teymisvinna*kennara*í* grunnskólastarfi · 2018. 10. 12. ·...
TRANSCRIPT
Háskólinn á Akureyri
Hug-‐ og félagsvísindasvið
Kennaradeild
2015
Teymisvinna kennara í
grunnskólastarfi
Höfundur: Guðrún Hanna Sigurjónsdóttir
Lokaverkefni
Háskólinn á Akureyri
Hug-‐ og félagsvísindasvið
Kennaradeild
2015
Teymisvinna kennara í
grunnskólastarfi
Höfundur: Guðrún Hanna Sigurjónsdóttir
Leiðsögukennari: Anna Ólafsdóttir
Lokaverkefni til 180 eininga B.Ed.-‐prófs í kennarafræðum
Yfirlýsing
Ég lýsi því hér með yfir að ég ein er höfundur þessa verkefnis og að það er ágóði eigin
rannsókna.
Undirskrift höfundar:
_____________________________________________________________________
Það staðfestist hér með að lokaverkefni þetta fullnægir að mínum dómi kröfum til
B.Ed.-‐prófs í kennarafræðum.
Undirskrift leiðsögukennara:
_____________________________________________________________________
Ágrip
Teymisvinna er nokkuð nýtilkomið hugtak innan íslenska skólasamfélagsins. Þessir nýju starfshættir í skólastarfi vöktu athygli mína þegar ég var á fyrsta ári í kennslufræðum við Háskólann á Akureyri. Markmiðið með þessari ritgerð var að dýpka eigin skilning á teymisvinnu kennara og reyna að mynda mér skoðun á þessum tilteknu starfsháttum út frá gagnrýnu sjónarhorni. Þetta leitaðist ég við að gera með upplýsingaöflun gegnum fræðilegar bækur og greinar sem og leit á veraldarvefnum. Í ritgerðinni eru skilgreiningar á hugtakinu „teymisvinna kennara“ skoðaðar, fjallað um eðli og eiginleika teymisvinnu kennara en einnig hvernig teymi eru mynduð og hvað mótar þau. Helstu kostum og takmörkunum teymisvinnu kennara eru gerð skil og að lokum er fjallað um á hvaða hátt Aðalnámskrá grunnskóla fjallar um teymisvinnu kennara. Teymisvinnu kennara má skilgreina þannig að tveir eða fleiri einstaklingar vinni saman í hóp og setji sér sameiginleg markmið. Eðli teymisvinnunnar getur verið mismunandi. Einstaklingar þurfa ekki endilega að starfa á sama tíma í teyminu né heldur kenna sama hópi. Marga þætti þarf að hafa í huga þegar kemur að því að setja saman teymi, þeir snúa meðal annars að markmiðasetningu og almennu skipulagi, samskiptum innan hópsins og hlutverki hans. Ef teymi starfar vel saman getur ávinningur þess meðal annars verið aukin þekking á námi nemenda og fjölbreyttari kennsluhættir en auk þess getur samvinna teymismeðlima dregið úr einangrun kennara. Aftur á móti er margt sem getur farið úrskeiðis í teymisvinnu. Þar er fyrst að nefna tímann sem fer í samvinnu kennara, hann getur auðveldlega farið til spillis, til dæmis í almennar umræður sem ekki tengjast skólanum. Þá getur vantraust og misræmi í skipulagi og markmiðasetningu orðið til þess að teymi nái ekki að starfa eins vel og áætlað var. Aðalnámskrá grunnskóla fjallar þrjá þætti tengda samvinnu sem þó fjalla ekki með beinum hætti um teymisvinnu kennara, þó má ætla að gott samstarf kennara þeirra á milli leiði til jákvæðrar hugsunar nemenda í tengslum við samvinnu.
Abstract
Teamwork among teachers is quite a new concept in the Icelandic school community. This subject caught my attention during my first year study in pedagogy at the University of Akureyri. My goal with this thesis is to deepen my understanding of teachers’ teamwork and try to comprehend exactly what is my opinion on this teaching mode in a critical way. The main focus in this thesis is to find out what cooperation and teachers’ teamwork is, the nature of teamwork, what forms and shapes that kind of work and finally to discuss whether teachers’ teamwork appears in the National curriculum. These topics will be addressed in a theoretical way. My results are that teachers’ teamwork can be described as a way where two or more individuals work in a cooperative way with collective goals. The work can be done in different ways, the individuals do not necessarily have to work at the same time nor teach the same group. When it comes to putting a team together there are many factors to look at. These are, for example, the communication within the group, setting collective goals, planning the teamwork, the role of the group along with the role that each individual within the group has. If the teamwork is doing well it can increase each individual’s knowledge of education, give them a wider range of teaching methods and the cooperation can sometimes reduce the isolation of teachers. However, various things can go wrong. The time that is spent on planning the cooperation can easily go to waste in general talks between the teachers that are not related to the school society. In addition, distrust and discrepancies in the structure and objectives can lead to the collapse of the team. The curriculum shows three factors related to cooperation that however, do not discuss directly about teachers’ teamwork. Never the less it can be assumed that effective teamwork between teachers will lead the students to positive thinking towards cooperation.
Þakkarorð höfundar/persónuleg gullkorn
Ég vil þakka leiðbeinanda mínum, Önnu Ólafsdóttur, fyrir nákvæma og greinargóða
leiðsögn frá upphafi til enda og einnig einstakan stuðning og hvatningu í vinnuferlinu.
Einnig vil ég þakka íslenskukennara mínum, Finni Friðrikssyni, fyrir góða aðstoð á
lokasprettinum við yfirferð og uppsetningu ritgerðarinnar.
Þá vil ég þakka móður minni, Olgu Ásrúnu Stefánsdóttur, fyrir einstakan stuðning
og leiðsögn við vinnu þessarar ritgerðar þrátt fyrir að hún sé sjálf í vinnu og að skrifa
Mastersritgerðina sína.
Að lokum vil ég þakka kærastanum mínum, Gísla Guðmanni, fyrir ómældan
stuðning við gerð ritgerðarinnar. Hann hefur stutt mig á hverjum degi, dekrað við
mig og séð til þess að mér og litla bumbubúanum okkar líði vel.
1
Efnisyfirlit
Yfirlýsing ............................................................................................................. ii
Ágrip .................................................................................................................. iii
Abstract ............................................................................................................. iv
Þakkarorð höfundar/persónuleg gullkorn ............................................................ v
Efnisyfirlit ............................................................................................................ 1
Myndaskrá .......................................................................................................... 3
1. Inngangur ........................................................................................................ 4
2. Hvað er teymisvinna kennara? ......................................................................... 5
2.1 Hópar, teymi og samvinna ..................................................................................... 5
2.2 Almenn skilgreining á hugtakinu „teymisvinna“ .................................................... 6
2.3 Teymisvinna kennara ............................................................................................ 6
2.4 Eðli og eiginleikar teymisvinnu kennara ................................................................ 7
3. Myndun og mótun teyma .............................................................................. 10
3.1 Forsenda fyrir góðu teymi ................................................................................... 11
3.2 Samskipti og skipulag .......................................................................................... 13
3.3 Skipan í teymi og mismunandi hlutverk ............................................................... 15
3.4 Markmiðasetning og þróun náms ........................................................................ 16
4. Kostir og gallar teymisvinnu kennara ............................................................. 18
4.1 Hver er ávinningur teymisvinnu? ......................................................................... 18
4.2 Hverjar eru takmarkanir teymisvinnu? ................................................................ 19
5. Aðalnámskrá grunnskóla og teymisvinna kennara ......................................... 20
6. Samantekt ..................................................................................................... 22
7. Umræða ........................................................................................................ 24
7.1 Mín reynsla ......................................................................................................... 24
7.2 Hvað fáum við út úr teymisvinnu? ...................................................................... 25
7.3 Hvaða áhrif hefur teymiskennsla á nám nemenda? ............................................. 25
7.4 Hvernig tengjast einstaklingsmiðað nám og teymisvinna kennara? ..................... 26
7.5 Er teymisvinna kennara tískufyrirbæri eða komin til að vera? ............................. 27
2
7.6 Lærdómurinn ...................................................................................................... 28
8. Lokaorð ......................................................................................................... 29
Heimildaskrá ..................................................................................................... 30
3
Myndaskrá
Mynd 1. Teymisvinna kennara. Mynd eftir og í eigu höfundar.
4
1. Inngangur
Skólar og starfsfólk þess eru stöðugt að þróa nám og kennslu til að stuðla að bættum
námsárangri nemenda. Sá starfsháttur sem er að færast í aukana hérlendis er
teymisvinna kennara. Það sem vakti áhuga minn á viðfangsefni ritgerðarinnar er
vaxandi teymisvinnukennsla á Íslandi.
Viðfangsefni þessarar ritgerðar er að skoða skilgreiningu hugtaksins „teymisvinna
kennara” og hvað í því felst. Þó að hægt sé að setja fram tiltölulega einfalda
skilgreiningu á hugtakinu liggur mikið á bakvið það. Því mun ég leitast við að svara
eftirfarandi spurningum í tengslum við teymisvinnu:
• Hvað er teymisvinna kennara?
• Hvað myndar og mótar teymisvinnu kennara?
• Hverjir eru kostir og takmarkanir teymisvinnu kennara?
• Hvað segir núgildandi Aðalnámskrá grunnskóla um teymisvinnu kennara?
Ritgerðin er byggð upp á þann hátt að á eftir inngangi kemur fræðilegur kafli þar
sem leitast er við að svara þeim spurningum sem settar voru fram í inngangi. Þar á
eftir verða niðurstöður dregnar saman. Því næst koma umræður með vangaveltum
höfundar í tengslum við teymisvinnu kennara. Ritgerðin endar á lokaorðum sem
draga saman meginefni ritgerðar.
5
2. Hvað er teymisvinna kennara?
Teymisvinna getur verið misjöfn eftir þátttakendum, viðfangsefnum og hvaða
hlutverki teymi á að gegna hverju sinni. Teymisvinna kennara á Íslandi er tiltölulega
nýtilkomin en er að færast í aukana ár frá ári.
Í þessum kafla mun ég fjalla um hvað felst í skilgreiningu á hugtakinu „teymisvinna
kennara“ ásamt því að rýna í eðli slíkrar vinnu.
2.1 Hópar, teymi og samvinna
Áður en kemur að því að skilgreina hugtakið „teymisvinna kennara“ er mikilvægt að
átta sig á muninum milli hópavinnu, teymis og samvinnu. Þessi orð verða mikið
notuð hér á eftir og því nauðsynlegt að vita í hvaða samhengi þau eru notuð.
Hægt er að skilgreina hugtakið „hópvinna“ þannig að um sé að ræða ferli þar sem
tveir eða fleiri einstaklingar vinna að sama verkefni, með sameiginleg markmið. Þetta
geta verið vinir en þurfa þó ekki að vera það. Tengslin geta líka verið þau að
einstaklingar séu sammála um ákveðið efni sem snerta vinnu þeirra. Forsendur fyrir
því að ákveðnir einstaklingar geti kallað sig hóp eru að einhver tengsl séu milli þeirra.
Ef allir einstaklingar innan hópsins vinna að einhverju tilteknu verkefni er talað um
teymi. Teymi er þannig hægt að skilgreina sem eina tegund af hópavinnu þar sem
einstaklingar vinna saman að sameiginlegum markmiðum sem teymið hefur sett sér í
afmörkuðu viðfangsefni. Teymið þarf að mæta ýmsum kröfum og starfar oft og
tíðum undir álagi. Ástæður fyrir því geta verið ýmsar, svo sem tímamörk, kostnaður,
samkeppni og eiginleikar viðfangsefna hvers teymis (Haukur Ingi Jónsson og Helgi
Þór Ingason, 2012, bls. 16, 108 og 109).
Í hverju teymi er samvinna lykilþáttur þar sem allir einstaklingar innan þess þurfa
að vinna sem ein heild. Samvinnu má skilgreina á þann hátt að tveir eða fleiri aðilar
vinni að sama markmiði og taki sameiginlega ábyrgð á því. Samvinna getur verið
mismunandi innan hópa. Eðli málsins samkvæmt má gera ráð fyrir að verkefni séu
líklegri til að heppnast ef tveir eða fleiri einstaklingar sameina þekkingu sína í stað
þess að þeir vinni einir síns liðs (Haukur Ingi Jónsson og Helgi Þór Ingason, 2012, bls.
80; Nanna Kristín Christianssen, 2010, bls. 68). Hér á eftir verður einnig fjallað um
hópavinnu og samvinnu þegar talað er um teymisvinnu almennt.
6
2.2 Almenn skilgreining á hugtakinu „teymisvinna“
Samkvæmt orðabókum á veraldarvefnum má skilgreina teymisvinnu sem
samvinnuverkefni tveggja eða fleiri einstaklinga sem vinna saman í teymi að ákveðnu
markmiði þar sem megináhersla er lögð á árangur teymisins í heild. Slík teymisvinna
getur oft verið lykilatriði þar sem nauðsynlegt getur reynst að starfsfólk vinni vel
saman og á það við um hvaða kringumstæður sem er. Teymisvinna þýðir að
einstaklingar reyna að vinna saman með því að nota einstaklingsbundna hæfileika
sína og veita uppbyggilega endurgjöf án þess að það valdi erjum milli einstaklinga
(Dictionary.com, 2015; WebFinance Inc, 2015). Teymisvinna getur verið mismunandi
eftir því hverjir eiga í hlut og hvert verkefni hópsins er. Ein tegund slíkrar vinnu er
teymisvinna kennara.
2.3 Teymisvinna kennara
Þegar talað er um teymisvinnu kennara er átt við samvinnu þeirra um ákveðin
verkefni, til dæmis kennslu nemendahópa eða stefnumál sem kennarar vinna að
hverju sinni. Í teymisvinnunni deila kennarar oft ábyrgð á kennslunni og eftirfylgni
nemenda. Hún getur þó einnig verið án sameiginlegrar ábyrgðar kennara á
nemendum og án daglegra samskipta þeirra á milli (Goetz, 2000; Katrín
Frímannsdóttir, 2008, bls. 13; Kroll-‐Schwarts, 2004). Frederiksen (2004) hefur bent á
að alltof fáum kennurum gefist tækifæri til að skipuleggja, innleiða og meta
þverfaglega vinnu sína sem teymi. Það geti verið gott fyrir kennara að koma saman í
slík skipulögð teymi, en í því sambandi þarf að huga að stærð teymisins og miða það
við fjölda nemenda hverju sinni (bls. 15).
Ein tegund teymisvinnu kennara er teymiskennsla. Teymiskennsla felur í sér
sameiginlega ábyrgð tveggja eða fleiri kennara sem vinna reglulega og markvisst að
hjálpa nemendum á öllum aldri með nám sitt. Það gera kennarar með fjölbreyttri
kennslu, og daglegum samskiptum sín á milli og samstarfi með nemendahópa sem
þeir bera sameiginlega ábyrgð á. Tilgangur hennar er að deila ábyrgð á bæði
undirbúningi og framkvæmd og ábyrgð á námi og líðan nemendanna, ásamt því að
gefa kennurum tækifæri til þess að vaxa og þroskast í starfi (Goetz, 2000; Katrín
Frímannsdóttir, 2008, bls. 13; Team Teaching – advantages, disadvantages, 2015).
7
Teymisvinna kennara er vandmeðfarin. Það þarf margt að ganga upp til þess að
viðunandi árangur náist. Samvinna kennara snýr að nokkrum þáttum í starfinu en þó
fyrst og fremst að teymið setji sér skýr markmið sem hver einstaklingur innan þess
vinnur eftir. Markmiðin geta snúið bæði að teyminu sjálfu og vinnunni sem fer þar
fram en einnig að nemendahópnum sem teymið mun kenna.
2.4 Eðli og eiginleikar teymisvinnu kennara
Af ofangreindri umfjöllun er ljóst að hugtakið teymisvinna nær til margra
mismunandi þátta í starfi og getur farið fram á marga mismunandi vegu. Ýmsir hafa
leitast við að greina eðli og eiginleika teymisvinnu kennara.
Þrepaskipting Kroll-‐Scwart
Kroll-‐Schwartz (2004, bls. 12) hefur skipt gerðum teymisvinnu kennara niður í fjögur
mismunandi stig sem gefa til kynna um hvers konar samvinnu er að ræða hverju
sinni:
Þrep 1: Samráðsteymi (Lærersamarbejde): Kennarar vinna eftir markmiðum sem
teymið hefur sett sér þar sem áhersla er lögð á nemendur. Þetta gerir teymið til
dæmis með því að fara sameiginlega yfir verkefni nemenda ásamt því að vinna
saman að ákveðnum verkefnum til þess að spara tíma. Í þessu skrefi er ekki lögð
sérstök áhersla á samvinnu kennara og samskipti þeirra á milli (bls. 13).
Þrep 2: Verkefnabundið samvinnuteymi (Udvidet lærersamarbejde): Kennarar
vinna eftir markmiðum sem teymið hefur sett sér ásamt því að þróa markmið
fyrir nemendur. Teymið vinnur til dæmis sameiginlega að stórum verkefnum sem
leggja á fyrir bekkinn og fer yfir þau í sameiningu. Þá setja kennarar sér
sameiginleg viðmið um mat á verkefnum nemenda. Þeir ræða saman um
félagslega stöðu nemenda innan bekkjarins, ásamt því að ræða um nám og færni
nemenda. Á þessu þrepi er áherslan einnig lögð á nemendur en engin sérstök
áhersla lögð á samvinnu kennara og samskipti þeirra á milli (bls. 13).
Þrep 3: Samvinnuteymi (Lærerteam): Kennarar vinna eftir markmiðum sem
teymið hefur sett sér. Þeir þróa markmið fyrir nemendur ásamt því að þróa
hlutverk og markmið kennaranna innan teymisins. Það gerir teymið til dæmis
með því að ræða saman um þá vinnu sem fram fer innan teymisins og vinna
8
meðvitað með markmið hópsins og hugmyndir um hvernig hægt sé að byggja upp
og bæta samvinnu teymisins. Áhersla er lögð á bæði fræðilegt og persónulegt
nám nemenda. Einnig leggur teymið áherslu á að vinna með samvinnuna og
samskiptin sín á milli (bls. 13).
Þrep 4: Námsteymi (Det lærende team): Kennarar vinna eftir markmiðum sem
teymið hefur sett sér, þróa markmið fyrir nemendur og hlutverk og markmið
kennaranna innan teymisins. Starf teymisins einkennist af löngu og bindandi
samstarfi þar sem allir einstaklingar þess vinna með virðingu gagnvart öðrum
meðlimum hópsins. Teymið vinnur markvisst að því að þróa samvinnuna, meðal
annars með sjálfsskoðun. Hópurinn leitast við að nýta kunnáttu og þekkingu
hvors annars og vinna á uppbyggilegan hátt með ágreiningsefni innan teymisins.
Áhersla er lögð bæði á fræðilegt og persónulegt nám nemenda. Einnig leggur
teymið áherslu á að vinna með samvinnuna og samskiptin sín á milli (bls. 13).
Flokkun Goetz
Goetz (2000) skiptir teymiskennslu upp í flokka eftir því um hvers konar teymisvinnu
er að ræða hverju sinni. Annars vegar er það flokkur A, sem hann skiptir niður í sex
mismunandi gerðir, og hins vegar flokkur B sem hefur fimm ólíkar gerðir.
A: Tveir eða fleiri kennarar kenna sama nemendahóp, á sama tíma, í sama rými.
Hefðbundin teymiskennsla: Í þessu tilviki deila kennarar ábyrgð á úthlutun
leiðbeininga og efni til nemenda. Til dæmis getur einn kennari kynnt efni fyrir
nemendum og annar búið til hugtakakort um verkefnið.
Samvinnukennsla: Hér vinna kennarar saman að því að setja upp námskeið og
efni fyrir nemendur með því að ræða saman, skiptast á hugmyndum og reynslu.
Hér vinna kennarar ekki aðeins saman heldur nota einnig hópavinnubrögð fyrir
sína nemendur innan bekkjarins. Ávinningur þessa þáttar er sú reynsla sem hver
einstaklingur öðlast við teymisvinnuna.
Samvinna kennara með stuðningi frá öðrum: Í því felst að einn kennari ber ábyrgð
á kennsluefni nemenda á meðan annar kennari tekur að sér eftirfylgni
námsefnisins og skoðar námstæknina hverju sinni.
Samhliða kennsla: Í þessum þætti er bekknum skipt í tvo hópa og hver kennari er
ábyrgur fyrir því að báðir hóparnir fái sams konar kennslu.
9
Fjölbreyttir nemendahópar innan bekkjarins: Þessi kennsluaðferð felur í sér þá
hugmynd að skipta nemendum bekkjarins í litla hópa eftir námsþörfum. Hver
kennari sér um einn hóp og veitir honum viðeigandi aðstoð.
Aðstoðarkennari: Með þessari aðferð ber einn kennari tekur ábyrgð á að
leiðbeina heilum bekk eða nemendahópi á meðan annar kennari fylgist með
kennslunni, skilningi og hegðun nemenda.
B: Kennarar vinna saman, ekki endilega með sömu nemendur og ekki
nauðsynlega á sama tíma.
Teymismeðlimir hittast og skiptast á hugmyndum og rannsóknum en vinna
sjálfstætt: Hér hittast kennarar í teymum þó þeir kenni ekki endilega sama
nemendahóp og ekki á sama tíma. Þeir ræða sín á milli um það sem á sér stað
innan skólans hverju sinni, deila hugmyndum sín á milli og skipuleggja
skólanámskrána saman.
Kennarateymi sem deila verklagi sínu með öðrum teymismeðlimum: Hér kennir
hver kennari sínum nemendahópi en deilir reynslu sinni og skipulagi með öðrum
kennurum eins og námsskipulagi, kennsluáætlunum, viðbótarefni og hvernig
takast eigi á við vandamál sem upp kunna að koma í kennslu.
Kennarar kenna mismunandi undirhópum sem tilheyra einum stórum
nemendahóp: Hér deila kennarar ábyrgð á einum stórum hópi en hver kennari
kennir þó aðeins einum undirhópi.
Einn kennari setur saman kennsluáætlun fyrir allt teymið: Þetta líkan nær ekki yfir
allt teymið þar sem aðeins einn kennari gerir áætlun. Þetta getur átt sér stað
vegna tíma-‐ og fjárhagsskorts sem getur valdið því að þetta skipulag lendir á
einum einstaklingi innan hópsins.
Teymið býr til sameiginlega áætlun sem hver kennari aðlagar að sínum
nemendahóp: Dæmi um það gæti verið ef sjö kennarar væru með sjö
mismunandi viðfangsefni í sjö mismunandi nemendahópum og skiptust á að
stjórna hverjum hóp, þetta myndar eins konar hringekju.
Hér að framan sést hvernig útskýra má eðli teymisvinnu á mismunandi hátt. Kroll-‐
Schwartz talar um fjögur þrep teymiskennslunnar. Sum teymi fara í gegnum öll þessi
10
þrep, byrja á þrepi 1 og fóta sig svo áfram í áttina að næstu þrepum með því að þróa
og bæta teymið sem heild. Goetz (2000) talar aftur á móti um tvenns konar
teymiskennslu þar sem teymisvinna kennaranna er annars vegar þess eðlis að
kennarar vinna saman að öllum þáttum nemendahópsins á sama tíma og hins vegar
þannig að kennarar vinna saman að ákveðnum þáttum tengdum nemendahópnum.
Þessi tvö dæmi um greiningu og flokkun teymisvinnu kennara sýna vel að eðli hennar
og eiginleikar geta verið mismunandi. Það skiptir til dæmis máli hvert viðfangsefnið
er, hverjir taka þátt í teymisvinnunni og hversu lengi samvinnan stendur yfir. Það er
þó margt fleira sem þarf að huga að þegar kemur að teymisvinnu kennara. Meðal
annars á hvaða hátt teymin eru mynduð og hvernig hægt er að þróa þau í átt að
góðu samstarfi.
3. Myndun og mótun teyma
Í þessum kafla mun ég fara yfir hverjar eru forsendur fyrir góðu teymi, hvort skipan
og stærð teymis skiptir máli ásamt því að fjalla um lengd samvinnunnar og hvernig
flokka megi einstaklinga í mismunandi hlutverk innan teymis.
Í bók sinni um teymisvinnu talar Sven Frederiksen (2004) um að ekki sé hægt að
taka því sem sjálfgefnu að ljóst sé hvað þurfi til þess að skapa gott teymi. Það er
vandasamt verk að setja saman teymi og sjá hverjir vinna vel saman og hverjir ekki.
Undirbúningur einstaklinga innan teymisins er veigamikill hluti í teymisvinnunni (bls.
15). Teymisvinnan byggist á sameiginlegri ábyrgð og þekkingu á nemendum. Því þarf
undirbúningur fyrir kennslu að vera sameiginlegur þar sem allir taka þátt. Þá þarf
starfsandi teymisins að vera góður og það er viss áskorun fyrir hvern meðlim innan
þess að viðunandi árangur náist hverju sinni. Fjöldi og form af samvinnuverkfærum
geta verið mismunandi á milli teyma, en það þarf að vera einhvers konar skipulag á
samvinnunni ef kosið er að vinna í árangursríkri og faglegri teymisvinnu. Eitt af því
sem hafa þarf í huga þegar unnið er í samstarfi við aðra er að þróa ramma sem
stuðlar að sveigjanleika samvinnunnar. Þar er hægt að spyrja sig spurninga eins og
hvert er viðfangsefni teymisins, á hvaða tíma er það og á hvaða hátt viljum við vinna
það? (Frederiksen, 2004, bls. 15 og 18; Katrín Frímannsdóttir, 2008, bls. 13).
11
Þegar teymi byrjar á ákveðnu viðfangsefni er margt sem þarf að huga að. Mörg
teymi takast á við verkefni án þess að vera almennilega tilbúin til þess. Skilyrði innan
teymisins er að vera fær um samvinnu í mismunandi verkefnum sem hópurinn
stjórnar á sinn eigin hátt. Einstaklingar innan hópsins taka eigin reynslu sem þeir hafa
öðlast, til dæmis úr námi eða fyrri störfum, með sér inn í teymið og aðlaga það að
viðfangsefnum þess hverju sinni (Frederiksen, 2004, bls. 17).
Það er því margt sem þarf að skoða, til dæmis skipan í teymi, hvernig teymið vinnur
saman og hvers ætlast er til af hverjum og einum innan þess.
3.1 Forsenda fyrir góðu teymi
Hér verður leitast við að svara því hverjar forsendur fyrir góðri teymisvinnu séu?
Johnson og Johnson (1991) tala um mikilvægi samvinnu nemenda. Þeir segja að
samvinna snúist ekki um að einstaklingar sitji hlið við hlið, við sama borð og tala
saman á meðan þeir vinna að sömu verkefnum hvor í sínu lagi. Það sé heldur ekki að
vera hluti af hópi þar sem einn nemandi sér um alla vinnuna og aðrir innan hópsins
njóti góðs af. Fyrir þeim er samvinna öllu heldur að vinna saman með öðrum
nemendum, ræða efnið saman, hjálpa hver öðrum og deila þekkingu sinni með
hópnum. Þessir þættir eiga ekki síður við um samvinnu almennt og þá sérstaklega
teymisvinnu kennara.
Höfundarnir leggja til fimm þætti sem þurfa að vera til staðar við framkvæmd og
skipulagningu samvinnunáms til þess að hámarka heildarárangur hópsins. Þessir
þættir eru jákvæð samvirkni, hvetjandi samskipti, persónuleg ábyrgð einstaklingsins,
færni í mannlegum samskiptum og úrvinnsla hópavinnu (bls. 55).
Jákvæð samvirkni (Positive Interdependence): Hér veltur velgengni eins á
árangri annars. Hópurinn er ein heild sem þarf að vinna saman, með sameiginleg
markmið til þess að ná árangri. Það þurfa allir meðlimir að gera sér grein fyrir
mikilvægi hvers og eins innan hópsins og passa að allir taki virkan þátt. Jákvæð
samvirkni fæst með þeim aðstæðum þar sem hver meðlimur hópsins vinnur að
því markmiði að gera vel fyrir hag hópsins (bls. 55-‐56).
12
Hvetjandi samskipti (Face-‐to-‐Face Promotive Interaction): Hér er gerð grein fyrir
mikilvægi jákvæðra samskipta innan hópsins þar sem allir meðlimir hans eru á
staðnum (augliti til auglitis). Hér skipta samvinna og munnleg samskipti miklu
máli ásamt því að hver meðlimur hvetji aðra áfram með hrósi og stuðningi (bls.
56-‐57).
Persónuleg ábyrgð einstaklingsins (Individual Accountability and Personal
Responsibility): Framlag hvers einstaklings innan hópsins skiptir miklu máli, það
er að hver og einn geri sitt besta til þess að hámarka árangur hópsins. Það er
mikilvægt að einstaklingar teymisins þekki hver annan til þess að geta metið hver
þarf meiri hjálp, stuðning og hvatningu til þess að komast í gegnum þetta stig.
Það er einnig mikilvægt að hver og einn meðlimur átti sig á því að það virkar ekki
að reyna komast áfram á framlagi einhvers annars (bls. 57-‐58).
Færni í mannlegum samskiptum (Interpersonal and small group skills):
Mikilvægt er að geta talað eðlilega saman sem hópur. Það er ekki meðfæddur
hæfileiki að eiga í árangursríkum samræðum við annað fólk, það þarf að læra og
þjálfa. Þetta getur til dæmis verið gert með því að kynnast einstaklingum innan
hópsins, læra að treysta þeim, ræða saman um ágreiningsefni og styðja hver
annan (bls. 58).
Úrvinnsla hópavinnunnar (Group Precessing): Á þessu stigi ræða meðlimir
hópsins um hvernig vinnan gengur og skoða árangur sinn út frá markmiðum
hópsins. Hópurinn ræðir saman um það sem er gott en einnig hvað mætti gera
betur. Tilgangur þessa stigs er að hópurinn átti sig á þeim árangri sem hann hefur
náð sameiginlega. Þetta gerir það að verkum að hver og einn fær endurgjöf á sitt
hlutverk. Hópurinn lítur bæði á það sem er gott og slæmt og sýnir þeim hversu
árangursrík samvinnan og samskipti hópsins eru (bls. 58-‐59).
Eins og sést hér skipta samskipti og skipulag í hópavinnu miklu máli. Hér á eftir
verður fjallað nánar hvernig hægt er að uppfylla þessa þætti Johnson og Johnson út
frá teymisvinnu kennara.
13
3.2 Samskipti og skipulag
Haukur Ingi Jónsson og Helgi Þór Ingason (2012) gera grein fyrir sex lykilþáttum sem
þurfa að vera til staðar ef hámarka á árangur í teymisvinnu og mannlegum
samskiptum kennara á milli. Í fyrsta lagi þarf hver einstaklingur að þekkja sjálfan sig
og vera meðvitaður um hugsanir sínar, viðbrögð og samskiptastíl. Í annan stað þarf
hver einstaklingur að geta sett sig í spor annarra og öðlast skilning á líðan þeirra,
hugsun og viðbrögðum. Í þriðja lagi þurfa allir þátttakendur að geta myndað tengsl
við aðra, hvort sem það er við staka meðlimi eða hópinn í heild. Fjórða atriðið lýtur
að því að einstaklingar séu meðvitaðir um og tilbúnir til að bæta úr því sem betur
mætti fara. Í fimmta lagi þarf hver meðlimur að hafa myndað sér skoðun á hvernig
hann vill bæta og þroska samskipti sín við aðra. Að síðustu skal hver og einn þekkja
þau gildi sem eru mikilvæg til að þroskast innan hópsins og hegða sér eftir þeim
(Haukur Ingi Jónsson og Helgi Þór Ingason, 2012, bls. 34).
Þátttakendur teymis þurfa að vera óhræddir við að miðla af þekkingu sinni, reynslu
og hugmyndum og vera fullir af metnaði til þess að uppfylla kröfur og væntingar
annarra teymismeðlima. Hver og einn þarf að vera tilbúinn til þess að ræða margs
konar mál, jafnvel það sem flokkast undir sjálfsagða hluti. Umræða sem þessi getur
verið lærdómsrík og örvandi fyrir teymisvinnunna og þétt hópinn. Allir þurfa að segja
sína skoðun sem getur verið krefjandi en á þann hátt koma ólíkar skoðanir fram sem
teymismeðlimir þurfa síðan að læra að vinna úr (Frederiksen, 2004, bls. 17).
Mikilvægt er að gæta þess að samskipti innan hópsins séu opin og eðlileg. Gæta þarf
þess að allir tjái raunverulegar skoðanir sínar í stað þess að sammælast öðrum ef þeir
eru ef til vill ekki sammála. Þess vegna er mikilvægt að nýta skoðanaskipti á
jákvæðan hátt og halda uppi gagnrýnum samræðum í gegnum samvinnuna. Á þann
hátt geta margar mismunandi skoðanir komið í ljós og hópurinn sér svo um að meta í
sameiningu og komast að sameiginlegri niðurstöðu með markmið teymisins að
leiðarljósi (Haukur Ingi Jónsson og Helgi Þór Ingason, 2012, bls. 81).
Sömu höfundar og áður greindi frá telja samskiptafærni grundvöll þess að fólk geti
unnið saman í hóp með öðrum. Skilningur á hvað felst í að vera í hóp og hafa
samskipti við aðra innan hans náist ekki af sjálfu sér, né heldur með því að lesa
fræðilegar bækur um efnið, heldur aðallega með reynslu af því að vera í hópastarfi.
Þeir benda einnig á að til að byggja upp samskiptafærni sé mikilvægt að hver og einn
14
meðlimur hópsins sé meðvitaður um að leggja sitt af mörkum í þeirri viðleitni að
þroska samskiptafærni sína ásamt því að hjálpa öðrum teymismeðlimum og leggja
áherslu á að hópavinnan krefjist trúnaðar og trausts. Þeir segja ráðlegt að einn hafi
orðið hverju sinni og á þann hátt að allir innan hópsins geti heyrt og fylgst með því
sem hann hefur fram að færa. Markmiðið með þessari aðferð sé að gera alla
þátttakendur færari í mannlegum samskiptum. Meðlimir hópsins ræða í þessum
tilgangi um líðandi stund, tilfinningar, upplifanir og skoðanir sínar. Að lokum leggja
höfundar áherslu á að mikilvægt sé að endurgjöf meðlima sé heiðarleg og markviss
(Haukur Ingi Jónsson og Helgi Þór Ingason, 2012, bls. 32-‐33).
Allt skipulag teymis fer fram í gegnum samskipti á teymisfundum. Því má segja að
lykillinn að teymisvinnu séu samskipti og samvinna. Krøll-‐Schwartz (2004) talar um
að samskipti teymisins þurfi að eiga sér stað á skipulögðum fundum sem hafa
ákveðna dagskrá. Hver fundur verði að vera vel skipulagður og nýttur í samskipti milli
teymismeðlima þar sem áhersla sé lögð á að þróa og bæta samvinnuna (bls. 35).
Goetz (2000) bendir á að áður en farið sé í framkvæmd á teymisvinnu þurfi
einstaklingar innan teymisins að læra að treysta öðrum teymismeðlimum og læra á
samskipti sín á milli.
Þegar kemur að skipulagningu teymisfunda þarf að átta sig á hvert innihald
fundarins skal vera hverju sinni. Innihald fundanna og sá tími sem í þá fer getur verið
mismunandi eftir viðfangsefni og einstaklingum teyma hverju sinni. Uppbygging
þeirra gefur teymismeðlimum möguleika á að nota tímann á áhrifaríkan og
árangursríkan hátt. Það þarf að forgangsraða og finna út hverjir áhersluþættirnir eiga
að vera, teymin þurfa að ræða saman sín á milli og koma sér saman um sameiginleg
markmið sem hver og einn meðlimur hópsins ætlar að tileinka sér og fara eftir.
(Frederiksen, 2004, bls. 19-‐23). Goetz (2000) bendir á ýmis atriði sem vert er að huga
að í upphafi teymisvinnu. Þau eru meðal annars að skoða hvert viðfangsefnið sé, í
hvaða röð eigi að vinna að því, hvaða markmið eigi að setja og hvert hlutverk
teymismeðlima sé. Þegar teymisvinnan er farin af stað og hefur staðið um nokkurn
tíma sé gott að skoða hvernig hægt sé að bæta samstarfið, hvort einhver vandamál
hafa komið upp, hvernig hægt sé að takast á við þau og vinna í átt að betri árangri.
Mikilvægt er að nýta teymisfundi vel og hafa gott skipulag því það er algengt
vandamál að umræður á teymisfundum fari úr skorðum þar sem umræðuefnið er
15
fljótt að breytast og kennarar fara til dæmis að tala almennt um vinnuna sína en ekki
það sem átti að taka fyrir á tilteknum fundi (Troen og Boles, 2010, bls. 61).
3.3 Skipan í teymi og mismunandi hlutverk
Þegar kemur að því að velja einstaklinga í teymi er lykilatriði að huga að því hvert
hlutverk teymisins er og út frá því sjónarhorni er hægt að skoða hvaða einstaklingar
eru líklegir til að vinna vel saman til þess að fá sem bestu niðurstöðu. Það er misjafnt
eftir teymum hvort og hvernig meðlimir þess skipta með sér hlutverkum. Það fer að
miklu leyti eftir því hvert hlutverk hópsins í heild er, hvers eðlis samvinnan er og
lengd hennar. Goetz (2000) talar um mikilvægi þess að hafa einn stjórnanda þegar
unnið er í teymi þar sem þrír eða fleiri vinna saman. Stjórnandinn ber ábyrgð á ytri
aðgerðum hópsins. Ábyrgðin felst til dæmis í því að stjórna teymisfundum, passa að
halda skipulagi fundarins og að allir séu virkir. Hann sér um samskipti við
deildarstjóra eða fagstjóra og situr reglulega fundi með þeim þar sem hann kemur
skoðunum og óskum teymisins á framfæri. Það er líka á hans ábyrgð að tryggja að
teymið sé að vinna að réttum markmiðum og að hver einstaklingar teymisins styðji
hvern annan í vinnu sinni innan teymisins. Aðrir meðlimir teymisins bera ábyrgð,
ásamt stjórnandanum, á innri aðgerðum hópsins. Í því felst að tryggja að allir
meðlimir taki virkan þátt í samvinnunni og umræðum sem fram fara innan hópsins,
sjá um skipulagningu teymisvinnunnar og verkefna nemenda auk þess sem þeir bera
ábyrgð á þróun nýrra leiða í kennslunni. Þá þurfa allir einstaklingar teymisins að taka
ábyrgð á starfi sínu og fylgja eftir þeim ákvörðunum og áætlunum sem teymið setur
sér og skila verkefnum af sér innan setts tímaramma (Goetz, 2000; Haukur Ingi
Jónsson og Helgi Þór Ingason, 2012, bls. 109; Frederiksen, 2004, bls.25).
Krøll-‐Schwartz (2004) skipar teymismeðlimum í hlutverk og lýsir níu mismunandi
hlutverkum:
Hugmyndasmiður: Er frumlegur, skapandi og hugsandi. Hann lítur á erfið
vandamál út frá nýjum sjónarhornum.
Upplýsingafulltrúi: Er vinnusamur við upplýsingasöfnun, ákafur, forvitinn og
upplýsir aðra meðlimi hópsins. Hann skoðar möguleika og heldur uppi
samskiptum innan hópsins.
16
Umsjónarmaður: Er þroskaður, öruggur og traustur. Hann stýrir stefnu teymisins,
mótar markmið og framfylgir ákvörðunum.
Drifkraftur hópsins: Er líflegur, framsækinn, áhugasamur og drífandi. Setur pressu
á vinnu hópsins og leitar markvisst að leiðum í kringum hindranir.
Greiningaraðili: Greinir, er hlutlaus, heldur athygli vel og fer eftir markmiðum.
Hann er nákvæmur og hefur góða dómgreind. Hann lítur skynsamlega á þætti
málsins.
Leiðbeinandi: Heldur utan um hópinn, sýnir skoðunum annarra athygli og skapar
gott andrúmsloft innan teymisins.
Yfirlesari: Er varkár, nákvæmur og samvinnufús. Fer vel yfir verkefni, leitar að
mistökum og leiðréttir.
Sérfræðingur: Hjálpar til með sérhæfða þekkingu og tæknikunnáttu. Sterkt
faglegt sjálfstraust með áherslu á eigin markmið og verkefni sín (bls. 21-‐22).
Þessi hlutverk eru sett upp með það að markmiði að teymi geti skipað meðlimum
þess í ákveðin hlutverk. Það getur auðveldað alla samvinnu því þá veit hver og einn
til hvers er ætlast af honum innan teymisins. Skipan í hlutverk fer eftir viðfangsefni
og vinnu hverju sinni. Það er ekki nauðsynlegt að í hverju teymi séu níu einstaklingar
heldur getur hver og einn tekið að sér þrjú til fjögur hlutverk. Þessi hlutverkaskipting
er til þess gerð að finna það besta hjá hverjum og einum með það að leiðarljósi að
teymisvinnan gangi eins vel fyrir sig og hægt er (Krøll-‐Schwartz, 2004, bls. 21-‐22).
Skipan í teymi og hlutverk innan teyma er aðeins einn af mörgum þáttum sem huga
þarf að í teymiskennslu. Annað mikilvægt verkefni er að teymi setji sér skýr markmið
sem allir einstaklingar þess eru tilbúnir til þess að fara eftir.
3.4 Markmiðasetning og þróun náms
Eitt af því sem huga þarf að við uppbyggingu teyma er markmiðssetning, skipulag og
þróun samvinnunnar. Tilgangur markmiðssetningar er að teymið viti hver tilgangur
þess er og til hvers er ætlast af því. Markmiðin þurfa að vera skýr svo að meðlimir
geti tileinkað sér þau og viti hvernig eigi að fara eftir þeim. Skipulag getur verið
mismunandi eftir því hvers eðlis teymisvinnan er. Það þarf þó að ákveða fjölda
teymismeðlima, samskiptahætti, hlutverk hvers og eins og hversu lengi teymisvinnan
skal standa yfir. Árangur teymisins byggist á færni einstaklinganna í samvinnu. Þess
17
vegna þarf hver og einn að þróa hæfileika í samskiptum við aðra meðlimi, styðja hver
annan, dreifa ábyrgð, skipta vinnu og ljúka verkum á tilsettum tíma. Með tímanum
læra meðlimir inn á veikleika og styrkleika hver annars. Það þarf einnig að tryggja
rétt andrúmsloft því það eykur líkur á góðum tengslum milli meðlima, ýtir undir
samheldni og eykur áhuga og trúnað hvers og eins (Haukur Ingi Jónsson og Helgi Þór
Ingason, 2012, bls. 110-‐111).
Börkur Hansen og Steinunn Helga Lárusdóttir (2014) tala um að þróun náms og
kennslu megi líta á sem eitt mikilvægasta verkefnið í stjórnun skóla þar sem
kennslufræðileg forysta skólastjórnenda skiptir höfuðmáli (bls. 98). Skólastjórnendur
geta gengt lykilhlutverki í myndun teyma og þróun kennara í starfi. Í niðurstöðum
rannsókna þeirra á stjórnun og skipulagi kemur fram að eitt meginviðfangsefni
íslenskra skólastjórnenda sé að þróa og efla kennsluhætti í sínum skólum. Þeir gera
það flestir með óbeinum stuðningi og leiðsögn utan kennslustofunnar sem felst í að
skapa aðstæður sem styðja starfsþróun kennara þar sem þeir geta breytt og bætt
starfsaðferðir sínar í samstarfi við aðra (bls. 105).
Glickman, Gordon og Ross-‐Gordon (2010) tala um tvenns konar líkön sem
skólastjórnendur geta farið eftir í leiðsagnarhlutverki sínu. Það er annars vegar
hefðbundna líkanið og hins vegar samstarfs-‐ og stuðningslíkanið. Hefðbundna líkanið
felur í sér að skólastjórnendur meta kennarana á vettvangi og veita þeim leiðsögn út
frá því. Samstarfs-‐ og stuðningslíkanið er hins vegar veigameira. Líkt og hefðbundna
líkanið byggir það á leiðsögn stjórnenda á vettvangi en auk þess veita
skólastjórnendur kennurum óbeinan stuðning og leiðsögn utan kennslustofunnar.
Gagnaöflun er mikilvægur liður og ein áhrifaríkasta aðferðin í þróun kennsluhátta og
með þessum líkönum gefst kennurum tækifæri til þess að meta starfshætti sína í
samvinnu við aðra. Til dæmis með formlegum viðræðum, með því að fylgjast með
kennslustundum hjá samkennurum eða horfa á upptökur af kennslustund (bls. 9-‐13).
Þessi aðferð er ein leið sem skóla-‐ og/eða teymisstjórnendur geta farið við
undirbúning teymisvinnu kennara og komist þannig að því hvaða kennarar eiga vel
saman og geta unnið saman að ákveðnum verkefnum. Þessi aðferð tryggir kennurum
aðstæður til þess að meta og þróa starfshætti sína þar sem lögð er áhersla á
samvinnu, traust og metnað til að gera betur og þróa skólann í átt til fagveldis
(Börkur Hansen og Steinunn Helga Lárusdóttir, 2014, bls. 88).
18
Teymisvinna krefst þess að einstaklingar þrói með sér gott samstarf sín á milli. Með
þróun kennsluhátta afla kennarar sér upplýsinga um námsefnið og það er lykilatriði í
því að geta veitt ráðgjöf um kennslufræðileg málefni. Mikilvægt er að einhver fylgist
með teymisvinnu kennara og oftar en ekki eru það skólastjórnendur sem vinna það
verkefni (Börkur Hansen og Steinunn Helga Lárusdóttir, 2014, bls. 88).
4. Kostir og gallar teymisvinnu kennara
Hér verður fjallað annars vegar um ávinninginn af teymisvinnu kennara og hins vegar
um helstu takmarkanir hennar.
4.1 Hver er ávinningur teymisvinnu?
Haukur Ingi Jónsson og Helgi Þór Ingason (2012) telja að hver einstaklingur innan
kennarateymis búi yfir ákveðnum hæfileikum og þekkingu sem hann getur nýtt innan
hópsins. Það er ekki nóg að fá marga góða einstaklinga inn í hópinn, það er
mikilvægara að þeir sem í teymið koma nái vel saman og vinni sem ein heild. Til þess
að slíkur árangur náist þurfa allir teymismeðlimir að geta talað saman skýrt,
greinilega, hreinskilnislega og uppbyggilega. Þannig lærir hver og einn inn á aðra
meðlimi teymisins. Forsenda þessa er að andrúmsloft innan hópsins sé afslappað og
fólk sé ófeimið við að tjá skoðanir sínar ásamt því að deila reynslu sinni og þekkingu
með kennarateyminu (bls. 109-‐110). Þetta staðfesta niðurstöður rannsókna Troen og
Boles (2010) þar sem komið hefur í ljós skólar geti búist við ávinningi af því að láta
kennara starfa saman í teymum. Þar sem hver kennari nýtur ákveðins stuðnings frá
öðrum meðlimum hópsins getur teymisvinnan dregið úr einangrun kennara, aukið
samvinnu og auðveldað kennurum að deila rannsóknum, hugmyndum og efni sín á
milli ásamt því að nýta sameiginlega styrkleika hvers kennara (bls. 59).
Teymin geta hjálpað einstaklingum innan þess að sigrast á einangrun í kennslu.
Þegar kennari kennir einn hefur hann lítinn sem engan tíma né tækifæri til að tala við
samstarfsfélaga sína jafnvel þó hann sé mikið í kringum aðra starfsmenn. Með því að
vinna saman geta meðlimir teymis rætt saman um viðfangsefni sem tengjast
nemendum, til dæmis hvað varðar hegðun og aga, hvernig hægt sé að hvetja þá til
dáða og auk þess hafa þeir meiri tíma til þess að vinna með vitsmunalegan þroska
nemenda (Goetz, 2000).
19
Teymismeðlimir koma inn í samvinnuna með mismunandi skipulag, kennsluaðferðir
og undirbúning. Það getur verið gott fyrir kennara að ræða þessa þætti sín á milli.
Þannig geta kennarar nýtt teymisvinnuna til þess að þróa nýjar kennsluaðferðir og
vinnutækni og komist að sameiginlegri niðurstöðu. Þá hafa rannsóknir sýnt fram á að
teymisvinna kennara er góð leið í átt til faglegrar þróunar kennara sem aftur getur
leitt til aukins námsárangurs nemenda (Goetz, 2000; Troen og Boles, 2010, bls. 59).
Árangur teyma fer eftir því hvernig þeim tekst til við að nýta og samhæfa framlag
og vinnu allra í hópnum, setja sér sameiginleg markmið og skipuleggja og þróa
sérkenni teymisins (Haukur Ingi Jónsson og Helgi Þór Ingason, 2012, bls. 109).
4.2 Hverjar eru takmarkanir teymisvinnu?
Teymisvinna snýst um að þróa og skipuleggja nám nemenda sinna og það er
tímafrekur hluti af fundartímum. Auk þess fer oft mikill tími í spjall kennara um
viðfangsefni sem tengjast jafnvel ekki kennslunni á nokkurn hátt. Það er því hægt að
segja að tíminn, sem er mjög mikilvægur þáttur þegar kemur að því að sinna
undirbúningi, geti farið til spillis. Þetta má oft rekja til þess að kennara skorti
nauðsynlega hæfileika til þess að nota tímann á árangursríkan hátt. Það þarf því að
byrja að þjálfa hæfni til funda snemma. Í því felst að starfsfólk er þjálfað í að sitja
fundi með fyrirfram ákveðnum umræðum, svo að meðlimir fái að kynnast jákvæðu
samstarfi og tímastjórnun sem aftur tryggir hnökralaus samskipti á komandi fundum
og í samskiptum inni í kennslustofunni (Goetz, 2000; Troen og Boles, 2010, bls. 59).
Á meðan teymiskennslunni stendur verða á vegi kennaranna óteljandi skyndifundir
sem snúa að því að skipuleggja námskeið, búa til markmið og reglur, semja próf, fara
yfir verkefni, ákveða hvernig eigi að takast á við erfiða nemendur og hvernig eigi að
bæta kennsluefni inn í stundatöflu nemenda. Það er því mikilvægt að teymi geri sér
grein fyrir þeim tíma sem fer í teymisvinnu og reyni að koma í veg fyrir árekstra sín á
milli svo að teymið nái sem bestum árangri. Ágreiningur innan kennarateymis getur
leitt til aukins skilnings milli meðlima en aftur á móti getur hann einnig valdið ríg á
milli þeirra. Ef slíkt gerist getur verið best fyrir teymið að hætta samstarfinu þar sem
nemendur er fljótir að skynja þá neikvæðu spennu sem kann að myndast milli
kennaranna sem aftur getur leitt til vandræða við nám nemenda (Goetz, 2000).
20
Ýmsar ástæður geta verið fyrir því að samvinna í teymi gengur ekki eins og áætlað
var. Þar má nefna atriði eins og vantraust, mismunandi skipulag, viðkvæmni og
ójafnvægi í vinnuframlagi. Einnig má stundum rekja það til mismunandi
starfshlutfalls kennara innan teymis en erfitt getur verið að skipuleggja vinnuna ef
kennarar eru ekki allir til staðar á sama tíma. Þá hafa rannsóknir sýnt að teymi skortir
oft þekkingu og meðlimir þess geta verið tregir til að leita sér aðstoðar utan
teymisins. Áður hefur verið bent á að markmiðssetning teymisins er mjög mikilvægur
þáttur en stundum hefur teymisvinna engin skýr markmið eða tilgang heldur fer
teymið eftir ákveðnu formi af samvinnu sem hentar ekki öllum teymum, sem aftur
getur leitt til þess að samvinnan virkar ekki sem skyldi. Að lokum má nefna að
kennarateymi eru oft valin í kringum ákveðin málefni sem eru mikilvæg á einum
tímapunkti í stað þess að líta á teymisvinnuna hluta af daglegu starfi kennara (Katrín
Frímannsdóttir, 2008, bls. 13; Troen og Boles, 2010, bls. 59).
Til þess að leiða framhjá takmörkunum sem kunna að verða á vegi teymismeðlima
er mikilvægt að teymið setji sér ákveðin markmið og fari eftir þeim til þess að tryggja
árangur hópsins. Ef teymin skortir markmiðasetningu eða vinna að hálfum hug hættir
hópnum til þess að ná síður árangri sem hópur (Troen og Boles, 2010, bls. 59-‐60).
5. Aðalnámskrá grunnskóla og teymisvinna kennara
Í þessum kafla mun ég fjalla um hvort og hvernig Aðalnámskrá grunnskóla hefur að
geyma einhver skilaboð sem lúta að teymisvinnu kennara. Það verður meðal annars
gert með því að rekja stuttlega þá þróun sem hefur orðið á starfsháttum í
skólastarfinu á Íslandi og fjalla um hvað núgildandi námskrá segir um teymisvinnu.
Grunnskólalögin 1974, mörkuðu tímamót þegar í fyrsta skipti var lögfest sú
hugmynd að grunnskólinn væri fyrir alla og bæri skylda til þess að koma til móts við
fjölbreyttar þarfir nemenda (Loftur Guttormsson, 2008, bls. 299). Lengi vel var
stefnan að koma til móts við nemendur með námsörðugleika með því að taka þá út
úr bekknum í sérkennslu eða beita öðrum sérúrræðum en með breyttri
menntastefnu, sem meðal annars endurspeglast í lögum um grunnskóla frá 2008,
hafa slík úrræði vikið og áhersla verið lögð á hugmyndafræði skóla án aðgreiningar
(Lög um grunnskóla, 2008). Í skóla án aðgreiningar er áhersla lögð á að útrýma hvers
21
kyns aðgreiningu nemenda, hvort sem um er að ræða nemendur með
námsörðugleika eða bráðgera nemendur. Þáttur í því er að mæta þörfum hvers
nemanda á hans eigin forsendum án aðgreiningar frá bekkjarfélögum. Með því er
reynt að tryggja sem best fullt jafnrétti meðal nemenda (Loftur Guttormsson, 2008,
bls. 320-‐321; Mennta-‐ og menningarmálaráðuneytið, 2013, bls. 43).
Þegar lögin frá 1974 voru sett tíðkaðist sú hefð að kennarar kenndu einir í lokuðum
rýmum og skólastofum. Í dag hefur þróunin orðið sífellt meira í þá átt að kennarar
starfi í samvinnu, hópavinnu og/eða teymisvinnu (Loftur Guttormsson, 2008, bls.
321). Íslenskir grunnskólar eru þannig í síauknu mæli byrjaðir að innleiða
teymiskennslu þar sem kennarar hjálpast að með ákveðin viðfangsefni nemenda eða
jafnvel kenna saman bekkjarhópum.
Í Aðalnámskrá grunnskóla er fjallað um þætti tengda samvinnu í þrenns konar
samhengi. Í fyrsta lagi er umfjöllun um samvinnu sem snýr að nemendum, í öðru lagi
samvinnu skóla og heimila og í þriðja lagi leggur námskráin áherslu á þverfaglega
samvinnu kennara og fagfólks í tengslum við upplýsinga-‐ og tæknimennt.
Í umfjöllun um samvinnu nemenda kemur meðal annars fram að samvinna og
sjálfstæði sé einn af þeim fimm flokkum sem hæfniviðmið við lok 4., 7. og 10. bekkjar
skiptast í. Þessi flokkur er skilgreindur sem hæfni til að vinna sjálfstætt, í samstarfi
við aðra og undir leiðsögn. Undir þessum flokki koma svo áfangamarkmið við lok
hvers bekkjar út frá þessum punkti. Það kemur einnig fram að einn af
útgangspunktum skólastarfsins sé að þjálfa nemendur í frumkvæði, sjálfstæðri
hugsun og þjálfun þeirra til samvinnu með öðrum (Mennta-‐ og
menningarmálaráðuneytið, 2013, bls. 32, 87 og 89).
Í umfjöllun Aðalnámskrár grunnskóla um samvinnu við foreldra kemur fram að
samstarf milli heimila og skóla sé mikilvægur þáttur í að stuðla að alhliða þroska
nemenda og þátttöku þeirra í lýðræðisþjóðfélagi. Einnig kemur fram að samstarfinu
sé ætlað að tryggja almenna velferð, öryggi nemenda og farsælt skólastarf. Menntun
og velferð nemenda er sameiginlegt verkefni heimila og skóla, segir í Aðalnámskrá
grunnskóla, og því er mikilvægt að samvinna þar á milli byggist á trausti, virðingu,
sameiginlegri ábyrgð og ákvörðunum ásamt upplýsingamiðlun í báðar áttir. Í þessu
tilfelli gegnir umsjónarkennari lykilhlutverki í að gott samstarf náist. Upplýsingagjöf á
milli heimila og skóla er mikilvæg forsenda fyrir árangursríku skólastarfi og
22
megintengiliður þar á milli er umsjónarkennarinn. Gott samstarf milli heimila og
skóla í uppeldismálum eykur líkur á farsælu skólastarfi, námsárangri, almennri
velferð nemenda og forvörnum (Mennta-‐ og menningarmálaráðuneytið, 2013, bls.
32, 44-‐45 og 71-‐72).
Þriðji þátturinn í Aðalnámskrá grunnskóla sem fjallar um samvinnu snertir
þverfaglega samvinnu kennara og fagfólks í upplýsinga-‐ og tæknimennt. Með slíkri
vinnu er átt við notkun fjölbreyttra námsgagna og samvinnu upplýsingavers við
önnur svið og námsgreinar. Með samvinnunni er hægt að koma til móts við ólíkar
þarfir nemenda með tilliti til námsgetu og áhugasviðs. Hver nemandi skal njóta
leiðsagnar alls þess fagfólks sem að kennslunni kemur og því ætti samvinnan að
stuðla að sköpun nýrrar þekkingar nemendahópsins þar sem hver nemandi á að fá
betri kennslu og geti tileinkað sér hæfni á fjölbreyttari hátt (Mennta-‐ og
menningarmálaráðuneytið, 2013, bls. 228-‐229).
Af ofangreindu er ljóst að núgildandi Aðalnámskrá grunnskóla fjallar ekki með
beinum hætti um teymisvinnu kennara en eftir sem áður má ætla, út frá grein
Robinson og Schaible, að markmið Aðalnámskrár grunnskóla um samvinnu nemenda
náist frekar ef nemendur fá jákvæða ímynd af samvinnu gegnum það að kynnast
góðu samstarfi kennara sinna þar sem þeir benda á að rannsóknir þeirra hafi leitt í
ljós að nemendur læri af starfsháttum kennara sinna, hvort sem þeir eru
árangursríkir eða ekki (Robinson og Schaible, 1995).
6. Samantekt
Eins og fram hefur komið er teymisvinna ein tegund hópavinnu og vísar til
kennsluhátta þar sem tveir eða fleiri kennarar eru samábyrgir fyrir ákveðnum
nemendahópi, undirbúa kennsluna saman og kenna eftir ákveðnum markmiðum
(Ingvar Sigurgeirsson, Amalía Björnsdóttir, Gunnhildur Óskarsdóttir og Kristín
Jónsdóttir, 2014, bls. 113). Teymisvinna kennara getur tekið á sig ótal myndir eftir því
hverjir eiga í hlut, hvert viðfangsefnið er og hversu langur tími er ætlaður í verkið.
Sven Frederiksen (2004) fjallar um teymiskennslu á viðtækan hátt í bók sinni
Selvstyrende team – i praksis. Þar segir hann meðal annars að vinna teymis sé
vandmeðfarin og hvert teymi þarf að leggja sig fram við að þróa og móta hana hverju
23
sinni. Það er hægt að nota tilbúin form af teymisvinnu en í flestum tilfellum innihalda
þau marga óþarfa punkta fyrir tiltekið teymi. Bæði einstaklingarnir og teymið í heild
geta verið ólík svo það er ekki víst að ein aðferð að uppbyggingu, reglum og samstarfi
teyma henti öðrum hópum jafn vel. Það getur þó reynst gott að hafa ákveðna
fyrirmynd sem hvert teymi getur svo mótað sín markmið út frá og þannig þróað sitt
eigið fyrirkomulag (bls. 18).
Eins og að framan greinir er ávinningur teymisvinnu kennara mikill en takmarkanir
eru þó til staðar, þess vegna er hún vandmeðfarin. Því miður er samvinna ekki
samheiti yfir árangursríkt teymi. Flest teymi skortir tæki og úrræði til þess að gera
vinnu hópsins árangursríka (Troen og Boles, 2010, bls. 59). Viðfangsefni teyma verða
því að vera krefjandi til þess að halda hópnum við efnið. Ef það er of auðvelt hættir
hópnum til þess að vinna verkið með hálfum hug (Haukur Ingi Jónsson og Helgi Þór
Ingason, 2012, bls. 81).
Við skoðun á niðurstöðum nokkurra rannsókna kemur í ljós hversu mikill
ávinningur teymisvinnu kennara getur verið. Til að mynda var helsta niðurstaðan í
rannsókn Hildigunnar Bjarnadóttur og Margrétar Sverrisdóttur (2013) um
samvinnunámsteymi kennara sú að samvinnan stuðli að þróun í starfi, styrki
einstaklinga hópsins, hafi jákvæð áhrif á nám nemenda, kennara og alls
skólasamfélagsins. Þegar meðlimir teymisins deildu reynslu sinni af skólastarfinu
skapaðist vettvangur fyrir umræður sem allir lærðu af. Þar komu meðal annars upp
hugmyndir að nýjum kennsluaðferðum og með aukinni samvinnu sköpuðust tækifæri
til þess að breyta til í kennslunni og prófa eitthvað nýtt. Það kom einnig fram að
kennarar námsteymanna töldu að samvinna þeirra á milli skilaði bæði árangri í starfi
og í námi nemenda. Þó var lögð áhersla á að teymisvinna krefst mikillar vinnu sem
hver og einn þarf að sinna af heilum hug (bls. 11 og 12).
Svipaða niðurstöðu er að finna í rannsókn Ingvars Sigurgeirssonar, Amalíu
Björnsdóttur, Gunnhildar Óskarsdóttur og Kristínar Jónsdóttur (2014) um starfshætti
í grunnskólum þar sem segir að kennarar sem vinna saman að kennslunni noti
fjölbreyttari aðferðir sem byggjast meira á beinni kennslu en þeir sem vinna að
mestu leyti einir með nemendum. Þar að auki kemur fram að kennarar sem vinna
saman í teymi beita oftar kennsluaðferðum á borð við hópavinnu, verklegra æfinga
og þemavinnu (bls. 136 og 150).
24
Katrín Frímannsdóttir (2008) segir að teymisvinna kennara byggist að miklu leyti á
trausti milli einstaklinga innan þess. Einstaklingar teymanna þurfa að hafa ákveðin
félagsþroska svo að samvinnan gangi vel (bls. 13). Til þess að hámarka fagmennsku
teyma þurfa þau að einkennast af vilja og reynslu við að leysa persónuleg og
námstengd vandamál nemenda. Að auki þurfa teymismeðlimir að öðlast reynslu við
stefnumörkun markmiða og samvinnu sín á milli. Það skiptir ekki máli hversu vel
einstaklingar teymis eru þjálfaðir og undir samvinnuna búnir, það er alltaf þörf fyrir
mikla þolinmæði gagnvart öllum einstaklingum teymisins. Samvinnan tekur tíma,
orku og vilja sem allir meðlimir þurfa að vera meðvitaðir um til þess að halda sér við
efnið og að viðunandi árangur náist (Kroll-‐Schwartz, 2004, bls. 12; Troen og Boles,
2010, bls. 59).
7. Umræða
Viðfangsefni ritgerðarinnar var að varpa ljósi á í hverju teymisvinna kennara felst. Í
upphafi lagði ég af stað með eftirfarandi spurningar:
Hvað er teymisvinna kennara?
Hvað myndar og mótar teymisvinnu kennara?
Hverjir kostir og gallar teymisvinnu kennara?
Hvað segir núgildandi Aðalnámskrá grunnskóla um teymisvinnu kennara?
Í þessum kafla mun ég setja fram eigin vangaveltur um teymiskennslu í ljósi þess
sem ég varð vísari og greint hefur verið frá hér að framan. En fyrst langar mig að rifja
upp eigin grunnskólaár og upplifun mína á skólastarfi í dag sem ég hef kynnst
gegnum kennaranámið. Þar að auki mun ég leitast við að svara nokkrum spurningum
um teymisvinnu kennara sem ekki hafa verið teknar fyrir í meginefni ritgerðar.
7.1 Mín reynsla
Þegar ég var í grunnskóla var ég með einn umsjónarkennara. Það var enginn
stuðningsfulltrúi eða annar sem hjálpaði til. Umsjónarkennari minn þá hafði góða
stjórn á bekknum, við vorum vinnusöm, það var yfirleitt þögn og allir að sinna sínu
námi. Þegar ég fór upp á unglingastig var svipaður háttur á kennslunni en einn
kennari með hvert fag. Það breytti því ekki að hver kennari sá um einn bekk í einu, án
25
stuðnings frá öðrum kennurum. Í framhaldsskólanum var þetta með sama hætti og á
unglingastigi grunnskólans.
Þegar ég byrjaði í kennaranáminu í Háskólanum á Akureyri á vormisseri 2012 vissi
ég ekki hvað teymiskennsla var. Ég fór í vettvangsnám þetta misseri í Lundarskóla þar
sem ég fékk að kynnast teymiskennslu í fyrsta skipti. Þá voru kennararnir á yngsta
stigi í teymiskennslu með svokallaðri hringekju. Þar sem ég er heldur vanaföst var ég
full efasemda um þessa starfshætti. Í vettvangsheimsóknum sem á eftir komu í
náminu kynntist ég teymiskennslu smám saman meir og meir og út frá hinum ýmsu
sjónarhornum.
Þegar ég velti fyrir mér hvað ég ætti að skrifa um í lokaritgerðinni minni ákvað ég
eftir langa umhugsun að áhugavert væri að velja teymisvinnu kennara sem
viðfangsefni því að þannig gæti ég myndað mér upplýsta skoðun á þessum
starfsháttum.
7.2 Hvað fáum við út úr teymisvinnu?
Teymisvinna, hvort sem er í kennslu eða öðrum störfum, getur verið erfið og reynt á
en þegar hún heppnast eru margir aðilar (teymismeðlimir) sem njóta aukinnar
reynslu, innsæis og þekkingar á því sem var gert og hugmyndum um hvernig hægt er
að gera enn betur næst. Ef teymi tekst að þróa með sér ákveðin vinnubrögð gegnum
fundi þar sem umræðan er opin og flæðandi er líklegt að teymisvinnan skili árangri
(Frederiksen, 2004, bls. 17)
Teymismeðlimir þurfa að átta sig á hvar hver og einn er staddur innan hópsins,
hafa kjark til að biðja aðra um aðstoð og vera óhræddir við að tjá eigin þarfir,
takmarkanir og skoðanir því það gerir teymisvinnunna á allan hátt auðveldari.
Stuðningur og hvatning frá öðrum teymismeðlimum skapar gott samstarf
(Frederiksen, 2004, bls. 17).
7.3 Hvaða áhrif hefur teymiskennsla á nám nemenda?
Teymiskennsla getur haft bæði jákvæð og neikvæð áhrif á nám nemenda. Nemendur
læra ekki allir á sama hraða og ákveðinn tími fyrir hvert námsefni hentar ekki öllum
nemendum jafnvel. Þá kemur sér vel fyrir nemendur ef kennarar vinna saman í teymi
á þann hátt að þeir skipta nemendum upp í hópa eftir námsárangri og stöðu í námi,
26
það getur auðveldað námið fyrir nemendum (Team Teaching – advantages,
disadvantages, 2015).
Robinson og Schaible (1995) fjalla um að teymiskennsla kennara þar sem tveir eða
fleiri kenna á sama tíma sama nemendahóp saman í teymi sé líkleg til að hafa jákvæð
áhrif á viðhorf nemenda til teymisvinnu almennt og geti orðið þeim ákveðin
fyrirmynd í eigin námi. Þannig geti teymisvinna kennaranna opnað augu nemenda
fyrir mismunandi skoðunum, hvatt þá til samvinnunáms og og stuðlað að bættum
námsárangri og betri samskiptafærni nemenda.
Gallarnir eru hins vegar þeir að sumum nemendum getur fundið óþægilegt að hafa
tvo kennara, þeir verða óöruggir og finnst þeir ekki ná jafngóðum tengslum
viðkennarana. Þá getur yfirferð verkefna og prófa orðið nemendum áhyggjuefni ef
þeir hafa fleiri en einn kennara þar sem þeir verða hræddir um að innra samræmis
gæti ekki á milli kennara. Vegna þessa geta nemendur orðið neikvæðir gagnvart
teymisvinnu almennt og átt jafnvel erfiðara með að vinna í hóp með öðrum þegar
teymiskennsla er notuð. Nemendum getur einnig fundist þeir týnast inni í stórum
hóp nemenda þar sem um teymiskennslu er að ræða. Það á sérstaklega við um
nemendur sem eru með athyglisbrest eða aðrar raskanir (Goetz, 2000). Vegna þessa
er mikilvægt að hvert teymi skipuleggi vinnu sína vel og að einstaklingar þess vinni
eftir sömu markmiðum og leiðum. Þá er mikilvægt að kennarar reyni að höfða til
nemenda sinna og fá þá með sér til að skapa jákvætt viðhorf til teymiskennslu og
teymisvinnu almennt.
7.4 Hvernig tengjast einstaklingsmiðað nám og teymisvinna kennara?
Einstaklingsmiðað nám er hægt að skilgreina sem skipulag náms sem nær til eins
nemenda hverju sinni en ekki nemendahóps eða bekkjar. Nemendur læra allir á
sama tíma en geta þó verið að glíma við ólík viðfangsefni og verkefni, allt eftir því
hvað hentar hverjum og einum. Nemendur bera ábyrgð á eigin námi og nám þeirra
byggir á einstaklingsáætlunum. Slíkar áætlanir eru mikilvægur þáttur í skipulagi
einstaklingsmiðaðs náms. Í áætlunum setja nemendur sér markmið í samvinnu við
foreldra og kennara. Í leið að markmiði hvers og eins þarf hver nemandi að meta
stöðu sína reglulega. Þessar áætlanir hjálpa kennurum að meta stöðu hvers og eins
innan bekkjarins og þeir geta notað þessar áætlanir til þess að hvetja nemendur til að
27
bera aukna ábyrgð á eigin námi (Anna Kristín Sigurðardóttir, 2007; Menntasvið
Reykjavíkurborgar, 2007). Fram kemur í grein Önnu Kristínar Sigurðardóttur (2007)
um Þróun einstaklingsmiðaðs náms í grunnskólum Reykjavíkur að í sex grunnskólum
á höfuðborgarsvæðinu er nemendum ekki kennt í bekkjum þar sem miðað er við
ákveðinn fjölda nemenda, heldur er þeim skipt í stærri námshópa þar sem tímanum
er ekki skipt niður í hefðbundnar kennslustundir heldur er deginum skipt í lengri
vinnulotur sem merktar eru ákveðnum greinum. Þessum nemendahópum bera
kennarateymi sameiginlega ábyrgð á þó er einn umsjónarkennari fyrir ákveðin hóp.
Þessar upplýsingar sýna að litið er á teymisvinnu kennara þar sem kennarar eru
samábyrgir gagnvart nemendum sínum sem mikilvægan þátt í þróun að
einstaklingsmiðuðu námi. Með því nýtist sérþekking hvers og eins kennara betur og
tækifæri skapast til þess að hver meðlimur kennarateymisins deili þekkingu sinni og
reynslu með öðrum einstaklingum hópsins (Anna Kristín Sigurðardóttir, 2007).
7.5 Er teymisvinna kennara tískufyrirbæri eða komin til að vera?
Katrín Frímannsdóttir (2008) fjallar um að góð samvinna í teymisvinnu kennara sé
lykilatriði í einstaklingsmiðaðri kennslu. Hún talar um að kennurum finnist í æ meira
mæli teymisvinna skila meiri og betri faglegum vinnubrögðum en hefðbundin
kennsla. Margir sem hafa prófað teymisvinnu eru sammála um að þeir geti ekki
hugsað sér að stíga til baka yfir í bekkjarkennslu þar sem þeir kenna einir (bls. 13).
Fullan (2001) segir að miklar kröfur séu gerðar til kennara, þær eigi eftir að aukast
og fagmennska kennara í framtíðinni muni verða samvinnumiðuð. Miklar og auknar
kröfur komi til með að gera það að verkum að kennarar verði að eiga náið samstarf
við starfsfélaga sína sem og aðra aðila utan skólans Anna Kristín Sigurðardóttir
(2007) talar á svipuðum nótum þegar hún bendir á að samstarf og teymisvinna
kennara sé að færast í aukana og að þeir kennarar sem hafi tileinkað sér slíka
starfshætti snúi síður tilbaka í hefðbundna bekkjarkennslu.
Ef litið er til þess sem fram kemur hjá Fullan (2001) og Önnu Kristínu Sigurðardóttur
(2007) verður að teljast líklegt að teymisvinna kennara muni festa sig í sessi í
skólastarfi framtíðarinnar. Það styður einnig þessa spá að kennarar sem lýsa reynslu
sinni af teymisvinnu virðast í vaxandi mæli þeirrar skoðunar að teymisvinna auki
fagmennsku í vinnubrögðum og þeir segjast ekki geta hugsað sér að snúa til baka í
28
starfsháttum sínum eins og fram hefur komið með vísun í grein Katrínar
Frímannsdóttur (2008) hér að ofan.
7.6 Lærdómurinn
Eftir gerð og vinnu við þessa ritgerð hef ég komist að því að ég er orðin jákvæðari í
garð teymisvinnu en ég var í fyrstu. Ég setti saman mynd sem lýsir því hvernig ég sé
að teymisvinna geti virkað vel í ljósi fjölbreytileikans sem myndast þegar nýtt teymi
kemur saman (sjá mynd 1).
Mynd 1 Teymisvinna kennara
Þegar nýtt kennarateymi verður til koma oft ólíkir einstaklingar saman. Hver
einstaklingur hefur sinn bakgrunn, þekkingu og reynslu sem getur verið frábrugðin
næsta manni. Eins og komið hefur fram er mikilvægt að hver og einn
teymismeðlimur láti skoðanir sýnar og viðhorf í ljós því ef allir einstaklingar hópsins
gera það má ætla að umræðan verði meiri en ella. Með gagnrýnu viðhorfi geta
teymismeðlimir rætt sín á milli um ávinning hverrar skoðunar og metið kosti og galla
hvers einstaklings til þess að hámarka heildarárangur hópsins.
29
8. Lokaorð
Markmið þessarar ritgerðar var að skoða teymisvinnu kennara með því að skilgreina
hugtakið teymiskennsla, hvað felst í henni, hvernig teymiskennsla getur birst í
mismunandi myndum, hver ávinningur og takmarkanir hennar séu og hvort
Aðalnámskrá grunnskóla fjalli á einhvern hátt um teymisvinnu kennara.
Eftir vinnu við þessa ritgerð hef ég komist að því að þegar tveir eða fleiri
einstaklingar vinna saman er nær óhætt að segja að ávinningurinn verði meiri en ef
einstaklingur vinnur einn að ákveðnu verkefni. Til þess að að vinna sem þessi geti
farið fram er margt sem þarf að huga að til þess að hámarka árangur teymisins eins
og fram hefur komið.
Fjölbreytileiki innan teymis getur verið mikill þar sem einstaklingar innan þess geta
haft ólíka reynslu, bakgrunn, skoðanir, viðhorf og þekkingu. Þá getur teymið einnig
nýtt kosti og vegið upp takmarkanir hvers teymismeðlims til þess að hámarka
árangur hópsins í heild. Teymisvinnan gefur kennurum tækifæri til þes að vaxa í starfi
og tileinka sér nýja starfshætti. Að mínu mati er þó tilgangur teymisvinnu kennara
alltaf sá að bæta og þróa nám nemenda til hins betra.
Miðað við þá öru þróun sem orðið hefur í teymisvinnu kennara á Íslandi tel ég að
teymisvinnan muni festa sig í sessi hér á landi miðað við það sem kennarar, sem hafa
tileinkað sér þessa starfshætti, hafa að segja um teymiskennslu.
30
Heimildaskrá
Anna Kristín Sigurðardóttir. (2007). Þróun einstaklingsmiðaðs náms í grunnskólum
Reykjavíkur. Netla -‐ Veftímarit um uppeldi og menntun. Sótt 5. apríl 2015 af
http://netla.hi.is/greinar/2007/012/index.htm.
Börkur Hansen og Steinunn Helga Lárusdóttir. (2014). Stjórnun og skipulag. Í Gerður
G. Óskarsdóttir (ritstjóri), Starfshættir í grunnskólum við upphaf 21. aldar (bls.
87-‐112). Reykjavík: Háskólaútgáfan.
Dictionary.com. (2015). Teamwork. Sótt 25. apríl 2015 af
http://dictionary.reference.com/browse/teamwork.
Fullan, M. (2011). The meaning of educational change (3. útg.) London:
RoutledgeFalmer.
Frederiksen, S. (2004). Selvstyrende team – i praksis. Dafolo Forlag og
forfatteren: Frederikshavn.
Glickman, C. D., Gordon, S. P. og Ross-‐Gordon, J. M. (2010). Supervision and
instructional leadership (8. útgáfa). Boston: Pearson.
Goetz, K. (2000). Perspectives on Team Teaching. Sótt 10. febrúar 2015 af
http://people.ucalgary.ca/~egallery/goetz.html.
Haukur Ingi Jónsson og Helgi Þór Ingason. (2012). Samskiptafærni: samskipti, hópar
og teymisvinna. Reykjavík: JPV útgáfa.
Hildigunnur Bjarnadóttir og Margrét Sverrisdóttir. (2013). Samvinna kennara:
Samvinnunámsteymi í Öldutúnsskóla skólaárin 2010-‐2012. Netla – Veftímarit
um uppeldi og menntun. Sótt 10. apríl 2015 af
http://netla.hi.is/greinar/2013/alm/001.pdf.
31
Johnson, D. W. og Johnson, R. T. (1991). Learning together and alone: Cooperative,
Competitive, and Individualistic Learning (3. útgáfa). Massachusetts:
Needham Heights.
Mennta-‐ og menningarmálaráðuneytið. (2013). Aðalnámskrá grunnskóla: almennur
hluti 2011, greinasvið 2013. Reykjavík: Höfundur.
Ingvar Sigurgeirsson, Amalía Björnsdóttir, Gunnhildur Óskarsdóttir og Kristín
Jónsdóttir. (2014). Kennsluhættir. Í Gerður G. Óskarsdóttir (ritstjóri),
Starfshættir í grunnskólum við upphaf 21. aldar (bls. 113-‐158). Reykjavík:
Háskólaútgáfan.
Katrín Frímannsdóttir. (2008). Einstaklingsmiðaðir kennsluhættir í fimm grunnskólum
Akureyrar. Sótt 30. mars 2015 af http://www.gler.akureyri.is/PDF/Skyrsla
_um_einstaklingsmidada_kennsluhaetti.pdf.
Kroll-‐Schwartz, S. (2004). Teamets mappe – inspiration til teamets arbejde og
konkrete redskaber i form af kopiark. Frederikshavn: Dafolio A/S.
Loftur Guttormsson (ritstjóri). (2008). Almenningsfræðsla á Íslandi 1880-‐2007. Skóli
fyrir alla 1946-‐2007 (síðara bindi). Reykjavík: Háskólaútgáfan.
Lög um grunnskóla nr. 91/2008.
Menntasvið Reykjavíkurborgar. (2007). Stefna og starfsáætlun Leikskólasviðs og
Menntasviðs Reykjavíkurborgar 2007. Sótt 14. apríl 2015 af
http://reykjavik.is/sites/default/files/ymis_skjol/skjol_utgefid_efni/starfsaaet
lunmenntas07_0.pdf.
Nanna Kristín Christiansen. (2010). Skóli og skólaforeldrar: ný sýn á samstarfið um
nemandann. Reykjavík: Nanna Kristín Christiansen.
32
Robinson, B og Schaible, B. (1995). Collaborative teaching: Reaping the benefits.
College Teaching, 43(2), 57-‐60. Sótt 14. apríl 2015 af
http://web.ebscohost.com/ehost/detail/detail?sid=f21d4acf-‐5217-‐4f9c-‐91f9-‐
9071283f205d%40sessionmgr115&vid=1&hid=124&bdata=JnNpdGU9ZW
hvc3QtbGl2ZQ%3d%3d#db=f5h&AN=9507250475.
Team teaching – advantages, disadvantages. (2015). State University. Sótt 9. apríl
2015 af http://education.stateuniversity.com/pages/2493/Team-‐Teaching.html.
Troen, V. og Boles, K. C. (2010). Team spirit: Teachers work together to
establish and achieve key goals. Journal of Staff Development, 31(1), 59-‐62.
Sótt 15. mars 2015 af http://search.proquest.com/docview/870739720/
4E3C548BC7714192PQ/1?accountid=49537.
WebFinance Inc. (2015). Teamwork. Sótt 2. febrúar 2015 af
http://www.businessdictionary.com/definition/teamwork.html.