khasiat tanduran kemangi
DESCRIPTION
KHASIAT TANDURAN KEMANGI bahasa jawaTRANSCRIPT
KASIYAT TANDURAN KEMANGI ARTIKEL TOGA BAHASA JAWA
TUGAS TERSTRUKTUR
Disusun untuk memenuhi tugas
Mata Pelajaran Bahasa Jawa Semester Genap
Tahun Ajaran 2011/2012
Santi Dwi Cahyani (22)
(XI-Akselerasi)
SEKOLAH MENENGAH ATAS NEGERI 1 PURWOREJO
2012
KEMANGI
Jeneng latin : Ocimum basilicum L
Jeneng lokal : Kemangi; Kemangen; Surawung
Jeneng simplesia : Ocimume Folium
Deskripsi tanduran : Tanduran semak sing nduweni wewangen khas lan seger, dhuwure bisa nganti 1,5 meter. Kembange awujud bulir werna putih lan ijo. Isine yen kena banyu dadi nggelembung kaya agar-agar.
Habitat : Wit iki bisa urip ing dataran rendah nganti 1300 meter saka laut.
Bagian tanduran sing digunaake : Godhong
Komposisi kimia : Eugenol; Sineol; Metilkhavikol; Protein; Kalsium
Kasiyat : Diaforetikum
KASIYAT TANDURAN KEMANGI
Kemangi ing basa Madurané kondhang karo jeneng kemangék. Ing dhaérah Mediterania (Italia), sinebut genovese. Kemangi kuwi rasané rada legi, adhem, wangi, lan nyegeraké. Terna cilik sing godhongé biasa dipangan minangka lalap. Aroma godhongé khas, kuwat nanging lembut mawa sentuhan aroma limau. Godhong kemangi arupa sawijining bumbu kanggo pèpès. Minangka lalapan, godhong kemangi biasané dipangan karo godhong kubis, irisan timun, lan sambel kanggo ngancani pithik utawa iwak gorèng. Yèn ing Thailand lan India ,sinebut holy basil utawa tulsi. Ing Thailand kemangi kondhang minangka manglak lan uga asring ditemoni ing menu masakan kana. Kemangi kuwi hibrida antarspesies antarané loro spesies selasih, Ocimum basilicum lan O. americanum. Kemangi uga kondhang minangka O. basilicum var. anisatum Benth. Aroma khasé asalé saka kandhutan sitral sing dhuwur ing godhong lan kembangé. Manéka ilmu buktiaké godhong kemangi bisa ningkataké produksi hormon adrenalin lan noradrenalin, sarta mudhunaké kadar serotonin kang bisa micu stress.
Morfologi
Terna, dhuwuré 60–70 cm.
Gagange alus mawa godhong ing saben ros.
Godhongé werna ijo enom, wangun oval.
3-4 cm dawané, mawa rambut alus ing permukaan bagian ngisor.
Kembangé werna putih, kurang nengsemaké.
Kasusun jroning tandhan.
Yèn dijarké ngembang, tuwuhé godhong luwih sithik lan tanduran luwih cepet tuwa lan mati.
Kandhutan
Kandhutan lan paédah godhong kemangi nduweni daya penenang lan ngetokake gas-
gas saka awak. Godhonge uga asring digunake kanggo bumbu panganan daging
utawa iwak. Kemangi uga ngandhut zat minyak atsiri, protein, kalsium, fosfor, besi,
belerang, lan liya-liyane.
1,8 sineol, (kabèh tetandhuran) kanggo anestesi, biyantu
ngatasi ejakulasi premature, antikejang, ngrangsang aktivitas saraf pusat,
jembaraké pembuluh kapiler (ngrangsang èrèksi), lan nguataké hepar (ati).
Anethol, (kabèh tetandhuran) bisa ngrangsang kekebalan awak lan
ngrangsang ASI.
Apigenin,(kabèh tetandhuran) isa jembaraké pembuluh getih, nyegah
pengentalan getih, nglancaraké sirkulasi, neken saraf pusat, lan biyantu ing
relaksasi otot polos.
Arginine (godhong), agawé kuat sperma, nyegah mandul,
mudhunaké gula darah, ''antihepatitis'', ''diuretik''.
Asam aspartat (godhong), ngrangsang sarap, analeptik.
Boron (kabéh tanduran), ngrangsang metuné hormon androgen lan hormon
estrogen sarta nyegah keroposané balung.
Paédah
Godhong Kemangi kang arum asring digunakaké kanggo masakan, kayata; campuran pepes, karédok utawa lalapan mentah. Kajaba kuwi, kemangi ngandhut akèh senyawa kang duwéni Kasiyat kanggo awak. Senyawa arginin ing sajroningé kabukti bisa gawe kuat sperma, nyegah mandul lan mudhunaké kadar gula darah. Kemangi uga ngandhut zat kang bisa ngrangsang produksi hormon androgen lan estrogen.
Minyak racikan kemangi duwéni fungsi nglawan bakteri ''Staphylococcus aureus'', ''Salmonella enteritidis'', lan ''Escherichia coli'', nangkal infeksi virus ''Basillus subtilis'', ''Salmonella paratyph'', lan ''Proteus vulgaris''.
Lelara sing Bisa Diobati
Kagunaan godhong kemangi kanggo pangobatan, kayata :
1. Jantung
Kemangi uga ana betakaroten lan magnesium, mineral kang wigati kanggo jaga jantung.
2. Panu
Sagenggem godhong kemangi diumbah, tumbuk alus. Wènèhi sithik banyu kapur sirih. Gosokaké ramuan kuwi ing kulit kang ana panu. Lakoni kanthi 2x sedina.
3. Diare lan Muntah
Godhong kemangi sacukupé dipangan minangka lalapan.
4. Sariawan
50 godhong kemangi dikumbah resik, kunyah kanthi alus sasuwéné 2 - 3 menit. Telen. Ombéni banyu anget. Lakoni kanthi 3x sedina.
5. Ambu Napas, Ambu Cangkem
Asring dipangan lalapan godhong kemanginé, godhong kuniré, lan godhong beluntas.
6. Ambu Kringet
Kemangi sacukupé dipangan minangka lalapan santap malam sasuwéné 1 minggu.
7. Nyegah Mandul
Godhong kemangi ngandhut senyawa arginine kang kabukti bisa nguataké masa uripe sperma, nyegah mandul lan mudhunaké gula darah. Kemangi uga ngandhut zat kang bisa ngrangsang kabentuké hormon androgen lan estrogen.
8. Ngobati kutil
Kanthi cara godhong kemangi dikumbah resik banjur diusapaké/digosokaké ing kutil kanthi bola-bali lan teratur. Dadiné kemangi kuwi sanadjan kanggo bumbu dapur pelengkapé sambel, uga duwéni paédah kanggo obat alami.
9. Ngilangake stress
Kanggo ngredakaké stres, bisa nganggo 1-2 cangkir teh godhong kemangi. Carané: 10-15 godhong kemangi direndhem ing banyu umup kanthi kurang luwih 5 menit, saring, banjur disajikaké.
10. Nganggo perawatan
Kemangi bisa disuling lan dijupuk minyak atsiriné kanggo campuran obat utawa kanggo bahan perawatan awak, kayata :
Sabun mandi.
Biang parfum.
Pelembab.
Minyak aroma terapi.
Yèn dicampur karo lulur, kemangi bisa ngrangsang peredaran darah ing awak saéngga kulit luwih alus lan berkilau, sarta ngatasi masalah jerawat lan rontoké rambut.
Nanging panganggonané kemangi minangka minyak pijet apiké ora diaplikasikaké marang wong wédhok kang lagi meteng.
Pepènget
Minangka bagian saka kulawarga selasih, kemangi bisa ngandhut estragol, senyawa sing dikawruhi minangka karsinogen (pamicu kanker) ing mencit. Sanadyan pangujèn èfèk ing manungsa durung dilakoni, nanging panggunaan sing kakèhen diprayogakaké dièndhani.