2014 03 01 ublication section(43) pdf pa mhawm1 pdf2

Jah:2011.12.01ngaix. ~ 2014 num,khix03. mhai (43). Dee yuh lih - Cub caw yuh si tang Meung Vax.

Cao pu pliak lai ~ Sam Sang. Sang Kaw. (Editor). / / http://www.wskeungwa.blog.com. http://you.video.sina.com.cn wastatenewsagency

1

D aux 2014 num, khix 3-1 ngaix, plak bok(18:00)

taix, Asoyax Meung rob rom Meung Man paoh bang grawng kaing koh carang pui meung pa sang yuh daux 2014 in daux veng Ne Pi Taw. Ot krax teei mhaing Asoyax Meung Man, kix sang jauh tix paoh krax khrawm son koh carang pui meung daux 2014 num, khix 3 – 1 ngaix daux Ne Pi Taw. Kaoh khaix sah sawn daux vawng Meung Vax, kix tom ploi fux cong see ling tax kuad Kloi yuh thuang cang, fux cong shu ci tax

kuad Rang yuh fux thuang cang, pu cang daux cub pa yuh krax si toe mai plak praix tax Cao Kawx Ang , pang kong thing cu reung Li Cu Liex ,fux see ling daux bang naing 171 tax Woe Shoix Yuing, lhiux cang daux kru naing 318 Pao Ai Rong , fux ceung woe daux bang naing 171 Cawx Chuan, pa mawh cao sitoe lox si nax Me-ung Vax mai Asoyax See Kawx Neung, Phi Lit, pa yuh kaing: Hawx Choeng Thiien an kix mawh pa hawt grawng.

2014 num khix 2 -27 ngaix kix jauh tix lih

(Hu sitoe plah (2)

KRAX DAUH RHAWM MHAWM MAI PAOX, MAWH PA MHAWM SON GRUM RHAWM.

K R A X G R U M R H A W M M A I P A O X , MAWH PA MHAWM SON HAOK HUAN KAUX CONG.

KRAX KRUM RHAWM

2014 num, khix 3-1 ngaix. Plak bok (18:00)taix, Tax Teng Seng, simiang Vawng Meung rob rom Meung Man, Hoek paoh bang kum: grawng ka-ing teei carang pui meung daux meung Man ku dauh daux 2014 ni. Daux haw bang kum ting cub caw pa khrex krax ot pui mai riang rao pui meung, Ne Pi Taw.

MEUNG VAX LAIG DAUX BANG KUM PAOH ASOYAX SO KAING KOH CARAN PUI MEUNG NE PI TAW.

Cub pa viex son Meung Vax, daux bang kum paoh 2014.3.1 Pa viex son ku cub ku caw daux Meung Man



2

khaing daux hak tiex Me-ung Vax, tax kuad Kloi, tax kuad Rang, tax Cao Kawx Ang, tax Li Cu Liex in kix, plak ngawb (8:00) taix, lih khaing Pang Kham, (10:30)taix plak, kix hoek Mang Sieng, pon krax rieb hoek toek bleeih kah cao kaing daux kru naing 618, mai ih priex ngawb dee an, pa ot daux Yi Ming Chiux U Awng Caw So, pa ot daux lum Vax Tang Yan Nyi Pao in kix hoek tix rieb Mang Sieng. Khaix hoik sawm – (11:45)taix..cub ki yaog tix lih khaing Mang Sieng- hoek kah sipauk Ta Kaw Iet, pon krax rieb kah cao kaing pau si pauk an khan kix. (1:40)taix.. cub kix hoek lum Vax Tang Yan dee an, pa pau lum Meung Vax La Shio Ai Lieng mai cub kix hoek tix rieb Tang Yan tan.

Ka daux bawg yam baux hoek Tang Yan an,

kaoh khaing kok mhaing U Caw Sua Win Bio Ha Mhu-Tang Yan an..cub viex son Meung Vax hu kum ngawm mai nawh daux lum bang: kum Bio Ha Tang Yan tan. Tax kuad Kloi viex buan son daux cub, ah lox laoh lieh ka krax priex khrawm kah son hoek kix, mai krai lao grawng hu Ne Pi Taw bawg in.

U Caw Sua Win ah nin, in hoik mawh lox pa tom Bo Chok Aung So -Taing mhu: La Shio ka aux, mhaing kaig jhak krax lawng pex mhawm, nawh si mie: cao kaing khawm ra plak nie: lai ling ing tiang mai paox, yuh paox grawm tau ling ju, khaix an pa viex buan son Meung Vax tawx khawng phak kah kix.

Khaix an, (2:30)taix, cub kix yaog tix lih khaing Tang Yan, plak bo(5:30)taix plak, Cub kix hoek daux Veng La Shio, pon krax rieb hoek toek

bleeih kah U Tu Seng Thun pa giex krax kaux cong (S.ph.Yax) La Shio, (jhiung shee ang chuan chiux chiux cang ).

Plak bo (6:00)taix, ot krax kok mhaing Bo Chok Aung So Taing mhu Lashio,(chiung chi see ling U Aung So)an, pa viex buan son Meung Vax koe – tax kuad Kloi, tax kuad Rang, Cao Kawx Ang, Li Cu Liex, Pao Ai Rong, See Kawx Neeng, Phi lit an kix, hu kum ngawm mai nawh daux nyiiex rieb lien nyu si nie tan. Taing mhu ah nin, mhong sang hoek pex, aux hoik niet tix kaoh khaing Ko Kang. Ot mee glang yuh aux si miang dee in, yaox tix kum ngawm mai pex cao ka-ing Meung Vax daing gaux rhawm aux kah, ex mawh paox meet paox grawm, si mie ex nie lai ling ing tiang mai paox, si mie pex hoek klieh La Shio Si jheeng.

Tax kuad Kloi viex buan son, ah lox laoh lhie ka krax rieb Taing mhu, mai krai krax keud rhawm si mie tax kuad Pang mai tax kuad Ngaox.

Tax kuad Rang kah krai nang lox chiiex tix, kiex tax kuad Kloi si mie U Aung So, lai ling ing tiang mai paox, hoek tawx krax si diex gau son kaing haok huan Meung Vax khaix in sax.

Tax Pao Ai Rong liux cang kah si mie U Aung So hoek klieh lin hak tiex Veng Nang Teng.

Pa rieb kum ngawm mai pa viex buan son Me-ung Vax mai U Aung So kawn koe chiung see ang chuan chiux chiux cang, chiung see fax thing, chi-ung chi chang mox cang an khan kix.

Plak bo ngaix an, Cu six cub caw Demoka-resi ceu pui Vax daux veng Lashioi tax Khun Thun Lu(kok)U Teng Ki, ghaok kix sawm bo daux nyiex kix. Pa viex son Meung Vax mai cub taing mhu an khan kix viex paox tix hoek sawm tau tan heue.

Daux (2014 num,

khix 2-28)ngaix, plak ngawb (6)taix, U Aung So hoek dee ban cub viex son Meung Vax tan, mai ghaok kah priex ngawb, da kawn krax ih krax un son ih lawng krax, kah son cub viex son Meung Vax an kix heue. Nawh mai ploi Lien pa giex krax kaux cong, hawt tawx cub Meung Vax, mee hak tiex kuang kix Nawng Khio tan, hoek graung krax kix kawn laux mai paox, thut riang: ang grai tau. (10:45) taix, hoek veng Me Miox greem Mandale, Shiao Hawx mai cub kix rieb hoek toek bleeih mai nghaok sawm ngawp tan. (13:30)taix, cub kix lih khaing veng Memiox, plak bo (16:35)taix, cub kix hoek daux veng Ne Pi Taw. hoek ban daux nyiex ban nyu Minggala Siri Haw Tie

Plak bo si ngaix an, tax Khin Yi, simiang giex

(pa sitoe ka pla 1)

(Hu sitoe plah 3)



3

kaing Meung rob rom Meung Man daux cub caw pa krex krax ot kawn pui mai riang rao pui me-ung, Hoek rieb tix kum ngawm mai pa viex son Meung Vax daux nyiex ban tan, Tax kuad Kloi teei lai tawx tax kuad Pang ka Teng Seng an, tawx kah U Khin Yi mhaing gaw kix tawx kah Teng Seng.

2014 num khix 3 –

1 ngaix plak ngawb (8:00) taix, fux cu six daux hawx phing woe yiien hui U Aung Min, U Ten Saw rieb tix kum ngawm mai pa viex buan son pa hoek laik daux krax paoh son khrawm carang pui me-ung daux Meung Man ku cub.

Bang kum mawh U Aung Min fux cu six cao bung, ot daux yam kum ngawm kix mai paox, U Aung Min, U Ten Saw kiex hoik krai lao grawng bung pa sang yuh pon si ngaix, mai si mie pa viex buan son ku cub krai lao krax kaut rhawm sawn

tix ku plak, kieh cao ka-ing cao kham daux Asoyax tawng yung.

Daux bang kum, pa viex buan son ku plak kah krai lao rhawm keut rhawm sawn tix.

(9:45)taix, ot krax hawt thung U Teng Saw, viex cub pa viex buan son Meung Vax hu kum ngawm mai U Soe Man(cu six) cao giex kaing vawng (Pyi Thaung-suhluttaw) plak rob rom ceu pui Meung Man, ka daux nyiex nawh Ne Pi Taw.

Ot yam kum ngawm tau, U Soe Man hoik daing yaog yaw: krax haok huan Meung Vax ku plak, grum rhawm kawn pui ku ceu mai paox, ot greem thung bung tax Pang, cao kaing in kix ih rhawm rhi si mau paox, yuh nyiex yaong cao tix haok huan, hoik dieh beeih glawm Asoyax, cub pa yuh nan, Asoyax khaw tix tawx krax teem gaw kah, si mie pa viex buan son in kix krai lao krax kaut rhawm sawn tix, luan khaing an, mhaing kix krai lao krax bioung rhawm kah tax kuad Ciet khawm cao kaing Meung Vax an khan kix. nawh kah si mie: pui tang ku cub gau sawn tix mai Meung Vax, tawx riang: rao son haok huan kaux cong hak tiex Meung Man.

Tax kuad Rang ah lox laoh lie, kah krax rieb U Soe Man kah kix, krai lao krax keut rhawm sawn Meung Vax ku plak. khaix in sax, si mie: cao kaing khawm ra plak, nie lai ling ing tiang mai paox, teei riang rao mai paox son haok huan kaux cong hak tiex dee

ot. Khaix an kix tawm

tawx khawng phak mai thut riang: ang grai mai paox.

2014 num khix 3 – 1 ngaix plak bo (6)taix haoh, bang paoh son koh carang pui meung ku dauh daux Meung Man pa sang yuh kix an, sang jauh tix phao, plak bo(4)taix, pa viex buan son ku cub ku caw mai nyu sinie an kix, da tix laig daux nyiiex bang kum mai jhak krax klieh lin.

Plak bo (18:00)taix, simiang vawng Meung Man tax Teng Seng hoek paoh bang an, pui ku kaux hoik yaog tix kaoh rieb kah, kix kawm ran tix gaik jhak krax rhax, son krax grawng kaing koh carang pui meung, daux Meung Man 2014 num in.

Cao kaing daux Asoyax Meung Man pa kawn hoek laik daux

bang kum yam an kix koe: - fux cong thong Sai Mawk Kham, cao kain daux (Pyi Thaungsuhut-taw Ukkathax) lien pang yuan cu six tax Soe Man, cao bung kaing plak been yien yawg glawk meung rob rom Meung Man, U Awng Min, U Ten Saw in kix.

Khaix hoik jhak kix krax klieh lin, U Ten Seng pa mawh vawng: yaog tix krai lox, nawh ah nin, yuh ex krax khrawh khrawm son koh carang pui Meung daux Meung Man ku dauh daux 2014 num in, hoik mawh kaing: ting, krax mhawm ti grawng son haok huan kaux cong hak tiex mai koe buan son te te heue. mawh ngaox lao pui piang: me-ung tawng yung kah grum rhawm grum rhi kawn pui hak tiex Meung Man, si mie pui ku kaux ku dauh tawx riang: rao

(pa sitoe ka plah 2)

(Hu sitoe plah 4)



4

son kaing teei carang bawg in, pa yuh ex sang jauh tix khix 3 – 30 ngaix hoek khix 4 – 10 ngaix. Khaix an nawh tom yaog tix ngaox lao, grawng ka-ing koh carang pui me-ung daux Meung Man 2014 num in, sang jah tix phao. Nawh yeen taix, pawd ceu kaux tix piang plah lai, pa sang ploi lih plak greem, jhauh lih yuh kaing ku dauh phao.

Khaix an, tom mawh fux cong thong Sai Mawk Kham yaog tix tawx lai lox pa ploi lih plak greem an kah cao kaing aliah Meung(Seung), mai cao kaing aliah kaung (Bang)an kix..

Daux bo an, pui ku kaux kawn ih priex bo mai paox khawm mu ku kaux.

2014 num khix 3 -2 ngaix plak ngawb (9:00) taix haoh, pa viex buan son ku cub ku caw mai nyu sinie an khan kix ku plak ku vang, hu laig daux bang kum paoh tax Khin Yi simiang giex ka-ing meung rob rom daux cub caw pa khrex krax ot pui mai riang rao pui Me-ung-(yi ming pu) ka daux Haw bang kum ting cub kix Ne Pi Taw.

Cao kaing plak Me-ung Man koe: tax Khin Yi, tax Teng Saw, pa viex son plak teem coi piang meung(UNFPA), mai cao kaing plak greem ku cub

in kix, hoek laig daux bang kum an, tax Khin Yi, tax Teng Saw, ah lox krai grawng kaing teei carang pui meung an ku grawng, si mie pon krax riang rao kah kawn pui ku ceu ku plak. tax Li Cu Liex viex buan son Me-ung Vax ah lox yam an.

Plak ngaix (13:00)taix, pa viex buan son Meung Vax, hu kum ngawm mai Bo Chok Caw Soe pa giex krax kaux cong(s.ph.yax) –(kawx fang pu ang chuan chiux chiux cang) daux nyiex nawh Ne Pi Taw, kix hoik lai ah lox mhawm chawm khaw mai paox, khaix hoik kum ngawm, pa viex son Meung Vax kawn tawx khawng phak kah nawh, kix kawn thut ri-ang: ang grai mai paox. Khaix an, (13:45)taix, pa viex buan son Meung Vax an khan kix kawn hu kum ngawm mai dux bo

chok ci Awng Tan Thut, ka daux nyiex nawh Ne Pi Taw. tax kuad Kloi viex buan son ah lox laoh lie kah krax rieb nawh krax hoek grawng hu, ngaox lao lox ah si kah si mie tax kuad Pang khawm tax kuad Ngaox, ot kah hu laig daux bang kum bawg in, luan khaing sawg tix kum ngawm mai paox grawm prim, kawn sang sawg tix tawng yung paox grawm khraox. khaix hoik lai phaw kix lox mai paox, kawn tawx khawng phak mai thut riang: ang grai tau.

Plak bo si ngaix an, U Awng Tawng ghaok pa viex buan son ku cub ih priex bo mai paox, kix kah lai tawx khawng phak kah paox.

Khix 3 – 3 ngaix plak ngawb, U Khin Yi pu cang kok mhaing pa viex son Meung Vax, Meung La hoek kum ngawm ny-iiex kix, tax kuad Kloi, tax kuad Rang viex buan son ah lox laoh lie ku plak, mai si mie thie: krax lai ling tau khaix in.

(9: 30)taix, ot krax thung bung U Teng Saw fux cu six, kix hu gaik jhak ku dauh ku dee.

Greung ngawb, ot

krax kok mhaing tax Soe Man an, tax Teng Saw viex cub pa viex son Me-ung Vax, Meung La, Wan Hai in kix hu vheen vhi, kaig jhak daux bang: kum pui Meung Man- (Pyi Thaungsuhluttaw Asiawoe)tan. Khaix hoik bang kum ting an- (11)taix,ot krax thung bung fux cu si U Teng Saw, viex cub pa viex son Me-ung Vax, Meung La, Wan Hai in kin hu kum ngawm mai tax Soe Man, kiex tax U Khin Awng Min ka daux lawg rieb nyu kiex tan. ot yam ngawm mai paox, kiex ah nin, ex mawh paox nyiex paox ma, paox meet paox grawm ot tau daux me-ung rob rom Meung Man, dee in, mawh dee lai ngaox lao, chawk mhaing pui ku ceu rhawm keut ngai jhak mai paox,

(Pa sitoe plah 3)

(Hu sitoe plah 5)



5

mawh dee gau sawn grawng kaing mai paox, mai mawh dee tat grawng kaing ku ceu. In si ngaix

yaox pui ku ceu pa kaoh ku plak daing gaux rhawm kah. Son sang haok huan kaux cong Meung rob rom Meung Man an, mawh beeih klawm ceu pui ku ceu, khee nan, si mie pui ku cub ku ceu pa ot daux Meung rob rom Meung Man ku dauh, sau riang yuh kaing tau khaix ngaix sax. Plak bo si ngaix an, U Khin Awng Min ghaok nyu sinie in kix ku cub ih priex bo mai paox.

2014 num khix 3 – 4 ngaix plak ngawp(7:57)taix, pa viex son Meung Vax yaog tix khaing Ne Pi Taw lih plak Yan kong.

2014 num, khix 3 - 7 ngaix plak ngawp(8:00)taix, cub viex son Meung Vax yaog tix khaing Yan Kong ngawm cag bo hoek ban Lashio, pon krax rieb kah pa ot daux lum Vax

Lashio Ai lieng mai ceu pui vax pa ot daux veng Lasio an kix rieb hoek toek beeih, yuh priex sawm tau daux lum Vax tan.

Khix 3 – 9 ngaix, plak ngawp (6:25)taix, cub kix yaog tix khaing Lashio hoek sawm ngawp daux ma khaox Hong Pang Tang Yang. Yaog khaing Tang Yan hoek diang Mang Pat, cao ka-ing lien plak greem daux num bang naing ra rieb hoek toek bleeh, sawm

ngaix daux num bang naing ra Nawng Khet tan, plak ngaix si ngaix an, cub pa viex son Meung Vax in kix, hoik deeh mhawm hoek daux nun vawng Vax Pang Sang heue.

(Pa sitoe plah 4)



6

B ang kum paoh Me-ung Man son ah lox mhawm yuh krax

haok huan mai paox yuh tix daux Yan Kong.

Bang kum paoh Meung Ma son ah lox mhawm jhawm khaw yuh krax haok huan mai paox, paoh tix daux Yan Kong khix 4 – 5 ngaix hoek 7 ngaix.

Ot krax teei mhaing, daux vawng: Meung Vax tawm ploi pa yuh pu cang daux cub caw pa yuh krax si toe mai plak praix tax Cao Kawx Ang, pang kong thing cu reung Li Cu Liex, fux pu cang tax Ya Khux, fux cong chang mox cang tax Cai Sam, fux ceung woe daux bang naing 171 Cao Ai Kaw, cu reung son cub pa

rieb nyu si nhie: daux bang na-ing 171 Sang Lawx, fux cu re-ung Yang Vang, kong ying khaw khaw cang daux pa yuh krax si toe mai plak praix Thiien Sam Rong in kix mawh pa hu laig yam.

Khix 4 – 2 ngaix plak ngawb 11 taix na ri: kix hoek daux Meung La, hoik pon krax rieb hoek toek bleeih kah cao kaing dee an.

Khix 4 – 3 ngaix, kix deeh lih khaing Meung La ih priex ngawb Keng Tung kawn yuh krax kum ngawm mai cao kaing lien dee an, kix hoik lai ngaox lao krax kaut rhawm sawn mai paox.

Plak ngaix kix lih Tax chi lik, rieb pa kaoh khaing Nang Pu,. Khix 4 -4 ngaix, kix pa viex buan Meung La yaog tix ngawm cag pu tau dex 4 taix na ri: kix hoek Yan Kong, kah hoik pon krax rieb hoek kah cao kaing daux Asoyax.

Khix 4 -5 ngaix, bang kum paoh Meung Man son ah lox mhawm chawm khaw mai paox son yuh krax haok huan

mai paox jauh tix phao, bang kum mawh fux cu six daux cub pa sah sawn been yiien yawg tax U Aung Min cao bung, mai viex buan son Asoyax krai lox yam an, khee glawg ti blah ang nyang grum lox kah, bang kum in kawn sang baox yuh tix daux khix 5 ti bawg.

Ot daux bawg yam in, Meung Vax kah hoik krai lox kaud rhawm sawn tix, ot krax ang yuh krax luk liak kah Asoyax Meung Man, mhaing tix tang priex khrawm kah cao tix, yuh krax haok huan, kah sau riang: rao son kaux cong haok huan Meung Man, tawx riang: rao son been yiien yawg haok huan Meung Man. yuh riang: son ih kawn pui daux hak tiex riang: rao paox haok huan tau khawm mu.

MEUNG VAX LAIG DAUX BANG: KUM PAOH ASOYAX MEUNG MAN SON BEEN YIEN YAWG HAOK HUAN DAUX MEUNG MAN KU DAUH.

C ub caw bun dai Meng Vax, yuh krub pai nyiiex

moeg voe sang paoh bang kum ting.

Ot daux yuh Meung

Vax been yiien yawg (25) num bawg yam, hawt diag been pa tat, ca ang yuh krax luk liak, chix tix laig

been li ku cau. Nyiiex moeg , mawh

dee krub pai kawn vax son mhaing krax lang im prim kuad, mi mhak lhak sawng, nyawm ot si u koe. kawn vax ah- koe khuan ngao ku cau, ka sang hoek vaw van, ka sang yuh ka-ing: ting, kix hoik dai tix kuh moeg, ngaox lao moeg

miang: tawng yung. Kawn vax, mawh pa

muih kah been ot to cao tix ceu, 2014 num khix 4 – 12 ngaix, ot krax thung bung fux cu six kah daux cub caw bun dai, Yax Ho-ing,Yax Tao, bun dai pa laig li moeg an kix, hu yuh krax krub pai kah nyiiex moeg, mhaing krax nyawm ot si u koe, si mie bang kum ting son bun dai Me-ung Vax bawg ra koe ceu lih grawng.

Ot daux sum nyiiex moeg, hoik pon krax teem gaw kah vawng Meung Vax, cao kaing, cao kham, pui koe rhawm daux hak tiex ku plak, son sang kieh krax muih rhawm pa tawx kix ang grai, kawn sang yuh lhak sawng ngaox lao lih plak greem.

Nyiiex moeg mawh pa ting kah piang: paox

uik, ot daux yaong daux vie:, hoek bawg yam sang sau to ma to koi, ku nyiiex ku ma, pui hoik da tix kuih moeg, mhaing krax nyawm ot si u koe, mhaing krax brax kua, mhaing krax pon priex preem, mhaing pui yaong brie liang brax kua haok huan.

Yam in, kix kawn baog nhiet tix sum nyiiex sang een kraung prim, khee ting kaing, ot daux yuh kaing: in , kawn mie baox pon krax teem gaw kah cao kaing cao kham ku plak ku vang khawm pui koe rhawm rhi daux hak tiex nyiiex ma ku kaux daux pui.

CUB CAW BUN DAI MEUNG VAX, YUH KRAX KRUB PAI KA NYIEX MOEG SIVOE SANG

PAOH BANG KUM TING.



7

)



8

( 7)

( 9)



9

( 8)



10

07.04.2014

“

( ) ( )

( ) ( ) ( )

”

“

”

“

result

( ) ”

-

-

N C C T

“ -

”

08.04.2014

2.

(UPWC )

(N C C T )

“

s i ng l e t ext

----

single text

”

N C C T N C CT

A B S D F R C S S - S S A U W S A

“

positive

”

N C C T

“m i l i t a r y c o d e o f c o n d u c t

- m i l i t a r y c ode o f c on duc t

”



11

Francois Hollande

“

”

L a u r e n t F a b i u s

“ Institutional I s s u e

”

Claude Bartolone

“C l a u d e B a r t o l o n e

”

“

Social Affairs Najat Vallaud-Belkacem

”

“

”

(Economic, Social and Environmental Council)

( ) -

-

10.04.2014

Daniel Russel

R u s s e l

Da nie l Rus s e l

Daniel Russel

-

“

” M r . R u s s e l

M r . R u s s e l

M r . R u s s e l “

”

“

”

R u s s e l

M r . R u s s e l Mr .R us s e l

( ) -



2014 3 25

8

618

418

2014 4

57

171 171

4 2 11

4 39 40

2

4 4 2

3 50

4 5 9

5

12

2014 03 01 ublication section(43) pdf pa mhawm1 pdf2

Documents

yuh daux

cub pa viex son meung

pa yuh kaing

pa pau lum meung vax

ling daux bang naing

cub kix hoek lum vax

ngaix daux ne pi taw

daux veng ne pi taw