dirección de fotografía

Como se fai unha película

Dirección de fotografía

O director de fotografía (en inglés, cinematographer ou director of photography, que a miúdo se abrevia “DOP”) é o xefe de todo o equipo de cámara e iluminación que traballa nun filme.Ten responsabilidade sobre as decisións artísticas e técnicas relativas á creación das imaxes.

Responsabilidades dun director de fotografíaAdaptado dun artigo de John Hora (ASC) na revista “American Cinematographer”

Na preprodución

A. Deseño conceptual e investigación

Discutir todos os aspectos do guión e do achegamento do director ao filme nas primeiras conversas co director.

Analizar o guión en conxunto.

Analizar a estrutura do relato.

Analizar os personaxes.

Investigar a época, os acontecementos, o asunto xeral e elementos de deseño axeitados.

Idear un estilo ou achegamento visual.

Proseguir as conversas co director sobre as ideas novas.

Chegar a acordos co director.

Discutir e chegar a acordos co deseñador de produción (director de arte).

Discutir e chegar a acordos cos asesores técnicos.


Na preprodución

B. Deseño e investigación práctica

Determinar as necesidades orzamentarias.

Explorar e aprobar as localizacións.

Estudar as posicións do Sol nas localizacións.

Verificar o clima local.

Comprobar táboas de mareas preto do océano.

Revisar, discutir e aprobar os plans de decoración e preparación de escenarios.

Revisar e aprobar elementos de atrezzo, coches, avións, barcos, vehículos de tracción animal, maquetas e miniaturas.


Na preprodución

C. Deseño e investigación técnica

Visitar o laboratorio para calibrar, adaptar e avaliar as necesidades de exposición para os sistemas de captura de imaxe electrónica ou óptica e establecer os protocolos de revelado, impresión, corrección e envío dos materiais.

Visitar vendedores de equipos.

Investigar novo equipamento.

Aprender como traballa o novo equipamento.

Inventar (ou estimular a invención) de equipamentos e técnicas especiais.

Estandarizar e crear unha “biblia” de situacións na rodaxe.

Axudar na creación dos storyboards e aprobalos.

Deseñar (ou estimular o deseño) do equipamento luminoso e aprobalo.

Deseñar o plan e o equipamento de iluminación para os escenarios e as localizacións co gaffer (xefe eléctrico) e key grip (maquinista xefe).


Na preprodución

D. Control de calidade

Escoller e aprobar equipo humano, película cinematográfica, laboratorio, equipamento técnico, equipos de segunda unidade e efectos especiais.

Supervisar a produción e comprobación do equipamento novo modificado.

Visitar os decorados durante a súa construción.

Aprobar os elementos móbiles dos decorados (paredes, teitos, etc).

Comprobar o equipamento de luces.

Pasear polos sets cos distintos departamentos para discutir as necesidades.

Aprobar cores e texturas dos decorados.

Aprobar cores e texturas do vestiario.

Aprobar maquillaxe e peiteados.

Aprobar materiais para os equipamentos de cámara, eléctrico e de máquinas.

Asegurarse de que as salas de proxección dos dailies cumpren as necesidades.

Imaxes: arriba, Roger

Gilbertson (Creative

Commons Attribution Sharealike

license 2.0). Dereita, Serych /

Wikipedia


Na preprodución

E. Desenvolvemento

Adestrar o persoal no uso do novo equipamento.

Pasear polos sets co director e idear un plan de rodaxe.

Preparar unha listaxe de equipamentos especiais para o xefe de produción e indicar o número de días que se precisan.

Traballar co axudante de dirección no calendario de rodaxe (orde e días requiridos para cada escena).

Facer unha estimación da película cinematográfica precisa (tipo, largo e cantidade) e pedila [*ou a necesidade equivalente no caso de rodaxe dixital].

Xerar e aprobar as necesidades especiais de material e persoal preciso para momentos puntuais da rodaxe.

Axudar a outros departamentos a conseguir o equipamento e persoal preciso.

Visitar os departamentos e falar cos xefes de departamento polo menos dúas veces ao día para responder calquera pregunta.


Na preprodución

E. Desenvolvemento

...

Mediar nos problemas entre departamentos.

Comprobar o transporte de materiais en camión ou contedores até as localizacións ou viaxes ao estranxeiro.

Visitar os ensaios dos actores.

Dar apoio ao director en calquera problema.

Axudar nos problemas de produción.


Na preprodución

F. Probas

Facer probas de estilo visual.

Facer probas de laboratorio.

Facer probas de iluminación cos actores principais.

Facer probas coa cámara e lentes.

Facer probas de vestiario e maquillaxe.

Facer probas de efectos especiais ou de calquera procedemento infrecuente.


Na rodaxe

A. Planeamento

Comprobar e aprobar o plan de rodaxe e as necesidades de cada día.

B. Traballo en bloque

Observar os ensaios das escenas a filmar.

Deseñar a listaxe de planos co director.

Escoller óptica e composición; amosarlla ao director para a súa aprobación.

Asegurarse de que a composición e o movemento acadan o obxectivo da escena.

Resolver problemas mecánicos da cámara, dolly (plataforma) e crane grips (guindastre).

Fixar indicacións dos movementos de cámara.

Facer ensaios cos dobres de cámara.

Asegurarse de que hai unha cobertura suficiente da escena para o montador.

Traballar co axudante de dirección a acción de fondo [*figuración, etc].


Na rodaxe

C. Iluminación

Deseñar a iluminación do decorado/localización máis axeitada para a historia, estilo visual e contido dramático.

Iluminar a cada actor de forma que axude e reforce o personaxe.

Asegurarse de que o ton de luz axuda a contar a historia.

Optimizar a iluminación para que non se perda moito tempo entre escenas.

Traballar cos pintores do departamento de arte para controlar puntos máximos de luz, sombras e envellecemento de decorados e materiais de atrezzo.

Fixar os valores de luz, cor e contraste de cada escenario (exposición).

Fixar todos os cambios de luz (amortecedores, focos, cambios de cor, etc).


Na rodaxe

D. Preparación

Resolver calquera problema de son.

Resolver calquera problema con outros departamentos.

Comprobar e aprobar as escenas de acción co coordinador das mesmas.

Colocar cámaras adicionais requiridas para esas escenas.

Facer unha dobre comprobación de seguridade con todas as persoas que participan.

Amosar o plano ao director para facer calquera cambio final.

Preparar os actores para o ensaio mecánico final; resolver calquera problema.


Na rodaxe

E. Fotografía

Filmar a escena.

Aprobar ou corrixir o plano.

Comprobar parámetros e reiniciar para o seguinte plano.

Filmar material de respaldo.


Na rodaxe

F. Administración

Asegurarse de que se recollen fotos fixas de cada escena. Falar cos equipos de making of e/ou EPK (electronic press kit) sobre o material que precisan.

Darlle ao script supervisor (continuidade) información sobre a cámara e a iluminación.

Comprobar o stock de película cinematográfica [*ou equivalente dixital].

Comprobar que o parte de cámara se mantén ao día.

Discutir as accións do seguinte día.

Asegurarse de que cámaras, eléctricos e maquinistas teñen os recibos de alugueiros ou compra de equipamento e aprobalos antes do pagamento a provedores.

Comentar co equipo de produción incidencias ao final do día.

Devolver o equipamento que non se utiliza.


Na rodaxe

G. Control de calidade

Pedir informes de laboratorio.

Ver o traballo dos días previos co director, produtor, montador e equipo de cámara.

Discutir e aprobar os dailies.

Consultar os dailies con maquillaxe, vestiario, dirección de arte e axudante de dirección.

Ver, discutir, corrixir e aprobar os dailies de segunda unidade ou efectos.

Solicitar novas copias se é necesario.

[*Facer copias de seguridade do material.]


Na rodaxe

H. Formación

Adestrar os actores novos na técnica cinematográfica (chegar ás marcas, tamaño dos planos, ópticas, etc).

Adestrar o equipo de cámara sobre os equipamentos novos.

I. Continxencias

Se o director ou directora non pode, rematar a rodaxe do día no seu lugar.


Na posprodución

A. Fotografía adicional

Discutir e estar ao tanto dos prazos de toda a posprodución.

Filmar ou aprobar escenas adicionais, insercións, efectos especiais ou rodaxe da segunda unidade.

B. Etalonaxe (cor e densidade)

Aprobar o tráiler para salas de cinema e TV.

Aprobar todos os efectos ópticos e dixitais.

Etalonar o filme.

Corrixir a etalonaxe até a versión final.


Na posprodución

C. Control de calidade

Aprobar a answer print (copia cero).

Amosarlla ao director para OK.

Aprobar interpositivo (IP). [*Película]

Aprobar internegativos (IN). [*Película]

Aprobar copias de exhibición.

Aprobar show prints a partir do negativo orixinal. [*Máxima calidade]

Aprobar inchados e reducións. [*Película]


Na posprodución

D. Telecine/Corrección de cor

Supervisar e aprobar a transferencia do soporte dixital ou fílmico orixinal a medios electrónicos ou fílmicos (HD, NTSC, PAL, dixitalización, material de arquivo, etc).

Supervisar e aprobar todas as transferencias a e dende soportes dixitais.

Supervisar e aprobar o letterbox [*preserva a proporción orixinal], pan and scan [*enche a pantalla] ou calquera alteración de formato.

Supervisar e aprobar a corrección de cor para cada medio (VHS, DVD, proxección dixital, etc).

Amosarlle as transferencias dixitais ao director para OK.


Na posprodución

E. Promoción

Participar activamente na promoción: prensa diaria, revistas, Internet, radio, TV, comentarios para o DVD, etc.

F. Restauración / Arquivo

Estar dispoñíbel para calquera futuro relanzamento, tiraxe de novas copias ou transferencia dixital do filme.

Esta listaxe de obrigas do director de fotografía publicouse en xaneiro de 2003 na revista American Cinematographer.

dirección de fotografía

Presentations & Public Speaking