Ovo leto PUST ne samo da je kratak da kraći ne more bit, nego nan ni vreme ne gre na ruku. Jušto kad ne treba, zadnji dani pusta padal je daš kod s kabla. Al kako maškare niš ne sme frmat, morali smo bit i na to parićani. Već se leta dogovaramo da bimo pul Biškupoveh, kade se zvončari frmevaju, ako pada daš trebali stavit kakovu ceradu. Ne zato da se zvončari ne zmoče, aš ako bude padal daš će doć već mokri do gać, nego da se ne zmoči ono ča smo za njih parićali. Imeli smo fanj let sreće pa nan cerada ni rabila, ma moralo se i to jedanput dogodit. Već po prognoze smo videli ča nas čeka. Kupili smo ceradu i se drugo ča rabi, al sejeno ne bimo niš storili da nan ni, kod i vavek, pomogal Vaso Birkanović i njegova firma. A prvo sega, hvala Biškupoven, ča su nan se to pustili. Nakraju, namesto dažja je zapuhalo

jugo i su nan ceradu poskublo.Si ti pusni spaši nisu durali ni mesec dan i morda se ni moglo sakamo arivat, al se je sejeno užanca storila. Kad bimo tako žvelti bili i na delu, a pogotovo tu mislin na oneh ki delaju novu cestu do Mariščine, već bimo se po njoj navozili. Kako čujemo, da bi trebala bit gotova do leta, al zgleda da ćemo bit srećni ako to bude do Božića. Morda bimo, dok se ona dela, mogli malo promislet kako bimo je zvali. Tr se ceste ke se store va zadnje vreme imaju nekakovo ime. Moje je mišljenje da bi se ovista trebala zvat Halubajska zaobahajnica. Znan da se z oven mojen predlogon puno njih neće složit, aš se beseda zaobahajnica još ne rabi, al ja mislin da bimo je trebali zmislet. Morda će neki reć da je to novodomaći govor, al ča storit. Ako ćemo da nam domaći zajik bude živ, morat ćemo boje čuvat stare besede i sako tuliko ga malo ždrocnut z kakovun novun. Va noven KOSTANJU opet smo stavili kuponi za dobro pojist va Konobe FENIKS i za pečenjaru IVAN, lepo se uredit va frizersken salonu TANJA, a po prvi put je tu i posebna ponuda frizure samo za penzioneri. To smo stavili aš da su neki rekli da smo na njih pozabili. Evo, sad smo i to storili. A najnoveje je popust ki do kraja trećega meseca more dobit saki ki prnese KOSTANJ va novu ordinaciju dentalne medicine RIVIERADENT pul Hosti, a tamo se osin lepeh zubi more storit i mlaji obrazi. Stojte mi dobro. Gordan Srok

ZAOBAHAJNICA

2

Većina Pehlinara Ervina Tomića poznaje kao doktora dentalne medicine. Otvorio je prvu stomatološku ordinaciju na Pehlinu kroz koju su prošle mnoge generacije pehlinarskih obitelji. Povod za ovaj razgovor je veliki profesionalni projekt koji je pokrenuo nakon više od dvadeset godina privatne prakse. Vrijeme je da ga bolje upoznamo. Iva Čehić: Rodom ste iz Mrkoplja, recite nam kako ste došli u naš kraj.Ervin Tomić: Rođen sam 1962. godine u Mrkoplju gdje sam proveo divno djetinjstvo. Sa 6 godina, kada sam trebao krenuti u osnovnu školu, s roditeljima sam se preselio na Pehlin, točnije Hosti, u kuću desno od šterne. I.Č.: Prva četiri razreda proveli ste u Osnovnoj školi Pehlin, a zatim u školi «Mateotti» kao i svi drugi učenici iz ovog kraja. Kako ste se odabrali svoje daljnje školovanje? E.T.: Mislim da to ima veze sa događajem iz 7. ili 8. razreda, išao sam kod jedne zubarice koja nije baš bila nježna i ta bol mi je ostala u sjećanju. Mislim da sam tada nekako odlučio da ću postati zubar i nikome više neću priuštiti takvo negativno iskustvo. Upisao sam Medicinsku školu, smjer Zubotehničar i po ondašnjem Šuvarovom sistemu završio prva dva opća tehnička razreda, a u 3. i 4. razredu krenuo sa odabranim zanimanjem. Nakon

toga upisao sam Stomatologiju pri Medicinskom fakultetu u Rijeci. Nakon odrađene vojske, krenulo je studiranje. I.Č.: Nakon 5 godišnjeg obrazovanja, slijedilo je jednogodišnje stažiranje i lagani zaokret u karijeri. E.T.: Da, dobio sam ponudu da predajem stručne predmete i vodim vježbe učenicima srednje zubotehničke škole. Taj sam posao obavljao od 1988. do 1992. godine. I.Č.: Tada napuštate profesorsko zanimanje i otvarate privatnu stomatološku ordinaciju na adresi Turkovo 1a. E.T.: Da, 1992. sam krenuo u poduzetničke vode sa vlastitom ordinacijom koja je radila u dvije smjene. Nakon tri godine dobivam ugovor sa HZZO koji se sada nastavlja i s preseljenjem na novu lokaciju u novoj tvrtki. I.Č.: Nova ordinacija danas se nalazi u sklopu tvrtke RIVIERADENT i dio je dugogodišnjeg planiranja. E.T.: U ovaj projekt krenuo sam prije iz potrebe za većim prostorom obzirom da sam htio proširiti stomatološku djelatnost. Cijeli ovaj projekt sazrijeva već 4-5 godine, u njega sam krenuo zajedno s partnerom, dugogodišnjim priznatim poduzetnikom Renatom Rubešom. Godinu dana planirali smo što i kako - birali smo između

dvije opcije: ove sadašnje lokacije ili Opatije. Ova lokacija je imala nekoliko prednosti: zadržao sam ugovor sa HZZO obzirom da se ordinacija i dalje nalazi unutar iste općine (u Opatiji ne bih imao ugovor), nova brza cesta koja prolazi kroz Hoste je blizu što je odlično za strane pacijente; a svakako sam morao uzeti u obzir i brojne pacijente s podrčja Pehlina, Viškova i okolice koji su dugogodišnji korisnici moje ordinacije. I.Č.: Što ćete sve nuditi u RIVIERADENTU? E.T.: RIVIERADENT u svom sastavu ima pet stomatoloških ordinacija

Intervju: Ervin Tomić

OVAJ PROJEKT SAZRIJEVAO JE GODINAMA

3

(jednu ugovornu s HZZO i četiri privatno orijentirane) te rendgen dijagnostiku (RTG dijagnostika). Zapošljavamo pet doktora dentalne medicine i pet dentalnih asistentica, te jednu osobu na recepciji. Obavljati ćemo djelatnosti jednake onima u staroj ordinaciji, međutim sada nećemo biti ograničeni prostorom pa će biti ugodnije i doktorima i pacijenitima. Djelatnosti su sljedeće: konzervativa (liječenje i popravci), protetika (fiksna i mobilna), te ortodoncija i kirurgija sa implantologijom. Moram naglasiti kako ne radimo nikakvu razliku između privatnih pacijenata i onih koji dolaze preko HZZO-a: svima nudimo istu razinu usluge i koristimo iste materijale najeminentnijih svjetskih proizvođača. I.Č.: Uvesti ćete jednu novost u ponudi? E.T.: RIVIERADENT nuditi će i nekirurški lifting lica, tj. korekcije uz pomoć botoxa i dermalnih filera s hijaluronima. Certifikate za obavljanje ove izuzetno tražene usluge stekli smo kod doktorice Ivone Igrec koja je svoju praksu izučila u Hong Kongu. Također se nadamo da će jednog dana u sklopu

RIVIERADENTA djelovati dentalni laboratorij čime bismo zaokružili uslugu i imali sve na jednom mjestu. To opet znači i otvaranje novih radnih mjesta, jer ćemo trebati dva do tri dentalna tehničara. Sada imamo laser za meka tkiva koji ima široku primjenu, ali njime se ne mogu brusiti zubi i kost, stoga planiramo nabaviti i laser za tvrda tkiva što bi omogućilo potpuno bezbolne usluge našim pacijentima.I.Č.: Uz rad u ordinaciji, aktivan ste član zajednice te se volite opuštati kroz sport.E.T.: Od 1968. godine živio sam na Pehlinu, te sam se s vremenom uključio u rad Mjesnog odbora Pehlin gdje sam bio aktivan do 2009. godine, odnosno preseljenja na Viškovo. U Općinskom vijeću Viškovo već 7 godina obavljam dužnost vijećnika. U mladosti sam bio u Feštarima, mislim da sam zadnji puta sudjelovao na 50-toj objetnici postojanja grupe. Od 2002. godine zaljubljenik sam u boćanje, pa sam bio dugogodišnji predsjednik Boćarskog kluba Marinići, no u svibnju 2015. sam odstupio s dužnosti jer je krenula realizacija nove ordinacije. Također

jako volim boraviti u prirodi i uživam u šetnjama šumom te branju šumskih plodova, ponajviše gljiva. Kako sam rodom iz Gorskog kotara, volim skijanje, ali također volim i more i ronjenje. I.Č.: Hoće li ordinacija jednog dana postati obiteljski biznis?E.T.: Najstarija kćer Paula radi u jednoj poliklinici, ali ima namjeru doći u RIVIERADENT. Sin Antonio radi u dentalnom laboratoriju i možda nam se priključio ako jednog dana otvorimo laboratorij u sklopu ordinacije. Najmlađa kći Emma pohađa 8. razred Osnovne škole Gelsi i za sada je najviše zanima ples – iako ima tek 14 godina već pleše sa seniorima u plesnom studiju «Ri-Studio» Ivone Brnelić. Obzirom da sam od onih roditelja koji ne nameću djeci svoje želje, svatko od njih je sam odlučio čime će se baviti u životu. No svakako ne bih imao ništa protiv da u budućnosti postanu dio profesionalnog tima RIVIERADENTA. I.Č.: Povodom otvorenja RIVIERADENTA našim vjernim čitateljima nudite i poseban popust?E.T.: Da! Do kraja 3.mjeseca svima koji donesu primjerak ovog broja KOSTANJA nudimo popust od 20% na sve usluge konzervative, implantologije, protetike te estetike lica. Iva Čehić

4

5

Stari kastafski običaj, kega je pred dvajset let obnovil Milivoj Jelovica, je koledvanje na blagdan Sveta Tri kraja. Tako su i ovo leto kraji Melkior, Gašpar i Baltazar, a zaspravo člani muške klape KASTAV, obašli Kastafštinu a arivali su i do Trsata. Sagdere kamo pridu judi in daju dobru ruku i počaste z črnen

TRI KRAJI

vinon, aš da koliko se na taj dan popije črnega vina da se toliko dobre krvi dobije va Novemu letu. Nisu preskočili ni Pehin, ča se razume, aš je va klape KASTAV vavek bilo dobreh kanturi z Pehina, pa su nan lepo zakantali va konobe pul Bačurkineh. Gordan Srok

U organizaciji Ogranka Matice hrvatske Viškovo i Udruge za kulturu “Ča?” 18.01.2016. održana je projekcija filma “Obahajanja Halubajskeh zvončari 2014.” autorice Tatjane Udović, mag. cult. u prostoru Dječjeg vrtića “Viškovo”.Cilj filma “Obahajanja Halubajskeh zvončari 2014.” je doprinijeti halubajskoj i kastafskoj kulturi, kao i kulturi cijele Hrvatske, s obzirom da su Halubajski zvončari zaštićeno hrvatsko kulturno nematerijalno dobro. Film „Obahajanja Halubajskeh zvončari 2014.“ ujedno je magistarski rad Tatjane Udović na kulturalnim studijima pri Filozofskom fakultetu u Rijeci kod mentorice dr. Sanje Puljar-D’Alessio koja je stručno podržala ovaj rad. Naime, Halubajski zvončari su najpoznatiji po nastupima na karnevalima, no njih se ne smije promatrati samo kao turistički proizvod, već treba posegnuti dublje, u samu srž užance – u trodnevno obahajanje Halubajskih zvončara po

selima halubajskoga i kastafskog kraja, što je snimanjem dokumentarnog filma i prikazom trodnevnog zvončarskog ophoda djelomično postignuto. Halubajski zvončari zapaženi su na

karnevalima, kako u Hrvatskoj, tako i u svijetu, međutim tek je lokalno stanovništvo upoznato sa zvončarskim ophodima, koji predstavljaju samu srž zvončarske užance. Ovo je bila 3. po redu projekcija filma “Obahajanja Halubajskeh zvončari 2014.”, dok je premijera filma održana 12. veljače 2015. u prepunom Domu hrvatskih branitelja na Viškovu, a druga projekcija održana je slopu Skupstine Udruge “Halubajski zvoncari” 10.04.2015.Film “Obahajanja Halubajskeh zvončari 2014.” nastao je nakon film “Obahajanja Halubajskeh zvončari 2013.“ koji je imao je dvije projekcije na području Halubja te je prikazan na tri festivala u Hrvatskoj: Rovinj film festivalu, SEF festivalu u Zadru i Kastav film festivalu, kao i na 23. po redu Internacionalniom festivalu etnološkog filma u organizaciji beogradskog Etnografskog muzeja, u Beogradu. Tatjana Udović

Održana projekcija filma “Obahajanje Halubajskeh zvončari 2014.

U životu svakoga pojedinca postoji situacija prvi put. Prvi korak, prvi zubić, prva izgovorena riječ, prvi crtež, prvi razred, prva ljubav, prvi posao... Moglo bi se još dosta toga nabrojati. Svatko od nas, bilo dijete ili odrasla osoba u želji da nauči ponešto o svijetu koji ga okružuje i u kojem živi, želi dobiti odgovor na brojna pitanja koja su za njega nepoznanica ili jednostavno rečeno koja ga „muče“.. U potrazi za načinima i putevima kako to ostvariti, krećemo na svoj „prvi let“ na kojem upoznajemo i onu ljepšu stranu svijeta i prirode , ali i onu manje lijepu.Kada se ti doživljaji i stečena iskustva pretoče u riječi, a riječi povežu u rečenice nastane priča. Kada priču upotpune maštoviti crteži i sve se to umota

u oslikane korice, dobije se knjiga. Zanimljiva i poučna, namijenjenoj prije svega djeci, ali se preporuča da je pročitaju i odrasli. Ako se k tome doda da je autor, točnije autorica, osoba iz našeg bližeg okruženja,

svakako zaslužuje pažnju na stranicama Kostanja. Autoricu knjige, Melitu Adany, učiteljicu u OŠ „San Nicolo“ u Rijeci imali smo priliku upoznati u jednom od naših prijašnjih brojeva. Od dvadesetak priča koje je do sada napisala, priča pod nazivom „ Prvi let“ ili Il Primo volo“ prva je i objavljena. Zahvaljujući Generalnom konzulu Italije u Rijeci, gospodinu Paolu Palminteriju i predsjedniku Pučkog sveučilišta u Trstu, dr. Fabriziu Sommi (koji su

bili i nazočni na prezentaciji), knjiga je predstavljena u sklopu Dana talijanske kulture u Zajednici Talijana u Opatiji. Učiteljica Melita već dvadeset godina stvara dvojezične predstave u kojima je sudjeluje do sada oko 130 djece

uzrasta od 1. do 8. razreda. Često je puta bila pozivana i od drugih da osmišljava predstave kao što su: godišnjica časopisa Arcobaleno, škola stranih jezika Euroway, učenički dom Kvarner, gdje glumačka skupina tri godine zaredom osvaja 1. mjesto u državi na Domijadi. Priča „Prvi let“ uprizorena je kroz dramski izraz i sa učenicima je na državnoj smotri „Lidrano“ osvojila 1. mjesto. Priču „Crveno stablo“ u kraćoj verziji autorica je izvela na prošlogodišnjim „Riječkim stepenicama“. Kao što je već napomenuto, knjiga je dvojezična ( talijansko/ hrvatska) te je idealna za učenje oba jezika. Za izvrstan prijevod na Talijanski jezik zaslužna je prof. talijanskog jezika gđa. Ornella Sciucca, direktorica škole za učenje talijanskog jezika „Scuola Modello“, u Rijeci. O samoj knjizi autorica kaže: „Priča se istovremeno prati na dva „kolosijeka“. U šumi je ptić koji ne sluša mamu i kreće na svoj prvi let na kome otkriva da

Objavljena je dvojezična priča autorice Melite Adany

PRVI LET

6

se boji visine. Pri padu susreće Pakija, pauka kojemu ne uspijeva načiniti mrežu, i Skakija, skakavca kojemu se noge sapletu svaki puta kad želi skočiti. Istovremeno se radnja odvija u gradu, gdje pratimo obitelj koja jako pazi na svoje dijete, ali je ono unatoč tome bez apetita, blijedo, bezvoljno. Dvije priče se u jednom trenutku isprepliću iz čega se rađaju nova prijateljstva, ali i pouke.“ Evo što su o knjizi rekli: Generalni konzul g.Paolo Palminteri: “ Knjiga mi se jako svidjela, ali bih preporučio i odraslima da je pročitaju, jer je i za njih vrlo poučna.“ Prof. Kim Cuculić: „Zbog originalnosti, zanimljivog stila pisanja i edukativne komponente, priča „Prvi let“ zaslužuje svoje mjesto u školskim i dječjim knjižnicama.“ Prof.dr.sc. Karol Visinko: „ Autorica Adany je nastavnica. To je bitna pojedinost u promatranju njezina teksta, jer se osjeća utjecaj potrebe za poučavanjem. No to što u priči nalazimo niz pouka o odnosu prema bližnjemu, ali i prema samome sebi, prikazano je u ruhu umjetničke riječi. Stoga se može govoriti o tekstu prepoznatljive estetske i odgojne vrijednosti. Priča je strukturirana na način neuobičajem za

dječju priču. Pohvaljujem izraz kojim je autorica sadržaj priče oplemenila.“ Prof. Nataša Modrić Tićak: „Priča mi se jako sviđa jer ima odgojnu komponentu koja nije naglašeno didaktična i dozu humora koja svemu daje pravu mjeru. Bravo!“Tamara Dubrović, mag. rehab. educ: „Svojim zanimljivim pričama, autorica, vidi se, puno iskustva u radu s djecom, upućuje nas na ljepši dio svijetai prirode, ne zanemarujući pri tome i

onaj ne baš lijepi dio životnih problema, omogućujući malom čitatelju kritički osvrt i promišljanje u nastojanju rješavanja problemskih situacija.“Učiteljici Meliti želim još puno takvih letova, u što ne sumnjam jer se svojom posebnošću isticala i kao učenica Područne škole „Pehlin“.

Jasenka Travalja

7

PUST 2016

PUST 2016

Pusno vreme je jušto finilo. Kratko j bilo ovo leto, pa se j trefilo da su va isti dan bile maškarane povorke i dogajanja na više mesti. To bi reć, da bit maškara ovo leto ni baš bilo lahko. Panajma ako ste poznata domaća kumpanija ku bi si rada videt va svojen meste. Tako sako leto gjedan Pehinarski feštari kako okole hode i sopuć i kantajuć se zabavjaju. Pohajali su po oven kraje i čuda let prej leh san se rodila, a oni ki su jedanput počeli, teško frmevaju. Tr pravega feštara, kako njin i himna govori, niš ne more frmat! Bila san jako kurjoža kot i vavek, kako to zgjeda bit feštar, a kako nisan sama to provala, rabilo mi j nać nekega znutre za to doznat. Tako san ćapala jenega šesnega mladića, Feštara, ki već fanj let z tistun pehinarskun kumpanijun drži tu užancu. Ma otela

san doznat se, najveć ono ča inače ne morete pročitat va novinah. Ovako mi poveda:„Prišal je i taj dan, 17.1.2016., Antonja. Za normalni judi posvema običan dan va letu, ma za nas Feštari taj dan je važneji leh državni blagdan. Do Antonje je bilo dela da se bude na vreme pripravno. Petak prej Antonje pul Fileta va garaže pusta smo storili, brižnemu Filetu smo se pojili i popili ča smo našli, i veseli bili. Pustu smo dali ime Mate Građevina(r). Dogovorili smo se nać na Antonju na „Trgu maršala Kontića“ na dve i pol zapolne i partit na tri. Ma ne bimo mi bili Feštari da ne zakasnimo magar pol

ure. Tr ki još o Puste gjeda na uru! Neće kolona poć nikamo brez nas. Intanto smo partili. Spreda gre već poznati mići traktor Vinkić z mićun prikolicun za „barobus“. Pasali smo Memory, Stupari, pa arivali do Bezjaki. Tu nan je bila prva štacija, ma kot naručena, aš su neki od nas podhitno morali na pišpauzu, ma ni krepkemu Vinkiću ni bilo lahko, malo je zaskucal....“ smeje se naš Feštar, mepar da j i on komać arival na tu pauzu, pa poveda da će se semo vrnut i zadnji dan aš da njin tu sako leto skuhaju dobru juhu. Daje su šli prama Štefani, pak Pletencon. Kot i sakega leta Pletenci su jih dočekali na svojoj šterne. „Tu vavek dve-tri zasopemo i onput pun gas 15 na uru prama našen Dome na Pehine, aš tamo počima program pod palicun počasnega nan prezidentea PF Miodraga. Pusta Mateta Građevina(r)a smo obesili na pal, File j preko mosta kjuči zel, mi smo ku veselu zasopli i va prvu oštariju šli. Ma moran reć, da su nan vavek i na se parićani Kinkele ovega leta i ured storili. Va njemu smo Antonju na Pehine finili i na Sveti Matej se zaputili. Valda nam Dubravka i Denis nisu ča zamerili, a susedi... a ča ću njin ja, neka malo potrpe, tr neće morat puno ovo leto! Morda i mi do našega 100-tega leta neč zmislimo i morda nekakovu šternu va službenu prostoriju prenamenimo!“Prišla je i prva karnevalska povorka, Halubajski karneval. Ma poveda mi Feštar da j to nekako preveć miran i malo nenaštiman za Pehinarski Feštari – komać je prvi pa da još nisu va forme. „Ma moreš zamislet, četire pjesme celi karneval smo kantali - Star san dvajset let... Maro Marice... Himna... Star san dvajset let... - a skužaj, to nisu četire, leh samo tri. Ale neč je drugo nas malo mučilo tisti dan pa smo nekako komać čekali da povorka fini – utakmica

od rukometa je jušto počimala. Na našu velu tugu su Kauboji zgubili od Tricolori, pa smo skoro plačuć na Klići prišli. Tu nan je sako leto usputna stanica za poć na tanci va Klanu al va Studenu, ovega puta smo va Studene finili. Neki trezan, ma nemoj me pitat ki, nas je pul šterne pustil pa smo tu jednu zasopli da malo pridemo na se. Jušto da ćemo naprvo pasat, kad z konobe zihaja jedan Studenac i nosi rakiju da nazdravimo. Za Majku Božju, ma san se stresal, još i danaska ćutin tu „brlju“! Ma da ti pravo rečen, dobro nan je došla, vrnula nas je va život, pak smo malo boje voje prišli na tanci. Kapo nan je još na sastanku prej Antonje lepo rekal da ako se ki od nas potuče va Klane al Studene, da će on osobno tistega nokautirat – ja ne znan ča j to med nami i njimi da vavek nekakova monada mora zić vanka, ma ovo leto smo zaozbiljno poslušali kapota i moran reć da niki od nas ni kumediju počinjal, ni na njihu kumediju odgovoril. A znaš da smo komać potrpeli da ne storimo kakov kažin... Kad je muzika zela pauzu preselili smo se va oštariju zijat, sost, tancat i pit. I tako celu noć, dok nas

Onisteh ki su pravi niš ne more frmat PUSNI DNEVNIK

10

par kot metle ne zustanemo va dome, pometemo, očistimo, pozdravimo judi i lepo pametno z taxijem doma. Ja, to smo misleli poć doma, ma zač kad sadahna imamo ured - tr rabi još ča tekućeg raspravit!“Tako je finila prva nedeja od karnevala. Va šetemane ka j pred njimi, Feštari su se bavili saki svojen delon – neki su delali, neki vadili, aš med njimi j dosti školani. Ma si su komać dočekali subotu - tanci na Zamete. „I uz Tri gemišta, baš kako j Fiesta kantala, celu noć smo tancali. Morali smo se šparat aš rabi delat jutra se za naš Maškarani Pehin.“ poveda mi Feštar, ma ja to nekako ne verujen. Smeje se on, pa je na konce ipak priznal „A moreš mislet da smo se šparali, opet smo celu noć tancali i pili i veseli bili, pa jutra ki živ, ki mrtav!“ Nedeju jutro 31. jenara, rabilo se stat rano jutro - na devet, ako je ki arival spat. Va Dome jih je čekala fritaja i kakova kapjica da se malo refaju, aš poznato je da se klin z klinon izbija, pa na delo - rabi složit stoli i šank, pa nabrzinu se poć probuć aš su Feštari i prikolica, ovega leta nacionalno poznata Baraka 85 b, prvi na čelu kolone. „Ov put smo se sled drugačije obukli, va Steve Urkela - na spomen... I moram se još jedanput zahvalit semi grupami, juden i MO Pehlin ča su nan pomogli i uveličali ovaj naš 25. Maškarani Pehin.“ naglasil

je on. Kako j Feštaron va krvi feštat, njin ni bilo dosti tistega dneva samo po Pehine pohajat. „Jušto smo arivali va Lovran prit kot zadnja grupa na njihov karneval, da nan ki ne reče da se ne more se arivat i da nimamo force za to se zdurat!“ Dva manje, ostal je onaj zadnji, najjači... Šetemana j pasala, ki se j arival refat, dobro je storil, aš prišli su najveći, najboji, najnemeji dani, od Pusne subote do Pepelnice kada se finjeva. „Zadnji dani obahajamo se naše štacije kot i vavek, to i ne rabi posebno pisat aš judi va našen kraje altroke znaju kuda pohajamo. Subotu nas je potrefilo lepo vreme, sunce je svetilo kot da ni zimski štajon, pa zgjeda da je našega kapota to (i vino) udrilo va glavu – zaprosil je svoju divojku! Da san ja na mestu te divojke, ne bin bil posensega siguran, aš ki će maškare verovat...“ maše zglavun smejuć se i nastavja da je valda i nju sunce opalilo aš je pristala. „E sadahna smo imeli još jedan razlog više za feštat, sost, kantat i pit! Ma morali smo štimat i naš protokol, pak smo se zaputili po rute na okretište na Turkoven čekat našu kurjeru z kun smo planirali poć na tanci na Hreljin. Ov put nismo mi kasnili. Kurjera je prišla, a šofer... pijan kot čep zihaja vanka, naleven huje leh si mi skupa! Rekli bimo – šok i nevjerica! Ma kako je neki nekad rekal da složna

braća i kuću grade, tako smo se i mi vaje složili va jedan kombi i tri auta i zaputili se prama Hreljine. Bi reć da je i nan subotnje sunce glave pomutilo, aš smo se zgubili po pute kot da prvi put gremo zgorun. Ma kad smo na kraju našli hreljinski Dom, storili smo feštu najboju do sad, a kako i ne bi kad smo imeli ča feštat,“ predahnul je mladi Feštar jedan sled dok zadovojno prebire po misleh „aš kad je kumpanija dobra, ni fešta ne more bit drugačija!“. Nedeja je bil dan od velega rečkega karnevala. „Zadnjeh let nas je nekako potrefilo da smo va samoj završnice povorke, ča mi se zaspraven i pijaža, aš judi ki gjedaju karneval, magar su potla tulikeh ur kuliko se to dura već pomalo štufni, sejeno bi si rada oteli videt kraj povorke, pa i mi imamo prilike pokazat ono se najboje od sebe, od naše kumpanije. Nebo je celo vreme pretilo da će ki ta čas oprat seh nas skupa, ma pasali smo lišo, zasprave je se storeno kako rabi. Sad nas još čeka naše finale, naš kraj Mesopusta. Do Pepelnice kad mi finjevamo ovo munjeno vreme, rabi nan još obać saki kantunić našega kraja, otancat i zadnji pusni tanci, Mateta važgat, pa poć doma dobro se naspat.“ nabrzinu mi govori, aš nima lazno, vreme mu je za poć daje. Javil mi se j pundejak zapolne z Kosi, obašli su celi gornji del Halubja, pa su potla šli va Klanu na tanci. Utorak je dan za se okol Svetega Mateja, a na Čistu sredu, al Pepelnicu obašli su seh od Marinić na zdolun, do Doma na Pehine, kade jih je čekal... a ki drugi leh brižni Mate Građevina(r) kemu je kucnul zadnji čas, pa j šal Svetemu Petru na spoved. A ja ovemu šesnemu Feštaru samo moren reć velo hvala ča je va sen ten šušure našal i malo vremena za ovu kurjožu babu kuntentat. Neka još čuda let obahaja naši kraji z Pehinarskemi feštari, neka užanca dura i kad si mi partimo - kamo i Mate. Sandra Žinić

11

Jedanput na leto dojde onaj dan kad bi se saki čovek trebal veselit aš mu si okol njega tistega dneva žele sreću, dobro zdravje, pun takujin i još čuda, čuda let za poživet, tuliko da more za seme zustat, al va vampiri se hitit. Va ovo moderno internetsko vreme ni dosti da to delaju familja, prijateli i susedi, leh celi svet zna kad je kemu rojendan, pa čovek dobije čestitke od seh strani sveta, od kega pozna i kega ne pozna. Tako j pred neko leto i mane veselilo kako su se samo judi spametili rojendana, ki je se napisal ku besedicu i na koj društvenoj mreže. Ma se ča daje, da van pravo rečen, to postane i pomalo štufno, kad ti par-sto „prijateli“ čestita, od keh pol opće ni ne znaš ni ki su ni kad si jih ni zač prijel za prijatela, a ti moraš magar radi reda i da ne ispadeš zadnja mona, sakemu zahvalit i ne daj Boh kega pozabit, pa od celega tistega dneva, namesto da svojun najbojun pravun kumpanijun feštaš, ti feštu ni ne vidiš, leh cel dan blejiš kot telac na ekran od mobitela al kompjutera i pritišćeš putac da ta peršona vidi da si videl njegovu čestitku. Ma ča ni to se skupa bedasto? A onda je još huja stvar, kad ti drugi imaju rojendan, a ti od tulikeh judi pozabiš čestitat...zajno moreš računat na to da će finit sa komunikacija med vami (ako je opće kakove i bilo) i da će te odfrendat! Panajma zato aš na si mogući modi te društvene mreže spamećuju ki slavi ov mesec, ovu šetemanu, drugu šetemanu i danaska... ma ne moreš to ne videt pa da si i posvema ćorav! Da ni smartfoni, još biš nekako mogal pasat lišo, zivuć se da ti j kompjuter imel virus pa si ga dal popravit, al tako ča zmislet. Ma mobitel da nimaš sobun, to ti neće tako lahko pasat...znate ono kad vas pita za sinkronizaciju računi...pa kad se mejl apdejta (nisan šla va Kinezi, to su

moderne besede)...i opeta si rojendani pridu vanka.Nekako mi j par puti potrefilo da kad kupin novi mobitel, starega zame moja mat. I magar san se potrla ča j bilo na njemu, lih mi kolendar zustane. Zove tako mat moja da njoj mobitel od ranega jutra zvoni sako malo aš ne ume ki putac pretisnut da to poniči. „Anica ti ima rojendan. Ka ti je to?“ Pa njoj špjegan ka je to Anica. Nekuliko dan potla me zove neka ne pozabin da Snježana ima rojendan i da ka je pa tista. I sakeh par dan se jovo-nanovo. „Ma reči mi, kuliko ti teh judi poznaš da su ti si rojendani zapisani va mobitele?“ pita me ona, aš ne more razumet da ne moran ja niš zapiševat, se to internet stori sam va mojen kolendare. „Ma ja nisan na internete! Ča to moj rojendan nimaš zapisan?“ buni se. Ma fala Bogu, tuliko bedasta još nisan da bin materin rojendan pozabila, magar san i njega, onako na ruke sama va kolendar zapisala. Sadahna me već ne poziva aš se j navadila da ki god mobitel kupin, zajno mi se se na kolendare prikaže. A i zadnji put ni otela zet mojga mobitela, leh si je novega kupila da ju moj ne štufeva. Jušto pred malo j bil i materin rojendan. Ni mi rabil mobitel da bin ga se spametila. Problem je bil ča njoj

regalat. Se padele sveta već ima, pol jih je već podelila sestre i mane, lancuni već va pikabit ne stanu, žmuji bimo morali najprvo porazbit da bi imela kamo novi spravit, za kakovu sliku bi morala novi zid storit, a rožice će njoj i televizju prekrit. Ča kupit ženskoj koj niš takovega već ne rabi? Verujen, da nisan samo ja va ovakoven probleme, da j to i vas čuda puti tokalo. I zato smo obrnuli na škerac. Tako smo njoj pred par let kupili najveću kasicu ku smo našli, ne kasicu-prasicu leh kasicu-kravicu i to da njoj je bingo kravica, da si oni soldi ki misli da bingo potrošit neka va nju hita, pa kad se napuni da ju more razbit – bit će to sakramentski bingo dobitak! Lane smo njoj regalali suru-uru aš jako ima rada ove moderne padele i sure, ke njoj potla stoje va špajze i prah skupjaju, pa će magar od oviste neku korist imet, znat će kad je vreme za kuhat. Ovo mi j leto na pamet palo kupit njoj velu kukumicu... ma da kukumicu, to j premića beseda za ono ča bi njoj rabilo kad se si okupimo na kafe – kukumetina, to j prava veličina! Iskala san po butegah, ma nisan našla ča san otela. Ni bilo tuliko vele. Pa san njoj regalala pašte kuliko rabi za jedan obed va starinskoj padele - kad ona ima se moderne, i malo starega kruha za nadrobit - va zdelice za belo kafe, da ne pozabi va teh leti na čen nas je othranila. Dobro smo se nasmeli, ma njoj je najveći regal bil ča smo to zapolne si skupa obedvali i ćakulali brez mobiteli, kompjutera i interneta.Jutra j i opeta nečigov rojendan, zvonit će mi mobitel, da ne pozabin. Nemojte ni vi, da se ki ne ofendi. Ako j jušto danaska vaš rojendan, neka van je srećan! A sad dosti ćakule, homo ča delat – ja moran još jenu rojendansku tortu finit.

Vaša Sandra Žinić

Ćakulona ROJENDANI I REGALI

12

Povedala san z jednen praven zvončaron, Davorinon Srokon – Davorićen od Kosi. Za me je pravi aš kad ki spomene zvončara, mane je on pred očijami. Doduše i drugi reču da je to bil pravi zvončar. Visok (preko 190 cm), jak, ruki visoko dignjene i pravi zvončarski korak. Ne nosi više zvonci, ma je zvončar ostal va srce ča se vidi po njigoven povedanju. Takov će zavavek ostat. Spametil se je kad je počel bit zvončar i kako je to zgjedalo.

„Najprvo san pobiral jaja. Bili smo četiri pa smo dva pobirali z jedne strane cesti, a dva z druge strani. Trebalo je pobrat čin više jaj. Pobiralo se je pundejak i utorak. Kad je pust finil, morda zajedin sobotu, našli smo se va škole pul Marčeji. Delale su se supice. Si smo prišli i ženske i judi od Marčeji. Onda se j’ zasoplo. Sopla je muzika ka je s nami hodila, armuniku je sopal Ive Studenjac, a bubanj je tukal ki je umel. To je bila pusna fešta.Kad san finil zanat, počel san nosit zvonci a to je bilo 1959. leta. Komandant je bil obučen kod oficir. Mi smo obukli ča smo imeli, škure brageši i stomanju na kvadrići al drugačiju ki ni takovu imel. Bele brageši su se počele nosit tamo negdere sedandeseteh let.“Zna kuda su va to vreme hodili i kade su jili.„Spametin se kad smo se jedanput našli pul Bačurki na osan ur. Bilo nas

je sedan, morda osan. Čekali smo da će još ki prit. Tako je prišla deseta ura, a nas je to ča je. I komandant je zafikal da se gre. Prišli smo do spomenika i još misleli remo doma, al naprvo. Ma šli smo naprvo aš ako sad ne remo, to će se prekinut. Pokle smo zvali ako bi još ki šal pa su prišli od Turak, od Jelovičan, od Marinić, Pehina, Petrc, Saršoni, Lučić, Sroki…Najprvo se j’ hodilo samo pundejak i utorak. Pundejak se j’ od Marčeji šlo Koson, Jardason, Brnčićen, Jelovičanon i Turkon. Onda smo se vrnjali preko Jelušić pa po dolnjoj ceste na Rudno, Kudejon, Ferencen, Dolnjen Srokon, Širolan i na breg (misli se na breg Sv. Mateje).Utorak smo ovako pasevali: Marčeji, Mavri, va Ambalažu neč popit (na pilanu), Gornji Sroki, Vajani i onda se ni fermevalo do Marinić. Kad je Pero bekar storil kuću tamo zada kade se cesta odvaja za Škurinju, smo šli i h njemu. Pul Marinić smo jili. Onda nazad po Mandrije Štefanon. Pul Štefani smo jili ulenjaki. Onda su na red prišli Pletenci pa nazad na cestu vanka i zdolun na Pehin do Želimira. Pul Želimira smo jili kombasice. Naprvo smo šli do Antonić pa po dolnjoj ceste Drnjevićen do doma, Šumci, Grpci, Sv. Križ, Srdoči, Baćići, Rubeši, Belići i Kastav. Na Šporovoj jame nan je Milena dala jist sengvići. Najprvo smo šli na Milohni, Dolnji Jugi, Gornji Jugi pa Sv. Matej. To je bilo teško pasat. Najveći del puta smo bili lašni. Judi su nosili pit. Vina je bilo na kabli i sići, ma jist malo kade. Sagdere se je tancalo. Kade god smo bili fermani, komandant je najavil tanac za repu. To je bil tanac za gospodara i gospodaricu. Imeli smo i medveda ma je bil obučen va šototajer (ronilačko odijelo) aš je to našal. Ako te je va sele ki zazval da prideš h njemu popit red je bil poć. To je bila čast i njemu i tebe

kega je zval. Trebalo je pazit na pijaču da zduraš celi put. Najhuje je bilo da se zvončar napije. To je grdo videt. Radi j e d n e g a pride da si piju.Kašneje kad se j’ počelo hodit v Reku na Korzo, imeli smo još jednu rutu, a onu od utorka smo skratili. Od Marčeji smo vaveki krenuli pa Garići, Klići, Globići, Zorzići, Lučići, Saršoni, Biškupi (jedanput nas je pul Biškup čekala juha va lončićeh a to je bil spas), Mladenići, Trtni, okol Juraši na Blažići, Petrci (a tamo je bil jako dobar obed), Tibjaši, Škurinja (oštarija Brnčić) pa na kurijeru i v Reku.“Zanimalo me je ako je bil ponosan ča je bil prvi zvončar va file i ča mu je bilo najteže.„Ma nisan ja otel prvi hodit aš je bilo starejeh od mane. Ni bil red rivat se pred njih. Kašneje smo se posložili i bilo nas je više štanjeh. Zvončara je lepo videt ako je jak i mora se lepo ponašat. Moraš imet dobru kožu i dobro vezat zvonac da sam zvoni. Onda te večer neće niš bolet. Nateže je ruki gore držat z mačukun. Ti se mučiš a one dole padaju pa boh. Ma ja se nikad nisan žalil. To je tako i ako ćeš se žalit boje da si doma. Saku večer kad san prišal doma, mat je robu oprala. Do jutro se j’ pul špargeta osušila. To je speglala i ja san se obukal i šal.“Davorić je danas počasni član. Njigof sin Sanjin je bil prvi otrok ki je šal š njimi. Ma ni se ga nosilo ni vozilo, leh je vas put sam prehodil. Jadranka Cetina

Zvončar – Davorić od Kosi

Davorić i sin

Zvončari pul Saršoni

13

Pa bio on Suh ko komarac Kakav je takav je Drži ga - nedaj ga Jer je muškarac

Tako se kanta. A kad se muški rodi „..udri grome, pukni puško...“ Život mu je posložen još i prej lego sej rodil. Još ni ni začet ma se zna ča će mu se pustit va nasleđe. More bit vas dišvan al je muški pa iako ga sestra mora zet sobun kod del doti - on dobije grunat.Va današnje vreme imamo neke udruge za zaštitu ženskeh. Najveć se o teh stvari govori na 8. Mart al kakov slični datum i toj to do drugega leta. V novinah pišu o ten - skoro kod da bi se videlo da neš delaju. Jedino znan da funkcioniraju one sigurne kuće, ma to je već kad se duša teh brižneh raspala. Oni ki jih je tamo natiral žive kod i prej samo ima malo problema ki će mu mudande oprat i ča skuhat, al brzo najde novu žrtvu skun je se dobro dokle se ne napije a ona se najde tu negde pri ruke. Morda ni skuhala ča bi on jil, a morda j samo mokar aš je pozabil lunbrelu, hodi po kuće i zmami, a onda se kod za urtu, od tega probudi otročić i zaplače. Toj pak kraj njegovemu strpjenju......... Ona plače moli i prosi, opuca njoj dve tri ćepine a ona ga buša i moli još jače. To mu se pijaža - pa zač da to višeput

ne stori sponova. Pravo se reče da smo postali od majmuna , gjedala san neki dokumentarni film kade je mužjak zbaketal, jenu od dve njegove ženke ka j poslušala kako negde dugo va šume neki mužjak zove ženke. Potle je skočil na nju „obavil“ i šal bezbrige jist- pa sad ti poslušaj drugi okole ako ćeš. Va neken tujen svete, nan tamo dugo, žensken je huje leh blagu - a ni blagu ni dobro. Malice od trinajstak let, naživo z žileton šundraju da nebi slučajno uživala - tr ona je leh makina za decu rajat. Ako zustane dovica na pamet njoj ne sme past da bi našla kega ki bi njoj pomogal ča storit, da njoj bude lagje dečinu zgojit al ča takovega. Ako juj neki proval silovat, pa mu ni uspelo,on ju proglasi daj kurba i onda ju kamenuju do smrti. Oni ki ju je proval silovat isto hita kamiki. Mladu, još skoro dete prodaju kakovemu slinavemu starčine ki njin plati par koz al kravu. Minja mu j kod igračka i on šnjun more delat ča će. Ako je nemoćan tuče ju, aš daj ona kriva. Nesme s kući sama van, ako gre neki muški mora poć šnjun, a tamo kade more poć z nekun starejun ženskun toj već napredno društvo. Muški je zmislel da mora bit zamotana od glave do pete, pred očijami njoj je mrežica kod za komari, nijena poneštra nesme bit obrnjena na cestu da nebi slučajno kega videla al nedaj boh ki nju. Nesme jist ni sedet skupa z muškemi.

Ženske su vavek brižne DRŽI GA - NE DAJ GA, JER JE MUŠKARAC

Va školu hode samo muški, ča će njoj tr ju itako niki za niš neće pitat. Ni va crekav nemore, neka se doma moli. Mi smo malo drugačji judi ma se sejeno moralo va zakonu regulat da se ka ženska stavi va Sabor aš inače niš. Kad ženska išće delo more bit školovana, šegava i kuražna ma će delo prvo dobit muški, ako je lih kakova mića mogućnost da ga moru prijet. Va neken dele je pet ženskeh ma je muški šef. Kade isto delo delaju i muški i ženska on ima veću plaću „aš ne ostaje na bolovanju za decu“. Na prevaru i skriveć se ostaje nosećo da se ne zgubi delo, a kad se vrne nazad strahuje od otkaza. Va nekeh se pak firmah mora potpisat da neće ostat noseća već na početke kad išće delo.Tega nekad ni bilo i Marija i Tereza i Fana, se su one bile te ke su skrbele za fameju, delale su od jutra do mraka. Rano - prej leh su petehi zakantali stavile su rucki nase i va saku ruku boršine pune lat al čega drugega za prodaju. Ma bilo je to jeno teško vreme al si su bili složni i zadovojni. I onda su se muški ošešjali i kasno doma prihajali al za naši domaći muški se ni čulo daj ki ženu mantratal i tukal. Muški i ženske sakamo su hodili kantajuć, ....a danas niš od tega ni zustalo -samo žuč i čemer kako bi moja pokojna Ružica rekla. Gorana Bratuša

14

Na ovoletnjen vlih pasanen Halubajsken karnevale s Pehinarskun gospodun pred Domon i općinun Viškovo stojimo i čekamo red da bimo prišli pred zadnju štaciju na Milihoven, gledan va Dom i mislin kako bi na zid trebalo stavit i treću ploču na koj bi moglo pisat "Tu smo se spoznali, tu smo se frajali a na kraje i oženili" – zahvalni nekadajnji mladići i divojke Pehina, Marinić i celega Halubja.Mislin da bi se samo na Pehine ne kurijera leh celi vlak napunil ženskeh ke su kot neveste prišle na Pehin a i muškeh ki su kot zeti prišli va Halubje. Spametil san se kako san pred pedeset i više let počel hodit na tanci, a kamo nego va Dom va Viškove. Va ono vreme sopal je orkestar od domaćeh muzikanti pa mi je na pamet palo, pišuć ovitekst da bi bilo vredno napisat i njiha imena, pul čega mi je pomogal Franjo Širola – Nevestin od Široli, aš mislin da će se bar mići del judi z gušton spametit njiheh imen. Va ten orkestre sopli su Franjo Širola – Nevestin, Zvonko Blažić, Josip Orsićev, Milivoj Trinajstić i Alojz Bauman. Još su sopli Zdravko Trinajstić, Pepin s Škurinje, Vilko Blažić, Franjo Širola – Tominić, Vilko Širola – Žandarov, Miro Škurinje. Bilo je to vreme valcera, polke, tanga i fokstrota.Matere i none sedele su na balkone jako pazile ka će s ken tancat, med sobun ćakulale i kako se užalo reć "krpice prišivalo" aš su va ćakule dodale i ono ča nisu videle. Posema su dobro gjedale

kad je bil "damen bal", to će reć kad su ženske birale, kega će divojka zibrat. To se već drugi dan va sele od kud je bila divojka znalo po kega je šla tancat, samo ča je već nisu oženile.Za dobit promeš da moru poć na tanac, divojke su čuda puti morale do kasno zapolne al pomust, al osnažit, pomit al ča drugo storit i onda se brzo spravit. Blagdanjski postoli za tanac nosile su sobun va kakoven najlone a va stareh čavatah al postoleh hodile po beleh cestah da njin se boji postoli ne rovinaju. Probule bi se pred samen Domon, a stari postoli bi skrile pod kakov zidić al štrped al pak pul prijatelic ke su blizu Doma bivale.Ki put se užal Dom trest koliko nas je užalo bit na tance, a ki put se ni ni moglo tancat od vele gnjete, ma, ni to ni bilo tako loše aš si mogal divojku jače stisnut, bože moj, ča storit, judi se rivaju.Čekali smo va Dome i nova leta, a vaje za ten, već na Tri kraji, počeli su i pusni tanci. Kašnejeh let prišli su sost "Grejsi" s Kastva, a onda se počel tancat i tvist,

Bilo je to vreme valcera, polke, tanga i fokstrota

DOM VA VIŠKOVE

rock and roll, sentiši i drugi tanci. Ma vavek je vreme na tance brzo i prebrzo pasalo aš već okol pol noći, al malo za ten, odsoplo se "laku noć, ja draga moram poći, laku noć, laku noć laku noć".Kad je tanac finil, frajar je frajaricu doma kumpanjal, drugi mladići ki su imeli sreće da njin divojka pusti da ju otprate doma za morda kakov bušić dobit, a i to je bilo neč, bi se bili dogovorili da će se čekat pul Joškineh tako da su va kumpanije šli veselo doma hodeć, al ki put z biciklami, a potla s fićoti. Oni ki je imel mile tre al kadet bil je ohoho mladić.Sako vreme nosi svoje, danaska takoveh tanci više ni, mladi se na drugačijeh mesteh jako brzo upoznaju, jako brzo ožene i jako brzo rastave. Mi moremo samo gjedat, vrtet z glavun i mislet kamo gre ovi svet.Ma morda i ni tako, aš su i naše none i nonići, ćaće i matere isto tako vrteli zglavun i misleli ča je prišlo na ovi svet kad smo mi tancevali. Miljenko Valenčić - Bačurkin

15

Dragi moji,Kako san pišuć na ovoj dragoj domaćoj besede već pasal vas ov naš Pehin, rabilo bi sada storit koračić napred. Mislel san o čemu onda pisat. Spametil san se, pisat ću ja al neki drugi o temu ča Pehin povezuje z susednemi naselji al seli. Za ov broj san se odlučil pisat o Slavinju.On van je dragi moji bil toliko velik da su ga podelili med četire kastafske županije. Županije su bile onda kad su ga delili kot današnji mjesni odbori.Pri vrhu Slavinja je bil postavan kamik ki je senjeval granicu teh županij. Slavinj je bil va Zametskoj (Tići, Drnjevići, Mulci, Selinari, Tranpi), Hostovoj (Hosti, Pletenci), Blažićevoj (Štefani, Tranpov breg) i Brnasovoj (Kapiti) županije. Judi ki su va teh seleh bivali imeli su kusi po celen Slavinje.Onaj del Slavinja ča je bil bliže kućan se je obdeleval kopal, zaleval i nastal. Ono malo daje bilo je za blago past, kakov kolac poseć al kakovu šmrikicu doma donest za božićnjak. Pri vrhu je bilo i borići ma na njih se jako

pazilo. Ovakovega Slavinja više ni. Se da gre naprvo pa su tu po sred njega storili novu cestu ka z Reke gre va Marinšćinu. Prepolovili su Slavinj I on sadahna ne sliči na ono ča je prvo bil, ma je sejedno kot toponim ostal.Kako je Pehin preko Slavinja povezan z Zameton (Tići, Drnjevići…) Va sledećeh brojeh ćemo provat opiševat i taj del naše lepe Kastafčine.Sadahna za kraj jedna pjesmica vezana za Slavinj.

SLAVINJNa Slavinju ni kunfina, suhozidi tu su stali.Nonoti su svoji kunfini drugačje senjali.Kunfini da su beli kamiki ki z japnon pituramo.Pokazali su nan ih nonoti da za daje znamo.Prišlo je to novo doba,cesta tud paseva, zrušeni su si kunfinii z desna i z leva.Proširili su se puti zbaćeni kunfini,Niki nezna ča je čigovo dok se cesta ne fini.Finjena je cesta kusi da su uži,

sused sad suseda za „tuje“ da tuži.Od Pletenac sprotu Tićon više ni pasaja,Asfalt se je preprečil, ne raste već graja.Ni od Mulac prek Slavinja put da ni ostalpo kemu je Marijan „Prč“ do Pletenac šal.I „friške“ ribe noseć proval je kantatnadajuć se da pul Pletenactu „belecu“ more su prodat.Stene, rabe, suhozid, gromača.Ni čut krave, koze, ovceni dečjega plača.Ni senjala više ni tu kade je bil.četire kastafske županijeon je tu delil.Po ceste sadahna auti da voze,prej da su hodilekrave, ovce, koze.Niš ni više kako ča je nekad prvo bilo.Se se menja, hodi napred,se se promenilo.Trdi žuji našeh nonotisuhozida senjali.Pasala je nova cestastarega Slavinja već ni. Mali Kosićev

ĐIR - SLAVINJ