lektsiyalar teksti
TRANSCRIPT
3
O`ZBEKSTAN RESPUBLIKASI JOQARI HA`M ORTA ARNAWLI
BILIMLENDIRIW MINISTRLIGI
BERDAQ ATINDAG`I QARAQALPAQ MA`MLEKETLIK UNIVERSITETI
«Algebra ha`m differentsialliq ten`lemeler» kafedrasi
«Matematika tariyxi ha`m matematika oqitiw metodikasi»
pa`ninen
LEKTsIYaLAR TEKSTI
Matematika qa`nigeligi ushin
Du`ziwshiler: Allambergenov X.S
Nurjanov. O.D
NO`KIS
4
1- lektsiya. Tema: Matematika tariyxi ha`m matematika oqitiw
metodikasinin`, oqitiw mazmuni ha`m waziypalari
1. Matematika ilimlerinin` rawajlaniwi haqqinda.
2. Matematikani oqitiw metodikasi pa`ninin` maqset ha`m waziypalari.
3. Uliwma bilim beriw mekteplerinde matematikani oqitiw maqsetleri,
mazmuni ha`m waziypalari.
1. Matematikanin` mektep kursinda matematika iliminin` ko`p a`sirlik
tariyxi dawaminda payda bolg`an ha`r qiyli bo`limleri u`yreniledi. Misali,
arifmetika bunnan t min` jildan aslam waqit buring`i a`yemgi Egipet ha`m
Vavilonda kelip shiqqan edi, geometriyanin` tiykarlari bul ilimdi bizin`
eramizg`a shekemgi VII-VIII a`sirlerde rawajlandirg`an a`yyemgi grek
ilimpazlarinin` miynetlerinde qa`liplesti, algebranin` qa`liplesiwine ha`m
rawajlaniwina bizin` eramizdin` IX-XIII a`sirlerinde o`mir su`rgen Orayliq
Aziya alimlarinin` miynetleri u`lken ta`sir jasadi, differentsialliq ha`m
integralliq esap tiykarlari XVII a`sirdin` aqirinda N`yuton ha`m Leybnits
ta`repinen islep shig`ildi, al ko`plikler teoriyasinin` tu`sinikleri XIX
a`sirdin` aqirinda G.Kantor jumislarinda qa`liplesti.
Usinday ha`r qiyli ideya ha`m tu`siniklerdin` mag`anasin aship biliw
ushin matematikanin` rawajlaniwinin` tiykarg`i basqishlarin biliw, tariyxiy
rawajlaniw protsessinde matematikanin` o`z predmetin qalay ken`eytip
barg`anin tu`siniw za`ru`r.
«Matematika» so`zi bizgi a`yyemgi grek tilinen kelip jetken: Mathema
bul bizin` tilge awdarg`anda «biliw, bilim, ilim» degendi an`latadi. Bul
so`z grek tilinen latin tiline, onnan polyak tiline, al onnan rus tiline o`tip,
rus tilinen qaraqalpaq tiline o`tken.
Matematikanin` rawajlaniwinin` ko`p a`sirlik tariyxi sha`rtli tu`rde
tiykarg`i to`rt da`wirge bo`linedi.
5
I-da`wir- Matematikanin` payda boliw da`wiri-praktikaliq esaplawlar
ha`m o`lshewler menen, san ha`m figura tu`siniklerinin` qa`liplesiwi
menen payda boldi. Bul da`wirde praktikaliq ma`selelerdi sheshiw ushin
ta`jiriybelik qag`iydali tu`rinde arifmetika ha`m geometriya o`z basling`ish
tiykarlarina iye boldi.
II-da`wir- turaqli shamalar matematikasi da`wiri – b.e.sh. VI-V
a`sirlerden baslanadi. Bul da`wirlerde matematika o`z izertlew predmetine
(san ha`m figura) ha`m o`z izertlew usillarin iye bolg`an o`z betinshe ilim
retinde qa`liplesti. Bul da`wirdegi matematikani Aristotel` (b.e.sh. 384-
322-j) mug`dar haqqinda ilim sipatinda aniqlaydi. Bul da`wir Evklidtin`,
Arximedtin` ha`m Apolloniydin` miynetlerinde rawajlandirilg`an
diduktivlik metodtin` payda boliwi menen belgilenedi.
Bul ekinshi da`wirde matematikanin` jan`a tarawi «algebra» kelip shiqti
ha`m rawajlandi. Bunda bizin` ulli watanlaslarimiz Muxammed Al-
Xorezmiy, Abu Rayxan Beruniy, Omar Hayam, Abu Ali Ibn Sina,
Ulug`bek, At-Tusi, al-Koshi og`ada u`lken u`les qosti.
III-da`wir- o`zgeriwshi shamalar matematikasi da`wiri- XVII a`sirden
baslanip, XIX a`sirdin` ortasina shekem dawam etti. Bul da`wir matematika
iliminin` izertlew predmetinin` bunnan bilayda ken`eyiwi menen
belgilenedi: funktsiya ha`m onin` menen baylanisli bolg`an u`zliksizlik
ha`m qozg`alis ideyalari tiykarg`i orindi iyeleydi, ta`biyatti tu`siniwdin`
ku`shli qurali bolg`an matematikaliq analiz, geometriyani algebra ha`m
analiz menen baylanistiriwshi analitikaliq geometriya ha`m basqada
matematikanin` jan`a tarawlari payda boldi ha`m rawajlandi. Matematikani
logikaliq tiykarlap beriw ma`selelerin qoyiwshi aksiomatikaliq usillar
rawajlandirildi.
IV-da`wir- o`zgeriwshi qatnaslar matematikasi da`wiri- XIX a`sirdin`
ekinshi yariminan baslanip, bu`gingi ku`nge deyin dawam etpekte. Bul
da`wir abstrakt matematikaliq strukturalardin`, jan`a teoriya ha`m
bag`darlardin` payda boliwi menen, modellestiriw usillarin ken`
6
paydalaniw menen baylanisli bolg`an ha`zirgi zaman matematikasi da`wiri.
Ha`zirgi zaman matematikasi matematikaliq strukturalar ha`m olardin`
modelleri haqqindag`i ilim sipatinda aniqlanadi. Ha`zirgi zaman
matematikasinin` ko`p sanli tarawlarinin` abstrakt bolip ko`riniwine
qaramastan, ol ilimnin` ha`r qiyli bo`limlerinde ken`nen paydalanilmaqta.
Matematikanin` qollaniw shen`berinin` ken`eyiwine XX a`sirdin` ekinshi
yariminda komp`yuterlik texnikanin` du`ziliwi ken` jol aship berdi.
Komp`yuterlik texnika informatsiyalardi qa`liplestiriw, izlew ha`m qayta
islewdi ta`minleydi.
XX a`sirde O`zbekstanda matematikaliq ilimnin` rawajlaniwina ko`p
ilimpazlar, solardan V.I.Romanovskiy, T.A.Sarimsaqov, S.X.Sirojiddinov,
T.J.Juraev, N.Yu.Satimov, Sh.A.Alimov, J.Xojiev, Sh.A.Ayupov,
A.Sadullaev ha`m basqalar u`lken u`les qosti. XX a`sirdin` ortalarinan
baslap Qaraqalpaqstanda da matematikanin` ha`r qiyli tarawlari rawajlana
basladi. Bir qatar ilim kandidatlari ha`m doktorlari o`sip shiqti. Olardan
prof.J.Qutlimuratov, dotsentler O.Boleshov, M.G.Galikeev, O.Jiemuratov,
S.Qa`limbetov, X.Baymuratovlar matematika ilimin rawajlandiriwg`a ha`m
bul taraw boyinsha pidayi qa`nigeler tayarlap shig`ariwg`a u`lken u`les
qosti. Olardin` qa`nigeler tayarlap shig`ariwg`a u`lken u`les qosti. Olardiq
islerin bu`gingi ku`ni de prof A.Otarov, dotsentler O.Saparniyazov,
Q.Qaljanov, U.Ramoetov, S.Pirnazarov, fizika-matematika ilimlerinin`
doktorlari N.Uteuliev ha`m S.Qosbergenov ha`m basqada ilimpazlar dawam
etpekte.
Matematikani oqitiw metodikasi pa`ninin` maqset ha`m waziypalari.
«Metodika»- grek so`zi bolip, «metod»- jol, usil degendi bildiredi.
Matematika metodikasi (bul matematika didaktikasi yamasa matematika
pedagogikasi dep te aytiladi)- oqiwliq pa`n sipatindag`i matematika
haqqindag`i ilim bolip, ja`miyet ta`repinen oqitiwg`a qoyilg`an talaplarg`a
muwapiq tu`rde matematikani oqitiw nizamliqlarin izertlewshi
pedagogikanin` bir bo`legi bolip tabiladi.
7
Matematikani oqitiw metodikasi oqitiw menen baylanisli bolg`an
to`mendegi tiykarg`i u`sh sorawg`a juwap beriwi tiyis:
1. Matematikani ne ushin oqitadi ?
2. Matematikadan nelerdi u`yreniw kerek ?
3. Matematikaqalay u`yretiw kerek ?
Matematikani oqitiw metodikasinin` tiykarg`i waziypalari:
1) matematikani u`yreniwdin` konkret maqsetlerin ha`m orta mekteptin`
oqiwliq pa`ninin` mazmunin aniqlaw;
2) qoyilg`an ma`selelerge erisiwge bag`darlang`an oqitiwdin` en`
ratsional metodlarin ha`m formalarin islep shig`iw;
3) za`ru`rli oqitiw qurallarin qarap shig`iw ha`m olardi oqitiwshinin`
a`meliy islerinde qollaniw boyinsha usinislardi islep shig`iw.
Matematikani oqitiw metodikasi u`sh bo`limnen ibarat:
1. matematikani oqitiwdin` uliwma metodikasi (misali, oqitiw
metodlarin u`yretiw).
2. matematikani oqitiwdin` dara metodikasi (misali, mektep kursinda
funktsiyalardi u`yreniw).
3. matematikani oqitiwdin` konkret metodikasi bul 1) uliwma
metodikanin` dara ma`selelerinen (misali, V- klassta matematika
sabaqliqlarin jobalasiriw); 2) dara metodikanin` konkret ma`selelerinen
(misali, «u`shmu`yeshlikler» temasin oqitiw metodikasi) turadi.
«matematikani oqitiw metodikasi» oqiw predmetinin` tiykarg`i mazmuni
(Matematikag`a qalay oqitiw kerek ?) degen sorawg`a juwap beriwden
ibarat.
Al «Matematikadan nelerdi oqitiw kerek ?» degen sorawg`a juwap
mektep matematika kursinda (bag`darlamalarda, ma`mleketlik standartta
ha`m sabaqliqlarda) sa`wlelengen boladi.
Matematika metodikasi da`slep Shveytsariyali pedagog G.Pestalotsiydin`
1805-jili ja`riyalang`an jumisinan baslanadi. Da`slepki da`wirde
8
matematikani oqitiw metodikasinin` tiykarg`i maqseti kishi mektep
jasindag`i balalardi matematikag`a u`yretiw ma`seleleri boldi.
30. Uliwma bilim beriw mekteplerinde matematikani oqitiw ma`seleleri,
mazmuni ha`m waziypalari.
Uliwma bilim beriw mekteplerinde matematikani oqitiwdin` tiykarg`i
maqsetleri to`mendegilerden ibarat: uliwma ta`limlik, ta`rbiyaliq ha`m
a`meliy maqsetler.
1. Uliwma ta`limlik maqsetleri: oqiwshilarg`a belgili matematikaliq
bilimler, uqipliliq ha`m sistemasin beriw; oqiwshilarg`a du`n`yani
u`yretiwdin` matematikaliq usillarin iyelewine ja`rdemlesiw; oqiwshilardi
awizeki so`ylew ha`m jazba matematikaliq tilge u`yretiw; oqiwshilarg`a
ta`lim barisinda ha`m o`z betinshe bilim aliwinda jedel biliw iskerligi
ushin za`ru`r bolg`an bilim, ko`nlikpe ha`m uqipliliqlar menen
qurallaniwina jeterli matematikaliq mag`liwmatlardi aliwina ja`rdemlesiw.
2. Ta`rbiyaliq maqsetleri: oqiwshilarda ilimiy ko`z-qarasti, haqiyqiy
du`n`yani biliw usillarin qa`liplestiriw ha`m ta`rbiyalaw; olarda
matematikani u`yreniwge bolg`an turaqli qizig`iwshiliqti ta`rbiyalaw;
oqiwshilardi a`dep-ikramliliq, ruwxiy-ag`artiwshiliq, ekonomikaliq,
estetikaliq ha`m ekonomikaliq, estetikaliq ha`m ekologiyaliq jaqtan
ta`rbiyalaw, sonnan miynetke hu`rmet, juwapkershilik, erlik ha`m shidam
ja`ne basqa qa`siyetlerdi ta`rbiyalaw, oqiwshilardin` matematikaliq
oylawin, pikirlewin, qa`biletlerin rawajlandiriw, olarda matematikaliq
ma`deniyatti qa`liplestiriwden ibarat.
3. A`meliy maqsetleri: aling`an matematikaliq bilimlerdi a`piwayi
turmisliq ma`selelerdi sheshiw, basqa oqiw pa`nlerin (fizikani, ximiyani,
informatikani h t.b) u`yreniwde qollana biliw uqipliliqlarin qa`liplestiriw;
matematikaliq a`sbaplar ha`m qurallardi paydalana aliwg`a u`yretiw,
bilimlerdi o`z betinshe iyeley aliw (oqiw ha`m ilimiy-ko`pshilik a`debiyat
penen jumis) ko`nlikpelerine erisiw.
9
Uliwma orta ta`lim meteplerinde matematikaliq bilimlendiriwdin`
waziypalari to`mendegilerden ibarat: san haqqindag`i tu`siniklerdi
rawajlandiriw ha`m esaplawlardin` insan ta`jiriybesindegi ornin ko`rsetiw;
esaplawdin` a`meliy ko`nlikpelerin ha`m esaplaw ma`deniyatin
qa`liplestiriw; algebraliq a`mellerdi orinlaw ko`nlikpelerin qa`liplestiriw
ha`m olardi matematika ja`ne basqa tarawlardag`i ma`selelerdi sheshiwge
qollana biliw; elementar funktsiyalardin` qa`siyetlerin, grafiklerin
u`yreniw ha`m olardi ta`biyattag`i bar qatnaslardi analiz etiw ha`m olardi
bayanlawda paydalaniw; planimetriyanin` usillari ha`m tiykarg`i
mag`liwmatlarin o`zlestiriw; u`yrenilip atirg`an tu`sinik ha`m turmista
ha`m ta`biyatta ju`zege asip atirg`an qubilislardin` matematikaliq
modellestiriliwi ekenligi haqqindag`i tu`siniklerdi qa`liplestiriw, ken`islik
denelerinin` qa`siyetleri u`yreniw ha`m olardi a`meliy ma`selelerdi
sheshiwge qollana biliw ko`nlikpelerin qa`liplestiriw.
Ma`mleketlik ta`lim standari matematikadan bilimlendiriw mazmuninin`
ma`jbu`riy ko`lemin, oqiwshilardin` jas o`zgeshelikleri ha`m
imkaniyatlarin esapqa alg`an halda tan`lanatug`in oqiw ju`klemesin
joqarg`i mug`dardag`i ko`lemin, tiykarg`i bag`darlar boyinsha
oqiwshilardin` bilim, ko`nlikpe ha`m uqiplilig`ina qoyilatug`in talaplar
ha`m olardi bahalaw o`lshemlerin belgileydi.
Uliwma orta ta`lim mekteplerinde matematikaliq bilimlendiriwdin`
tiykarg`i bag`darlari to`mendegilerden ibarat:
- san ha`m esaplawlar;
- an`latpalardi birdeylikke tu`rlendiriwler;
- ten`lemeler ha`m ten`sizlikler;
- funktsiyalar ha`m grafikler;
- geometriyaliq fiuralar ha`m shamalar.
Bul bag`darlar ma`mleketlik standartta ma`jbu`riy minimum belgilengen.
Mektepte matematika oqitiw mazmuni ha`m oni sho`lkemlestiriw
boyinsha normativlik hu`jjetlerge ma`mleketlik ta`lim standartlari (MTS),
10
oqiw jobasi ha`m bag`darlama kiredi. Olar matematikani oqitiw mazmunin
aniqlaydi, ha`r bir klass oqiwshisi iyelewi za`ru`r bolg`an bilim, ko`nlikpe
ha`m uqipliliqlar ko`lemin belgileydi.
Sorawlar:
1.Matematika atamasinin` ma`nisi qanday?
2. Matematika pa`ni qanday rawajlaniw da`wirlerge bo`linedi?
3. Matematika pa`n sipatinda qanday o`zgesheliklerge iye?
4. Matematika oqiw predmeti sipatina qanday belgilerge iye?
5. Matematikani oqitiwdin` tiykarg`i maqseti ha`m waziypalari nelerden
ibarat?
11
2-Lektsiya. Matematikani oqitiwdag`i ilimiy izertlew usillari.
1. Ilimiy izertlew usillarinin` uliwma xarakteristikasi.
2. Baqlaw, ta`jiriybe, o`lshew.
3. Salistiriw ha`m analogiya.
4. Analiz ha`m sintez.
5. Uliwmalastiriw, abstraktsiyalaw ha`m konkretlestiriw.
Matematikaliq tu`sinikler ha`m tastiyiqlawlar real haqiyqatliqtin` en`
teren` ha`m uliwma qa`siyetlerin biliwdi an`latadi.
Ta`biyattin` nizamlarin u`yreniw barisinda matematik ilimpazlar
izertlewdin` ilimiy usillari dep atalatug`in ayriqsha matematikaliq
usillardan paydalaniladi, bular oqiwshilardin` oqiw isleri bolip ta xizmet
qiladi. Matematikaliq izertlewdin` tiykarg`i usillarina:
1) baqlaw, ta`jiriybe o`lshewler;
2) salistiriw ha`m analogiya;
3) uliwmalastiriw, abstraktsiya ha`m konkretlestiriw;
4) induktsiya ha`m deduktsiya;
5) analiz ha`m sintez jatadi.
Baqlaw, ta`jiriybe, o`lshew.
Baqlaw - bul o`z ta`biyg`iy sha`rtlerinde ha`m ob`ekttin` o`zinde bar
baylanislarinda qaralip atirg`an izertleniwshi ob`ektler ha`m qa`siyetlerin
ha`m qatnaslarin fiksirlew (belgilep qoyiw).
Baqlaw, ta`jiriybe, o`lshew
Baqlaw - bul o`z ta`biyg`iy sha`rtlerinde ha`m ob`ektlerdin` o`zinde bar
baylanislarda qaralip otirg`an izertleniwshi ob`ektler ha`m ha`diyselerdin`
qa`siyetlerin ha`m qatnaslarin fiksirlewler (belgilep qoyiw).
Ta`jiriybe (eksperiment) - bul ob`ekt ha`m qubilislardi izertlew usili
bolip, bul usil ja`rdeminde ob`ekt ha`m qubilislardin` ta`biyiy awhalina
12
ha`m rawajlaniwina, olarg`a ta`biyg`iy bolmag`an sha`rtler jaratiw arqali,
(bo`leklerge bo`lip, basqa ob`ektler menen biriktirip h t.b) aralasamiz.
O`lshew – bul izertlenip atirg`an ob`ektlerdin` sanli ma`nisler arqali
belgilengen shamalarin sa`ykes o`lshew instrumentleri ha`m a`sbaplari
ja`rdeminde aniqlaw.
Baqlaw, ta`jiriybe ha`m o`lshew protsessinde arnawli situatsiyalar
du`ziwge bag`itlang`an ha`m bularg`a aniq nizamliqlar, geometriyaliq
faktler, ideyalar, da`liyllewler h t.b shig`arip aliwg`a mu`mkinshilik
jaratadi. Ko`binese baqlaw, ta`jiriybe ha`m o`lshewlerdin` na`tiyjeligi
induktivlik juwmaqlardin` tiykari bolip, bular ja`rdeminde jan`a
haqiyqatliqlardin` ashiliwi iske asadi. Sol sebepli baqlaw, ta`jiriybe ha`m
o`lshewdi oqitiwdin` evrestikaliq usillarinda yag`niy jan`aliqlar ashiwg`a
ja`rdem beriwshi usillar qosadi. Bul usillar eksperimental ilimler dep
ataliwshi ilimlerde (fizikada, ximiyada) orayliq orin iyeleydi ha`m
matematikaliq izertlewlerde jetekshi usillar bola almaydi, sebebi qandayda
bir usildiq dara yaki konkret jag`dayda jaramli ekenligi onin`
universallig`in ko`rsetpeydi. Sonin` menen birge baqlaw, ta`jiriybe ha`m
o`lshew izertlenip atirg`an ob`ekttin` geypara matematikaliq qa`siyetlerin
illyustratsiya qilip, bul qa`siyet orinli ma yaki orinli emespe, soni
tastiyiqlawi tiyis. Soni da ayta o`tiw kerek, empirikaliq usillar (baqlaw,
ta`jiriybe, o`lshew) ja`rdeminde real situatsiyalardi matematikaliq jaziw
boyinsha islerdin` tek g`ana baslang`ish etaplari orinlanadi. Aling`an
matematikaliq material (gipotezalar, matematikaliq tastiyiqlawlar) keleside
basqa usillar ja`rdeminde isleniwi tiyis.
Salistiriw ha`m analogiya
Salistiriw ha`m analogiya- bul pikirlewlerdin` ilimiy izertlewlerde de,
bilim beriwde de paydalanilatug`in logikaliq usillari.
Salistiriw- bul oyimizda izertlew ob`ektlerinin` uqsaslig`in yaki
ayirmashilig`in, yag`niy olarda uliwma ha`m uliwma bolmag`an (ha`r qiyli)
qa`siyetlerdin` bar ekenligin aniqlaw.
13
Salistiriw izertlew usili retinde matematikada ob`ektlerdin`
matematikaliq qa`siyetlerin izertlew ushin g`ana emes, ba`lki bul
qa`siyetlerdi aniqlaw ushin da ken` qollaniladi. Misali, u`shmu`yeshliklerdi
ha`m to`rtmu`yeshliklerdi salistriw, olardin` uliwma qa`siyetlerin,
ta`replerdin`, to`belerdin`, mu`yeshlerdin` bar ekenligi, qansha ta`rep
bolsa, sonsha ta`rep ha`m mu`yeshler bar ekenligi: sonin` menen birge
ayriqshalig`in aship beredi. U`shmu`yeshliklerde u`sh to`be (ta`rep),
to`rtmu`yeshliklerde to`rt to`be (ta`rep) bar. A`piwayi ha`m algebraliq
bo`lsheklerdi salistiriw olardin` uqsaslig`in, alimi ha`m bo`limi barlig`i,
bo`lim nolge ten` bolsa, bo`lshektin` mag`anasin jog`altiw h t.b
ayirmashiliqlarin aniqlaydi: birinshi jag`dayda alim ha`m bo`lim- sanlar,
ekinshisinde algebraliq an`latpalar. Salistiriw usilin paydalang`anda
to`mendegi sha`rtlerdi na`zerde tutuiw kerek.
1) salistirilatug`in tu`sinikler bir tekli boliwi tiyis (misali,
u`shmu`yeshliktin` perimetri menen denenin` massasin salistiriw mu`mkin
emes) ha`m 2) salistiriw man`izli a`hmiyetli belgiler boyinsha a`melge
asiriladi.
Salistiriwlar analogiyani paydalaniw ushin tiykar tayarlaydi. Analogiya
ja`rdeminde zatlardin`, olardi salistiriw na`tiyjesinde aniqlang`an,
uqsaslig`i jan`a qa`siyetke (yaki jan`a qa`siyetlerge) ken`eytiriledi.
Analogiya boyinsha pikir ju`rgiziwdi to`mendegi sxema boyinsha ko`z
aldimizg`a keltiriw mu`mkin:
A a, b, c, d qa`siyetlerge iye;
V a, b, c qa`siyetlerge iye;
S d qa`siyetke iye boliwi da
mu`mkin
Analogiya boyinsha keltirip shig`ariw itimallig`inan bul pikirlewdi
da`liyllew sipatinda da qabil etiwge bolmaydi.
14
Biraq bilim beriwde de, ilimde de analogiya ko`binese bizdi boljap
seziwge, tu`siniwge alip keledi, yag`niy evristikaliq usil boladi.
Matematikani oqitiwda neni da`liyllew ha`m bul da`liyllewdi qalay tabiw
kerekligin tu`sinip jete biliwine u`yretiw da`liyllewge u`yretiwden kem
a`hmiyetke iye emes.
Matematikaliq izertlewde, sonday-aq matematikaliq bilim beriwde
analogiyani qollaniwda sirtqi «uqsasliq»qa (a`dettegi ma`niste) iye emes
ha`r qiyli zatlar ko`pliginin` strukturasinin` birdeyligine, teren` ishki
«uqsaslig`ina» tiykarlang`anlig`i menen xarakterlenedi. Izomorfizm
tu`sinigi ja`rdeminde da`l matematikaliq aniqlama alg`an bul «strukturaliq
uqsasliq» a`piwayi analogiyadan o`zinshe haqiyqiy na`tiyjelerge alip
keliwshi ayriqsha ko`rinistegi analogiyanin` tiykarin du`zedi.
Misali: koordinataliq usildin` tiykarin tuwri siziq (tegislik yamasa
ken`islik) tochkalardin` ko`pligi menen haqiyqiy sanlar ko`pligi (jupliqlar
yaki u`shlikler ko`pligi) arasindag`i, tochkalar arasindag`i geypara
qatnasiqlardi sanlar (jupliqlar yaki u`shlikler) arasindag`i qatnaslarg`a
o`tkiziwshi bir ma`nisli sa`ykeslik ideyasi du`zedi. Bul bir ma`nisli
sa`ykeslik qa`siyetlerdi tuwri siziq (tegislik yaki ken`islik) tochkalarinin`
ko`pliginin` strukturasin aniqlap beriwshi tilden R (R2 yaki R3)
ko`pliginin` strukturasin aniqlawshi tilge ha`m kerisinshe bir ma`nisli
o`zgeriwdi iske asiriwg`a mu`mkinshilik beriwshi izomorfizm boladi.
Analogiyani ha`r qiyli ob`ektlerge qollaniw mu`mkinshiligi bul
ob`ektlerdin` matematikaliq model`lerdin` birdeyligine yaki bul
model`lerdin` uliwma klassqa derekligine tiykarlang`an.
Misali,
kyy =′ (1)
a`piwayi differentsialliq ten`lemesi ha`m onin` sheshimi kteyy −= 0 (2)
15
radiydin` idiraw protsessin (bul jag`dayda (2) formula, eger 0y ma`nisi
0t waqittag`i radiy massasi bolsa, onda u radiydin` qa`legen momenttegi
massasin beredi ha`m okean da`rejesinen x biyikliktegi g`a`rezli
atmosferaliq basimnin` o`zgeriw protsessin (bul jag`dayda (2) barometrlik
formula) sonday-aq, xaliq saninin` o`siw protsessin (eger berilgen waqit
momentinde xaliq saninin` o`simi usi momenttegi xaliq sanina
proportsional bolsa), qorshap turg`anortaliqtin` turaqli temperaturasinda
denenin` suwiw protsessin (denenin` suwiw tezligi, dene menen qorshag`an
ortaliqtin` temperaturalarinin` ayirmasina proportsional bolg`anlig`i
sebepli) ha`m uliwma ha`r qanday ko`rsetkishli o`siw ha`m kemiw
protsesin (k > 0 yaki k < 0 bolg`anda) an`latiwi mu`mkin, eger berilgen
waqitta shamanin` o`siw tezligi o`zgeriwshi shamag`a proportsional bolsa
ha`m (1) differentsial ten`leme menen an`latilsa.
Joqarida sanap o`tilgen qubilislar ha`m protsessler sirtqi
ayirmashiliqlarina qaramastan olardin` matematikaliq modelleri (1)
modeller klasina derek bolatug`inin an`latatug`in teren` uqsasliqqa iye. Bul
protsesslerdin` birinin` qa`siyetlerin analogiya boyinsha basqasina
o`tkiziwge mu`mkinshilik beredi.
Oqitiwda analogiyani paydalaniw mu`mkinshiligi oqiwliq materialdi
izertlew izbe-izligin strukturalastiriwg`a mu`mkinshilik jaratadi. Misali,
onliq bo`lsheklerdi a`piwayi bo`lsheklerden aldin izertlewdi natural sanlar
arifmetikasina analogiyani paydalaniw mu`mkinshiligi menen tu`sindiriwge
boladi. Algebraliq bo`leklerdin` qa`siyetlerin izertlewde a`piwayi
bo`lshekler menen analogiyani paydalaniw mu`mkin. Analogiya
arifmetikaliq ha`m geometriyaliq progressiyalardi bir waqitta izertlew
ushin baza bolip xizmet qiladi.
Analogiya usilin paydalaniw qa`te na`tiyjelerdin` kelip shig`iwina alip
keliwi mu`mkin. Sonin` ushin olardi qatan` da`liyllewdi talap qilatug`in
gipotezalar (tastiyiqlawlar) dep qaraw kerek.
40. uliwmalastiriw, abstraktsiyalaw, konkretlestiriw, klassifikatsiyalaw.
16
4.1. Uliwmalastiriw metodi. Uliwmalastiriw tu`sinigi de matematikani
oqitiwdag`i ilimiy - izleniw metodlarinin` biri.
Uliwmalastiriw sonday logikaliq usil, onin` qollaniwi arqali birlik
pikirlewlerden uliwma pikirlewlerge o`tedi.
Misali, arifmetikaliq progressiyanin` n - ag`zasinin` formulasin
u`yrengende da`slep berilgen birinshi a1 ag`zasi ha`m arifmetikaliq
progressiyanin` d ayirmasi boyinsha esaplawdin` konkret misallari
qarastiriladi. Bunnan keyin olardi bir ( )11 −+= ndaan formulag`a
uliwmalastiriw kerek boladi, bunin` ja`rdeminde arifmetikaliq
progressiyanin` qa`legen ag`zasin esaplaw ushin usil ornatiladi.
Mektep matematika kursinda uliwmalastiriw tu`sinigi to`mendegishe
qollaniladi:
1. Matematikaliq tu`siniklerdi uliwmalastiriw.
2. Teoremalardi da`liyllewde uliwmalastiriw.
3. Misal ha`m ma`selelerdi sheshiwde uliwmalastiriw.
4.2. Abstraktsiyalaw metodi.
Oqitiw protsessindegi ilimiy-izleniw metodlarinan biri bul
abstraktsiyalaw metodi bolip tabiladi. Abstraktsiyalaw u`yrenilip atirg`an
ob`ekttegi na`rselerdin` a`hmiyetli belgilerin, sipat ha`m qa`siyetlerin o`z
betinshe pikir ob`ektinie aylandiriwdan ibarat oylaw operatsiyasi bolip
tabiladi.
Misali, biz fizika kursinda denenin` qozg`alis tu`sinigin atvvt += 0
formula menen metall sterjennin` uzinlig`inin` qizdirilg`anlig`i o`zgerisi
xllx α+= 0 formula menen, al siziqli funktsiyanin` mu`yesh koeffitsentli
formulasin ( ) baxxf += menen an`latamiz. Biz bul formulag`a diqqat penen
17
qarasaq, atvvt += 0 ha`m xllx α+= 0 formulalar ( ) baxxf += siziqli funktsiya
formulasinin` fizikadag`i jaziliwi ekenligin ko`remiz.
Bul misallardan sol na`rse ko`rinip tur, abstraktsiyalaw usilinda
na`rselerdin` konkret halinan uzaqlasip, olardin` a`hmiyetli belgileri
haqqinda g`ana ga`p baradi, na`rselerdin` ha`r qiyli ko`rinisleri boyinsha
pikir ju`ritilmeydi. Oqiwshilarg`a abstraktsiyalaw uslin u`yretiw olardin`
zatlardin` ha`m qubilislardin` a`hmiyetli belgiler ajirata aliwlari ha`m de
ilimiy tu`siniklerdi o`zlestiriwleri ushin u`lken a`hmiyetke iye boladi.
4.3. Konkretlestiriw usili.
U`yrenilip atirg`an ob`ekttegi na`rselerdin` qa`siyetlerin bir tamanlama
dara halda pikirlew konkretlestiriw delinedi.
1-misal. ( )( )bababa +−− 22 bul formulani konkret hallar ushin
to`mendegishe qollaniw mu`mkin:
( )( ) 9,504/4.1,36231214418638163816381 22 ≈≈⋅=⋅=+−=−
2-misal. Bizge ma`lim, kosinuslar teoremasin 222 bac += -2ab cos C
formula menen an`latamiz. 090ˆ =C bolsa, 090cos = =0 bolip, bul jag`dayda 222 bac += Pifagor teoremasi kelip shig`adi.
Klassifikatsiyalaw metodi.
Aniqlama. Tek tu`siniklerinen tu`r tu`siniklerine o`tiw tu`sinikti
klassifikatsiyalaw delinedi.
Klassifikatsiyalaw protsessinde oqiwshilar (a`hmiyetli yamasa uqsas)
belgige tiykarlang`an halda, olardi bir klassqa birlestiriwge ha`reket etedi,
yag`niy olardin` uqsas, uliwma ha`m pariqli tamanlarin qarap bir-birin
ajiratadi, bunin` na`tiyjesinde olar tu`siniklerdi klassifikatsiya qiladi.
Ma`selen, ko`pmu`yeshlik tu`sinigin klassifikatsiyalaw to`mendegishe
a`melge asiriladi:
18
Induktsiya ha`m deduktsiya.
Induktsiya- baqlaw ha`m ta`jiriybe ja`rdeminde tabilg`an birlik ha`m
dara faktlardan uliwma na`tiyjege juwmaqqa keletug`in ilimiy izertlew
usili (lat. Industrio- bag`itlaw).
Bul usilda oqitiw protsessinde paydalaniw oqitiwdin` induktiv usili dep
ataladi.
Misali, 152 ++ nn an`latpasinin` 15,...,3,2,1=n bolg`andag`i ma`nislerin
esaplap ha`mme jag`dayda a`piwayi maqsetke iye bolamiz. Bul an`latpanin`
ma`nisi qa`legen natural n ushin a`piwayi san boladi degen oyg`a kelemiz,
yag`niy dara jag`daydan uliwma juwmaq shig`aramiz. Biraq bul juwmaq
qa`te, sebebi 16=n da 22 171717*16171616 =+=++ .
Basqa bir misal retinde P.Fermanin` qa`legen natural n de 122 +n
an`latpanin` ma`nisleri a`piwayi sanlar degen tastiyiqlawin keltiriwge
boladi. Bul juwmaqqa Ferma tastiyiqlawdin` 4,3,2,1=n bolg`anda orinli
boliwinan kelgen. Biraq L.Eyler 5=n te 1232 + san quramali san ekenligin
da`liylleydi (bul san 641ge bo`linedi).
Keleside induktsiyag`a u`yretiw deduktsiyag`a orin beredi. Solay etip
oqitiwdin` induktiv usilin to`mendegi sxema ja`rdeminde tu`sindiriw
(su`wretlew) mu`mkin.
Көпмүйешлик
Дүңки
Төртмүйешлик
Ойыс
параллело-грамм
трапеция квадрат ромб
19
Meyli, ( ),..., 21 mmM = ha`r birinde bazibir N qa`siyet orinli boliwi da
yamasa bolmaslig`i da mu`mkin bolg`an ha`mme dara jag`daylar ko`pligi
bolsin. Meyli, K jag`dayda S (ma`lim) qa`siyet orinli bolsin, yag`niy
( ) ( ) ( )kaMaMaM ,...,, 21 orinli boliwinan qa`legen x ushin ( )xM orinli ekeni
haqqinda juwmaq jasaymiz. Buni ( ) ( ) ( ) ( )xxMaMaMaM k ∀⇒,...,, 21 (1)
Sxema ko`rinisinde jaziwg`a boladi. Eger mu`mkin bolg`an dara
jag`daylar ko`pligi shekli k jag`daylar ko`pligi menen sheklense yag`niy
( )
⇔∀
=
k
iaMxxM
1 bolsa onda bunday induktsiya toliq induktsiya dep
ataladi. Eger M ko`plik k dan ko`p yamasa sheksiz ko`p elementlerge iye
bolsa, onda bunday induktsiyadan aling`an na`tiyje aniq haqiyqatliq
bolmastan, tek itimalliq haqiyqatliq boladi.
Induktsiyanin` bunday tu`ri toliq emes induktsiya dep ataladi ha`m
juwmaq qatan` da`liylleniwdi talap etedi. Matematikada induktsiyanin`
tag`i bir tu`ri - toliq matematikaliq (yaki matematikaliq) induktsiya
paydalaniladi. Matematikada induktsiya usili natural sanlar teoriyasinin`
to`mendegi aksiomalarinan matematikaliq induktsiya printsipine
tiykarlang`an. Eger n natural sanlar ko`pliginde aniqlang`an bazibir
tastiyiqlaw n = 1 ushin orinli ha`m onin` n = k ushin orinlilig`inan n = k +
1 ushin da orinli ekeni kelip shiqsa, onda bul tastiyiqlaw qa`legen natural n
ushin orinli boladi.
Matematikaliq induktsiya usilinin` roli onin` sheksiz induktiv pikirlewdi
to`mendegishe jaziw mu`mkin bolg`an deduktiv pikirlew menen
almastiriwda:
1) tastiyiqlawdin` orinli ekenin n = 1 ushin tekseriw;
2) tastiyiqlaw n = k ushin orinli dep alip, bunnan n = k + 1 ushin
da`liyllew;
3) da`liyllewdin` eki alding`i bo`lingen ha`m matematikaliq induktsiya
printsipinen berilgen tastiyiqlaw qa`legen natural n ushin orinli degen
juwmaq shig`ariw.
20
Deduktiv usil (lat.deductio- keltirip shig`ariw) jan`a tastiyiqlawdi
belgili bir qag`iydalar boyinsha geypara belgili tastiyiqlawlardan logikaliq
jol menen keltirip shig`ariwdan ibarat.
Deduktiv- pikirlew induktiv yaki analogiya boyinsha pikirlewden
juwmaqtin` durislig`i menen pariq qiladi, yag`niy deduktiv pikirlewde
qa`te juwmaqlar bolmaydi, sonin` ushin matematikaliq tastiyiqlawlardi
da`liyllewde qollaniladi.
Induktiv usil dara faktlerden induktiv usilg`a o`tiw menen xarakterlense,
da`liyllewdin` deduktiv usilinda alding`i teoremalardan paydalanip, dara
jag`daylardi qarastirmastan, bul teoremalardin` na`tiyjesi bolg`an taza
teoremalar keltirip shig`ariladi.
Deduktiv usildin` matematikada ken`nen qollaniliwi matematikaliq
teoremalardi quriwdin` aksiomaliq usillari menen tu`sindiriledi.
Deduktsiya, matematikani oqitiw usili sipatinda eki tiykarg`i funktsiya
menen xarakterlenedi: deduktiv da`liyllewge u`yretiw ha`m deduktiv
sistemani og`an jan`a tastiyiqlawlar kirgiziw (engiziw) arqali ken`eytiwge
u`yretiw.
Deduktsiya oqiwliqta materialdi bayanlawdin` ayriqsha formasi
ko`rinisinde de, uliwma qag`iyda ha`m jag`daydan kemirek uliwma bolg`an
yaki dara jag`dayg`a o`tiwge u`yretiw usili ko`rinisinde de boliwi
mu`mkin. Misali: u`shmu`yeshliklerdin` uqsasliq belgilerin konkret
geometriyaliq ma`selelerdi sheshiwge qollaniw deduktsiyag`a
tiykarlang`an.
Matematikani rawajlandiriw protsessinde ha`m oni oqitiw protsessinde
de induktsiya ha`m deduktsiya jekkelengen emes, o`z-ara tig`iz
baylanisqan, geyde olardi ajiratiw qiyin.
Analiz ha`m sintez metodi.
Aniqlama. Belgisizlerden belgililerge qaray izlew metodi analiz
delinedi.
21
Analiz metodi arqali pikirlewde oqiwshi to`mendegi sawalg`a juwap
beriwi kerek: «Izlenip atirg`an belgisizlerdi tabiw ushin nelerdi biliw
kerek?». Analiz metodin psixologlar to`mendegishe aniqlaydi.
«Pu`tinlerden bo`leklerge qaray izlew metodi analiz delinedi».
Pikirlewdin` analiz usilinda ha`r bir qa`demnin` o`z tiykari bar boladi,
yag`niy ha`r bir basqish bizge aldin ma`lim bolg`an qag`iydalarg`a
tiykarlanadi.
Teorema. Eki san qosindisinin` arifmetikaliq sanlardin` geometriyaliq
ortasinan kishi emes:
( ) abbaba ≥+
≥∀2
,0,
Da`liyllew. abba≥
+2
- analiz
( ) 00222≥+≥⇒≥+−⇒≥+ bababaabba
Misal. To`mendegi ten`leme analiz metod menen sheshilsin:
( )( ) 2
3lg12lg=
−+
xx
Bul ten`lemenin` sheshimin tabiwdin` o`zi belgisizden belgilige qarap
izleniwden ibarat. Bul ten`leme 3>x ha`m 4≠x bolg`anda ma`niske iye.
( ) ( ) ( ) ( ) ( ) ( ) ,312,3lg12lg,3lg212lg 32 −=+−=+−=+ xxxxxx
9622 2 +−== xxx
0782 =+− xx
71 =x , 12 =x
Bul jerde 3>x bolg`ani ushin 12 =x sheshim bola almaydi, sonin` ushin
71 =x birden-bir sheshim boladi.
Aniqlama. Belgililerden belgisizlerge qarata izlew usili sintez dep
ataladi.
Sintez metodinda pikirlewdin` bir basqishinan ekinshi basqishina o`tiw
oqiwshig`a aniqsizraq boladi.
22
Sintez metodinda bir berilgenlerge tiykarlanip, nelerdi taba alamiz
degen sawalg`a juwap beremiz.
Joqaridag`i teoremani sintez metodi arqali da`liylleyik.
Teorema. Eki san qosindisi arifmetikaliq ortasi sol sanlardin`
geometriyaliq ortasinan kishi emes:
abba≥
+2
Da`liyllew. ( ) 02≥+ ba
( ) ( ) abbabababbaa ≥+
≥+−≥+⋅−2
,02,0222
Bunnan ko`rinip tur, analiz sintez metodina qarag`anda bir qansha
qolayli metod eken, sebebi bunda oqiwshilardin` o`z pikirlerin o`z betinshi
tiykarlawg`a ha`m da`liyllewge arnalg`an misal ha`m ma`selelerdi
sheshiwlerine ja`rdem beredi. Uliwma alg`anda, analiz ha`m sintez
metodlari bir birinen ajiralmaytug`in metodlar bolip tabiladi.
Sorawlar:
1. Matematika oqitiwda qanday ilim izertlew metodlari qollaniladi?
2. Baqlaw ha`m ta`jriybe qalay qollaniladi?
3. Salistiriw ha`m analogiyanin` qanday o`zgeshelikleri bar?
4. Analiz ha`m sintez qollaniliwi ha`m uliwma o`zgesheliklerin qanday
a`melge asiriw mu`mkin?
5. Uliwmalastiriw qanday belgilerge iye?
23
3-Lektsiya. Matematikani u`yreniw protsessinde pikirlew formalari.
1. Pikirlewdin` qisqasha xarakteristikasi.
2. Matematikaliq tu`sinikler ha`m olardi qa`liplestiriw.
3. Tastiyiqlaw ha`m olardin` tu`rleri.
4. Matematikaliq tastiyiqlaw
01 . Pikirlew- ob`ektiv du`n`yani Adam sanasinda sa`wlelendiriwdin`
aktiv protsessii. Pikirlew formalari ayirim oylardin` strukturasi ha`m
olardin` ayriqsha birlespesi.
Pikirlew formalari u`sh tu`r menen xarakterlenedi: tu`sinikler, pikirler,
juwmaqlar.
Tu`sinik- izertleniwshi ob`ekttin` man`izli (ayriqsha) qa`siyetleri
sa`wlelengen pikirlew formasi. Tu`sinik mazmun ha`m ko`lem menen
xarakterlenedi. Tu`siniktin` mazmuni- bul berilgen tu`siniktin` ha`mme
man`izli belgileri ko`pligi. Tu`siniktin` ko`lemi- berilgen tu`sinik
qollaniliwi mu`mkin bolg`an ob`ektler ko`pligi. 02 . Matematikaliq pikir ha`m juwmaqlar.
Pikir- izertlew ob`ektinin` yaki onin` geypara belgilerinin` ha`m onin`
bar yaki joqlig`i sa`wlelenetug`in pikirlew formasi.
Pikirdin` xarakterli formasi onin` an`latiwshi tastiyiqlawda shinliqtin`
yaki jalg`annin` a`lbette bar boliwi.
Pikir- eki tiykarg`i usil ja`rdeminde du`ziledi: tikkeley ha`m tikkeley
emes. Birinshi jag`dayda pikir ja`rdeminde qabil etiw na`tiyjeli an`latiladi.
Misali, «berilgen noqattan ten`dey qashiqliqta jatqan noqatlar ko`pligi
shen`ber». Bul jag`dayda bir eki bir-neshe bir-birine baylanisli pikirlerden
izertleniwshi ob`ekt tuwrali jan`a pikirlerge o`tiw iske asirilg`an. Solay
etip juwmaq taza pikir aliw bir yamasa bir neshe pikirler keltirip shig`ariw
protsessii. Misali:
24
1) Parallelogramnin` diagonali oni ten` eki mu`yeshlikke bo`ledi
(birinshi pikir), 2) u`sh mu`yeshliktin` ishki mu`yeshlerinin` qosindisi 2d-
g`a ten` (ekinshi pikir), 3) parallelogrammnin` ishki mu`yeshlerinin`
qosindisi 4d g`a ten` (taza pikir-juwmaq). Juwmaqtin` tiykarg`i tu`rlerine
induktsiya ha`m deduktsiya, analogiya, abstraktsiyalar kiredi, bular
alding`i paragraflarda qarastirilg`an pikirlewdin` ilimiy usillari da boladi.
Matematikaliq pikirdin` tiykarg`i tu`rlerine teoremalar ha`m aksiomalar
(pstulatlar) kiredi.
Aksioma- bul da`liyllewsiz qabil etiletug`in matematikaliq tastiyiqlaw.
Belgili bir sandag`i aksiomalar ilimiy teoremanin` tiykarg`i, da`slepki
tastiyiqlawlar usi teoriyanin` basqa tastiyiqlawlarin (teoremalarin)
da`liyllewde tiykar bolip xizmet etedi. Aksiomalar ha`m aniqlanbaytug`in
tu`sinikler matematikaliq teoriyanin` fundamentin du`zedi. Aksiomalar
sistemasina g`a`rezsizlik, toliqliq, qarama-qarsisizliq talaplari qoyiladi.
Postulat (lat. Postulatum- talap) geypara tu`sinik yaki tu`sinikler
arasindag`i qatnasiqlar qanaatlandiriliwi kerek bolg`an talap (sha`rt)
an`latilatug`in tastiyiqlaw.
Misali: ekvivalent qatnasig`i u`sh postulat ja`rdeminde aniqlanadi: 1)
qatnasiq reflesivlik boliwi kerek, yag`niy ajaаA :∋∀ 2) qatnasiq
simmetriyali boliwi kerek, yag`niy ajcbjcajhcbаA ⇒∩∋∀ ,...,,, . Ma`selen,
ten`lik ekvivalentlikke misal bola aladi.
Teorema. (grekshe theorema qarastiraman, oylastiraman)- durislig`i
da`liyllew (pikirlew) joli menen aniqlanatug`in matematikaliq tastiyiqlaw.
Misali: parallelogrammnin` diagonallari kesilisiw noqatlarinda ten`
ekige bo`linedi. Bul jerde teoremanin` sha`rti: r - to`rtmu`yeshlik,
parallelogramm onin` diagonallari kesilisedi; teoremanin` juwmag`i q -
diagonallarinin` kesilisiw noqati olardin` ha`r birin ten` ekige bo`ledi.
Teoremanin` da`liylleniwi, eger onin` sha`rti orinlansa onda bunnan
logikaliq juwmaq kelip shig`atug`inin ko`rsetiwden ibarat.
Teorema to`mendegi ko`riniste boladi:
25
1) tuwri teorema qp ⇒
2) keri teorema pq⇒
3) qarama-qarsi teorema qp ⇒
4) keri qarama-qarsi teorema pq ⇒
Misali:
1) eger to`rtmu`yeshlik parallelogramm bolsa, onda onin` diagonali
kesilisip, ten` ekige bo`linedi ( )ap ⇒
2) eger to`rtmu`yeshliktin` diagonallari kesilisip ten` ekige bo`linse
onda bul to`rtmu`yeshlik parallelogramm ( )pq ⇒
3) eger to`rtmu`yeshlik parallelogramm bolmasa, onda onin` diagonallari
kesilisip, ten` ekige bo`linbeydi qp ⇒
4) eger to`rtmu`yeshliktin` diagonallari kesilisip ten` ekige bo`linbese
onda bunday to`rtmu`yeshlik parallelogramm emes pq ⇒ .
Keltirilgen ha`mme to`rt teorema orinli, bug`an da`liyllew arqali isenim
arttiriw mu`mkin. Biraq bul ha`mme waqitta da orinlana bermeydi. Misali,
Teorema: Eger mu`yeshler vertikal mu`yeshler bolsa, olar ten` ( )qp ⇒ -
duris. Keri teorema: eger mu`yeshler ten` bolsa, onda olar vertikal
mu`yeshler ( )pq ⇒ - qa`te.
Matematikada za`ru`r ha`m jetkilikli sha`rtler dep ataliwshi sha`rtler
u`lken qizig`iwshiliq tuwg`izadi.
r sha`rti q ushin za`ru`r ha`m jetkilikli dep ataladi, eger bir waqitta
( )qp ⇒ ha`m ( )pq ⇒ implikatsiyalar haqiyqat bolsa, yag`niy ( )qp ⇔
ekvivalentlik orinli bolsa. Misali: eger natural san jup san bolsa, onda bul
san 2 ge bo`linedi.
Sorawlar:
1. Matematikaliq pikir ne?
2. Matematikaliq tu`siniktin` qanday tu`rleri bar?
3. Tu`siniktin` mazmuni ha`m ko`lemi degen ne?
26
4. Teoremanin` qanday tu`rleri bar?
5. Aksioma ha`m postulat so`zlerinin` ma`nisi neni an`latadi?
4-lektsiya.Matematikani oqitiwdag`i tiykarg`i didaktikaliq
printsipler.
1. Didaktikaliq printsiplerdin` mazmuni.
2. Ilimiylik ha`m ta`rbiyaliq printsipi.
3. Ko`rgizbelilik, sanaliliq ha`m aktivlik printsipleri.
4. Puxta o`zlestiriw, sistemaliliq ha`m izbe-izlilik printsipleri.
10. Didaktikaliq printsipler haqqinda.
Didaktika (grekshe «oqitiwshi», «u`yretiwshi»)- universal xarakterge
iye, oqiwliq pa`ndi oqitiwdin` tiykarg`i nizamlarin qarastiriwshi,
pedagogikanin` bir bo`legi.
Qa`legen pa`ndi, dara jag`dayda matematikani oqitiwg`a qoyilatug`in
birden-bir uliwma talaplar didaktikaliq printsipler dep ataladi.
Tiykarg`i didaktikaliq printsiplerge: oqitiwshi ilimiyligi, ko`rgizbeliligi,
oqitiwdin` sanalilig`i ha`m aktivliligi, bilimdi o`zlestiriwdin` turaqlilig`i,
oqitiwdi individuatsiyalaw ha`m differentsiallaw, bilim beriwdin`
tu`sinikliligi, oqitiwdin` sistemalilig`i ha`m izbe-izligi kiredi. Bul
printsipler oqitiw protsessin sho`lkemlestiriwge, onin` mazmunina
formalarina ha`m usillarina qoyilg`an a`hmiyetli talaplar sipatinda
qarastiriladi.
20. Ilimiylik printsipi.
Matematikani oqitiw, onin` mazmuni ha`m oqitiw usillari
matematikanin` da`rejesine ha`m talaplarina, ilim retinde onin` ha`zirgi
jag`dayinda juwap beriwi kerek. Matematikani oqitiwdag`i ilimiylik
printsiplerinin` tiykarg`i talabi usidan ibarat.
27
Misali, matematikani oqitiwdin` ilimiylik boyinsha matematikaliq
tu`siniklerdi aniqlag`anda ha`m matematikaliq tu`sinikler ha`m pikirlerdi
qurag`anda, formulirovkalardin` korrektligin tekserip bariw,
tiykarlanbag`an tastiyiqlawlardi da`liyllengen dep esaplamaw, aniqlama
ha`m teoremalardi ajirata biliw kerek h t.b.
Matematikanin` mektep kursinda ha`zirgi zaman matematikasinin`
tiykarg`i ideyalari sa`wleleniw kerek. Funktsiyaliq g`a`rezsizlik ideyasi
menen matematikanin` ha`mme mektep kursinin` mazmuni suwg`arilg`an
boliwi kerek. Geometriyaliq material geometriyaliq tu`rlendiriw ideyasi
menen nurlaniwi tiyis. Matematikani u`yreniw protsessinde ilimiy
taniwdin` uliwma usillarin qa`liplestiriw kerek, bul usillardin` ishindegi
tiykarg`ilari modellestiriw usili ha`m ilimiy izertlew usillari bolip tabiladi.
30. Sanaliliq, aktivlik ha`m o`z betinshe printsipi.
Bul izertlenip atirg`an ha`diyseni maqsetke bag`itlang`an aktiv
qabillawdan, olardi oylap tu`siniwden, tvorchestvoliq qayta islewden ha`m
qollaniwdan ibarat.
Sanaliq didaktikada oqiwshilardin` oqiwliq materiallardi o`zlestiriwi,
olardi teren` oylap tu`siniwi, bilimdi praktikada qollana biliwi tu`siniledi.
Bilimdi sanali o`zlestiriw proessinde bilimdi u`yreniwge ha`m
qollaniwg`a tvorchestvoliq qatnas ha`m oqiwshilardin` logikaliq pikirlewi
ha`m olardin` du`n`ya qaraslari qa`liplesedi.
Belgili bir bilimdi u`yrene otirip, oqiwshilar qaysi maqsette bul bilim
u`yreniledi, ne en` baslisi, kiritilgen qag`iyda ha`m nizamliqlardi qalay
tu`sindiriwge boladi, u`yrenilip atirg`an material aldin belgili materiallar
menen qanday baylanista ekenin tu`siniw kerek.
Oqiw materiallarin o`zlestiriw anag`urlim sanaliraq bolar edi. Egerde
jan`a ideyalar burin belgili ideyalardin` rawajlaniwi retinde bayanlansa.
Misali, teris senlar tu`sinigin kirite otirip, oqiwshilarg`a natural sanlardin`,
nol`din`, bo`lshek sanlardin` kelip shig`iw tariyxin tu`sindirip o`tiw kerek.
Sonda teris sanlardin` payda boliwi san tu`siniginin` rawajlaniwinin`
28
ta`biyg`iy dawami retinde qabil etiledi. Aniqlamani Bere otirip, ha`rbir
tastiyiqlawdin` ma`nisin oqiwshilarg`a jetkiziw za`ru`r. Misali, eger
parallel` tuwrilardin` aniqlamasinan tuwrilardin` bir tegislikte jatiw
sha`rtin alip taslasaq, onda oylasiwshi tuwrilarda qanaatlandiratug`in
aniqlamani alatug`inimiz oqiwshilar tu`siniwi tiyis.
Sanali tu`rde oqitiw oqiwshilardin` oqitiw barisinda jedel (aktiv)
xizmetin de na`zerde tutadi.
1. Aktivlik printsipi. Bul printsiptin` aktivligi sonnan ibarat, bunda
mektep matematika kursinda oqitiwdin` ha`r bir basqishi rawajlandiriwshi
xarakterli ta`lim tiykarina qurilg`an boliwi kerek. Bul oqiwshilardin` aktiv
pikirlewisiz sanali tu`rde o`zlestirip bolmaydi. Sonin` ushinda ha`zirgi
zaman mektep matematika kursinin` tiykarg`i maqseti oqiwshilardi
matematika sabaqlaranda aktiv pikirlew qa`biletlerin qa`liplestiriwden
ibarat.
Oqiwshilardi matematika sabaqlaranda aktiv, sanali pikirlew
qa`biletlerin hasil qiliw ushin tema materiallarin sabaq barisinda
problemali ma`seleler hasil qiliw tiykarinda o`tiw maqsetke muwapiq
boladi.
Sorawlar:
1. Didaktikaliq printsiplerdin`uliwma mazmuni neden ibarat?
2. Ilimiylik printsipi qalay qolaniladi?
3. Ko`rgizbelilik printsipinin` a`hmiyeti neden ibarat?
4. Sanaliliq ha`m aktivlilik printsipleri qanday qa`siyetlerge iye?
5. Bekkemlilik printsipin qollaw qanday abzalliqlarg`a iye?
29
5- Lektsiya. Matematikani oqitiwdin` metodlari.
1. Matematika oqitiwdin` da`stu`riy metodlari.
2. Problemali ta`lim metodi.
3. Programmalastirilg`an ta`lim o`zgeshelikleri.
4. Matematika oqitiwdin` da`stu`riy emes metodlari.
Oqitiw metodi tu`sinigi haqqinda:
«Oqitiw metodi» tu`sinigin aniqlaw ushin «qalay oqitiw kerek?»-
degen sorawg`a juwapti aniqlaw kerek;
1) Ne ushin usi oqiw pa`ni (taraw, tema h t.b) u`yreniledi; u`yreniw
na`tiyjesinde oqiwshilar qanday bilimler, uqipliliqlar ha`m ko`nlikpelerge
iye boliwi tiyis?
2) Ne u`yreniletug`inina logikaliq-didaktikaliq analiz ju`rgiziw kerek
(oqitiwdin` mazmuninin` strukturasin ha`m basqada ayirmashiliqlarin
aniqlaw; oqiwlig`i onin` bayanlawin aniqlaw);
3) Oqitiw ob`ektin biliw (oqiwshilar oy xizmetinin` da`rejesin, olarda
qanday bilimler, uqipliliqlar ha`m ko`nlikpeler qa`lipleskenligin biliw).
Usi ma`selelerdi aniqlaw owdin` optimal ha`m adekvatli metodlarin
tan`lap aliwg`a mu`mkinshilik beredi.
Oqitiw metodi - bul oqiwshilarg`a bilimdi beriw usili ha`m
oqiwshilardin` bilimlerdi, uqipliliqlardi ha`m ko`nlikpelerdi o`zlestiriwge
biliw (taniw) metodlarin iyelewge, shaxs bolip qa`liplesiwine
bag`darlang`an olardin` u`yreniwin sho`lkemlestiriw usili bolip tabiladi.
Oqitiw metodin usilay tu`siniwden ha`r bir metodtin` bayanlaniwi
to`mendegilerdi o`z ishine aliwi tiyis:
1) Oqitiwshinin` oqitiw xizmetinin` ko`rsetiliwi;
2) Oqiwshinin` oqiw xizmetinin` ko`rsetiliwi;
3) Oqitiwshinin` oqitiw xizmeti oqiwshilardin` qanday u`yreniw
xizmetin basqaratug`in usil retinde olar arasindag`i baylanis;
30
Matematikani oqitiw tek g`ana belgili bir ilimiy faktlerdin` jag`in
o`zlestiriwden ibarat emes, al en` baslisi usi faktlerdi tabiw metodlarin,
yag`niy ilimiy izertlew metodlarin o`zlestiriw bolip tabiladi. Atap aytqanda
usi metodlardi iyelew oqiwshilardin` qa`liplesiwine ha`m rawajlaniwina
en` u`lken ta`sir jasaydi.
2. Matematikani oqitiwdin` traditsiyaliq usili.
Ha`zirgi da`wirde matematika oqitiwda oqiwshilardi yadlawg`a
yamasa olardi pikirlemesten tek aling`an bilimlerdi qayta so`ylep beriw
usag`an usillardan waz keship, sabaqtin` ta`limlik jaqlarin ku`sheytetug`in
usillarg`a og`ada itibar berilip kelinbekte. Bunda oqiwshilar menen
orinlanatug`in barliq jumislar, ol jan`a temani u`yreniw, aling`an bilimlerdi
bekkemlew, soraw yamasa gu`rrin`lesiw bolsin, olar oqiwshilardin` qalay
sheshimlerdi izlewge, ratsional almastiriwlar orinlaniwina, juwmaq
shig`ariw ha`m da`liyllewge talaplandiriwg`a qaratiladi.
O`z betinshe jumislar ma`seleler sheshiw boyinsha shinig`iwlar boliwi,
jan`a teoremani analiz qiliw boyinsha is, jan`a formulani shig`ariw
boyinsha ma`seleler bolmawi mu`mkin.
Ma`selen, eki san qosindisi kvadrati formulasi shig`arilg`anda o`z
betinshe eki san kvadrati ayirmasi formulasin keltirip shig`ariw usinis
etiliwi mu`mkin.
( ) 222 2 bababa ++=+ formula keltirilip shig`arilg`annan keyin o`z
betinshe ( ) 222 2 bababa −−=− formulani keltirip shig`ariw usinis etiledi.
Oqitiwda lektsiya usili kem qollaniladi, bunda oqitiwshi materialdi o`zi
bayan etedi. Bul usil tiykarinan joqari klasslarda payda beredi. A`meliy
ha`m laboratoriya isleri de matematika oqitiwda traditsiyaliq usillardan
esaplanadi.
3. Problemali ta`lim.
Matematika oqitiwda problemali ta`lim usilinin` da ken` qollaniliw
imkaniyatlari bar, sebebi ko`p g`ana tu`siniklerdi u`yreniw problemali
jag`daydi jaratiwg`a alip keliwi mu`mkin.
31
Problemali ta`lim usili menen bayan etiwde to`mendegi temalardin`
o`tiliw imkaniyatlari bar:
1. Logarifmlik funktsiyanin` qa`siyetleri ha`m grafigi. Bunda da`slep
to`mendegi ma`seleler qaraladi.
a) Berilgen funktsiyag`a keri funktsiyani tabiw ma`selesi. Bunda
berilgen funktsiyasin aniqlaw ha`m o`zgertiw oblastlari arasindag`i
baylanisti aniqlawg`a itibar qaratiladi. Sorawlar qoyiladi: qanday funktsiya
ha`mme waqit kerige iye boladi? Keri funktsiya formulasin qanday keltirip
shig`ariw mu`mkin? O`z-ara keri funktsiyalar grafikleri qalay jaylasadi?
b) Ko`rsetkishli funktsiyalar qa`siyetlerin ta`kirarlaw. Eki jag`dayda
da grafiklerden paydalaniw lazim, onin` aniqlaniw, o`zgeriw oblastlari,
monotonlig`i ma`selelerin ko`rip shig`iw kerek. Na`tiyjede problemali
soraw qoyiladi: Ko`rsetkishli funktsiya keri funktsiyag`a iye me? Bul
sorawdi oqiwshilar talqilaw tiykarinla sheshiwge ha`reket etedi, bunin`
ushin olarda za`ru`r bilimler bar.
Keyin to`mendegi problemali sorawlar usinis etiledi:
1. Ko`rsetkishli funktsiya ushin keri funktsiya formulasin qalay
aliwg`a boladi?
2. Logarifmlik funktsiya grafigin qalay payda etiw mu`mkin?
3. Logarifmlik funktsiyanin` aniqlaniw oblasti qanday?
4. Materialdi u`yreniw logarifmlik ha`m ko`rsetkishli funktsiyalardin`
barliq qa`siyetlerin sorarw ha`m bul qa`siyetlerdi qollaniwg`a arnalg`an
shinig`iwlardi sheshiw menen birge a`melge asiriladi. «Tegisliklerdin`
paralleligi» temasin u`yreniwde oqiwshilarg`a da`slep olarg`a ma`lim eki
tegisliktin` jaylasiw jag`daylarin eslew usinis etiledi, kesilisiwi u`stpe-u`st
tu`siwi ha`m parallel` boliwi, sonnan keyin oqiwshilarg`a bul
jag`daylardan basqa, eki tegislik jaylasiwi mu`mkin be yamasa mu`mkin
emesligin ko`z aldina keltiriw usinis etiledi.
32
Sorawlar:
1. Matematika oqitiwda qanday da`stu`riy metodlar bar?
2. Problemali oqitiwdin` mazmuni neden ibarat?
3. Programmalastirilg`an ta`limnin` mazmuni neden ibarat?
4. Matematika oqitiwdin` qanday da`stu`riy emes metodlari bar?
5. Jan`a pedagogikaliq texnologiyalardi qolaniwdin` qanday
o`zgeshelikleri bar?
6-Lektsiya. Matematika oqitiwdi sho`lkemlestiriw. Matematika
sabag`i.
1. Matematika sabag`i ha`m og`an qoyilatug`in talaplar.
2. Matematika oqiwshisinin` sabaqqa tayarliq sistemasi.
3. Tiykarg`i sabaq tipleri ha`m sabaqtin` tiykarg`i basqishlari.
4. Matematika sabag`in analizlew.
5. Oqiwshilardin` bilimin bahalaw.
10. Sabaqtin` ma`nisi oqiw-ta`rbiya protsessinin` tiykarg`i protsessii
retinde didaktikada ashildi.
«Sabaq- bul oqiw-ta`rbiya protsessinin` logikaliq jaqtan tamamlang`an,
pu`tin, waqit boyinsha shegaralang`an bo`legi».
Sabaqtin` tiykarg`i xarakteristikalari- oqitiwdin` maqseti, mazmuni,
qurallari ha`m metodlari, oqiw xizmetin sho`lkemlestiriw.
Sabaqtin` tiykarg`i xarakteristikalari ishinde tiykarg`i rol`di sabaqtin`
bilim beriwshilik (ta`limiy), talapliq ha`m rawajlandiriwshi xizmeti
atqaradi.
Ta`limiy maqsetlerge matematikaliq bilimlerdi, uqipliliqlardi ha`m
ko`nlikpelerdi qa`liplestiriw, sonday-aq, matematikani oqitiwda ratsional
tu`rde sho`lkemlestiriwge mu`mkinshilik beretug`in uliwma oqiwliq
uqipliliqlarinda qa`liplestirip bariw.
33
Oqitiw menen birlikte sabaqta ta`rbiya ha`m oqiwshi shaxsin
rawajlandiriw maqsetleri de a`melge asadi. Solay etip, matematika
belgilerine to`mendegiler kiredi:
1) ta`lim ha`m ta`rbiya u`aziypalari sheshiledi;
2) konkret oqiw materiali talqilanadi;
3) maqsetlerdi a`melge asiriw ushin sa`ykes oqitiw usillari tan`lanadi;
4) oqitiwshilar ja`ma`a`tinin` ma`lim da`rejede is-ha`reketi
sho`lkemlestiriliedi.
Matematika sabaqlarinda qoyilatug`in talaplar to`mendegiler esaplanadi:
1. Sabaqta tiykarg`i didaktikaliq (oqiw) maqsetinin` barlig`i. Bunda
birneshe ma`selelerge itibar qaratiladi: a) jan`a materialdi u`yreniw
(tu`sinikti qa`liplestiriw, nizam ha`m algoritmler ornatiladi); b) u`yrenilip
atirg`an bilimlerdi bekkemlew (ta`kirarlaw, ma`seleler sheshiw). Olar
arasinda a`hmiyetlisi tiykarg`i maqseti duris aniqlap aliw bolip tabiladi.
Sabaq maqseti onin` temasin aniqlaydi, sabaqta ne islew kerek sorawlarina
juwap beredi.
Ma`selen: «Keltirilgen kvadrat ten`leme koren`leri formulasin» o`tiwde
maqset oqiwshilardi keltirilgen kvadrat ten`lemeni sheshiw algoritmi
menen tanisiw esaplanadi. Sol tiykarda oqiw ma`seleleri ju`zege keledi: a)
toliq emes kvadrat ten`lemeni sheshiw ko`nlikpesin tekseriw; b) kvadrat
u`shag`zalidan toliq kvadrat ajiratiw usilin ta`kirarlaw; v) bul algoritmdi
qollaniw.
2. Sabaqta ta`limiy waziypalar menen birgelikte ta`rbiyaliq ma`seleler
de a`melge asiriladi. Bunda a) oqiwshilar qizig`iwshilig`in oyatiw ha`m
saqlaw; b) oqiwshilardin` oqiwg`a juwapkershiligin asiriw; v)
matematikani u`yreniwge mu`ta`j ha`m ko`nlikpelerdi ta`rbiyalaw. Bul
talap konkret matematikaliq tu`siniklerdi o`zlestiriwde to`mendegilerdi
ko`zde tutadi:
- bilimlerdi o`z so`zleri menen bayan qiliw;
- ondag`i tiykarg`i aniqlang`an tu`sinikler ayriqshaliqlari o`zlestiriledi;
34
- aniqlama boyinsha oni tanip aliw.
Teoremani duris an`latiw, sub`ekt ha`m predikatlardi ajirata aliw
usag`anlarda bul talaptin` za`ru`rligin tastiyiqlaydi.
3. Oqiw materiallarinin` tiykarlang`an halda tan`laniwi. Bul
to`mendegilerdi na`zerde tutadi: a) tiykarg`i oqiw maqsetinin` mazmung`a
sa`ykes keliwi; b) jetkilikli ko`lemde oqiw materiallarinin` barlig`i; v)
konkret ha`m abstrakt optimal qatnasta boliwi lazim; g) teoriya ha`m
a`meliyat o`z-ara baylanisinin` jaratiliwi a`hmiyetli bolip tabiladi.
Tiykarg`i jumis sabaqta orinlaniwi tiyis. Sabaqta konkretlilikten
uliwmaliqqa o`tiw (formula, qag`iyda). Sonday-aq, teoriya (formula
keltirip shig`ariw) ha`m a`meliyat (ten`lemeler sheshiwge qollaniw)da
sa`ykes (muwapiq) boliwi za`ru`r.
Bunda oqiw materiallarin bo`leklerge ajiratiw ha`m de oqiwshilar aldina
dara oqiw ma`selelerin qoyip bariw talap etiledi.
5. Sabaqtin` sho`lkemlestiriliwinin` puxtalig`i talabin a`melge asiriw
ushin to`mendegi za`ru`riy sha`rtler boliwi za`ru`r: a) oqitiwshi sabaq
materialin Erkin biliwi, b) ha`r bir gezektegi soraw usilin biliwi, oni
u`yretiw usilin ha`m qurallarin biliwi kerek, v) oqiwshilardin` individual
qa`siyetlerin esapqa aliwi kerek, g) sabaq oqitiwshi ta`repinen oylang`an
boliwi, yag`niy sabaqta jumistin` bo`listiriliwin duris jolg`a qoyiliwi, klass
taxtasi ha`m da`pterdegi mazmun ha`m jaziwlar jaylasiwin esapqa aliw,
sabaqta ko`rgizbeli qurallar ha`m texnikaliq qurallardan paydalaniw, onin`
tayarlig`in jolg`a qoyiw.
20. Matematika oqiwshisinin` sabaqqa tayarlaniw sistemasi
to`mendegilerdi o`z ishine aladi.
1. Jan`a oqiw jili aldindag`i tayarliq, bunda kalendar` jumis rejesi
du`ziledi.
2. Oqiw temasi boyinsha sabaqlar sistemasi du`zilip shig`iladi.
3. Ha`r bir sabaqqa tayarliq, ko`nlikpeler tayarlaw. Bunda a) ha`r bir
tema orni, onin` mazmuni, u`yreniw waziypalari aniqlanadi, za`ru`r oqiw
35
materiali tan`lanadi, b) ma`sele ha`m oqiw metodikasi sabaqlarg`a
shamalap bo`linedi, v) waqit ha`m mazmun boyinsha o`tilgenlerdi
ta`kirarlaw a`melge asiriladi, o`z betinshe ha`m qadag`alaw islerin o`tkiziw
waqiti aniqlanadi.
Sabaqqa tayarliq ko`riw to`mendegi islerdi orinlawdi ko`zde tutadi:
1) oqiwshilardi temag`a kiritiw, olarg`a na`wbettegi oqiw ma`selesin
qoyiw;
2) jan`a tu`siniklerdi bayan etiw;
3) kiritilip atirg`an tu`sinikler qa`siyetlerin tabiw mu`mkinshiligin
ko`rsetiw;
4) induktiv tiykarlawg`a erisiw;
5) bir qiyli tiptegi ma`seleni sheshiw usilin ko`rsetiw;
6) sabaqqa ma`selelerdi materialg`a sa`ykes tan`law kerek;
7) oqiwshilardi ma`sele sha`rti menen tanistiriw kerek;
8) tan`lag`an ma`sele qalay sheshiliwi bayan qiliwi lazim.
30. Tiykarg`i sabaq tilleri to`mendegiler esaplanadi.
1. Jan`a materialdi bayan qiliw sabag`i;
2. U`yrengenlerdi bekkemlew sabag`i;
3. Bilim, ko`nlikpe ha`m uqipliliqlardi tekseriw sabag`i;
4. U`yrengenlerdi sistemalastiriw ha`m uliwmalastiriw sabag`i.
Sabaqtin` du`zeliwi to`mendegilerdi o`z ishine aladi:
1. Alding`i bilimler ha`m a`mel usillarin ta`krarlaw (aktuallastiriw).
2. Jan`a bilim ha`m a`mel usillarin qa`liplestiriw;
3. Qollanip biliw ko`nlikpelerin ha`m uqipliliqlarin qa`liplestiriw.
Sabaqtin` tiykarg`i basqishlari:
2. Oqiwshilar aldina sabaq maqsetin qoyiw;
36
3. Jan`a material menen tanistiriw;
4. Jan`a materialdi bekkemlew;
5. Bilim, ko`nlikpe ha`m uqipliliqlardi tekseriw;
6. Bilimlerdi sistemalastiriw, u`yrengenlerdi uyimlastiriw.
Matematika sabag`in analiz etiw qadag`alaw ha`m ta`lim ta`rbiya beriw
qurali sipatinda xizmet etedi:
1. Sabaq maqsetlernin` a`melge asiriliwi;
2. Sabaqtin` matematikaliq mazmuninin` ilimiy sipati;
3. Sabaqta qollanilg`an oqitiw usillari;
4. Sabaqtag`i oqitiwshi ha`m oqiwshinin` iskerligi;
5. Oqiwshilardin` ko`nlikpelerin ha`m uqipliliqlarin qa`liplestiri
Bulardin` ha`r biri ushin sabaq analiz etiledi ha`m tiyisli juwmaqlar
shig`ariladi, jetiskenlikler ha`m kemshilikler ko`rsetiledi, usinis ha`m
pikirler bildiriledi.
Sorawlar:
1. Matematika sabag`ina qoyilatug`in talaplar qanday?
2. Matematika oqitiwshisinin` sabaqqa tayarliq sistemasi qanday?
3. Kalendar is rejesi qalay du`ziledi?
4. Oqiwshilardin` bilimin bahalaw ha`m reyting sistemasi qanday
o`zgesheliklerge iye?
5. O`z-betinshe jumistin` tu`rleri qanday?
37
7- Lektsiya. Matematika boyinsha oqiwshilardin` bilimlerin,
uqipliliqlarin ha`m ko`nlikpelerin tekseriw.
1. Bahalawdin` funktsiyalari ha`m printsipleri.
2. Tekseriw ha`m u`yretiwshi funktsiyasi.
3. Rawajlandiriwshi ha`m bag`darlawshi funktsiyasi.
4.Tekseriwdin` metodlari ha`m tu`rleri.
Oqitiw protsessinin` tiykarg`i aspektlerinin` biri bul oqiwshilardin`
oqiw materialin o`zlestiriwin u`yreniw, olardin` bilimlerin ha`m
uqipliliqlarin bahalaw, da`rejesin aniqlaw bolip tabiladi. Bul
oqiwshilardin` bilimlerin, uqipliliqlarin ha`m ko`nlikpelerin tekseriw
na`tiyjesinde aniqlanadi ha`m analiz etiledi. Bul tekseriwdin` waziypasi
oqiwshilardin` oqitiliwin, rawajlaniwin ha`m ta`rbiyasin tabisli basqariw
ushin ob`ektiv informatsiya aliw ha`m toplaw bolip tabiladi.
1. Qadag`alawdin` funktsiyalari ha`m printsipleri.
Matematikani oqitiw barisinda oqiwshilardin` bilimlerin uqipliliqlarin
ha`m ko`nlikpelerin tekseriwdin` to`mendegi a`hmiyetli funktsiyalarin atap
o`tiwge boladi:
1) Qadag`alawdin` funktsiyasi - oqiwshilardin` bilimlerin ha`m
uqipliliqlarinin` da`rejesin aniqlaw;
2) Ta`lim beriwshi funktsiyasi - tekseriw protsessinde oqiwshilar
u`yrengen materialin ta`krarlaydi ha`m bekkemleydi, bul bilimlerdi
uliwmalastiriwg`a ha`m sistemalastiriwg`a mu`mkinshilik beredi;
3) Diagnostikaliq funktsiyasi - oqiwshilardin` bilimlerindegi ha`m
uqipliliqlarindag`i kemshilikler haqqinda informatsiyalar aliw;
4) Prinostikaliq funktsiyasi - aldag`i oqiw - ta`rbiya protsessi haqqinda
informatsiya aliw;
5) Rawajlandiriwshi funktsiyasi - oqiwshilardin` biliwge aktivligin
stimullastiriw;
38
6) Orientirlewshi funktsiyasi - oqitiw maqsetinde erisiw da`rejesi
haqqinnda informatsiya aliw;
7) Ta`rbiyaliq funktsiyasi - oqiwshilarda bilim aliwg`a juwapkerli
qatnasti, ta`rtipti, puqtaliqti ha`m hadalliqti ta`rbiyalaw;
Bilimlerdi, uqipliliqlard ha`m ko`nlikpelerdi tekseriw maqsetke
bag`darlang`an, ob`ektiv, ha`r ta`repleme, regulyar tu`rde ha`m jekke
boliwi tiyis.
2. Qadag`alaw metodlari ha`m formalari.
Qadag`alaw qurallari.
Oqitiw formalari menen sa`ykes tu`rde tekseriwdin` u`sh formasin atap
o`tiw mu`mkin:
- Jekke (ndividual) tekseriw - ha`r bir oqiwshiniindividual tapsirmalar
menen ayirim tekseriw;
- Gruppaliq tekseriw - belgili gruppalarg`a bo`lingen oqiwshi-lardin`
bilimlerin, uqipliliqlarin ha`m ko`nlikpelerin tekseriw;
- Frontalliq tekseriw - pu`tkil klassqa berilgen tapsirmalardi
tekseriw.Tekseriwdin` tiykarg`i ag`imdag`i tekseriw (ku`ndelikli tekseriw),
tematikaliq (shegaraliq) tekseriw ha`m juwmaqlawshi tekseriw jatadi.
Tekseriwdin` metodlari ishinde awizsha tekseriw, jaba tekseriw,
praktikaliq jumislardi tekseriwdi ajiratiwg`a boladi.
Sorawlar:
1. Tekseriwdin` qanday printsipleri ha`m metodlari bar?
2. Tekseriwshi ha`m u`yretiwshi funktsiyalarinin` mazmuni neden
ibarat?
3. Ta`rbiyaliq funktsyasinin` o`zgeshelikleri?
4. Jeke tekseriw degen ne?
5. Gruppaliq ha`m frontal tekseriw degen ne?
39
I. Tiykarg`i a`debiyat. 1. Metodika prepodovaniya matematiki v sredney shkole.
R.S.Cherkasov, A.A.Stolyar. M.Prosveshenie, 1985g. 2. Metodika prepodovaniya matematiki v sredney shkole.
Yu.M.Kolyagin idr. M.Prosveshenie 1975 g. 3. Metodika prepodovaniya matematiki. N.M.Erdiev. M.Prosveshenie
1985 g. 4. Metodika prepodovaniya matematiki. Obshaya metodika.
V.M.Mashin 1985 g. 5. Metodika prepodovaniya matematiki v sredney shkole. Chastnaya
metodika. Yu.M.Kolyagin. M.Prosveshenie 1987 g. 6. Metodika prepodovaniya matematiki v sredney shkole. A.Ya.Blox.,
V.A.Guseev idr. M.Prosveshenie 1987 g. 7. Matematika wqitish usullari. S.Alixanov. T.Wqituvchi, 1992y. 8. Metodika prepodovaniya matematiki (konspekt-lektsiy).
Z.M.Xafizova. T. 2000y. 9. Matematika wqitish metodikasi, ma`ruzalar matni. T.R.Tulaganov.
T.2000y. 10. Informatika va hisoblash texnikasi asoslari bwyicha dasliklar.
II. Qosimsha a`debiyatlar. 1. Jurnal «Matematika v shkole» 2. J.Ikramov va b. 5-6 sinf darsliklari, 1997,1998,2002 3. Sh.Alimov va b. Algebra 7-sinf, 8-sinf, 2002 4. Kudryavtsev L.D. Sovremennaya matematika i ee prepodavanie.
M.Nauka, 1980. 5. Slepkin Z.I. Psixologo-pedagogicheskie osnova obucheniya
matematikie. K.Rad. shkola, 1983. 6. Leshenko E.I. i dr. Laboratornie i prakticheskie raboti po
matematike. M.Prosveshenie 1988 g. 7. Gnedenko B.V. Vvedenie v spetsial`nost` matematika. M.Nauka.
1991g. 8. Vilinkin N.Ya. i dr. Sovremennaya osnova shkol`nogo kursa
matematiki - M.Prosveshenie 1980 g. 9. Balk M.B, Balk.G.D. Matematika posle urokov. M.Prosveshenie
1971 g. 10. Nurmatov A. Kadirov I. Matematikadan sinftan tashqari va
fakul`tativ mashg`ulotlar. T.Wqituvchi. 11. Ikromov D.U. Yazik obucheniya matematiki.T.1989.