teme diplome
TRANSCRIPT
Universiteti Fan.S.Noli
Fakulteti i Mësuesisë
Dega: Filozofi-Sociologji
Temë Diplome
Tema: Elita në emigracion në kërkim të strategjive
rikthyese.
Punoi: Udhëheqësi:
Enkeleda Jakupllari Prf.Asc.Dr.Irena Nika
Abstrakti
Ky punim argumenton se fenomeni i “ikjes së trurit” apo emigrimi i elitave
shqipëtare është një fenomen shqetësues,i cili ndikon në zhvillimin e ardhshëm të
vendit. Mijera studentë shqiptarë kanë vendosur të largohen nga vendi i tyre për të
studiuar në universitete europiane dhe amerikane. Emigrimi është fenomeni më i
dukshëm në shoqërinë shqiptare pas rënies së regjimit. Shumë herë ky fenomen është
analizuar, si në Shqipëri, ashtu edhe jashtë saj. Faktikisht, një shtresë e
konsiderueshme e emigrimit shqiptar përbëhet nga i ashtuquajturi “Ikja e Trurit”,që në
vend që t’i shërbejë vendit, përbën një humbje për të. Emigrimi është shndërruar në
një fenomen masiv për të rinjtë shqiptarë, që lind si reagim i asaj që gjatë regjimit
ishte absolutisht e ndaluar. Ikja e trurit ne Shqiperi eshte nje problem i thelle që po e
varfëron vendin nga kapitali njerëzor dhe është një pengesë e vazhdueshme për
zhvillimin e vendit.Nëse mendohet se intelektualët dhe personat me specializim të
lartë janë pjesë e një elite qoftë kjo politike, diplomatike, shkencore, kulturore,
administrative ose ushtarake, atëherë këta përbëjnë një forcë të vlefshme per drejtimin
e ndryshimeve shoqerore në nje vend në tranzicion.Rrjedhimisht, sa më i madh numri i
emigranteve nga radhët e tyre, aq më i vështirë bëhet edhe procesi i tranzicionit dhe
duke parë gjendjen aktuale, duket se është kjo pjesë e elitës që ka emigruar, ajo cka i
mungon Shqipërisë në tranzicion.
2
Përmbajtja
1.Faqja e parë..................................................................................................1
2.Abstrakti.......................................................................................................2
3.Përmbajtja....................................................................................................3
4.Falenderimet................................................................................................4
5.Metodologjia................................................................................................5
6.Kuadri teorik...............................................................................................6
-Teoria e Gaetano Mosca................................................................................6
-Teoria e Vilfredo Pareto................................................................................7
-Cështë elita dhe si e përkufizon atë Paretoja dhe ku dallojnë elita dhe
masa................................................................................................................7
7.Hyrja...........................................................................................................11
8.Emigrimi si fenomen social.......................................................................12
9.Tre valët e emigrimit Shqipëtar................................................................15
a.Vala e Parë e emigrimit..............................................................................16
-Ulja drastike buxhetore për punë kërkimore shkencore................................16
-Dobësia e sektorit privat………………………………………............................17
-Ndërhyrjet politike në institucionet kërkimore shtetërore dhe
universitete……………………………………………………….............................18
Dështimi i përpjekjeve të punonjësve shkencorë për t’u përshtatur me sistemin e
ri…………………………………………………………………...............................19
b.Vala e Dytë e emigrimit………………………………………..................19
3
c.Vala e Tretë.................................................................................................19
-Profesorët dhe teknicienët e edukuar në Shqipëri.........................................20
-Studentë shqiptarë të brezit pas 1990-të të arsimuar jashtë.........................20
10.Rezultatet e studimit.......................................................................................21
11.Analiza.............................................................................................................24
12.Transformimi i “ikjes së trurit” në “qarkullim të trurit”..........................26
-Krijimi i një vendi pune më dinamik…………………………….............................26
-Injektimi i metodologjive të reja në vendin e punës............................................26
-Vendosja e bashkëpunimit me universitete dhe institucione të huaja
kërkimore.............................................................................................................26
-Mbështetja e perspektivës europiane të vendit...................................................27
13.Kufizimet e studimit........................................................................................29
14.Rekomandimet...............................................................................................30
15.Konkluzioni....................................................................................................32
16.Bibliografia.....................................................................................................33
17.Pyetësori i përdorur.......................................................................................34
4
Falenderimet
Për realizimin e kësaj teme diplome dua të falenderoj pedagogen dhe
udhëheqësen time Prf.Asc.Dr.Irena Nikaj ndihma e së cilës ka qënë shumë e rëndësishme
për mënyrën se si shkoi kryerja e kësaj teme diplome. Por gjithashtu kritikat e saj të
vazhdueshme kanë qenë një shtysë më shumë për të realizuar një punë sa më të
sukseshme dhe efikase.Përvec kësaj një falenderim i madh shkon edhe për personat të
cilët pranuan të bëhen pjesë e studimit,prania e të cilëve kishte rëndësi jetike,pasi falë
tyre u arritën konkluzionet dhe realizimi i pjesës më të madhe të detyrës.
5
Metodologjia
Edhe pse një sërë studimesh mbi pasojat e mundshme të migrimit intelektual janë
kryer deri më sot, shumica e tyre ofrojnë fare pak informacion lidhur me këtë cështje.
Vrojtimi i ndërmarrë synon të analizojë veçoritë e dukurisë se ikjes së trurit si dhe efektet
që ai mund të ketë në zhvillimin e vendit. Kështu popullsia e synuar janë të rinj shqiptarë
që
studiojnë jashtë apo që janë kthyer dhe jetojnë në vend pas përfundimit të studimeve
jashtë. Vendosa të përfshihen vetëm individë të grup-moshave midis 18-40 vjeç pasi në
përgjithësi moshat mbi 40 vjeç janë më pak të prirur për të ndryshuar vendbanim.Për këto
dy grupe njerëzish u hartua një pyetësor. Përsa i përket grupit të shqiptarëve që janë duke
kryer studimet jashtë, vrojtimi synon të vlerësojë mundësinë që këta tëkthehen dhe
faktorët kryesorë në vendimin e tyre pro apo kundra një kthimi tëmundshëm.
Ndërsa në lidhje me grupin e shqiptarëve të kthyer, vrojtimido të vlerësojë arsyet
e kthimit, perspektivat e tregut të punës që ky grup ka gjetur në Shqipëri dhe sa të
kënaqur janë ata me integrimin e tyre profesional dhe social.Në fazën paraprake të
vrojtimit u ndërtua nëpërmjet kontakteve personale një bazë të dhënash mbi 35 shqiptarë
të arsimuar jashtë (studentë ose të diplomuar me të paktën një gradë të arsimit të lartë të
marrë në një vend të huaj) e cila do të shërbente si korniza për të ndërtuar kampionin e
vrojtimit. Kjo bazë të dhënash përmban emra, informacione të tjera personale (fushat e
studimit/punësimit dhe diplomat e marra ose në përfundim e sipër si dhe vendndodhjet)
dhe adresat e kontaktit të individëve të synuar. Ajo përbëhet nga dy grupe: ata që banojnë
jashtë dhe ata që janë kthyer në vend. Të gjithë të anketuarit u kontaktuan me e-mail pasi
nuk kishte informacion të mjaftueshëm mbi vendndodhjet e tyre aktuale dhe mënyra të
mundshme për t’i kontaktuar.
Duke qenë se anketimi do të vetë administrohej për shkak të pamundësisë për të
kryer intervista me metodën ballë për ballë. Për qëllime praktike pyetësori përbëhet më së
shumti nga pyetje të mbyllura.Kampioni përfundimtar kishte një madhësi prej 35
6
personash,nga këta 25 ishin studentë jashtë shteti në vende të ndryshme,ndërsa 10 kishin
studiuar jashtë dhe ishin kthyer në Shqipëri.Nga kampioni 20 ishin femra ndërsa 10
meshkuj të moshës 18-40 vjec dhe kishin lindur kryesisht në zonën e Korcës ose
Pogradecit. Duke qënë se administrimi i pyetësorit nëpërmjet e-mialit eshtë i vështirë dhe
ekziston mundësia që të mos kthehen të gjitha përgjigjet kampioni u reduktua në 29
përgjigje të personave të zgjedhur.Nga interpretimi i përgjigjeve të këtyre pyetësorëve
kanë dalë dhe rezultatet e studimit.
7
Kuadri teorik
Termi “elitë” është kompleks dhe mbart ngarkesa të ndryshme ideologjike dhe
tone të ndryshme emocionale. Pikëpamjet elitiste kanë burime e mbështetje të ndryshme,
bazohen në faktorë të ndryshëm. Ato mund të jenë fetare – mistike, mund të kenë
argumentim biologjik, mund të jenë psikologjike, ose mund të jenë të natyrës
organizativo – funksionale. Ndonëse koncepti i elitarizmit mund të shtrihet mjaft gjërë,
teori më të theksuara elitariste janë ato të Moskës e Paretos, por edhe të Mihelsit dhe
Ortega i Gasetit. Teoritë e elitarizmit janë teori që përpiqen të shpjegojnë shoqërinë dhe
fenomenet shoqërore, strukturën dhe dinamikën shoqërore në bazë të një idealizmi,
përgjithësimi jo kritik dhe absolutizmi të raporteve të diferencimit shoqëror-klasor dhe të
shfrytëzimit,shtypjes e sundimit.
Teoria e Gaetano Mosca
Për Moskën, njeriu është pushtetdashës e egoist, kurse marrëdhëniet shoqërore
janë një luftë e përhershme e secilit kundër secilit. “Njerëzit për nga natyra anojnë kah
lufta. Dhe paqja e rendi janë vendosur vetëm në ato shoqëri, ku është vendosur një
hierarki, ku është përcaktuar se cilat interesa kanë përparësi ndaj interesave të tjerë.
Uniteti shoqëror rrjedh jo nga mirëkuptimi i interesave të njerëzve, jo nga përvetësimi i
normave dhe i vlerave të përbashkëta, por nga përcaktimi dhe vendosja e një hierarkie.
“Nuk ka shoqëri njerëzore pa një sistem rangimi dhe çdo sistem rangimi kërkon që disa të
urdhërojnë e të tjerët të dëgjojnë”. Prandaj, në çdo shoqëri do të jenë dy klasa, njëra që
sundon dhe tjetra që sundohet.
Këtu kemi mendimin themelor të Moskës, mendimin se çdo shoqëri përbëhet,
doemos, nga sundues dhe të sunduar dhe se ndryshe as që mund të ekzistojë shoqëria.
Moska nuk e përdori termin “elitë”, por “klasa sunduese”. Dhe kjo klasë sunduese përbën
gjithmonë pakicën dhe shquhet për nga organizimi. Pjesëtarët e pakicës sunduese kanë
8
zakonisht disa cilësi, reale ose fiktive, që vlerësohen lart dhe që kanë ndikim të madh në
shoqërinë ku ata jetojnë. Ai shkruan edhe se kurrë nuk ka ndodhur dhe as që mund të
ndodhë që shumica, para se gjithash të varfërit dhe të pashkolluarit, të sundojnë pakicën,
të pasurit dhe të shkolluarit.
Krahas me konceptin e elitës, Moska zhvilloi edhe konceptin e qarkullimit të
elitës. Klasa sunduese, kur s’mund ta kryejë funksionin e vet, ose kur humbet vlera e
funksioneve të saj, atëherë ndërrohet, zëvendësohet nga një klasë tjetër sunduese. Dhe ky
ndërrim, ky zëvendësim bëhet në dy mënyra. Ai mund të bëhet gradualisht, me
rekrutimin dhe ngritjen e vazhdueshme të individëve nga masa në nivel të klasës
sunduese, ose po të mbyllet dhe të izolohet klasa sunduese nga masa, me përmbysjen e
saj dhe marjen e pushtetit nga një klasë e re sunduese. Tërë historia e njerëzore është
histori e konflikteve rreth sundimit, histori e përpjekjeve për monopolizimin e sundimit
nga ana e klasës sunduese dhe e përpjekjeve të tjera për depërtim dhe për marrjen e
pushtetit.
Sundimi dhe qarkullimi i elitës, sipas Moskës, janë ligje që e përcaktojnë jetën
shoqërore. Njerëzit ndonëse nuk mund t’i ndryshojnë këto ligje, mund t’i kuptojnë dhe
duke i kuptuar vijnë në përfundim se integrimi më i mirë shoqëror arrihet kur të mos
izolohet plotësisht klasa sunduese, por as të mos përzihet plotësisht me të sunduarit, kurse
ngritja normale dhe e ngadaltë e individëve nga masa dhe inkuadrimi i tyre në klasë
unduese ndihmon stabilitetin shoqëror.
Teoria e Vilfredo Pareto.
Paretoja e sheh shoqërinë vetëm si pjesë të natyrës, njeriun si qenie natyrore,
kurse historinë njerëzore si rrjedhë të natyrës. Një ndër konceptet themelore të sistemit
sociologjik të Paretos është koncepti i ekuilibrit. Shoqëria është, sipas tij një numër
forcash të ndërlidhura, që së bashku e përbëjnë një sistem me ekuilibër të lëvizshëm.
Ekuilibri i sistemit social varet nga cilësitë e “molekulave” njerëzore, nga cilësitë e
individëve, nga qëndrimet, sjelljet, veprimet e tyre. Si elemente dhe faktorë të këtij
ekuilibri ose të prishjes së tij, socialmekanike e Paretos studion forcat e mbrendshme e të
jashtme të sistemit dhe veprimin e tyre, forcat e jashtme ku bëjnë pjesë toka, klima, por
9
edhe shoqëritë e tjera, gjendjet e përparshme të shoqërisë dhe forcat e mbrendshme,
kryesisht psikike.
Ç’është elita dhe si e përkufizon atë Paretoja dhe ku dallojnë elita dhe masa?
Elita është shtresë e zgjedhur, klasa e më të sukseshmëve, që e përbëjnë njerëzit
me notat më të larta në çdo profesion. Ndarja e këtillë nuk është precize, sepse nuk
përcaktohet se ku bëjnë pjesë të mesmit. Duke numëruar në elitë gjithë më të suksesshmit
në cilëndo degë, Paretoja numëron si elitë jo vetëm intelektualët më të aftë, politikanët
më të zot, ushtarakët më të shquar, por edhe mashtruesit më të mëdhenj, hajdutët më të
shkathët, laviret më në zë. Natyrisht një përcaktim i këtillë i elitës është i pakriter dhe
vështirë mund të pranohet.
Gjëja më e vogël që mund ta bëjmë është ta ndajmë shoqërinë në dy shtresa: në
shtresën e lartë ku bëjnë pjesë zakonisht ata që sundojnë dhe në shtresën e ulët, ku bëjnë
pjesë zakonisht ata që sundohen. Ai shkruante se “klasa e quajtur superior, përgjithësisht
është më e pasur”.Paretoja insistonte në dallimet cilësore mes elitës dhe jo elitës. Vetëm
elita është aktive, historia përbëhet nga aktiviteti i elitave, kurse masën e përbëjnë ata që
s’i kanë cilësitë e elitës, masën e karakterizojnë plogështia, lakmia, nënshtrimi.
Dominimi i elitës është i përhershëm, edhe të ashtuquajturat institucione
demokratike në të vërtetë i shërbejnë sundimit të pakicës. “Në të vërtetë, qoftë të
mbizotërojë e drejta e përgjithshme e votës, qoftë të mos mbizotërojë, gjithmon synon
oligarkia, e cila gjen mënyrë t’i japë vullnetit të popullit shprehjen që e duan ata, duke
filluar që nga ligji perandorak e deri te vota e shumicës ligjore të cilën e blejnë me
shkathtësi, e drejtojnë dhe e manipulojnë, spekulantët tanë.
Përdorimi i forcës mendon ai është i vetmi mjet me të cilin një elitë e merr dhe e
mbron fuqinë. “Çdo elitë që është në pushtet, në qoftë se nuk di ose nuk guxon ta përdor
forcën, me vendosmëri dhe pa konsiderata do të dështojë”. Përdorimi i forcës është detyra
kryesore e klasës sunduese, thotë Pareto. Për Pareton është e pakuptimtë pyetja a të
përdoret forca. Forcën e përdorin edhe ata që duan ta ruajnë, edhe ata që duan ta shembin
një gjendje.
Por nuk nevojitet vetëm forca dhe përdorimi i saj, nevojitet edhe dhelpëria,
10
mençuria, thotë Paretoja duke manifestuar natyrën e vet makiaveliste. I kushton kujdes
momenteve iracionale, emotive në qëndrimet, në orientimet dhe në sjelljet e njerëzve.
Kujdeset edhe për çështjet e teknikës së propagandës, të manipulimit të masave.
Edhe Paretoja, zhvillon madje në mënyrë më të plotë se Moska, teorinë e qarkullimit të
elitës.
Asnjë elitë nuk është e përhershme. Elitat ndërrohen. Historia është varri i elitës,
thotë Paretoja. Çdo elitë, aristokraci, me kohë do të dobësohet, do të bjerë. Prandaj, elita,
klasa sunduese, duhet të përtërihet, dhe kjo bëhet duke u ngritur në radhë të elitës
individë nga klasat e ulëta, të cilët sjellin “energjinë dhe një përmasë të domosdoshme
rezidumesh për t’u mbajtur në pushtet. Përtëritja bëhet edhe nga rënia e elementeve të
degjeneruara”. Por, mund të ndodhë që elitat të jenë të mbyllura, qarkullimi dhe përtëritja
e elitës të pengohen, në elitë të akumulohen elemente inferior, kurse, përkundrazi, në
shtresat e ulëta të grumbullohen elemente superior, të formohet një kontraelitë. Atëherë
ekuilibri prishet, ngjet revolucioni kontraelita e rrëzon elitën sunduese të degjeneruar.
Kjo ndodh kur elita sunduese humbet aftësinë dhe guximin për ta përdorur forcën, kurse
në shtresa të ulëta, elementet superior kanë shkathtësi për të sunduar dhe guxojnë të
veprojnë me forcë.
11
Hyrje
Në pesëmbëdhjetë vitet e tranzicionit, emigrimi është kthyer në një nga sfidat më
të mëdha socio-ekonomike për shoqërinë Shqiptare. Megjithatë, ky problem jo vetëm që
ka ngjallur relativisht pak vëmendje tek vendimmarrësit, por konceptualizimi i tij ka rënë
pre e një mungese të theksuar qartësie dhe e përgjithësimeve. Në përgjithësi, migracioni
masiv, ikja e trurit, dhe qëndrimet e përkohshme jashtë vendit për qëllime arsimimi
përzihen nën konceptin “emigrimi” duke vështirësuar kështu përpjekjet e aktorëve socialë
dhe politikë për të trajtuar aspektet e ndryshme të vërshimit të fuqisë punëtore jashtë
Shqipërisë. Ky punim synon të sqarojë ndryshimet midis këtyre koncepteve, të fokusohet
në ikjen e trurit dhe të rekomandojë politika specifike të nevojshme për të transformuar
“ikjen e trurit” në “qarkullim të trurit.” Punimi bazohet gjerësisht në burime lokale dhe
ndërkombëtare mbi ikjen e trurit si dhe mbi rezultatet e një vrojtimi me shqiptarë që
studiojnë jashtë dhe shqiptarë që janë kthyer dhe jetojnë në vend pas përfundimit të
studimeve jashtë.
Vendosa të realizoj këtë detyrë kryesisht për dy arsye: (1) kjo dukuri po frenon
gjithnjë e më shumë rritjen ekonomike të Shqipërisë dhe forcimin e institucioneve
shtetërore, dhe; (2) përveç faktit që çështja e ikjes së trurit është debatuar gjerësisht në
media, gjatë viteve të fundit janë vënë në zbatim një numër nismash të shoqërisë civile si
dhe një strategji qeveritare mjaft të propaganduara për t’u përballur me këtë dukuri. Pra
faza e fushatave për ndërgjegjësim të publikut ka kaluar dhe tashmë politika shqiptare po
ndërmerr hapa aktivë për të rritur ndikimin pozitiv që mund të ketë fuqia punëtore e
kualifikuar në zhvillimin e vendit.
12
1.Emigrimi si fenomen social.
Emigrimi ka qenë një nga çështjet më të nxehta sociale në Shqipërinë e pas-viteve
1990. Shkalla e emigrimit nga zona rurale drejt zonave urbane dhe nga Shqipëria drejt
vendeve të tjerakanë qenë nga më të lartat në Europën Lindore. I parë nga një
këndvështrim pozitiv, emigrimi ka shërbyer si një valvul shpëtimi në vorbullën e
përkeqësimit të kushteve ekonomike, dërgesat e emigrantëve kanë luajtur rol thelbësor në
kontrollimin e bilancit ekonomik negativ të vendit, ndërsa emigrantët e kthyer kanë
ofruar ekspertizë të çmuar në profesione të ndryshme. Nga ana tjetër, humbja e fuqisë
punëtore të kualifikuar, infrastruktura e mbingarkuar e zonave urbane dhe shpopullimi i
një pjese të madhe të zonave malore dhe rurale dëshmojnë për katastrofën sociale që
shkaktoi kjo dukuri. Në kuadrin e flukseve migratore masive të kësaj periudhe, “ikja e
trurit” mori formën e një faktori mjaft të rëndësishëm i cili po bëhej pengesë për krijimin
e një tregu të fuqisë punëtore të kualifikuar që do të plotësonte nevojat e Shqipërisë. Ky
punim do të analizojë karakteristikat e “ikjes së trurit” shqiptar. Shqipëria është në një
moment kyç të zhvillimit të saj. Treguesit makroekonomikë të kënaqshëm për periudhën
e tranzicionit sugjerojnë se Shqipëria ka lënë pas periudhën e emergjencës dhe tani po
përballet me aspekte gjithnjë e më të sofistikuara të zhvillimit që kërkojnë përgjigje
shumë profesionale dhe të diferencuara.
Problematikat e procesit të integrimit në strukturat Euro-Atlantike vazhdimisht
vënë në dukje nevojën për të forcuar aspektet administrative dhe teknike të qeverisjes.
Dobësitë e kapaciteteve institucionale janë shfaqur si pengesa kryesore në rrugën drejt
integrimit. Burimet njerëzore ekzistuese deri tani janë keqpërdorur dhe akoma më tepër,
keq-kultivuar. Amullia që kjo ka shkaktuar në fushën e burimeve njerëzore ka ndikuar
negativisht në cilësinë e tregut të punës dhe të debatit publik, në hapjen e shoqërisë ndaj
praktikave dhe ideve më të mira dhe në kapacitetet institucionale për të formuluar dhe
13
zbatuar politika dhe projekte. Një mjet efektiv për të ndryshuar situatën do të ishte një
strategji kombëtare për të tërhequr shqiptarë të arsimuar jashtë në administratë, në
sistemin arsimor dhe në sektorin privat.
Pjesa e parë e punimit përshkruan kornizën analitike që do të përdorim. Emigrimi
paskomunist do të ndahet në tre valë me karakter jo-kohor: e para, 1991-1992 dhe 1997-
1998 përfshiu njerëz që largoheshin masivisht për t’i shpëtuar përkeqësimit të kushteve të
ekonomisë dhe sigurisë. Të gjitha grupet e popullsisë bënin pjesë në valën e parë dhe,
edhe pse disa ishin shumë të kualifikuar, shumica prej këtyre u larguan të vendosur për të
mos u kthyer.
Vala e dytë shtrihet nga momentet e fundit të situatës së emergjencës në 1992 deri
në shkatërrimin e shtetit shqiptar në 1997 dhe nga 1998 deri sot. Kjo valë përfshiu njerëz
të motivuar nga nevoja për mbijetesë ekonomike dhe gjithashtu jo shumë të prirur për t’u
kthyer.
Së fundi, vala e tretë e cila përkon në kohë me valën e dytë nuk ishte e nxitur nga
dëshira marrë përvojë profesionale jashtë vendit. Ata që bënin pjesë në valën e tretë
përfituan ngamundësitë që ofron jeta në një vend të lirë për të fituar përparësi
konkurruese mbi kolegët në profesionet përkatëse. Të gjithë këta specialistë të arsimuar
që udhëtojnë jashtë për një diplomë pas-universitare apo përvojë pune si dhe studentë që
diplomohen jashtë, janë më të prirur të kthehen nëse do t’u krijoheshin mundësitë.
Shumica të rinj dhe të pamartuar,ata që përfshihen në këtë valë përbëjnë dhe grupin e
synuar të programit tonë.
Vrojtimi ynë nxori në pah se një numër i konsiderueshëm shqiptarësh që
arsimohen jashtë po marrin në konsideratë mundësinë që të kthehen pas përfundimit të
studimeve edhe pse pak prej tyre janë të vendosur ta bëjnë këtë.Vrojtimi ynë arrin dy
përfundime kryesore: së pari, dëshira për tu kthyer në Shqipëri është reale por megjithatë
shumë studentë ngurrojnë ta marrin atë vendim: 42 përqind e shqiptarëve që studiojnë
jashtë janë të pavendosur nëse do të kthehen apo jo pas përfundimit të studimeve. Fare
pak nga të anketuarit kanë arsye kulturore apo personale për të mos u kthyer kjo
nënkupton që ata janë të hapur ndaj mundësisë që një ditë të vendosin se për ta kthimi në
Shqipëri është zgjedhja e duhur. Së dyti, edhe pse të ardhurat janë një faktor i
rëndësishëm, ato nuk janë faktori kryesor në zgjedhjen për t’u kthyer apo jo në Shqipëri.
14
Shumica e të anketuarve identifikuan “etikën e pakënaqshme të punës” si argumentin
kryesor kundër kthimit, ndërsa “standardet të ulëta të jetesës” u rendit i dyti dhe
“vështirësia për të gjetur punë” u rendit i treti. Arsyet personale dhe kulturore nuk ishin të
rëndësishme përveçse në rastin e atyre që kanë vendosur të mos kthehen.
Nga ana tjetër, ata që janë kthyer në Shqipëri, kanë vepruar kështu kryesisht për
qëllime karriere.Edhe pse shumë prej tyre por jo shumica janë të pakënaqur me nivelin e
të ardhurave,shumica dërrmuese janë të kënaqur që janë kthyer. Kështu, çështjet që kanë
të bëjnë me karrierën janë më të rëndësishme sesa të ardhurat si për të kthyerit ashtu dhe
për të anketuarit që aktualisht studiojnë jashtë. Këto dy përfundime marrin rëndësi kur
formulohet një përgjigje për dukurinë e ikjes së trurit në vend që të t’i jepet përparësi
kompensimit material për të kthyerit e punësuar në institucione publike, do të ishte më
efektive të forcohen mekanizmat institucionale që rregullojnë procedurat e brendshme si
praktikat e rekrutimit/pushimit nga puna të personelit, përparimit në karrierë, etj. Vrojtimi
sugjeron se suksesi i çfarëdo strategjie të hartuar për të tërhequr shqiptarët e arsimuar
jashtë kërkon krijimin e një imazhi më Weberian të institucioneve shtetërore.
E parë nga këndvështrimi i ofertës, një numër i konsiderueshëm nga grupi i
synuar shprehin interes për t’u kthyer, disa po kthehen dhe shumica dëshirojnë të punojnë
në institucione shtetërore më tepër sesa në sektorin privat apo jo-fitimprurës. Nga ana e
kërkesës, forcimi i kapaciteteve të administratës publike shqiptare shfaqet si një nga
sfidat kryesore të Shqipërisë në rrugën drejt integrimit Euro-Atlantik. Një strategji e tillë,
më së paku, do të përfshinte mjetet e nevojshme për të ngritur kapacitetet teknike dhe
administrative të shërbimit civil. Së fundi, ndërgjegjësimi i shoqërisë mbi dukurinë e
ikjes së trurit është rritur në mënyrë domethënëse gjatë viteve të fundit falë pasqyrimit në
shtyp dhe të një numri nismash të ndërmarra nga vetë studentët për të lehtësuar kthimin e
këtij kontingjenti.
2.Tre Valët e Emigrimit Shqiptar.
15
Edhe pse në gjuhën popullore shpesh ngatërrohen me njëra-tetrën, ka një
ndryshim thelbësor mes termave “emigrim” dhe “rrjedhje” apo “ikje e trurit.” “Emigrimi”
i referohet aktit të lëvizjes nga një vend në tjetrin me qëllim stabilizimi rezidencial të
përhershëm në vendin e ri. Kurse “rrjedhje truri” i referohet emigrimit të individëve të
shkolluar me profesion të specializuar nga një juridiksion tek tjetri për shkak të
konflikteve apo mungesës së mundësive profesionale në vendin e tyre. Vendi prej nga
“rrjedh” truri humbet investimin e bërë në rritjen profesionale të individëve që ikin si dhe
kapitalin social të përbërë nga individët që largohen. Për pasojë, edhe ofertat e tregut të
punës në vendin e origjinës varfërohen. Fillimisht, shprehja “ikje e trurit” u përdor nga
Shoqëria Mbretërore e Londrës për të përshkruar largimin e shkencëtarëve dhe
teknicienëve anglezë për në Shtetet e Bashkuara të Amerikës dhe Kanada ne vitet 50-të.
Që atëherë, kjo shprehje i referohet zakonisht ikjes së kapitalit të kualifikuar njerëzor nga
vendet në zhvillim drejt vendeve të zhvilluara.
Shqipëria ka qenë tradicionalisht një vend që eksportonte flukse të fuqisë
punëtore. Me përjashtim të periudhës së regjimit komunist, kur të gjitha format e
migrimit ndaloheshinrreptësisht, fenomeni i emigrimit të fuqisë punëtore ka qenë i
pranishëm në Shqipëri gjatë gjithë historisë së saj moderne. Mungesa e sigurisë fizike,
zhvillimit ekonomik dhe mundësive arsimore, i kanë shtyrë shqiptarët të emigrojnë për
qëllime pune. Megjithatë, “ikje truri” tradicionalisht ka patur pak ose aspak për vetë
faktin se institucionet e larta arsimore në vend pothuajse mungonin dhe specialistët e
teknicienët e paktë shqiptarë arsimoheshin jashtë shtetit. Në periudhën pas-komuniste,
fenomeni i emigrimit mori përmasa epike. Për shkak të rënies katastrofike të standardeve
të jetesës dhe mungesës së sigurisë fizike të shtetasve, jo vetëm që emigrimi u rishfaq si
fenomen më masiv se kurrë por, bashkë me të, u shfaq edhe një fenomen i ri ikja e trurit.
do ta shpjegojmë fenomenin e emigrimit të pas-vitit 1990 në kuadrin e tre valëve
konceptuale, jo-kohore. Përshkrimi i dy valëve të para do të krijojë kuadrin në të cilin do
të analizohet vala e tretë ajo e ikjes së trurit.
Vala e Parë e emigrimit.
16
Vala e parë përbëhet nga dy kulme të emigrimit masiv; 1990-1992 dhe 1997-
1998. Këto kulme përkojnë me rënien e kapaciteteve qeverisëse të shtetit shqiptar dhe u
shkaktuan nga mungesa e sigurisë fizike dhe ekonomike të qytetarëve. Kjo valë fillon me
4000 emigrantët që hynë në ambasadat perëndimore në Korrik 1990, vazhdon me kalimet
masive të kufirit me Greqinë, sekuestrimin nga turmat e emigrantëve të anijeve shqiptare
dhe ikjen në Itali dhe vazhdon në mënyrë të ngjashme në 1997-1998. Në gusht të vitit
1991, rreth 200,000 shqiptarë e kishin braktisur Shqipërinë. Në 1997, ky numër arriti në
450,000 njerëz ose 14 përqind e popullsisë. Ndonëse interesat personale apo familjare
ekonomike luajtën rolin e tyre, këto kulme të emigracionit shqiptar u shkaktuan kryesisht
nga një humbje totale e shpresës për një jetësadopak normale. Emigrantët e përfytyruan
ikjen si një “shpëtim nga e keqja.” Prandaj ikja ishte një e mirë absolute dhe, që të
kurorëzohej me sukses, do të duhej të pasohej nga një stabilizim përfundimtar në vendet
pritëse. Për më tepër, anëtarët e kësaj vale nuk
motivoheshin nga ambicjet profesionale por nga qëllimi për të shpëtuar veten dhe
familjen fizikisht apo ekonomikisht. Ndonëse mes tyre kishte mjaft profesorë dhe kërkues
shkencorë, motivet e tyre ishin të njëjta me ato të punëtorëve, rinisë, dhe të papunëve që
emigruan bashkë me ta.
Duke qenë se emigrimi masiv është i lidhur ngushtë me zhvillimet ekonomike,
politike dhe sociale të një vendi, vala e parë përfundoi kur institucionet shtetërore
rifilluan punën dhe siguruan shërbimet bazë për qytetarët. Vala e dytë shtrihet më gjatë
në kohë, është më lineare dhe më konstante sesa vala e parë.Ndonëse edhe intensiteti i
kësaj vale varet nga ulje-ngritjet e tranzicionit të vështirë shqiptar, ajo ka vazhduar edhe
në ditët më të mira të periudhës pas-komuniste dhe do të vazhdojë edhe në të ardhmen e
afërt. Emigrantët e kësaj vale motivohen mbi të gjitha nga arsyet ekonomike. Shumica e
tyre janë emigrantë dhe jo refugjatë dhe shumë prej tyre emigrojnë duke shfrytëzuar
mundësitë që u japin politikat e imigrimit të vendeve pritëse. Mes tyre ka edhe shumë
shkencëtarë, teknicienë dhe kërkues shkencorë, shumë prej tyre emigruan duke u bërë
kështu pjesë e valës së dytë. Ndryshe nga emigrantët e valës së parë, vala e dytë përbëhet
kryesisht nga individë të martuar që kanë emigruar bashkë me familjet e tyre, shpesh
legalisht dhe në mënyrë të planifikuar. Ka katër arsye kryesore pse shumë punonjës
shkencorë, teknicienë dhe akademikë emigruan në mënyrë të tillë:
17
Ulja drastike e mjeteve buxhetore për punë kërkimore shkencore. Duke patur
parasysh rëniet katastrofike ne sektorët prodhues, defiçitet e mëdha buxhetore të
përvitshme dhe ristrukturimin e ekonomisë shqiptare, merret me mend fare lehtë që
sektorët shkencorë u goditën rëndë pasi këta nuk bëjnë pjesë në sektorët prioritarë
për sa i përket financimeve buxhetore. Si rezultat i zvogëlimeve te përvitshme të
buxhetit për këta sektorë, nga viti 1995 Shqipëria nuk kishte me kapacitete për të
ndërmarrë studime të mirëfillta shkencore. Ky realitet i ri goditi rëndë kapacitetet e
shtetit shqiptar për të zbatuar politika koherente dhe efektive në favor të zhvillimit
ekonomik.
Dobësia e sektorit privat. Në vende të zhvilluara si edhe në shumë vende në
zhvillim, sektori privat ka marrë përsipër një rol gjithnjë e më aktiv në stimulimin e
punës kërkimore shkencore. Në vendet perëndimore, sektori privat luan një rol
primar në këtë drejtim. Por në Shqipëri, ky sektor që lindi nga privatizimi i
ndërmarrjeve shtetërore ka kapacitete të ulta financiare si edhe një nivel të ulët
vetëdijeje për të marrë përsipër një rol të tillë.
Ndërhyrjet politike në institucione kërkimore shtetërore dhe universitete.
Ndërhyrjet e vazhdueshme të politikës në institucione shkencore dhe universitete kane
dobësuar kapacitetet dhe moralin e stafit të këtyre institucioneve. Një shembull i këtij të
fundit është spastrimi i profesorëve të jashtëm nga Fakulteti i Shkencave Shoqërore në
favor të marrjes në punë të profesorëve të lidhur me marrëdhënie personale me stafin
drejtues të Fakultetit. Si rezultat, reputacioni i Fakultetit dhe cilësia e mësimdhënies ra
dukshëm. Edhe sot,ndërhyrjet politike/klanore mbeten një nga faktorët më të dëmshëm
për forcimin e institucioneve shtetërore
Dështimi i përpjekjeve të punonjësve shkencorë për t’u përshtatur me sistemin e
ri. Në ambientin e paqartë dhe të pasigurt të liberalizimit të shpejtë të gjithë sferës
publike të jetës në Shqipëri, shumë shkencëtarë dhe teknicienë nuk arritën ta
përdornin sistemin e ri në avantazhin e tyre. Kjo shpesh nuk ndodhi për faj të tyre.
18
Krejt papritur, ata humbën vendet e sigurta të punës dhe stimën shoqërore. Shumë
prej tyre u dëbuan nga puna për shkak të ristrukturimit të institucioneve shtetërore,
ndërsa të tjerë mbetën të topitur nga rënia katastrofike e standardeve të jetesës së
buxhetorëve. Mungesa e përvojës se si funksionon një ekonomi tregu dhe
konkurrenca e fortë për një sasi gjithnjë e më të vogël fondesh goditën moralin e
tyre. Për më tepër, teknologjitë e kërkimit shkencor dhe komunikimit ishin tejet të
amortizuara. Së fundi, ndryshimi i shpejtë i vlerave shoqërore e la këtë grup pa
prestigjin shoqëror që kishte gëzuar gjatë regjimit komunist. Nga njerëz të nderuar,
akademikët njiheshin si njerëz demode, anakronistë dhe të papërshtatshëm për të
mbijetuar ne realitetin e ri. Si rezultat i këtyre ndryshimeve, shumë shkencëtarë,
akademikë dhe teknicienë zgjodhën rrugën e emigracionit.
Vala e dytë e emigrimit.
Vala e dytë pati një impakt shumë negativ në kapacitetet e Shqipërisë për të
ruajtur dhe shfrytëzuar personelin e kualifikuar. Deri më 1998, 35.8 përqind e
profesorëve me grada pasuniversitare kishin emigruar. Vetëm Universiteti i Tiranës
humbi 40 përqind të stafit akademik. Nëntëdhjetë përqind e të emigruarve ishin nën 40
vjeç. Ky numër është shumë më i lartë sesa shifrat përkatëse për vendet e tjera të Europës
Lindore (këto vende kanë humbur 2-4 përqind të stafit nga emigrimi në perëndim
ndonëse kanë humbur shumë më tepër nga kalimi i punonjësve shkencorë në sektorin
privat vendas).
Vala e tretë e emigrimit.
Veçoritë e valës së tretë dhe të fundit përbëjnë objektin e këtij studimi. Pjesëtarët
e kësaj vale nuk motivohen nga qëllime emigruese por nga qëllime arsimore. Ata
përfitojnë nga mundësitë që u jep jeta në një vend të lirë për të rritur kapacitetet e tyre
profesionale nëpërmjet arsimimit jashtë shtetit. Ndonëse preferencat e tyre personale
ndryshojnë, në përgjithësi këta persona janë të hapur ndaj kthimit në vendin e tyre të
19
origjinës nëse kushtet profesionale që u ofrohen këtu janë të krahasueshme me ato që u
ofrohen jashtë. Kjo sepse ata janë të hapur ndaj stabilizimit përfundimtar kudo ku kushtet
ekonomike/profesionale u plotësohen më mirë. Për më tepër, vala e tretë është më pak
elastike pra varet më pak nga ulje/ngritjet ekonomike dhe politike të Shqipërisë.Pjesëtarët
e kësaj vale nuk po ikin nga e keqja absolute si anëtarët e valës së parë.
Gjithashtu, ata nuk janë nën presion financiar të ngutshëm si anëtarët e valës së
dytë. Në fakt, mund të ketë një lidhje pozitive midis përmirësimit të gjendjes financiare të
familjeve shqiptare dhe valës së tretë nga pikëpamja sasiore. Pra, sa më të pasur bëhen
shqiptarët, aq më shumë i dërgojnë fëmijët e tyre të arsimohen jashtë. Përmirësimi i
gjendjes financiare të shqiptarëve dhe dëshira e madhe e studentëve për të kryer studimet
jashtë ka krijuar një burim gjithnjë e më të gjerë njerëzish që përpiqen dhe shpesh arrijnë
të shkojnë jashtë shtetit. Nëse marrim parasysh edhe programet gjithnjë e
më efektive të vendeve të zhvilluara për të mbajtur studentët e sapo-diplomuar, atëherë
vështirësia për të tërhequr të sapo-diplomuarit në Shqipëri bëhet edhe më e qartë.
Shqipëria po humb jo vetëm sepse ka pak për të ofruar por sidomos sepse nuk ka një
strategji të plotë kombëtare për ta zbutur dhe për të përfituar nga ikja e trurit. Vala e tretë
përbëhet nga dy kategori njerëzish:
Profesorë dhe teknicienë të edukuar në Shqipëri. Normalisht, pjesëtarët e kësaj
kategorie do të klasifikoheshin si pjesëtarë të valës së dytë. Por, në valën e tretë u
përfshinë të gjithë ata anëtarë të këtij grupi që janë regjistruar në institucione të
larta arsimore jashtë për të rifreskuar apo zgjeruar njohuritë e tyre profesionale.
Ata mund të jenë larguar me të njëjtat motive si të gjithë emigrantët e tjerë por
tani që po mbarojnë diplomat pasuniversitare jashtë kanë një prirje të natyrshme
për të shkuar në atë vend që u ofron kushtet më të mira të mundshme.
Studentë shqiptarë të brezit pas 1990-ës të arsimuar jashtë. Ky grupim përbën
edhe fokusin kryesor të studimit. Përgjithësisht, ata e kanë lënë Shqipërinë
thjesht për qëllime arsimimi dhe nuk janë a priori kundra kthimit. Për më tepër,
duke qenë se shumë prej tyre janë pajisur me viza studentësh, Shqipërisë nuk i
duhet të sforcohet shumë për t’i bindur që të kthehen. Këta dy faktorë përbëjnë
20
një shans që mund të shfrytëzohet në shërbim të zhvillimit të vendit.
3.Rezultatet e Studimit.
U anketuan dy kategori të ndryshme të grupit të synuar: (a) shqiptarët që janë duke
studiuar jashtë; dhe (b) shqiptarët që janë kthyer në Shqipëri pasi kanë përfunduar
studimet e tyre jashtë vendit. Është interesant fakti që 21.4 % e studentëve jashtë vendit u
shprehën të sigurt që do të kthehen në Shqipëri brenda tre viteve të ardhshme, ndërsa
36.9% mendojnë se ka mundësi të kthehen. Pra ekziston kategoria e njerëzve për të cilët
nevojitet një strategji kundër ikjes së trurit. Ajo çka mbetet për t’u shqyrtuar është hartimi
i politikave të duhura për të rritur shkallën e kthimit.
Figura 1: Përqindja e studentëve që planifikojnë të kthehen në Shqipëri gjatë tre viteve të
ardhshme.
Një përqindje e konsiderueshme e atyre që duan të kthehen (59.2%) preferojnë të punojnë
në qarqet akademike. Administrata publike renditet në vendin e dytë me 36.7%, ndërsa
vetëm 16.3 përqind e atyre që duan të kthehen shprehen se duan të punojnë në sektorin
21
jo-fitimprurës. Një fakt tjetër interesant është se 28.6% nga përfaqësuesit e kësaj
kategorie dëshirojnë të përfshihen në politikë.
Figura 2: Sektorët e punësimit që preferohen nga studentët që dëshirojnë të kthehen.
Nëse planifikoni të ktheheni në Shqipëri në cilët sektorë planifikoni të punoni?
a.Institucione Akademike 59.18%.
b.Sektori publik 36.73%
c.Sektori Privat 34.69%
d.Politikë 28.59%
e.Sektori jo-fitimprurës 16.33%
Shqiptarët që kanë përfunduar studimet jashtë vendit dhe janë kthyer në Shqipëri
kanë gjetur punë kryesisht në sektorin privat dhe publik – 39% dhe 37% përkatësisht –
ndërsa një pjesë e mirë e tyre (24%) janë punësuar në sektorin jo-fitimprurës. Kapacitetet
e lavdërueshme të sektorit jo-fitimprurës për të tërhequr forca pune të kualifikuara dhe
relativisht të shtrenjta mund të shpjegohen me faktin se “shoqëria civile” shqiptare
vazhdon të funksionojë në varësi të donatorëve dhe si rrjedhojë edhe kushtet për
shërbimet/produktet e saj përcaktohen nga standardet “perëndimore”. Pjesëtarët e këtij
grupi janë punësuar relativisht shpejt – vetëm 6% e tyre nuk kanë gjetur punë brenda
periudhës prej 6 muajsh pas kthimit në Shqipëri.
Nga ana tjetër, studentët që nuk planifikojnë të kthehen vërtetuan hipotezën tonë
se etika e punës është faktori me ndikimin më të madh në vendimin e tyre për të mos u
22
kthyer – 57.1% prej tyre nënvizojnë këtë faktor. Duke patur parasysh rëndësinë që kanë
etika e punës, vështirësia për të gjetur punë dhe standardi i ulët i jetesës në vendimin për
të mos u kthyer, mund të arrijmë në përfundimin se një strategji konkrete e kombinuar me
rritje të standardit të jetesës në plan afatgjatë, mund të ndryshojë mendimin për të
vazhduar një karrierë jashtë vendit.
a.Arsyet për të mos u kthyer në Shqipëri.
a.Etika e punës e pakënaqshme b.Standardet e jetesës të ulëta në Shqipëri c.E vështirë të
gjesh punë në Shqipëri d.Vështirësi në përshtatje me mjedisin shqiptar e.Nuk kam më
lidhje me Shqipërinë(familjare, etj.) f.Arsye personale.
b.A jeni të kënaqur që u kthyet në Shqipëri?
Nga personat e kthyer, 73% janë mjaft të kënaqur ose disi të kënaqur me
vendimin e tyre, ndërsa 14% u shprehën se ishin relativisht të pakënaqur ose aspak të
kënaqur. Në lidhje me integrimin profesional, shqiptarët e arsimuar jashtë vendit duket se
nuk kanë probleme në përshtatjen me kërkesat profesionale dhe sociale të jetës në
Shqipëri.
c.Përse vendosët të ktheheni në Shqipëri?
Të pyetur për arsyet e kthimit, 38.6% e personave të kthyer u shprehën se ka qenë
më lehtë për të bërë karrierë në Shqipëri dhe 5.7% mendojnë se ishte më e lehtë të
gjendej punë në vendin e tyre. Pjesa tjetër kanë vendosur të kthehen për arsye personale
kurse 10% refuzuan të përgjigjen. Këto të dhëna konfirmojnë se motivi “karrierë” është
parësor jo vetëm për ata që kanë vendosur të mos kthehen, por edhe për studentët që
tashmë janëkthyer në Shqipëri.
a.U detyrova të kthehem, pasi nuk më dhanë leje qëndrimi b. Arsye tjetër c. Nuk më
pëlqente të jetoja jashtë shtetit d.Për të qenë pranë familjes e.E kam më të lehtë të bëj
karrierë në vendin tim f.E kisha më të lehtë të gjeja punë në Shqipëri
23
d.Çfarë problemesh hasët gjatë kërkimit të punës?
a.Nevojiteshin miq b.Nuk hasa asnjë problem c.Kishte pak informacion për
vende pune d.Nuk kishte shumë vende të lira për profesionin tim e.Vonesa për njësimin e
diplomës. Problemi kryesor – nepotizmi – vërteton se perceptimet negative të shqiptarëve
që nuk planifikojnë të kthehen janë pjesërisht të bazuara në një realitet praktikash jo-
formale të menaxhimit të burimeve njerëzore(praktika të punësimit, përparimit në
karrierë, pushimit nga puna). Kombinimi i këtyre përgjigjeve me sektorët e punësimit
tregon qartë se sektori jo-fitimprurës është sektori më pak problematik, ndërsa sektori
publik dhe ai privat janë njëlloj problematik.
4.Analizë
Vrojtimi përfshiu dy grupe – shqiptarët që aktualisht vazhdojnë studimet jashtë
dhe ata që janë kthyer pas përfundimit të studimeve jashtë vendit në mënyrë që të
identifikoheshin perceptimet e grupit të parë në lidhje me avantazhet dhe disavantazhet e
një kthimi të mundshëm, si edhe problemet që ka hasur grupi i dytë në procesin e
integrimit profesional në institucionet shqiptare. Në këtë pjesë do të analizojmë
perceptimet e këtyre grupeve për sektorin publik, privat dhe jo-fitimprurës të punësimit
në mënyrë që të zbulojmë problemet specifike reale ose të perceptuara në vlerësimin e
potencialit tësecilit sektor për të tërhequr fuqi punëtore të arsimuar jashtë vendit.
Të anketuarit që kanë vendosur të mos kthehen ose që nuk ishin të sigurt për
kthimin e tyre në Shqipëri gjatë tre viteve të ardhshme dhanë përgjigje të ndryshme mbi
Shqipërinë si vend jo-tërheqës për të jetuar dhe punuar. Të anketuarit që kanë vendosur të
mos kthehen kishin kryesisht arsye personale për vendimin e tyre ose nuk kishin lidhje
me Shqipërinë ose kishin arsye të tjera personale ndërsa disa të tjerë mendonin se
standardi shqiptar i jetesës është thjesht shumë i ulët. Për shkak të natyrës personale të
arsyeve do të jetë shumë e vështirë të bindësh pjesëtarët e këtij grupi të kthehen ata
tashmë kanë vendosur. Nga ana tjetër, të anketuarit që ende nuk ishin të sigurt në do të
ktheheshin nënvizuan si shqetësim primar etikën e pakënaqshme të punës, vështirësitë me
24
përshtatjen ndaj jetës shqiptare dhe mundësitë e pakta të punësimit. Kështu, për pjesën
më të madhe të të anketuarve çështjet që kanë të bëjnë me karrierën kanë qenë faktorët
kryesorë për hezitimin e tyre. Në se këta studentë binden se e ardhmja e institucioneve
shtetërore shqiptare është më e mirë sesarealiteti aktual, disa prej tyre mund të kthehen
edhe në rast se kjo nënkupton dobësim të situatës së tyre financiare.
Grupit të dytë të të anketuarve ata që janë kthyer në Shqipëri dhe janë tashmë të
punësuar iu kërkua të përcaktonin se sa të kënaqur ishin me të ardhurat e tyre aktuale
sipas një shkalle vlerësimi nga 1 (shumë të pakënaqur) në 5 (shumë të kënaqur). Ndërsa
të punësuarit në sektorin privat dhe atë jo-fitimprurës janë relativisht të kënaqur me të
ardhurat e tyre, situata në sektorin publik është më problematike 34.6% janë të
pakënaqur ose mjaft të pakënaqur me të ardhurat e tyre. Megjithatë, duke patur parasysh
se punësimi përbën faktor më të rëndësishëm sesa të ardhurat, mbetet e paqartë nëse
përmirësimi i nivelit të të ardhurave do të ketë një ndikim pozitiv në përfshirjen e grupit
të synuar në sektorin publik. Në përgjithësi, duket se shqetësimi kryesor i shqiptarëve që
aktualisht studiojnë jashtë nuk janë të ardhurat, por mënyrat dhe mjetet e
painstitucionalizuara të rekrutimit/pushimit nga puna, përparimi në karrierë dhe etika e
punës.
Të anketuarve iu kërkua të përcaktojnë sa të kënaqur janë me të ardhurat e tyre
aktuale në një shkallë vlerësimi nga 1 (nivel minimal) në 5 (nivel maksimal). Nuk është
për tu habitur që shkalla e kënaqësisë me të ardhurat e të anketuarit është në raport
pozitiv me shkallën e kënaqësisë me vendimin për tu kthyer në Shqipëri. Ndërsa ky
raport nuk është i qartë në rastin e shkallëve të ulëta të kënaqësisë me të ardhurat
përqindja përkatëse e të anketuarve të kënaqur me vendimin për tu kthyer është nën 50
edhe pse janë mjaft të pakënaqur me të ardhurat e tyre ai qartësohet tek të anketuarit që
janë relativisht të kënaqur me të ardhurat e tyre (3,4,5). Përgjithësisht, të anketuarit janë
të kënaqur me shkallën deri ku vendi i tyre i punës përputhet me kualifikimin e tyre.
Kështu, në qoftë se Shqipëria ia del mbanë të tërheqë
studentë të arsimuar jashtë, vendi i ka të gjithë mekanizmat qe nevojiten për të
shfrytëzuar aftësitë dhe përvojën e tyre në vendin e punës. Nuk ka nevojë të
rekomandojmë ndryshime në praktikat ekzistuese që rregullojnë përputhjen e
kualifikimeve me vendin e punës në administratën publike.
25
5.Transformimi i “Ikjes sëTrurit” në “Qarkullim të Trurit”.
Ndikimi negativ i largimit të trurit është trajtuar gjerësisht në literaturë. Përveç
arsyeve të pasqyruara gjerësisht ë literaturën ekzistuese, do të shtonim se po të marrim
parasysh përvojën e vendeve të tjera në zhvillim, ekzistenca e një fuqie punëtore të lirë
asnjëherë nuk ka qenë element i mjaftueshëm për zhvillimin e ekonomive kombëtare.
Elementi kyç i konkurueshmërisë për vende të varfra janë pagat e ulëta të kombinuara me
fuqi punëtore të kualifikuar, të disiplinuar dhe të aftë. Vendet me paga të ulëta dhe nivel
të ulët kualifikimi gjenden në fund të shkallës ekonomike globale. Më konkretisht,
ekziston një lidhje e drejtpërdrejtë midis vendeve me nivel të ulët të investimeve në
arsim, shkallë të lartë të ikjes së trurit dhe vlerësim të ulët shoqëror për trajnimet
profesionale nga njëra anë, dhe varfërisë e ritmeve të ulëta të rritjes ekonomike në anën
tjetër.Duke pare konkurrencën për nivelin edhe ashtu të ulët të investimeve të huaja ne
Europën juglindore, është e domosdoshme që një strategji kombëtare kundra ikjes së
trurit të zërë
vend kyç në strategjitë për zhvillim të qeverisë shqiptare.
Edhe pse ka ndikuar negativisht, dukuria e ikjes së trurit në Shqipëri në të njëjtën
kohëështë një shans që po të shfrytëzohet mirë mund t’i sjellë vendit përfitime të
konsiderueshme. Shqipëria e ka kaluar fazën e emergjencës në zhvillimin ekonomik
vetëm një liberalizim i tregut nuk mjafton më për të pasur ritme të larta të rritjes
ekonomike. Marrëdhëniet gjithnjë e më të ndërlikuara ekonomike dhe përfshirja e
institucioneve shtetërore në hartimin dhe implementimin e kornizave ligjore për rritjen
ekonomike kërkojnë një debat publik më të sofistikuar mbi strategjitë që do të ndiqen, një
fuqi punëtore më të kualifikuar për të lehtësuar kryerjen e reformave, dhe një kapacitet
më të lartë për të përvetësuar përvojat më të mira nga të huajt. Vendosja e marrëdhënieve
dinamike midis shqiptarëve të arsimuar jashtë dhe përmirësimi i imazhit të vendit si një
alternativë e mundshme për zhvillim profesional do të:
Krijimi i një tregu pune më dinamik.
26
Aktualisht, konkurrenca në segmentet teknike dhe shkencore të tregut të punës
është relativisht e dobët. Me përjashtim të pak sektorëve të ekonomisë si ndërtimi
(arkitektët, inxhinierët e ndërtimit), oferta e tregut të punës në përgjithësi nuk arrin t’i
përmbushë kërkesat. Edhe pse studimet empirike në këtë fushë pothuajse mungojnë,
cilësia e ulët e tregut të punës qendron si një pengesë e madhe për rritjen e investimeve
private. Rritja e fluksit të kthimit të grupit tonë të synuar do të injektonte energji dhe ide
të freskëta si dhe do të rriste konkurrueshmërinë në tregun e punës. Punonjësit do të
kishin më shumë zgjedhje dhe cilësia e ofertave të punës po ashtu do të rritej duke
stimuluar kështu rritjen përtej industrive të ndërtimit dhe ushqimit të cilat po bëhen
sektorët “tradicionalë” të rritjes në ekonominë shqiptare. Krijimi i një “tregu të trurit” do
të ishte me mjaft përfitim për punëdhënësit dhe do të stimulonte krijimin e industrive të
reja në ekonominë shqiptare. Aktualisht hapësira në debatin public shqiptar është e
“monopolizuar” nga relativisht pak burime: politikanët, analistët e pavarur dhe
komuniteti ndërkombëtar në bashkëpunim me atë që njihet si “shoqëri civile”. Injektimi i
burimeve të freskëta që kanë potencial për t’uafirmuar në atë çka shpesh quhet “rreth i
mbyllur” do të shtonte numrin e alternativave që në këto momente mungojnë.Një “treg
idesh” më i fortë jo vetëm që do të shtojë ofertat e zgjidhjeve alternative për problemet e
Shqipërisë por gjithashtu do të pasurojë vizionin shqiptar duke e bërë atë më fleksibël dhe
më të aftë për tu ballafaquar me ndryshimet e vrullshme në mjedisin përreth.
Injektojë metodologji të reja në vendin e punës. Kjo arrihet në dy mënyra: e para,
të kthyerit sjellin njohuritë dhe përvojën teknike që kanë grumbulluar jashtë në
vende pune ku këto mund të mungojnë, duke krijuar kështu një sinergji praktikash
lokale dhe ndërkombëtare. E dyta, edhe pse më e diskutueshme nga pikëpamja
sociologjike, mundet vërtet që të kthyerit të sjellin praktika të reja organizative
dhe një mentalitet të ri që rrisin eficiencën dhe cilësinë e shërbimeve. Edhe pse
kjo është e vështirë të vërtetohet, nuk është krejt e rastësishme që shumë nga
punëdhënësit e të rinjve në Shqipëri të cilët paguajnë pagat më të larta
organizata ndërkombëtare dhe OJQ përgjithësisht preferojnë staf të trajnuar në
Perëndim kundrejt atyre të trajnuar në vend. Në sytë e këtyre punëdhënësve të
paktën, këta të rinj sjellin jo vetëm njohuri të reja por, çka është më e
rëndësishme, një tjetër etikë pune dhe organizimi.
27
Vendosë bashkëpunimin me universitete dhe institucione kërkimore të huaja.Të
kthyerit mund të ndihmojnë në krijimin e rrjeteve, projekteve të përbashkëta,
dheshkëmbimin institucional të njohurive dhe përvojës midis institucioneve shqiptare
dhe perëndimore. Përvoja e pesëmbëdhjetë viteve të fundit ka dëshmuar sepraktika të tilla
kanë qenë faktori kryesor i ruajtjes dhe zhvillimit të shumicës sëinstitucioneve kërkimore
shqiptare.
Mbështesë perspektivën europiane të vendit.
Një strategji e suksesshme përdukurinë e ikjes së trurit kërkon një farë niveli
konkurueshmërie midis Shqipërisë dhe vendeve perëndimore për një segment të caktuar
të forcave të punës. Në këto rrethana, suksesi i Shqipërisë varet edhe nga “aftësia për të
shitur” idenë e ndryshimit pozitiv që sjell integrimi Euro-Atlantik tek pjesëtarët e këtij
segmenti të fuqisë punëtore. Kështu një strategji e suksesshme për ikjen e trurit duhet të
jetë pjesë e një strategjie më të gjerë për integrimin. Rritja e shkallës së kthimit dhe
integrimit profesional të grupit të synuar, nga ana tjetër, do të ndihmonte vetë procesin e
integrimit falë kualifikimit dhe ideve që do të sillnin këta studentë, ndërsa vetë procesi i
sistemimit të tyre në vend do të nënkuptonte një shërbim civil më profesional me praktika
transparente dhe universale të menaxhimit të burimeve njerëzore çka në vetvete është një
nga kriteret për të ardhmen evropiane të vendit.
28
6.Kufizimet e studimit
Problemi që hasa me ndërtimin e kampionit ishte mungesa e një liste
gjithëpërfshirëse që të përmbante informacion demografik bazë si: emri, vendndodhja,
adresa, mosha, gjinia, gjendja civile etj çka do të përbënte kornizën e të dhënave për të
zgjedhur kamionin.Nëpërmjet kontakteve personale u arrit që të selektohej një kampion
prej 35 personash. Nga këta 25 ishin persona që aktualisht vazhdoni studimet jashtë
Shqipërisë,ndërsa 10 ishin persona që kishin mbaruar jashtë studimet dhe ishin kthyer për
të punuar në Shqipëri. Duke qenë se informacioni mbi vendndodhjen e pjesëtarëve të
grupit që synonim të anketonim ishte jo i plotë, e vetmja mënyrë për të kryer vrojtimin
ishte duke shpërndarë pyetësorin me e-mail nëpër të gjithë kontaktet që zotëronim duke
shpresuar të arrija një shkallë përgjigjesh të kënaqshme.
Anketimi u vetë administrua, çka zvogëlon mjaft mundësitë për efekte të
subjektivitetit të intervistuesit. Por nga ana tjetër, ndryshe nga intervistat ballë për ballë,
anketimi nëpërmjet internetit shpesh nuk arrin të sigurojë një shkallë të lartë përgjigjeje.
Kështu në fund të vrojtimit 29 nga 35 personat e përzgjedhur u përgjigjën anketës. Duke
patur parasysh këto kufizime metodologjike, rezultatet e këtij vrojtimi duhet të
interpretohen me rezerva. Ato duhen parë si prirje dhe tendenca më tepër sesa si rezultate
përfundimtare. Këto kufizime që i detyrohen mungesës së një informacioni demografik të
saktë mbi këtë popullsi si dhe pengesave të tjera të natyrës logjistike, nuk të lejojnë të
hartosh një kampion plotësisht përfaqësues.Duke parë gjithashtu se numri i kampionit të
përdorur është i vogël rezultatet e këtij studimi nuk mund të përdoren për të përgjithsuar
për të gjithë personat të cilët studiojnë jashtë Shqipërisë.
29
7.Rekomandimet
Ashtu si vende të tjera të Europës Lindore, Shqipëria ka nevojë të ngrejë
institucione të arsimit të lartë që të ofrojnë arsim të lartë në vend. Një hap i parë në këtë
kuadër do të ishte ngritja e programeve mësimore të modelit perëndimor që do të
prodhonin një brez drejtuesish për sektorin privat që po zhvillohet.
Të reformohet sistemi i ngurtë dhe hermetik i arsimit të lartë në universitetet
shqiptare. Reformat arsimore janë thelbësore për të rritur konkurueshmërinë e
“ofertës” së Shqipërisë ndaj studentëve më të mirë në mënyrë që ata të mos largohen
dhepër ta hapur sistemin e lartë arsimor për kandidatët më të mirë në stafin akademik
Të nënshkruhen kontrata me nëpunësit civilë, kërkuesit shkencorë, profesorët dhe
nëpunës të tjerë të kualifikuar në shërbimin civil që institucionet shtetërore dërgojnë
jashtë vendit për kurse trajnimi, seminare, etj. Këto kontrata duhet të detyrojnë nëpunësin
të kthehet në vendin e punës pas përfundimit të misionit
jashtë vendit.
Të vazhdohen reformat në administratën publike dhe në treguesit e qeverisjes në
bashkëpunim të ngushtë me Bashkimin Europian dhe partnerë të tjerë
ndërkombëtarë. Tek e fundit, vetëm transformimi i administratës publike drejt
standardeve evropiane do të ishte një mënyrë efektive për të integruar shqiptarët e
arsimuar jashtë në administratë. Ky pa dyshim, është një proces i ndërsjellë: përpjekjet e
vazhdueshme për të përfshirë këtë grup në administratë do të ndihmojnë integrimin e
vendit në BE duke përmirësuar kapacitetet shtetërore për të vënë në jetë reformat e
nevojshme.
Të zvogëlohet shkalla e politizimit të shërbimit civil. Politikat e tanishme të
30
burimeve njerëzore janë viktima të favoritizmit politik nëpër të gjithë administratën. Në
këto rrethana, shqiptarët e arsimuar jashtë janë në pozita të pavaforshme për shkak të
mungesës së familjaritetit me mënyrat jo-institucionale për të bërë karrierë.
Të shtohen fondet për kërkimin dhe zhvillimin shkencor. Nëse do të funksiononin
siç duhet, institucionet kërkimore shtetërore do të siguronin mbështetjen e nevojshme
kërkimore dhe teknike për zbatimin e politikave shtetërore. Mungesa e një mbështetjeje
të tillë deri tani ka patur dy ndikime negative: (1) shtetit i ka munguar kapaciteti për të
propozuar infrastrukturë dhe projekte të tjerë tek donatorët. Mjaft shpesh, ashtu si në
periudhën e pas-97’ës, fondet e zotëruara nuk janë përdorur për shkak të mungesës së
kapaciteteve zbatuese dhe sakaq nuk ka patur përpjekje serioze për të mbledhur fonde për
projekte specifike si rrjedhojë e mungesës së aspekteve teknike, dhe (2) shteti shpesh ka
zbatuar politika të paparaprira nga studimet e nevojshme, çka ka rezultuar në dështim të
këtyre politikave ose paaftësi për të vënë në jetë detyrat dhe përgjegjësitë e marra
përsipër.
31
Konkluzioni
Si përfundim,nga të dhënat e paraqitura në këtë detyrë mund të them se emigrimi i
elitave apo ikja e trurit ne Shqipëri është një problem i thellë që po e varfëron vendin nga
kapitali njerëzor dhe është një pengesë e vazhdueshme për zhvillimin e vendit. Kur
zhvillimet e një vendi shoqërohen me kriza të shpeshta politike, zgjedhore e presidenciale
duket se në radhë të parë ai vuan nga mungesa e kapitalit njerezor.
Vendi vuan nga “tharja e trurit”; ikja e individëve me arsim të lartë, të përgatitur, të
specializuar, e të talentuar dhe vendosja e tyre në vende ose juridiksione të tjera, për
shkak të konflikteve, mungesës së mundësive, mjedisit të pashëndetshëm, diskriminimit
ose arsyeve të tjera. Sot Shqipëria është vendi me numrin më të madh të emigrantëve në
Botë, në përpjestim me numrin e popullsisë. Vetëm gjatë viteve 1990-2000, nga vendi
ikën rreth 40% e intelektualëve perfshi shkencëtarë profesorë, laborantë e të tjerë.
Nëse mendohet se intelektualët dhe personat me specializim të lartë janë pjesë e
një elite qoftë kjo politike, diplomatike, shkencore, kulturore, administrative ose
ushtarake, atëherë këta përbëjnë një forcë të vlefshme per drejtimin e ndryshimeve
shoqerore në nje vend në tranzicion. Rrjedhimisht, sa më i madh numri i emigranteve nga
radhët e tyre, aq më i vështirë bëhet edhe procesi i tranzicionit dhe duke parë gjendjen
aktuale, duket se është kjo pjesë e elitës që ka emigruar, ajo cka i mungon Shqipërisë në
tranzicion.
32
Bibliografi:
Elliot, Larry. “Stop the Brain Drain.” The Guardian Ëeekly. December 17-23
2004.
European Bank for Reconstruction and Development. Transition Report Update,
1996.
Fischer Ëolfram and Peter Lundgreen. “The Recruitment and Training of
Administrativeand Technical Personnel.” In Charles Tilly, ed. The Formation of National
States in
Gedeshi, Ilir. Emigrimi i Elites Intelektuale nga Shqiperia gjate Periudhes se
Tranzicionit. Tirana: Luarasi, 1999.
Mema, Fatmir. “Albania: Vortices of Imbalance.” Higher Education in Europe.
Vol.XXIX. No. 3. October 2004: 309-317.
Kajsiu, Blendi. “Liberalizimi I Universiteteve-nje ikje nga” Metropol,
No. 418. Gusht 18, 2005.
Prifti, B. “Strategji punesimi per individet e edukuar jashte” Shekulli. Janar 08,
2005.
33
Apendiksi
PYETËSORI
Studime të ndryshme sugjerojnë se emigrimi i potencialit intelektual në Shqipëri, një
dukuri me përmasa dhe pasoja drastike për vendin gjatë dhjetëvjeçarit të fundit, mund të
kthehet në një avantazh të madh për zhvillimin e vendit nëse i kushtohet vëmendja e
duhur dhe trajtohet nëpërmjet politikave dhe strategjive të duhura.
Duke shpresuar në bashkëpunimin tuaj, ju sigurojmë se informacioni i marrë nga ju
do të përdoret me korrektësinë maksimale.
Faleminderit për bashkëpunimin dhe kohën tuaj.
Vërtetje: shënoni zgjedhjen tuaj me një “+” ose “*” në kutinë bosh përbri kutisë që
përmban kodin përkatës. Ju lutemi të lexoni me kujdes udhëzimet në shkronja italike
përpara se të plotësoni pyetjen.
INFORMACION DEMOGRAFIK
Gjinia
Mashkull
Femër
Grup-mosha
19 – 24 vjeç
25 – 30 vjeç
31 – 40 vjeç
Gjendja civile:
Beqar/e
I/e martuar me fëmijë
I/e martuar pa fëmijë
Vendi ku jetoni:
Arsimi:
PJESA 1. PYETJET E MËPOSHTME VLEJNË VETËM PËR ATA QË JANË
KTHYER DHE JETOJNË NË SHQIPËRI PAS STUDIMEVE JASHTË VENDIT
34
1. Përse vendosët të ktheheni në Shqipëri?
(VETËM NJË PËRGJIGJE – ARSYEJA KRYESORE)
E kisha më të lehtë të gjeja punë në Shqipëri
E kam më të lehtë të bëj karrierë në vendin tim
Për të qenë pranë familjes
Nuk më pëlqente të jetoja jashtë shtetit
U detyrova të kthehem, pasi nuk më dhanë leje qëndrimi
Tjetër (specifiko)___________________________
2. Punësimi:
I/e papunë (KALO TEK PYETJA 7)
Punë të përhershme
Punë të përkohshme
3. Jeni i/e punësuar:
Me kontratë
Pa kontratë
Nuk e di/Refuzim
4. Përshkrimi i punës:
Nëpunës civil në qeverinë lokale/qendrore
Zyrtar i zgjedhur në qeverinë lokale/qendrore
Menaxher në kompani publike, institucion apo organizatë
Menaxher në biznes privat
Punonjës i kualifikuar në sektorin publik (avokat, inxhinier, dentist, artist, etj.)
Punonjës i kualifikuar në sektorin privat (avokat, inxhinier, dentist, artist, etj.)
Profesionist i lirë
I/e punësuar në një organizatë ndërkombëtare
I/e punësuar në një OJF vendore
Punë me raste 1
Tjetër (specifiko)_________________ 1
5. A përputhet vendi i punës me kualifikimin tuaj
Po
Jo
Disi
6. Sa të kënaqur jeni me të ardhurat mujore nga puna juaj? Ju lutem shënoni
35
vlerësimin tuaj në shkallën e mëposhtme nga 1 deri në 5 ku: 1 do të thotë aspak i kënaqur
dhe 5 do të thotë shumë i kënaqur.
(SHËNONI VLERËSIMIN DUKE NGJYROSUR NUMRIN PËRKATËS)
Vlerësimi
1 2 3 4 5
7. Sa kohë kaluat pa punë pasi u kthyet në atdhe?
Gjeta menjëherë
3-6 muaj
6-12 muaj
Tjetër (specifiko)___________________________
8. Probleme që hasët në kërkim të punës:
(LEJOHEN MË SHUMË SE NJË PËRGJIGJE)
Kishte pak informacion për vende pune
Nuk kishte shumë vende të lira për profesionin tim
Nevojiteshin miq
Vonesa për njësimin e diplomës
Më kërkuan para
Nuk hasa asnjë problem
Tjetër (specifiko)___________________________
9. A jeni i/e kënaqur me zgjedhjen që bëtë për t’u kthyer dhe punuar në Shqipëri
Po, shumë
Përgjithësisht po
Përgjithësisht jo
Jo, aspak
Nuk e di
PJESA 2. PYETJET 10, 11, 12 VLEJNË VETËM PËR ATA QË AKTUALISHT
NDODHEN JASHTË VENDIT
10. A planifikoni të ktheheni në Shqipëri gjatë 3 viteve të ardhshme?
Po
Jo (KALO TEK PYETJA 12)
Ndoshta
11. Nëse PO, në çfarë sektori do të dëshironit të punoni në Shqipëri?
(LEJOHEN MË SHUMË SE NJË PËRGJIGJE)
36
Administratë publike
Institucione/shoqëri publike
Sektori privat
Sektori jo-fitim prurës
Institucione akademike/kërkim/mësim-dhënie
Politikë 6
Tjetër (specifiko)____________________________________________
12. Nëse JO: përse?
(LEJOHEN MË SHUMË SE NJË PËRGJIGJE)
E vështirë të gjesh punë në Shqipëri
Etika e punës e pakënaqshme
Vështirësi në përshtatje me mjedisin shqiptar
Standardet e jetesës të ulëta në Shqipëri
Nuk kam më lidhje me Shqipërinë (familjare, etj.)
Tjetër (specifiko)____________________________________________
PJESA 3. PYETJET E MËPOSHTME VLEJNË PËR TË GJITHË
13. A mendoni se në Shqipëri ka hapësirë të mjaftueshme për të vënë në zbatim
kualifikimin tuaj?
Plotësisht
Pak
Aspak
Nuk e di
14. Sipas mendimit tuaj, më e thjeshtë është të gjesh punë në:
Sektorin publik
Sektorin privat
Sektorin jo-fitimprurës
Njëlloj
Nuk e di
15. Mendoni se për të gjetur punë është më e lehtë:
Me diplomë të huaj
Me diplomë shqiptare
Nuk ka ndryshim
16. Mendoni se:
37
Punëdhënësit duhet t’i japin më shumë përparësi diplomave shqiptare
Punëdhënësit duhet t’i japin më shumë përparësi diplomave të huaja
Punëdhënësit duhet t’i vlerësojnë njëlloj diplomat
Nuk e di
17. Nga e merrni informacionin mbi zhvillimet në Shqipëri?
Media të ndryshme (Gazeta, TV, internet, etj)
Ëeb-site shoqata studentore
Ëeb-site institucionesh shtetërore
Biseda midis miqsh
Nuk i ndjek rregullisht
Tjetër (specifiko) ________________________
18. A frekuentoni web-site të rrjeteve të studentëve shqiptarë nëpër botë?
Shumë
Pak
Aspak
Nuk njoh ndonjë të tillë
Faleminderit për kohën dhe bashkëpunimin tuaj.
38