Tradisaun halo iha Tinan Foun iha mundu tomak ne’ebé festa nain sira iha Estadus Unidus halo tuir. (© Imajen AP)

Ema barak hakarak hatun isin ka halo ezersisiu iha tinan foun. Maibé kalan antes tinan foun, sira iha tendensia hodi han barak, han hahaan típiku balun ne’ebé bele fó saúde no sorte di’ak iha tinan tuir mai.

Iha España, purezemplu, kada toka husi relójiu nia lian atu tama ba meia noite, ema haan uvas fuan ida. Uvas fuan ida-idak husi uvas fuan 12 reprezenta sorte di’ak ba fulan sira iha tinan tuir mai, maibé sorte di’ak ba deit sira ne’ebé bele hatama hotu kedas uvas fuan sira ne’e ba sira-nia ibun laran molok relogiu lian ramata.

Ida ne’e maka amostra husi tradisaun nasaun seluk nian husi mundu tomak, hanesan España nia tradisaun han uvas, ne’ebé tama too iha Estadus Unidus.

Haan ne’e hodi hetan sorte di’ak iha tinan foun Husi Leigh Hartman – 30 Dezembru, 2016

Armenia

(Shutterstock)

Iha Armenia, familia sira tunu pastelaria espesial ida koñesidu ho naran Gata. Sira de’ut sorte di’ak no dezeju ksolok nian ba masa trigu nia laran. Gostu tebes no sai Tinan Foun ekstra ne’ebé furak liu tan.

Estónia

(Thinkstock)

Iha Estónia, lá’os problema festa nain sira han saida, atu dehan deit katak sira han barak tebes. Estonianu sira buka atu han refeisaun too tipo hitu, sia ka tipo 12 iha Eventu Tinan Foun. Se sira bele halo ne’e, signifika katak sira sei haree hahaan barak iha tinan tuir mai.

Alemaña

(Shutterstock)

Alemaun sira han jelatina donat iha Festa Tinan Foun, maibé sira ensi mós donat sira ne’e balun ho mostarda duke jelatina. Se ema ruma nata kona donat mostarda ida, signifika sira sei hetan sorte aat ba tinan ida nia laran.

Filipinas

(Shutterstock)

Iha Filipinas, supermi naruk signifika moris naruk no aifuan kabuar katak saúde di’ak. Tanba ne’e mak ema Filipinu nia festa Tinan Foun dala barak liu kompostu husi hahaan supermi ho aifuan kabuar tau iha klaran - uvas no sabraka maka popular liu.Tuir tradisaun iha aifuan 12, ida-idak reprezenta kada fulan ba tinan tuir mai.

Saida maka povu iha imi nia nasaun han hodi selebra inisiu tinan 2017?