navorsingsgids (sky) 400(2014)_afr.pdf · vrydag, 28 maart 11.30-12.20, regsgebou-ouditorium lesing...

1

NAVORSINGSGIDS (SKY)

2014

2

I ADMINISTRATIEWE INLIGTING

1. DIE PROSES

1.1 Tien stappe

Stap 1: Bywoning van oriëntasie lesings

Die volgende lesings word aangebied ter agtergrond:

LESING 1: Administratiewe prosesse en hoe om „n navorsingsprojek te beplan

VRYDAG, 7 FEBRUARIE, 11.30-12.20, REGSGEBOU-OUDITORIUM

LESING 2: Navorsingsvoorstel

VRYDAG, 14 FEBRUARIE, 11.30-12.20, REGSGEBOU-OUDITORIUM

LESING 3: Breë teoretiese benaderings

VRYDAG, 21 FEBRUARIE 11.30-12.20, REGSGEBOU-OUDITORIUM

LESING 4: Generiese vaardighede: Verwysing

VRYDAG, 28 FEBRUARIE 11.30-12.20, REGSGEBOU-OUDITORIUM

LESING 5: Regshistoriese navorsing

VRYDAG, 7 MAART 11.30-12.20, REGSGEBOU-OUDITORIUM

LESING 6: Regspluralisme en regvergelyking

VRYDAG, 14 MAART 11.30-12.20, REGSGEBOU-OUDITORIUM

LESING 7: Generiese vaardighede: Taal en aanbieding

VRYDAG, 28 Maart 11.30-12.20, REGSGEBOU-OUDITORIUM

LESING 8: Individuele seminare met studie-leiers (sien stap 4, bladsy 3 van hierdie gids)

MAART-APRIL

LESING 9: Mondelingse aanbieding van navorsingsvoorstel (sien stap 5, bladsy van hierdie gids)

MEI

LESING 10: Finale afronding

VRYDAG, 5 SEPTEMBER 11.30-12.20, REGSGEBOU-OUDITORIUM

3

Stap 2: Kies ‘n studieleier op clickUP en bespreek daarna jou onderwerp en titel met jou

studieleier

Na die eerste lesing op 7 Februarie sal elke dosent wat skripsies in 2014 kan aanvaar, op clickUP

gelys word, tesame met die studievelde waarin daardie dosent skripsies sal aanvaar. Die maksimum

studente wat elke studieleier kan neem, word ook op clickUP aangedui. Besluit onder watter dosent

se leiding jy jou skripsie gaan voltooi en bespreek „n plek by daardie dosent deur op die dosent se

naam te kliek. Sien Prosedure (hieronder) vir meer besonderhede.

Maak daarna „n afspraak by die studieleier wat jy gekies het en finaliseer in oorleg met jou studieleier

„n onderwerp en titel vir jou skripsie. Verkieslik moet jy voordat jy in gesprek tree met jou

studieleier, wyd lees oor jou voorgestelde onderwerp. Die omvang van jou onderwerp (titel) moet nie

te vaag of te wyd wees nie.

Stap 3: Registreer onderwerp en studieleier

Sodra jy jou titel gefinaliseer het, moet jy „n "skripsie-registrasievorm" (beskikbaar op click UP)

voltooi en laat teken deur jou skripsieleier. Handig die vorm in by Fakulteitsadministrasie. Hierdie

vorm is vir rekordhou-doeleindes. Registrasie is nodig vir opgawedoeleindes en moet plaasvind voor

of op 7 Maart.

Stap 4: Beplanningseminaar

In Maart/April belê elke dosent 'n seminaar met haar groep studente. By hierdie seminaar moet

studente die volgende voorlê:

„n Onderwerp

„n Voorlopige navorsingsprobleem

Literatuuroorsig („n lys van die belangrikste bronne wat reeds geraadpleeg is)

Groepslede bespreek hierdie aspekte en lewer kommentaar op mekaar se voorstelle.

Stap 5: lnhandiging van navorsingsvoorstel en seminaar

Studente moet „n navorsingsontwerp teen 9 Mei inhandig wat 20% van die finale punt tel. Elke

dosent organiseer „n seminar met haar/ sy groep waartydens die studente die geleentheid sal hê om

hulle navorsingsprobleme, aannames en navorsingsvrae soos geformuleer in die navorsingsvoorstel

aan te bied.

Stap 6: Verdere navorsing en skryf en indiening van konsephoofstukke

Doen verdere navorsing en skryf die skripsie. Beplan vooruit, en laat genoeg tyd toe om grammatika,

verwysings ensomeer na te gaan. Dien konsephoofstukke (en uiteindelik „n konsepskripsie) in by die

4

betrokke studieleier wat telkens kommentaar gee wat in „n volgende weergawe aangespeek moet

word. Dit is belangrik om daarop te let dat geen skryfwerk in een oefening geskryf en voltooi word

nie – verskeie weergawes van dieselfde hoofstuk moet geskryf en herskryf word om dit so naby aan

reg as moontlik te kry. (sien punt 5 onder II bl 14)

Stap 7: Bind

Die skripsie moet gebind word. Geen spesifieke bindmetode word voorgeskryf nie, solank die

gebinde kopieë netjies is en die bladsye bymekaar gehou word. Maak ten minste twee gebinde

kopieë. Die skripsietitel en student se voorletters en van moet op die omslag verskyn.

Stap 8: lnhandiging

Handig een kopie in by jou studieleier en een kopie in die Oliver R Tambo Regsbiblioteek.

Die laaste datum vir inhandinging is 10 Oktober. „n Bepaalde dosent kan haar diskresie gebruik en

uitstel van enkele dae verleen.

LET DAAROP DAT DIE PLAGIAATVORM IN DIE SKRIPSIE INGEBIND MOET WORD

EN ‘N TWEEDE PLAGIAATVORM BY DIE STUDIE-LEIER INGEDIEN MOET WORD

WANNEER DIE SKRIPSIE INGEHANDIG WORD.

Stap 9: Terugvoeringseminaar

Die studieleier skeduleer 'n seminaar (of reeks seminare) wat na 10 Oktober sal plaasvind.

Hiertydens sal studente 'n tien minute aanbieding van hul navorsing lewer (byvoorbeeld waarom die

onderwerp gekies is, wat die hoofgevolgtrekkings is en wat jy uit die studie geleer het). Studente sal

ook op vrae en kritiek van studieleiers, eksterne eksaminatore en ander studente in die groep moet

reageer. (Die studieleier mag 'n lid van die fakulteit of ander deskundige as eksterne eksaminator

betrek.)

Voor hierdie seminaar plaasvind, moet lede van dieselfde groep mekaar se skripsies bestudeer.

Gebruik die kopie in die biblioteek hiervoor. (Maak notas of fotostate van relevante dele uit elke

skripsie.)

Voltooi die skripsie-vraelys nadat jou finale seminaar plaasgevind het en handig dit in by die

dekaanskantoor voor of op 1 November.

Stap 10: Evaluasie

Die studieleier ken 'n punt toe (uit 100), saamgestel uit die volgende:

„n punt vir die navorsingsvoorstel 10%

„n punt vir die mondelingse aanbieding van die

navorsingsvoorstel 10 %

5

„n punt vir mondelinge aanbieding / deelname aan finale seminaar 10 %

„n punt vir die geskrewe dokument (skripsie) 70 %

Die mondelinge aanbieding moet die probleemstelling, aannames en navorsingsvrae toelig en moet

fokus op die argument en hoe dit deurgaans ontwikkel is in die skripsie. Die mondelinge aanbieding

moet sistematies wees. Hierin moet die vermoë om ander se werk te integreer, krities te beoordeel en

te analiseer, weerspieël word.

Die skripsie word beoordeel aan die hand van vorm en inhoud. (Punte word soos volg toegeken:

ongeveer 20 van die 70 punte vir vorm, en 50 vir inhoud).

1.2 Vorm

Studente moet aan die volgende elemente aandag gee:

Omslag en inleidingsbladsy

Inhoudsopgawe (gedetailleerdheid, akkuraatheid)

Numering (konsekwent, dieselfde tipe opskrifte moet op dieselfde wyse genommer word )

Voetnote (korrekte en konsekwente gebruik)

Styl (konsekwente gebruik bv kursief vir saakname)

Taal (grammatika, toepaslike woordkeuse; nie opgesmuk of onnodig woordryk nie)

Leestekengebruik

Bronnelys (alfabeties, volledig, onderafdelings vir primêre bronne (wetgewing, hofsake) en

sekondêre bronne (boeke, tydskrifartikels ens))

1.3 Inhoud

Die volgende word in ag geneem:

Onderwerp (relevansie, duidelikheid, presiesheid - nie te vaag of te wyd nie)

Navorsing (omvattend, belangrikste bronne geraadpleeg)

Daar moet „n navorsingsprobleem wees wat op „n konseptuele vlak aangespreek word.

Die benadering wat gevolg word/ perspektief wat die navorsing toelig en metode moet

duidelik uiteengesit word.

Sistematiese aanbieding (duidelike struktuur)

Inleiding, argument/inhoud, gevolgtrekking - "goue draad"

Logika en oorredingsvermoë van argumente

Korrekte gebruik van gesag

Die slaagsyfer is 50 %.

6

Enige punt tussen 40 % en 49 % verleen aan die student die reg om sy skripsie te verwerk en weer in

te handig. Dit moet gedoen word op 'n datum soos bepaal deur die studieleier, maar dit moet voor

middel-Januarie 2015 wees.

Enige punt onder 40 % is 'n druipsyfer. In so „n geval moet die student herregistreer in 2015 en moet

dit oorweeg om 'n ander onderwerp te ondersoek.

„n Student wat ontevrede is met haar/sy punt mag aansoek doen vir „n hermerk by

Fakulteitsadministrasie, vlak 1, Regsgeleerdheid gebou.

2. FORMAAT VAN DIE SKRIPSIE

Die vormvereistes van die skripsie sien soos volg daaruit:

Lengte: Die inhoud (hoofstukke) van die skripsie moet „n minimum van 8 000 en

maksimum van 14 000 woorde beslaan (insluitende voetnote). Jy moet die

hoeveelheid woorde (voetnote ingesluit) op die laaste bladsy van jou

skripsie (direk ná die gevolgtrekking), aandui. Tot 5 % mag afgetrek

word indien daar nie aan hierdie reël voldoen word nie (dit is om die

hoeveelheid woorde te oorskry OF om nie die hoeveelheid woorde aan te

dui nie).

Lettertipe: Enige tipe kan gebruik word.

Lettergrootte: Grootte 12 vir die teks en grootte 10 vir die voetnote.

Spasiëring: 1 ½ spasiëring. Die teks moet geblok ("justify") word.

Bind: Enige stewige formaat. Geen rug-aan-rug binding.

Titelbladsy: [Titel van die skripsie]

Ingedien ter gedeeltelike vervulling van die vereistes van die graad LLB

deur

............... [volle name van die student, studentenommer]

voorberei onder begeleiding van

..... [naam van studieleier]

aan die Universiteit van Pretoria

................ [datum]

Voorblad [Titel van die skripsie]

deur

..... [naam van student]

7

Op die volgende bladsy, voor die inhoudsopgawe, moet „n ondertekende plagiaatvorm verskyn te

vinde op clickUP.

‘N TWEEDE, ONDERTEKENDE VORM MOET OOK INGEHANDIG WORD BY U

STUDIE-LEIER WANNEER DIE FINALE WEERGAWE VAN U SKRIPSIE INGEHANDIG

WORD.

3. PROSEDURE OP CLICKUP

3.1 Wanneer lesings in 2014 „n aanvang neem, epos elke Departementshoof „n lys van die

dosente wat skripsie en seminaar-studente vir daardie jaar sal aanvaar, na die administratiewe

vakhoof vir SKY 400.

Die vakhoof skep „n skakel op clickUP wat studente toelaat om „n studieleier vir SKY 400 te

kies.

3.2 Die vakhoof skep „n groep vir elkeen van die beskikbare dosente. Wanneer „n student die

“registreer skripsie by dosent” item kliek op SKY 400 se tuisblad, verskyn „n lys van dosente.

3.3 Die maksimum aantal studente per dosent word bereken deur die groottotaal SKY 400

studente te deel deur die aantal beskikbare dosente.

3.4 „n Student kies „n spesifieke studie-leier op clickup.

3.5 Sodra „n student „n studie-leier op clickUP gekies het, moet daardie student „n afspraak maak

by die studie-leier om die onderwerp (titel) te finaliseer.

3.6 Nadat die student sy/haar onderwerp (titel) gefinaliseer het, voltooi die student die skripsie-

registrasievorm (Aanhangsel B hieronder) en handig dit by studente-administrasie in (Mev

Malan) voor of op 16 Maart.

4. SKRIPSIE VRAELYS – CLICK UP, HANDIG BY DIE DEKAANSKANTOOR

IN VOOR OF OP 1 NOVEMBER

8

II NAVORSINGSRIGLYNE

1. DIE BEPLANNING VAN ŉ NAVORSINGSPROJEK

Om ŉ projek te finaliseer is ŉ intensiewe proses. Daar moet ŉ voorskryffase wees waartydens ŉ

student wyd lees en ŉ spesifieke onderwerp kies. Om die eerste weergawe te skryf is slegs ŉ klein

deel van die proses. Sodra daar ŉ eerste weergawe is, moet dit hersien en verwerk word. Laastens

moet dit verfyn (“gepoleer”) word om te verseker dat daar geen spelfoute of tikfoute is nie, dat die

styl konsekwent is en dat alle verwysings reg is. Jy sal ŉ rowwe “kalender” of “plan” moet voorberei

om te verseker dat jy genoeg tyd vir elkeen van hierdie fases toelaat. Die swakste projekte is dikwels

deurdrenk met onnodige tikfoute en inkonsekwenthede in styl. Hierdie foute is as gevolg van ŉ malle

gejaag om die sperdatum te maak.

1.1 Beplan vir:

Lees

Skryf van navorsingsvoorstel en hoofstukke (hanteer die voorstel as een hoofstuk)

Voltooiing

1.2 Leesstrategieë

Waar begin jy lees?

Mees onlangse bron

Mees omvattende bron

Belangrikste /gesaghebbendste bron

Bron wat die kwessies die beste illustreer

SA bronne voor buitelandse bronne

Wetgewing vs sake vs saakbesprekings

Handboeke/ joernaalartikels voor regspraak/ wetgewing

Basiese uiteensetting (studentehandboeke, LAWSA) voor teoretiese bespreking

Kyk uit vir bronne (kan regspraak of ŉ buitelandse bron wees) wat ŉ breë oorsig van die literatuur gee

en wat reeds bietjie van die analise en plasing/ “mapping” vir jou doen.

Wees baie bewus van konteks:

Tydlyn: wie was eerste?

Skole en bewegings

Kritiese “rooilyn” gebeure, bv ŉ konferensie, nuwe wetgewing, ŉ hoogs kontroversiële artikel

of beslissing wat ŉ debat oopgemaak het/ verander het/ beëindig het

Kontroleer jou lees teen ander sekondêre bronne, kollegas

9

.

1.3 Wye aanvanklike lees

Vinnige, oppervlakkige, vlug-lees van bronne

Gemik om ŉ oorsig te kry van:

Al die kwessies in die literatuur

Verskillende sienings en menings

Verdere bronne (voetnotas, bibliografie)

Fokus (wat is belangrik, wie is die gesag?)

Mees onlangse posisie

Wat om uit die wye lees te kry:

“Discourse mapping”/ diskoersplasing van al die literatuur

Identifikasie van al die kwessies in die literatuur

Verstaan van gesag, perspektiewe op die kwessies

Verwysing na bykomende literatuur

Versamel van materiaal en opstel van konsepbibliografie

1.4 Sorgvuldige lees

Analiseer teks met verwysing na spesifieke kenmerke (nie alle tekste is dieselfde nie):

Jou voorverstaan van die veld (“mind maps” of notas)

Oorsig van die teks (inhoudsopgawe, kantaantekeninge)

Inleiding en voorwoord

Hoofdeel (liggaam)

Opbou en struktuur van die argument (Inhoudsopgawe, opskrifte)

Gevolgtrekkings

Voetnote en dokumentasie

Indekse

Resensies, verwysings in ander publikasies

Konteks: later ontwikkeling, verander van siening

1.5 Hoofskryffase

Die hoofskryffase volg op die aanvanklike wye leesfase

Beplan vir elke hoofstuk

Beplan van agter (inhandigingsdatum)

Beplan realisties

Nie alle hoofstukke is ewe groot of neem ewe lank nie

10

Maak ŉ skedule

Laat genoeg tyd (afhangende van die aard van die projek) vir hersiening en verfyning voor

inhandiging

Erken bronne reg deur jou skripsie/ verhandeling. Verwys slegs na bronne wat jy persoonlik

geraadpleeg het. Indien jy op ŉ idee of inligting steun afkomstig vanuit ŉ ander bron as jou

eie gedagtes toon dit aan (gewoonlik by wyse van ŉ voetnoot). Indien jy dit nie doen nie

pleeg jy plagiaat. Plagiaat is om die produkte van ŉ ander persoon se gedagtegang te neem

(idees, inligting wat gevind is) en dit aan te bied as jou eie. Selfs al erken jy ŉ bron, maar

skryf dit woord vir woord oor, sonder om aanhalingstekens te gebruik is dit nog steeds

onaanvaarbaar. Om nie bronne behoorlik te erken nie behoort op grond van daardie rede

alleen aanleiding te gee tot ŉ algehele druip.

Om te verseker dat jy plagiaat vermy erken:

Direkte gebruik van iemand anders se woorde;

Enige parafrase van iemand anders se woorde;

direkte gebruik van iemand anders se idee;

ŉ Bron wanneer jou eie analise of gevolgtrekking op daardie bron bou;

ŉ Bron wanneer jou idee aangaande ŉ saak van ŉ ander bron as die saak self kom.

Sien http://www.library.up.ac.za/plagiarism/index.htm vir meer inligting oor wat plagiaat behels en

hoe om te verseker dat jy nie plagiaat pleeg nie.

Let ook op dat jy nie die probleem oplos deur gewoon aan te haal nie deur aanhalingstekens te

gebruik en volle verwysings te gee nie. ŉ Navorsingsprojek moet grotendeels uit jou eie werk bestaan,

wat beteken dat dit nie eenvoudig uit aanhalings van ander mense se werk kan bestaan nie.

2 ORGANISERING VAN ŉ NAVORSINGSPROJEK

2.1 Huishoudingbeginsels

Dinge om te oorweeg en te organiseer:

Skedulering

Verwysing en aanbiedingstyl

Bronne

Inligting aangaande verskillende weergawes

Inligting aangaande kopiereg

Liasseringstelsel: naam, teks en nie-teks, ander materiaal

http://www.library.up.ac.za/plagiarism/index.htm

11

2.2 Skedulering

Konsepweergawes en hou by:

Leesskedule (bv per week)

Skryfskedule (bv per maand, week)

Inhandigingskedule (per hoofstuk tot en met die einde, los genoeg tyd vir hersiening)

Bespreek met jou studie-leier en dateer gereeld op.

2.3 Organisering van bronne

Hou bibliografie, sake en wetgewing op datum van die begin af (volledige en akkurate besonderhede)

Besonderhede wat nie in die voetnote staan nie bv boeke, uitgewer en plek

Voorletters van outeurs

Uitgawes

Plek van publikasie en uitgewer

Regte verwysing na losbladdiens

Maak en stoor elektroniese of harde kopieë van titelblaaie van alle bronne met volledige

bibliografiese inligting van dag 1.

2.4 Inligting aangaande weergawes

Dieselfde inligting moet op die voorblad van elke teksdokument verskyn en gereeld opgedateer word:

AJ van der Walt: Grondwetlike Eiendomsreg

Hoofstuk 4 – Die Engelse Reg

Weergawe 1: 08 Mei 2009

Woorde: 31 005 (80 bladsye)

Lêernaam: CPL_Hfts4_Weergawe1_8Mei.doc

3 NAVORSINGSPROBLEEM, AANNAMEs, NAVORSINGSVRAE EN

BENADERING

3.1 Navorsingsprobleem

Die navorsingsprobleem bring die navorsingsonderwerp in verband met die projek. Byvoorbeeld:

Vrae om te beantwoord

Punte om te bewys

Aspekte om te bespreek

Probleme om op te los

12

Fokus op wat dit is wat jy wil doen in die projek. Formuleer elke punt in terme van iets wat jy wil

bereik.

Formuleer jou navorsingsprobleem op een van twee maniere:

Kort paragraaf (3-5 sinne)

“Bullets” (3-5)

Elke sin/ “bullet” noem een aspek van die groot vraag

Begin met die groot vraag

Die punte bou opmekaar ontwikkel die projek

Teorie en navorsingsprobleem

Die vraag om jouself te vra:

Steun my navorsingsprobleem soos ek dit geïdentifiseer en beskryf het op ŉ spesifieke

teoretiese tradisie of benadering?

Impliseer die feit dat ek op hierdie teoretiese tradisie of benadering steun dat ek eksplisiete

(hoeveel) teoretiese werk en regverdiging moet doen?

Voel ek gemaklik om binne daardie tradisie of benadering te werk en kan ek dit regverdig?

Is ek gemaklik dat die tradisie of benadering wat ek aangeneem het nie gediskrediteer is nie,

en dat dit nie in konflik is met ander aannames waarop ek steun nie?

Hoe beïnvloed die teoretiese tradisie of benadering my hipotese en metodologie indien

enigsins?

3.2 Navorsingsvrae

Navorsingsvrae breek die navorsingsprobleem op in kleiner afdelings en lig so die fokus uit.

3.3 Aannames

Aanames, beginpunte van die projek

Druk uit wat jy aanneem en wat jy verwag om in die studie te vind

Hulle is geformuleer in ŉ spesifieke hipotetiese taal, gewoonlik in die vorm van: Ek aanvaar

dat X die geval is; Ek verwag dat X die geval is

Dit behoort aan te dui wat jy verwag jou gevolgtrekking gaan wees, en wat jy sal moet doen

om dit te bewys

Wanneer jy die hipotese formuleer moet jy die materiaal genoeg ken en verstaan om:

o ŉ Verstaanbare navorsingsprobleem te formuleer

o Die navorsingsprobleem in terme van moontlike navorsingsvrae te beskryf

o ŉ Ingeligte voorspelling aangaande gevolgtrekkings of resultate te maak

13

o In staat te wees om die resultate te beskryf wat tot een eerder as ŉ ander

gevolgtrekking sal lei

o Beskryf wat jy sal moet ondersoek om die resultate te bereik wat jou navorsingsvrae

sal beantwoord

o Beskryf wat jy benodig om voort te gaan met die analise

Jy het egter nog nie die werk gedoen nie, jy weet nie wat die antwoord is nie en kan slegs ŉ

ingeligte raaiskoot maak

Nadat jy die aannames geïdentifiseer en formuleer het, vra die vraag:

o Is my aannames logies in lyn met die teoretiese tradisie of benadering onderliggend

aan my navorsing?

o Is die aannames konsekwent tot mekaar op ŉ teoretiese vlak?

o Is my aanname nodig/ geregverdig/ weerspieëlend van die tipe vrae wat my teoretiese

tradisie of benadering gewoonlik vra of impliseer?

Bv: besitlike individualisme vs gemeenskapgeoriënteerde benadering/ burgerlike

republikanisme/ verhoudingsteorie; regverdiging van/ afdwingende regsposisies vs

hervorming en transformasie

Beskou in hierdie perspektief, is my aannames reg geformuleer en gestruktureer om die

hooffases/ stappe van my ondersoek te weerspieël?

3.4 Benadering en metodologie

Metodologie omskryf die tegnieke/ metodes wat jy gebruik om deur die materiaal van die

hipotese tot by die gevolgtrekking te werk.

Benadering is die teoretiese raamwerk vir jou studie en hou verband met en lig jou

metodologie in.

Hoe gaan jy die probleem wat jy geformuleer het ondersoek?

Hoe gaan jy versamel, analiseer en jou materiaal beoordeel?

Hoe gaan jy jou hipoteses toets?

Tipiese benaderings en metodologieë in regsnavorsing:

Histories

Vergelykend

Grondwetlik

Leerstukgebonde

Sosiologies

Ekonomies

Empiries

Krities (kritiese teorie)

14

Waar om aandag aan hierdie kwessies te skenk

Voorstel: In die navorsingvoorstel moet jy die volgende uitlig en kortliks maar duidelik

omskryf:

o Navorsingsprobleem

o Aannames

o Navoringsvrae

o Metodologie

Die navorsingsvoorstel moet die verband tussen bg maak en aandui hoe hulle ŉ rol speel in

die navorsingsplan, maw waar, in watter hoofstuk

Tesis of skripsie: Hierdie aspekte word weer uiteengesit, omskryf en geregverdig in die tesis

of skripsie, in hoofstuk 1 en toon aan hoe en waar hulle in die navorsingswerk voorkom.

In die gevolgtrekking kan jy na elkeen van hierdie aspekte terugkom en aantoon hoe dit ŉ rol

gaan speel in die projek en hoe dit inpas by die resultate.

3.5 Literatuurstudie

Literatuuroorsig = diskoersplasing/ “discourse mapping”

Doel: dui jou gemak met en verstaan van die hoofbronne aan.

Twee maniere om met die literatuurstudie om te gaan:

Oorsig van literatuur in hoofstuk 1 as dit help om die navorsingsprobleem te

verduidelik

Integreer die literatuuroorsig in die verduideliking van die projek; die

literatuuroorsig speel reg deur ŉ rol

Sluit verwysings na belangrike literatuur in.

Literatuuroorsig moet die volgende aantoon:

Daar moet vrae wat nie beantwoord is nie en dispute wat nie opgelos is nie uit die oorsig wees

Dit moet relevant wees om tyd/ energie/ geld daarop te spandeer – hoekom?

Eie posisie = rede vir die projek: wat wil jy ondersoek/ aanvoer/ aantoon?

15

Formaat van die navorsingsvoorstel

Naam / Studentenommer

Studieleier / Promotor

Titel

Navorsingsprobleem

Aannames

Navorsingsvrae

Motivering

- Agtergrond

- Literatuurstudie

Benadering en metode

Struktuur/ Hoofstukke

Beplanning / Tydlyn

Bronnelys

4 OPTREK VAN KONSEPHOOFSTUKKE

5

5.1 Beginsels

Geen teks word ooit gefinaliseer met die eerste rondte sonder enige hersiening nie. Dit is

nodig om konsephoofstukke op te trek in akademiese skryfwerk wat behels dat elke hoofstuk

verskeie kere hersien moet word.

Wanneer jy dink dat ŉ hoofstuk werklik klaar is, oorweeg of ŉ nuwe weergawe vereis word.

(kommentaar)

Elke teks vereis redigering en deeglike proeflees, maar hersiening behels hier meer as blote

redigering.

Dit behels ŉ herbedink, beoordeling en herevaluering van die basiese argument, struktuur,

inhoud, logika, aanbieding.

Werk aan een hoofstuk op ŉ slag, dan groepe, dan die geheel.

Moet nooit enige iets geheel en al oorskryf nie. Selfs al herskryf jy dit op groot skaal verwerk

wat jy het. Nuwe skryfwerk beteken dat jy weer van voor af met die eerste konsep begin wat

weer nuwe probleme skep.

Wanneer jy groter gedeeltes herskryf onthou om terug te gaan na individuele hoofstukke en

veranderinge aan te bring (gevolgtrekkings, opskrifte)

Opdateer alle weergawe inligting die hele tyd, in die dokument en in die naam van die lêer.

Hou aparte kopieë van elke weergawe soos onderskei deur die weergawe inligting.

16

Onderskei weergawes (substansiële herskryf of regstellings) van weergawes wat slegs

opgedateerde weergawes is (na blote ligte redigering)

5.2 Wat die eerste weergawe voorafgaan

Jy kan slegs begin om aan ŉ eerste weergawe te werk wanneer jy goeie vordering gemaak het

met die lees vir daardie hoofstuk/ gedeelte.

Die lees dui aan hoe die hoofstuk daaruit moet sien, wat dit behoort te dek, hoe die argument

behoort te ontwikkel, wat alles daar moet ingaan.

Die diskoersplasing/ „discourse map‟ moet jou help om op onderwerpe, kwessies,

onderafdelings en opskrifte te besluit. Formuleer eers die navorsingsvraag vir die hoofstuk

voor jy begin skryf.

5.3 Die “goue draad”, styl en taal

Goue draad:

Struktureer jou gedagtes helder. Maak gebruik van subopskrifte in die hoofstukke.

Jou onderwerp behoort ideaal gesproke ŉ vraag te behels (selfs slegs by implikasie). Hierdie

vraag word geopper in die eerste hoofstuk (inleiding) waar die relevansie bespreek word. Die

hoofstukke wat volg moet almal duidelik in verband gebring word met die aanvanklike vraag.

Met ander woorde, elke hoofstuk moet verbind wees met die ander sodat jou teks bymekaar

gehou word deur ŉ sentrale idee of “goue draad”. Verbind al die “drade” in ŉ bondige, maar

lang genoeg, gevolgtrekking.

Styl:

Die eerste stylreël is konsekwentheid. Ons gee enkele riglyne in hierdie gids. Jy mag ook

regsjoernale of handboeke raadpleeg.

Hou jou eie stylleêr. Maak notas van die styl wat jy volg om jou te herinner en om te verseker

dat jy konsekwent is.

Taal:

Hou jou taal duidelik en maklik verstaanbaar. Moenie probeer om jou studie-leier (of

medestudente) te beïndruk met hoe “akademies” jy kan skryf (of hoe geleerd jy is nie). Skryf

kort sinne. Vermy formalistiese, Latynse en argaïese woorde. Sny oortollige woorde en skryf

eenvoudig.

Maak gebruik van woordeboeke en thesaurusse (bv Review – Language - Thesaurus op

Microsoft Word™).

17

5.4 Eerste weergawe

Begin met die maklikste/ sentrale hoofstuk, verkieslik die beskrywende, nasionale reg, wat

die minste betwis kan word

Doel van die weergawe: kry die raamwerk van die argument reg en die aanbieding in lyn

Begin met minimale (raamwerk) en bou van daar, brei uit en weef dit digter eerder as om

slegs meer te skryf

Trek elke hoofstuk op soos die voorstel:

Verband met groot navorsingsprobleem

doel, navorsingsvraag

Aannames

metodologie

struktuur: opskrifte wat die vloei van die argument reflekteer om navorsingsvrae

te beantwoord volgens die hipotese

skedule / werkplan

voorlopige bibliografie

Kwessies om gereeld te hersien (daaglikse herlees):

Hersien, verbeter taal aanhoudend, herbesoek die algemene plan gereeld, logika van argument

Oorweeg helderheid van die argument gereeld

Dateer op, korrigeer en verbeter voetnote en verwysings

Bogenoemde kwessies moet gereeld gekontroleer word en vir ŉ laaste keer deeglik voor die

eerste weergawe voltooi word

Ontwikkel die vaardigheid om te redigeer sonder om die argument aan te spreek, lees afsonderlik vir:

Formaat en styl

Taal

Verwysing

Argument

5.5 Tweede weergawe

Vat elke hoofstuk deur ten minste twee weergawes totdat jy hulle min of meer bevredigend ag

Doel van tweede weergawe: kry die inhoud en aanbieding perfek, duidelik en volledig

Om te beweeg van eerste na tweede (en verdere) weergawes beteken jy het die hele hoofstuk

voltooi, geproeflees en gekorrigeer en dit dan van meet af aan weer grondig oorweeg, met

groot hersienings, verwerking, korreksies alles gedoen en voltooi

18

Ideaal gesproke moet jou studieleier nooit die eerste weergawe sien nie; die eerste weergawe

moet gebruik word om die teks in ŉ redelike goeie toestand te kry voordat jy dit grondig

hersien; alleen dan kan jy indiening van die tweede weergawe oorweeg

Die tweede weergawe is gereed vir eerste indiening indien:

o Inhoud volledig is, alle relevante vraagstukke bespreek is, relevante bronne oorweeg

en bespreek is

o Struktuur duidelik en logies is

o Uitleg, opskrifte duidelik en konsekwent is

o Bespreking duidelik, logies en volledig is

o Taal foutloos is

o Proeflees grondig; geen tikfoute of aanbiedingsfoute nie

o Verwysings en voetnotas perfek is

o Voorlopige bronnelys ens perfek en op datum is

5.6 Eerste indiening en verdere besonderhede

Wanneer is die verskillende weergawes (eerste en tweede) gereed vir eerste indiening?

Wanneer jy dink dit is perfek, nadat jy die inhoud en aanbieding nagegaan en weer nagegaan

het

Lees nog een maal deur slegs die inhoud (argument, op een slag, om te sien of jou argument

goed vloei en duidelik is

Vra ŉ kollega om dit krities te lees en kommentaar te lewer; verwerk dienooreenkomstig

Doen nog een verdere proeflees en maak finale korreksies, veranderinge

Dien dan in

5.7 Kommentaar

Na indiening sal die studieleier kommentaar en kritiek hê, voorstelle vir verbetering

Party kritiek sal onmiddellike korreksie verg, ander nie; onderskei tussen korreksies wat

dadelik gedoen moet word voordat jy voortgaan met die volgende hoofstuk en korreksies wat

kan wag

Jy mag self ook verdere verbeteringe hê nadat jy weer gelees het met die kommentaar

Na indiening werk mens aan ŉ nuwe weergawe

Dit mag dalk nie onmiddellik nodig wees nie; bespreek met studieleier

5.8 Hersiening

Moet nie vasgevang raak in een hoofstuk nie; ontwerp ŉ liasseringstelsel vir kleiner

korreksies, veranderinge, byvoegings, nuwe bronne om later te doen

Indien groter substantiewe veranderinge of byvoegings vereis word, doen dit dadelik

19

Andersins, gaan eerder voort met die volgende hoofstuk so gou as moontlik, doen opdatering

en finale korreksies op een slag later

5.9 Gevorderde weergawes: polering

Sodra al die substantiewe hoofstukke ingedien en gekorrigeer is:

o Lees en oorweeg al die hoofstukke saam, behalwe vir die inleiding en die finale

hoofstuk, slaan veral ag op die vloei van die argument

o Lees hoofsaaklik vir inhoud

o Leer jouself om „intro + gevolgtrekking‟-lees te doen

o Gaan terug na individuele hoofstukke, maak finale verbeteringe, vul gapings in,

verbeter vloei

o Gaan styl, verwysing, taal nog een maal deurgaans noukeurig na

o Trek dan die inleiding en laaste hoofstuk op, dien in en bespreek, herskryf hulle tot

tevrede

o Lees dan en heroorweeg al die hoofstukke krities saam in die lig van die inleiding en

gevolgtrekkings: vloei, pas en konsekwentheid?

o Gaan terug na individuele hoofstukke en vul gapings in

Gaan inleiding en gevolgtrekkings van elke hoofstuk na teen eerste en laaste hoofstukke

Gaan na of die volgende duidelik gestel word in hoofstuk 1 en of hulle opgevolg word in die

substantiewe hoofstukke en na teruggekeer word in die gevolgtrekking:

o Navorsingsvrae (het jy hulle bereik? Hoe staan hulle aan die einde in verband tot jou

gevolgtrekkings?)

o Aannames (was jou voorspellings korrek? Indien nie, hoekom nie?)

o metodologie (het jou metodologie gewerk?

Voeg bronnelys, lys van sake, wetgewing; inhoudsopgawe, opsommings, titelblad by

Ten minste een finale proeflees, gaan styl na, konsekwentheid, gaan formaliteite na

Gaan spelling van sekere terme een laaste keer na met soekfunksie (ensomeer v en so meer,

as‟t ware v as te ware ens).

5.10 Die finale weergawe

Gaan samehang en duidelikheid van argument na

Gaan konsekwentheid van uitleg en styl na

Proeflees en stylredigering

Taalredigering

Inhoudsopgawe: gaan opskrifte na teen inhoudsopgawe

Bronnelys en aanhangsels

Die bronnelys-reël:

o Volledig, duidelik, konsekwent, akkuraat

20

o Kan enigeen bronne vind van jou inligting?

Woord indeks?

Aanbieding: uitleg, lettertipes, drukwerk, bind

Formele vereistes: gaan na!

Voorwoord / erkennings: NB nie aanvanklik in eksaminatore se kopieë nie

Formele vereistes aangaande bind, kopieë vir eksaminatore en vir die finale kopie

6 VERWYSINGS EN AANBIEDING

5.1 Inleiding

Afgesien van die substantiewe kwaliteit van jou navorsing en skryfwerk word die sukses of

mislukking van jou navorsingsprojek ook bepaal deur die tegniese aanbieding van jou navorsingsteks.

Ons verwys hier na die wyse waarop jy die verskillende dele, hoofstukke, afdelings en onderafdelings

van jou teks organiseer en aanbied (jou uitleg); die wyse waarop jy na bronne verwys en jou bronne

aanbied (verwysing en bibliografiese styl); die wyse waarop jy aanhalings gebruik en aanbied; en

konsekwentheid in jou gebruik van woorde, frases, afkortings, verkortings en leestekens.

Hoewel hierdie tegniese aspekte van navorsingtekste onbelangrik mag voorkom, is hulle

inderwaarheid beide substantief en prakties gesproke baie belangrik.

Substantief weerspieël jou uitleg die organisasie van jou teks en bepaal dit die leesbaarheid daarvan.

Jou verwysings- en bibliografiese styl bepaal ook tot ŉ groot mate die akademiese kwaliteit van jou

teks deur die omvang van jou navorsing te toon, jou teks ‟n bruikbare bron te maak vir verdere

navorsing deur ander en te verseker dat jy grondige en behoorlike erkenning gee aan al die bronne

waarop jy steun.

Prakties is sorg met die tegniese aspekte van jou teks belangrik, want, tensy jy ŉ behoorlike en

konsekwente styl aan die begin van jou studie ontwikkel en dit deurgaans konsekwent toepas, word

die tegniese afronding van jou teks ŉ groot frustrasie wanneer jy die teks finaliseer vir indiening.

Daar is geen een korrekte styl ten aansien van enige van die tegniese aspekte van jou navorsingswerk

nie. Dit mag wees dat jou studieleier of jou universiteit ŉ spesifieke styl voorskryf, in welke geval dit

belangrik sal wees om vroegtydig daardie styl aan te leer en dit deurgaans konsekwent toe te pas.

Waar dit nie die geval is nie kan jy gewoon jou eie styl skep, deur voorbeelde te volg uit joernaal-

stylvoorskrifte, daardie voorbeelde aan te pas vir jou eie doeleindes, of gewoon van meet af aan jou

eie styl te ontwerp. Welke van hierdie opsies ook al op jou van toepassing is, is daar twee wagwoorde

om in gedagte te hou. Ten eerste, konsekwentheid: jou styl moet in alle opsigte konsekwent toegepas

word, dws deurgaans op dieselfde manier. Die tweede is dat die styl wat jy aanneem moet sin maak

21

ten opsigte van die doelwitte van elkeen van die verskillende aspekte van tegniese styl – byvoorbeeld,

waar die doel van uitleg deels is om jou teks maklik leesbaar te maak moet jou uitleg van so aard

wees dat dit inderdaad maklik is om jou teks te lees.

Twee verdere algemene praktiese wenke:

- Dit is soms nuttig om joernaal-stylvoorskrifte na te volg. Tog, indien jy dit sou doen onthou dat die

dryfvere wat joernaalstyle bepaal anders is as dié wat jou skripsie se styl bepaal. Die hoofoorweging

by joernale is om spasie te bespaar – dit verklaar byvoorbeeld die gebruik van kruisverwysing met

verkorte verwysings in die voetnotas. Hierdie spasiebesparings-oorweging is geensins ter sake in ŉ

proefskrif, verhandeling, mini-verhandeling of skripsie nie. Dit laat jou vry om party van die meer

ingewikkelde en tydrowende aspekte van joernaalstyle te laat vaar, waar hulle doel alleen is om spasie

te bespaar.

- Sou jy kies om jou eie styl te skep moet jy reg aan die begin van jou studie ŉ stylblad skep waarop

jy deurgaans neerskryf hoe jy spesifieke goed doen. As jy dit nie doen nie gaan jy deur die loop van

jou studie vergeet hoe jy sekere dinge doen, wat inkonsekwenthede gaan veroorsaak wat jy later sal

moet regstel, ten koste van jou geestesgesondheid. Onthou ook om jou stylblad op datum te hou soos

jy voortgaan.

Tegniese aanbieding slaan breedweg op vyf aspekte: die organisasie van jou teks (afdelings, opskrifte

ens); konsekwente gebruik van woorde, frases, afkortings, verkortings en leestekens; die gebruik van

aanhalings; voetnotas (verwysings); en die bronnelys.

In wat volg verskaf ons besonderhede oor elk van hierdie aspekte.

5.2 Organisasie van die teks – hoofstukke, afdelings en opskrifte:

Jou navorsingsteks sal in breë dele opgedeel wees – hoofstukke of dele. Hoe jy besluit om dit te doen

is jou keuse, maar die aard van hierdie indeling en die manier waarop dit aangebied word moet sin

maak, dws dit moet duidelik die substantiewe organisasie van jou teks weerspieël en die teks

toeganklik en maklik leesbaar maak.

ŉ Paar wenke in hierdie verband:

Binne hoofstukke of dele sal daar ook verdere onderafdelings wees. Besluit vroegtydig hoe jy hierdie

wil nommer en doen dit dan konsekwent daarna.

Meeste joernale/uitgewers laat nummering alleen vir drie vlakke van opskrifte toe. Die Constitutional

Court Review (CCR), SA Publiekreg (SAPR) en African Human Rights Law Journal (AHRLJ), doen

22

byvoorbeeld die volgende: 1.; 1.1; 1.1.1; daarna geen nummering nie, opskrifte kom gewoon in

kursief.

Maak seker dat jy vroegtydig ŉ konsekwente styl vasstel ten opsigte van eenvoudige dinge soos of jou

opskrifte in vetdruk of kursief is; watter lettergrootte jy vir verskillende vlakke van opskrifte gebruik;

of jy ŉ punt gebruik na die opskrifnommer; of jy ŉ lyn oop los na ŉ opskrif ensomeer. Die CCR en

die AHRLJ gebruik byvoorbeeld die volgende styl: primêre opskrifte (1) in vetdruk 14pt grootte;

sekondêre opskrifte (1.1) in vetdruk 12pt grootte; derdeklas opskrifte (1.1.1) in vetdruk 12pt grootte;

daarna geen nummering, 12pt grootte, geen vetdruk maar kursief.

Hou die organisasie van die teks so eenvoudig moontlik. As algemene reël maak dit nie sin om jou

teks te so ver te verdeel dat meer as drie vlakke opskrifte nodig is nie. Om dit te doen maak die

organisasie van die teks te ingewikkeld en beperk die toeganklikheid en leesbaarheid daarvan.

Jou spasiëring moet ook deurgaans konsekwent wees, dws die spasiëring tussen sinne; paragrawe;

afdelings; opskrifte en teks ensomeer. Hier is leesbaarheid die oorwegende faktor en nie die besparing

van spasie soos by joernale nie.

5.3 Konsekwente gebruik van woorde, frases, afkortings, verkortings en leestekens:

Daar is altyd woorde, en frases wat mens dikwels gebruik in ŉ betrokke teks – gebruik mens

byvoorbeeld „grondwet‟ of „Grondwet‟? Besluit vroegtydig hoe jy elk van hierdie woorde of frases

wil gebruik (maak ŉ lys soos jy vorder) en doen dit dan konsekwent deurgaans.

Party van hierdie vrae is vir jou bepaal (byvoorbeeld wanneer om „hof‟ en “Hof” te gebruik), maar ten

opsigte van ander kan jy kies. Die wagwoorde bly konsekwentheid en dat dit moet sin maak (dws, in

hierdie geval, jy moet kan verduidelik hoekom jy ŉ sekere wyse gekies het).

Ten opsigte van afkortings (a of art vir artikel; bl of byl vir bylaag ens): Moet as ŉ algemene reël nie

afkortings in die teks gebruik nie (dit neem niemand langer om „artikel‟ as „art‟ te lees nie), maar jy

mag afkortings in die voetnotas gebruik – indien wel, doen dit konsekwent (stel ŉ lys op).

Ten opsigte van verkortings (akronieme): Vermy as ŉ algemene reël verkortings, maar as jy daarop

aandring, dan is dit die gebruik dat jy aan die begin van die teks ŉ lys van sulke verkortings verskaf.

Belangrik: selfs sou jy so lys aan die begin van die hele teks verskaf moet jy in elke hoofstuk van die

teks die verkortings weer opnuut vasstel. Dit wil sê, die eerste keer in ŉ gegewe hoofstuk dat jy ŉ

spesifieke term gebruik waarvoor jy ŉ verkorting het, skryf dit vol uit en gee dan die verkorting in

hakies: „ … in die Internasionale Konvensie oor Ekonomiese, Sosiale en Kulturele Regte (die

IKSEKR) … ‟. Daarna kan jy gewoon die verkorting gebruik, tot die volgende hoofstuk.

23

Ten opsigte van leestekens: daar is meesal duidelike en vaste reëls oor leestekengebruik (bv die

voetnotanommer in die teks word altyd geplaas na enige leesteken; waar woorde in hakies geplaas

word in ŉ sin word die punt geplaas na die sluithakie, tensy die frase in die hakies ŉ volledige sin is,

in welke geval die punt voor die sluithakie kom, ensomeer). Raadpleeg joernaal-stylgidse vir die

algemeen aanvaarde reëls – die Stellenbosse Regstydskrif (Stell LR) se gids is goed in die verband.

5.4 Aanhalings:

As algemene reël moet jy aanhalings tot die absolute minimum beperk.

Daar is oor die algemeen twee soort aanhalings, elk waarvan verskillend hanteer word: Kort

aanhalings wat in die teks geplaas word; en langer aanhalings wat apart van die res van die teks

aangebied word as gevolg van hulle lengte.

Kort aanhalings word van die res van die teks onderskei deur die gebruik van aanhalingstekens. Jy

kan self besluit of jy enkel of dubbele aanhalingstekens wil gebruik (tensy dit aan jou voorgeskryf

word). Waar die kort aanhalings ŉ deel van die sin waarin dit verskyn is gebruik mens slegs

aanhalingstekens. Byvoorbeeld:

Chaskalson HR het beslis „daar is slegs een regstelsel‟.

As die kort aanhaling opsigself ŉ sin is, gebruik mens ŉ dubbelpunt saam met die aanhalingstekens.

Byvoorbeeld:

Chaskalson HR het die volgende beslis: „Sedert die inwerkingtreding van die

Grondwet is daar slegs een regstelsel‟.

As daar ŉ aanhaling binne ŉ aanhaling is, gebruik ander aanhalingstekens as die wat jy gewoonlik

gebruik. Byvoorbeeld:

Chaskalson HR het opgemerk dat „die “een regstelsel-beginsel” van toepassing is‟.

Lang aanhalings (apart): partykeer is ŉ aanhaling te lank om dit aan te bied as deel van die gewone

teks. Jy moet dan ŉ manier kry om dit duidelik as aanhaling aan te bied, dws dit van die res van die

teks te onderskei. Daar is verskillende maniere om dit te doen:

CCR/AHRLJ – aanhaling in aparte paragraaf; met inspring („indent‟) (die hele

aanhaling); 10pt lettergrootte; geen aanhalingstekens nie.

SAPR – soos bo, maar 11pt lettergrootte.

Stell LR – aanhaling in aparte paragraaf; selfde lettergrootte; inspring; met

aanhalingstekens.

24

Joernale verskil ook oor wanneer om ŉ aanhaling van die res van die teks te skei:

CCR/AHRLJ – indien die aanhaling langer as 30 woorde is.

Stell LR – wanneer die aanhaling ŉ volledige sin is.

Joernale verskil ook oor waar die voetnootnommer in die teks ten aansien van so aanhaling moet

verskyn:

CCR/AHRLJ – aan die einde van die sin in die gewone teks wat die aanhaling inlei.

SAPR – aan die einde van die aanhaling.

Vermy verandering van aanhalings van die oorspronklike. Waar dit onvermydelik is, moet dit soos

volg geskied:

Indien jy dele van ŉ aanhaling uitsny, gebruik ellipse, dws ... of (...), afhangend van jou

leestekenstyl. Byvoorbeeld: „Daar kan geen ratifisering geskied van ŉ kontrak ... wat verbied

word ... deur wetgewing nie.‟

Indien jy ŉ aanhaling verander of daartoe toevoeg, gebruik vierkantige hakies: „Die advokaat

[vir die appellante] [het] die punt [geargumenteer].‟

5.5 Voetnotas - verwysing

Voetnotas word met twee doelwitte gebruik: om punte te maak wat alleen aanvullend is tot die hoof

teks; en vir verwysing na bronne. Ons bespreek alleen laasgenoemde hier.

Die gebruikswyse ten aansien van voetnotas is waar die verskil tussen styl in joernale en styl in ŉ

proefskrif, verhandeling of skripsie die duidelikste is. Voetnota styl in joernale is hoofsaaklik daarop

gemik om spasie te bespaar, soveel as moontlik sonder om omvattendheid van verwysing prys te gee.

Dit is nie die geval in studie-navorsing nie – daar is daar geen rede om spasie te bespaar nie.

Eerstens ŉ algemene punt: Dit is voor die hand liggend dat, in proefskrifte en verhandelings voetnotas

se nummering opnuut begin in elke hoof-afdeling (dws hoofstuk) van jou teks – andersins eindig jy

met voetnota 10 500 in jou slot!

Die basiese reël ten opsigte van voetnota-verwysing is weereens konsekwentheid en dat dit moet sin

maak, maar sin vir watter doel? Die doel van verwysing in voetnotas is a) om alle nodige inligting oor

bronne te verskaf om dit vir lesers moontlik te maak om ŉ verwysing op te volg vir eie verder

navorsing; en b) om behoorlik erkenning te gee aan die bron waarop jy steun in die teks (dws die bron

25

van die idee, argument, inligting, perspektief, insig wat in die teks ŉ rol speel). Dit beteken dat jou

verwysings so volledig moet wees as wat nodig is vir hierdie twee doelwitte.

Die spesifieke styl van jou voetnota verwysings (die leestekens, volgorde van inligting ens) is jou

keuse, maar ten minste die volgende inligting moet verskaf word ten opsigte van die volgende bronne:

Boeke: Outeur(s) se naam (name) (voorletters en vane), titel van boek, datum van publikasie

(insluitend uitgawe nommer indien 2e of latere uitgawe); bladsynommer van verwysing (in

voetnotas geen uitgewer en plek van uitgawe nie, dit kom in die bronnelys) (losblad

publikasies: gee aanduiding van die uitgawe sowel as die hersieningnommer.

Hoofstukke in boeke: Hoofstuk-outeur(s) se naam (name) (voorletters en van), titel van

hoofstuk; redakteur(e) van boek se naam (name) (voorletters en van), aanduiding dat hulle

redkateure is (red; reds), boek se titel, datum van publikasie, eerste bladsynommer van

hoofstuk, bladsynommer van verwysing.

Joernaal artikels: Outeur(s) se naam (name) (voorletters en van), titel van artikel (in

aanhalingstekens), jaar van die betrokke joernaalvolume, volume nommer van die joernaal,

joernaal titel (beter om nie verkortings te gebruik nie), eerste bladsynommer van artikel,

bladsynommer van aanhaling.

Proefskrifte, verhandelings: Naam van outeur, titel van proefskrif/verhandeling; beskrywing

van proefskrif/verhandeling (dws LLD Proefskrif, PHD proefskrif, LLM verhandeling ens),

naam van instelling waar voltooi, datum van voltooiing, bladsynommer vir verwysing

Hofsake: Volle verwysing – waar meer as een hofverslagreeks, kies een en hou daarby.

Internasionale instrumente: Vol titel, datum.

Wetgewing: Vol titel en verwysing.

Webtuistes: Naam van outeur, titel van stuk, webtuiste (url), datum waarop geraadpleeg

(indien stuk in harde kopie beskikbaar, verwys altyd eerder na die harde kopie).

Verslae ens: Instelling waaruit voortspring, outeur se naam (waar van toepassing, verslag se

titel, datum van publikasie).

26

Kruisverwysing ((n 5 bo); (nota 5 bo); (n 5 supra) ens): Tensy dit van jou vereis word, beter om dit

geheel te vermy. Joernale vereis kruisverwysing omdat dit ŉ uitstekende manier is om spasie te

bespaar. Daar is in beginsel niks daarmee verkeerd om volledig na ŉ bron te verwys elke keer wat jy

daarna verwys nie. Ten beste kan jy dalk „soos bo‟ of „supra‟ of „ibid‟ gebruik waar die verwysing in

voetnota na dieselfde bron is as die verwysing in die onmiddellik voorafgaande een.

5.6 Bronnelys

Die doel van ŉ bronnelys is weer tweeledig, soos by voetnotas, dws om die teks te verbeter as bron vir

verdere navorsing en om behoorlike erkenning te gee aan bronne.

Die verskil tussen verwysings in voetnotas en die lys van bronne in ŉ bronnelys is dat mens meer

volledige inligting kan gee in ŉ bronnelys.

In voetnotas verwys mens alleen na daardie bronne waarop mens inderdaad steun in die teks. Wat

doen mens in die bronnelys? Daar is twee benaderings in die verband:

- Die eerste is dat die bronnelys volledig al die bronne moet vervat wat inderdaad na verwys word

in die teks en slegs daardie bronne (hierdie is die meer algemene benadering in die regte).

- Die tweede is dat die bronnelys al die bronne moet vervat waarop gesteun is in die

voorbereiding van die proefskrif ens, of dit nou direk na verwys is of nie. Hierdie is die meer

algemeen benadering in die mens- en geesteswetenskappe.

Jy moet uitvind watter benadering jou studieleier of universiteit verkies/voorskryf. Die

laasgenoemde benadering lyk tog die beter een. Dit is meer volledig en maak so jou werk meer

bruikbaar vir verdere navorsing en dit verseker dat jou bron-erkenning so volledig as moontlik is.

Ten opsigte van daardie bronne wat in die bronnelys geplaas word, watter inligting moet ingesluit

word?

Boeke: Voeg uitgewer en plek van uitgawe by.

Hoofstukke in boeke: Voeg uitgewer en plek van uitgawe by.

Joernaal-artikels, proefskrifte, internetbronne, hofsake, wetgewing, internasionale instrumente,

verslae: soos in voetnotas.

Indien jy na ŉ hoofstuk in ŉ geredigeerde boek verwys in jou voetnotas moet beide die boek en die

spesifieke hoofstuk waarna jy verwys apart verskyn in die bronnelys.

navorsingsgids (sky) 400(2014)_afr.pdf · vrydag, 28 maart 11.30-12.20, regsgebou-ouditorium lesing...

Documents