Došlo je vreme da se prehitimo na internet. Na fejsbuke smo već leta, al sada ćemo, finalmente, storit pravu web stranicu. Trebala bi bit gotova jušto dok se KOSTANJ bude štampal. Na njoj će se moć prolistat si broji ki su do sad zišli, vavek će se moć ča novega pročitat, pa i ono ča ne arivamo stavit va KOSTANJ. Posebno će bit arhiva ku smo prozvali TV KOSTANJ va koj će bit kraći filmi i emisije. Neke ćemo sami snimat i delat, a bit će oneh ke će nan drugi prepustit da ih stavimo. Još mislimo na stranice storit „virtualni etnografski muzej“ našega kraja. To znači da ćemo pomalo slikat i skenirat stvari, slike i dokumenti ke govore od tega kako se je pul nas živelo i delalo, od judi i običaji i od sega ča je vredno spravit i spasit od zaborava. Se to treba i na neki način posložit tako da sakemu kega interesira bude lahko nać. Za sada se još z ten ni počelo, ma se nadamo da će se nać par njih ki će se temu priložit. Web stranicu morete nać na www.udrugapehlin.hr Samo, da se razumemo, komać smo

počeli pa još ni stavno se ča mislimo, al ćemo to, za ku šetemanu, vaje popunit.

Dan prvo 1. Maja već po užance Udruga Pehlin pali KRES NA POKLONE. Ki još nezna Poklon je onaj brežić na putu za Mistraž, zajeno pokla rampe. Od tuda se zdola vidi cela Škurinja i del Drenove a vaje dugo i Trsat.Vajda je Poklon i dobil ime po ten ča se od tuda vide crekve va Škurinje, na Kozale i Trsatu, a da se je videla i crekva va Kastve dok još ni bilo borić i noveh kuć. Tako će se i naš kres videt na dugo i široko, a ovo je već šesto leto kako ga palimo. Kada smo počeli, ki se spameti, prva dva leta smo pekli roštilj, ma kad smo videli da judi se više prihaja, morali smo neš promenit. Jeno leto smo kuhali fažol, a pokla tega smo se odlučili parićevat gulaš, pa će ovo leto to bit treti put, a mislin da će tako zostat i daje. Već od jutra ćemo se počet parićevat: slagat kres, rezat meso, lupit kapulu, slagat stoli... a celo zapolne će se pomalo kuhat gulaš ki bi trebal bit gotov oko 6 ur, pa ćemo ga onda počet delit. Do te dobe, ki god će, more prnest palentu za izbor najboje, a proglašenje će bit na 7 ur. Ovo leto nan se za chefa od gulaša ponutil Dalibor Mladenić, pa ćemo provat jedan novi recept kega jako hvali, al već sad moremo bit sigurni da će se vela padela Turističke zajednice Viškovo na kraju oblizat, tako da je neće bit teško oprat. Kres palimo oko 9 ur.Nadajmo se da će nan i vreme poć na ruku, ma ako po prognoze vidimo da nemoremo bit sigurni, raje ćemo feštu prehitit na drugu subotu, a ako treba i za subotu pokla, aš kres ne more goret po dažju., a ni gulaš ni gušta jist pod lumbrelun. Ako baš do tega dojde ćemo dat obavjest na vreme. Stojte mi dobro. Gordan Srok

www.udrugapehlin.hr

2

Alfred Šaina – čuvar tradicije i besede domaćega kraja?Hahaha! Čuvar bez puške! – tako se j nasmel Alfred Šaina kad san jednu subotu prišla h njemu na kafe i ćakulu. Sandra Žinić: Va matujsken kraje, a i šire, judi te poznaju kot čoveka aktivnega va svojoj zajednice na više stran. Osin ča si glazbenik, tekstopisac, aranžer, odličo poznaš povijest i tradiciju širega kraja, a aktivan si va političken živote. Ono ča prvo vidin tu pul tebe su sakakove nagrade od festivala Melodije Istre i Kvarnera. Kuliko let si već del tega?Alfred Šaina: Va MIK-e san od 2005. leta, skoro sako leto. Lepo je poć i na drugi festivali, ma MiK nan je sen neč posebno. Va tuliko let san već i shvatil zač. Ovi drugi festivali su ti kot odbojkaška utakmica – saki sedi va svojoj svlačione, onda gredu na teren, odeljeni su z mrežun, ni fizičkega kontakta, potla morda poćakulaju i to je to. A MIK, to je celodnevno višednevno druženje i seh moreš upoznat. MIK je kombinacija stareh i mladeh i moren reć da san jako sretan aš ovi mladi ki prihajaju su i pristojni i poštuju starejeh. Nisu napuhani. Si prihajaju iz nekakoveh glazbeneh radionic, školi i slično i jako su dobro instruirani ne samo va glazbenen dele i va nastupeh, leh i va ponašanju i ophođenju. I to mane osobno jako veseli.S: Ka ti je do sada najdraža suradnja na MIK-e? A: Kad smo to počeli 2005. z Ivanun, bila je odlična ekipa, jako smo se zezali. Kad smo bili z Duleton i Antonioton ki je ta put prvi put nastupal spreda kao del dueta – to j imelo svoju draž, aš se j Dule, taj vječiti gubitnik MIK-a, boril za pobjedu gotovo do zadnje večeri pa

je celi MIK navijal za njega... ma klapa Sol mu je zela pobjedu, a on je bil drugi. A va ekipe z Antonioton Krištofićen, Aleksandron (Sašon) Valenčićen je bilo izuzetno zadovoljstvo. Dva leta do sad smo osvajali prve nagrade žirija, preklane smo bili treći od publiki, lane drugi, a neki drugi put ćemo bit prvi. Hahaha, ma šalin se – će bit ča bude! Ovo leto će bit pauza, iman nekakovi drugi plani. S: Ča ti je draže – ocjena publike, al žirija?A: Vi’š, nekad mi j najvažneja bila

publika, čak san rekal da bin žiri ukinul. Ma potla ti ipak i žiri neč znači, drago ti je kad te struka pohvali, kad reče da dobro delaš... Ma znaš ča, najvažneja je ipak publika, ne morda ona festivalska, leh ona potla. Si ki se s ten bave će ti isto reć. Matetić je bil rekal da mu mlado meso raste kad čuje da va nekakovoj konobe kumpanija njegovu pjesmu kanta. E to je ono neč, to je zapravo najvažneje! Najlepše je kad se juden pjesma pijaža, kad ostane v uhe, ne

Intervju: Alfred Šaina

ČUVAR TRADICIJE I BESEDE

3

mora to bit pobjeda. S: Na ken festivali si još bil?A: Lane smo bili va Šibenike, pa Grobnička skala i ti dječji festivali... Čanson mi je jako drag. Na Čanson san vavek nastojal plasirat malo teže stvari, to je i takov festival. MIK mora bit ipak malo pitkeji. Na Čansonu su pjesmi ke su malo teže temi – ne va smislu da moraju bit ozbiljne i tužne. S: Kad je MIK va pitanje, kakovo se to osvježenje iskalo, kakove novine donosi ovoletnji festival?A: Malo se oteje MIK obrnut mlajoj publike, dat mu se malo urbaniji zvuk,

da to bude jedan festival kega će pratit se generacije, aš se zadnjeh let primjetilo da ima se stareju publiku. Morda su i ti teksti počeli bit nekako si na isti kalup. Išće se neki malo moderneji pristup. Pretpostavjan da će to bit i malo bolno. Saka promjena smjera va glazbe i općenito je bolni rez. Judi od MIK-a očekuju vavek isto i sad kad njin daš neč drugo, bit će vjerojatno zmeranja i negativneh reakcij. A opet ne more se zavavek isto, moraš se modernizirat da biš opstal. Ti mlaji ki prihajaju, to su tako vrhunski pjevači, te nove generacije, si su izvanredni. Ne moru oni kantat lipo j vino pit. Njin rabe stvari evropske produkcije.S: Kuliko su mlaje generacije opće zainteresirane za domaću muziku?

A: Dobro pitanje. Zainteresirani su tuliko da se lokalno probiju. A kad se probiju, više jih to ne interesira.S: Na MIK-e se promovira domaći kanat. Gledamo po televizije razni talent-šoui, ima odličneh pjevači z našega kraja i navijamo za njih, ma niš našega domaćega ne promoviraju.A: Ja, istina. Ma vidiš, Antonio je va Beograde kantal čakavsku stvar i više je bilo na to pozitivneh reakcij nego na celu drugu priču okol tega, ča je jako dobro. I to je bil jako hrabar potez. I je pokazal da se more! Znači da ni nemoguće i drugdere kantat čakavski. Dobra pjesma i dobra interpretacija je vavek dobra, bez obzira kade se kanta, to j moje mišjenje.S: Domaća beseda, naš lepi čakavski govor, se manje se čuje, fanj judi zapravo ni ne zna da je čakavština zapravo najstariji hrvacki zajik. I užance va našen kraje zatiru, a čuda tega se već posvema zatrlo. Naš kraj je poznat po temu da su se judi zmešali od sakuda, da smo multinacionalna i multikulturalna sredina. Ma čini mi se da se va nekeh drugeh kraji, recimo va Međimurju, al va Dalmacije, više štima domaći govor leh tu. Zač? A: Ja! Pogotovo Dalmatinci! Njih ni sran govorit njihov zajik. A mi smo preveć prilagodljivi drugen, naša asimilacijska moć je slaba. Judi ki pridu od ća, namesto da se, kot sagdere po svete oni prilagode nan, mi počnemo š njimi govorit po njihu, mi se prilagođavamo njin. Drugde po svete ni tako - judi ki gredu va tujinu bivat, ne obrnjaju domaćeh na svoje, leh nastavjaju bivat onako kako je tamo običaj. Prihvate ne samo zajik, leh i način živjenja i ponašanje. Niman niš proti tega da judi dohajaju i niman predrasudi prema prišlići. I ja san ovdeka četrta, peta generacija, moji pretki su semo prišli, jedan del z Istre, jedan del z Austrije. Stvar je va ten da kamo prideš, ta kraj ima svoj zajik i svoju kulturu i trebal

biš to prihvatit i poštovat, a ne nametat svoju. Prvo su ti judi ki su prihajali va neki kraj puno više poštivali to autohtono stanovništvo i asimilirali se, a sad se to obrnulo, sad smo mi manjina va svojen kraje i zadovojni smo ako nas razumeju kad govorimo po domaću. Pratin po internete i fijumanske grupe kade judi taljanski govore i to jako podržavan, aš i to j bil autohtoni jezik v Reke. I strašno mi je kad njin neki zmera ča imaju va Hrvackoj tako govorit. Vidiš pak žejanski govor... Žejanci su prišli do te točki da su morali opret radionice za decu, da deca navade zajik svojeh nonoti, aš roditelji su ga zapustili, doma se više ne govori i sad imaju radioni kade uče žejanski. Moran pohvalit naš dečji vrtić Matulji ki ima svoju čakavsku grupu i potiče decu da recitiraju i kantaju čakavski. Ja san rekal tete ka to vodi, aš moj unuk gre, da bi dobro bilo i decu ken roditelji ne govore čakavski uključit va to i tek onda smo neč storili. A ča se tiče školi, učiteli moraju delat po programe va keh je općenito domaća beseda jako slabo zastupjena. Zato mislin da je država ta ka treba za saki kraj više skrbet, ne samo naš, i uvest više sadržaji na autohtonen zajike, kade će deca i čut i učit i o običaji i o zajiku. Puno više i lokalne književnosti i pravopisa, i lektire, na koncu. Zač ne bi va našoj županije obavezna lektira bila roman od Franeta Matetića „Zvoneća svojni“ kade će i zajik upoznat, i kraj i običaji? Zač bi za celu Hrvatsku trebala bit ista lektira? Zač se ne bi i neč autohtono va sakoj regije čitalo?S: Ča storit da se stanje promeni na boje? Kako bimo mogli judi, mlaji judi potaknut da govore po domaću, da ne pozabe užance?A: Povedal san z judi na internete na forumi ki se bave povijestun i tradicijun. Sretan san da nisan ja jedina mona ki se s temi stvarami bavi i zanima, leh da jih je još. Ja iman već neko leto

nagrade z MIK-a

4

ma ipak rečen za se da san nekakova internet generacija. Generacija mojeh prethodniki ki su se s ten bavili, oni su kroz druge medije djelovali, rečimo, Vlasta Kapićeva, Rajka Jurdana, pokojna Borka...oni su imeli na radiju odličnu emisiju Judi i užanci, kroz ku su popularizirali tu tradiciju. Mi sad imamo internet, Facebook i slično...to rabi iskoristit za razmenit informacije, za ćakulat, za bit štufni, ako rabi. Mislin da je to jako važno. Moramo surađivat. I ne samo to, moramo razbijat i granične barijere. Zna se kade je Grobnik, kade je Halubje, zapadna Kastafćina, ali to j isti zajik, slični običaji. Zajik je živa stvar, menja se z napretkom tehnologije, dohajaju nove besede, a i nove užanci keh prvo ni bilo, ma ne smemo pustit da se stare pozabe.S: Znan da te zanimaju povijest i stare užance. Otkuda tuliki interes, a još više, kade najdeš si izvori o temu ča pišeš i ča povedaš? Kade najdeš se te poveznice med judi?A: Izvori je jako puno. Knjigi, zborniki, gren pitat – mane ni sran poć pitat. Kad počneš ćakulat z judi ki neč znaju, spočetka užaju bit onako nepovjerljivi,

a potla zivučeš takoveh fantastičneh priči ž njih vanka. Danas su još živi stareju judi ki su va rate bili deca i čuda tega se spamete i prvo i za vreme i potla samega rata. Prvo se ni tuliko povedalo o temu. Povedalo se ono ča se smelo i moralo znat. Znaš ča je mane dosta povuklo va teh priči? Nekad je se to zgledalo i malo nestvarno, povedale su se i štorije ke su bile dosti isfrizirane. Ma to ča su neke familje pasale, to su fantastične priče. Mi smo va škole vadili se ono ča se službeno moralo znat, a lokalna povijest je ostala pod prahon. A judi još vavek to znaju. I te priče niš nisu manje zanimjive od oneh ke smo morali znat. Zapavo se iznenadiš ča se se tu pul nas dogajalo. Čuda je tega još ostalo nepovedeno. Morali bimo to počet zapiševat ako mislimo

se to sačuvat da se ne pozabi, aš za ko leto nan neće više imet ki povedat.S: Ča te je ponukalo da na Facebooke osnuješ grupu „Grezo po domaći“?A: Mauro Staraj i ja smo jedanput kroz razgovor zapoštali da se va našen „gornjen“ kraje kega mi volimo i volimo se družit s temi judi, dosti grezo med sobun govori, ma ne va neken negativnen smislu. To je takova vrst komunikacije, dosti simpatična. Kad ti neki da vino pokusit, nećeš reć „A ti j dobro to vino“, leh „dobar ti j ta gnus!“ Normalna je stvar va teh oštarijah kad ki dojde zvani va kumpaniju ka je već nutre, da ne reče dobar dan, leh „ča je, blaga?“ To je nan bilo tako simpatično, pa smo počeli to malo pratit i zapiševat. Onda smo, da obogatimo fond, osnovali tu grupu i prva namjera nan je bila da se bez onih točkic va oneh besedi ke nisu primjerene, a ke se zapravo itekako govore, slobodno pišu va toj grupe. Kemu to smeta čitat, neće čitat! Ni bila namjera nekakovo iživljavanje va stilu homo sad si grdo govorit, leh i to je stvar zavičajne kulture, i te besedi su isti del te kulture ka „ni kulturna“

bimo rekli. Ši se to govori? Ši! Ako se to govori, mislin da se to sme i napisat. Jedna od ideji je bilo i doznat kakove kjetvi su judi užali govorit. Ča se tega tiče, dohtorica Jasna Gržinić, ka se bavi z besedami, je znanstveno analizirala zač postoje neke kjetvi i kako naši judi kjanu, kad kjanu, zač kjanu, ča nikad ne kjanu – aš postoji i to ča se nikad ne proklinje. Tako moremo reć da su i kletvi stavjene va neki naučni kontekst.S: Ja osobno volin tu grupu, aš čuda puti neki napiše besedu za ku znan da su nona i nono govorili, ma već let i let ju nisan čula, već san ju pozabila. I ja, a vidin i puno judi se razveseli kad se spamete takoveh besedi, situacije va ke su govorene. Čini mi se da emocije zidu vanka. Si zadovojan kako se grupa razvija?A: Čuda pohvali je na račun tega – viš, ovo već nisan dvajset, trejset let čul. Puno judi tako reagira. Mislin čak da smo morda neke besedi vrnuli va sakidanji govor. I ako je to tako, onda smo odličnu stvar storili. Judi su jako to prihvatili i grupa se počela brzo širit i zvremenon je ona postala puno više od tega. Jedino se dogodilo da smo prerasli svoj naziv! Ni to više samo grezo. To je sada puno više od grezega. I prerasli smo lokalne granice, od sakuda po svete nas je. Imeli smo i susret člani. Bilo je i odličneh ideji da bi moglo bit još susreti kade bi se i starinska jela prezentirala, i da bi se prneslo i izložilo ono ča judi po šufiteh i konobah imaju spravno. Ma čini mi se, a to ni sudbina samo ove grupi, leh općenito interneta, da judi jako teško prelaze z virtualnega va stvarnost. Danas je tako. Judi se manje druže. Teh tematskih druženji je nekako sve manje. Ni ko nekad.Tako smo se Alfred i ja tematski družili tistu subotu, a i njegov unuk Leo nan je kumpaniju delal, kad zarad dažjenega vremena itako nismo mogli niš drugo delat leh pit kafe i ćakulat.

Sandra Žinić

Fredi i Leo

5

6

S dolaskom u ozbiljnije godine, svi se ljudi ponekad zapitaju: kako obitelji olakšati situaciju kada se dogodi ono ne-minovno? Odgovoran čovjek poduzme neke korake još dok može. Mnogi naši mještani tako su već osigurali svojim obiteljima ozbiljnu financijsku pomoć u slučaju onog neminovnog, onog što nas svih čeka. Na taj način obitelji koje takav slučaj uvijek iznenadi i, nara-vno, rastuži, imaju potporu koja dolazi kroz organiziranu solidarnost njihovih sumještana. Posmrtno društvo Pehlin 1892, udruga je koja se već 124 godine skrbi o pomoći obiteljima preminulog člana. Udruga svoje prve korake bilježi još davne 1892. godine, a eto, uspješno djeluje i danas bez obzira na političke i društvene mjene koje su se na Pehlinu događale u tom periodu. Danas, po dojavi o smrti člana, Posmrtno društvo Pehlin 1892 u roku od 24 sata obitelji preminuloga člana isplaćuje, dostav-lja u kuću, osam tisuća (8000,00 kn)

kuna takozvane posmrtnine. To je zajamčena svota koju svaki član udruge stiče članstvom i redovnim uplatama članarine, a njegova obitelj tim sredst-vima može slobodno raspolagati – za organizaciju sahrane, uređenje groba...ili nešto treće. Posebna pogodnost u 2016. Na posljednjoj skupštini Posmrt-nog društva Pehlin 1892 odlučeno je da se novi članovi ove godine pri-maju bez dodatne upisnine. Svi oni koji ove godine navršavaju 50 godina ili su mlađi, mogu se učlaniti bez up-late upisnine – i uštedjet će 200 kuna. Učlaniti se mogu i osobe do 55 godina starosti, također bez plaćanja upisnine, ali oni po Statutu udruge moraju platiti razliku od 200,00 kuna po godini za svaku godinu iznad 50-te. Dakle, kako god, tko se ove godine učlani ušredjet će 200,00 kuna.Skupština je također zaključila da se godišnja članarina koja iznosi 200 kuna ove godine neće povi-sivati, kao i da će isplata posmrtnine i

dalje ostati 8 000,00 kuna. Skupština je inače u potpunosti prihvatila financijs-ko izvješće, a prihvaćeno je i izvješće o radu udruge. Za novog člana Uprav-noga odbora udruge izglasan je Kr-sto Baljak, a svi sakupljači i blagajnici odlućili su i ove godine nastaviti s tim svojim dobrovoljnim radom ne tražeći zamjene. To jasno govori kolika je sloga unutar Udruge i koliko se njeni članovi zalažu za što kvalitetniji rad.Iz udruge pozivaju da se već ove godine učlanite u Posmrtno društvo Pehlin 1892 – za 200 kuna godišnje članarine svoju ćete obitelji u budućnosti osloboditi jedne velike brige, ili ćete barem tu brigu umanjiti. Tako postupaju odgovorni, zar ne? Damir Konestra

Posmrtno društvo Pehlin 1892OLAKŠANO UČLANJIVANJE

Vaje potle mrazi, va frebraje počnu prve rožice. Tu i tamo se pokaže kakova mića žuta, divi ćuk, a va vrteh prve fi-jolice. Najprej počnu dišet, a onda tu i tamo ka ljubičasta glavica, par dani potla tega se’j plavo i ljubičasto i se diši kod najlepči parfum. Ćuki, njih je se okolo kuć, a i po divjine rastu.Se se’j počne budit, se čeka kad će prit

vreme za procvast i se kod da čeka da va najlepčen dihe dočeka Vazan, ki nekad pride malo raneja al malo kašneje ma vavek pride. Njega slavi-mo z rožicami, kolori, zelenemi mlademi kiticami, ulikami, vrbun, drenjulun i pal-mun i ki zna ča još slavi početak. Po užance se pituraju

jaja, a temu se va kuće si vesele a najveć deca. Mame po zime spravjaju listi od kapule da in ne fali za jaja popiturat. Kuha se se najboje ča se ima. Orehnjaču i pincu mora saka kuća imet. Dan pred Vazmon cela kuća diši, kuha se pršut, pred večer se jaja pituraju, šišeri i pince se dižu.Ma vremena se menjaju, tako danas va

seh butigah su šunke već napol sku-hane, z Italije nan nude kolombine jako dobre i dišeće, pince dela saka peknji-ca i imaš sakakoveh, tako da se manje mlade domaćice doma peču. I mi va Udruge Pehin smo oteli neš or-ganizirat za Vazan a tu smo imeli sreće aš na Pehinu imamo BIROTU, butigu i pekaru ka ima najboje pince va celemu našemu kraju. Zahvaljujući našemu pe-hinaru i vlasniku BIROTE Igoru Kezele ki nan je doniral jako puno pinci, delili smo ih i po Pehinu i v Reke, a si oni ki su ih provali su ih jako hvalili. Da su boje nego doma pečene. Velo hvala Igo-ru i njegovemu celemu timu ki su našli vremena da speču tako velu količinu pinci uz so svoje delo. Nadamo se da će za celo leto zmislet tako neč dobrega kod ča su pince da ćemo uz jako dobar domaći kruh z njihe peknjice za čigovu kvalitetu se čuda vremena i ne samo na Pehine već i šire dobro zna, uživat va sličnoj slašćice. Gorana Bratuša

Saki Vazan je velo veselje, sen i mićen i velen

S dolaskom u ozbiljnije godine, svi se ljudi ponekad zapitaju: kako obitelji olakšati situaciju kada se dogodi ono ne-minovno? Odgovoran čovjek poduzme neke korake još dok može. Mnogi naši mještani tako su već osigurali svojim obiteljima ozbiljnu financijsku pomoć u slučaju onog neminovnog, onog što nas svih čeka. Na taj način obitelji koje takav slučaj uvijek iznenadi i, nara-vno, rastuži, imaju potporu koja dolazi kroz organiziranu solidarnost njihovih sumještana. Posmrtno društvo Pehlin 1892, udruga je koja se već 124 godine skrbi o pomoći obiteljima preminulog člana. Udruga svoje prve korake bilježi još davne 1892. godine, a eto, uspješno djeluje i danas bez obzira na političke i društvene mjene koje su se na Pehlinu događale u tom periodu. Danas, po dojavi o smrti člana, Posmrtno društvo Pehlin 1892 u roku od 24 sata obitelji preminuloga člana isplaćuje, dostav-lja u kuću, osam tisuća (8000,00 kn)

kuna takozvane posmrtnine. To je zajamčena svota koju svaki član udruge stiče članstvom i redovnim uplatama članarine, a njegova obitelj tim sredst-vima može slobodno raspolagati – za organizaciju sahrane, uređenje groba...ili nešto treće. Posebna pogodnost u 2016. Na posljednjoj skupštini Posmrt-nog društva Pehlin 1892 odlučeno je da se novi članovi ove godine pri-maju bez dodatne upisnine. Svi oni koji ove godine navršavaju 50 godina ili su mlađi, mogu se učlaniti bez up-late upisnine – i uštedjet će 200 kuna. Učlaniti se mogu i osobe do 55 godina starosti, također bez plaćanja upisnine, ali oni po Statutu udruge moraju platiti razliku od 200,00 kuna po godini za svaku godinu iznad 50-te. Dakle, kako god, tko se ove godine učlani ušredjet će 200,00 kuna.Skupština je također zaključila da se godišnja članarina koja iznosi 200 kuna ove godine neće povi-sivati, kao i da će isplata posmrtnine i

dalje ostati 8 000,00 kuna. Skupština je inače u potpunosti prihvatila financijs-ko izvješće, a prihvaćeno je i izvješće o radu udruge. Za novog člana Uprav-noga odbora udruge izglasan je Kr-sto Baljak, a svi sakupljači i blagajnici odlućili su i ove godine nastaviti s tim svojim dobrovoljnim radom ne tražeći zamjene. To jasno govori kolika je sloga unutar Udruge i koliko se njeni članovi zalažu za što kvalitetniji rad.Iz udruge pozivaju da se već ove godine učlanite u Posmrtno društvo Pehlin 1892 – za 200 kuna godišnje članarine svoju ćete obitelji u budućnosti osloboditi jedne velike brige, ili ćete barem tu brigu umanjiti. Tako postupaju odgovorni, zar ne? Damir Konestra

Posmrtno društvo Pehlin 1892OLAKŠANO UČLANJIVANJE

Vaje potle mrazi, va frebraje počnu prve rožice. Tu i tamo se pokaže kakova mića žuta, divi ćuk, a va vrteh prve fi-jolice. Najprej počnu dišet, a onda tu i tamo ka ljubičasta glavica, par dani potla tega se’j plavo i ljubičasto i se diši kod najlepči parfum. Ćuki, njih je se okolo kuć, a i po divjine rastu.Se se’j počne budit, se čeka kad će prit

vreme za procvast i se kod da čeka da va najlepčen dihe dočeka Vazan, ki nekad pride malo raneja al malo kašneje ma vavek pride. Njega slavi-mo z rožicami, kolori, zelenemi mlademi kiticami, ulikami, vrbun, drenjulun i pal-mun i ki zna ča još slavi početak. Po užance se pituraju

jaja, a temu se va kuće si vesele a najveć deca. Mame po zime spravjaju listi od kapule da in ne fali za jaja popiturat. Kuha se se najboje ča se ima. Orehnjaču i pincu mora saka kuća imet. Dan pred Vazmon cela kuća diši, kuha se pršut, pred večer se jaja pituraju, šišeri i pince se dižu.Ma vremena se menjaju, tako danas va

seh butigah su šunke već napol sku-hane, z Italije nan nude kolombine jako dobre i dišeće, pince dela saka peknji-ca i imaš sakakoveh, tako da se manje mlade domaćice doma peču. I mi va Udruge Pehin smo oteli neš or-ganizirat za Vazan a tu smo imeli sreće aš na Pehinu imamo BIROTU, butigu i pekaru ka ima najboje pince va celemu našemu kraju. Zahvaljujući našemu pe-hinaru i vlasniku BIROTE Igoru Kezele ki nan je doniral jako puno pinci, delili smo ih i po Pehinu i v Reke, a si oni ki su ih provali su ih jako hvalili. Da su boje nego doma pečene. Velo hvala Igo-ru i njegovemu celemu timu ki su našli vremena da speču tako velu količinu pinci uz so svoje delo. Nadamo se da će za celo leto zmislet tako neč dobrega kod ča su pince da ćemo uz jako dobar domaći kruh z njihe peknjice za čigovu kvalitetu se čuda vremena i ne samo na Pehine već i šire dobro zna, uživat va sličnoj slašćice. Gorana Bratuša

Saki Vazan je velo veselje, sen i mićen i velen

Općina Viškovo

Pokrovitelj: Organizator:

NEDEJA,8. maja 2016. PARKIRALIŠTE MILIHOVO,NA 14 UR

U 16 i 17 sati – turistički razgled Općine Viškovo uz stručnog vodiča – prijave u PD Viškovo

Štorija od kraja i običaji, nekadajni način živjenja va Halubju- Prezentacija nekadajne letnje hrani Halubja- Ugostiteljska škola Opatija-prezentacija domaće hrani- Obed – kapuz i fažol

Sopnjada Marinićeve muziki

Starinske igre: - skakanje va vreće- kako pogodit lonac zaprteh očij- hitanje potkov- prćenje na pal po pršut- boćanje - potezanje špaga

UDRUŽENJE OBRTNIKA VIŠKOVO-KASTAV-KLANA-JELENJE - izložba domaćeh proizvodi

DEČJI KANTUNIĆ - recitacije, dečje igre, popejajte se va kalesine

domaće hrani

KLAPA MISTRAŽDANIEL BENI & D’BENI BAND

KLAPA MISTRAŽKLAPA MISTRAŽZABAVJAT ĆE VAS

Voditeljica: Nina Dukić Srok

1. MATICA HRVATSKA VIŠKOVO 2. HALUBAJSKI ZVONČARI 3. MAŽORETKINJE HALUBAJKE 4. NARODNA KNJIŽNICA I ČITAONICA HALUBAJSKA ZORA 5. DJEČJI VRTIĆ VIŠKOVO 6. BK HALUBJAN 7. UDRUGA LIKOVNIH UMJETNIKA AMATERA BRAĆA BAŠTIJAN 8. KUNPANIJA Z HALUBJA 9. O. Š. SVETI MATEJ10. HALUBAJSKE MAŽORETKINJE11. DELAVSKA KATEDRA12. UDRUGA BELICA13. USTANOVA I. M. RONJGOV14. DJEČJI VRTIĆ MAZA15. UDRUGA RODITELJA POKRENIMO SE

PARIĆALI SU:

Nakon zbirke pjesama Mavrica va seh koloreh autor Ivan Rudanović, Mali Kosićev, ili kako ga na Peh-linu zovemo, Miodrag, predstavio je 01.travnja u Domu kulture Pehlin novu zbirku koju je nazvao Senjali živjenja. Naslovnicu knjige je i ovoga puta osmislila njegova unuka Lea Širola.

Ponovo su tu Miodragove omiljene teme, njurgave žene, ćakulone, škrtost, ruganje i opijanje, nonići, none i djeca koja gledaju na svijet drugačijim očima. Osim autora, zbirku je predstavila lektorica Ma-rina Frlan – Jugo, koja je i pročitala nekoliko pjesama po svom izboru. Pristunima se u ime Matice Hrvat-ske – Ogranak Viškovo, koja je uz Vijeće MO Pehlin organizirala ovo predstavljanje, obratila predsjedni-ca Gordana Mulac, a sve su upot-punila prigodna glazbena skupina Pehinarskih feštara.

Mali Kosićev već ima svoju publiku o čemu svjedoči puna sala Doma kulture, što je znak ne samo inte-resa za novu zbirku nego i potrebe da se domaći govor i običaji održe i promiču, a također je i podrška autoru u njegovom daljnjem radu. Gordan Srok.

SENJALI ŽIVJENJA

7

Ranko Milić, Mandićev, al Rančić, kako ga prijateli zovu, rojen je pred 67 let. Na Turkoven biva od mića. Va školu je šal najprvo na Pehlin kade mu je učitelj bil Nino Bačkurkin, pa potla na Turnić, a na Krnjevu va Metalo-prerađivačkoj škole je finil za automehaničara. Delal je va Autotehnika, AutoHrvatskoj, va Torpedu i pilane va Klane, a bil je i vatrogasac va Sv.Mateju.Va penziju je finil zbog zdravlja i komać va penzije se počel bavit z nečen ča bi se moglo reć da mu je vela jubav - z drevon. Kako nan je rekal, voli delat z drevon aš je teplo v rukah. Dela skoro saki dan, po zapolne 2 do 3 ure, va prven delu svoje konobe.

Tamo si je storil miću radionu od 2 stolića i par stalaž kade drži materijali. Kad Rankotu neč dojde v ruke, ni važno je to novi kus dreva, al već neč storeno ča rabi popravit al predelat, on će već neč interesantnega od tega zmislet. Jednu od svojeh ideji dobil pul suseda, neč je videl, pa se j domislel storit neč

svoje i boje. Tako je počel delat drveni brodići ki namesto jarbola med jedri imaju bocu z rakijun i starinski vozići od šib ki pejaju boce od vina, a stare daske od mesa predeleva va držala za kuharice, ka će va sakoj kuhinje prahtično i lepo zgledat. Ma posebno nan oko beži na njegovi brodići, okol 15 centimetar dugi i opiturani najveć

va kolore NK Rijeke, a za potrebu moru bit i drugačiji. Užal je Ranko, a i sad će ako kemu rabi, delat važi i ukrasne padelice od cementa zmešanega z novinskun kartun. Najprvo se novine moče va vode oko 2 šetimane, pa se ocede i skupa z cementon zamešaju va kašu, najboje z mešalicun da bu se jednako. Potla se stori oblik prema kalupu i stavi se jedan dan sušit na sunce. Kad smesa očvrsne, opitura se z piturun za cement i pasa z mat lakon da se ne raspade.Kako je dosta spretan z rukami, ćapal se je i staroj mobilije dat novi život, pak je preuredil nekuliko stareh vetrin (jedna je iz 1954. leta) i pikabiti keh sad drži va drugen kraje konobe – va privatnen muzeju stareh stvari. Sačega

se tu more videt, od onega ča je rabilo po kuće i okol nje, do onega ča je služilo samo za lepo videt. Čuda tega je ostalo od njegoveh stareh, a neč najde ča judi hitaju ća kad čiste konobe, aš ne vide va temu niš drugo leh smete. Ranko va semu ča najde vidi nekakovu štoriju i vrednost ku rabi očuvat da i oni ki dojdu potla nas moru videt i navadit kako se j nekad živelo. Tu va Rankotove konobe, va njegoven mićemu muzeju starine, bivaju i bekarska peza z Beča, starinsko perilo za robu na ken su nečigove ruke ki zna kuliko robe oprale, ura od pred 100 let ka još vavek dela, stara radija od keh je najstarejega zel pul baje od smet aš ga je neki hitil ća. Svoje mesto ima i škancija za lončići i pijatići, stara Singerica za kun je vredna šilica sedela i svojoj familije robu šila, z prahon pokriveni stari motorin Pony Express ki čeka red da ga Ranko obnovi (i morda se spameti kakove štorije od mlajeh dan), starinski kufer na kvadri va ken je zel robu kad je šal va vojsku, stari košići

za seno i za kumpir nest va kuću, borša (rucak) od pokojne none mlekarice va koj se je nanosila lirat i litar mleka, pa gamelica za marendu od oca ki ju je nosil sobun na delo, hodeć preko Drnjevići i Zameta va „3.maj“, a potla ju je i on nasledil. Va jednen kantune

Ranko Milić va semu ča najde vidi štoriju

DELAN SAKO ZAPOLNE

8

konobe je i stari vojni arsenal z boršun za municiju, boršun za bocu z vodun i šlemon na ken je i škuja od metka. Ki zna ča bi nan ta šlem sega povedel, štorije od stareh vojni i kako je tu škuju

dobil... Pul tega je i starinska brenta za trsi i železni feralići. Jedan stari brus Ranko je dobil na regal i promenil mu staro drveno korito va železno, a našla

se j pod stolon va radione i jedan fanj stari drveni putnički kason.Kako se delalo i ča se delalo va pasana vremena štorije povedaju starinsko oruđe ko je obešeno po zideh, al spravjeno va škabelini i kantuni po konobe. Tu j batić za bačve za obruči nabit na mesto, tri starinske pile od keh je jedna vaje z Amerike semo arivala, rodul za rodulat betonski tarac, oruđe od cestari, kopito za postoli popravjat, oruđe za svijat železne žice za armirani beton ke su bile va koluteh keh je rabilo poravnat, a to se delalo tako da se je jedan kraj žice zavezal za kamijon ki bi ju potegal, rastegnul i tako zravnal. Tu je još i čuda oruđa za delat va vrte i okol kuće: kosi, srpi, matičice, rožići, saponi, freza od 70-eh let ka još vavek dela i posvema dobro prevrnja zemju.

Med sen ten su se našle i dve sekire z senjalon „M“, storene va kovačije familije Mulac (Kovačevi). A našal je Ranko va šume i nekoliko koreni drva posebne forme pa ih je prnesal doma, očisitl, uredil i polakiral. Osušil je i par tikav i jednu anguriju pa mu sad delaju ukras va konobe.Kad smo odhajali nan je rekal da napišemo našen čitateljon da moru slobodno prnest se ča interesantnega najdu kad konobe čiste. Ako in ne rabi, mesto da hite va smete, neka njemu regalaju – on će to rad dodat svojoj muzejskoj zbirke. Da se ne pozabi običaj i tradicija! Iva Čehić

9

Još dok san bila jako mića rada san z mamun al z nonun, a potla i z decun va vrtiće tancala va kolu kantajuć Ringe-ringe-raja i se te slične dečje pjesmice. Spametin se kako smo jako pazili da na vreme storimo onaj „čuč“ ki je čuda puti finil na rite aš su kega pretegnule plene, a kega još vavek miće i nespretne noge. Kako smo rasli, raslo je i kolo, a i kantalo se neč drugega. Menjale su se i situacije i onda kad se ni tancalo, leh se činilo kot da, ki zna zač, svet namesto da gre naprvo, vrti se va kolo. Užala j moja nona reć „hodi kolo naokolo“ saki put kad njoj neč ni zajeno šlo kako rabi pak je morala spočetka delat. A i kad se kakov mladić vrtel okol divojke, onako brez kuraja da ju pita ono ča j mislel. Vrteli smo se si, čuda puti, i kad smo to oteli, ma još više – i kad nismo. A vrteli su nas, bome, i drugi...Vrtela san se i ja kad san se prvi put sama z auton našla va kružnen toke. Majko moja, spotila san se kot va saune dokla san pogodila kako i kade vanka zić! Još je nekako lahko kad je kružni onako obični, z jednun trakun, ma kad su dve... avamane! Ne daj Boh va nutarnju traku poć, aš nećeš tako brzo vanka! Spametin se da su nas va autoškole vadili kako se po praven peja po kružnen toke, ma judi valda va prakse to pozabe. Narivaju se si va tu vanjsku traku magar njin i ne rabi, lih da ne bi red za vanka zgubili. Istina je, da su neki vozački ispit polagali i dokla još nisu kružni toki bili va mode, pa razumen da je njin morda i teže snać se va sen ten kažinu. Zato su storene one lepe šare tabelice na stupićeh kraj ceste na ken su nacrtane nekakove strelice ke kažu na ku stran rabi poć i na kamo vanka zić...ste jih morda opazili? Pitan, dragi moji, aš mi se čuda puti vidi da

judi baš ne gjedaju va te tabelice leh se popejevaju kako god, staju kade god, i vrte se po svoju.Jušto pred malo dobili smo i mi na našoj ceste kružni tok. Ma morda bi boje da nismo...Pitat ćete se zač, ča mu fali... Fali, dragi moji, fali mu reda! Boh nas očuvaj, kakoveh bedastoći san va to kratko vreme, otkada ga imamo, tamo

videla! Ću van povedet, aš me zajik srbi tuliko da će mi se išćerica storit! Morda će se ki i prepoznat va ten, pa neka drugi put malo boje pazi ča dela, aš ako ponovo na me naleti, slikat ću ga i na fejzbuk stavit – zato neka raje pogjeda one tabelice ča san jih spomenula.Pejala san se neki dan doma z Viškova i prišla va to kolo nasred ceste, ni ne misleć da bi bilo ča moglo po nopak poć. Ma šlo je, šlo! Šlo je drugo auto, posvema nopak, od pehinske strani drito prama Štefani, jušto kad san se ja našla pred ten izlazon! Ma nemojte mislet da j slučajno na krivu stran zašal – čovečić je otel skratit put – tr zač bi se on celi đir po kružnen toke pejal! Na sreću san se na vreme fermala pa me ni udril. Morda ste čuli nekega zijat i kjet... skužajte, ma to san van bila ja. Samo san čekala da me mat z Kastva na mobitel zove da pita ki to zija tu pul mane. I ni to jedini put da me j tokalo da neki va krivi smer pasa. Samo par dan pred

ten je tako i jedan stareji vozač nopak po kružnen toke vozil, ma na tistemu se j videlo da j brižan pogrešil aš se ni zajeno snašal kamo rabi poć. Taj siguro ni onu lepu plavu tabelicu opazil!Još je neč posebnega z ten našen kolon – štacija od kurijere, kade se frmevaju si ki se tu ne bi smeli fermat. Takovi bi se valda i va kundot pejali z auton, pa

njin je teško pustit auto par metri daje i malo noge protegnut za poć kruh kupit. Kad kurijera pride, va čas se fila stori i se se ferma – oni ki su već nutre va kolu zad kurijere ne moru vanka aš nimaju kuda obać radi oneh otočići okol kola, oni ki bi oteli va kolo ne moru nutra radi oveh prveh ki su se već tuliko narivali nutra od seh stran i zabolkali si ulazi i izlazi, a onda se i okol kola na se strani file delaju i ne moru naprvo.

I vas promet stoji dokla se kurijera ne makne, a sve zarad oneh par pametneh ki su se parkirali na mestu od kurijere. Dokla san tako stala va file imela sam lazno i za par slikic z mobitelon storit. I jušto kad san najlepču otela slikat, zove me mat... Pita da ča delan. Niš, sedin va aute nasred ceste i čekan. „Pa ča si ponemela, ča biš otela da te ki udrije?!“ – zija na me neka se maknen, a ja njoj govorin neka se ne pojida aš i drugi delaju isto ča i ja. I tako namesto da promet z noven velen i lepo nacrtanen kružnen tokon dobro teče, bi reć da i tu vredi ona nonina beseda „hodi kolo naokolo“, pa ćemo morda za par let ponovo dočekat da se neč novega domisle na ten križišće. Do onda, judi moji dragi, radi onisteh ki misle da po ceste moju delat ča će, dobro oprite i četire oči ako rabi, i srećno arivajte tamo kamo greste. Ala, sad je dosti ćakule, homo ča delat!

Vaša Sandra Žinić

Ćakulona

Hodi kolo naokolo

10

Od izlaska našega prvog broja Kostanja pa sve do ovoga proljetnoga travanj- skog broja, bezbroj puta smo odškrinuli „prozore naše duše“ i čuli, vidjeli i osjetili što nam najmlađi stanovnici našega kraja imaju za reći.Koji su to njihovi snovi, o čemu maštaju, što žele, čime se sada bave i čime će se i ubuduće baviti. S odrastanjem dolazi do prom-jena. Kod nekih, ono o čemu su kao jako mali sanjali i što su željeli, ostane neostvareno jer ili to više ne žele ili nisu dovoljno ustrajni u svom naumu da to i ostvare. No, postoje i oni koji daju sve od sebe da ostvare svoj san, svoju želju.O jednom takvom velikom snu i želji da se ostvari i postane stvarnost pričala nam je naša mlada sumještanka. Evo njene priče: „Zovem se Noemy Blažić. Imam devet godina. Učenica sam trećeg razreda Osnovne škole „Sve-ti Matej“, Viškovo. Moja najveća želja je da jednoga dana postanem prava bale-rina u „špicama“. Balet sam počela učiti sa četiri godine u plesnoj radionici „M“, u prostoru HKD-a na Sušaku. Radioni-cu vodi poznata balerina Irina Koteles, članica baletnog ansambla HNK Ivana pl. Zajca sa suprugom Andreom. Prva predstava u kojoj sam plesala bila je „Alisa u zemlji čudesa“. Ova predstava onako maloj bila mi je nešto posebno, prvo zbog toga što sam tada prvi put nastupila na pozornici, a i zbog toga jer je glavni lik djevojčica Alisa, a tako se zove i moja mama. Plešući u toj pred-

stavi bila sam sretna, ponosna i zado-voljna. Uslijedile su i druge plesne priče: „Pepeljuga“, „Pinokio“, „Mala sirena“... One su sve više poticale moju želju za baletom. U meni se tada javila još veća želja. Zaplesati u našem „ve-likom“ kazalištu, na daskama što život znače. Na probama baleta još sam se više trudila vježbajući svakodnevno. Bilo je teško i naporno, ali moja upor-nost se isplatila. Na sceni HNK Ivana pl. Zajca u baletnoj predstavi „Orašar“ (2014. g.) zaplesala sam prvi put. Ple-sala sam dva puta. Mojoj sreći nije bilo kraja. Uslijedio je i nastup u „Olovnom vojniku“. Kada se pri OŠ „Vežica“ otvor-ila Osnovna škola za klasični balet i su-vremeni ples 2015. godine, upisala sam se i počela pohađati satove baleta kod učitelja Igora Ćurkovića. U početku sam paralelno pohađala Školu baleta i plesnu radionici gđe. Irene Koteles. Bilo je vrlo naporno, ali to je bila moja želja. Mislila sam, kada nešto voliš, ništa nije teško. Kako su obaveze u Školi baleta bile sve veće i tražile su puno prove-denog vremena na vježbama, morala sam odustati od baleta kod tete Irene. Međutim, ja se i dalje bavim mišlju da ponovno, uz Školu baleta, krenem na plesnu radionicu. Pored velike podrške moje obitelji (mame, tate, none) veliko razumijevanje i podršku imala sam i kod svoje učiteljice Ljiljane Host. Ona me uvijek hrabri i bodri. Na tome sam i bit ću joj uvijek zahvalna. Krajem

Odškrini prozore svoje duše, da čuješ, da vidiš...MOJA NAJVEĆA ŽELJA

2015. godine, u vrijema Božića i Nove godine ponovo sam plesala u baletu „Orašar“ (5 predstava). Bio mi je to prekrasan poklon za Božić i Novu go-dinu.Sve predstave u kojima sam ple-sala su mi divne i svaka mi je posebna na svoj način. U mom srcu zauzele su posebno mjesto. Plešući u Školi baleta i plesnoj radionici „M“ stekla sam mnogo prijatelja. Vježbe i probe su vrlo naporni, iziskuju puno vremena i odricanja, ali kada nešto voliš nije teško. Želim jednog dana postati prava i prepoznatljiva balerina u „špicama“, završila je svoju priču Noemy. Vrijedilo je „odškrinuti prozore“ Kostanja i čuti Noemynu priču. Želimo joj da ostvari svoju najveću želju.

Jasenka Travalja

11

Va vreme košnje, va Halubje je bilo malo muškeh. Bili su va gorah kod japneničari, paleri, pilači, tesači, al su bili po svete va Merikah. Doma su ostale ženske, deca i stari. Prihajali su kosci z Ćićarije, Žejan, Kranjske. Judi su ih užali čekat na ceste kad će pasat pa su se pogodili. Skoro se se j’ pokosilo na tujicu. Ako je trava ko leto bila slaba, spravilo se j’ malo sena, a juden se j’ kuhalo za jist pa su rekli:“Tujica stori, tujica poji“. Okol kuć se je počelo kosit dan potle Petrove, a onda se daje. Opisat ću otprilike jedan dan va košnje. Dosti su mi povedali stari, a neč san našla pul Jardasa.Kosci su počeli kosit prej sunca (onda se najlagje kosi aš je rosa). Prej lego će poć o’domi popili su belo kafe. Druga rušnja je bila okol devete ure. Najviše puti je to bila polevača (palenta z kašun i smokon od friganeh režnji) i režnji. Pili su vodu al tanku bivandu. Ženska ka je to prnesla zajedin je rastepla pokošenu travu. Okol polna je bil obed. Z obedon je prišlo više ženskeh aš su prišle i neke ke su jutro nesle mleko v Reku. Jili su prežganu juhu, kiseli kapuz z palentun ale repu. Sada su bili si na kupe pa su škercali, smeli se i zakantali. Za obedon su kosci počinuli i zadremali va hlade. Ženske su šle rastresat travu, obrnjat ono ča je od jutro rastegnjeno i počele žet. Zapolne su kosili po hujen, okol štrpedi, mej drevon i kamenen. Se ča kosa ni mogla pobrat je pobral srp. Povedal mi je čovek da su ženske morda i više nažele leh su oni nakosili. Ni bili (vlat trave) ni ostalo. Se j’ bilo čisto. Umejki su bili tako čisti da si čoveka na dugo videl. Okol četireh zapolne su koscen i težakinjan prnesli južinu

– belo kafe. Malo se j’ opet počinulo. Ženske su onda šle zigrabjat travu mej štrpedi i nosile ju na ravan. Rasteple su je da bude parićano za jutra jutro za sušit. Kad je počelo škuret, spravjali su se doma. Ako će jutra još kosit su kose, grabje, srpi, tulci i brusi, klešća za kjepat stavili va kakov štrped da ne nose doma

pa nazad. Va kuće za ku su delali ih je čekala večera, obično kompir i fažol al ješmik. Drugi dan su šli seno obrnjat da se k večeru more grabit. Čula san reć da grabje seno suše. Će bit dobro vreme za sušit al ne, judi su naslišali črčki. Ako črčki muče, neće se sušit.Halubjani su imeli dosti blaga pa je trebalo čuda nakosit i spravit. Zeli su jednega al dva kosca na dan. Imućneji i veći hmeti su imeli po četiri – pet kosac i toliko težakinj. Kosili su i na Gumance.Kad je bil likuf (delo gotovo), onda se j’ na stol prneslo malo više. Najštimaneji su bili riži na mleke i ulenjaki al puhanci.Ako senokoša ni bila dugo od kuće onda su seno nosili doma; muški va lancuneh, a ženske vezano va plašćanicah. Ženske su ga prigrabjevale na kupi a muški su z vilami nakladali va

lancuni. Vozilo se j’ i z lojtrami. Lojtre su imele dva kola i vukal ih je čovek. Teško je bilo nazdolun aš su puti bili kameniti i trebalo je brenzat. Kad su ga pripejali doma z vilami z dugen manihon su ga hitali na pod (pod krov), al va skadanj. Ako nisu mogli so seno spravit delali su lovnice. To su kupi sena ko se je ograbjalo da ako pada daž, ne promače

nego kliže po vrhe, a nutre ostane suho. Ki je imel još više sena moral je storit stog.Stog se dela otprilike ovako: Treba ga storit va jatnen da ga bura ne zbati. Va zemju se zabije jedno visoko, krepko drvo (kod jarbol). To je stožje. Okol stožja se naslože kamiki, na njih kitarija i prašće. Onda na to gre seno. Mora ventilirat zrak. Dva z vilami hitaju seno a jedan al dva do pred vrh ga maste i rasporejuju sakuda jednako. Dole je malo uži pa gre na

šire i opet na uže pa zgleda na jaje. Kad pridu slažuć do vrha, na stožje zabiju kakov lamarin al stave stari lonac da daž ne bi zamakal pul stožja. Sprotu se vas stog ograbja pa je lepo liš. Jako trebe pazit da ne bi bilo ča umidnega aš kroz zimu zaplesnivelo pa ga blago neće jist. Na seno na vrhe se j’ stavilo lancunić al roba od stare lumbreli. Kako j’ stog bil visok vezali su ga z debelemi žicami i napeli va stran, va zemju, da ga vetar ne bi zrušil. Va jednoj kuće san doznala da su svojni imeli po pet – šest stogi na njihen bez onega ča su kosili na Pakoj al Gumance. Ako znamo da je va stoge bilo deset do petnajst kvintali sena (najveći su bili od dvajset kvintali) onda moremo zamislet koliko se j’ sena moralo spravit. Zna se da za jenu kravu rabi četrdesetipet kvintali, ma pul nas se j’ i z manjen pasalo. Jadranka Cetina

Košnja

12

Šećuć po našeh veleh butegah, kako ih danaska zovu super i hiper marketi, moreš videt na škancijah sakakoveh sorti rakij i likeri da ih ne moreš ni po-brojit, pa ti vaje pride napamet kako tega, a i čuda drugeh stvari ni bilo ni blizu. Bilo je najveć domaće rakije, pa nekakov brendi, pelinkovac, šeri bren-di, vinjaka i to je to. Sejeno se najveć štimal bićerin domaće rakije kega si mogal popit pul svojga prijatela al suseda ki je vavek čekal da mu rečeš ka-kova je, da mu pohvališ njegovo delo.A bilo je, za pravo, velega dela da se stori dobra domaća rakija. Drope je paron, potla ča je otočil vino, moral spravit i dobro zapret i zgora stavit pezu da se drope ne rasuše i ne zakiseleju aš bi onda i rakija bila kisela. Drope su se do-bro spravile aš se rakija ni zajeno kuha-la, nego se kuhala prema zime kad već dela po vrteh ni bilo jako čuda i kad su dani bili kraći. Ni kotal za rakiju kuhat ni imel saki, nego je celo selo kuhalo rakiju na jedan kotal. Bila je užanca da se javi paronu kotla da biš kuhal rakiju i koliko kotli bi se skuhalo aš se trebalo po kotlu al neč platit al dat litru rakije. Onda je trebalo čekat da se pride na red za rakiju kuhat. Tako je čuda njih znalo kada se i pul kega kuha rakija. Zapra-vo, kuhanje rakije je bil veli "društveni događaj" kade su se nahajali prijateli, susedi, a i drugi ken je žmujić rakije morda preveć prirasal srcu. Moralo se pazit na oganj da rakija teče na tanko

i smiron, pa se užalo va oganj hitit žmuj vode da malo jenja, al pokrit s kuson late da se oganj pokrije, da se hiti tanje drevo da boje gori, a najslaje je bilo va popele speć neolupjen kompir al kostanj i vrelega pojist. Paron je, pul tega, užal parićat ku-hanega kompira,

slane ribe, al pancete i žmuj vina za seh a i trebalo je paronu pomoć promenit vrelu vodu, kotal spraznit i osnažit, drope zinest na gomilu. Bilo je i oneh ki nisu jako niš pomogli, ma su znali povedat od sega i sačesa tako da je večer pasevala brzo a i veselo.Prilika mi je da napišen dve istinite štorije ke danas zgjedaju kot šale, jena štorija je s Halubja, a druga je od Marinić. Tako, negde va Halubje, da se pul nekega kuhala rakija, žena je mužu i kompanije par puti nosila neč za po-jist, pa je sprotu pitala ka se to rakija po rede kuha. Muž da njoj je, saki put kad je pitala, odgovoril da se kuha prva. Žena da mu je odgovorila, da kako Boga prva kad se i pred uru kuhala prva. Muž da njoj je odgovoril: "Draga moja, videj, celo večer nisan napunil ni jenu bocu". Se su sprotun popili.

Jedan paron od Marinić kuhal je rak-iju i to jušto prvu kad mu je prišal sused, jedan od "Reda rakijneh judi" ki užaju prit kade se rakija kuha kako vinska mušica na vino. Pital je pa-rona ako bi mu dal žmujić rakije, nač je paron z gušton natočil pun bićerin prve rakije ka je tekla, misleć z gušton kako će mu ga kalat. Naš sused je batil rakiju va grlo i niš. Paron ga pita:"No, kakova je?" "Ma je, je, tako, no kad ziteče ova litra sprazni kotal", odgo-voril mu je na mire sused i zdritil ruku žmujićen da mu natoči još jenu.Judi su vavek pazili na saku kap rakije, najboja se spravila na stran, za nedaj Bože, duhtora. Prva se litra rakije ni-kad ni pila aš je imela najviše otro-vnega alkohola pa se rabila za mazat kolena, noge i ruke kad bi ki boloval od reume. Rakijun se mazalo telo da se bolnemu febra kala. Užalo se i ka-kov liker storit. Najviše se užal storit orahovac kega se jako štimalo i ki je bil va kuće kot medičina kad je kega va trbuhe zavijalo. Zadnja pak litra al dve slabe rakije spravilo se za stakla prat. Danaska se od domaće rakije delaju se vrste sakakoveh likeri i žufkeh i slatkeh, sakakove vrste travaric, likeri od dre-njul, kuša, lemuncina, biske od imele, od višanj i dunj, a juden ki to vole delat, i oven i onen pred čuda let se jako pijaža kada njin se takova pijača pohvali. Miljenko Valenčić - Bačurkin

Od rakije i od onega ča se od rakije dela

MORALA JE TEĆ TANKO I SMIRON

13

Konoba je odvavek bilo mesto kade su se držale bačvi z vinon, viseli pršuti i panceta, a va kakovoj drugoj kamarice se je kiselil kapuz, repa i bil je kason za konpir. Danaska sega tega ne rabi. Konoba je dobila jenu drugu, bi se reklo društvenu funkciju. Ma, ovista Kovačeva konoba, je neš posebe. Za istinu reć, kot i se drugo, saka konoba je posebna, jedinstvena, slika i prilika svojga gospodara. Nekadajna kovačeva konoba je bila kovačija z mehon, va koj su se kovali rogi, caponi, matiki i matičice i so drugo orude ča je trebalo va dele na zemje. Danaska tega materi-jalnega više ni, samo su ostali kakovi rožići va kantune kot suveniri. Ono ča je najvažneje, ni se zgubilo, a to je dobar glas od familije, od gospodari kega se čuva od generacije na generaciju.

Ovisti put ni nas dočekal samo jedan gospodar, bila su tri na vrateh, Željko, sada već nono, dva njigova sina Gordan i Dragan, a pokla je prišal i četrti, vnuk Dario mići još, najmlaji gospodar, ki će sigurno nastavit plemenitu tradiciju delanja dobrega vina, gostoljubivosti,

aktivnosti ne samo za se, lego i za, kako se to lepo reče, i društvenu zajednicu.

Na stole, pa stareh našeh navadbah, bilo je narezano fanj kruteh delicij, a va bocah po izbore ča bi ki otel.

Malo san se ogjedeval okole – po zideh je viselo čuda diplom, priznanji za vino,

Kastavske konobi

KONOBA PUL KOVAČEVEH

čuda slik z razneh izleti i dogadjanji pa se već i samo sten vidi da su naši domaćini jako aktivni i po Hrvaskoj i po okolneh državah. Se je to za poh-valit, ma ono najboje je, da zarad seh teh svojeh uspjehi nisu zdignuli nos, nisu se zgubili va oblakeh, leh su ostali kakovi su odvavek bili.

14

A prve besedi ke smo čuli, od jenega mlajega gospodara, Gordana, sina od Željkota su bile: „Ova je konoba otprta saki dan od pondejka do nedeji. Od 0 do 24. I niki žnje ne gre vanka ni lačan ni žejan!“ I da smo samo to čuli, bilo bi dosti za celi zavičajni roman, a ne za ovu mićihnu pričicu od konob va našen Kostanje.

Poveda još pokla Željko da se je va nigovoj konobe rodila ideja za osnovat udrugu Belica i da se je fanj sastanak va njoj održalo. To je najboja domaća udruga z najbojemi rezultati i z najbo-jen vinon. Lepo je šnjimi poć na njihi sastanki i sjednice aš su saki put va drugoj konobe!

Ne delaju Kovačevi ki zna koliko hekti vina, ma količina nikada ni mjerilo kvaliteti, pak je boje manje ma dobro. Va bačvah, va posebnoj konobice po

strane je i malvazije, šardonea i, ča se razume samo po sebe, belice. Još je tu i nekoliko sorat črnega. Lepo je se to pokušat, ma i opasno, aš bi se fotografi-je pokla nekoliko žmuji bile mutne al nastran, a se od česa smo povedali bi se brzo pozabilo, ale zgubilo va alkohol-neh parah. Ono ča je dobro pul oveh gospodari, i pul seh oneh drugeh va Belice da delaju dobro vino, da ga vole i čuda popit, ma nikada se ne napiju, ale naleju i delaju kakovu barufu. Temu se reče da je to kultura pijenja. A prez kulturi i one osnovne, neće te niki tako lepo dočekat va svojoj konobe.

Ni lahko govorit od jene konobi ča je va njoj posebno, čuda spodobnega se na-

haja i va drugeh konobah, pul drugeh gospodari.

I Pletenci su postali mići, kvalitetan vinski centar. To se ne bi moglo bit da judi nis vezani za svoj kraj, za zemju, za ruže, za svoje starinske tradicije. Kad se to čovek ima, ni vino ne more bit ne-vajato.

A Kovačevi su stari gospodari, nisu zatrli ni svoju zanatsku tradiciju, ni

tradiciju čuvana, delana dobrega vina. I ni samo jedan Kovačev gospodar, leh su tri, a za ko leto će bit i četrti najm-

15

laji Dario, ki je samo za slikanje s nami nazdravjal, da nebi neki pomislel da mi otrokon davamo pit alkohol. Ma kakov alkohol! To je samo vino, jeno bojo od drugega. Vino z Kovačeve konobi, z kega diši domaća zemja, zvoni domaća beseda, a gostoprimstvo njiho je od 0 do 24. Saki dan. Branko Jani Kukurin

Dragi moji, storil san par koraki i arival va susešćinu. Šal san va onaj kraj sken nas povezuje Slavinj. No i uvde je ulica Slavinj ma nima niš z onen našen Slavinjon kega san prej opiševal. Da van jako ne duljin, šal san do Drnjević. To van je mesto na križanju puti od Zameta (Pilepići) prema Marinićen i od Svetega Križa spram Pehina (Hosti). Sadahna je tu i ulica Drnjevići no tako su ju urbanisti „smestili“da ju je teško i pronać. No na moju sreću ja san tu pronašal jedne drage jude, a to su Sonja i Radovan Ćiković, ki su mi povedeli o svojen meste. Ki još ni čul a morda i zakantal o Zametu? Moj Zametu rojeni, moj Zametu stari, ti si mane voljeni,moj Zametu… Ta kanconeta od seh deli velega Zameta spominje Drnjevići i umejki okolo, pa da van poveden neš o njimi. Po čemu su Drnjevići poznati? Poznati su po judeh ki su očuvali svoji koreni. Najme tu je 1922 osnovano društvo Zametski koren ko još vavek dura i dela kod trdi koren judi ovega kraja. Pedeseteh let pasanega vjeka pul Drnjević je živelo i živjenje trpelo

sedan familij. Od teh sedan pet ih je bilo Ćiković i dve su bile prezimena Srdoč. To su bili: Ćiković -Marčevi (Danijel)-Sonja, RadovanMarčevi (Frane)- starina (muto)Marčevi (Ludve) - PepićJovinovi( Josip) - RomanoFrankini (Lešandro) stari mladićSrdoč - Čapinovi (Frano) MarijanČapinovi (Žaneta) Zvane, IvankaEvo to su van dragi moji bile se familije ke su tu bivale dokle su još ceste bele bile i nisu korijere vozile.Vredni judi, su vrti obdelevali, bilo je ruž al trsi. Imeli su mićega blaga i o semu jako jako skrbeli. No tu je bilo i atrižani, trgovaci i službeniki ki su po Reke delevali. Tu jako blizu, moglo bi se reć da su kot jedna celina bili su i Mamići. Tu su bile tri familije Mamićeveh i to:Mamićev (Cvetko) Damir ĆikovićMamićev (Josip) MatejčićMamićeva (Marija) Danica LenacFamilija Lenac, Daničina mat, otac i sestre Ruža i Anđelka, bila je za vreme maškar glavni zabavljač mještani okolneh sel. Otac da je bil pravi orkestar.

Patentiral je bubanj da ga more na škine tuć a v ruke je zel armuniku i tako kantajuć i sopuć cela je družina seh okolo sebe veselila. Jako blizu, a zdola Mamićeveh živele su va svojeh kućah familije Ćiković a i to mićo naselje ovdašnji judi zovu Ćikovići.Tu su živeli: Zovarovi (Berto) Nevenko ĆikovićTu je bila oštarija z jogon va koj je bivala Marija „oštarica“, a bila je i kuća od Olge i Suzane Ćiković. Suzana je bila butigerica. Za sada dragi moji toliko od mane a po običaju evo i par stihi: Korenu Tujezačet,tujestoren, staridragiZametskikoren. Sataletažive,dela, ašjubavjejakovela. Meddvaratadvajsetdruge tanburejebiločut. Isadahnajošsečuju, nizamuknuldragizvuk. Zasopimo,zakantajmo! Jaćubarenkolikomoren. Zakantajmosložnoskupa dananživeZametskikoren! Mali Kosićev

DRNJEVIĆI