eksperienca chazal në shqipëri - shvsh -chazal ne shqiperi.pdf · jetë në gjendje të bëjë,...
TRANSCRIPT
1
Eksperienca Chazal në Shqipëri
-Kjo broshurë i referohet trajnimit të stafit QKRV-së
dhe SHVSH-së nga z. Philippe Chazal, President i
Komisionit të Unionit Europian të të Verbërve. Një ndër
specialistët më të njohur europian për Rehabilitimin,
Trajnimin Profesional, dhe Punësimine të verbërve.
Tiranë - 2012
2
Qendra Kombëtare e Rehabilitimit të të Verbërve
&
Shoqata e të Verbërve të Shqipërisë
Punoi:Nora Islami
Adresa:Rruga “Nikolla Lena”,Nr.62,Tiranë
Email: [email protected]
Tel: + 355 4 22 59 636
Fax: + 355 4 22 59 611
3
Përmbajtja
1. Jeta dhe Veprimtaria e Philippe Chazal.
2. Dy fjalë mbi shoqatat e të verbërve në Francë.
3. Legjislacioni në kuadër të personave të verbër.
4. Politikat e punësimit për të verbërit.
5. Roli i shkrimit Brail dhe Audio.
6. Imazhi i personave të verbër ndër vite.
7. Media dhe Cilësitë e personave të Verbër.
4
1. Jeta dhe veprimtaria e Philippe Chazal.
- Ka lindur më 1954 në Francë. Që në moshën dhjetë vjeçare ka
humbur shikimin e tij. Madje ai shprehet se kjo është nje moshë e
“mirë” për tu rehabilituar, dhe është një moshë e mjaftueshme për të
regjistruar në kujtesë konceptin e ngjyravedhe hapësirave. Më vonë në
moshën 20 vjeçare iu fut studimeve për drejtësi për mbrojtjen e të
drejtave të personave me aftësi të kufizuar, atyre që kanë si handikap
shikimin.
5
Z.Chazal duke folur për politikat e punësimit ndaj
personave me mungesë të theksuar shikimi.
6
Studioi për ca kohë në Amerikë, ku iu dedikua më shumë studimeve
mbi verbërinë. Kur u kthye në Francë vendosi të merrej me kontributin
ndaj personave të verbër dhe jo me avokatinë.Në moshën 23 vjeçare u
bë vullnetar i Shoqatës së të verbërve dhe njëkohësisht zv/drejtor. Ka
kontribuar gjithnjë e më shumë për integrimin profesional të personave
të verbër.Madje ai në fjalimet e tij shprehet se "Mosveprimi i qeverisë,
majtas dhe djathtas, është e tmerrshme.Ka disa arsye të mëdha për të
cilat nuk mund të jenë partiake. Për të çuar përpara të drejtat tona.Për
integrimin e personave të verbër në jetën shoqërore nuk duhet
medeomos të jesh ose majtas ose djathtas. Për këtë duhet thjesht
bashkëpunim dhe vullnet i mirë për të integruar këtë komunitet.Ku
integriteti i këtij komuniteti tregon qytetarinë e një kombi.Chazal ka
kontribuar gjithnjë duke bashkpunuar dhe mbajtur kontakte me shoqata
të ndryshme evropiane për të ndihmuar të verbërit.
Ai ka bërë shkollën ndërkombëtare për shëndet publik , për të punuar
në fushën e shërbimeve , gjë që e ka bërë deri në vitin 2009. Ai
aktualisht është këshilltar i Presidentit të AVH-së.Ndërsa në 1999 ka
punuar si kryetar i Komisionit të bashkkimit Europian të të Verbërve
(EBU /Europian Blind Union),dhe aktualisht është pjesë e komisionit
të ligjeve në EBU-së.
Gjatë karrierës së tij Chazal ka kontribuar kryesisht në:
1. Formimin profesional dhe punësimin e personave të verbërve.
2. Legjislacionin për personat e verbër.
7
2. Dy fjalë mbi Shoqatat e të verbërve në Francë
Në Francë janë krijuar dhe funksionojnë një numër i madh shoqatash jo-
fitimprurëse në ndihmë të personave të verbër. Ndër këto shoqata
përmenden: Shoqata e intelektualeve të verbër; shoqata e telefonistëve të
verbër; shoqata e sportit ku përmenden veçanërisht sporte të tilla si shahu
apo plotësimi i fjalëkryqeve; shoqata që angazhohen për të gjetur dhe
siguruar ndihmës për personat e verbër etj.Aktualisht, në Francë ka 30
shoqata te cilat janë bashkuar në një Konfederate. Qeveria Franceze e
kishte të vështirë se kujt ti drejtohej për përfaqësim ndër këto shoqata. Dhe
për këtë arsye u krijua një shoqatë (konfederate) e cila përbëhet nga 30
shoqata dhe bën përfaqësimin e tyre në qeveri. Çdo tre vjet bëhet një
konferencë kombëtare me pjesëmarrjen e Presidentit të Republikës së
vendit për të trajtuar problemet kryesore. Që prej 3 vjetesh z.Philippe
është president i kësaj konfederate, gjë që i jep mundësinë atij të kontaktoj
me shumë ministra dhe përfaqësues të tjerë të shtetit për të negociuar për
të verbërit.
Funksionimi i të gjitha këtyre shoqatave tregon rolin që kanë ato për të
ndihmuar të verbërit për të kapërcyer çdo disavantazh që hasin gjatë
jetës, gjithashtu edhe për të ndryshuar opionin e personave të tjerë që
jetojnë rreth tyre. Për të sensibilizuar të gjithë opinionin publik që të
trajtojnë personat e verbër ashtu si vërtet e meritojnë dhe jo bazuar në
mungesën e shqisës së të parit. U kushtohet rëndësi ndihmesës që japin
shoqatat duke i kategorizuar ato në ndihmë njerëzore, teknike për
rehabilitimin e të verbërve, për përfshirjen e tyre në shoqëri, punë dhe
në familje.Shoqatat e të verbërve në Francë kanë disa forma apo
mënyra për të gjetur fonde:
E para është që të moshuarit të cilët nuk kanë fëmijë, në prag të vdekjes
së tyre ia kalojnë pasurinë shoqatave të ndryshme kryesisht të
Verbërve.
E dyta nëpërmjet fushatave të ndryshme të cilat kërkojnë të mbledhin
fonde. Kjo ushtrohet zakonisht në fushën e artit,duke ju bërë publicitet
Vipave, në mënyra të ndryshme .
E Treta është kuotizacioni.
8
Meqenëse në Francë ka shumë organizata, ato ofrojnë lloje të
ndryshme shërbimesh për personat e verbër. Kështu që çdo person që
është i interesuar të marrë një lloj të caktuar shërbimi, paguan në atë
organizatë që ia ofron këtë lloj shërbimi. Psh: nëse një personi të verbër
i duhet një qen guide, shkarkim materialesh në elektronikë, fjalëkryqe/4
muaj, reviste vjetore etj.ai duhet të paguaj këtë formë shërbimi tek
organizata përkatëse që ia ofron këtë shërbim. Pra nëse një person i
verbër kërkon të marrë më shumë se një shërbim, ai paguan në më
shumë se në një organizatë. Pra nuk ka një kuotizacion fiks për çdo
shoqatë. Në francë të verbërit zgjedhin ti përkasin një shoqate,
pavarësisht numrit të madh të shoqatave që ekzistojnë. Për shoqatat
prodhuese të verbërit paguajnë rreth 30 euro në vit dhe mund të
shkarkojnë librat në audio dhe në elektronikë. Edhe pse në shtetin
Francez ekzistojnë shumë shoqata ata ndërmjet tyre janë të pavarura,
por mblidhen çdo shtator nëpërmjet konfederatës dhe mund të bëjnë
bashkëpunime mes njëra –tjetrës. Personi i verbër duhet të zgjedhë së
në cilën shoqatë do të bëjë pjesë.Nëse ai do ndihmë për shoqërues i
drejtohet shoqatës përkatëse, nëse do libra në audio i drejtohet shoqatës
tjetër përkatëse (pra shoqatës që merret me prodhimin e librave qoftë në
audio qoftë në brail) etj. Shoqëruesit që merren në shoqatë janë
vullnetare dhe këta mund të paguajnë një kuotë vjetore prej 30-40 euro.
3.Legjislacioni në kuadër të personave të verbër në Francë.
Sipas Ligjit për Rehabilitimin dhe Punësimin e Personave me Aftësi të
Kufizuara i miratuar që në vitin 2005, ekziston mundësia e krijimit të
qendrave të punës për punësimin e personave me aftësi të kufizuara. Të
cilët nuk janë në gjendje të punësohen në tregun e hapur të punës ose në
ndërmarrjet për rehabilitimin profesional dhe punësimin. Ky ligj flet për
aksesibilitetin në ndërtesa, transport, integrimin në shkolla, aksesin në
internet, aksesin në kulturë, kompensimin për shkak të verbërisë,
ndihmë për shkak të verbërisë etj.Në kuadër të kësaj qeveria merr
përsipër të paguajë në tre fusha të ndryshme:në ndihmë ekonomike,
9
teknike ose ofron qen guide(ku roli i kësaj kafshe luan rolin e
shoqëruesit, pra janë kafshë të trajnuara).
Personat e verbër në shtetin Francez paguhen për:
1.Pagesat e verbërisë,
2.Trajnim profesional,
3.Ndërmarje kooperative për punësimin e të verbërve.
Ka dy mënyra konkrete për të ndihmuar personat e verbër që duan të
vetëpunësohen. Mënyra e parë i jepet çdo personi të verbër por jo
vetëm,dhe tjetra ekzison një status i veçantë për ata persona të verbër
që dëshirojnë të kenë biznesin e tyre. Ky status quhet Statusi i
vetëndërmarrjes. Për këtë ekziston ligji i cili është vendosur qysh në
vitin 1989, ku si në sektorin privat ashtu dhe në atë publik duhet të
punësohen gjashtë përqind të personave me aftësi të kufizuar (pa
specifikuar kategoritë )në rast të kundërt ato duhet të paguajnë
sanksione, dhe kontribute sigurime shoqërore, si dhe page, për pjesën e
pa mbuluar të gjashtë përqindshit.
Ky gjashtë përqindsh mund të arrihet ndërmjet:
Gjobave, taksave për punëdhënësit nëse nuk e realizon.
Ndërmarrjet japin kontribut që personi i verbër të blejë dhe pajisje
zanore, ose në brail për t‟ju lehtësuar punën e tyre dhe ata mund të
punojnë dhe në shtëpi dhe të dorëzojnë më pas punën e tyre.
Ofron pajisje të aksesueshme për punësim .
Neëse ata nuk e kanë gjashtë përqind numrin e të punësuarve me
aftësi të kufizuar ata marrin gjobë e cila është shumeë herë më e madhe
se kontributi që i duhet të paguajë për këta persona.Në shtetin Francez
ekziston një fond që quhet AZHEFI ku derdhen kontributet e atyre
ndërmarrjeve që nuk kanë të punësuar 6% të personave handikap. Pra të
gjitha ndërrmarrjet janë të detyruara me ligj të paguajnë një kontribut në
këtë fond dhe më pas ky fond dhurohet për ndihmë personave me
aftësi të kufizuara.
Ky fond administrohet nga një këshill tre palësh të cilët janë:
1.Punonjësit (nga vet personat që punojnë)
2.Sindikatat (nga sindikata e punonjësve)
10
3.Asistentet e personave handikap(nga shoqatat që punojnë në sektorin
e PAK).
Fondi i dytë publik i cili përbëhet nga:
Fondi i funksioneve publike që përbëhet nga Shteti dhe ministri të
ndryshme.
Fondi i funksioneve publike që përbëhet nga Bashkitë,Komunat.
Fondi i funksioneve publike që përbëhet nga Spitalet.
Të dyja fondet janë vetëm për mbështetje profesionale, për të zhvilluar
infrastukturën për vendin e punës,(për të blerë pajisje që atyre ju duhen
ne për në zyrën e punës, ose për të blerë pajisje për ne ndërmarrje si
p.sh. një palë shkallë për ata me karrocë).
Personat e verbër mund të përfitojnë nga ky fond sipas disa kritereve:
1.Të qenurit person handikap( pra person i verbër,por jo vetëm)
2.Të qenurit i punësuar.
3.Nëse është i aftë për punë dhe i duhen vërtetë këto para(për të blerë
pajisje apo diçka tjetër,dhe nëse di ti të përdor këtë pajisje).
Gjithashtu lehtësi që ofrohej në shtetin Francez nga legjislacioni ishte
përjashtimi nga konkurimi i të Verbërve për një vend pune, i verbëri
mund ta fitonte atë vend pune dhe pas një viti mund të testohej për
aftësitë e tij. Z.Chazal këshillon se këto praktika apo modele duhet të
aplikohen dhe në Shqipëri sepse do ti jepnin mundësinë të Verbërve
për tu integruar dhe për të nxjerrë në pah aftësitë e tyre ndaj kolegëve të
tyre ose punëdhënësve. Nëse personi i verbër nuk e di se çfarë mund të
jetë në gjendje të bëjë, ekzistojnë teste psikoteknike të cilat tregojnë në
bazë të përgjigjeve të dhëna se në cilin drejtim je më i aftë për të
punuar.
Sipas legjislacionit ne Francë të verbërit përfitojnë :
a. Pagese verbërie për të rriturit mbi 18 vjeç.
b. Për personat e verbër qe s‟punojnë fare kanë pagesë prej (70% të
pagesës minimale).
c. Kur personi i verbër futet në punë i ulej pagesa deri në nivelin që
mund t‟i hiqej fare. Kështu kur paga që ai merrte arrin deri në 120 % të
pagesës minmale, atij i hiqej ndihma.Por pas vitit 2005, kjo pagesë nuk
11
u reduktohet më për të mos i dekurajuar më personat e vebër për të
punuar. Gjithashtu sigurojnë dhe shërbimin shëndetësor falas.
Për fëmijet 0-2 vjeç, ekzistojnë shoqata që kujdesen për dhënien e
asistencës psikologjike për prindërit që kanë fëmijë të verbër. Ka edhe
shoqata që japin leke për fëmijet e verbër të moshës 0-18 vjeç pasi
ndihmën ekonomike ata e marrin vetëm mbi 18 vjeç. Fëmijët 1-6 vjeç
mund të integrohen në kopshte normale, pasi edukatorët mund të gjejnë
lojëra të përshtatshme për të dy kategoritë e fëmijëve. Por 6-18 vjeç
është mirë që ata të studiojnë në shkolla speciale pasi duhet të marrin
njohuritë dhe specialitetet e bazuara në specifikat e tyre. Në moshën 18-
22 vjeç ata mund të frekuentojnë universitetet normale, pasi janë të
ndërgjegjshëm dhe mund të vazhdojnë studimet të ndihmuar nga
pajisjet ndihmëse të përshtatura.
Foto marrë gjatë trajnimit me z.Philippe Chazal.
12
3.1 Politikat e punësimit për të verbërit.
- Përqindja e personave të punësuar në Francë.
Janë rreth tridhjetë përqind të personave të verbër të punësuar. Pra 1 në
3 persona është i punësuar.Në Francë ka rreth 60.000 persona të verbër
me vizus zero(ose të grupit të parë), nga të cilët 2/3 e tyre janë rreth 60
vjeç. Rreth 18.000 prej tyre janë në moshën rreth 18 – 60 vjeç. Rreth
2.000 persona jane 0-18 vjeç.Nga këta 7 mijë janë në punë dhe 1 mijë
prej tyre janë të punësuar nëpër shoqata për të verbër ose në ndërmarrje
që kanë lehtësi për të verbër. Ka rreth 6000 persona të verbër që
punojnë në sektorin publik dhe privat. Punësimi është një nga çështjet
më të rëndësishme për të verbërit. Dhjetë vjet më parë z. Philip Chasal
ka shkruar një libër: “Të verbërit në punë” ku ka përmendur rreth 110
rrëfime të personave të verbër të punësuar në 70 profesione të
ndryshme, të cilët ndahen kryesisht në:Manuale.Intelektuale.profesione
tradicionale .
Komisionet e ndryshme që merren me punësimin e të verbërve jo
gjithmonë e dinë me saktësi se çfarë bëjnë të verbërit dhe i drejtojnë
drejt profesioneve më të mira pa e ditur nëse kjo gjë është më e mira
për ta. Vështirësitë dhe lehtësitë për tu punësuar varen nga vet personat
e verbër.Ata mund të punojnë si telefonistë, sekretarë, fermerë, etj. Pra
varen nga aftësitë e çdo individi që ka si avokat, gjykatës, interpret,
ministër, deputet, muzikant etj.
Në këtë ky libër ka qenë një shembull shumë i mirë dhe ka qenë një
mundësi e mirë për ti njohur njerëzit me mundësitë që ata kanë dhe pse
janë të verbër.Në Francë profesioni më i përshtatshem dhe më i
ushtruar nga personat e verbër është ai telefonistit. Gjithashtu,
profesione të tjera të përshtatshme janë përkthyes apo sekretar .Libri i
parë i Chazal “Përmbledhje e librit – të verbërit në punë”mbetet ende
aktual dhe është një pasqyrë e vendeve të punës ku mund të punësohen
të verbërit. Gjithashtu dhe libri i dytë të cilin: E ka shkruar vitet e
fundit drejtuar kryesisht “Punëdhënësve” pasi në mënyrë të veçantë ata
kanë paragjykime për të punësuar një person të verbër. Madje shpesh
13
herë njërëzit e ngatërrojnë me handikap mendor.Ai e pasqyron këtë me
një shembull real nga jeta e tij një natë në spital.
Doktori:”Si të quajnë?”
Gruaja e pacientit:” Më fal?”
Doktori:”Si e quajnë atë?”(për z. Chazal)
Philippe,pacient(në këtë rast)gruas së tij:
“Thuaj atij të më pyes mua …”
- Pra vizioni nuk u jepet të gjithëve …..
Prandaj duhet luftuar. Kundër injorancës, për integrimin profesional dhe
mirëmbajtjen e një sistemi për personat me aftësi të
kufizuar(veçanërisht personat me mungesë të theksuar shikimi).
Shpesh herë ndodh që punëdhënësit nuk e besojnë që një person i
verbër nuk i ngjit dot shkallët në mënyrë të pavarur, apo nuk mund të
shkruajë në kompjuter etj.
Në shoqatën që drejton z. Philip Chasal,por jo vetëm janë bërë
përpjekje për të siguruar të verbër të punësuar si:
Call center
Përdorimi i numrave të urgjencës.
Marrëdhëniet me klientin.
Në bankë (me ndihmën e JAWS-it).
Në agjensi turistike.
Interpret simultan i gjuhëve të huaja
Në punë tradicionale siç është profesioni i masazhatorit etj.
Edhe pse puna e sekretarit po zhduket për arsyen se i japin rëndësi
imazhit dhe pamjes së jashtme të sekretarit, një risi në këtë drejtim është
profesioni i masazhierit/fizioterapistit për të cilin personat e verbër
mund të trajnohen dhe aftësohen në një kohë të shkurtër në një kurs
profesional një vjeçar. Në Francë ekziston qendra e formimit të
kurrikulave e cila i prodhon por me patjetër duhet të miratohen nga
shteti. Kalojnë nëpër shumë etapa, i përshtaten profilit, miratohen nga
komisioni me profesionistët e specializuar dhe në fund i miratohen nga
14
shteti sepse studenti do diplomohet nga shteti. Gjithashtu, janë zhvilluar
se tepërmi kurset e formimit profesional për te verbër te cilat jo vetëm
frekuentohen nga kjo kategori por edhe nxiten pasi ata marrin edhe një
pagesë gjatë kohës që vazhdojnë kursin profesional. Shpesh herë
konsiderohet më me leverdi frekuentimi i shkollave profesionale sesa
Universiteti pasi shteti paguan vetëm shkollat profesionale. Kështu ata
paguhen rreth 700 Euro gjatë frekuentimit të kursit dhe 2.000 euro kur
ata janë të punësuar në këto zanate. Aktualisht në Francë ekzistojnë tre
shkolla profesionale. Këto tre shkolla financohen nga shteti nepërmjet
sistemit të sigurimeve shoqërore, pra adminsitrohen si një spital.
Pagesën shtesë personat e verbër në Francë e marrin vetëm kur bëjnë
kurse për formim profesional dhe jo kur vazhdojnë shkollën normale.
Avantazhet e të verbërve në punë.
Avantazhet që kanë të verbërit në punë është që ata e kanë dy herë më
të madhe afatin kohor tw njoftimit për zgjidhjen e kontratës, si dhe
dalin në pension pas 30 viteve punë dhe jo pas 40 viteve pune siç është
për të tjerët.
4.Roli i shkrimit Brail & Audio
Shkrimi Brail është shumë i rëndësishëm në jetën e personave të verbër.
Asnjëherë nuk duhet të gjykojmë se audio dhe braili janë në konkurencë
me njëra –tjetrën. Sistemi i shkrimit brail dhe audio plotësojnë njëri-
tjetrin.I verbri nëse do të lexojë diçka sot mund ta bëj nëpërmjet një
CD-je, USB-je, kompjuteri etj.Nëse do të duhet të lexosh një gazetë e
bën atë nëpërmjet audios, por nëse të duhet të bësh një raport atë e bën
në brail se e prek në gishta, e ndryshon dhe mund ta përkthesh më lehtë.
Zhvillimi i teknologjisë e ka ndihmuar shumë shkrimin brail dhe këtë e
bën me ndihmën e printerit dhe sistemit brail.Shkrimi brail ka
përdorim të gjerë në jetën e përdishshme përmendim përdorimin e tij
në kutitë e ilaçeve , kutitë e konservave, në etiketat e shisheve të verës,
në bankomate,në ashensor etj., që të verbërit mund të orjentohen nëse
njohin shkrimin brail. p.sh nëse një i verbër do humbas shikimin në
moshën 40 vjeçare nuk do i duhet braili për t‟u arsimuar, por do i duhet
për jetën e përditshme.
15
Para 15 vjetësh shkrimi brail ishte i detyrueshëm për të gjithë
personat e verbër me vizus zero dhe me shikim të pjesshëm,sepse dhe
ata me shikim të pjesshëm sforconin të parët e tyre,kjo me qëllim që të
mos e humbisnin dhe atë mundësi të vogël të të pari.Tani po aplikohet
që braili të përdoret vetëm për ata me vizus zero , por kjo sjell problem
për mësuesit totalisht të verbër, të cilëve ju duhet një asistent për të
korigjuar detyrat.Ndërsa në shkollë fëmijët mund të përdorin dhe
metodën e shkrimit të zmadhuar ku numri i shkrimit që ai përdor varet
në bazë të numrit të syzeve(pra mundësia e tij e të parit).Tekstet
shkollore për nxënësit nga klasa dytë deri në të gjashtën janë falas.
Në Francë ekziston një ligj i cili detyron të gjitha shtëpitë botuese që:
Çdo botim që ata bëjnë, një kopje në origjinal duhet ta dorëzojnë në
bibliotekën kombëtare. Aty organizatat apo institucionet e interesuara
mund të tërheqin kopjet për t‟i shumëfishuar në audio ose brail sipas
kërkesave që kanë marrë nga personat e verbër. Ky ligj parashikon të
gjitha të drejtat dhe detyrimet e organizatave që dëshirojnë të kryejnë
një gjë të tillë. Një person i verbër mund të tërheq librin që kërkon
pikërisht pranë këtyre organizatave. Këto organizata që realizojnë
botimin në brail të librave pa dyshim që realizojnë edhe printime apo
botime të tjera të llojeve të ndryshme: si psh: buletinet mujore të
bashkisë së qytetit, njoftime të ndryshme, kartvizita etj., të cilat iu
shërbejnë për aksesin në informacion të personave të verbër.
Shtypshkronja e brailit ka shumë punë, sepse aty përgatiten buletinat
për bashkitë, informacion mbi fluturimet e avioneve, pra mbi
informacionet e zakonshme.Buletini që botohet është buletini zyrtar i
bashkisë që përgatitet për të gjithë, por janë të detyruar që të kenë kopje
edhe në brail dhe këtë e financon bashkia. Braili ka funksion publik pasi
është dhe imazhi për të verbërit.Gjithashtu praktikohen dhe klube
argëtimi ku bëjnë punëdore, luajnë me njëri-tjetrin etj.. Përsa i takon
audios në Francë ka një sistem që quhet Daisy ku shkruajnë në CD, në
disketa informatike. Shumë shoqata në Francë prodhojnë filma të
16
shkurtër të cilat i hedhin në CD dhe i shpërndajnë. Ato kanë përmbajtje
p.sh. si të shoqërojmë një të verbër, ose udhërrëfyes me qen apo me
shkop të bardhë etj..
Një risi për përshtatjen e filmave në audio:
Aktualisht teknologjia ka arritur të realizoj përshtatjen e disa filmave në
mënyrë që personat e verbër të mund të njihen edhe me detaje të tjera
që shfaqen në film përveçse asaj ç‟ka flitet me zë nga aktorët. P.sh.
është arritur të bëhen përshkrime të dekorit, veshjeve të protagonistëve,
të lëvizjes së tyre etj. përkrah përkthimit që ndodh normalisht. Në vitin
2013, shoqata jonë ka marrë përsipër të bëj të mundur përgatitjen e disa
filmave të cilët do të shfaqen në 6 media kombëtare. Kjo do të arrihet
me ligj që kanalet kryesore të transmetojnë në ditë një film për të
verbërit.
5. Imazhi i personave të verbër ndër vite.
Z.Chazal rithekson se elementi kryesor për integrimin dhe punësimin
e personave të verbër është opinioni që do të krijohet nga publiku apo
shoqëria. Për këta persona,imazhi luan një rol të pazëvendësueshëm,dhe
kryesor në çështjen e punësimit.Kjo pavarësisht ndihmës apo ligjeve që
bën shteti në kuadër të tyre.
Chazal hedh një vështrim imazhit të personave të verbër duke e
klasifikuar këtë në tre etapa:
Etapa e parë (ku personi i verbër konsiderohej si kafshë e çuditshme).
Deri në shekullin e 18-të, të verbërit konsideroheshin si kafshë të
çuditshme. Madje Chazal thekson se kjo situatë ende shihet në vendet e
të ashtuquajturës“Bota e trete“ ku përmend Afrikën, ku gjejmë të
njëjtën mënyrë sjelljeje.
Etapa e dytë (personat e verbër shihen si objekt mëshire)
Kjo periudhe i përkon viteve 1975-1980. Gjatë kësaj periudhe njerëzit
dhe shoqëria mbarë shprehej: “Të shkretët kanë nevojë për ndihmë” dhe
shpesh kjo i bënte personat e verbër të mos dilnin nga shtëpia, të mos
punonin etj.. Këtë situatë e ndihmoi dhe lufta e dytë botërore ku shumë
17
njerëz kryesisht ushtarë humbën shikimin dhe shteti ju jepte pension,
përderisa këto njerëz shiheshin si njerëz që nuk mund të punonin. Në
këtë mënyrë, për t‟iu ardhur në ndihmë atyre u krijuan kooperativat ku
ata mund të punojnë së bashku.
Etapa e tretë (vlerësimi si individ, ndaj personave të verbër)
Shoqëria nuk e sheh më si handikap por përqendrohen tek vetë personi i
verbër. Ata vihen në qendër të vëmendjes (krahasimisht me shkallën e
dëmtimit të tyre). Në këtë fazë gjenden edhe shoqatat e të verbërve të
cilat punojnë për ngritjen e imazhit të personave të verbër. Psh: ata
bejnë filma, CD, disketa dhe i shpërndajne ato për sensibilizim dhe
ndërgjegjësim të shoqërisë. Publiku tashmë është i informuar se një
person i verbër është i aftë të integrohet dhe të arsimohet,dhe pse
lypset akoma shumë për të përmirësuar imazhin e tij në aspektin e
punësimit. Frekuentimi i të verbërve në universistete lartëson shumë
imazhin e personave të verbër, por kjo s‟mjafton duhet insistuar shumë
se diploma nuk vlen për asgjë nëse ai s‟punon, dhe s‟është i integruar në
shoqëri. Prandaj duhet të hapim portat dhe mundësitë që kjo të ndodh.
6. Media dhe Cilësitë e personave të Verbër.
Për mbrojtjen e imazhit të personave të verbër në Francë është ngritur
nje komision ku luan një rol të pazëvendësueshëm për lartësimin e
imazhit të këtyre personave. Duke e publikuar këtë me fakte nga jeta
reale se të verbërit mund te arsimohen, integrohen në rrjete të
ndryshme sociale.Mbi imazhin e personave të verbër është i
rëndësisshëm bashkëpunimi me median. Ato nëpërmjet politikave të
tyre sensibilizuese mund të arrijnë të ndryshojnë mendimin e gabuar të
punëdhënësve që kanë për të verbërit si dhe imazhin që të verbërit
gëzojnë tek publiku. Përgjegjësia e shoqatave mbi ngritjen e imazhit të
personave të verbër është shumë më e madhe se përgjegjësia që mban
shteti,por përgjegjësia i takon dhe medias për të publikuar çdo
rast,aktivitetet që lidhen me jetën e personave të verbër.
Ndër mënyrat për të ndikuar në imazhin e personave të verbër janë:
përdorimi i shkrimit brail në ashensor, në medikamente, në mjetet e
18
transportit etj. Vetëm në këtë mënyrë do të përmirësohet imazhi ndaj
personave të verbër dhe shoqëria do të sensibilizohet për faktin që këta
persona duhet të trajtohen njësoj si të gjithë të tjerët duke qenë se ata
janë të aftë të jenë pjesë e shoqërisë në mënyrë të pavaruar. Në këtë
drejtim, ajo çka duhet të bëj çdo shoqatë që punon për personat e verbër
dhe ofron shërbime të veçanta për ta është që të shfrytëzoj teknologjitë
e reja në mënyre të tillë që t‟i shërbej çdo personi të verbër për t‟u bërë
më i pavarur në jetën e tij personale, profesionale dhe familjare.
Përmirësimi imazhit të personave të verbër përpos përdorimit të
shkrimit brail në mjedise publike, duhet të arrihet dhe nëpërmjet
artikujve të ndryshëm, reportazheve të ndryshme në revista dhe gazeta
ku t‟i kushtohet rëndësi trajtimit se si të verbërit kanë rëndësinë e tyre
në jetën e përditshme. Personat e verbër mbartin disa cilësi. Theksojmë
këtu të qenurit i vëmendshëm një cilësi e vyer që mëshirohet më së miri
tek personat e verbër.Cilësi tjetër është rregulli,ata mund të bëjnë shumë
gjëra në shtëpi,zyrë dhe përsëri ditën tjetër ata gjejnë vendet e sendeve
që i kanë përdorur një ditë më përpara.Nuhatja dhe ndjeshmëria janë dy
cilësi të tjera që i përkasin këtij komuniteti,por duhet theksuar se ata
shquhen për një memorie të shkëlqyer.Të gjitha këto cilësi së bashku
duhet të publikohen dhe të faktohen nga jeta reale e përdishshme.Duhet
punuar shumë mbi ndërgjegjësimin e punëdhënësve por dhe mbarë
shoqërisë për t„u njohur dhe informuar me këto cilësi që vishen
personat e verbër.
Falenderojmë z.Chazal President i Komisionit të Unionit Europian
të të Verbërve, që ndau me ne eksperiencën e tij profesionale.
-Stafi i Qendrës Kombëtare të Rehabilitimit të të Verbërve të
Shqipërisë dhe i Shoqatës së të Verbërve të Shqipërisë.