi që frenonte ecurinë e këtij procesi kishte të bënte me garancinë e
jetës së këtyre familjeve.
Ngjarjet e marsit të këtij viti kishin treguar se, qeveria dhe forcat nacionaliste
greke, jo vetëm që nuk kishin marrë asnjë masë për sistemimin e refugjatëve çamë, por
ato ishin përgjegjës direkt për krimet dhe shpërnguljen e kësaj popullsie nga Çamëria.
Konstatimi i përgjithshëm, i cili ishte konfirmuar nga të gjithë faktorët, kishte të bënte me
kushtet në të cilat do të bëhej ky rikthim.829 Një hamendësim i britanikëve lidhur me
kohën se kur mund të kryhej, ishte se diçka e tillë nuk mund të realizohej pa kaluar 4-6
muaj, me pretendimin e vetëm se rendi dhe qetësia në Greqi ende nuk ishin vendosur.830
Frika se mungesa e rendit e qetësisë dhe ndjenjat e shfrenuara nacionaliste greke,
të cilat më parë ishin shfaqur ndaj popullsisë muslimane çame, e detyruan ministrinë e
jashtme britanike që ta braktiste këtë projekt. Për të bindur eprorët e tij në Londër, kreu i
misionit britanik në Greqi, Woodhouse, ndërmori në korrik të vitit 1945 një udhëtim në
zonat e Çamërisë. Qëllimi i këtij udhëtimi ishte t’i provonte Ministrisë së Jashtme
britanike, se ideja për rikthimin e emigrantëve çamë në Greqi ishte e gabuar, pasi sipas
tij, si popullata vendase dhe opinioni në përgjithësi, ishte kundër një rikthimi të
mundshëm të çamëve.831
Ideja për një rikthim të mundshëm të refugjatëve çamë e vuri në panik qeverinë
greke, i cila nxitoi të informonte aleatët e saj perëndimorë, se ajo nuk kishte asgjë kundër
kësaj ideje, por me kushtin që qeveria greke dhe autoritetet vendore të krahinës së
Çamërisë të kishin të gjitha të drejtat ligjore për të ushtruar ndjekje penale për të gjithë
ata shqiptarë çamë, të cilët ishin shpallur fajtorë për bashkëpunimin me okupatorin dhe
827 PRO/FO.371/48094. Memorandum i qeverisë greke, dërguar qeverisë së Londrës, datë 11 dhjetor 1945. 828 Puto, Lufta italo-greke.., 311. 829 PRO/FO. 371/48094. R. A. Leeper për Foreign Office, Athinë 23 prill 1945. 830 Po aty. 831 Po aty., 371/48352, C. H. Woodhouse për R. A. Leeper, 24. 7.1945.
Çështja çame gjatë Luftës së Dytë Botërore Lorenc Agalliu
168
për krimet e kryera ndaj popullsisë së krishterë vendase.832 Loja e dyfishtë e qeverisë
greke, i vuri në dyshim britanikët, të cilët jo pa të drejtë mendonin, se në rast të një
rikthimi të mundshëm të refugjatëve çamë në Çamëri, autoritetet greke do të kishin
mundësinë të keqpërdornin këtë të drejtë dhe të përndiqnin edhe një herë çamët, duke e
mbyllur një herë e mirë çështjen çame. 833 E vënë përpara dilemave të tilla, qeveria
britanike vendosi që përkohësisht ta linte mënjanë këtë projekt, duke u fokusuar te ideja
për një shkëmbim të mundshëm të popullsisë muslimane çame me atë ortodokse greke që
jetonte në disa fshatra të Shqipërisë së Jugut.
Lidhur me përpjekjet e britanikëve për të aritur një shkëmbim të mundshëm të
popullsive midis Greqisë dhe Shqipërisë na shërben më së miri kjo korespodencë e kreut
të misionit britanik në Tiranë Hodgson me Misionin e OSS dhe Military Liasons (ML) në
të cilën shprehimisht thuhet se; “Një sigurim nga qeveria greke që çamët do të pranohen
përsëri dhe do të merren masa për të siguruar jetën e tyre dhe mirëqënien, do të ndihmojë
shumë për të përmirësuar marrëdhëniet shqiptaro-greke. Sa më shumë të rregullohet kjo
aq më pak raste aksidentesh do të ketë. Një zgjidhje alternative e problemit mund të
paraqitet të jetë efektiv i një ndërrimi popullsish”.834 Por edhe në zbatimin e realizimit të
këtij projekti, britanikët mendonin se do të hasnin vështirësi në gjetjen e gadishmërisë së
pakicës greke në Shqipëri për të pranuar shkëmbimin e saj me popullsinë e shpërngulur
çame.
Në korespodencën e zhvilluar midis misionit britanik në Tiranë dhe Zyrës së
Shërbimeve Strategjike në Londër lidhur me këtë problem thuhej se, “Tani nuk ka
minoritet shqiptar në Greqi. Një numër grekësh nga Shqipëria mund të shkojnë në Greqi
të zënë katundet e boshatisura nga shqiptarët, duke gjetur në Shqipëri pasuri dhe shtëpi
për çamët. Në kundërshtim me vështirësitë për të gjetur grekët e vërtetë në pjesën veriore
të kufirit, ndoshta mund të gjenden mjaft për të balancuar minoritetin shqiptar”.835
Ideja për një këmbim të mundshëm të popullsive respektive, u kundërshtua që në
fillim nga Greqia, e cila e shihte këtë variant si një venitje e kërkesave të saj për
rivendikimet territoriale ndaj Shqipërisë. Tashmë për qeverinë greke çështja çame ishte e
mbyllur dhe ajo nuk do ta dëshironte një zgjidhje të saj në kurriz të pretendimeve
territoriale ndaj Shqipërisë së Jugut. Fakti është se deri në vjeshtën e vitit 1945, çështja e
rikthimit të refugjatëve çamë në Greqi mbeti në fokus të marrëdhënieve midis Greqisë
dhe Shqipërisë. Kësaj politike i referoheshin jo vetëm diplomacitë e të dy vendeve, por
edhe shoqatat e organizatat e komunitetit çam që gjendeshin në Shqipëri dhe jashtë
vendit. Në mbrojtje të idesë për rikthimin e çamëve të shpërngulur me forcë nga Greqia
më aktive ishin shoqatat çame të cilat gjendeshin në Amerikë. Aktiviteti i tyre pro
çështjes çame synonte të bindte politikën amerikane që të ushtronte presion mbi Greqinë
për të pranuar si fillim rikthimin e çamëve të shpërngulur në trojet e tyre, e më pas
gradualisht, çamët të rifitonin të gjitha të drejtat e mohuara nga shteti grek, të drejta këto
832 NADS, 868.00/6-845, Ambasada greke për Departamentin Amerikan të Shtetit, Uashington 8.6.1945.
Cituar sipas Manda, Çamët muslimanë…, 210. 833 Po aty., 210-211. 834 AMPJ, V.1945. D.11, fl.23. 835 Po aty.
Çështja çame gjatë Luftës së Dytë Botërore Lorenc Agalliu
169
që lidheshin me çështjen e pronave, të lirive dhe vetëadministraimit local të Çamërisë.836
Kërkesa të ngjashme të cilat në fokus të tyre kishin çështjen çame si dhe rikthimin e
refugjatëve në shtëpitë e tyre, iu drejtuan dhe kreut të misionit amerikan në Tiranë
Jackobs.837
Në tërësi, të gjithë aktorët pjesëmarrës në luftë nuk reaguan ndaj masakrave greke
dhe krizës së popullsisë civile çame në Greqi. Përsa i përket qëndrimit të EAM-it lidhur
me masakrat ndaj popullsisë çame, mund të themi se edhe pse kjo forcë ishte kundër
ndëshkimit në masë të shqiptarëve muslimanë çamë, ajo nuk doli asnjëherë hapur me
qëndrimet e saj kundër ndëshkimeve të tyre. Pavarësisht masave paraprake të ndërmara
gjatë dimrit të vitit 1945, për rikthimin e familjeve të shpërngulura çame në Greqi, kjo
forcë politike për asnjë çast nuk e kundërshtoi me forcën e armëve ushtrinë e EDES-it për
të parandaluar një gjakderdhje të tillë.
Edhe pse pasojat e kësaj krize ishin të rënda për popullsinë shqiptare, shkaktarët e
vërtetë të krizës asnjëherë nuk morën ndëshkimin e merituar, madje ata u shpërblyen me
poste nga qeveria greke.
836 NADS, 875.01/6-2645, H. Checko për presidentin H. Truman, datë 25-6-1945. Cituar sipas Manda,
Çamët myslimanë.., 212. 837 Manda, Çamët myslimanë.., 212.
Çështja çame gjatë Luftës së Dytë Botërore Lorenc Agalliu
170
KAPITULLI V
KRIZA HUMANITARE E POPULLSISË ÇAME
5.1. Masat e qeverisë shqiptare për pritjen e refugjatëve dhe ndërkombëtarizimin
e çështjes çame.
Për shkak të masakrave të kryera nga forcat nacionaliste greke gjatë vitit 1944-
1945, mbi 23 000 refugjatë çamë kaluan kufirin shqiptar dhe u vendosën në qytetet
kryesore të Shqipërisë. Këto familje çame, u shpërndanë dhe u vendosën në 16 qendra
kryesore grumbullimi në të gjithë vendin, ku peshën kryesore e zinin qytetet si, Berati,
Durrësi, Vlora, Fieri, Lushnja, Kavaja etj,.838 Sipas të dhënave zyrtare, refugjatët çamë
ishin shpërndarë pothuajse në të gjitha krahinat e vendit. Në Shkodër, sasia e frymëve
ishte 220 refugjatë çamë, në Krujë 990, në Tiranë 1000, në Shijak 915, në Durrës 1425,
në Kavajë 1725, në Peqin 830, në zonat e Dumresë 820, në Elbasan 735, në Lushnje
1880, në Berat 1440, në Fier 2180, në Vlorë 4990, në Delvinë 1120, në Sarandë 1050 dhe
në Konispol 1770. Pra në total, numri zyrtar i refugjatëve çamë të rregjistruar në
dokumentet zyrtare të administratës shqiptare gjatë vitit 1945 shkonte në 23 070
persona.839
Edhe pas ardhjes në Shqipëri, gjendja e refugjatëve çamë vazhdonte të ishte e
mjerueshme, mbasi Shqipëria e sapodalë nga lufta gjendej përballë një krize të thellë
ekonomike dhe vendi kanosej çdo ditë nga uria. Gjendja shëndetësore e refugjatëve çamë
të shpërngulur nga trojet e tyre ishte e mjerueshme. Rruga e gjatë dhe rraskapitëse përmes
malesh dhe lumenj të rrëmbyeshëm, në drejtim të kufirit të Shqipërisë, bëri që një pjesë e
të sëmurëve dhe të plagosurve të vdisnin rrugëve. Kushtet e vështira të motit, si dhe uria
që kishte pllakosur në radhët e popullsisë emigratore çame bënë që qindra vetë, kryesisht
fëmijë, pleq dhe të plagosur, të vdisnin rrugës përgjatë kufirit shqiptar.
Një pjesë e refugjatëve çamë, me gjithë kushtet e vështira të motit, për shkak dhe
të paragjykimeve fetare apo dhe të qëndrimit të popullsisë ortodokse në fshatrat e jugut të
Shqipërisë, nuk pranonin të strehoheshin në familjet e krishtera. 840 Në njoftimin e
Qarkorit të Gjirokastrës për Komitetin Qëndror PKSH, thuhej se, “gjendja në Çamërinë
përkëtej kufirit (fjala është për zonat e Konsipolit dhe fshatrat brenda kufirit shqiptar ku
ishin vendosur refugjatët çamë, shënimi ynë) është mjaft e rëndë, sidomos ajo
ekonomike”. 841 Sipas këtij njoftimi, ata refugjatë çamë që nuk kishin pranuar të
strehoheshin nëpër familjet e krishtera, mbetën jashtë në kushte të këqia të motit dhe në
vende të papërshtatshme. Për pasojë, që në ditët e para të qëndrimit të tyre në Shqipëri,
15 prej tyre vdiqën.842
838 AQSH, F.564, V.1945, D.37, fl.31. 839 Po aty. 840 Po aty., F.17/AP, V.1944, D.31, fl.15/1,16. 841 Po aty. 842 Po aty.
Çështja çame gjatë Luftës së Dytë Botërore Lorenc Agalliu
171
Gjatë gjithë periudhës së eksodit çam deri në fund të vitit 1944 nga Greqia në
Shqipëri, sipas të dhënave të organizatave çame që vepronin në Shqipëri numri i të
vdekurve për shkak të urisë, sëmundjeve, kushteve të këqija të motit dhe strehimit,
shkonte në mbi 2000 persona.843 Ndërsa që nga koha e nisjes së masakrave në verë të vitit
1944 dhe deri në fund të vitit 1945, numri i të vdekurve nga radhët e refugjatëve çamë
shkonte afërsisht në 2755 persona.844
Lidhur me problemin e refugjatëve çamë, udhëheqja komuniste shqiptare në 19
mars 1945, thirri në Tiranë një takim të gjithë përfaqësive aleate perëndimore. Qëllimi i
këtij takimi ishte informimi mbi gjendjen e mjerueshme të komunitetit të shpërngulur
çam, si dhe njohja e tyre me krimet e kryera nga forcat nacionaliste greke ndaj këtij
komuniteti.845 Qeveria shqiptare kërkoi gjithashtu, që konkluzionet e takimit, si dhe faktet
e bëra prezente mbi masakrat e kryera nga forcat zerviste greke ndaj minoritetit çam, t’u
bëheshin të ditura qeverive aleate, duke kërkuar njëkohësisht dhe ndërhyrjen e tyre për
riatdhesimin e refugjatëve.
Kushtet në të cilat u strehuan familjet çame ishin shumë të rënda. Këto kushte
diktoheshin dhe nga kriza e thellë ekonomike në të cilën po kalonte vendi pas përfundimit
të luftës. Nënprefektura e Kavajës njoftonte Ministrinë e Ekonomisë në mars të vitit
1945, se deri në këtë kohë në Kavajë ishin instaluar 44 familje të shpërngulura çame, të
cilat përbënin gjithsej rreth 200 frymë.846 Sipas këtij njoftimi rezulton se, pjesa më e
madhe e tyre gjendeshin në një gjendje mjaft të mjerueshme dhe se këto familje
dispononin vetëm pak bagëti, të cilat kishin arritur të gjalla pas një udhëtimi të gjatë.847
Lidhur me sistemimin e këtyre familjeve, kjo nënprefekturë sugjeronte Ministrinë e
Ekonomisë në Tiranë, që popullsia çame të vendosej së bashku, duke formuar katunde të
veçanta, “në mënyrë që mos ngjallin pakënaqësi tek bujqit vendas, ashtu si në rastin e
instalimit të kosovarëve”.848
Gjendja e mjerueshme popullsisë së shpërngulur çame pasqyrohet dhe në raportet
e misioneve aleate në Shqipëri dhe kryesisht nga ai britanik, i cili tashmë kishte filluar të
ndjente ftohjen në marrëdhëniet me qeverinë komuniste shqiptare. Në një raport të muajit
prill të vitit 1945, misioni britanik në Tiranë njoftonte se, “Administrata shqiptare është
plotësisht e vetëdijshme për mjerimin e kësaj popullsie (çame) dhe se ajo nuk ka dëshirën
për t’iu dhënë ndihmën e përshtatshme”.849
Një raport i Këshillit Antifashist Çam në maj të vitit 1945, dërguar Ministrisë së
Asistencës Sociale mbi gjendjen e refugjatëve çamë, bënte me dije se, gjendja e familjeve
çame ishte shumë e keqe dhe se pothuajse 95% e tyre vuante nga urija dhe skamja.850
Raporti gjithashtu njoftonte se, edhe ato bagëti që çamët kishin mundur të sillnin me vete,
kishin ngordhur gjatë dimrit, ndërsa një pjesë e krerëve ishin shituar për të siguruar disa 843 AMPJ, V.1944, D.38, Raport i Komisionit të Komunitetit Çam. 844 Po aty, V.1946, D.133, fl.110-112. 845 PRO/FO, 37148094, Telegram i Zyrës së Ministrit Rezident për Mesdheun Qendror në Kazerta, dërguar
Foreign Office, 26 mars 1945. 846 AQSH, F.494, V.1945, D.431, fl.6. 847 Po aty. 848 Po aty. 849 PRO/FO.371/48094. Relacion i Misionit Ushtarak britanik në Tiranë, 13 prill 1945. 850 AMPJ, V.1945, D.65/2, fl.17-20.
Çështja çame gjatë Luftës së Dytë Botërore Lorenc Agalliu
172
ditë ushqime për familjet e tyre. Në raport vihet në dukje se, për shkak të kushteve të
këqija, çamët u detyruan të shesin të gjitha sendet me vlerë që kishin sjellë me vete.
Raporti njoftonte gjithashtu, se shpërngulja e popullsisë çame nga Shqipëria e jugut në
drejtim të zonave qendrore të vendit ishte bërë në mënyrë të paorganizuar dhe kaotike.851
Raporti ndonëse me rezerva, shprehte mirënjohjen e komunitetit çam ndaj
ndihmës që qeveria shqiptare kishte dhënë në masat e mara për t’u ardhur në ndihmë
familjeve të shpërngulura çame, por kjo ndihmë sipas raportit, nuk kishte mundur të
siguronte të gjithë nevojat që kishin familjet çame që gjendeshin në Shqipëri. Duke
shprehur besimin se, Ministria e Asistencës Sociale do të udhëzonte në mënyrë të duhur
seksionet e asistencës lokale në Prefekturat dhe Nënprefektuart ku gjendeshin çamë të
grumbulluar, përfaqësuesit e kësaj popullsie kërkonin gjithashtu, që këto urdhra dhe
udhëzime të gjenin zbatim njëlloj kudo dhe të mos kishte dallime. Madje KAÇ, i bënte
me dije kësaj ministrie, se ai ishte i gatshëm që të hartonte një listë të familjeve çame të
cilat ishin në gjendje të mirë ekonomike dhe që në mensat e ngritura për këtë popullsi, të
rregjistroheshin vetëm ata persona që ishin në gjendje të rëndë ekonomike.852
Pasojat e Luftës së Dytë Botërore për Shqipërinë ishin shumë të rënda. Vendi
ishte zhytur në një krizë të thellë ekonomike e sociale dhe qeveria shqiptare e dalë pas
lufte nuk ishte në gjendje t’i bënte ballë kësaj situate. Ardhja e emigrantëve çamë e gjeti
të papërgatitur qeverinë shqiptare, detyrë e së cilës ishte sistemimi i tyre në zona të
sigurta, larg kërcënimeve të forcave edeiste, si dhe sigurimi i strehimit e ushqimit për
familjet çame. Të traumatizuar nga krimet që kishin parë, në përgjithësi refugjatët çamë
preferonin të largoheshin nga rajonet e jugut për në qendër dhe në veri të Shqipërisë, pasi
këto rajone ishin më pak të prekura nga lufta.
Lëvizjet e paorganizuara dhe të vazhdueshme nga një krahinë në tjetrën, kishin
bërë që edhe burrat e aftë për punë të mos punonin dhe kështu në masën më të
konsiderueshme të tyre mbizotëronte papunësia. Lëvizja e pakontrolluar e grupeve apo
familjeve çame e vuri në vështirësi qeverinë shqiptare dhe administratën e saj, e cila
duhet të krijonte kushtet e duhura për strehimin e tyre. Por, megjithë kushtet e rënda
ekonomike në të cilat ndodhej shteti shqiptar, qeveria shqiptare mori disa masa paraprake
për t’i ardhur në ndihmë popullsisë në nevojë.
Lidhur me marrjen e këtyre masave Ministria e Asistencës Sociale, në tetor të
vitit 1945 i dërgonte Komitetit Ekzekutiv të Këshillit Popullor të Prefekturës së Beratit
një qarkore në të cilën e udhëzonte se; “Të gjithë ata persona që përfitojnë nga mensa e
që janë të aftë për punë, duhet të aktivizohen sipas qarkores sonë nr.89/9, datë 22 maj
1945, dërguar të gjithë seksioneve sociale. Në rast të kundërt, të përjashtohen nga mensa
të gjithë familjet e tyre. Transferimi i çamëve në Durrës nuk mund të bëhet. Për
sistemimin e tyre si dhe të internuarëve do t’ju dërgohen çadra sapo të na mbërrijnë nga
jashtë.853
Në vazhdën e marrjes së masave për familjet e varfra shqiptare dhe ato të
refugjatëve çamë, Ministria e Financave, po në muajin tetor të vitit 1945 nxorri një
qarkore në të cilën udhëzonte të gjithë Komitetet Ekzekutive të Prefekturave lidhur me
851 Po aty. 852 Po aty. 853 AQSH, F.584, V.1945, D.160, fl.104.
Çështja çame gjatë Luftës së Dytë Botërore Lorenc Agalliu
173
sigurimin e banesave për strehimin e familjeve çame të pastreha. Në udhëzim thuhej se;
“Sikundër dihet, gati në të gjitha Prefekturat e Shqipërisë ndodhen të emigruar një numër
i konsiderueshëm çamë, si dhe familje vendase të dëmtuara gjatë luftës”.854 Shkresa
udhëzonte që për të bërë të mundur sigurimin e strehimit në prag të dimrit që po afronte,
të familjeve të dëmtuara nga lufta, si dhe të familjeve çame të shpërngulura me forcë nga
Greqia, të gjithë Prefekturat e vendit të merrnin masat e duhura për sistemimin e tyre në
barrakat vakante, ato shtetërore dhe të sekuestruara, me qëllim evitimin e dëmeve që
mund të shkaktohen.855 Gjithashtu, sipas qarkores së lëshuar nga kjo ministri, ato familje
çame të cilat kishin mundësi financiare do të paguanin qera për banesat, ndërsa pjesa
tjetër e cila nuk përballonte dot këto shpenzime, duhej të pajisej me një autorizim nga ana
e Seksionit të Asistencës Sociale, të cilat në fund të çdo muaji duhet të mbulonin vetë
këto shpenzime.856
Menjëherë pas mbërritjes së ndihmave të para dhe çadrave të ardhura nga ndihmat
humanitare ndërkombëtare nëpërmjet misionit të UNRRA-s në Tiranë, Ministria e
Asistencës Sociale dhe degët e saj në Prefekturat e vendit filluan të luajnë një rol të
rëndësishëm përsa i përket akomodimit dhe furnizimit me ushqime familjeve çame.857
Megjithatë organizatat e komunitetit çam të cilat vepronin në Shqipëri nuk ishin
plotësisht të kënaqur me mënyrën e organizimit dhe gadishmërinë që kishin treguar disa
Prefektura dhe Nënprefektura të vendit, të cilat nuk i ishin përgjigjur si duhet thirrjes së
ministrisë për pritjen dhe strehimin e refugjatëve çamë.858
Lidhur me masat e marra për sistemimin dhe furnizimin e refugjatëve çamë,
Seksioni i Asistencës Sociale në Prefekturën e Durrësit, njoftonte në muajin dhjetor 1945,
se numri i refugjatëve çamë në Durrës dhe rrethinat e tij kishte shkuar në 1700 frymë.859
Gjithashtu, shqetësim i madh, jo vetëm për këtë Prefekturë por edhe për ato ku
gjendeshin refugjatë çamë ishte lëvizja e pakontrolluar e tyre dhe pa i rakorduar këto
lëvizje me organet e pushtetit lokal.
Të gjendur para këtij shqetësimi, Këshillat Nacional Çlirimtar të Rajoneve
raportonin se, “dita-ditës nuk pushojnë së paraqituri emigrantë të rinj çamë të ardhur nga
Jugu, sidomos nga Fieri, të cilët kërkojnë të strehohen në zonat ranishte”.860 Të njëjtin
shetësim përsa i përket lëvizjes së pakontrolluar të emigrantëve çamë, disa ditë më parë
kishte ngritur dhe Komiteti Ekzekutiv i Prefekturës Vlorë, i cili njoftonte Ministrinë e
Asistencës Sociale në Tiranë se, shumë familje emigrantësh çamë kanë lënë qytetet e
Lushnjës dhe Kavajës dhe janë drejtuar në drejtim të Vlorës me inisiativën e tyre.861
Për të ndaluar një migrim të brendshëm të kësaj popullsie, kjo ministri udhëzonte
Komitetet Ekzekutive të Prefekturave Durrës dhe Berat që të mos lejojnë shpërngulje të
854 Arkivi Shtetëror Vendor Durrës, (ASHV Durrës), F. 1, (Komiteti Ekz.Prefekturës Durrës), V.1945,
D.83, fl.3. 855 Po aty. 856 Po aty. 857 Dervishi, Masakra në Çamëri, 73. 858 AMPJ, V.1945, D.65/2, fl.17-20. Letër e Këshillit Antifashist Çam dërguar Ministrisë së Asistencës
Lokale. 859 ASHV Durrës, F. 1, V.1945, D.83, fl.10. 860 Po aty. 861 Po aty., fl.11.
Çështja çame gjatë Luftës së Dytë Botërore Lorenc Agalliu
174
tilla, pasi një gjë e tillë sipas saj, jo vetëm që është në dëm të vetë familjeve çame, por
gjithshtu sjellin çrregullime në gjendjen ekonomike të vendit dhe rregjistrimin e tyre.862
Krahas zgjidhjes së problemit ekonomik e social të emigrantëve çamë, përpara
qeverisë shqiptare shtrohej një tjetër problem po aq i rëndësishëm, siç ishte ai i
riatdhesimit apo i të drejtave politike të minoritetit çam. Përpara qeverisë shqiptare
shtohej dhe detyra për ndërkombëtarizimin e çështjes çame dhe rikthimin e kësaj
popullsie në viset e Çamërisë nga ishte shpërngulur me dhunë. Rrjedhja e ngjarjeve në të
cilën ishin futur forcat politike e ushtarake në Greqi nuk favorizonin aspak një rikthim të
mundshëm të popullsisë shqiptare çame në Çamëri. Qeveria shqiptare shpresonte se gjatë
luftës civile në Greqi, midis EAM-it komunist dhe forcave nacionaliste të EDES-it, do të
ishte pikërisht EAM-i ai që do të triumfonte. Por, aleatja e luftës së PKSH në Greqi,
EAM-i, tashmë ishte një forcë e papërfillshme, e në këtë mënyrë mundësitë për bisedime
me forcat politike greke për një rikthim të mundshëm të popullsisë së shpërngulur çame
ishin të pakta.
Qeveria e Athinës e krijuar pas luftës me bekimin dhe të britanikëve, pothuajse e
kishte mbyllur çështjen çame. Nga ana tjetër dhe qeveria komuniste shqiptare, që gjithnjë
e më tepër po shkonte drejt një vetëizolimi në arenën ndërkombëtare, e kishte pothuajse
të pamundur ngritjen dhe mbrojtjen e çështjes çame në organizmat ndërkombëtarë. Për
këtë ajo u mundua të shfrytëzonte praninë e misioneve ushtarake të huaja që ndodheshin
në Shqipëri. Për shkak dhe të fillimit të izolimit në arenën ndërkombëtare, duhet theksuar
se vëmendja e qeverisë shqiptare ndaj problemit çam nuk ishte maksimal. Përveçse
ndonjë reagimit të dobët në shtyp dhe kryesisht në shtypin që botohej nga organizatat e
komunitetit çam të vendosur në Shqipëri, reagimi zyrtar i qeverisë shqiptare ndaj
problemit çam ishte i dobët.
Në këtë mënyrë qeveria komuniste shqiptare mendonte se do të vihej në vend
drejtësia për krimet të kryera ndaj popullsisë çame. Gjithashtu mendohej se, vlerësimi për
kontributin e dhënë nga shqiptarët e Çamërisë në Luftën e Dytë Botërore përkrahë
rezistencës antifashiste greke, do të ishte në të njëjtat nivele me respektimin e të drejtave
që qeveria shqiptare i njohu pakicës greke në Shqipëri. Këto veprime të treguara nga
qeveria komuniste, shkaktuan pakënaqësi në radhët e komunitetit çam, i cili nuk e shihte
me sy të mirë përfshirjen e çështjes së tij në luftën civile midis forcave politike greke.
Pikërisht për këto arsye, përplasjet e qeverisë komuniste shqiptare me krerët e Komitetit
Antifashist Çam u dukën që në fillim të vitit 1945.
Personi që vuri para akuzës qeverinë shqiptare për moskopetencë në zgjidhjen e
çështjes çame dhe për lënien e emigrantëve çamë në mëshirë të fatit, ishte Musa Demi.
Akuzat e Musa Demit në adresë të qeverisë shqiptare për vdekjen e dhjetra emigrantëve
çamë në Delvinë si pasojë e mungesës së ushqimeve, e detyruan Ministrinë e Brendshme
shqiptare të ndërmerrte masa, duke izoluar gradualisht veprimtarinë e tij.863
Përpjekjet e qeverisë shqiptare për ta futur çështjen çame në rrugën e burrokracisë
diplomatike e shqetësoi së tepërmi Komitetin Antifashist Çam në Shqipëri. Përfaqësues të
këtij komuniteti u detyruan të protestojnë, duke i dërguar një letër Kryeministrit të
Shqipërisë Enver Hoxhës, njëkohësisht dhe ministër i jashtëm, lidhur me paraqitjen e
862 Po aty. 863 AQSH, F.14/ AP STR, V.1945, D.22, fl.5/1.
Çështja çame gjatë Luftës së Dytë Botërore Lorenc Agalliu
175
çështjes çame në arenën ndërkomëbtare.864 Në letër i bëhej apel qeverisë shqiptare që të
mos e vononte ankesën e Komitetit çam drejtuar Kombeve të Bashkuara, kërkesë kjo e
cila prej mëse 10 ditësh qëndronte ende në tryezën e punës të ministrit të punëve të
jashtme të Shqipërisë.865
Mendimet rreth gadishmërisë së treguar nga qeveria shqiptare gjatë krizës së
refugjatëve çamë në Shqipëri janë të ndryshme. Organi i shtypit zyrtar i qeverisë
shqiptare në lidhje me masat e marra nga qeveria shqiptare për pritjen e refugjatëve çamë,
në vjeshtën e vitit 1945 do të shkruante se, “Sot çamët janë vendosur në 15 qendra të
Shqipërisë. Qysh në fillim qeveria shqiptare i dha kësaj mase fatkeqe të gjithë ndihmën
dhe përkrahjen për t’u instaluar sa më shpejt dhe të përmirësonin gjendjen e tyre të keqe.
Në qoftë se ata u kanë rezistuar vuajtjeve dhe mbahen gjallë, kjo i dedikohet kujdesjes së
shumëanshme të Qeverisë së Republikës Popullore të Shqipërisë”.866
Në kundërshtim me oficerët britanikë, të cilët nuk ndanin të njëjtin opinion me
qeveritarët komunistë lidhur me masat e mara për t’iu ardhur në ndihmë refugjatëve të
shpërngulur çamë, misioni amerikan në Tiranë njoftonte Departamentin e Shtetit se,
qeveria shqiptare u dha çamëve ushqime në fazën e parë të mbërritjes së tyre në Shqipëri
dhe më vonë familjet çame morën ndihma nga UNRRA. Në raportin e Hary Fultsit
dërguar në 8 tetor të vitit 1945, bëhet me dije se qeveria shqiptare i kishte lëvruar
Ministrisë së Asistencës Sociale një fond prej 240 000 franga shqiptare në muaj për t’ua
shpërndarë familjeve çame të vendosura në jug të Shqipërisë dhe afro 680 000 franga të
tjera iu ishin dhënë Prefekturave kryesore ku ishin vendosur refugjatët çamën për blerjen
e drithrave të nevojshëm.867
Rol negativ në ndërkombëtarizimin e çështjes çame nga ana e qeverisë shqiptare,
luajti ftohja e marrëdhënieve të qeverisë komuniste shqiptare me vendet perëndimore dhe
kryesisht me Fuqitë e Mëdha Aleate të Luftës së Dytë Botërore. Siç thekson dhe
historiani B. Meta, udhëheqja komuniste ia besoi dhe ia nënshtroi zgjidhjen e problemit
çam, një problem ky me rëndësi madhore kombëtare, politikave të saj internacionaliste, të
cilat sipas autorit, kishin për qëllim vetëm ruajtjen e pushtetit të PKSH, nëpërmjet
zbatimit të direktivave të marra nga Moska dhe Beogradi. 868 Krahas kësaj, qeveria
komuniste e Enver Hoxhës problemin çam e shihte si një çështje, që duhej zgjidhur në
bazë të parimeve të Kartës së Atlantikut dhe vendimeve të Fuqive të Mëdha të marra në
Potsdam dhe Jaltë.
Në kuadër të masave për ndërkombëtarizimin e çështjes çame, në dhjetor të vitit
1945, Ministria e Shtypit, Propagandës dhe Kulturës Popullore udhëzonte Komitetin
Antifashist Çam për mbledhjen e të dhënave dhe fakteve rreth masakrave të kryera nga
forcat nacionaliste greke kundër popullsisë civile çame, të dhëna këto që do të
përmblidheshin në një broshurë, e cila do të botohej në gjuhën frënge.869 Gjithshtu në
shkresën e saj, kjo ministri orientonte KAÇ që organizimi i punës të fokusohej kryesisht
864 AMPJ, V. 1946, D.134, fl.47-49. 865 Po aty. 866 Gazeta “Bashkimi”, nr.240, datë, 7 tetor 1945. 867 Raport i Harry Fults për Sekretarin e Shtetit, datë 8 tetor 1945. Cituar sipas Meta, Tensioni greko-
shqiptar…, 184. 868 Meta, Tensioni greko-shqiptar..,183. 869 AMPJ, V.1945, D.59/7, fl.1-2.
Çështja çame gjatë Luftës së Dytë Botërore Lorenc Agalliu
176
në; karakterin etnik të Epirit; shkeljen e të drejtave më themelore të popullsisë shqiptare
të Çamërisë, e cila përfundoi me shpërnguljen e tmerrshme të popullsisë çame.
Qëllimi i mbledhjes së këtyre materialeve sipas shkresës, kishte të bënte me
ndriçimin e opinionit të jashtëm ndërkombëtar për çështjen çame, si dhe për t’iu
kundërvënë propagandës në rritje të qeverisë greke dhe pretendimeve të saj për çështjen e
Epirit të Veriut. Materiali që do të përgatitej do t’i përcillej më pas Ministrisë së Punëve
të Jashtme shqiptare, e cila do ta paraqiste atë në Konferencën e ministrave të jashtëm që
po zhvillohej në Moskë. Ndër të tjera, materiali synonte gjithashtu që të evidentonte para
opinionit ndërkombëtar se, përballë trajtimit të panjerëzishëm dhe të padrejtë kundrejt
minoritetit shqiptar në Greqi qëndronte trajtimi shumë i mirë që i ishte bërë pakicave
greke në Shqipëri, jo vetëm në përfundim të Luftës së Dytë Botërore, por gjatë gjithë
historisë së marrëdhënieve greko-shqiptare.870
Për sa i përket trajtimit që i është bërë pakicës greke, është i vërtetë fakti se
qeveria komuniste shqiptare nuk e mori asnjëherë në konsideratë idenë për shpërnguljen e
tyre me dhunë. Madje qeveria shqiptare e gjendur para një presioni të tillë për sistemimin
e banorëve të shpërngulur çamë, nuk e mori asnjëherë seriozisht idenë e hedhur nga
britanikët për shkëmbimin e popullsisë çame me banorë të pakicave greke që jetonin në
disa fshatra në jug të Shqipërisë. Pretendimet e historiografisë greke të cilat e lidhnin
FNÇ shqiptar dhe qeverinë shqiptare me dhunën ndaj popullsisë greke që jetonte në jug të
Shqipërisë nuk kanë asnjë bazë të vërtetë.871
Lidhur me përshtjellimet që u krijuan gjatë kësaj periudhe rreth idesë së
shkëmbimit të dy minoriteteve, apo të shpërnguljes me dhunë të pakicës greke që jetonte
në jug të Shqipërisë, mjafton të përmendim një vërejtje të bërë nga historiani grek J.
Margaritis, i cili shpreh mendimin se; “Fronti Nacionalçlirimtar Shqiptar nuk pranoi të
kryente reprezalje në kurriz të minoritetit grek, që jetonte në vendin fqinj (Shqipëri). “Në
kundërshtim më praktikat e vazhdueshme ballkanike”, -thotë autori, - gjaku nuk u
shpërblye me gjak dhe dëbimi nuk u shpërblye me dëbim.872 Në mbyllje të studimit të tij,
autori grek Margaritis thotë se; “Në mënyrë hiperbolike njerëz të shumtë deklarojnë se
vetëm vendi ynë, (Greqia) mësoi qytetërim, por në këtë rast, mësimi është i
jashtëzakonshëm dhe sigurisht nuk vjen nga pala greke.873
870 Po aty. 871 Manda, Çamët myslimanë.., 217. 872 Margaritis, Bashkëpatriotë të padëshiruar.., 147. 873 Po aty.
Çështja çame gjatë Luftës së Dytë Botërore Lorenc Agalliu
177
5.2. Organizatat e komunitetit çam dhe veprimtaria e tyre.
Për koordinimin e punëve, si dhe për të menaxhuar sa më mirë situatën e krijuar
pas dyndjes të refugjatëve çamë në Shqipëri, një kryesi e popullsisë çame me në krye
Musa Demin, në shtator të vitit 1944, u mblodhën në fshatin Shalës të Sarandës, duke
formuar Komitetin Antifashist Çam. Detyrat emergjente dhe parësore që shtroheshin para
këtij komiteti, ishin orientimi i popullsisë çame për të mbështetur Luftën Antifashiste
Nacionalçlirimtare874, si dhe tërheqja e vëmendjes së opinionit ndërkombëtar ndaj kësaj
tragjedie. I krijuar si një organizatë politike, ky komitet pati dhe organet e tij drejtuese,
puna e të cilave ishte organizimi dhe formimi i këshillave antifashistë çamë në qendrat
kryesore ku dhe ishin grumbulluar refugjatët çamë të shpërngulur.875 Në krye të këtij
komiteti u zgjodh Musa Demi, sekretar Taho Sejko dhe zëvendësekretar Kasem Demi.
Në mbledhjen e parë të këtij komiteti u miratua dhe përbërja e Këshillit Antifashist
Nacionalçlirimtar, me kryetar Vehip Demin, sekretar të përgjithshëm Dervish Dojaka,
Rexhep Çami anëtar etj.876
Për të qenë sa më afër halleve të familjeve çame të shpërngulura, komiteti vendosi
ngritjen e këshillave antifashist çam në ato qendra kryesore ku numri i familjeve çame
ishte më i madh. Kështu, në Shijak në krye të këshillit antifashist u vu patrioti Xhevdet
Memko, në Elbasan, u vendos Hamit Sejko, në Kavajë Mustafa Veliu, në Berat Gani
Demi, në Delvinë Petrit Demi, në Konispol Izet Osmani etj.877
Komiteti Antifashist Çam i përbërë nga figura të shquara patriotike çame si, Musa
Demi, Gani Demi, Mano Habibi, Izet Bejazi, Shaban Demi, Adem Shuaipi, Xhafo Bilali,
Xhafer Karameta, Omer Jakup, Isuf Izeti etj., duke parë mosreagimin e aleatëve
perëndimorë dhe përfaqësuesëve të Fuqive të Mëdha në Greqi e Shqipëri, rreth ngjarjeve
që po zhvilloheshin në kurriz të popullsisë muslimane çame, i dërgoi një letër proteste
qeverive të Anglisë, SHBA, Rusisë, Komitetit Panepiriot të EAM-it, Komitetit
Antifashist të EAM-it për Filatin dhe Çamërinë, si dhe qeverisë shqiptare në Tiranë.
Notëprotesta e parë e këytij komiteti drejtuar Fuqive të Mëdha u bë në 10 tetor 1944, në
të cilën kërkohej largimi i forcave edeiste nga territori i Çamërisë dhe sigurimi i jetës e
pronës për familjet çame.878
Gjithashtu, ky komitet kërkonte prej organizmave ndërkombëtarë që, bazuar në
Kartën e Atlantikut, popullsisë çame t’i sigurohej njohja e së drejtës për pjesëmarrjen në
luftën antifashiste nacionalçlirimtare greke. Përfaqësuesit e popullsisë çame bënin me
dije se, nga bandat zerviste greke u masakruan mbi 300 gra e fëmijë, të rejat u çnderuan,
e 2 500-3 000 shtëpi u dogjën e u shkatërruan. “Në emër të popullit shqiptar çam, që u gri
nga bandat zerviste- thuhej në notë protestë-, dhe që sot ndodhen në tokat shqiptare, ku
po vuajnë nga uria dhe sëmundjet, protestojmë për egërsinë e pashembullt të hordhive të
874 Isufi, Musa Demi…, 281. 875 AMPJ, V. 1945, D.59/1. 876 Isufi, Musa Demi.., 282. 877 AMPJ, V. 1945, D.59/1. 878 PRO/FO. 371/48094. Protestë e Këshillit Antifashist të Çamërisë, drejtuar Fuqive të Mëdha, 17 tetor
1944.
Çështja çame gjatë Luftës së Dytë Botërore Lorenc Agalliu
178
EDES-it, që kanë bërë krime kundër popullsisë së pafajshme të Çamërisë". 879
Përfaqësuesit e popullsisë çame, shpreheshin se, “shqiptarët e Çamërisë nuk kanë asnjë
faj për krimet e kryera ndaj popullsisë greke nga përkrahësit e Nuri Dinos, se populli
shqiptar po vuan pasi ai nuk iu bind udhërave të EDES-it për të luftuar kundër popullit
grek. Për këtë populli shqiptar çam e sheh veten të pandarë nga populli grek, për të cilin
ka dhënë gjakun në çlirimin e Greqisë”.880 Në këtë letër, përveçse bëheshin me dije të
gjitha qeveritë e lartëpërmendura për krimet e kryera nga forcat edeiste ndaj popullsisë
shqiptare çame, iu kërkohej këtyre organizmave të ndërhynin për marrjen e masave dhe
zgjidhjen e menjëhershme të çështjeve:
a) “Kthimi i shpejtë i popullsisë çame në shtëpitë e tyre si dhe sigurimin e jetës dhe
qëndrimin të pashqetësuar në Krahinën e Çamërisë.
b) Dërgimin e një përfaqësuesi qeveritar në Çamëri për të hetuar mbi krimet e kryera
nga Zerva.
c) Dërgimin në një kohë sa më të shpejtë të ushqimeve, barnave dhe sendeve të
nevojshme për të përballuar kushtet e vështira.
d) Largimin sa më parë nga Çamëria të trupave ushtarake të EDES-it.
e) Barazi absolute të drejtash në bazë të Kartës së Antlantikut dhe pjesëmarrjes së
popullit çam në luftë përkrahe popullit grek kundër tiranisë.
f) Të lirohen sa më parë të 300 gratë dhe fëmijët çamë të cilët mbahen të burgosur
nga forcat zerviste në Paramithi dhe Filat”.881
Protesta u përsërit sërish në 30 tetor të këtij viti. Në notëprotestën e radhës, paraqitej me
përmasa reale gjithë tabloja e ngjarjeve tragjike të popullsisë çame nga forcat nacionaliste
greke gjatë periudhës qershor-shtator 1944. Në këtë protestë kërkohej edhe njëherë
kthimi i popullsisë së shpërngulur çame në trojet e veta, si dhe sigurimi i jetës dhe pronës
në Greqi. Një nga kërkesat më të goditura në këtë rezolutë drejtuar qeverive perëndimore
ishte, ajo mbi ngritjen e një komisioni hetimor për gjetjen e fajtorëve të vërtetë të
masakrave dhe vënien e tyre përpara drejtësisë.882
I gjendur përballë një situate aspak të favorshme, minoriteti çam u përpoq të
vetorganizohej për të gjetur rrugëdalje nga kriza. Në muajin shkurt të vitit 1945, Komitet
Antifashist Çam organizoi në qytetin e Sarandës mbledhjen e tij të dytë. Në këtë
mbledhje një nga vendimet më të rëndësishme ishte grumbullimi i të ardhurave nga
personat çamë, të cilët ishin në gjendje të mirë ekonomike e financiare dhe shpërndarjen
e këtyre ndihmave për familjet çame në nevojë. Por siç dëshmon një nga anëtarët e këtij
Komiteti Vehip Demi, kjo nismë nuk pati sukses për shkak të divergjencave që ekzistonin
midis krerëve çamë.883 Në datën 9 maj 1945, përfaqësuesit e popullsisë çame, nëpërmjet
misioneve aleate në Tiranë, i dërguan një ankesë edhe Konferencës së San Franciskos.
Duke iu referuar edhe njehërë Kartës së Antlantikut dhe luftës antifashiste
nacionalçlirimtare të bërë nga popullsia çame përkrah forcave partizane greke, kërkohej
879 AQSH, F.151, V.1944, D.101, fl.15. Protestë e Komitetit Antifashist Çam dërguar përfaqësuesëve të
Fuqive të Mëdha, qeverive të Anglisë, SHBA, Rusisë, Komitetit Panepiriot të EAM-it, Komitetit
Antifashist të EAM-it për Filatin dhe Çamërinë si dhe Qeverisë shqiptare në Tiranë datë 10 tetor 1944. 880 Po aty. 881 Po aty. 882 AMPJ, V.1944, D.42. 883 AQSH, F.14/AP STR, V.1945, D.22, fl.2. Rapor i Vehip Demit.
Çështja çame gjatë Luftës së Dytë Botërore Lorenc Agalliu
179
rikthimi i refugjatëve çamë në Çamëri si dhe sigurimi i jetës së tyre nga forcat ushtarake
aleate dhe shteti grek.884 Përsa i përket gjetjes dhe ndëshkimit të fajtorëve të luftës dhe
shkaktarëve kryesorë të masakrës, memorandum i Këshillit Antifashist Çam, kërkonte që
ata të gjykoheshin nga një gjykatë dypalëshe greko-shqiptare.885
Brenda gjirit të komunitetit çam filloi një luftë e heshtur dhe herë herë e
deklaruar, midis mbështetësve të qeverisë komuniste dhe atyre që kishin rezerva ndaj
mënyrës së sjelljes së qeverisë shqiptare ndaj problemit çam. Gjithashtu, sipas disa
rrymave brenda komunitetit çam, politika e deritanishme e ndjekur prej qeverisë
shqiptare ndaj problemit çam, si dhe masat e ndërmarra nga ajo për t’u ardhur në ndihmë
familjeve të emigrantëve, përçau dhe vet organizatat çame që funksiononin në Shqipëri.
Përplasjet midis anëtarëve të Komitetit Çam u vunë re sidomos gjatë zhvillimit të
punimeve të Kongresit Antifashist Çam në Vlorë në shtator të vitit 1945, ku u dukën
qartë divergjencat dhe përplasjet, lidhur me mënyrën dhe zgjedhjen e kryetarit të këtij
Komiteti.886
Sipas vendimit të marrë nga kryesia e këtij kongresi, organi që do të mbetej në
fuqi do të ishte Komitetit Çam, i cili do të kishte vetëm atribute politike. Në krye të këtij
komiteti u vunë disa prej krerëve dhe aktivistëve më të shquar të lëvizjes patriotike çame
si, Dervish Dojaka, Vehip Demi, Kasem Demi, Sami Alushi etj. Vehip Demi u zgjodh
kryetar i Komitetit Çam, me një shumicë të madhe votsh, i cili në cilësinë e kryetarit i
propozoi pleniumit që doli nga kongresi, përbërjen e kryesisë së Komitetit Antifashist
Çam. Kjo kryesi përbëhej nga Vehip Demi kryetar, Dervish Dojaka sekretar, nënkryetar
Aqif Ademi dhe anëtarë Braho Kasemi, Hizër Ahmeti, Hajredin Merxhani dhe Rexhep
Luri.887
Megjithë përpjekjet e disa prej elementëve përparimtarë çamë për të mos rënë nën
ndikimin komunist, zhvillimi i punimeve të Kongresit Antifashist Çam në Vlorë u
karakterizua tërësisht nga dominimi i vijës së PKSH dhe i elementëve të saj. Në ditën e
dytë të zhvillimeve të punimeve të kongresit, delegatët komunistë të ardhur posaçërisht
nga Tirana ushtruan ndikimin e tyre për të eleminuar nga drejtimi ata elementë çamë, të
cilët ishin kundër vënies së organizatave çame nën drejtimin e PKSH. Më 24 shtator, në
seancën e radhës të zhvillimit të punimeve, i cili si rend dite do të kishte zgjedhjen e
pleniumit, me ndërhyrjen dhe ndikimin e delegatëve të PKSH ndryshoi tërësisht mënyra e
zgjedhjes së anëtarëve të pleniumit dhe krerëve çam të organeve drejtuese. Pas
përfundimit të punimeve të Kongresit, ishte pikërisht vija e PKSH ajo që triumfoi dhe
elementë çamë me bindje komuniste morën kontrollin e këtij komiteti. PKSH, e
shfrytëzoi Kongresin Çam për të përhapur propagandën komuniste te çamët, me qëllim
mbështetjen e tyre ndaj PKG dhe EAM-it, e cila tashmë ishte përfshirë në luftën për
pushtet ndaj forcave djathtiste greke.
Përpjekjet e krerëve të minoritetit çam, për të mos rënë nën ndikimin komunist të
PKSH ishin të mëdha. Te një pjesë e mirë e minoritetit çam, ishte krijuar bindja se çamët
duhet të formonin një organizatë qendrore pa komunistë. Një pjesë e drejtuesve çamë, të
884 AMPJ, V.1945, D.42. Memorandum i Këshillit Antifashist Çam, dërguar Misioneve Aleate në Tiranë,
datë 2 maj 1945. 885Po aty. 886 AQSH, F.14 /AP STR, V.1945, D.22, fl.7/1. 887 AMPJ, V.1945, D.59/12, fl.168.
Çështja çame gjatë Luftës së Dytë Botërore Lorenc Agalliu
180
cilët nuk ishin për përfshirjen në radhët e PKSH, shpreheshin se, “po të udhëhiqemi nga
ata (komunistët) do të hyjmë në burg ose do të na dorëzojnë te Zerva”.888 Bindja e
krerëve çamë forcohej nga dita në ditë, pas arrestimeve që kryheshin ndaj elementëve
çamë me akuza të ndryshme nga qeveria shqiptare.
Duke parë akuzat e pabaza që ngriheshin ndaj elementëve çamë, si Komiteti dhe
Këshilli Antifashist Çam, i kërkuan qeverisë shqiptare, që të ndaleshin arrestimet e
çamëve dhe për akuzat e ngritura të formohej një komision hetimor pranë Këshillit dhe
Komitetit Çam. Të dyja këto organizma propozonin, që pjesë e komisionit hetimor të
ishin figura të shquara të lëvizjes antifashiste çame, të cilët dispononin të dhëna të
konsiderueshme rreth aktivitetit të disa prej figurave të popullsisë çame gjatë pushtimit
italo-gjerman.889
Në përfundim të punimeve, kongresi i refugjatëve çamë doli me një rezolutë të
përbashkët e cila u drejtohej Fuqive të Mëdha, qeverisë shqiptare, asaj greke si dhe
misioneve aleate që gjendeshin në Tiranë. Rezoluta e vinte theksin në krimet e kryera nga
forcat nacionaliste greke të udhëhequra nga Napoleon Zerva kundër popullsisë civile
shqiptare në Çamëri. “Në kohën kur minoriteti shqiptar në Greqi po luftonte ashpërsisht
kundër pushtuesve gjermanë,- shpreheshin përfaqësuesit e popullsisë çame,- forcat
reaksionare dhe shoviniste të Zervës, të komanduara nga vetë gjenerali gjakpirës, hynë
pabesisht nëpër qytetet dhe fshatrat e Çamërisë, duke përsëritur barbarizmat e 1912-ës,
mbas Luftës së Parë Ballkanike, ku u masakruan, u burgosën dhe u torturuan me mijëra
qytetarë dhe fshatarë çamë”.890 Kongresi Çam, referuar të drejtave të minoriteteve sipas
Kartës së Atlantikut, kërkonte nga Konferenca e Ministrave të Jashtëm, që minoritetit
shqiptar në Greqi t’i siguroheshin të gjitha të drejtat e barabarta, ashtu si dhe gjithë
popullit grek.891 Pavarësisht situatës në të cilën u zhvilluan punime e këtij kongresi,
historian B. Meta thekson se, fryma e këtij kongresi, ishte paqësore dhe aty nuk u shpreh
asnjë ndjenjë armiqësie ndaj popullit grek dhe minoritetit grek në Shqipëri.892
Në këtë kongres, krahas delegatëve çamë të ardhur nga të gjitha qytetet e
Shqipërisë ku gjendeshin të strehuara familjet çame, merrnin pjesë dhe krerë të lartë të
qeverisë shqiptare, si dhe përfaqësues të organizatave të ndryshme. Në punimet e
kongresit merrnin pjesë dhe anëtarë të misioneve aleate në Shqipëri, të cilët u njohën nga
pjesëmarrësit me fakte reale dhe masakrën e kreyer nga forcat nacionaliste greke kundër
popullsisë civile çame.
Një nga veprimtaritë kryesore të komitetit, ishte ngritja e grupeve të punës dhe e
komisioneve për të evidentuar dhe mbledhur dëshmitë tragjike të popullsisë çame. Krerët
e organizatave çame, në vjeshtën e vitit 1945, vendosën ngritjen e komisioneve në
qendrat kryesore ku gjendeshin refugjatë. Në Durrës, ky komision përbëhej nga Murat
Poni, Skënder Refat, Asllan Refat, Abaz Kondo dhe Idriz Memko. Në Shijak anëtarë të
komisionit të grumbullimit të të dhënave ishin; Qemal Xhepa nga Lopsi, Arif Sali nga
Nista dhe Ahmet Jakupi nga Arvenica. Në qytetin e Kavajës, komisioni përbëhej nga
888 AQSH, F.14 /AP STR, V.1945, D.22, fl.2. 889 AMPJ, V.1945, D.59/10. 890 Po aty., V.1945, D.42. Memorandum i Kongresit të Minoritetit Shqiptar të Greqisë, dërguar
Konferencës së Ministrave të Jashtëm. 891Po aty. 892 Meta, Tragjedia çame, 98.
Çështja çame gjatë Luftës së Dytë Botërore Lorenc Agalliu
181
çamët; Mustafa Ejup nga Koska, Nustret Karahasani nga Minina, Alush Ziguri nga
Varfanji, Malo Haxhi nga Kardhiqi dhe Mehmet Sulo nga fshati Kallaq. Ndërsa në Krujë,
anëtarë ishin Avdi Baliko nga Margëlliçi, Zenel Bido nga Grikohori dhe Mehmet Musa
nga Varfanji.893 Dëshmitë e mbledhura nga anëtarët e këtyre komisioneve, mbi krimet e
kryera nga nacionalistët grekë, janë sot një dëshmi e gjallë e asaj çka popullsia çame
përjetoi gjatë masakrave të viteve 1944-1945. Përveç të tjerave, një nga detyrat parësore e
këtij komiteti do të ishte sensibilizimi i problemit çam në arenën ndërkombëtare.894
Paria çame dhe patriotë të shquar të lëvizjes kombëtare çame protestuan në të
gjitha organizmat dhe qeveritë ndërkombëtare për krimet e kryera nga forcat zerviste ndaj
tyre si dhe për masat e marra nga qeveria greke e kryeministrit Papandreu. Protesta dhe
memorandume iu dërguan Asamblesë së Kombeve të Bashkuara në Nju Jork, qeverisë së
Shteteve të Bashkuara, qeverisë së Britanisë Madhe, Misioneve Aleate në Greqi dhe
Shqipëri, qeverisë shqiptare dhe asaj greke etj. Emëruesi i përbashkët i të gjitha letrave
dërguar organizmave dhe qeverive të ndryshme ishte rrëfimi i masakrave të kryera ndaj
shqiptarëve çamë prej monarkofashistëve grekë, si dhe marrja e masave për kthimin e
çamëve pranë shtëpive të tyre e sigurimi i jetës. Në memorandumin dërguar Asamblesë
së Kombeve të Bashkuara prej Komitetit Antifashist Çam, pasi bëheshin të ditura fakte
rrënqethëse rreth masakrave të kryera ndër vite nga qeveritë e ndryshme greke, kërkohej
riatdhesimi i gjithë çamëve të dëbuar, si një e drejtë e natyrshme e mohuar në mënyrë
arbritare.895
Në të njëjtën linjë me këtë memorandum ishte dhe rezoluta e dërguar më 16 tetor
1945, Sekretarit amerikan të Shtetit, Z.Cordell Hull, prej Shoqatës “Çamëria” me qendër
në SHBA.896 Në këtë rezolutë pasi revokoheshin të drejtat kombëtare të shqiptarëve, të
cilat ishin mohuar që nga formimi i shtetit shqiptar, i bëhej jehonë parimeve demokratike,
që SHBA kishte shfaqur në mbrojtje të kombeve të vegjël. Në fund të letrës të
shqiptarëve të Amerikës, kërkohej që një kopje e kësaj resolute t’iu dërgohej gjithë
shteteve të interesuara, të cilat ishin për mbrojtjen e Kartës së Atlantikut dhe të parimeve
të vetvendosjes.897
Me shpresën se zëri i tyre do të dëgjohej nga qeveria britanike, Komitetit
Antifashist Çam në 22 nëntor 1945, me rastin e vizitës në Athinë të zëvendësministrit të
punëve të jashtme të Britanisë Madhe Z. Mac. Neil, i drejtohej atij me fjalët: “Ne u jemi
drejtuar shpesh herë përmes misioneve ushtarake në Shqipëri, Aleatëve të Mëdhenj me
protesta e telegrame, duke kërkuar shqyrtimin e çështjes sonë. Por fatkeqësisht s’na është
dhënë ndonjë përgjigje dhe nuk është parë ndonjë interesim për marrjen në konsideratë të
kërkesave tona”. 898 Komiteti Çam i shpjegonte diplomatit britanik se, për shkak të
barbarizmave në Çamëri nga ana e mercenarëve të Zervas dhe klikës së tij, mbi 20 000
çamë kanë marrë rrugën e arratisë në drejtim të Shqipërisë dhe mëse 1500 vetë u vranë e
u masakruan në krahinat e ndryshme të Çamërisë, gjithë pasuria jonë u grabit dhe fshatrat
893 Dervishi, Maskra në Çamëri, 120-121. 894 AQSH, F.14/AP STR, V.1945, D.22, fl.4/1. Rapor i Vehip Demit. 895 “Zëri i Çamërisë”, nr.7, 8 tetor 1946. 896 “Liria” , nr.155, datë 3 nëntor 1944, vol. IV, Boston Mass. 897 Po aty. 898 “Zëri i Çamërisë”, nr.4 datë 28 nëntor 1945.
Çështja çame gjatë Luftës së Dytë Botërore Lorenc Agalliu
182
e qytetet e banuara me shqiptarë u dogjën e u prishën”.899 “Përballë kësaj gjendje të
mjerueshme,- bënte me dije Komiteti Antifashist Çam,- autoritetet zyrtare greke, jo
vetëm që nuk kanë marrë masat e nevojshme, por ato heshtin dhe as që interesohen për
përmirësimin e gjendjes”. 900 “Ne,- theksonin në letrën e tyre përfaqësuesit çamë-,
dëshirojmë të riatdhesohemi dhe kjo është një e drejtë e natyrshme që na është mohuar
arbitrarisht, një e drejtë kjo e të gjithë qytetarëve të lirë e njohur nga Aleatët e Mëdhenj
në Konferencën e Teherani, Jaltës dhe Potsdamit”.901 Duke shpresuar se letra e tyre do të
bënte efektin e duhur te diplomati britanik, përfaqësuesit çamë shpreheshin se, “është
koha që të ndërhyhet pranë autoriteteve greke që të marrë fund ky turp dhe se çështja
çame duhet të merret në shqyrtim nga aleatët e mëdhenj, për të përfunduar sa më shpejtë
çështjen çame”.902
Në emër të Komitetit Çam, në 20 dhjetor të vitit 1945, iu dërgua një letër
Konferencës së Ministrave të Punëve të Jashtme të Fuqive Aleate në Moskë. Që në krye
të kësaj promemorjeje, vendeve pjesëmarrëse në këtë konferencë u bëhej e njohur dhuna
e ushtruar nga qeveritë greke ndaj popullsisë shqiptare në Çamëri, që nga koha e
Konferencës së Londrës dhe në vazhdim deri në përfundim të Luftës së Dytë Botërore.903
Duke theksuar platformën shfarosëse të politikës greke ndaj popullsisë muslimane çame,
në letër u tërhiqej vëmendja vendeve pjesëmarrëse në këtë konferencë, që të tregonin
interesin e duhur për zgjidhjen e çështjes çame.904 Pikërisht kjo përpjekje e Komitetit
Çam për të pasqyruar masakrat e kryera nga monarko-fashistët grekë, tërhoqi vëmendjen
e Ministrisë e Punëve të Jashtme shqiptare, e cila i rekomandoi këtij Komiteti, që çdo
lutje apo kërkesë e Komitetit çam duhet të kalonte nëpërmjet kanaleve diplomatike të
kësaj ministrie.905
Organizatat dhe popullsia shqiptare çame e Greqisë, gjithmonë kanë këmbëngulur
për zbardhjen e së vertetës. Madje, çamët si gjatë luftës edhe pas saj, janë distancuar dhe i
kanë dënuar veprimet e N. Dinos dhe bashkëpunëtorëve të tij në shërbim të pushtuesve
nazi-fashistë. Përveç kësaj, menjëherë pas përfundimit të luftës, një pjesë e parisë çame
akuzuan drejtëpërdrejtë misionin britanik se ishte pikërisht ky mision, i cili strehonte në
Itali shumë prej bashkëpunëtorëve të gjermanëve, me pretekstin se gjoja i mbronte nga
rreziku komunist.906
Pikërisht për këtë mbështetje që britanikët u jepnin bashkëpunëtorëve të
fashizmit, qofshin këta dhe shqiptarë, minoriteti çam dhe qeveria shqiptare i sugjeronin
kreut të Misionit Britanik në Tiranë Hodgson, se kriminelët dhe bashkëpunëtorët me
pushtuesin mund të kapeshin fare lehtë dhe të dënoheshin para gjyqit të popullit grek.907
Por tashmë për britanikët rreziku fashist kishte kaluar dhe lufta ideologjike ishte
899Po aty. 900 Kotini, Çamëria denoncon, 46. 901 Po aty. 902 Po aty. 903 AMPJ, V.1945, D.52/12. 904 Po aty. 905 Po aty. 906 Dervishi, Maskra në Çamëri, 91. 907 Po aty..
Çështja çame gjatë Luftës së Dytë Botërore Lorenc Agalliu
183
zhvendosur kundër komunizmit, luftë kjo e cila kishte nevojë dhe për ish bashkëpunëtorët
e nazifashizmit të çdo ngjyre apo kombësie.
Çështja çame gjatë Luftës së Dytë Botërore Lorenc Agalliu
184
5.3. Roli i UNRRA-s në përballimin e krizës humanitare çame.
Pas mbërritjes në Shqipëri gjendja e refugjatëve çamë ishte tepër e mjerueshme.
Fundi i luftës e kishte gjetur vendin dhe popullsinë në një mjerim të thellë. Më 11 janar të
vitit 1945, Këshilli i Ministrave të Shqipërisë, i shtyrë nga kushtet e rënda ekonomike që
po kalonte vendi, mori vendimin që t’i kërkonte misionit të UNRRA-s (United Nations
Relief and Rehabilitation Administration), ndihma për popullsinë shqiptare. Përfshirja e
Shqipërisë në programin e ndihmave të organizatës së UNRRA-s, do të ishte një tregues
i pjesëmarrjes së popullit shqiptar në koalicionin e madh botëror antifashist, e
njëkohësisht do të bënte të mundur daljen nga kriza e rëndë ekonomike që kishte
shkaktuar lufta e dytë Botërore. Në fund të shkurtit, kryeministri shqiptar Enver Hoxha i
drejtoi zyrtarisht një kërkesë për ndihma UNRRA-s. Në këtë letër krahas të tjerash,
Hoxha shkruante se; “Vendi ynë i rrënuar nga lufta, i djegur dhe i plaçkitur {…} kërkon
ndihmën e Aleatëve të Mëdhenj, për t’u rimëkëmbur ekonomikisht. Për këtë arsye i
drejtohemi UNRRA-s {…} të na ndihmojë me të gjitha mjetet që disponon dhe që i
takojnë popullit tonë si aleat i Kombeve të Bashkuara”.908 Kërkesa e qeverisë shqiptare u
mor menjëherë në konsideratë nga Drejtoria e Përgjithshme e UNRRA-s, duke vendosur
njëkohësisht që në fund të muajit mars një përfaqësi e kësaj organizate të vizitonte
Tiranën.909
Vala e dytë e dëbimit të popullsisë çame nga Greqia në mars të vitit 1945, i
përkeqësoi akoma dhe më shumë kushtet ekonomike dhe gjendjen e kësaj popullsie.
Tashmë përpara qeverisë shqiptare shtohej detyra e përkujdesjes ndaj refugjatëve çamë,
strehimi i tyre si dhe furnizimi me ushqime e medikamente mjeksore. Misionet ushtarake
aleate që gjendeshin në Shqipëri u kujdesën për sjelljen e ndihmave në ushqime, ilaçe e
veshmbathje për popullsinë civile. Programi i ndihmës ekonomike dhe financiare, i ofruar
nga Fuqitë Aleate Perëndimore, i njohur gjerësisht si Administrata e Kombeve të
Bashkuara për Ndihmë dhe Rimëkëmbje, iu gjend pranë familjeve shqiptare çame. Por,
gjatë muajve të pranverës së vitit 1945, kur dhe situata e familjeve çame sa vinte e
rëndohej, UNRRA nuk kishte hartuar ndonjë plan të veçantë emergjence për t’i ardhur në
ndihmë atyre. Duke parë gjendjen e mjerueshme në të cilën ndodhej popullsia çame e
dëbuar nga Greqia, Misionet aleate dhe ai i UNRRA-s në Tiranë morën masa për të
përshpejtuar proçesin e ardhjes së ndihmave në Shqipëri. Një përpjekje e tillë u bë dhe si
rezultat i të dhënave që kishte misioni britanik lidhur me projektet që qarkullonin, se
Tirana zyrtare dhe qeveria e saj komuniste do të ndërmerrte të njëjtën masë ndëshkimore
ndaj popullsisë minoritare greke në Jug të Shqipërisë.
Në rrethanat kur burimet alternative të jashtme për të furnizuar popullsinë
shqiptare me ushqime të nevojshme ishin të pakta, faktori kohë ishte shumë i
rëndësishëm. Ardhja sa më parë e ndihmave të UNRRA-s, për popullsinë çame ishte
shumë e rëndësishme si për qeverinë shqiptare, ashtu dhe për misionin ushtarak britanik
në Tiranë.
908 AQSH, F.890, V.1945, D.107, fl.23-24. 909 Gazeta “Bashkimi”, datë, 27 mars 1945.
Çështja çame gjatë Luftës së Dytë Botërore Lorenc Agalliu
185
Dhënia e shpejtë e ndihmave për refugjatët çamë në Shqipëri prej diplomacisë
britanike, ishte një kundërmasë për të frenuar ndonjë veprim të qeverisë shqiptare për
dëbimin e minoritetit grek në jug të vendit.910 Megjithëse vet kryetari i Misionit britanik
Hodgson pranonte se, prej qeverisë shqiptare nuk kishte sinjale për një shpërngulje të
dhunshme në kufijtë e tragjedisë, të minoritetit grek prej Shqipërisë së jugut.911
Frika e Misionit britanik mbështetej në raportin e dërguar në prill të vitit 1945 nga
zëvendës shefi i këtij misioni Alan Palmer, i cili ishte dërguar në Greqinë
veriperëndimore për të parë nga afër situatën e krijuar atje, lidhur me masakrat dhe
dëbimet e shqiptarëve çamë nga trojet e tyre. Në raportin e tij, Palmer sugjeronte se një
zgjidhje alternative dhe efektive mund ishte ndërrimi i popullsisë minoritare greke me atë
shqiptare.912 Sipas Palmerit, një numër i konsiderueshëm i popullsisë minoritare greke në
Shqipëri mund të dërgohej në Greqi për të zënë shtëpitë, tokat dhe pronat e lëna bosh prej
shpërnguljes me dhunë të shqiptarëve dhe anasjelltas.913
Raporti i Palmerit nuk u prit dhe aq mirë nga shefi i Misionit Britanik në Tiranë
Hodgson, i cili kishte vërejtjet e tij rreth sugjerimeve të bëra nga zëvendësi i tij.
Hodgsoni, mbështetur në të dhënat e Palmerit, kishte si qëllim të paraqiste një raport para
qeverisë shqiptare me synimin e vetëm të kënaqte sadopak Enver Hoxhën dhe qeverinë e
tij, lidhur me kujdesin që britanikët po tregonin për çështjen shqiptare.914
Në komentin e tij të bërë mbi raportin e Palmerit, gjenerali Hodgson shprehej se,
“Derisa t’i jepet pak sadisfaksion Hoxhës në të ardhmen, që masat e nevojshme janë duke
u marrë për kthimin e çamëve, është e mundur që të detyrohet të marrë kundërmasë
kundër minoritetit grek në Shqipëri”. 915 Gjenerali britanik besonte se një sigurim i
mundshëm nga ana e qeverisë greke për kthimin në Greqi dhe sigurimin e jetëve të
familjeve çame, do të ndihmonte shumë në qetësimin e marrëdhënieve midis Shqipërisë
dhe fqinjit të saj jugor. Sipas tij, sa më shpejt t’i jepej zgjidhje kësaj çështjeje aq më pak
incidente do të kishte midis dy vendeve si dhe do të parandaloheshin masakra të
ngjashme ndaj minoriteteve.916 Në lidhje më këtë ai raportonte se, “një sigurim nga
qeveria greke që çamët do të pranohen prapë dhe do të merren masa për të siguruar jetën
e tyre dhe mirëqënien, do të ndihmojë shumë për të përmirësuar marrëdhëniet shqiptaro-
greke”.917
Shqetësimin e tij lidhur me masat që mund të ndërmerte qeveria shqiptare ndaj
minoritetit grek, ai i shpreh dhe në raportin e tij dërguar Misionit të Zyrës së Shërbimeve
Strategjike (OSS) dhe Military Laison (ML), në maj të vitit 1945.918 Në lidhje me këtë
problem ai shprehet se, “Refugjatët çamë duhet të marin ushqim, ndihmë, veshmbathje,
medikamente dhe strehim sa më shpejtë që të jetë e mundur. Kjo masë do të ndihmojë të
910 Hamit Kaba, UNRRA në Shqipëri 1944-1947, (Tiranë, Shkenca, 2000), 137. 911 AMPB, F. UNRRA, V.1945, D.33, fl.57. 912 Po aty. 913 Po aty.. 914 AMPJ, V.1945, D.11. fl.23. Shënime të Hodgsonit mbi raportin e Palmerit. 915 Po aty.. 916 Po aty. 917 Po aty. 918 Po aty.
Çështja çame gjatë Luftës së Dytë Botërore Lorenc Agalliu
186
ndalojë çdo veprim të Hoxhës kundër minoritetit grek”. 919 Shqetësimi që paraqiste
Hodgsoni, lidhur me mundësinë e dëbimit të minoritetit grek nga Shqipëria e Jugut,
kishte të bënte më tepër me ruajtjen e raporteve midis dy vendeve fqinje, si dhe me
projektet afatgjatë të Britanisë, lidhur me ruajtjen e fuqisë dhe të ndikimit të saj në
politikën ballkanase. Hodgsoni aludonte për një hakmarrje të mundshme të qeverisë
shqiptare ndaj minoritetit grek në Shqipëri.
Megjithë fjalët e përhapura, qeveria shqiptare as që e mori në konsideratë një
mundësi të tillë. Sipas autorit Hamit Kaba, arsyeja se pse qeveria shqiptare e Enver
Hoxhës mbajti këtë qëndrim, ishte për faktin se ajo ishte e pamotivuar dhe e pafuqishme
t’i bënte ballë një përplasjeje të drejtëpërdrejtë me Greqinë dhe të acaronte marrëdhëniet
me shtetin fqinj.920
Por më shumë se sa mundësia dhe frika ndaj një përballjeje me Greqinë, ne
mendojmë se qeverinë shqiptare e shqetësonte më tepër situata e brendshme politike dhe
ekonomike në të cilën ndodhej Shqipëria. Para së gjithash, qeverinë shqiptare e
shqetësonte forcimi i rendit, lufta kundër kundërshtarëve të brendshëm, si dhe rreziku i
rrëzimit të pushtetit komunist. Përveç të tjerash, mjafton të përmendim këtu raportet e
mira që qeveria komuniste kishte me aleaten e saj greke EAM-in dhe premtimet që
qeveria e E.Hoxhës kishte marrë gjatë luftës prej komunistëve grekë, se problemet
kufitare midis dy vendeve fqinjë do të zgjidheshin në bazë të konventave ndërkombëtare
dhe Kartës së Atlantikut.
Në 1 gusht të vitit 1945, pas shumë diskutimesh lidhur me mënyrën e
bashkëpunimit, midis qeverisë shqiptare dhe Misionit të UNRRA-s në Tiranë u arrit
marrëveshja e bashkëpunimit.921
Në kërkesën e qeverisë shqiptare drejtuar misionit të UNRRA-s në Tiranë në 24
gusht të vitit 1945, lidhur me furnizimin në ushqime, medikamente dhe materiale strehimi
për popullsinë e shpërngulur çame thuhej ndër të tjera se, “Sikundër u shpjeguam edhe
gojarisht në mbledhjen që patëm më datë 14.8.1945, në vendin t’onë ndodhen të
emigruar afro 25.000 refugjatë çamër t’ardhur këtu, pse të ndjekur e të masakruar nga
bandat e Zervës në Greqi. Vendi i jonë megjithëse akoma në luftë e megjithëse i djegur
dhe i zhuritur nga nazi-fashistët, ndajti me ta kafshatën e gojës e gjithshka kishte duke i
shpëtuar nga vdekja. Kjo popullsi i përket nji nasioni tjetër, megjithëse shqiptare,
prandaj Ay Mision duhet të kujdesohet veçnërisht për ta duke i furnizuar me ushqime,
veshmbathje, strehim e barna, duke lehtësuar në këtë mënyrë një barrë të rëndë të
pushtetit t’onë”. 922 Bashkëngjitur me kërkesën drejtuar këtij misioni, komisioni
ndërqeveritar shqiptar i caktuar për bisedime me UNRRA-n, i dërgoi dhe një listë me
nevojat përkatëse për t’u shqyrtuar dhe për t’u dërguar në Shqipëri.
I gjendur përballë një situate të rëndë në të cilën po kalonte gjithë populli
shqiptar, Misioni i UNRRA-s në Tiranë, u mundua të siguronte në kohën e duhur të gjitha
kërkesat për ushqime, veshmbathje, medikamente mjekësore të ardhura nga Komiteti
Antifashist Çam dhe nga Qeveria Demokratike Shqiptare. Duke pasur parasysh faktin se,
919 Po aty. 920 Kaba, UNRRA në Shqipëri.., 138. 921 Po aty., 122. 922 AQSH, F.564, V.1945, D.37, fl.1. Letër e N. Strallit, Kryetar i Komisionit Interministerial për
Furnizimet nga UNRRA, drejtuar Misionit të UNRRA-s në Tiranë më 24 gusht 1945.
Çështja çame gjatë Luftës së Dytë Botërore Lorenc Agalliu
187
si rezultat i ardhjes së refugjatëve çame në Shqipëri, UNRRA u gjend e papërgatitur
përballë situatës së krijuar, një pjesë e konsiderueshme e ndihmave të programuara për
Shqipërinë, u përdorën për nevojat e refugjatëve çamë. Në bashkëpunim dhe me
Komisionin Interministerial të qeverisë shqiptare, u ra dakord që një përqindje e caktuar e
ndihmave që do të mbërrinin në Shqipëri do të shkonte për nevoja të këtij komuniteti.923
Në kuadër të programimit të paketës me ndihmat e nevojshme dhe sasinë që duhej
të vinte për popullsinë e shpërngulur çame, ishte dhe kërkesa e Komitetit Antifashist Çam
drejtuar UNRRA-s, në 3 shtator 1945. Në kërkesën e këtij komiteti, i cili përfaqësohej
nga kryetari Musa Demi dhe nënkryetari Kasëm Demi, i kërkohej kreut të misionit të
UNRRA-s në Tiranë Okley Hill, që paketa e ndihmave të destinuara për refugjatët e
shpërngulur çamë, të ishte veç asaj që vinte për Shqipërinë.924 Mirëpo një gjë e tillë nuk u
aprovua nga kreu i UNRRA-s, i cili këmbëngulte se, paketa e ndihmave të destinuara për
komunitetin çam do të përllogaritej në shumën e dhënë për Shqipërinë. Hill e
argumentonte qëndrimin e tij me faktin se, veçimi i ndihmave të ardhur veçmas për
popullsinë e shpërngulur çame, do të ulte ndjeshëm sasinë e ndihmave për Shqipërinë.925
Po ashtu, Hill e mbështeste idenë e tij dhe me argumentin se, veçimi i paketave të
ndihmave të Shqipërisë me ato për refugjatët çamë do të shtonin ndjeshëm koston e
transportit.926
Në kushtet e fillimit të një izolimi në arenën ndërkombëtare, si dhe duke marë në
konsideratë krizën e rëndë ekonomike që kishte përfshirë vendin, qeveria Shqiptare e
mirëpriti programin e paketës së ndihmave të UNRRA-s për popullsinë çame të
shpërngulur nga Greqia. Në kushtet e vështira që ndodhej vendi dhe në veçanti familjet e
shpërngulura çame, qeveria shqiptare e priti me kënaqësi miratimin e kësaj shume për
programin çam, duke ofruar bashkëpunimin e saj në shpërndarjen e tyre, e duke shprehur
njëkohësisht falenderim e mirënjohje për kontributin e UNRRA-s në zgjidhjen e krizës
humanitare të popullit shqiptar. Në një dokument zyrtar të Komisionit Interministerial për
Furnizimet nga UNRRA, dërguar Misionit të saj në Tiranë, në datë 12 shtator 1945,
thuhej se; “Pritëm me kënaqësi vendimin tuaj për t’u ardhur në ndihmë emigrantëve
çamë, të cilët u shpërngulën nga vatrat e tyre nga shkaku i ndjekjeve dhe masakrave që
bënë kundër kësaj popullsie bandat e Zervës. Na kënaq gjithashtu vlera dhe rëndësia që ju
i jepni kësaj çështjeje”.927 Në vijim të falenderimeve për gadishmërinë e treguar për t’u
ardhur në ndihmë familjeve çame, ky komision i përfaqësuar nga nënkryetari Njazi Demi,
bashkëngjitur i dërgonte Misionit të UNRRA-s në Shqipëri, listën me furnizimet e
nevojshme të hartuar nga Këshilli Antifashist i Emigrantëve Çamë. Gjithashtu, Njazi
Demi i kujtonte edhe njëherë Misionit të UNRRA-s, se tonazhi i sendeve dhe ndihmave
që do të destinohen për emigrantët çamë, nuk duhet të pakësojnë atë të destinuar për
Shqipërinë.928
Në takimin e programuar për përcaktimin e sasisë dhe mënyrën e shpërndarjes së
ndihmave për popullatën çame, të mbajtur në 21 shtator 1945, në sallën e Bibliotekës së
923 Po aty., fl.9. 924 AMPJ, V.1945, D.12, fl.9. 925 Po aty. 926 Po aty. 927 AQSH, F.564, V.1945, D.37, fl.4. 928 Po aty.
Çështja çame gjatë Luftës së Dytë Botërore Lorenc Agalliu
188
Ministrisë së Ekonomisë, përveç anëtarëve Misionit të UNRRA-s në Tiranë, Peter Floud
dhe Znj. Simons dhe të qeverisë shqiptare, ishte dhe Kasem Demi si përfaqësues i
Këshillit Antifashist Çam. Dy nga pikat kryesore të këtij takimi, kishin të bënin pikërisht
me shpejtimin e ardhjes së furnizimeve për popullsinë e shpërngulur çame dhe
rregullimin e mënyrës së shpërndarjes së këtyre ndihmave.
Gjatë takimit, përfaqësuesit e UNRRA-s, në parim ranë dakort me kërkesat e
palës shqiptare, që pjesa më e madhe e ndihmave të destinuara për Shqipërinë të shkonin
si fillim për të plotësuar nevojat imediate të familjeve çame dhe pjesa e mbetur të shkonte
për të sëmurët në spitale dhe për popullsinë shqiptare të dëmtuar nga lufta dhe
bombardimet.929 Pjesëmarrësit në takim ranë dakort, që nga paketa e ndihmave që do të
mbrrinin së shpejti me vaporë në portin e Durrësit, 50% e tyre të shpërndaheshin për
refugjatët çamë dhe se kjo shpërndarje do të bëhej nga përfaqësuesit çamë. Po ashtu,
UNRRA duke parë gjendjen e rëndë ekonomike në të cilën ndodhej qeveria shqiptare dhe
populli çam, mori përsipër që shpenzimet për transportin dhe shpërndarjen e ndihmave
për komunitetin çam të mos përfshiheshin në sasinë e parave të shpenzuara për këtë
kategori.930
Mirëpo, nevoja për ndihmat emergjente për të përballuar situatën e vështirë,
detyroi një përfaqësi të popullsisë shqiptare çame që t’i drejtoheshin me një letër drejtorit
të përgjithshëm të UNRRA-s në Uashington.931 Letra e nisur nga qyteti i Vlorës më 25
shtator të vitit 1945, i kujtonte shefit ekzekutiv të kësaj organizate, se paketa e ndihmave
për familjet çame ishte tepër imediate dhe duhej të vinte në kohën e duhur. Duke i kujtuar
rëndësinë që kishte kjo paketë me ndihma për popullsinë çame, telegrami drejtuar kreut të
UNRRA-s në Uashington, theksonte faktin se, ndihmat e programuara për popullsinë
çame të mos llogariteshin në vlerën e parashikuar për Shqipërinë.932
Pa kaluar tri ditë, në portin e Durrësit mbëriti anija me ndihmat për minoritetin e
shpërngulur çam. Kjo paketë me ndihma përmbante një sasi të konsiderueshme
ushqimesh, të përbërë nga 250 ton miell, 600 kasa me kuti qumështi, 40 ton bizele, 10 ton
sheqer etj.933 Kjo sasi ndihmash u pasua nga dy ngarkesa të tjetëra me veshmbathje e
medikamente të mbërritura në datën 2 dhe 8 tetor 1945.934 Për të programuar më mirë
sasinë e ndihmave dhe mënyrën e shpërndarjes së tyre, u krijuan grupe të posaçme pune,
ku bënin pjesë përfaqësues të UNRRA-s, të qeverisë shqiptare dhe pjesëtarë të
komunitetit çam.
Kryetari i Misionit të UNRRA-s, duke marrë në konsideratë kërkesat e ardhura
nga Komiteti Çam, hartoi një listë me furnizimet e nevojshme për popullsinë shqiptare.
Kjo paketë me ushqime dhe veshëmbathje që kapte shifrën e 650.000 dollarëve
amerikanë, u shpërnda në mënyrë të racionalizuar nga Komiteti Çam.935 Në zbatim të
kërkesave të ardhura nga qeveria shqiptare dhe Komiteti Antifashist Çam, në datë 15
tetor 1945, në portin e Durrësit mbërritën për refugjatët çamë rreth 865.125 ton miell,
929 Po aty., fl.9. 930 Po aty., fl.9-10. 931 AMPJ, V.1945, D.59/12, fl.198. 932 Po aty. 933 AQSH, F.564, V.1945, D.37, fl.10. 934 AMPJ, V.1945, D.59/1, fl.7. 935 Po aty., V.1945, D.52/12.
Çështja çame gjatë Luftës së Dytë Botërore Lorenc Agalliu
189
34.605 ton bizele, 9.228 ton sheqer, 46.140 ton qumësht e shumë ndihma të tjera të
nevojshme, të cilat u shpërndanë sipas nevojave të familjeve çame të vendosura në 16
qytetet e Shqipërisë.936
Më 9 nëntor 1945, kreu i UNRRA-s në Shqipëri mori në konsideratë kërkesën e
Komitetit Çam lidhur me dërgesën e radhës së paketës me ndihma, sipas listës së hartuar
nga ky Komitet. Në këtë listë, zërin kryesor e zinin artikujt e nevojshëm ushqimorë për
familjet çame, si dhe materiale për strehimin e fëmijëve të mbetur jetimë.937
Në total, paketa e ndihmave të ardhura dhe e atyre të programuara për muajt në
vazhdim për popullsinë e shpërngulur çame kapte shifrën e 1.450.000 dollarëve
amerikanë.938 Kjo paketë ndihmash përbëhej nga veshje, ushqime, çadra për strehim,
medikamente, enë kuzhine e mjete të tjera të domosdoshme, pa përfshirë këtu koston e
transportit të ndihmave. Sipas programit të miratuar nga UNRRA, nevojat mjekësore të
refugjatëve çamë do të mbuloheshin nga program mjekësor për Shqipërinë, ndërsa shuma
prej 43.000 mijë dollarë amerikan e planifikuar për blerjen e mjeteve të transportit e
karburant për refugjatët çamë, do të kalonte për llogari të programit industrial të
Shqipërisë.939
Për t’u bindur për gjendjen e mjeruar në të cilën ndodhej popullsia e shpërngulur
çame, anëtarë të misioneve aleate dhe të UNRRA-s në Tiranë ndërmorën një udhëtim në
qendrat kryesore ku gjendeshin të vendosur familjet çame. Anëtarët e misioneve aleate të
fuqive të mëdha, si dhe kreu i UNRRA-s në Tiranë Okley Hill, panë me sytë e tyre
gjendjen e mjerueshme në të cilën ndodheshin familjet çame të shpërngulura me dhunë
nga Greqia. Me sytë e tyre atë panë mjerimin në të cilin jetonin këto familje. Po ashtu,
nga bisedat me banorët çamë, përfaqësuesit e huaj dëgjuan dëshmi rrënqethëse lidhur me
masakrat e kryera nga trupat zerviste ndaj kësaj popullsie.940
Deri në nëntor të vitit 1945, ishin Këshillat Antifashistë Çam organet që bënin
shpërndarjen sipas nevojave të popullsisë të ndihmave të ardhura. Por, duke qënë se sasia
e ndihmave për popullsinë çame sa vinte dhe shtohej, qeveria shqiptare vendosi t’i
suprimonte këto organe dhe proçesin e administrimit e të shpërndarjes së ndihmave do të
kalonte në duart e organeve të pushtetit vendor.941 Kalimi i kopetencave të Komitetit Çam
dhe të Këshillave Çamë në duart e pushtetit vendor, solli reagime nga popullsia
emigratore çame. Pikërisht për këtë arsye, një pjesë e kësaj popullsisë protestoi tek
përfaqësuesit ndërkombëtarë të UNRRA-s në Tiranë, lidhur me abuzimet e qeverisë
shqiptare në shpërndarjen e ndihmave.942
Në dhjetor të vitit 1945, Konferenca e Uashingtonit miratoi kërkesën për rritjen e
fondit të ndihmave për Shqipërinë dhe atë për popullsinë çame. Në sajë të mbështetjes që
i dhanë çështjes së refugjatëve çamë, kreu i Misionit të UNRRA-s në Tiranë Okley Hill
dhe shefi i Misionit amerikan Jacobs, fondi i ndihmave për Shqipërinë u rrit me 14%.943
936 AQSH, F.564, V.1945, D.37, fl.31. 937 AMPJ, V.1945, D.59/12. 938 AQSH, F.564, V.1946, D.43, fl.1. Shif dhe Margaritis, Bashkëpatriotë të padëshiruar.., 191. 939 Kaba, UNRRA në Shqipëri.., 140. 940 AMPJ, V.1945, D.12, fl.113. 941 Po aty., D.59/14, fl.42. 942 Isufi, Musa Demi.., 292. 943 Po aty., 290.
Çështja çame gjatë Luftës së Dytë Botërore Lorenc Agalliu
190
Projektprogrami i UNRRA-s parashikonte të sillte në Shqipëri rreth 145.121 tonë
furnizime, ku 72.025 tonë duhej të mbërrinin deri në fund të vitit 1945, ndërsa sasia tjetër
prej 73.096 tonë duhej të mbërrinte në Shqipëri gjatë vitit 1946.944 Konferenca gjithashtu
vendosi që, shuma totale prej 1. 782. 000 dollarëve amerikanë ishte e destinuar pikërisht
për nevojat e refugjatëve çamë të vendosur në Shqipëri.945 Madje përfaqësuesit e Misionit
të UNRRA-s për Shqipërinë në këtë konferencë, përforcuan edhe njëherë mendimin e
tyre përpara drejtuesve më të lartë të kësaj organizate në Uashington, se shpenzimet për
programin çam të ndihmave nuk duheshin përfshirë në sasinë e ndihmave të destinuara
për Shqipërinë.
Në 4 dhjetor të vitit 1945, Këshilli Ekonomik pranë qeverisë shqiptare e
konsideroi të pamjaftueshme shumën e vënë në dispozicion të Shqipërisë. Pas shqyrtimit
që i bëri projekt programit të UNRRA-s, për Shqipërinë, ky këshill i paraqiti dhe një
vendim qeverisë shqiptare në të cilin thuhej se, ky program nuk e ndihmonte aspak
Shqipërinë në normalizimin e jetës tregtare dhe ekonomike. 946 Lidhur me
projektprogramin e UNRRA-s, pakënaqësi shprehu dhe Komisioni Interministerial, i cili
vetëm dy ditë më vonë i dërgoi Misionit të UNRRA-s në Tiranë kërkesat e veta, mes të
cilave ishte ajo për veçimin e ndihmave për refugjatët çam nga program shqiptar i
ndihmave pë Shqipërinë.947 Në përpjekje për të përfituar sa më shumë nga paketa e
ndihmave të dhëna nga UNRRA, qeveria shqiptare i përmblodhi edhe njëherë kërkesat e
saj drejtuar misionit të kësaj organizate në Tiranë, duke theksuar faktin se sasia e
ndihmave për Shqipërinë ishte tepër e vogël dhe se ndihmat e programuara për
Shqipërinë nuk duhet të përfshinin ato të destinuara për refugjatët çamë që gjendeshin në
Shqipëri.948
Kërkesat e njëpasnjëshme të qeverisë shqiptare u morën në konsideratë me shumë
dashamirësi nga kreu i UNRRA-s në Tiranë Hill dhe ai i misionit amerikan Jakobs, të
cilët premtuan se sugjerimet e qeverisë shqiptare do t’i bëheshin të ditura menjëherë
Uashingtonit. Lidhur me këtë, Jakobs në 12 dhjetor 1945 i shkroi sekretarit amerikan të
shtetit një letër, duke i theksuar atij kërkesën palës shqiptare për rritjen e sasisë së
ndihmave për Shqipërinë, si dhe rëndësinë që kishte në vetvehte programi i ndihmave për
refugjatët çamë në Shqipëri.949
Ndërsa në lidhje me sasinë e ndihmave që do të vinin për llogari të popullsisë së
shpërngulur çame, kreu i Misionit amerikan në Tiranë Jacobs, sugjeronte që kjo pjesë e
paketës së ndihmave duhej të shkëputej nga pjesa e programuar për Greqinë dhe të mos
merrej nga ajo e destinuar për Shqipërinë. Jacobs e argumentonte idenë e tij me faktin se,
banorët çamë të shpërngulur nga Greqia, edhe pse kishin origjinë shqiptare, ishin shtetas
grekë dhe si të tillë, duhej që pjesa e ndihmave t’u jepej nga sasia e programuar për
Greqinë.
Së dyti, Jacobs argumentonte se, shkaktar i gjendjes së krijuar në Shqipëri, si
rezultat i ardhjes së refugjatëve çamë, ishte pikërisht Greqia, e cila i kishte dëbuar me
944 AQSH, F.564, V.1946. D.55, fl.222. 945 Po aty., fl.230. 946 Po aty., F.890, V.1945, D.75, fl.76. 947 Po aty., F.546, V.1946, D.55, fl.262. 948 Po aty., fl.279. 949 AMPJ, V.1945, D.63/3, fl.4.
Çështja çame gjatë Luftës së Dytë Botërore Lorenc Agalliu
191
dhunë nga shtëpitë dhe trojet e tyre këta banorë.950 Duke e vënë theksin në nevojën
emergjente që kishte kjo popullsi për ndihma në ushqime, ilaçe e veshmbathje, Jacobs
bënte thirrje për përshpejtimin e procedurave dhe arritjen sa më parë në Shqipëri të këtyre
ndihmave, në të kundërt kjo popullsi rrezikonte të vdiste urie.951
Ndihma e dhënë nga organizata ndërkombëtare e UNRRA-s në fund të Luftës së
Dytë Botërore për refugjatët çamë dhe popullin shqiptar, merr një rëndësi të veçantë për
vetë kohën në të cilën erdhën këto ndihma. Gjatë vitit 1945 qeveria shqiptare nuk ishte në
gjendje të siguronte ndihma të tjera nga donatorë të huaj dhe në këtë mënyrë rëndësia dhe
roli që luajtën ndihmat e dhëna nga UNRRA për Shqipërinë marrin një rëndësi të dorës së
parë. Megjithëse historiografia komuniste është munduar të minimizojë rolin që patën
ndihmat e dhëna nga UNRRA dhe misionet aleate në Shqipëri në fund të luftës, shuma e
dhënë si dhe tonazhi i këtyre ndihmave në të holla, ushqime, medikamente, pajisje për
industrinë dhe mjete për strehimin e refugjatëve çamë ka qenë e konsiderueshme. E
vërteta është se në përfundim të misionit të saj në Shqipëri, UNRRA mori një sërë
falenderimesh si nga qeveria shqiptare, ashtu dhe nga populli shqiptar e refugjatët çamë
për ndihmat e dhëna dhe shpëtimin e jetëve nga uria dhe skamja. Pavarësisht dyshimeve
të shfaqura nga qeveria shqiptare për anëtarët e misionit të UNRRA-s në Shqipëri, si dhe
sasisë së ndihmave të shpërndara, ky mision zbatoi me rigorozitet programin e saj, pa
marrë në konsideratë besimin fetar, kombësinë dhe ndjenjat politike të përfituesit.
950 AMPB, F. UNRRA, V.1945, D.32, fl.38. 951 Po aty.
Çështja çame gjatë Luftës së Dytë Botërore Lorenc Agalliu
192
5.4. Jehona e masakrave dhe çështjes çame në shtypin e kohës.
Si pasojë e masakrave të trupave zerviste ndaj popullsisë civile çame, situata në
Çamëri gjatë vjeshtës së vitit 1944 dhe fillimit të vitit 1945, ishte mjaft e rëndë. Masakrat
në Çamëri, si dhe gjendja e mjerueshme në të cilën ndodheshin refugjatët çamë, gjetën
jehonë në mbarë botën perëndimore nëpërmjet kronikave të shtypit të shkruar. Krimet
dhe masakrat e kryera nga forcat zerviste greke kundër popullsisë civile çame, iu bënë të
dituara opinionit ndërkombëtar nëpërmjet dhjetra e qindra përkujtesash, dërguar
organizmave ndërkombëtare dhe qeverive aleate perëndimore nga shqiptarët e Çamërisë
dhe organizata të ndryshme çame.
Krimet e bandave greke ndaj popullsisë shqiptare u rrëfyen nga shumë çamë të
mbijetuar. Masar Sopoti, rrëfente në gazetën “Bashkimi Kombit” në korrik të vitit 1944
se, “një pjesë e popullsisë së Çamërisë që mundi të shpëtojë mori malet, ndërsa pjesa
tjetër që u mundua të futej brenda kufirit të shtetit shqiptar, gjendet në kushte të
mjerueshme, pa strehë, pa shtresë e mbulesë dhe pa bukë”.952 Në faqet e kësaj gazete,
vazhdonin të shkruheshin shkrime mbi ngjarjet në Çamëri të treguara nga njerëz që kishin
qenë dëshmitarë të këtyre ngjarjeve rrënqethëse.
Një rol të veçant në pasqyrimin e masakrave dhe të gjendjes së popullsisë civile
çame ka luajtur dhe diaspora shqiptare. Çështja e Çamërisë, iu paraqit opinionit botëror
prej shoqatave shqiptare të ngritura kryesisht në shtetet perëndimore. Në çastet kur
qeveria shqiptare vuante pasojat e fillimit të një izolimi në arenën ndërkombëtare, ishin
pikërisht shoqatat shqiptare në vende të ndryshme evropiane dhe në SHBA, ato që njohën
publikun e gjerë me pasojat e shpërnguljes së popullsisë shqiptare nga Greqia.953
Shoqata “Çamëria” në SHBA, në vjeshtën e vitit 1944, i dërgoi një rezolutë
Departamentit amerikan të Shtetit, në të cilën kërkohej e drejta për vetvendosjen e
popullit shqiptar, si dhe rivendosja e integritetit territorial të Shqipërisë.954 Rezoluta e
vinte theksin te fakti se, Shqipëria prej dekadash i ishte nënshtruar vullnetit të Fuqive të
Mëdha dhe akteve agressive pa asnjë shkak. Shoqëria “Çamëria” kërkonte që parimet e
Kartës së Atlantikut të gjenin zbatim me konseguencë dhe në zgjidhjen përfundimtare të
çështjes shqiptare. Në këtë rezolutë, krahas ruajtjes së integritetit territorial të Shqipërisë,
kërkohej kthimi pa kushte i popullsisë së shpërngulur çame në Greqi, si dhe e drejta e
Çamërisë dhe Kosovës për të shprehur vullnetin e tyre të lirë për të ardhmen e tyre.955
Anëtarja e misionit të UNRRA-s në Shqipëri Alice Lovely, pasi pa nga afër
gjendjen e mjeruar të refugjatëve çamë në Shqipëri dhe pasi dëgjoi nga të mbijetuarit
rreth masakrave të kryera nga forcat nacionaliste greke, i bëri të njohura ato për publikun
e gjerë amerikan në gazetën “The Hartford Time”. Në faqet e kësaj gazete ajo
përshkruante ngjarjet rrënqethëse, të cilat kishin ndodhur dhe po ndodhnin në kurriz të
popullsisë shqiptare çame në Greqi.956 Autorja shprehej se, “Sot ndodhen në Shqipëri 25
952 “Bashkimi Kombit”, nr.202, datë, 27 korrik 1944. 953 Meta, Tragjedia çame, 91. 954 AMPJ, Viti 1944, D.35. Rezolutë e Shoqërisë “Çamëria” në SHBA, dërguar Sekretarit amerikan të
Shtetit, Z. Cordel Hull, 18 tetor 1944. 955 Po aty. 956 Dervishi, Masakra në Çamëri, 73.
Çështja çame gjatë Luftës së Dytë Botërore Lorenc Agalliu
193
000 çamë. Shumë familje, gra dhe fëmijë janë vendosur në rajone të ndryshme të
Shqipërisë. Gjatë luftës në Greqi, fshatrat e tyre u sulmuan nga grekët dhe ata, për të
shpëtuar kokën u drejtuan për në Shqipëri”. 957 Krahas rrëfimit të masakrave, autorja
përshkruante në faqet e gazetës dhe situatën e mjerueshme, si dhe kushtet e këqija në të
cilat gjendeshin familjet e shpërngulura çame. Sipas saj,këto familje jetonin në mjerim të
plotë, të strehuar në dhuma të vogla mbi 10-12 persona, përfshi këtu të sëmurë dhe pleq.
Ushqimi kryesor i këtyre banorëve ishte supa, e cila u shërbehej vetëm një herë në ditë
dhe kjo në shumë raste në një cilësi mjaft të keqe.958
Në shenjë falenderimi për mbështetjen që kishte dhënë në dobi të çështjes çame,
kryetari i Shoqatës “Çamëria” në SHBA, Hajredin Çeço, i dërgoi një letër zonjushës
Alisse Loveli, për kontributin e saj në botimin e lajmeve që vinin nga Çamëria, të cilat
njihnin opinionin mbarëbotëror me masakrat e grekëve ndaj popullsisë çame.959 Madje,
A. Loveli kishte nisur punën për përgatitjen e një botimi, për shtypin e huaj rreth
ngjarjeve dhe dëshmive që kishte mbledhur nga popullsia e shpërngulur çame në
Shqipëri. Ky material përmblidhte mjaft fotografi, reportazhe dhe një cikël të gjerë
shkrimesh e portrete rreth tragjedisë çame.960
Jehona që pati çështja çame në SHBA, jo vetëm në radhët e shqiptarëve atje, por
edhe të qytetarët amerikanë, i detyroi disa përfaqësues të popullsisë çame që të vazhdonin
mbledhjen e fakteve dhe dëshmive, si dhe denoncimin e tyre përpara opinionit publik
ndërkombëtar. Kopje të shumta të gazetës “Çamëria” e cila botohej në Shqipëri, iu
dërguan Shoqërisë “Çamëria” në SHBA, faqet e së cilës e njihnin opinionin amerikan me
masakrat zerviste ndaj popullsisë çame.961
Për masakrat e Zervës dhe pasojat e saj, shkroi dhe gazeta greke “Agonistis”,
organ shtypi i EAM-it. Në një artikull të kësaj gazete të shkruar në numrin e saj të datës
19 janar 1945, thuhej se, “krimet e kryera në Paramithi dhe Filat u udhëhoqën nga
Napoleon Zerva, Kamara, Kaço, Harallambos etj, dhe se hyrja e trypave të tyre ushtarake
nuk linte asnjë shpresë për fatin e minoritetit shqiptar. Masakrat, dhunimet, plaçkitjet,
djegiet dhe krimet vunë vulën e tyre në çdo kënd të Thesprotisë”. 962 Në vazhdim,
artikulli i kësaj gazete informonte opinionin e gjerë vendas se, kjo politikë ishte pasojë e
politikës së urrejtjes fetare të nxitur që në kohën e Metaksait, e politikës imperialiste të
Italisë fashiste dhe e politikës nacionaliste të EDES-it, të cilat vulosën me gjak, lot e
gjëma fatin e dy popullsive, patën si përfundim çrrënjosjen e çamo-shqiptarëve nga tokat
e të parëve të tyre, nga shtëpitë dhe pasuritë.963 Vetëm disa muaj më vonë pas masakrave
të marsit, kjo gazetë do të përmëndte dhe krimet e kryera në Pargë nga çeta e Vasil
Ballumit, si ato në Paramithi të udhëhequra nga vëllezërit Pandaziu.964
Jehona e masakrave greke ndaj minoritetit musliman çamë gjeti pasqyrim dhe në
shtypin e shkruar turk. Gazetarja turke Belixhe, e cila së bashku me disa gazetarë
957 Isufi, Musa Demi.., 335. 958 Po aty. 959 AMPJ, V.1945, D.94/14, fl.406. 960 Isufi, Musa Demi.., 336. 961 AMPJ, V.1945, D.94/14, fl.406. 962 Sharras, Istoria tis….vep. e përm. fq.668, 672. 963 Actes agressifs du Gouvernement Monarcho-fasciste grec contre l’Albanie. (Tiranë, 1947). 88-89. 964 Po aty., 90.
Çështja çame gjatë Luftës së Dytë Botërore Lorenc Agalliu
194
amerikanë kishte vizituar Çamërinë menjëherë pas masakrave të vitit 1945, shkruante në
gazetën “Tan”, se çfarë ajo kishte parë me sytë e saj në Filat dhe vende të tjera të
vizituara prej saj. Ndër të tjera, në faqet e këtij shtypi, gazetarja turke mohonte akuzat e
ngritura në shtypin grek ndaj popullsisë çame, se gjoja “grupe shqiptarësh kishin sulmuar
popullsinë e krishterë, duke djegur e plaçkitur fshatra dhe se kishin bërë krime ndaj
popullsisë ortodokse”965
Në 12 qershor të vitit 1945, një përfaqësi e minoritetit çam të kryesuar nga Musa
Demi, Vehip Demi dhe Dervish Dojaka, iu drejtuan Ministrisë së Shtypit dhe
Propagandës në qeverinë shqiptare për t’u krijuar atyre mundësinë për botimin e një
gazete e cila do t’i shërbente veçanërisht komunitetit çam.966 Sipas kërkesës së bërë nga
përfaqësia çame, gazeta do të titullohej “Zëri i Çamërisë” dhe nisur nga titulli i saj, kjo
gazetë do të ishte një pasqyrë e çështjes çame, si dhe një organ ku do të dëgjohej zëri i
minoriteti çam.967 Gazeta “Zëri i Çamërisë”, shumë shpejt e rriti numrin e tirazhit të vet
dhe ajo filloi të shpërndahej jo vetëm në qytetet kryesore të Shqipërisë, por edhe në
SHBA e vende të tjera ku gjendeshin shqiptarë.
Duke iu rikthyer edhe njëherë shtypit grek mbi artikujt e tyre rreth ngjarjeve të
fundit në Çamëri, gazeta tjetër greke “Embros”, në datën 15 gusht të vitit 1945 do të
ribotonte një shkrim të gazetës “Zëri i Epirit”, në të cilën jepeshin të dhëna lidhur me
krimet e kryera nga forcat zerviste ndaj minoritetit çam në Paramithi e Filat.968
Në tetor të vitit 1945 gazeta zyrtare e qeverisë shqiptare “Bashkimi” do të
shkruante në faqet e saj një artikull të gjatë dedikuar krimeve zerviste ndaj popullsisë
shqiptare çame, si dhe për gjendjen e mjeruar në të cilën ndodhej kjo popullsi e emigruar
në Shqipëri. Në artikullin e kësaj gazete shkruhej se, “Mbasi s’kishin mundësi të
rezistonin më përkundra sulmeve të Zervës, çamët filluan rrugën e emigrimit në drejtim të
kufirit shqiptar. Nga fundi i shtatorit 1944, gjithë popullata muslimane e Çamërisë duke
mos mundur të tërheqë kurrgjë nga pasuria, përveç një velenxhë në krahë, kaluan
përkëtej kufirit të Shqipërisë. Mbi 20 000 frymë u vendosën në krahinën e Konispolit, në
Vurg dhe Markat. Uji i keq, klima malarike, mungesa e barnave mjeksore dhe e mjekëve,
mungesa e ushqimit bënë që një shumicë e madhe prej tyre të vdesin përmes mjerimit të
pashëmbullt. Çamët emigruan në një kohë kur në Shqipërinë e jugut, në Konispol,
Delvinë, Sarandë e gjetkë zhvilloheshen luftime të rrepta e të përgjakshme kundra
nazistëve të cilat i bllokonin ata (çamët) në rrethin e ngushtë të Vurgut dhe të Konispolit.
Por me dëbimin e gjermanëve, turma çame drejtohet për në Sarandë e Delvinë dhe më
vonë me çlirimin e Shqipërisë shtrihet emigrimi i tyre gjatë gjithë bregdetit shqiptar për
gjithë stinën e keqe të dimrit. Një shpërngulje në të tilla kondita përhap ndër ta mjaft
sëmundje dhe u shkaktuan mjaft humbje në njerëz….969
Gjatë këtij muaji një tjetër përfaqësues i lartë i politikës britanike vizitoi vendin
tonë dhe kryesisht Shqipërinë e Jugut. Z. Lester Hutchinson, anëtar i parlamentit britanik,
i cili vizitoi Shqipërinë gjatë fundit të muajit nëntor 1945, e pa nga afër gjendjen në të
cilën ndodheshin refugjatët çamë të shpërngulur me dhunë nga Greqia. Gjatë vizitës së tij
965 AMPJ, V.1945, D.94/14, fl.406. 966 Po aty. 967 Isufi, Musa Demi.., 299. 968 “Bashkimi”, Tiranë, datë.25 dhjetor 1946. 969 “Bashkimi”, nr.240, datë, 7 tetor 1945.
Çështja çame gjatë Luftës së Dytë Botërore Lorenc Agalliu
195
në Shqipëri, deputeti britanik mori kontakte me banorët e shpërngulur çamë dhe me
drejtues të organizatave çame. Në takimet që ai pati me drejtues të Komitetit dhe
Këshillit Antifashist Çam, deputeti britanik u njoh me krimet e bëra nga forcat
nacionaliste greke në kurriz të popullsisë civile shqiptare.
Masakrat e nacionalistëve grekë ndaj popullsisë çame tërhoqën vëmendjen jo
vetëm të opinionit të gjerë angleze, por edhe të gazetave më të mëdha të vendit. Nga
fundi i muajit nëntor, gazeta “Daily Telegraph” dërgoi në Shqipëri për të parë më nga
afër gjendjen e mjeruar të refugjatëve çamë, korespodentin e saj të posaçëm, Lordin
Loveth F. Eduard.970 Gjatë vizitës së tij në qendrat kryesore ku ishin vendosur refugjatë
çamë, e në veçanti në zonat më jugore të vendit, korespodenti britanik pa me sytë e tij
mjerimin e kësaj popullsie. Pas kthimit në Britani, ai do të shkruante për gazetën se,
“Aleatët duhet të bëjnë diçka për t’i dhënë fund mjerimit të kësaj popullsie, t’i ndihmojnë
refugjatët të kthehen në vatrat e tyre”.971 Duke hedhur poshtë akuzat greke lidhur me
akuzat, se Shqipëria gjatë luftës qëndroi në anën e fuqive të Boshtit, lordi Eduard
theksonte se, “fakti që Shqipëria u fut me forcë në krah të Boshtit, i ka verbuar ata që nuk
duan të shohin se Shqipëria luftoi për pavarësinë dhe dha kontributin e saj në fitoren e
përbashkët”.972
Në 26 nëntor, përfaqësuesit çam, i paraqitën Hutchinson një tablo të historisë së
përgjakshme të popullsisë çame nën sundimin grek, të paraqitura këto në formën e një
memorandum në gjuhën angleze. Dokumenti me dëshmi të pasqyruara në 2 faqe, u
nënshkrua nga disa anëtarë të Komitetit Antifashist Çam si, Musa Demi, Vehip Demi,
Kasem Demi, Refik Pronjo, Njazi Demi etj.973
Në numrin e gazetës britanike “Neës Crocnichle” të datës 11 dhjetor 1945,
deputeti britanik pasqyronte masakrat e nacionalistëve grekë të kryera ndaj popullsisë
civile shqiptare çame, si dhe gjendjen e mjeruar të familjeve që kishin emigruar në shtetin
shqiptar.974 Në artikullin e tij, Hutchinson, publikonte fakte rreth numrit të viktimave të
shkaktuara në radhët e popullsisë civile çame nga barbaritë greke. Sipas tij, rreth 2509
persona ishin vrarë nga forcat nacionaliste greke dhe mbi 25 000 të tjerë ishin përzënë
me dhunë nga shtëpitë e tyre. Në artikull nënvizohej fakti se, ndaj çështjes çame ishte
mbajtur një qëndrim pasiv nga forcat aleate dhe në veçanti nga qeveria britanike dhe
misionet e saj në Greqi e Shqipëri.975
Duke folur në Dhomën e Komuneve në parlamentin britanik, Hutchinson kishte
shprehur bindjen e tij se, “masakra të tilla vështirë se mund të besohen si të bëra në ditët
tona”.976 Në fjalën e tij, ndër të tjera deputeti laburist kërkoi gjithashtu ngritjen e një
komisioni parlamentar, i cili do të mund t’i bënte presion qeverisë greke për të lejuar
familjet e shpërngulura çame të riktheheshin në shtëpitë e tyre.977
970 Po aty., datë.25 dhjetor 1946. 971 Po aty. 972 Po aty. 973 Isufi, Musa Demi.., 336. 974 Dervishi, Masakra në Çamëri, 73. 975 Actes agressifs du gouvernement.., 96-97. 976 Po aty. 977 Po aty.
Çështja çame gjatë Luftës së Dytë Botërore Lorenc Agalliu
196
Po ashtu, një grup gazetarësh amerikanë, të cilët vizituan Shqipërinë para
zgjedhjeve të dhjetorit të vitit 1945, deklaronin për shtypin e tyre se, çamët, që kudo ata
kishin parë e kishin e pyetur, ishin krejtësisht të terrorizuar. Gjithashtu, ata theksonin se
dëshira e tyre kishte qenë që ata të ktheheshin në vendlindjen e tyre dhe se për këtë
kërkonin ndërhyrjen e qeverive perëndimore.978
Në tërësi, pothuajse i gjithë shtypi i kohës, si vendas dhe ai i huaj, i dënoi ashpër
masakrat e kryera nga forcat nacionaliste greke ndaj minoritetit shqiptar çam në Greqi.
Përveç kësaj, shtypi dhe opinion përparimtar mbarëbotëror dënoi dhe qëndrimin e
qeverisë greke të asaj kohe, në lidhje me reagimin e saj ndaj çështjes çame dhe
riatdhesimit të tyre.
978 Dervishi, Masakra në Çamëri, 73.
Çështja çame gjatë Luftës së Dytë Botërore Lorenc Agalliu
197
PËRFUNDIME
Që nga koha e rënies së Çamërisë nën administrimin grek në vitin 1913, për
minoritetin çam në Greqi filloi një histori e gjatë persekutimesh, vrasjesh dhe
shpërnguljesh. Me qëllim asimilimin e popullsisë shqiptare në Çamëri, shteti grek nuk e
njohu si minoritet popullsinë çame, duke shkelur të drejtat dhe liritë themelore të tij.
Popullsisë çame iu mohua sistematikisht e drejta e pronës, e drejta e mësimit të gjuhës
shqipe, e drejta e pjesëmarrjes në administratën vendore etj,. Një politikë e tillë,
padyshim që do të ngjallte te minoriteti shqiptar një pakënaqësi, e cila u shfaq më vonë
në disa mënyra.
Pas pushtimit italian të Shqipërisë në prill të vitit 1939, çështja e shqiptarëve që
jetonin në Kosovë dhe Çamëri u përdor si një mjet i fuqishëm propagandistik nga Italia
fashiste në shërbim të synimeve të vërteta ekspansioniste në rajon dhe më gjerë.
Eksportimi i ideve fashiste në Çamëri u bë prej anëtarëve të familjeve të mëdha dhe të
pasura të zonës, ku një prej të cilave ishte familja Dino. Në fillim të vitit 1940, aktiviteti
propagandistik italian me referencë kryesore çështjen kosovare dhe atë çame, nuk iu la
rastësisë, por ai u zgjerua mbi bazën e një aktiviteti të mirëorganizuar politik e ushtarak.
Propaganda italiane në favor të irredentizmit shqiptar u ndihmua së tepërmi dhe nga
qëndrimi që mbante qeveria greke ndaj minoritetit shqiptar çam në Greqi. Në shërbim të
kësaj politike, fashistët italianë vunë në dispozicion një makineri të tërë propagandistike.
Propaganda irredentiste në emër të çështjes së shqiptarëve që gjendeshin jashtë kufijve të
shtetit shqiptar u mbështet fuqimisht nga shtypi fashist në Tiranë dhe Romë, nga mjete të
fuqishme financiare, si dhe individë të veçantë nacionalistë shqiptarë, të cilët shpresonin
në një bashkim të mundshëm të këtyre krahinave me Shqipërinë. Të gjithë këto elemente,
bënë që një pjesë e shqiptarëve nacionalistë, si brenda ashtu dhe jashtë vendit, ta
përkrahnin këtë propagandë. Faza e parë e propagandës irredentiste italiane arriti të bënte
për vete një grup nacionalistësh shqiptarë në Shqipëri, Kosovë dhe Çamëri, të cilët
shpresonin se me ndihmën e Italisë fashiste do të realizohej bashkimi i këtyre krahinave
me shtetin shqiptar. Propaganda fashiste në emër të nacionalizmit shqiptar dhe zgjerimit
të kufijve etnikë të Shqipërisë kishte tri qëllime kryesore; përdorimin e shqiptarëve në
luftë kundër shteteve fqinjë të Shqipërisë, frenimin e rezistencës antifashiste të popullit
shqiptar, si dhe zgjerimin e territoreve të pushtuara në drejtim të Greqisë dhe
Jugosllavisë.
Diplomatët italianë në Greqi, Shqipëri dhe Romë u munduan që të shfrytëzonin
çdo mundësi, e cila do të çonte në një luftë kundër Greqisë, duke krijuar incidente të
shpeshta në kufirin shqiptaro-grek. Në Shqipëri ata shfrytëzuan vrasjen e irredentistit çam
Daut Hoxha, si një pretekst për fillimin e sulmit ushtarak kundër Greqisë. Daut Hoxha një
irredentist çam, u vra në afërsi të Konispolit në mesin e muajit qershor të vitit 1940, por
vrasja e tij me porosi të Çianos, u kthye gjatë muajit gusht në një incident diplomatik
midis Italisë dhe Greqisë. Qëllimet e vërteta italiane nuk kishin të bënin me çështjen e
shqiptarëve në Çamëri, por ato lidheshin me synimet ekspansioniste fashiste drejt
Ballkanit dhe më gjerë. Në prag të sulmit ushtarak italian kundër Greqisë, qeveria greke
vendosi arrestimin dhe internimin e të gjithë meshkujve çamë, me pretekstin e një
Çështja çame gjatë Luftës së Dytë Botërore Lorenc Agalliu
198
bashkëpunimi të mundshëm të tyre me trupat italiane. Veprime të tilla bënë që minoriteti
shqiptar çam në Greqi të qëndronte indiferent ndaj sulmit italian kundër Greqisë.
Në 28 tetor 1940, Italia sulmoi ushtarakisht Greqinë. Në përgjithësi popullsia
çame mbajti një qëndrim neutral ndaj këtij sulmi, por grupe të caktuara nacionaliste çame
si dhe individë, të cilët më parë ishin joshur nga propaganda italiane për përfitime
personale apo dhe kombëtare, e mbështetën sulmin italian kundër Greqisë. Në ditët e para
të nëntorit të vitit 1940, trupat italiane avancuan në thellësi të territorit grek, por në javën
e dytë të këtij muaji ofensiva e trupave greke bëri që forcat italiane të tërhiqeshin drejt
kufirit shqiptar. Me tërheqjen e trupave ushtarake italiane, nga Çamëria u larguan mijëra
refugjatë çamë të cilët nga frika e hakmarrjes nga trupat greke kaluan në Shqipëri.
Tërheqja e trupave italiane nga Çamëria u shoqërua me masakra dhe krime të rënda nga
ushtria greke në kurriz të minoritetit musliman çam, e cila u konsiderua fajtore për
fillimin e sulmit ushtarak italian kundër Greqisë. Shumë krerë të parisë çame u arrestuan
dhe u interrnuan në ishujt e largët të Egjeut, shtëpi të tëra të braktisura u plaçkitën dhe u
dogjën, ndërsa qindra gra dhe vajza u përdhunuan barbarisht nga andartët grekë. Ofensiva
e trupave greke kundër ushtrisë italiane vazhdoi dhe në brendësi të territorit shqiptar,
duke pasur si qëllim kryesor pushtimin e Shqipërisë së Jugut.
Në javën e parë të prillit 1941, Greqia u sulmua nga forcat gjermane dhe brenda
pak ditësh ajo u pushtua. Në Athinë u vendos qeveria kuislinge greke e cila bashkëpunoi
ngushtë me pushtuesit gjermanë. Të gënjyer nga propaganda fashiste për bashkimin e
Çamërisë me Shqipërinë, një pjesë e popullsisë çame e mirëpriti këtë pushtim. Por
premtimet e Italisë fashiste ndaj minoritetit çam në Greqi për bashkimin e Çamërisë me
Shqipërinë shumë shpejt u harruan, pasi krahina e Çamërisë u la nën administrimin
ushtarak italian dhe atë civil grek. Kërkesat e qeverisë shqiptare të Tiranës dhe të
popullsisë çame për bashkimin e Çamërisë me Shqipërinë nuk u morrën në konsideratë.
Marrëveshja e arritur midis ministrit të jashtëm italian Çiano dhe atij gjerman Ribentrop,
e arritur në Vjenë në prill të vitit 1941, e la Çamërinë sërish nën administrimi civil grek.
Për të kënaqur kërkesat e shqiptarëve, qeveria italiane pranoi të emëronte Xhemil Dinon,
si Komisioner i Lartë i trojeve shqiptare në Çamëri, i cili do të kishte të gjithë
mbështetjen e qeverisë kuislinge shqiptare të Tiranës për të ushtruar autoritetin e tij në
zonën që përfshinte pjesën nga kufiri shtetëror i Shqipërisë Jugore e deri në Janinë.
Edhe pas vendosjes së regjimit ushtarak italian në Çamëri, për popullsinë
shqiptare atje gjendja nuk ndryshoi. Pushtuesit e rinj italianë lanë në fuqi administratën e
vjetër greke, e cila e rëndoi akoma dhe më tepër shtypjen ndaj minoritetit shqiptar çam në
Çamëri. Paaftësia e administratës greke, si dhe situata e nderë e krijuar gjatë pushtimit të
Greqisë nga trupat italo-gjermane, bëri që në Greqi të shfaqen hapur ndjenjat frenetike
ndaj minoriteteve, si ndaj hebrenjëve, ashtu dhe ndaj shqiptarëve. Vitet 1941-1942 në
Çamëri u dominuan nga trazira të brendshme midis komunitetit çam dhe atij grek, të cilat
në dukje kishin çështjen e pronësisë së tokës së pronarëve shqiptarë të rrëmbyer nga
shteti dhe banorët grekë. Konflikti midis dy komuniteteve, i nxitur nga administrata
kuislinge greke dhe autoritetet ushtarake italiane, u shoqërua me vrasjen e individëve të
veçantë nga të dy palët. Ngjarjet që shoqëruan zhvillimet historike gjatë kësaj periudhe,
shënojnë njëkohësisht shkëputjen finale të bashkëpunimit midis dy komuniteteve. Këto
trazira jo vetëm që thelluan hendekun midis dy komuniteteve, por ato u bënë dhe pengesa
themelore për fillimin e hershëm të rezistencës antifashiste në Çamëri. Megjithë
Çështja çame gjatë Luftës së Dytë Botërore Lorenc Agalliu
199
konfliktet e thella që shoqëruan situatën në Çamëri gjatë kësaj periudhe, elementë
përparimtarë nga të dy komunitetet morën inisiativën për uljen e gjakrave dhe zgjidhjen e
problemeve midis popullsisë së krishterë dhe asaj muslimane. Në saj të bashkëpunimit të
elementëve përparimtarë çamë si, Musa Demi, Jasin Sadiku, Haxhi Sejko etj, u krijuan
komisione të përbashkëta, detyra e të cilëve ishte pajtimi midis dy komuniteteve, zgjidhja
e konflikteve të pronësisë si dhe vendosja e rendit dhe qetësisë në krahinë.
Në kushtet e një amullie të vërtetë dhe të paaftësisë së administratës civile greke,
u forcua grupi nacionalist çam, i cili shpresonte në bashkimin e Çamërisë me Shqipërinë.
Në këtë kuadër, nacionalistët çamë u organizuan për krijimin e organeve të
vetadministrimit të krahinës, duke marrë në dorë një pjesë të pushtetit administrativ në
zona të caktuara të Çamërisë. Në fund të vitit 1941, nacionalistët çamë të udhëhequr nga
Masar dhe Nuri Dino formuan Këshillin Administrativ të Pavarur të Çamërisë, detyra e të
cilit ishte administrimi i krahinës. Në kuadër të krijimit të strukturave shqiptare, në korrik
të vitit 1942, forcat nacionaliste çame krijuan Këshillin e Përgjithshëm të Mbrojtjes, një
organizëm ky politiko-ushtarak me qendër në Gumenicë. Kryetar i këtij këshilli u zgjodh
Masar Dino, ndërsa nënkryetar Nuri Dino. Këshilli krijoi degët e tij pothuajse në të gjithë
fshatrat çame si, Filati, Margëlliçi, Paramithi, Pargë, Mazrek, Arpicë, Varfanj etj. Detyrat
kryesore të këshillave ishin, përmirësimi i kushteve të jetesës së minoritetit çam, ruajtja e
rendit dhe qetësisë, përhapja e arsimit e të gjuhës shqipe në Çamëri.
Gjatë pushtimit italian, popullsia shqiptare e Çamërisë u mundua të organizonte
rezistencën e armatosur antifashiste. Në kuadër të organizimit politik e ushtarak, që në
pranverë të vitit 1942, u vendosën lidhjet e para me të rinj studentë çamë si, Ali Demi,
Vehip Demi, Hilmi Seiti, Petrit Demi, Kasem Demi, Abdyl Demi, Alush Sejko, etj, të
dërguar nga Tirana për organizimin e rezistencës antifashiste çame në Greqi. Në fund të
vitit 1942, në Çamëri u krijuan çetat e para të armatosura, të cilat shumë shpejt vendosën
kontakte me çetat partizane greke të EAM-it. Nismëtarë për organizimin dhe ngritjen e
këtyre çetave u bënë Musa Demi dhe Prokop Shqevi. Në fillim të vitit 1943, në Filat u
krijua njësiti luftarak, i cili në pranverë u bashkua me çetën greke të zonës, duke formuar
një formacion mikst të përbashkët. Ky formacion luftarak, më vonë u bë pjesë e
Regjimentit të XV-të të ELAS-it. Duhet theksuar gjithashtu se, për shkak të propagandës
antishqiptare, si dhe divergjencave midis drejtuesve çamë dhe grekë, disa çeta mikste u
shpërbënë që në fillim të aktivitetit të tyre. Grupi i parë i armatosur i popullsisë
muslimane çame përbëhej nga, Njazi Demi, Dervish Dojaka, Muharrem Demi, Braho
Karasani, Sami Alushi, Vehip Huso, Mustafa Sulo, Kasem Demi, Tahir Demi, si dhe nga
të krishterë si, Jani Kondi, Vangjel Dhupi, Nikolla Kukani etj. grupet e para të armatosura
të çetave të përziera përbëheshin nga 40-50 lutëtarë, por shumë shpejt numri i tyre u rrit
në 250 persona. Veprimtaria luftarake e këtyre çetave kryhej në afërsi të kufirit shqiptaro-
grek, për shkak të bashkëveprimit të tyre me çetat partizane të FN Çlirimtar shqiptar dhe
ato të EAM-it. Në kuadër të zgjerimit të luftës antifashiste në Çamëri, me mbështetjen e
FNÇ shqiptar dhe të EAM-it, në mars të vitit 1943, në fshatin Koskë u krijuar Këshilli
Antifashist Çam. Veprimtaria e KAÇ konsistonte në ruajtjen e qetësisë, propagandë
intensive kundër pushtuesve dhe bashkëpunëtorëve të tij, grumbullimin e ndihmave dhe
shpërndarjen e tyre për çetat partizane greke e shqiptare si dhe mobilizimin e popullsisë
në radhët e frontit nacional çlirimtar. Në vazhdën e formimit të formacioneve partizane
Çështja çame gjatë Luftës së Dytë Botërore Lorenc Agalliu
200
çame, në muajin qershor të vitit 1943 u krijua batalioni “Çamëria”, pjesë e të cilit ishin
qindra muslimanë çamë.
Në fund të gushtit të vitit 1943, vendin e trupave ushtarake italiane në Çamëri e
zunë ato gjermane. Duke e konsideruar Çamërinë si një qendër e rëndësishme për
organizimin e luftës antifashiste, si EAM-i grek dhe FN Çlirimtar shqiptar bënë përpjekje
për të nxitur popullsinë çame që të rreshtohej përkrahë formacioneve ushtarake partizane
greke e shqiptare. Në kuadër të bashkëpunimit të EAM-it dhe FNÇ shqiptar, në 10 gusht
të vitit 1943, në Konispol u mbajt një takim i zgjeruar në të cilin merrnin pjesë dhe
përfaqësues të minoritetit çam në Greqi, si dhe përfaqësues të pakicave greke në Shqipëri.
Në fund të takimit palët dolën me një marrëveshje të përbashkët, ku fokusi kryesor ishte
lënia pas krahëve i problemeve etnike dhe nxitja e popullsive respektive në të dy anët e
kufirit për t’u mobilizuar në rradhët e çetave partizane greke e shqiptare. Pas këtij takimi,
bashkëpunimi midis frontit të majtë shqiptar dhe atij grek erdhi duke u zgjeruar. Çetat
partizane çame qenë mjaft aktive në luftën kundër forcave gjermane. Në betejën e
Konispolit në vjeshtën e vitit 1943, e cila zgjati 55 ditë, forcat çame luftuan përkrahë
forcave partizane shqiptare, duke u bërë simbol i rezistencës kundër pushtuesit. Duke e
konsideruar luftën e popullsisë çame si një moment vendimtar për të ardhmen e saj pas
përfundimit të luftës, mbështetur dhe në parimet internacionaliste, PKSH që në pranverë
të vitit 1944 i shtoi përpjekjet për mobilizimin e kësaj popullsie në radhët e formacioneve
partizane. Në mars të këtij viti, përfaqësues të FNÇ shqiptar u dërguan në Çamëri për
mobilizimin e popullsisë çame në radhët e EAM-it. Me aprovimin e PKSH u dërguan
pranë pakicave greke në Shqipëri përfaqësues të PKG për të punuar për nxitjen e kësaj
popullsie dhe rreshtimin e saj në formacionet partizane shqiptare. PKSH iu përgjigj
pozitivisht thirrjes së PKG për pjesëmarrjen në Kongresin Panhelen, i cili zhvilloi
punimet në muajin maj 1944, duke e konsideruar këtë si një provë e bashkëpunimit dhe
fqinjësisë së mirë midis dy popujve fqinjë. Pas masakrave të qarqeve shoviniste greke të
udhëhequra nga Napoleon Zerva ndaj minoritetit çam musliman në qershor të vitit 1944,
numri i luftëtarëve çamë në radhët e çetave partizane u shtua me rreth 500 luftëtarë. Në
total, numri i luftëtarëve çamë në formacionet partizane greke dhe shqiptare deri në fund
të luftës ishte mbi 1000 luftëtarë, nga këta, 68 prej tyre dhanë jetën si dëshmorë.
Për të ruajtur të paprekur strukturat e saj ushtarake, komanda gjermane në Çamëri
lejoi ekzistencën e dy pushteteve, atë grek dhe shqiptar. Duke përfituar nga situata e
krijuar, nacionalistët çamë të udhëhequr nga Nuri, Masar dhe Rexhep Dino, të cilët
aktivitetin e tyre kolaboracionist e mbështetën në kauzën e bashkimit të Çamërisë me
Shqipërinë, shtuan përpjekjet për ngritjen e organeve shqiptare të vetadministrimit në
Çamëri. Për këtë qëllim, në fund të vitit 1943, vëllezërit Dino organizuan në Paramithi
një takim me krerët muslimanë shqiptarë të Çamërisë, ku u ra dakord që të mos njihej
administrata e mëparshme greke dhe të formohej një këshill administrativ shqiptar për
Çamërinë, qendra e të cilit do të ishte Paramithia. Për realizimin e kësaj inisiative
nevojitej dhe mbështetja e qeverisë kuislinge të Tiranës, si dhe aprovimi i heshtur i
komandës gjermane, e cila lejoi ekzistencën e sturukturave paralele vetadministruese
shqiptare. Veprimtaria e këtyre këshillave ishte mjaft e gjerë. Gjatë kësaj periudhe, me
mbështetjen e Ministrisë së Arsimit në Tiranë u bënë përpjekje për çeljen e shkollave
shqipe në Çamëri. Gjithashtu veprimtaria e këshillave u shtri dhe në fushën financiare,
atë të ruajtjes së rendit dhe qetësisë. Për këtë qëllim u krijua një forcë ushtarake me çamë
Çështja çame gjatë Luftës së Dytë Botërore Lorenc Agalliu
201
të armatosur, e cila u vu nën komandën e Nuri Dinos. Në kushtet e një zbraztësie politike
në Greqi, forcat nacionaliste çame në pranverë të vitit 1944 ishin të paorientuara
politikisht. Me afrimin e përfundimit të luftës, nacionalistët çamë u orvatën të krijonin
lidhje dhe mundësi bashkëpunimi me çdo forcë politike, qofshin këto greke, shqiptare
dhe misionet aleate perëndimore. Të gjendur pa aleatë, grupet nacionaliste çame bënë
përpjekje për të vendosur ura bashkëpunimi dhe me FNÇ shqiptar. PKSH, e cila e kishte
shpallur Nuri Dinon dhe forcat e udhëhequra prej tij, si tradhëtarë dhe bashkëpunëtorë me
pushtuesin, refuzoi kategorikisht propozimin e ardhur nga Nuri Dino në shkurt 1944 për
t’u bashkuar në një front të vetëm. Atëherë kur rreziku komunist ishte shumë pranë,
grupet nacionaliste çame gjatë muajit maj 1944, bënë përpjekje për të vendosur kontakte
me forcat politike të djathta greke dhe me misionet ushtarake aleate në Greqi dhe
Shqipëri, përpjekje këto që dështuan tërësisht.
Me largimin e trupave gjermane nga Greqia, forcat nacionaliste greke morën nën
kontrollin e tyre Çamërinë. Në këto kushte, EDES-i hartoi strategji të reja ndaj popullsisë
çame, duke u përpjekur ta përdorte atë në luftën civile kundër EAM-it. Përgjithësisht këto
përpjekje u refuzuan nga faktori çam. Në këto kushte EDES-i, së bashku me komandën
gjermane organizuan çarmatosjen e popullsisë dhe forcave nacionaliste çame, duke
siguruar njëkohësisht dhe aprovimin në heshtje të kreut të misionit ushtarak britanik
Woodhouse. E vendosur përpara një situate të tillë, popullsia çame në Greqi u gjend pa
asnjë aleat dhe e vetmuar përballë mizorive të qarqeve nacionaliste greke. Me pretekstin
se popullsia çame kishte bashkëpunuar me pushtuesit italianë dhe gjermanë, forcat
nacionaliste greke të udhëhequra nga Napoleon Zerva, nga muaji qershor e deri në fund
të vitit 1944, kryen masakra të pashembullta në kurriz të popullsisë civile shqiptare të
Çamërisë. Rezultati i këtyre masakrave për minoritetin musliman çam ishte i rëndë. Deri
në fund të vitit 1944, nga Çamëria u shpërngulën drejt Shqipërisë rreth 20 000 refugjatë
çamë. Gjatë muajit janar 1945, EAM-it dhe FNÇl shqiptar bënë përpjekje për rikthimin e
popullsisë së shpërngulur çame, por rezultati ishte vetëm 3000 deri në 5000 çamë të
riatdhesuar. Pas marrëveshjes së Varkizës në shkurt të vitit 1945 dhe krijimit të qeverisë
së koalicionit në Greqi, forcat nacionaliste greke të mbështetura dhe nga ato qeveritare,
në mars të vitit 1945, masakruan në masë dhe shpërngulën me dhunë mijëra familje çame
drejt Shqipërisë. Bilanci i krimeve të kryera nga forcat nacionaliste greke në fund të L. II.
B. mbi minoritetin shqiptar çam ishte mjaft i rëndë. Mbi 4 700 persona rezultojnë të
masakruar e të humbur gjatë këtyre masakrave. Rreth 25 000 vetë u shpërngulën me
dhunë drejt Shqipërisë. U dogjën gjithsej 61 fshatra dhe 5 800 shtëpi. U grabitën, humën
e ngordhën gjithsej rreth 127 000 kokë bagëti të imta, 1 200 lopë, buaj e qe, 625 kuaj.
Vala e dytë e masakrave dhe spastrimit etnik të Çamërisë mbylli njëherë e përgjithmonë
çështjen çame dhe i dha fund ekzistencës së minoritetit çam në Greqi.
Masakrat e shovinistëve grekë ndaj minoritetit çam u ndihmuan dhe nga qëndrimi
pasiv i misioneve britanike në Greqi dhe Shqipëri, të cilët qëndruan në rolin e sehirxhiut
dhe mbyllën sytë përpara këtyre krimeve. Madje në shumë raste ishin oficerët britanikë
ata që në emër të aksioneve kundër trupave gjermane, inkurajonin forcat zerviste për
spastrimin e Çamërisë nga shqiptarët. Nga ana tjetër, edhe komanda gjermane me
urdhërat e saj për çarmatosjen e të gjithë popullsisë civile, ndikoi jo pak në këto masakra.
Një veprim i tillë bëri që rezistenca e popullsisë dhe grupeve të armatosura çame ndaj
forcave nacionaliste greke të ishte i dobët. Reagimi i misioneve ushtarake britanike ishte i
Çështja çame gjatë Luftës së Dytë Botërore Lorenc Agalliu
202
dobët edhe pas mbërritjes së refugjatëve çamë në Shqipëri. Përpjekjet e tyre për të bindur
qeverinë greke për rikthimin e popullsisë çame në Çamëri ishin të vakta. Madje,
shqetësimi më i madh i britanikëve ishte ruajtja e pakicave greke në Shqipëri nga ndonjë
hakmarrje e mundshme e qeverisë shqiptare, si një masë për të kompesuar krimet e
kryera nga shovinistët grekë ndaj minoritetit çam.
Gjendja e komunitetit çam pas mbërritjes në Shqipëri ishte mjaft e rëndë.
Refugjatët çamë, u shpërndanë dhe u vendosën në 16 qendra kryesore grumbullimi në të
gjithë vendin, ku peshën kryesore e zinin qytetet si, Berati, Durrësi, Vlora, Fieri, Lushnja,
Kavaja. Masat e para të marra nga qeveria dhe populli shqiptar për t’u ardhur në ndihmë
këtyre familjeve ishin mjaft efikase. Populli shqiptar i priti ngrohtësisht familjet e
shpërngulura çame, duke hapur dyert për ta. Kushtet e rënda ekonomike në të cilat
ndodhej vendi, si dhe pasojat që kishte lënë lufta, nuk garantonin përmirësimin e gjendjes
ekonomike e shëndetësore të këtyre familjeve. E gjendur në kushte të tilla, qeveria
shqiptare kërkoi ndihmë nga misionet aleate që ndodheshin në Shqipëri, si dhe të
organizata e UNRRA-s. Gadishmëria e UNRRA-s për t’u ardhur në ndihmë familjeve të
shpërngulura çame bëri që të shmangej një katastrofë e vërtetë humanitare. Ndihmat e
dhëna në strehim, veshmbathje, ushqim e medikamente mjeksore për komunitetin çam
gjatë vitit 1945-1946, kapnin vlerën e 145 000 dollarëve amerikanë.
Një rol të rëndësishëm në përballimin krizës humanitare të refugjatëve çamë patën
dhe organizatat e vetë komunitetit çam në Shqipëri, të cilat u morën me organizimin e
popullsisë, evidentimin e krimeve të kryera nga shovinistët grekë kundër këtij komuniteti,
shpërndarjen e ndihmave, si dhe ndërkombëtarizimin e çështjes çame. Komitetin
Antifashist Çam, i krijuar që në shtator të vitit 1944, kishte si detyrë parësore orientimi i
popullsisë çame për të mbështetur Luftën Antifashiste Nacionalçlirimtare, përballimin e
krizës humanitare të refugjatëve çamë, si dhe tërheqjen e vëmendjes së opinionit
ndërkombëtar ndaj kësaj tragjedie. I krijuar si një organizatë politike, ky komitet pati dhe
organet e tij drejtuese, puna e të cilave ishte formimi i këshillave antifashistë çamë në
qendrat kryesore ku gjendeshin të grumbulluar refugjatët çamë. Në krye të këtij komiteti
u zgjodh Musa Demi, sekretar Taho Sejko dhe zëvendësekretar Kasem Demi. Në 25
shtator të vitit 1945, komuniteti çam në Shqipëri organizoi në qytetin e Vlorës, Kongresin
Çam, në të cilin morën pjesë dhe përfaqësues të misioneve ushtarake aleate që gjendeshin
në Shqipëri. Krimet e kryera nga qarqet shoviniste greke ndaj minoritetit çam në Greqi
gjetën një jehonë të madhe në shtypin shqiptar të kohës dhe në qarqet përparimtare
evropiane. Jehona e masakrave ndaj minoritetit shqiptar çam gjeti pasqyrim dhe në
raportet e diplomatëve të huaj të cilët gjendeshin në Greqi e Shqipëri.
Lidhur me problemin e refugjatëve çamë, qeveria shqiptare në 19 mars 1945,
thirri në Tiranë një takim me përfaqësitë aleate perëndimore. Qëllimi i këtij takimi ishte
informimi mbi gjendjen e mjerueshme të komunitetit të shpërngulur çam, njohja e
misioneve të huaja ushtarake që gjendeshin në Shqipëri me krimet e kryera nga forcat
nacionaliste greke ndaj këtij komuniteti, si dhe riatdhesimi i refugjatëve çamë në trojet e
tyre. Në kuadër të masave për ndërkombëtarizimin e çështjes çame, në dhjetor të vitit
1945, qeveria shqiptare udhëzoi KAÇ për mbledhjen e të dhënave dhe fakteve rreth
masakrave të kryera nga forcat nacionaliste greke kundër popullsisë civile çame, të dhëna
këto që do të përmblidheshin në një broshurë. Por, izolimi i qeverisë komuniste shqiptare
në arenën ndërkombëtare bëri që përpjekjet e saj për ndërkombëtarizimin e çështjes të
Çështja çame gjatë Luftës së Dytë Botërore Lorenc Agalliu
203
dështonin. Ftohja e marrëdhënieve diplomatike të qeverisë shqiptare me vendet
perëndimore dhe kryesisht me fuqitë aleate të Luftës së Dytë Botërore, luajti rol negativ
në ndërkombëtërizimin dhe zgjidhjen e çështjes çame. Krahas kësaj, qeveria shqiptare
problemin çam e shihte si një çështje, që duhej zgjidhur në bazë të parimeve të Kartës së
Atlantikut dhe parimeve ndërkombëtare të së drejtës për vetvendosjen e kombeve.
Çështja çame gjatë Luftës së Dytë Botërore Lorenc Agalliu
204
BIBLIOGRAFIA
I. BURIME ARKIVORE
1. Arkivi Qendror Shtetëror i Republikës së Shqipërisë (AQSH i RSH).
• Fondi 14/AP STR, (Arkivi Partisë).
• Fondi 17/APL, (Qarkori Gjirokastrës).
• Fondi 40/STR, Ushtria Nacional Çlirimtare Shqiptare.
• Fondi 41/STR, Fronti Nacional Çlirimtar Shqiptar.
• Fondi 126/ APL, Çeta Çamëria.
• Fondi 222/APL, Shtabi i Përgjithshëm i Ushtrisë Nacionalçlirimtare
Shqiptare.
• Fondi 270/APL, Balli Kombëtar.
• Fondi 13, Faik Konica.
• Fondi 14, Fan Noli.
• Fondi 14/AP, D.M/23, Musa Demi.
• Fondi 30, Kristo Dako.
• Fondi 35, Mid’hat Frashëri.
• Fondi 145, Qeveria e Përkohshme e Vlorës.
• Fondi 149, Këshilli Ministrave.
• Fondi 151, Ministria e Punëve të Jashtme.
• Fondi 152, Ministria e Punëve të Brendshme.
• Fondi 153, Drejtoria e Përgjithshme e Policisë.
• Fondi 154, Komanda e Xhandarmërisë.
• Fondi 161, Mëkëmbësia e Përgjithshme.
• Fondi 164, Partia Fashiste Shqiptare.
• Fondi 195, Ministria e Arsimit.
• Fondi 200, Instituti Studimeve Shqiptare.
• Fondi 317, Prefektura e Korçës.
• Fondi 448, Koleksion dokumentesh i Shoqërive Shqiptare në Zvicër.
• Fondi 494, Ministria e Ekonomisë.
• Fondi 564, Komisioni Interministerial për Furnizimet nga UNRRA.
• Fondi 890, Këshilli i Ministrave
2. Arkivi i Institutit të Historisë të Republikës së Shqipërisë, Qendra e Studimeve
Albanologjike, (AIH i RSH), Dokumente italiane, britanike dhe gjermane. Viti
1939, 1940, 1941, 1944.
3. Arkivi i Ministrisë së Punëve të Jashtme të Republikës të Shqipërisë. (AMPJ i
RSH), Viti 1944, 1945, 1946.
Çështja çame gjatë Luftës së Dytë Botërore Lorenc Agalliu
205
4. Arkivi Ministrisë së Punëve të Brendshme të Republikës së Shqipërisë,
(AMPB i RSH), Fondi UNRRA-s, viti 1945, 1946.
5. Arkivi Shtetëror Vendor Durrës, (ASHV Durrës), Fondi i Komitetit Ekzekutiv
të Prefekturës Durrës, viti 1945, 1946.
II. DOKUMENTE TË BOTUARA
• Actes agressifs du Gouvernement Monarcho-fasciste grec contre l’Albanie.
Tiranë, 1947.
• Dokumente të Shtabit të Përgjithshëm dhe të Komandës së Përgjithshme të
Ushtrisë Nacionale Çlirimtare Shqiptare, Vëll.I, Instituti i Studimeve M-L,
Tiranë, 8 nëntori 1976.
• Dokumente për Çamërinë 1912-1939, Përgatitur nga Kaliopi Nasaka, Drejtoria e
Përgjithshme e Arkivave Tiranë, Dituria 1999.
• Documenti Diplomatici Italiani, Serie 6. Vol. 3, 1918-1922, 24 marzo-22 giugno
1919, Istit.Poligrafico Dello Stato, Roma, 2009.
• Documenti Diplomatici Italiani, Serie 8, Vol. 9, (1935-1939) 24 aprile-11
settembre 1938, Istit.Poligrafico Dello Stato, Roma, 2001.
• Documenti Diplomatici Italiani, Serie 8, Vol. 11, (1935-1939) 1 gennaio-22
maggio 1939, Istit.Poligrafico Dello Stato, Roma, 2007.
• Documenti Diplomatici Italiani, Serie 9, Vol.5, (1939-1943), 11 giugno-22
ottobre 1940, Istit.Poligrafico Dello Stato, Roma 1965.
• Documenti Diplomatici Italiani, Serie 9, Vol.6, (1939-1943), 29 ottobre 1940-23
aprile 1941, Istit.Poligrafico Dello Stato, Roma, 1986.
• Documenti Diplomatici Italiani, Serie 9, Vol. 7, (1939-1943), 24 aprile 1941-11
dicembre 1941, Istit.Poligrafico Dello Stato, Roma 1987.
• Documenti Diplomatici Italiani, Serie 9, Vol.8, (1939-1943), 12 dicembre 1941-
20 luglio 1942, Istit.Poligrafico Dello Stato, Roma 1988.
• Lufta e popullit shqiptar për çlirimin kombëtar 1918-1920, Vëllimi I, Tiranë, 8
nëntori 1975.
• The resistance Movement of Nothern Epirotes 1941-1945, Athinë, 1947.
III. SHTYPI
• Bashkimi i Kombit, Tiranë, 1944.
• Bashkimi, Tiranë, 1945, 1946, 1947.
• Dielli, 1941.
• Ipiritikon, Janinë, 1945.
• Liria, Boston, 1944.
• Relazioni Internazionali, 1941, 1942.
• Tomori, Tiranë, 1940, 1941, 1942.
• Zëri i Çamërisë, Tiranë, 1945, 1946, 1947.
Çështja çame gjatë Luftës së Dytë Botërore Lorenc Agalliu
206
IV. LITERATURA
• Andre, Gianluca, La politica estera fascista durante la seconda Guerra mondiale,
në L’Italia fra tedesschi e alleati, edicione Renzo de Felice, Bolonga, 1973.
• Baldaçi, Antonio, Shqipëria e Madhe, Tiranë, Eugen 2006.
• Baltsiotis, Lambros, The Chams of Northëestern Greece, në European Journal of
Turkish Studies, 12/ 2011.
• Baltsiotis, Lambros, Çamëria: Fakte reale dhe imagjinare, Koha Jonë, Nr. 277, 7
tetor, 2002.
• Bashkurti, Lisen, Çamëria në rrugën e zgjidhjes, Tiranë, GEER, 2012.
• Battaglia, Roberto, La verita sull aggressione alla Grecia: I provocatori di
Guerra. Roma, 1953.
• Berati, Dhimitër, Mbi marrëdhëniet e Shqipërisë me Lidhjen e Kombeve, Tiranë,
H. Borshi 2007.
• Bottai, Xhuzepe, Diario 1935-1944, Milano, 1983.
• Borejsza, W. Jerzy, Greece and the Balkan Policy of Fascist Italy 1936-1940, in
Journal of Hellenic Diaspora. Pella Publishing Company, 1-2, 1986.
• Bruce, Clark, Twice a Stranger: The Mass Expulsion that Forget Modern Greece
and Turkey, Harvard University Press, 2009.
• Cervi, Mario, Storia della Guerra di Grecia, Milano, 1965.
• Ciano, Galeazzo, Diario 1937-1943, Milano, Rizzoli 2006.
• Ciano, Galeazzo, Ditari 1937-1943: Shqipëria, Tiranë, Albinform 1994.
• Clogg, Richard, Histori e Përmbledhur e Greqisë, Tiranë, Linus 2004.
• Clogg, Richard, The Struggle for Greece, Chicago, 2002.
• Crociani, Pierro, Shqiptarët në forcat e armatosura italiane 1939-1943, Romë,
2001.
• Delvina, Sherif, E vërteta mbi Epirin, Tiranë, Fllad 1999.
• Demi, M. Petrit, E vërteta në marrëdhëniet greko-shqiptare, Esse e polemika.
Tiranë, Argeta LMG 2002.
• Demi, Musa Petrit, Çamëria, tokë e përgjakur, Tiranë, ASD 2008.
• Dervishi, Kastriot, Masakra në Çamëri, Dëshmi të të mbijetuarëve, Tiranë, Sht.
Botuese 55, 2009.
• Dëzhgiu, Muharrem, Përpjekjet e forcave politike shqiptare për bashkim gjatë
Luftës së Dytë Botërore, Studime Historike Nr.1-2, Tiranë 2000.
• Dëzhgiu, Muharrem, Shqipëria nën pushtimin italian 1939-1943, Tiranë, Eneas
2015.
• Dëzhgiu, Muharrem, Mit’hat Frashëri, personalitet i denjë i nacionalizmit
shqiptar, Studime historike nr.1-4, Tiranë, 1995.
• Dëzhgiu, Muharrem, Meta Beqir, Pozita e Çamërisë dhe e çamëve gjatë Luftës së
Dytë Botërore, Studime historike, nr.1-4, Tiranë, 1998.
• Dragoj, Nuri, Shqiptarët dhe grekët, Tiranë, Vesso 2009.
• Duka, Valentina, Dokumente britanike për Shqipërinë dhe shqiptarët, vol I,
Tiranë, Toena 2012.
Çështja çame gjatë Luftës së Dytë Botërore Lorenc Agalliu
207
• Duka, Valentina, Historia e Shqipërisë 1912-2000, Tiranë, SHBLU 2007.
• Duka, Ferid, Realiteti Etnik i Dropullit, Studime Historike, Nr.3-4, Tiranë, 1991.
• Elsie, Robert, Destani Bejtullah, The Cham Albanians of Greece, Londër, B.
Tauris 2012.
• Ercolani, Antonela, L’Italia in Albania: la conquista italiano nei documenti
albanesi 1939. Romë, Liberta Universita San Pio V, 1999.
• Fazliu, Kadrije, Arsimi shqip në Çamëri, Tiranë, Mirgeeralb 2014.
• Fischer, Bernd J, Shqipëria gjatë Luftës 1939-1945, Tiranë, Çabej 1999.
• Fischer, Bernd J, Mbreti Zog dhe përpjekja për stabilitet, Tiranë, Çabej 1996.
• Fraser, J. Foster, Shqipëria e poshtme. Tiranë, Zenit 2009.
• Frashëri, Kristo, Historia e Çamërisë, Tiranë, UET 2015.
• Gerolymatos, Andre, Guerrilla Warfare and Espionage in Greece 1940-1947, N.
York, 1992.
• Goga, Iljaz, Arsimi shqip në diasporë dhe në Çamëri 1912-1944, Tiranë, Naim
Frashëri 2007.
• Grazzi, Emanuele, Il Principio della fine, L’impresa di Grecia, Romë, 1945.
• Grup autorësh, Epiri i Jugut Çamëria, Tiranë, UET PRESS 2014.
• Hibbert, Rexhinald, Fitorja e hidhur, Lufta Nacionalçlirimtare e Shqipërisë,
Tiranë, A.Z. Çajupi, 1993.
• Historia e Popullit Shqiptar, Akademia e Shkencave të Shqipërisë, Vëllimi III,
Tiranë, Toena 2007.
• Historia e Popullit Shqiptar, Akademia e Shkencave të Shqipërisë, Vëllimi IV,
Tiranë, Toena 2008.
• Hondoros, Louis John, Occupation and Resistance, The Greek Agony 1941–44.
Neë York: Pella Publishing, 1983.
• Hoti, Izber, Qëndrimi i diplomacisë italiane ndaj Shqipërisë dhe shqiptarëve,
1930-1941. Prishtinë, Akademia e Shkencave 1997.
• Hoxha, D. Ibrahim, Viset kombëtare shqiptare në shtetin grek, Tiranë, H. Tasini
2000.
• Hoxha, D. Ibrahim, Çamëria dhe Janina në vitet 1912-1922, Tiranë, H. Tahsini
1996.
• Hoxha, Enver, Dy popuj miq, Tiranë, 8 Nëntori 1985.
• Ikonomi, Ilir, Faik Konica, Jeta në Uashington, Tiranë, Onufri 2011.
• Isufi, Hajredin, Çamëria nëpërmjet kronikave të kohës 1902-1940, Tiranë, Pegi
2007.
• Isufi, Hajredin, Çamëria, studime historike-sociologjike shek.XIII-XX, Tiranë,
Pegi 2006.
• Isufi, Hajredin, Musa Demi dhe qëndresa çame 1800-1947, Tiranë, Dudaj 2002.
• Isufi, Hajredin, Jasin Sadiku kapedani çam, Tiranë, Naimi 2012.
• Isufi, Hajredin, Aspekte të islamizimit në Çamëri, Studime Historike, nr.3-4,
Tiranë, 2004.
• Jakomoni, Francesco. Gjysma ime shqiptare, Tiranë, ORA 2005.
• Jakomoni, Francesco, Politika e Italisë në Shqipëri, Tiranë, 55, 2005.
Çështja çame gjatë Luftës së Dytë Botërore Lorenc Agalliu
208
• Jelavic, Charles dhe Barbara, Themelimi i shteteve Kombëtare të Ballkanit,
Tiranë, Dituria, 2004.
• Kaba Hamit, UNRRA në Shqipëri 1944-1947, Tiranë, Akademia e Shkencave
2000.
• Kentrotis, Kiriakos, Myths and Realities about minorities in Greece. The case of
the moslem chams of Epirus. Balkan Studies, Sofie 1995.
• Kentrotis, Kiriakos, The Course of Greek-Albanian Relations after the Second
World War and the Question of the Muslim Chams, in: Balkan Studies,
Thesalonika, Vol.34.2, 1993.
• Kokosalakis, Nikos and Psimmenos Iordanis, Modern Greece: A profile of
Identity and Nationalism, Panteion University, Athinë, 2002.
• Kola, Aristidh, Arvanitasit dhe prejardhja e grekëve, Tiranë, Shtëp. Bot. 55 2002.
• Konica, Faik, Shqipëria kopshti shkëmbor i Europës Juglindore, Tiranë, Shtëpia
Botuese 55, 2010.
• Kotini, Albert, Çamëria denoncon, Tiranë, Fllad 1999.
• Kotini, Albert, Tre gurët e zezë në Prevezë, Tiranë, Fllad 2000.
• Kondis, Basilis, Greqia dhe Shqipëria në shek.XX, Selanik, 1997.
• Kondis, Basilis. Greece and Albania 1908–1914. Thessaloniki: Institute for
Balkan Studies, 1976.
• Krapsitis, Basilis, E vërteta historike për çamët muslimanë, Athinë, 1992.
• Krapsitis, Basilis, Istoria tu Margaritiu, Athinë, 1992.
• Krapsitis, Basilis, Çamët muslimanë të Thesprotisë, Athinë, 1986.
• Kretsi, Georgia, The secret Past of the Greek-Albanian Bordelands. Cham
muslims Albanians: Perspectives on a Conflict over Current Rights. Ethnologia
Balkanica, Mynih Germany, Vol.6, 2002.
• Krisafi, Ksenofon, Marrëdhëniet shqiptaro-greke në sfondin e Traktatit të
Miqësisë dhe hijeve të Ligjit të Luftës, Tiranë, UET 2014.
• Ktistakis, Giorgos, Properties of Albanians and Chams in Greece: Nullification of
the State of War and international protection of human rights. Athinë 2006.
• Ktistakis, Giorgos, The Agricultural Seftlement of Refugees: A surce of
Productive Work and Stability in Greece, 1923-1930. In Agriultural History
Arkansas, USA, 2005.
• Kuçuku, Bashkim, Çështja çame dhe integrimi evropian: Konferencë shkencore,
qershor 2004. Tiranë, Arbëria 2004.
• Kuçuku, Jonuz, Koha e provave të mëdha, Lufta antifashiste dhe ngjarje historike
në trevën e Çamërisë, Tiranë, Dituria 2007.
• Kuçuku, Jonuz, Epiri dhe Thesprotia në shekuj, Tiranë, Dituria 2012.
• Kuçuku, Veledin, Historiku i Batalionit partizan Çamëria, Tiranë, Geer 2004.
• Liço Filip, Probleme të marrëdhënieve greko-shqiptare, Tiranë, Neraida 2009.
• Malltezi, Luan, Delvina, Sherif, Mid’hat Frashëri, Ministri Fuqiplotë në Athinë,
Çështja Çame, Tiranë, Via Egnatia 2013.
• Malakasses, John T. Zervas Ousting, From the Greek Government, Janinë, 1984.
• Manda, Eleftheria, Çamët muslimanë të Epirit 1923-2000, Tiranë, Toena 2015.
Çështja çame gjatë Luftës së Dytë Botërore Lorenc Agalliu
209
• Manda Eleftheria, The Cham of Albania and the Greek State, 1923-1945, in
Journal of Muslim Minority Affairs. Londwr, 2009.
• Manda, Eleftheria, Muslim Chams of Epirus and Word War II. From irredentism
to collaboration. Study Group & elia, Samothraki, July 2004.
• Margaritis, Jorgos, Bashkëpatriotë të padëshiruar, Çamët dhe Hebrenjtë, Tiranë,
Bota shqiptare 2009.
• Martuci, Donato, Tokat e çliruara shqiptare II, Çamëria, Tiranë, ICEBERG 2013.
• Martuci, Donato, Le terre albanesi rredente: La Ciameria tra irredentismo
Albanese e propaganda fascista, Universiteti Salento, Itali, 2014.
• Mazouer, Mark, After the War Was Over, Princeton University Press, 2000.
• Mazouer, Mark, Inside Hitler’s Greece: The Experience of Occupation 1941-
1944. Yale University Press, 2001.
• Mehmet, Ahmeti, Çështja çame në kërkim të një zgjidhjeje, Tiranë, Arbëria 2006.
• Merxhushi, Nexhat, Spastrimi etnik në Çamëri: unë 9 vjeçari që “bashkëpunova”
me nazifashistët. Tiranë, Natyra 2015.
• Meta, Beqir, Tensioni greko-shqiptar, Tiranë, Geer 2002.
• Meta, Beqir, Tragjedia Çame, Tiranë, Sejko 2002.
• Meta, Beqir, Kosova dhe Çamëria në gjysmën e parë të shek.XX. Studime
Historike, nr.3-4, Tiranë 2005.
• Meyer, Frank Herman, Buldtiges Edelweiss. Die 1. Gebirgs-Division im Zweiten
Weltkrieg, Berlin, Christoph Links Verlag, 2008.
• Michalopoulos, Demetres, Çamët, Arsenidhis, Athinë 1993.
• Michalopoulos, Demetres, The Moslems of Chamuria and the Exchange of
Population between Greece and Turkey. in Balkan Studies, Vol.2, 1986.
• Micheletta, Luca, La questione di Ciamuria e l’ attacco italiano alla Grecia del
28 ottobre 1940, in Clio, rivista trimestrale di Studi Storici, vol.40, No.3, 2004.
• Micheletta, Luca, Il sostegno alla Grande Albania: il caso del Kosovo, in
“L’occupazione italiano della Jugoslavia 1941-1943, Firenze, Le Lettere, 2009.
• Micheletta, Luca, L resa dei conti: Il Kosovo, L’Italia e la dissoluzione della
Jugoslavia, 1939-1941, Roma, Edizioni Nuova Cultura 2008.
• Milo, Paskal, Shqiptarët në Luftën e Dytë Botërore, Vëllimi I, Tiranë, Toena
2014.
• Minga, Hasan, Çamëria,- vështrim historik, Tiranë 2006.
• Minga, Hasan, Saqe, Hilmi, Genocidi grek kundër Çamërisë vazhdon, Tiranë,
Arbëria 2004.
• Montanelli, Idro, Cervi, Mario, L’Italia dell Asse (1936-10 giugno 1940), Milano,
Rizoli 1980.
• Naska, Kaliopi, Dokumente për Çamërinë, 1912-1939, Tiranë, Dituria 1999.
• Naska, Kaliopi, Mbrojtja e të drejtave në Lidhjen e Kombeve 1920-1936, Botuar
nga Instituti i Studimeve për Çamërinë, Tiranë, Arbëria 2005.
• Naska, Kaliopi, Çështja çame në Lidhjen e Kombeve në vitet 1920-1936, Arkivi
Shqiptar, Viti 6, Nr.1-2, Drejtoria e Përgjithshme e Arkivave, Tiranë, 2005.
Çështja çame gjatë Luftës së Dytë Botërore Lorenc Agalliu
210
• Nazarko, Mentor, Pesha e kohës në zgjidhjen e çështjes së pronësisë në Çamëri
në procesin e europianizimit të Greqisë dhe Shqipërisë, Tiranë, UET 2014.
• Nazarko, Mentor, Lufta e fundit, Pronat e shqiptarëve në Greqi. Tiranë, UET
2007.
• Papadakis, B.P, Historia diplomatike e çështjes së Epirit të Veriut 1912-1957,
Athinë, 1957.
• Papastratis, Procopis, British Policy towards Greece during the Second World
War, 1941-1944. Cambridge: University Press, 1984.
• Pearson, Ouen, Albania in okupation and War: from fascism to communism 1940-
1945. London, I. B Tauris 2005.
• Pechoux, Yves Pierre, et Michel, Sivignon, L’eviction des Tchamides d’Epire
Occidentale en 1944, in Revue de la Societe d’ Ethnographie de Paris, 1989, Vol.
85, nr.106.
• Pettifer, James, Woodhouse, Zerva dhe çamët. Tiranë, Onufri 2010.
• Puto, Arben, Lufta italo – greke, diktator dhe kuislingë. Tiranë, Toena 2011.
• Puto, Arben, Pavarësia shqiptare dhe diplomacia e Fuqive të Mëdha 1912-1914,
Tiranë, 8 nëntori 1978.
• Puto, Arben, Nëpër analet e diplomacisë angleze, Tiranë, Albin 2001.
• Rama, Fatmira, Çamëria në vitet 1912-1940, Tiranë, UET 2014.
• Rama, Fatmira, Problemi çam në Lidhjen e Kombeve (1923-1926), Studime
historike, Nr.1-2, Tiranë, 2007.
• Rama, Fatmira, Shtypi shqiptar rreth copëtimit të Shqipërisë në Konferencën e
Londrës të vitit 1913, Studime historike, Nr.3-4, Tiranë, 1999.
• Rama, Fatmira, Konica në kulturën shqiptare në vitet 1925-1939, në Studime
Albanologjike, Universitetit Tiranës, Tiranë, 1996.
• Rama, Fatmira, Dukuri arsimore gjatë Luftës së Dytë Botërore, Tiranë, Argeta-
LMG, 2005.
• Rama, Fatmira, Traktati i Lozanës, shpërnguljet dhe shpronësimi 1923-1926,
Instituti i Studimeve për Çamërinë, Tiranë, Arbëria 2005.
• Sadiku, Blerina, Lindja e çështjes çame 1820-1943. Tiranë, Naimi 2011.
• Sami, Rrepishti, Mbi Çamërinë, Shkodër, Feniks 2002.
• Sami, Repishti, Hyrje në problemin e Çamërisë, Tiranë, UET 2014.
• Sharra, Jani, Istoria tis periohis Igumenicas (1500-1950), Athinë, 1985.
• Sheme, Selman, Çamëria,-vendi, popullsia, jeta ekonomike, Tiranë, Progres 2005.
• Sheme, Selman, Vështrim gjeografik (Çamëria), Tiranë, UET 2014.
• Silajxhiç, Haris, Shqipëria dhe SHBA në arkivat e Uashingtonit, Tiranë, Dituria,
1999.
• Smirnova, Nina, Historia e Shqipërisë përgjatë shekullit XX, Tiranë, Ideart 2004.
• Sula, Asllan, Dy netë që ngrinë Romën: mbijetesa e popullit shqiptar gjatë luftës
italo-greke. Tiranë, Eugen 2001.
• Tomori, P. Kosta, Barbaritë greke në Shqipëri 1913-1914, Tiranë, Naimi 2012.
Çështja çame gjatë Luftës së Dytë Botërore Lorenc Agalliu
211
• Triandafilopoulos, Triandafilos, Power politics and nationalist discourse in the
struggle for Northern Epirus; 1919-1921. In Journal of Southern and the Balkans,
vol.2, nr.2, viti 2000.
• Tsuderos, Emmanuele, Greek white book: diplomatic documents relating to
Italy’s aggression against the Greece. London, 1942.
• Umilta, Carlo, Jugosllavia dhe Shqipëria. Kujtime të një diplomati, Milano,
Garzanti 1947.
• Vakallopullos, A. Kostandinos, Historia e helenizmit verior, Selanik, 1992.
• Veremis, Thanos and Gerolymatos, Andre, The Military as a Sociopolitical Force
in Greece, 1940-1949. Pella Publishing Company, 1996.
• Verli, Marenglen, Raportet e shqiptarëve me fqinjët dhe Evropën në periudhën
midis dy luftërave botërore, Gjurmime albanologjike-seria e shkencave historike,
Nr.28-29, Tiranë, 1998-1999.
• Vikers, Miranda, Ç’po bëhet me çështjen çame, Tiranë, Bota shqiptare 2008.
• Vikers, Miranda, The Cham Issue,- Albanian National and Property Claims in
Greece, Qendra e Studimeve Ballkanike, 2002.
• Vikers, Miranda, The Cham Issue, Were to Now? Prishtinë, Era 2002.
• Vikers, Miranda, Shqiptarët një histori moderne, Tiranë, Bota shqiptare 2008.
• Vikers, M dhe J. Pettifer, Çështja shqiptare. Riformëzimi i Ballkanit. Tiranë, Bota
shqiptare 2007.
• Xhufi, Pëllumb, Rreth etnisë së Epirit gjatë mesjetës, në Studime historike, Nr.1-
4, Tiranw, 1998.
• Zhango, Nikos, Imperializmi anglez dhe rezistenca kombëtare, 1940-1945, Vëll. I
dhe II, Athinë, 1978.
SHKURTIME
BKÇ Balli Kombëtar Çam
BKSH Balli Kombëtar Shqiptar
EAM Ethniko Apeleftherotiko Metopo, (Fronti Nacional Çlirimtar Grek)
EDES Ethnikos Dimokratikos Ellinikos Syndesmos,(Fronti Kombëtar
Republikan Grek)
ELAS Ethnikos Laikos Apeleftherotikos Stratos, (Fronti Nacional Çlirimtar
Popullor Grek)
FNÇSH Fronti Nacional Çlirimtar Shqiptar
KAÇ Këshilli Antifashist Çam
KANÇSH Këshilli Antifashist Nacional Çlirimtar Shqiptar
ML Military Liasons
PKG Partia Komuniste Greke
PKSH Partia Komuniste Shqiptare
UNÇSH Ushtria Nacional Çlirimtare Shqiptare
UNRRA United Nations Relief and Rehabilitation Administration, (Administrata e
Kombeve të Bashkuara për Ndihmë dhe Rimëkëmbje)