markaðssetning á saltfiski í suður evrópu...verkefnið „markaðssetning á saltfiski í...
TRANSCRIPT
Markaðssetning á saltfiski í Suður Evrópu
Tilvísunarnúmer: R 15 056-14
LOKASKÝRSLA
Verkefnisstjóri: Björgvin Þór Björgvinsson
Fyrirtæki/styrkþegi: Íslandsstofa
2
Skýrsluágrip Markaðsverkefni með saltaðar þorskafurðir á Spáni, Portúgal og Ítalíu, sem hófst árið 2013, hefur nú
fest sig í sessi. Árið 2015 voru 25 fyrirtæki aðilar að verkefninu, auk þess sem gott samstarf var um
kynningarstarf við erlend fyrirtæki í þessum löndum.
Markmið verkefnisins voru skilgreind í upphafi en þau voru að efla samkeppnisstöðu og auka
verðmætasköpun saltaðra þorskafurða frá Íslandi og hafa markaðsaðgerðir miðað að því að ná
þessum markmiðum.
Mikið samráð er við þátttökufyrirtæki um mótun á áherslum og val á markaðsaðgerðum, en
ákvarðanir eru einnig byggðar á rannsóknum sem framkvæmdar eru á mörkuðunum. Sjö manna
verkefnisstjórn er yfir verkefnin, sex fulltrúar fyrirtækjanna og einn frá utanríkisráðuneytinu.
Kynningin hefur bæði náð til erlendra innflytjenda og dreifingaraðila sem og matreiðslumanna og
neytenda í viðkomandi löndum. Slagorð verkefnisins er "Smakkaðu og deildu leyndarmálum íslenska
þorsksins“ og er lögð áhersla á gæði, ferskleika og ábyrgar fiskveiðar í kynningunni.
Summary This marketing project, whose objective is the promotion of salted cod products in Spain, Portugal
and Italy, was launched in 2013 and has now firmly established itself. In 2015, 25 Icelandic companies
participated in the project. Furthermore, a strong cooperation has been established with leading
companies in its primary markets.
The goal of the project was defined at the beginning; to strengthen the competitiveness and increase
profitability of salted cod from Iceland and all marketing activities are aimed at achieving these goals.
Constant consultation with participating companies has been carried out to develop the project focus
and the selection of marketing actions, decisions are also based on research of the markets. The
board of the project is comprised of six representatives from the companies and one from the
Ministry of Foreign Affairs.
The project has reached both foreign importers and distributors as well as chefs and consumers in
those countries. The slogan of the project is "taste and share the secret of Icelandic cod" and it
emphasizes a message of quality, freshness, and responsible fisheries.
3
Efnisyfirlit
Skýrsluágrip ............................................................................................................................................. 2
Summary ................................................................................................................................................. 2
Inngangur ................................................................................................................................................ 4
Framkvæmd verkefnisins ........................................................................................................................ 4
Markaðsaðgerðir ..................................................................................................................................... 5
Niðurstöður / Lokamat .......................................................................................................................... 10
Kostnaðaryfirlit ...................................................................................................................................... 13
Umræða og ályktanir ............................................................................................................................. 14
4
Inngangur Á vormánuðum 2013 fóru Íslenskir saltfiskframleiðendur (ÍSF) ásamt Íslandsstofu af stað í
markaðsverkefni sem var upphaflega fjármagnað til eins árs. Erfiðar markaðsaðstæður í Suður Evrópu
með tilheyrandi verðlækkunum fengu framleiðendur og söluaðila til að standa saman og koma saman
undir merkjum Íslands á þremur mörkuðum: Spáni, Portúgal og Ítalíu.
Markmið verkefnisins voru skilgreind í upphafi en þau voru að efla samkeppnisstöðu og auka
verðmætasköpun saltaðra þorskafurða frá Íslandi með því að:
treysta orðspor og ímynd saltaðra þorskafurða frá Íslandi sem úrvals afurða með því að vekja
athygli á íslenskum uppruna og sérstöðu sem tengist gæðum og hreinleika,
efla tengsl við lykilhagsmunaaðila, innkaupa- og dreifingaraðila með fræðslu og kynningum,
skapa áhuga kaupenda á íslenskum fiski og festa í sessi núverandi og nýja neytendur.
Verkefnið „Markaðssetning á saltfiski í Suður Evrópu“ hefur þróast í rétta átt og verið ákveðinn
prófsteinn á samstarf fyrirtækja í greininni um slíka markaðsvinnu. Þátttökufyrirtækin hafa tekið virkan
þátt í að móta samhæfða stefnu. Markaðsefni hefur orðið til eins og ljósmyndir, myndbönd, grafísk
hönnun, vefsíður og samfélagsmiðlasíður. Allt efni sem mikilvægt er að nýta áfram næstu árin.
Samstarfið hefur tryggt meiri slagkraft í kynningu á söltuðum þorskafurðum með aukna athygli á Ísland.
Til stendur að fara í sameiginlegt markaðsstarf fyrir sjávarútveginn í heild sinni og hefur SFS horft mjög
til þessa verkefnis sem ákveðinnar fyrirmyndar að stóra verkefninu sem er núna í undirbúningi.
Framkvæmd verkefnisins Verkefnið hófst árið 2013 á greiningarvinnu og stefnumótun. Haldnir voru sex vinnufundir með
þátttakendum í verkefninu (ráðgjafaráð fyrir hvern markað) vorið 2013. Unnið var með markaðs-
sérfræðingum á Íslandi í hönnun og útfærslu markaðsstefnunnar og almannatengslaskrifstofum
erlendis í framkvæmd og aðgerðum. Skilaboðin eru „Taste and share the secret of Icelandic Bacalao“
og er íslenska þorpið notað sem "rödd" í kynningunni.
Þær markaðsaðgerðir sem hefur verið ráðist í hafa miðað að því að ná fyrrgreindum markmiðum en
ítarlega verður gert grein fyrir árangri og ávinningi verkefnisins í sérstökum kafla síðar í skýrslunni sem
ber heitið Markaðsaðgerðir Vinnufundir hafa verið haldnir tvisvar á ári með þátttakendum þar sem
markaðsrannsóknir hafa verið kynntar og áherslur hvers árs mótaðar.
Íslandsstofa sér um framkvæmd verkefnisins og ÍSF (Íslenskir saltfiskframleiðendur) skipar stjórn þess.
Í henni eru sex fulltrúar fyrirtækjanna og einn frá utanríkisráðuneytinu. Guðný Káradóttir,
forstöðumaður hjá Íslandsstofu, hefur yfirumsjón með verkefninu en verkefnisstjóri er Björgvin Þór
Björgvinsson. Til viðbótar hafa Kristinn Björnsson og Áslaug Þ. Guðjónsdóttir, starfsmenn Íslandsstofu,
tekið virkan þátt í verkefninu.
Aðrir þátttakendur í verkefninu eru íslensk fyrirtæki (u.þ.b. 25 á hverju ári) sem hafa mikla reynslu og
þekkingu á framleiðslu, þjónustu, sölu og markaðssetningu á söltuðum þorskafurðum. Allir stærstu
framleiðendur og söluaðilar hafa verið með í verkefninu frá upphafi.
5
Markaðsaðgerðir Hér á eftir verður gerð grein fyrir helstu aðgerðum, skipt upp eftir löndum á tímabilinu 2013-2016. Þá
verður einnig gerð grein helstu greinum og umfjöllunum sem hafa birst í prent- og vefmiðlum.
Spánn
Rekstur vefsíðu og samfélagsmiðla, frá október 2013
Kynning í Barcelona í upphafi verkefnisins, þátttaka í Seafood Barcelona, október 2013 (bás á
sýningunni, kynningarfundur um N-Atlantshafsþorsk þar sem íslenski þorskurinn var í öndvegi,
fyrirlestrar og sýning á matreiðslu inni á sýningunni, kynning og hádegisverður fyrir 14
blaðamenn samhliða sýningunni) Sjá frétt
Eldhús og götusmakk í Bilbao og
hádegisverður fyrir fimm blaðamenn,
nóvember 2013
Fjórir blaðamenn til Íslands, desember
2013
Uppskriftasamkeppni á Facebook, nóv.-
des. 2013
„Bacalao workshop“ þar sem
matreiðslumaður eldaði fyrir
matarbloggara og blaðamenn í
Barcelona, janúar 2014
Spænskur meistarakokkur og
blaðamaður til Íslands, febrúar 2014
Gerð á video með spænskum meistarakokki, febrúar 2014. Sjá video
Vinningshafar í uppskriftasamkeppni til Íslands, maí 2014
Samstarf við DAMM bjórframleiðendann: nýr bjór þeirra og íslenskur saltfiskur kynntur á 37
veitingastöðum í Madrid (á blaðamannafundi þar sem verkefnið var kynnt, eldaði
matreiðslumaður saltfiskrétti, fulltrúi úr greininni kynnti hráefnið og Kristinn R. Ólafsson kynnti
Ísland. Bæklingi í 60.000 eintökum dreift til almennings), maí 2014
Leikur um Ísland í vinsælu bloggi á vefsíðu La Vanguardia, desember 2014.
Saltfisksmakk í fjóra daga á Fitur ferðasýningunni í Madrid. Bæði fyrir viðskiptivini íslensku
þátttökufyrirtækjanna og almenning, janúar 2015. Sjá frétt
Saltfiskur á Fitur ferðsýningunni í Madrid, janúar 2015
6
Íslandskynning í Barcelona þar sem
Bacalao de Islandia, íslensk ferðaþjónusta
og menning voru kynnt, febrúar 2015
(Íslandsstofa í samstarfi við
forsetaembættið, íslenska sendiráðið í
París, ræðismannaskrifstofuna í
Barcelona, Spænsk-íslenska viðskiptaráðið
og Viðskiptaráðið í Barcelona). Sjá frétt
Tveimur þekktum blaðamönnum frá
stærstu miðlum Spánar (El País og El
Mundo) boðið til Íslands, mars 2015. Sjá
frétt
Vinningshafa í getraunaleik La Vanguardia boðið til Íslands, maí 2015.
Kynning í kokkaskóla í Madrid. Kynning á veiðum og vinnslu Íslendinga og sýnikennsla í eldun
á söltuðum þorski, maí 2015. Sjá frétt
Samstarf við DAMM bjórframleiðendann; nýr bjór þeirra og saltaðar þorskafuðir frá Íslandi á
matseðlinum á 37 veitingastöðum í Madrid. Bæklingi í 60.000 eintökum dreift til almennings,
maí 2014.
Samstarf við meistaranema sem skrifaði meistaraprófsverkefni um saltaðar þorskafurðir í
Madrid. Áhersla á vörumerkjavitund og viðhorf til saltaðra þorskafurða frá Íslandi gagnvart
samkeppnisaðilum, maí 2015, sjá frétt.
Viðtöl við matreiðslumenn í Bilbao, nóvember 2015.
Kynning í kokkaskóla í Valencia. Kynning á veiðum og vinnslu Íslendinga og sýnikennsla í eldun
á söltuðum þorski, október 2015. Sjá frétt.
Spænskum matarbloggara frá La Vanguardia boðið til Íslands, nóvember 2015.
Kynning í kokkaskóla í Bilbao. Kynning á veiðum og vinnslu Íslendinga og sýnikennsla í eldun á
söltuðum þorski, nóvember 2015.
Viðtöl við matreiðslumenn í Bilbao, nóvember 2015.
Tveimur spænskum matarbloggurum boðið til Íslands, desember 2015
Saltfisksmakk á FITUR ferðasýningunni í Madrid í samstarfi við ferðaþjónustusvið Íslandsstofu,
janúar 2016.
Þátttaka í Madrid Fusion (virtasta matarráðstefna Spánar) þar sem m.a. tveir spænskir Michelin
kokkar notuðu saltaðan þorsk frá Íslandi í show cooking, janúar 2016. Sjá frétt
Kynning í CETT, einum stærsta
og virtasta kokkaskóla Barcelona,
mars 2016. Sjá frétt
Þátttaka í tveimur stórum
kynningarverkefnum í samstarfi við
Estrella Damm bjórframleiðandann:
Menus Gastronómicos í Madrid og
Ruta del Bacalao í Barcelona, mars og
apríl 2016.
Ítarleg greining á sýnileika
íslensks uppruna í virðiskeðjunni í
Barcelona, mars og apríl 2016.
Íslandskynning í Barcelona, febrúar 2015
Kynning í kokkaskóla í Madrid, maí 2015
7
Dæmi um umfjöllun í fjölmiðlum á Spáni 2013-2016 Fjöldi umfjallana frá sept. 2013-okt. 2014 = 73 sem hafa náð til 12,6 milljóna manna. Til
samanburðar voru aðeins 7 umfjallanir um íslenskan saltfisk á tímabilinu sept. 2012-sept 2013.
Sjá nánar
Íslandskynning í Barcelona 2015: A.m.k. 16 greinar birtust og áætlað verðmæti umfjöllunar =
EUR 305.541 (upplýsingavirðri) og umfjöllun á vefmiðlum náði til 2,8 milljóna manns.
Spænskir blaðamenn á Íslandi: Mjög flottar greinar birtust í stærstu dagblöðum Spánar.
o El País
o El Mundo / Gastroactitud
Samstarf við Damm á veitingastöðum í Madrid: Þessi viðburður skilaði okkur a.m.k. 24
umfjöllunum. Upplýsingavirði umfjöllunar í prentmiðlum og útvarpi var áætlað = 61.350 EUR
og umfjöllun á vefmiðlun náði til rúmlega 1,8 milljón manns.
Matarbloggarar á Íslandi, des 2015: Virði umfjöllunar samtals 15.651,68 EUR
Ruta del Bacalao Barcelona, mars 2016: Virði umfjöllunar samtals 37.147 EUR
Portúgal
Rekstur vefsíðu og samfélagsmiðla frá
október 2013
Eldhús og götusmakk í Lissabon og
hádegisverður fyrir 21 blaðamann og
bloggara, nóvember 2013. Sjá frétt
Uppskriftasamkeppni á Facebook,
nóv.-des. 2013
Tveir blaðamenn til Íslands, desember
2013
Vinningshafar í uppskriftaleik til
Íslands, apríl 2014. Sjá frétt
Samstarf við þekktan sjónvarpskokk
(Chakall) um að nota íslenskan saltfisk,
september 2014
Götusmakk í Porto, nóvember 2014. Sjá frétt
Kynningarfundur (Industry event þar sem 42 manns mættu) um gæði og nýsköpun með
portúgölskum kaupendum og dreifingaraðilum í Aveiro, nóvember 2014. Sjá frétt
Kynningarfundur í Háskólanum í Reykjavík fyrir átta fjölmiðlamenn frá Portúgal og starfsmenn
portúgalska fyrirtækisins Riberalves, júní 2015. Sjá frétt
Könnunarferð og fundir í Ilhavo, Portúgal vegna undirbúnings þátttöku Íslands á saltfiskhátíð
2016, ágúst 2015
Kynning í kokkaskóla í Lissabon. Kynning á veiðum og vinnslu Íslendinga og íslenskur saltfiskur
notaður í sýnikennslu, nóvember 2015. Sjá frétt
Neytendakönnun á meðal almennings í Lissabon og Norður Portúgal. Áhersla á
vörumerkjavitund og viðhorf gagnvart íslenskum saltfiski og samkeppnisaðilum, október 2015
Viðtöl við matreiðslumenn í Lissabon, nóvember 2015.
Saltfisksmakk í samstarfi við Lugrade í „El Cortes Inglés“ dagana 12.-13. desember.
Portúgölskum matarbloggara boðið til Íslands, desember 2015.
Kynningarfundur með kaupendum í Portúgal, nóvember 2014
8
Veitingahúsavikur í Lissabon. Íslenskur saltfiskur á matseðlinum á tveimur veitingastöðum,
jan.-maí 2016.
Kynning á íslenskum saltfiski í samstarfi við íþróttafréttamiðilinn Record, júní 2016
Þátttaka í saltfiskhátíð í Ilhavo, ágúst 2016.
Dæmi um umfjöllun í fjölmiðlum í Portúgal 2013-2016 Á tímabilinu okt. 2013 til jan. 2014 birtust 53 greinar þar sem fjallað eru um íslenskan saltfisk
þar af voru 13 í prentmiðlum. Þar má nefna greinar í nokkrum helstu dagblöðum Portúgal:
Diário de Notícias and Jornal de Notícias, Publico, Diário de Coimbra og Diário de Economico.
Reiknað virði þessarar umfjöllunar er (okt. 2013 til jan. 2014) er EUR 73.589. Sjá nánar
Portúgalskir fjölmiðlamenn á Íslandi, júní 2015
o 6 greinar í prent- og vefmiðlum, áætlað virði þeirrar umfjöllunar er 105.456 EUR.
Publico, Dinheiro Vivo, Expresso – Economia, Diário de Notícias
o Rúmlega 20 mín umfjöllun á sjónvarpstöðinni SIC, sjá hér
Matarbloggari til Íslands, des 2015. Virði umfjöllunar samtals 3.294,17 EUR
Ítalía
Rekstur vefsíðu frá október 2013.
Rekstur samfélagsmiðla, youtube frá
janúar 2014 og facebook frá ágúst 2014.
Blaðamaður og ljósmyndari til Íslands, júní
2013
Ítalskur landsliðskokkur til Íslands, júní
2014
Gerð á video um landsliðskokkinn, júní
2014. Sjá video
Þátttaka í saltfiskhátíð í Somma
Vesuviana, september 2014. Sjá frétt
Eldhús og götusmakk í Napólí, september
2014. Sjá frétt
Kvöldverðarboð í Napólí með ítölskum kaupendum og fulltrúum íslenskra fyrirtækja,
september 2014
Blaðamaður frá La Repubblica til Íslands, desember 2014.
Þátttaka í saltfiskhátíð í Somma Vesuviana, október 2015. Sjá frétt
Show cooking með ítölskum landsliðskokki fyrir matarblaðamenn og matarbloggara í Mílanó,
desember 2015.
Tveir matarbloggarar til Íslands, desember 2015.
Samfélagsmiðlaátak til kynningar á myndskeiðum á Youtube og Facebook, janúar-mars 2016.
Neytendakönnun á meðal almennings í Campania og Lombardia héruðum á Ítalíu. Áhersla á
vörumerkjavitund og viðhorf gagnvart íslenskum saltfiski og samkeppnisaðilum, janúar 2016.
Vinningshafa í getraunaleik á saltfiskhátíð boðið til Íslands, júlí 2016.
Saltfiskhátíð í Somma Vesuviana, september 2014
9
Dæmi um umfjöllun í fjölmiðlum á Ítalíu 2014-2015 Ítalskur blaðamaður til Íslands í desember 2014
o La Repubblica birtist bæði í prent- og vefmiðli blaðsins.
Saltfiskhátíð í Somma Vesuviana, október 2015: o A.m.k. 14 greinar á vefmiðlum o A.m.k. ein sjónvarpsumfjöllun, sjá hér
Show cooking í Mílanó: o 9 blaðamenn mættu og skilaði umfjöllun í 17 miðlum o Áætlað virði umfjöllunar = 126.581 EUR
Matarbloggarar til Íslands, virði umfjöllunar samtals 20.444 EUR.
10
Niðurstöður / Lokamat Ávinningur af verkefninu er margþættur, bæði mælanlegur og óefnislegur. Búið er að búa til
sameiginlegan vettvang og miðla til að eiga samskipti út á markaðina. Ísland kemur nú fram með einni
röddu úti á mörkuðunum. Sýnileiki Íslands sem upprunalands gæðasaltfisksafurða er orðinn meira í
fjölmiðlum og samfélagsmiðlum. Beiðnir um samstarf og óskir um að nota merki Íslands í kynningum
erlendis eru margar.
Frá því verkefnið hófst á vormánuðum 2013 hefur mikið áunnist. Hérna fyrir neðan gefur að líta sjö
þætti þar sem góður árangur hefur náðst sem hefur haft í för með með sér talsverðan ávinning fyrir
þátttakendur og íslenskan sjávarútveg í heild sinni. Í Viðauka 1 er gerð nákvæm grein fyrir árangri
einstakara aðgerða á viðkomandi mörkuðum frá 2013-2016.
1. Samstarf þátttakenda á Íslandi:
Með þessu verkefni náðist samstaða með hagsmunaaðilum og hægt að móta sameiginlega stefnu í
markaðsstarfinu. Samstarf Íslandsstofu við þátttakendur og verkefnisstjórn hefur verið mjög farsælt og
ómetanleg verðmæti eru fólgin í því að hafa svo breiða þátttöku fyrirtækja á bak við verkefnið. Á
þessum þremur árum hafa u.þ.b. 25 fyrirtæki verið þátttakendur í verkefninu, hvert ár. Þrátt fyrir að
ríkið hafi ekki komið með beint fjármagn inn í verkefnið á árunum 2014 og 2015 var ákveðið að halda
áfram, enda samstaða meðal fyrirtækjanna góð. Þar að auki setti Íslandsstofa aukið fjármagn til
verkefnisins (verkefnafé til viðbótar við greiðslu launa verkefnisstjóra) þar sem góður árangur hafði
náðst.
2. Markaðsefni:
Ljósmyndir og fjöldi myndskeiða (video) hafa verið gerð og eru þau aðgengileg á vef- og
samfélagsmiðlum.
3. Samfélagsmiðlar:
Leitað hefur verið hagkvæmustu leiða til að koma fræðslu, þekkingu og upplýsingum á framfæri og eru
samfélagsmiðlarnir nýttir af miklum krafti í samstarfi við sérfræðinga í almannatengslum (PR-fyrirtæki)
á hverju markaðssvæði. Samfélagsmiðlar (aðallega Facebook, Twitter og YouTube) hafa skipað stóran
sess í verkefninu frá upphafi. Þar hefur tekist hefur að búa til öflugt samfélag. Hérna fyrir neðan má sjá
þann árangur sem hefur náðst á mörkuðum þremur:
Spánn: Facebook = 9.039 fylgjendur, Twitter = 832 fylgjendur, Youtube = 6.565 áhorf
Portúgal: Facebook = 10.545 fylgjendur, Youtube = 3.878 áhorf
Ítalía: Facebook = 6510 fylgjendur, Youtube = 5.100 áhorf
Spánn
Vefsíða verkefnisins: http://www.bacalao-islandia.es
Facebook: https://www.facebook.com/bacalaoislandia
YouTube: http://www.youtube.com/user/bacalaoislandia
Twitter: https://twitter.com/bacalaoislandia
Pintrest: https://www.pinterest.com/bacalaoislandia
Portúgal
Vefsíða verkefnisins: http://www.bacalhaudaislandia.pt
Facebook: http://www.bacalhaudaislandia.pt
YouTube: https://www.youtube.com/user/bacalhaudaislandia
Twitter: https://twitter.com/Bislandia
11
Ítalía
Vefsíða verkefnisins: https://www.baccalaislandese.it
Facebook: https://www.baccalaislandese.it
YouTube: https://www.youtube.com/channel/UC7UHW0uZ7ysRQ8htIOIEB8A
4. Erlendir blaðamenn / almannatengsl:
Mikil áhersla hefur verið lögð á að fá jákvæð skrif um saltaðan þorsk frá Íslandi í fjölmiðla erlendis og
hefur það tekist mjög vel. Fjölmiðlafólki frá Spáni, Portúgal og Ítalíu hefur verið boðið til Íslands og þá
má nefna matarboð og
kynningar fyrir blaðamenn úti
á mörkuðnum þremur.
Fréttatilkynningar hafa verið
sendar í tengslum við viðburði
og markaðsaðgerðir, s.s. þegar
forseti Íslands heimsótti
Barcelona og um ábyrgar
fiskveiðar Íslendinga. Allt þetta
hefur skilað sér í aukinni
umfjöllun um saltaðan þorsk
frá Íslandi. Ávöxtun þess
fjármagns sem í þetta hefur
farið er meira en tíföld.
5. Samstarf við matreiðslumenn og kynningar í kokkaskólum:
Dæmi um hagkvæma leið sem hefur verið valin í verkefninu eru kynningar í kokkaskólanum, enda
samræmist það markmiðum verkefnis vel að koma skilaboðum okkar til upprennandi
matreiðslumanna, auka vitund þeirra um gæðaframleiðslu og vekja áhuga þeirra á eldamennsku á
saltfiski. Eitt af markmiðum ársins 2015 var að þróa fræðsluprógramm fyrir kokkaskóla. Þetta markmið
náðist svo sannarlega með kynningum í þremur kokkaskólum á Spáni og einum í Portúgal, samtals um
400 nemendur. Þessar kynningar tókust mjög vel og er fyrirhugað að halda áfram á sömu braut í öðrum
skólum.
6. Markaðsrannsóknir:
Mjög mikilvægt er að fylgjast með stöðu íslenska þorsksins á öllum helstu mörkuðum. Á árinu 2015
voru tvær rannsóknir gerðar: í Madrid og í Portúgal en áður hafði sambærileg könnun verið gerð í
Barcelona. Þetta voru neytendakannanir en bæði í Madrid og Portúgal voru einnig tekin viðtöl við
matreiðslumenn til að dýpka niðurstöður rannsóknanna. Fyrri hluta árs 2016 var svo gerð könnun á
Ítalíu.
7. Samstarf við erlenda innflytjendur og dreifingaraðila:
Í verkefninu hefur verið lögð á það áhersla að styrkja tengsl við þá aðila úti á markaðnum sem vilja
kynna íslenskan uppruna. Erlendu aðilarnir hafa stutt vel við verkefnið og kalla eftir frekara samstarfi
við að kynna besta saltfisk í heimi eins og þeir orða það. Á þennan hátt er mögulegt að komast nær
neytendum í þessum löndum án þess að leggja til eins mikið fjármagn og neytendamiðaðar kynningar
kosta venjulega.
Matarbloggarar frá Ítalíu, Portúgal og Spáni í heimsókn á Íslandi, desember 2015
12
8. Kynningar gagnvart neytendum:
Eitt af markmiðum verkefnisins var að skapa áhuga kaupenda á íslenskum fiski og festa í sessi núverandi
og nýja neytendur. Þetta hefur verið gert með markvissum kynningum þar sem almenningur er
markhópurinn m.a. með
þátttöku á saltfiskhátíðum og
götusmakki. Umfjöllun í
fjölmiðlum og á
samfélagsmiðlum hefur náð til
neytenda.
Afrakstur verkefnisins er
ljósmyndir, video og eftirfarandi
vefsíður og samfélagsmiðlar í
þremur löndum. Til stendur að
sækja um einkaleyfi á notkun
vörumerkisins með slagorðinu á
þessum þremur mörkuðum.
Stefnt er að framhaldi á verkefninu til að nýta afurðir þess til hagsbóta fyrir umsækjendur og
heildarhagsmuni í framleiðslu á söltuðum þorskafurðum. Verkefnið stóðst að mestu tímaáætlanir.
Frestun varð á markaðsaðgerðum á Ítalíu fyrsta árið.
Götusmakk í Napólí, september 2014
13
Kostnaðaryfirlit Þegar verkefnið hófst árið 2013 lagði hið opinbera (utanríkisráðuneytið og atvinnuvega- og
nýsköpunarráðuneytið) fram 20 milljónir gegn því að framlag þátttökufyrirtækja yrði a.m.k. það sama.
Með 10 millj. kr. framlagi Íslandsstofu var því heildarfjármagn 2013 um 50 milljónir kr.
Á árinu 2014 var sótt um 8 mkr. styrk til AVS til tveggja ára. AVS samþykkti að styrkja verkefnið um 6
mkr. fyrir hvort ár eða samtals 12 mkr. Hér að neðan má sjá kostnaðaryfirlit sem fylgdi AVS umsókninni
2014:
Ártal Eigið framlag Sótt um til annarra* Sótt um til AVS Heildarkostnaður 2014 33.450.000 12.500.000 8.000.000 53.950.000
2015 33.450.000 12.500.000 8.000.000 53.950.000
Samtals 66.900.000 25.000.000 16.000.000 107.900.000
Eigið framlag skiptist þannig fyrir árin 2014 og 2015: Fyrirtæki í framleiðslu og sölu = 50 millj. kr.,
þjónustufyrirtæki = 10 millj. kr. og Íslandsstofa 6,9 millj. kr
Heildarfjármagn áranna 2014 og 2015 var umtalsvert lægra en áætlunin hér að ofan gerir ráð fyrir.
Ekki fékkst styrkur frá hinu opinbera þessi ár og þá var ákveðið að lækka gjaldið sem fyrirtækin greiða
inn í verkefnið til að halda fleiri þátttakendum í verkefninu. Árið 2013 var gjaldið 300 kr/hráefnistonn,
árið 2014 var gjaldið tvískipt: 270 kr/hráefnistonn fyrir hefðbundinn saltfisk og 170/hráefnistonn fyrir
léttsaltaðan fisk og árið 2015 var ákveðið að hafa eitt gjald eða 200 kr/hráefnistonn.
Hérna fyrir neðan má sjá fjármagn verkefnisins fyrir árin 2014 og 2015:
Ártal Framlag fyrirtækja Framlag Íslandsstofu AVS Heildarfjármagn
2014 23.739.956 14.600.000 4.200.000 42.539.956
2015 19.711.382 14.600.000 6.000.000 40.311.382
Samtals 43.451.338 29.200.000 10.200.000 82.851.338
Skipting fjármagns eftir verkþáttum hefur verið mjög svipuð öll árin og miðast að því að þjóna
markmiðum verkefnisins. Skiptingin hefur verið eftirfarandi:
Markaðsgerðir = 84%
Rannsóknir, rekstur og þróun = 7%
Framleiðsla á markaðsefni = 9%
Það hversu mikið fjármagn fer á hvern markað fer eftir útfluttu magni þátttökufyrirtækjanna inn á
markaðina þrjá. Skiptingin miðast gróflega við söluvirði inn á hvern markað fyrir sig, og hefur verið með
þessum hætti öll árin:
Spánn = 60%
Portúgal = 20%
Ítalía = 20%
14
Umræða og ályktanir Mikilvægur grunnur hefur verið lagður með markaðsverkefninu síðustu þrjú árin sem mikilvægt er að
nýta áfram. Aðilar að verkefninu hafa tekið virkan þátt í að móta verkefnið, skipa verkefnisstjórn auk
þess að taka beinan þátt í aðgerðum úti á markaðnum. Þegar horft er rúm þrjú ár til baka frá því
verkefnið hófst má sjá að gríðarlega margt hefur áunnist. Verkefnið hefur þann eiginleika að það nýtist
öllum íslenskum framleiðendum á söltuðum þorskafurðum.
Það að koma fram undir einni röddu “Saltaður þorskur frá Íslandi” hefur styrkt stöðu þeirra á
mörkuðum og um leið aukið verðmæti íslensks sjávarfangs í heild sinni. Vilji þátttökufyrirtækja að halda
áfram er svo sannarlega fyrir hendi og menn hafa með tímanum áttað sig betur á mikilvægi þess að
standa saman. Þátttakendur hafa frá upphafi verið virkir í verkefninu og er það án efa einn helsti
styrkleiki þess.
Unnið er að stöðluðum mælikvörðum verkefnisins, sem taka meðal annars á samfélagsmiðlum,
umfjöllun í fjölmiðlum og ánægju þáttökufyrirtækja. Með tilkomu staðlaðra mælikvarða verður
auðveldara að mæla og sýna fram á beinan og óbeinan árangur verkefnisins.
Á þessari stundu verður hins vegar ekki horft fram hjá því að vilji íslensku þátttakendanna og erlendu
dreifingaraðila til samstarfs er góð vísbending um það að verkefnið er á réttri leið.