LONGRI SONMUNG ATIRI

DETPI TOK LANG MISSION AUTHORITY

MUNIT AJAKONG KANGTHUR AMINISTRY

BHARAT SORKAR

ARON ATANG ADEPARTMENT

ARON LAPEN BISAR AMINISTRY

BHARAT SORKAR

NING KETHE ATUR KIMI

HEM ARLO KACHARVO PEN KERAI ARON 2005

Aron Chethan Alo – 6

2

Aron Chethan Alo – 6

NING KETHE ATUR KIMI

HEM ARLO KACHARVO PEN KERAI ARON 2005

LONGRI SONMUNG ATIRI

DETPI TOK LANG MISSION AUTHORITY

MUNIT AJAKONG KANGTHUR AMINISTRY

BHARAT SORKAR

ARON ATANG ADEPARTMENT

ARON LAPEN BISAR AMINISTRY

BHARAT SORKAR

4

NING KETHE ATUR KIMI : This book is based on legal awareness for the

neoliterates on free legal aids. This book is prepared by National Literacy

Mission Authority and Department of Justice, Govt. of India, New Delhi. This

book is translated and published by State Resource Centre Assam, 1-CD,

Mandovi Apartments, GNB Road, Ambari, Guwahati-781001 (Assam)

March 2016 (500)

Atiri achap: Mek Prang Lo

Lam kelar : Hang miji Hanse, Ra Ingti, Dhon sing Ingjai, Sangai Teronpi

Keklangcheng:

Peklang abang:

Longri sonmung atiri, Assam

1-CD, Mandovi apartments, GNB road

Ambary, Guahati- 781001

Kangchap: Hang miji Hanse

Kasapa:

NELITUM ALAMTHE

Longri sonmung atiri,Assam ahin pen aron atang kachethan alo Karbi alam pen larsi

peklang lo. Gauhati along kangni amei alongsi lahai akitap lam larlo. Lahai lam kelarthu achap

anke State la service authority ahin pen kechok pura nangchedondunlo. Lam kelar amei

along nangkachetongdun, nangkeklemdun bangphutin aphan ning aklong pen chorolo.

Kaporhe atum aning dokhurpo pusi ning thelo.

Samiran Brahma

Director

Longri sonmung atiri, Assam.

KACHORO

Sakshar Bharat angdang 2009 aningkan chiti achiklo pensi pangcheng ponlo. Labangso

angdang along detpi angbong lo kethek kadure so arlo keongnei 410 ajilat along dangpon lo.

Labangso kapangdang along kapaphihup kheiso jasemet penke SC,ST lapen armu kijum muchot

akhei aphansi pangthek pon lo. Laso kapangdang along kapethekchengji kabor-i alokot bidi

sore kapangtang lapen kaseke anparta bang ateng kapetheji aphan amo dengpon lo.

Lo kacharli atum aphan amethang jopadap kachetong bom ason amu ng pen pachikupsi

porhe mesenji aphan bor-ilo. Laso amo aphan ‘Inter personal media campaign amo

pangchengponlo.

Det kachari aron atang aphuthak kethan pachiniji aphan aron atang kachethan

angkung dangpon lo. Bharat sorkar, aron lapen bisar aministry, Detpi Munit ajakong kangthur

aministry chelangpetsi Guahati along isi orkshop pedolo. Labangso aamei alongsi Assam

(ahom alam pen), Tripura (Bengali alam pen) lapen Sikkim (nepali alam pen) aron atang kethek

peme peme arleng amung, ketokthek atum aron atang kirim akehoi atum pen chelangpetsi ason

amung pathik lo.

Aron atang kachethan amo along bisar adepartment, aron atang aministry, Bharat

sorkar lapen access to justice (north east and Jammu Kashmir A2J NE &JK) project directorsi

Technical assistance nangkipidun lapen Bharat sorkar bisar adepartment ahin pen kachedondun.

Rastriya saksharata mission asor labangso atheso nangkacherap chetodun asong, adepartment

aphan ning ingsamjin pen chorolo. Lahai alo an rat angbong aron atang aphuthak kapachini

lapen kapacheroktok ajakong pipo pusi ningb thelo.

Rastriya saksharata mission aauthority

Munit ajakong kangthur aministry

New Delhi

7

NING KETHE ATUR KIMI

Maya asopi akibi Seema aphan school ketoidunji

aphan pe ri pachingthangbom.  Seema abang

school afees aphan apei pen tangka hanglo.

Maya abangta achor aphan fees alam than lo.

Alam karjulong pen apinso abang aning kithi

erset prungset lo. Alang ningjelo – ‘Seema lo

kacharli nangji akam ave, alangke hem akam

8

anle charli sita chok. Nelong ahi damde akam

aphan tangka ave. Da da kecho ason pima kedo

van non.’ Nini nithom aphi Maya hem arlo

akhorot aphan apinso aphan tangka hang lelo.

Non eboita apinso abang aning kithi, alangphan

kangton kangthi lelo. Alang pulo – ‘Kaikele laan

atangka konatlo kapedam-et titi?

Nangpi nangpo tangka arong nanglodun ma,

jopadap vaidam pet pet van longbomji?’

Lapen anparta Maya api apo aphan kiduk pakiti

pu anta pulang, ington lang.

Lapuson lamso lamsa pen Maya kaiketa apinso

pen tangka hang nangver lapen tam long

nangver. Apinso abang kaita alangphan

kangton kangthi,

kaputot anparta api apo aphanta kangton

kangthi pedover.

Lapuson ajo arni dambom pen, arnisike angang

kapkrak lo. Ajo hor nangingri peme apenan hem

9

vanglo. Maya an han jaton pidet aphi han

kechono pathe pen an akasu Maya anathu

varchor lo. Aan ahan Maya aphan arsilun 

anparta kasu ano atehang kero ajok amek dokok

lo. Amek pen avi lidung lo. Lapu annat ta kali

apinso abang alangphan untik chok theng pen

achu tumlok hem pen ingtan ingdoichor lo.

Mayake hem angtan pen apinso aphan inghap

kangpuji aphan chiru charnap pen chongdukpik

lang. Bonta apinso abang kuidukde lapen

inghapta ingpupipe. Anparta “damjui non” pusi

10

phlungthu lang. Maya aphan lapuson theklongsi

adung ahem aGeeta abang ahem hangpondet

lo. Geeta abang Maya aphu amekta bandage

perpi lo, lana lahondet arju lo – ‘Nangkai isi lapu

loma nang kedoji?’

Maya thakdun lo – ‘Nekopai amatsi lapu lo.

Narlosinile kam klem sita nephanke ban pusi

nekitin. Alangphan kitun kedangpi, pe ri

kechokpi, osomar kalana anparta alangphan

kiru kethai annat lo nekamke.’ Geeta alangphan

thanlo, soarlo akai la annat kali. Lapuson akam

vailo chechak varet nangne. Atumi alang

anganvadi amei along dun. Hadak inut aron

atang ahin abaideo vang. Alangli kethan atengke

soarlo kerai aphan isi aron do. Labangso aron

aphan “hem arlo kacharvo pen kerai aron 2005"

pusi kipu. Itum labangso aron chiripdam me.

Puthot arni Geeta Maya aphan inut aofficer

adung pon lo. Alangliphanke kerai abangpi

(officer) pusi kachethang. Alangli Maya alam arju

11

peme lo. Kado kave alam arju longlir aphi alangli

Maya aphan pulo – ‘Nangtum ason aot-e kepho

asoarlo atum aphan keraiji pusi labangso aronke

kibi lo. Nangpinso

aphan netum dak hangdet than pere lang.

Jongsi alang lam arjuje pulote aron ateng pen

alangphan pesodak ot nang.

N e t u m  

n a n g p h a n

kengkamtin sita

nangrapdunji.’

Aa r lengp ihe i

abang

alangphan isi

aform pilo.

L a b a n g d o

aforom aphanke

DRI (Domesticincident report) pusio kipu.

Labangso aforom along so arlo aphuthak koson

12

son kachenek kaholo do loma labangso alam

ketok nangji alo lo.

Kepho abangpisi labangso alo pepleng nangji.

Alangli jongsi tok lang thekthe pulote kerai

abang/ abangpisi aforom along kopima kedo

porhepi pen thanphlir nangpo.

DRI aforom peplengdet aphi Maya apinso aphan

hangdet lo. Alangphan than pere pen penanso

kacharvo apot aron atengke kepho nangji

akisung,

adai areng alam anta thanphlir lo. Laso athesi

banghinita man chipi hijan pen do thak peme

nangpo pu than lo. Maya apinso abangta

labangso

alam kroi lo. Latum rengdok rengni hem

choboche longpo.

Labangso aronke hem kiphri aphan kali, hem

kikimpi lapen kapangsam aphan.

13

HEM ARLO KACHARVO

PEN KERAI ARON 2005

So arlo atum aphan hem arlo kacharvo pen

keraidunthekji aphan 2005 aningkan isi aron

dengpon lo. Labangso aronke isi devani aronsi

kapinchong. Labangso aron ateng pen so arlo,

komatne apei, angjirpi, asopi lapen inutvet kedo

asoarlo aphan keraikom avarsai pipon lo.

Alanglitum aphan hem arlo kacharvo, areng ahu

kapeso, aning kapeoi pen kachenek, arloso pura

14

kelangrem heihui pen keraidun avarsai pilo.

Labangso aron along kedo athepi alam lapu

helo –

1. Labangso aron ateng pen badu soarlo

aphanta aning aduk kipi lapen areng ahu

kapephoke kechokche thedung amo lo.

2. So arlo aphan pinso ahem asor ason son

ahormu lapen tangka maha kehangke

kechokche thedung lo.

3. Hem arlo anipi hupo, akorpo, atepohei,

anengso kachenekke kechokche thedung lo.

4. Choklem chodam amo kakhamkhedun,

kenangsot atangka kipipe, ahompurti

kacheraipi bor-ike kechokche thedung lo.

5. Labangso aron ateng sai kapichunji aphan

asitin ajilat arlota inut nut langchari

akethe(officer) bipon lo.

6. Kepho abangpi officer along aron ateng pen

kerap kachohang alo pijir nangpo. Lo kipi pen

15

nithom angbong magistrate abang bisar arni

hot po.

7. Labangso aron ateng keraikom aofficer

keklem nangji arpu –

v Kepho abangpi aphan kerap

v Jongsi nangji pulote police ahin pen kerap

kipipon.

1. Police atum kechokche abangphu

aphan khamkhedun un.

2. Kechokche akam along kacherapdun

amunit aphan alangtum ahem kevang

ahut khangdun un.

3. Akhi adat kapanahokpi lapen areng ahu

kapeso pen ningduk ninglak skipi apot

kisung kepho abangpi khotipuronta long

un.

4.  Ningkan 18 pen arta kekom methang

asomar aphan methang along

kachibipon ajakongta do.

16

5. So arlo atum amethang ahem kachedodam

avarsai chohang aron do.

6. So arlo aphan kapisung aarloso aphan nep

long ajakong do.

7.  Kepho abangpi lapen kapisung abangphu

angbong kapachekroiji aphan kabor-ipon

ajakong do. Court kaperaitang alam kroikre

pulote ningkan

8. isi phatek kethap kalite tangka 20,000 adai

kitu kalite la sonni amat pho nangkok tahai.

17

Forom – 1

[Aron 5(1),(2) lapen aron 17(3) langtha]

Hem arlo kacharvo pen so arlo aphan kerai aron

2005(2005 along 43) ingkung 9(B) lapen ingkung 37(2C)

ateng DIR(Hem arlo kacheplang kapajirmi alo.

1.      Kisungdun abangphu amen –

(1)     Kepho abangpi amen –

(2)     Arta –

(3)     Kabocherap ahem kedo adim –

(4)     Non kedobom adim –

(5)     Telephone anombor (do tangte) –

2.      Aron pen kachoningri abangpi amen, adim heihui –

Angthun  Kepho abangpi kedo adim       Telephone

pen kachepho anombor

3.      Kepho abangpi asomar amen (do tangte)

a)      Osomar aphai –

b)      Aosomar amen heihui –

Amen     Arta     Pinso/Arloso    Non komat alongsi kedo

18

4.      Hem arlo kacharvo angthun

Angthun  Kacharvo adim, arni lapen apor   Kacharvo Dolangte

pen kacheraplok   Kacharvo atirsem areng

abang ahu kapepho.

Kosonsi

kachenek ma

peklangdak nangji.     

(A)     Ok vi kachepho alam pen kacharvo

Kechoklim athe along (\/) angthek tok non

Jakong thur pen ok vi kapachepho bor-i

Lam kanglit kangther akitap lapen kaheno arjan kapeklang

bor-i

Anut kaprek aphan aning kaparongji pura kaheno akam

kapeklemtoi.

So arlo pura kapinrem lapen kiputot.

(B)     Kaningje lapen aning kapiduk asai keklem

Aot adur kaheno pu kebok lapen kitinthap.

Api apo ahem pen tangka maha, ser rup kevan thekthe apot

kapinrem.

So pinso kave apot kapinrem.

Lam keho kaningje pen kangton kangthi.

19

Bang angno kapatherak.

Lo kacharli adim kapedam longle.

Nangliphan hem angtan nangpebar longle mate

nangpachongdat chotelo longle pulote.

Arleng kethe atum pen nangpachetong longle pulote.

Ning hanghepin abang pen kachepachor nang.

Ning kachechor abang pen kachepachor kakhamkhe.

Bang kangvaipi abang pen kachepachor nang.

Lahai anparta kaprek lam kangtang lapen ning kapinrun alam

kaningje heihui

(C)     Tangka maha pen jakong kachepeklang

Nangli mate nanglisomar aphan jopadap kecho kijun, lana

lahon aphan tangka maha nangpipe pulote.

Nangli lapen osomar aphan jongsi pe ri,dovai daru nangpipe

pulote.

Hem angtan nangkibi bor-i.

Hem kaperap longle lapen hem arlo ahompurti solai longle

pulote.

Sakori kachoklem avarsai nangpipe pulote.

Hem kedo anam (bhara) pipedet pulote.

Hem arlo ahormu nangpeot longledet pulote.

20

Nangliphan nangarjujepin pen nangli hompurti lapen ador

keso ahormu chojor et pulote.

Jongsi nangli dormoha nangthidet pulote

Me kachethor anam pipedet pulote.

(D)     Akhi chevanve pura kachenek

Api apo ahem pen hompurti chevan nangji pu kehang ason

an peklangdak non

Jongsi labangso kehang along kopine kehangthu dolang

pulote klardak pen pachini non.

Api apo ahem ahompurti kehang lapen so arlo amethang

ahompurti aphuthak paklangdak nangji.

Kalanglo –

Kali –

(E) Nangli lapen osomar atum hem isi kacharvo pen

kacherap aphuthak do an alam

5.      Kekrongdun alo alakha:

Alo amen        Niphai   Akaprek angthek

Se kachelang ahut daktor nangkipi alo

Se kachelang aporman alo mate la pen kacherap alo

So arlo ahompurti alakha alo

Akaprek kopine alo do tangte

21

6. Hem arlo kacharvo pen so arlo aphan kerai aron 2005

ateng nangli jongjung aphan kenangsot ahukum heihui

Angthun  Ahukum   Kali/ kalang    akaprek

1. Ingkung 18 ateng lana lahon arpu kelong.

2. Ingkung 19 ateng kedo kethak avarsai kelong.

3. Ingkung 20 ateng kecho kijun ason kelong avarsai

4. Ingkung 21 ateng kacheraikom avarsai.

5. Ingkung 22 ateng kam langno kapivir avarsai

6. Akaprek ahukum (sunglor nangji)

7.  Kenangsot akerap avarsai

Angthun  Kerapthekji avarsai     Chok chokche    Kerap nangji nangji

1       2       3       4

1.      Than pare abang

2.      Police pen akerap

3.      Court kasari akam along akerap

4.      Chepachongji ahem kelong akerap.

5.      Aron along kedo kenangsot akerap

22

8. Hem arlo kacharvo aphuthak ketok kibi (case kipi) ahut

police abangphu kerapdun thekji aphan police officer

aphan arpu kipipon –

Indian panel code aron ateng pen police officer abang –

a) Kepho abangpi Indian panel code 1973 (1974 along 2)

atengsi FRI ketokji pangcheng nangpo.

b) Jongsi kepho abangpi court kedam aning hanghe pulote

FRI ketok aphrang alam munthi peme nangji.

c) Jongsi komatne abangpi areng ahu  keso, avi aphik kibu

alam klang pulote daktor along pon pen patini nangji.

Adim –

Niphai –                                      Arpu kedo abangphu

amen kachetok (sohi)

Amen ______________________

                                                                                                                                                                       

Adim ________________________

Aber ketok atum aphan pachini lo.

1.      Kateboknei apolice thana

2.      Arpu kedo abangphu/ bangphi

3.      Kepho abangpi/abangpo

4.      Magistrate

23

0000000

24

25