ungdommens målform 2013-01
DESCRIPTION
Skjemteblad for skrivarstova og tilhøyrande herlegdomar. Aller fyrste utgåva!TRANSCRIPT
MÅLFOLKETS EIGA BLAD 01/13
Landsmøte-spesialUngdommens Målform – organisasjonen som denne gilde blekka har namnet
etter – hadde landsmøte sist helg. Me gjev deg alt om storhendinga! s. 2,3,4
Lovbrigde trugar lokallagshelsa
Landsmøtet i Ungdommens Målform gjekk nyleg inn for å fjerna den såkalla
«lokalsatsen» . No fryktar leiaren for Slaraffenmållaget i Tigerstaden (SliT)
for helsetilstanden lokalt.
– Denne endringa innskrenkar lokallaga
sin rett til å SATSa slik dei vil, når dei vil,
seier SliT-leiar Svanil Borgsund
Marstrand.
– Lokal-SATS er utdatert, seier
Vemund– nei: Veborg– nei: Vegard Stuve,
leiar for Ungdommens Målform.
– Denne trimforma stammar frå ei tid
då tredemøller på SATS var nytt og
moderne. No er det kardiovaskulære
apparat på Elixia som er tingen, påpeiker
Stuve, utan å møta nemneverdig
gjenklang frå lokalsatstilhengjarane.
– Det er lett å trena i dag, men me
veit ikkje kva som skjer ved eit eventuelt
regjeringsskifte. Tenk om Elixia vert
nedlagt grunna manglande statlege
subsidiar, repliserte Borgsund Marstrand.
– Prinsippet i saka er ganske enkelt.
Me er éin organisasjon, og då bør det
kosta det same å trena uansett kva
lokallag ein er med i. Og som alle veit, er
Elixia billegare enn SATS, og i tillegg har
dei a-ending i namnet sitt. Eg seier ikkje
meir, avrunda økonomiansvarleg Karl
Pedar Morken.
SIDE 2 UNGDOMMENS MÅLFORM UNGDOMMENS MÅLFORM SIDE 3
SIDE 2 UNGDOMMENS MÅLFORM UNGDOMMENS MÅLFORM SIDE 3
Opnar for medlemskap i Noreg
Etter mange tiårs motstand mot nynorsk medlemskap i Noreg, har
Ungdommens Målform gjort eit historisk vedtak om å oppheva nei-
standpunktet. Seniorgenerasjonen fryktar for konsekvensane.
– Målsaka er ein del av noko større. Det er
ein del av kampen for å kunna rå seg
sjølv, utan overstyring utanfrå, sa
Ungdom mot Noreg-leiar Midas Hompe i
helsingstalen sin til UMF-landsmøtet i
mars. Og noregsmotstandarane i salen
stemte i: Nynorskkommunane sin
medlemskap i Noreg fjernar makta frå
vanlege folk, svekkjer demokratiet, og
trugar nynorskens posisjon.
Fleirtalet i salen, som røysta for å
oppheva nei-standpunktet, var av ei anna
oppfatning. Det same var helsingstalaren
frå Ja til Noreg, Erna Bergenspels.
– Dersom nynorskkommunane er
med i Noreg, kan nynorsk verta likestilt
med bokmål, hevda Bergenspels, og fekk
støtte frå sentrale figurar i UMF.
– Me er ein språkorganisasjon, og det
er dumt at folk ikkje skal kjenna seg
velkomne som medlemer berre fordi dei
vil pulverisera rammevilkåra for alt me
driv med, argumenterte hovdingskrivar
Anne Svanhaug.
Som venta var ikkje avgjerda vidare
populær hjå dei litt eldre generasjonane
UMF-arar.
– Målrørsla lever ikkje i eit vakuum.
Alle har eit ansvar for å fremja dei
verdiane som mitt personlege
nynorskengasjement har bygt på i alle år,
sukkar UMF-pensjonist Jert Melnes
Thorkilsen.
Kan ikkjestola pånokon
Ikkje alle var nøgde
med den nye talar-
stolen på UMF-
landsmøtet i helga.
Neihanne Turvond
(1,45) kjende seg
oversett.
– Talarstolen var så høg
at eg kort sagt ikkje
klarte å strekkja til,
forklarer Turvond.
– Det er så typisk
storsamfunnet. Sjølv det
å få på plass ein liten
krakk, vert visst rekna
som eit småleg omsyn i
dag, held ho fram. Men
Turvond har eit
langsiktig mål om at
protesten skal lyfta fram
behova for dei ikkje-så-
lange til neste år.
– Om ikkje det kjem
ein bruskasse å stå på til
neste år, så er det nokon
som bør krympa seg av
skam, avsluttar
Turvond.
SIDE 4 UNGDOMMENS MÅLFORM
Bur seg på gravferdstale
Noregs Gnållag, moderorganisasjonen til UMF,
har lenge vore kjende for å ha ekstremt seigliva
medlemer. Mange spør seg no om det er i ferd
med å snu.
Tvilen vart sådd på UMF-landsmøtet då påtroppande
nestleiar Kristofar Ola'la Stagsvarven nytta
leiartaleordskiftet til ein real gravferdstale. Moglegvis
inspirert av vitjinga hjå MDGjr tidlegare i månaden –
der lettrørde hippiar spontantwitra at «den mannen skal
få tala i mi gravferd!» etter at Stagsvarven tala
– gjennomførte han ein sentimental nekrolog, om enn
noko prehumt, over den attvalde leiaren, Vegard– nei:
Veborg– nei: Vemund Stuve.
Det uventa innslaget fekk rykta til å gå om Stuve er
alvorleg sjuk, om det berre er alderdommen som er i ferd
med å innhenta han (det er det for så vidt ingen som
lurer på, i grunnen), eller om Stagsvarven har lumske
planar for ei eventuell maktovertaking i UMF.
– Slike rykte har eg ingenting til overs for. Dei har
inga rot i røynda. Eg prøver berre å seia at eg kjem til å
sakna den gamle skurken, seier Stagsvarven.
– Sakna?Han er då her enno?
– Ja. Enno.
Leiaren avviser sjølv at han ligg på sotteseng:
– De vert ikkje kvitte meg fullt så lett, seier Stuve i
ein kort kommentar.