nakkutilliinermit nalunaarusiaq ulloq unnuarlu …/media/nanoq/files/attached... · 2020. 3. 6. ·...
TRANSCRIPT
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
1
NAKKUTILLIINERMIT NALUNAARUSIAQ
ULLOQ UNNUARLU PAAQQINNITTARFINNIK
NAKKUTILLIINEQ
PILLUGU: MEEQQANUT INUUSUTTUNULLU ULLOQ
UNNUARLU PAAQQINNITTARFIMMI PUILASUMI
NALUNAAQQAARLUNI NAKKUTILLIINEQ
FEBRUAARI 2018
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
2
Paaqqinniffiup taaguutaa: Najugaq: Oqarasuaat: Mail:
Puilasoq Iminnguaq 30, B-759, 3951 Qasigiannguit 539881/914663 [email protected]
Nakkutilliisut aqqi Sarah Risager aamma Helga Rask Jensen
Pisortap aamma pisortap tulliata aqqi Pisortaagallartoq: Iris Pedersen
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
3
Nakkutilliineq suliarineqarpoq Ulloq 9. - 12. februaari 2018
Nakkutilliinerup siulia ingerlanneqarpoq ulloq
Siornatigut nakkutilliisoqarnikuunngilaq
Nakkutilliinerup tunuliaqutaa Nakkutilliineq ingerlanneqarpoq kommunimi paaqqinnittarfik nutaaq pineqarmat aamma siusinnerusukkut nakkutilliisoqarnikuunngimmat.
Nalunaaqqaarluni/ nalunaaqqaarnani nakkutilliineq
Siumoorluni nalunaarutigineqarpoq
Suliap normua F2-mi Suliap normua 2018-2677
Nakkutilliineq aamma nakkutilliiartorneq pillugu
Nakkutilliineq ingerlanneqarpoq:
Nakkutilliinermi siunnersorti Sarah Risager Oqarasuaat: 34 50 10 e-mail: [email protected]
Nakkutilliinermi pisortaq Helga Rask Jensen Oqarasuaat: 34 66 43 e-mail: [email protected]
Nakkutilliiartorneq pivoq: Paaqqinnittarfimmi, Iminnguaq 30, Qasigiannguit
Nakkutilliiartornermi ingerlatseriaaseq aamma nalinginnaasumik malitseqartitsineq.
Nakkutilliinermik ingerlatsivik nakkutilliinermut nalunaarusiamut missingersuummik suliaqareeraangat, taanna paaqqinnittarfimmut tusarniaassutigalugu nassiunneqassaaq, imarisaanut naqqiissuteqarsinnaanissaq eqqarsaatigalugu. Nakkutilliinermut nalunaarusiamut missingersuutip tiguneraniit kingusinnerpaamik ullut 14 qaangiutsinnagit naqqiissutaasinnaasut Nakkutilliinermik ingerlatsivimmut nalunaarutigineqassapput. Tusarniaanerup taassuma kingorna Nakkutilliinermik ingerlatsiviup inaarutaasumik nalunaarusiaq naammassillugu suliarissavaat. Tamatuma kingorna ulloq unnuarlu paaqqinnittarfik immikkoortunut taakkartorneqartunut iliuusissamik pilersaarusiussaaq, nakkutilliinermillu nalunaarusiap tiguneranit qaammatit marluk qaangiutsinnagit taanna Nakkutilliinermik ingerlatsivimmut nassiunneqassaaq. Tamatuma kingorna Nakkutilliinermik ingerlatsiviup nalilissavaa nakkutilliinermit nalunaarusiami naqqiissutit iliuusissamut pilersaarutip imaanut ataqatigiinnersut. Taamaassimappat Nakkutilliinermik ingerlatsiviup nakkutilliinermit inaarutaasumik nalunaarusiaq nutsigassanngortissavaa, tamatumalu kingorna Isumaginninnermut Aqutsisoqarfimmut, paaqqinnittarfimmut, kommuninut paaqqinnittarfimmi meeqqanik inissisimasuutilinnut aamma Isumaginninnermut naalakkersuisumut nassiullugu. Nakkutilliinermik ingerlatsiviup nakkutilliiartornissaat tulliuttoq, iliuusissamik pilersaarummit aamma nakkutilliinermit nalunaarusiamik kingullerpaanik, kiisalu qanoq suleriuseqartoqarsimaneranik tunngaveqartuaannassaaq. Nakkutilliineq tulliuttoq nalinginnaasumik ukiup ataatsip qaangiunnerani pisassaaq, aamma/imaluunniit Nakkutilliisut nakkutilliinissamik pisariaqartitsisoqarneranik naliliinerisigut.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
4
Periaaseq nalunaarsukkanilu tunngavigisaq Paasissutissanik katersineq nakkutilliiartornerup sioqqunnerani, nalaani aamma kingorna pissaaq.
Nakkutilliisut naliliinerisa inernerivaa nakkutilliiartornerup siorna, nalaani aamma kingorna paasissutissanik assigiinngitsutigut katersisarneq, (ilaatigut pissutsit malitseqartariallit, siunnersuineq aamma ilitsersuinerit):
Atortut pigineqareersut atorlugit misissueqqissaarinerit
Nakkutiginninnerit
Ulloq unnuarlu paaqqinnittarfimmi aqutsisut peqatigalugit allagaatinik misissuineq
Oqaloqatigiinneq: Aqutsisut kiisalu sulisut oqaloqatigalugit
Oqaloqatigiinneq: Najugaqartunik oqaloqateqarneq
Oqaloqatigiinneq: Pisariaqarpat angajoqqaanik aamma suleqatigisanik oqaloqateqarneq Nakkutilliiartornermut matumunnga atatillugu nakkutilliisut naliliineri paasissutissanit makkuninnga tunngaveqarput:
Nakkutilliiartornertaa tassunga ilanngullugit pisortamik, sulisunik aamma najugaqartunik oqaloqatiginninneq
Qarasaasiatigut aamma tigussaasutigut atortunik misissueqqissaarneq soorlu sulisunut najoqqutassiaq, ileqqoreqqusat, malittarisassat, suleriaaseq il.il.
Nakkutilliinerup ingerlanneqarnera Nakkutilliinerup nalaani susoqarpa
Pisortaagallartumik ilisarititsilluni ataatsimeeqateqarneq
Illuutinik misissuillunilu takornariarneq
Allakkatigut paasissutissanik misissuineq
Pisortaagallartumik ingerlaavartumik oqaloqatiginninnerit
Najugaqartunik oqaloqateqarneq
Suleqataasut oqaloqatigineqarneri
Pisortaagallartumik inaarutaasumik ataatsimeeqateqarneq aamma eqikkaaneq
Nakkutilliiartornermi isiginiakkat
Nakkutilliiartornerup nalaani paaqqinnittarfimmut nutaajusumut tapersersuineq, siunnersuineq aamma ilitsersuussineq qitiutinneqarput.
Nakkutilliisoqatigiit piumasaqaataannut, siunnersuutaannut aamma ilitsersuussinerannut tunngaviusut
Siunnersuutinik aamma ilitsersuutinik tunniussisoqartarpoq, nakkutilliisoqatigiit naliliippata:
Ajornartorsiutit annikinnerusut naqqiissuteqarluni akuliunnerup ilungersunartunngorlutik ajornartorsiutinngornissaannut pinngitsoortinneqarsinnaappata/pinaveersaartitsisumik iliuuseqarnerugaangat
Piumasaqaatinik tunniussisoqartarpoq, nakkutilliisoqatigiit naliliippata:
Pissutsit malitseqartinneqassagaangata Peqqussut imaluunniit annertusisamik nakkutilliineq pillugu aalajangiisoqarsinnaavoq, nakkutilliisoqatigiit naliliippata:
Pissutsit ernumanartuuppata, immikkut iliuuseqarfigisariallit
Paaqqinnittarfik pillugu
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
5
Sullinniakkat, siunertaq, inissat amerlassusaat, najugaqartut amerlassusaat il.il.
Paaqqinnittarfiup ileqqoreqqusai malillugit, meeqqat artornartumik inooriaasillit 0-imiit 17 tikillugit ukiullit sullinniarneqarput. Paaqqinnittarfilli nammineq ilisimatitsivoq 5-17 tikillugit ukiullit sullinniarneqartut. Ileqqoreqqusani erseqqissaatigineqarpoq paaqqinnittarfik meeqqanik nalinginnaasumik ingerlalluartunik tigusaqartartoq aamma meeqqat katsorsarneqarnissaminnik pisariaqartitsisut imaluunniit nappaammik suussusersineqarsimallutik immikkut ilinniagaqarsimasunik pisariaqartitsisut pinnagit. Paaqqinnittarfiup siunertarivaa meeqqamut toqqissisimasumik aamma patajaatsumik najugaqartitsinissaq. Meeqqap nammineq iluaqutigisinnaasai aallaavigalugit tapersersorneqassaaq aamma pitsaasumik toraagaqarluni ineriartornissaminut ilitsersuunneqassaaq. Paaqqinnittarfimmi inissat arfineq pingasuupput. Massakkorpiaq qulingiluat najugaqartuupput, kisianni qulingiluartaat efterskolerpoq aamma illoqarfimmi angajoqqaarsiaqarpoq, weekendimi taakkunaniittarpoq. Massakkorpiaq najugaqartut nukarlersaat 5-inik, angajullersaallu 17-inik ukioqarpoq.
Sulisut amerlassusaat, ilinniakkatigut tunuliaqutaat il.il.
Sulisut katillutik 15-iupput: pisortaagallartoq 1, isumaginninnermi – peqqinnissamilu ikiortitut ilinniarsimasuuvoq. Perorsaasut 3 Sulisoq 1 perorsaasutut akissarsisinneqartarpoq, kisianni inuussutissarsiutigalugu paarsisartuusimavoq. Isumaginninnermi ikiortit 3 Taartaasartut aalajangersimasut 7, attuumassuteqartumik ilinniagaqarsimanngitsut Pisortaagallartoq allaffimmiumik, allaffissornikkut suliassat ilaannik isumaginnissinnaasumik, sulisoqalernissaminik kissaateqarpoq. Tamanna pillugu kommuni oqaloqatiginiarpaa. Tamatuma saniatigut assut neriuutigivaa pisortap tullissaanik nassaartoqarumaartoq. Siusinnerusukkut sulisut akornanni annertuunik ajornartorsiuteqartoqarsimavoq, taamaammat Pisortaasoq soraartitaavoq. Aallaqqaataaniit perorsaasut danskiusut 8 sulisorineqaraluarput. Piffissap sivikitsup ingerlanerani taamaatipput,
aamma nutaanik sulisunik pissarsinissaq assut ajornakusoorsimavoq. Pisortaagallartorli misigisimavoq
sulisoqarniarnikkut pissutsit eqqissinarsiartortut. Massakkut sulisut patajaatsuupput, pimoorussisuupput aamma
suliartunngitsoortarnerit il.il. ajornartorsiutaanngillat.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
6
Sammisaq: Paaqqinnittarfiup allattariarsortarnera
Katsorsaanermut pilersaarutinik aamma killiffiit pillugit nalunaarusianik suliaqarneq.
Apeqqummut paaqqinnittarfik katsorsaanermut pilersaarusiortoqartarnersoq, pisortaagallartoq akivoq iliuusissatut pilersaarutinik namminneq taasakkaminnik suliaqarneq aallartinneqarsimasoq, tassani suleqatigiit ataasiakkaat meeqqamut akisussaasut siunissami qaninnerusumi anguniakkanik immersuisarput.
Marlunngornerit tamaasa sulisut ataatsimiittarnerinut atatillugu taakkua anguniakkat oqaasertalersorneqartartut nakkutilliisut paasivaat, tassanilu meeqqat tamarmik ataasiakkaarlugit eqqartorneqartarput, meeqqamullu naatsunik, piviusunik anguniagassaliisoqartarpoq. Anguniakkat taakku ataatsimiinnermi imaqarniliamut allanneqartarput, imaqarnilianullu mappimut ilineqartarput. Katsorsaanermut pilersaarusianik piviusunik suliaqartoqarneq ajorpoq.
Aammattaaq paaqqinnittarfiup killiffia pillugu qaammatit tamaasa missikkaarlugit kommunimut nassiunneqartarpoq. Pisortaagallartup siunertarivaa killiffiit taakkua quppernerup ataatsip missaaniissasut, kisianni sulisut allattagaat naannerupput, tamannalu allanngortinniarlugu sulissutiginiarpaa.
Paaqqinnittarfiup najugaqartunut ataasiakkaanut anguniakkat pillugit tamatigut eqqartueqatigisarpai, taamaasilluni meeqqap nammineerluni naluneq ajorpaa suna sulissutigineqarnersoq.
Ullut tamaasa ataqatigiissumik aaqqissukkami Sumiiffimmi ullorsiutinut allataqartoqartarpoq. Ullorsiutini allaqqasut nakkutilliisunit misissorneqarput aamma naatsut piviusullu pineqarput, meeqqap ullup ingerlanerani sulerisimaneranut tunngasuunerullutik. Pisortaagallartup oqaatigaa sulisunut ingerlaavartumik erseqqissaatigisarlugu meeraq qanoq innersoq, sooq taamaannersoq, susoqarsimanersoq qanorlu meeqqamut sunniuteqarnersoq qanimut allaaserineqarnissaa pingaaruteqartoq. Meeqqap misigisimasaanik, misigissusiinik il.il. itinerusumik nalilersuinissap qanoq pingaaruteqartigineranik, ingammik sulisunut ilinniarsimanngitsunut, paasisitsissutigissallugu pisortaagallartup ajornakusoortippaa.
Nakkutilliisut naliliinerat
Nakkutilliisut naliliipput paaqqinnittarfiup allaganngorlugit atortut suliassai ersarissarneqarnissaat pisariaqartinneqartoq. Nakkutilliisut ilaatigut pisortaagallartumut siunnersuutigaat meeqqanut ataasiakkaanut anguniakkat taamaallaat sulisut ataatsimiinnerannut imaqarniliani allassimassanngitsut, kisiannili immikkut uppernarsaasiani meeqqanit ataasiakkaanit pigineqartuni allanneqarsimassasut. Uppernarsaat taanna iluaqutaalluni katsorsaanissamut pilersaarutaasinnaavoq. Pisortaagallartoq ilitsersuunneqarpoq immersugassaq taanna uupi.dk-mi aasinnaagaa. Pisortaagallartumut erseqqissaatigineqarpoq meeqqanut ikiorsiisarneq pillugu, inatsit § 48 naapertorlugu, paaqqinnittarfik meeqqanut tamanut katsorsaanissamut pilersaarutinik suliaqassalluni pisussaaffeqartoq. Ajunngilaq meeqqanut ataasiakkaanut ingerlaavartumik nalilerneqartartunik aamma
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
7
naleqqussarneqartartunik siunissami qanittumi anguniagassaliisoqartarnera, kisiannili inatsit malillugu paaqqinnittarfik ukiumut ataasiarluni taamaallaat katsorsaanissamut pilersaarutip malitseqartinneqarnissaanut pisussaaffeqarpoq. Siunissami qanittumi akulikitsunik malitseqartinneqartartussamik anguniagassaliisoqartarnera ingerlatiinnarniarunikku tamanna ajunngilaq, kisiannili katsorsaanissamut pilersaarut tamaat pinnagu anguniagassat kisiisa paaqqinnittarfimmiup nutartertarsinnaavai.
Nakkutilliisut naliliipput anguniakkanik oqaasertaliisarnermut meeqqat ilaatinneqartarnerat assut pitsaasuusoq, aamma tamanna siunissami ingerlatiinnassagaat.
Killiffimmik kommunimut allakkiortarneq atatillugu nakkutilliisut naliliipput meeqqanut ikiorsiisarneq pillugu inatsimmi § 49-mi allassimasut malillugit, paaqqinnittarfiup allatatigut suliassai oqilissasut taamaallaat ukiut affakkaarlugit killiffimmut immersugassaq ataasiinnaq immersorneqartarpat. Taamaaliornikkut allat amigaatigineqartut ukkataralugit atuutilersinnissaannut piffissakilliorfigisarsimasatik piffissaqarfigilissavaat.
Ullorsiutinut allattarnermut atatillugu nakkutilliisut pisortaq siunnersorsimavaat, meeqqap ullup ingerlanerani sulerisimanera taamaallaat allanneqartannginnissaa, qanoq pingaaruteqartigineranik erseqqissaalluni sulinini ingerlatiinnassagaa. Tamanna piviusunik assersuusiornikkut iliuuseqarfigineqarsinnaassaaq, soorlu qanoq annikitsigisumik aamma qanoq annertutigisumik ullorsiutinut allattoqarsinnaanersoq, taamaasilluni annikissusilerneqarsinnaammat annertussusilerneqarlunilu.
Pissutsit malitseqartariallit
Meeqqanut ataasiakkaanut ukiumut ataasiarluni katsorsaanissamut pilersaarusiortoqartassaaq
Ukiumut marloriarluni kommunimut killiffimmik allakkiortoqartassaaq.
Ullorsiutinut pitsaasunik qanoq allattoqassanersoq sulisut ingerlaavartumik ilitsersuunneqartassapput.
Sammisaq: Ilinniarneq sulinerlu
Najugaqartut atuarnerannut, ilinniagaqarnerannut aamma suliffeqarnerannut atatillugu piginnaasaminnik tamakkiisumik atuinissaannut ulloq unnuarlu paaqqinnittarfik qanoq annertutigisumik tapersersuisarnersoq sammisap qulaajassavaa
Paaqqinnittarfik najugaqartut suleqatigalugit najugaqartup atuarneranut, ilinniagaqarneranut, suliffeqarneranut
Ulluinnarni meeqqanut ersarissaatigineqartarpoq inersimasunngorluni imminut pilersorniaraanni ilinniagaqarnissaq qanoq pingaaruteqartiginersoq. Meeqqat itersarlugit atuariartortinneqarnissaat sulisunut annertuumik ajornartorsiutigineqarneq ajorpoq, aamma ualikkut meeqqat ilinniagassaminnik suliaqartarput. Suleqatigiit
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
8
imaluunniit najorteqarnissamut aamma sammisassaqartitsinermut neqeroorutinut atatillugu ataasiakkaanut piviusorsiortumik anguniagassaliornikkut tapersiisarpa?
Tamanna malitseqartinneqartarpa?
meeqqamut attaveqaataasut akisussaaffigaat qulakkiissallugu, atuarfimmiit allakkat angerlaassat saqqummissallugit, ilinniagassanillu suliaqarnissaq malinneqarlunilu eqqortinneqassasoq.
Niviarsiaqqat angajullersaat 17-inik ukiulik massakkorpiaq illoqarfimmi efterskolertoq kissaateqarsimavoq Danmarkimi aamma efterskolerusulluni. Isumassorneqarnerata sivitsornissaa eqqarsaatigalugu paaqqinnittarfik siunnersorneqarpoq piaartumik kommune suleqatigalugu pilersaarusiortoqassasoq, taamaasilluni ilaatigut ilinniagaqarnissamut suliffeqalernissamullu kissaatai atatillugu suliareqqinneqarsinnaalissammata.
Atuarnissamulli aamma ilinniagaqarnissamut atatillugu immikkut anguniagassaliortoqarneq ajorpoq.
Najugaqartut qassit ulluunerani neqeroorutiniittarpat, tunngaviusumik atuarfimmiittarpat, ilinniagaqarpat, sulisarpat, imaluunniit najorteqarnissamut aamma sammisassaqartitsinermut neqeroorutinik atuisuuppat?
Meeraq ataaseq meeqqerivimmiittarpoq. Puilasumi meeqqat sinneri meeqqat atuarfianni atuartuupput. Najugaqartut angajullersaat 17-inik ukiulik illoqarfiup efterskoliani atuartuuvoq.
Meeqqat/ inuusuttut ulluunerani neqeroorutinut, tunngaviusumik atuarfimmut, ilinniagaqarfimmut imaluunniit suliffimmut patajaallutik orniguttarpat?
Ataatsimut isigalugu atuarfimmut il.il. patajaatsumik orniguttoqartarpoq. Meeqqanili ataaseq atuariartornissaminik nuannarisaqanngilaq. Pisortap pasitsaateqqavaa ilinniagassatigut sanngiitsuusoq, atuarnissaminik nuannarisaqannginneranut tamanna nassuiaataasinnaavoq. Pisortap PPR-imi qulaajaavigineqarnissaa kissaatigivaa, atuaqatigiinni ikorfartorteqalersinnaanissaa aamma immikkut atuaqatigiinniileratarsinnaanera anguniarlugu.
Atuarfimmi atuaqatigiinnut ilinniartitsisup nukappiaqqat marluk ajornartorsiuteqarfigivai, aamma oqarsimavoq meeqqat angerlarsimaffianneersunik sullitaqarusunnani. Nukappiaqqat taakku marluk imminnut atasorujussuupput. Pitsaallutik inussiarnisaarlutillu aamma akerlilersuinatik atuariartorsinnaasarput, kisiannili atuarfiup tungaanukartillutik atuariartorusunnatik aalajangersinnaasarput. Taamatut pisoqartillugu atuarfik paaqqinnittarfimmut sianertarpoq oqaatigalugulu apuussimanngitsut, taava sulisut anisarput ujarlugillu. Piffissaqartarpoq ajunngitsumik ingerlasunik, tassani nukappiaqqat ajornartorsiutiginagu ilinniartitsinermut malinnaasarlutik, aammali piffissaqartarpoq ajortumik ingerlasunik, tassani annertuumik atuanngitsoortarput. Ajunngitsulli annertunerupput. Nukappiaqqat ajunngitsumik ingerlagaangata imaluunniit atuariartorusunnatik ajortumik ingerlagaangata ataqatigiinnermik sulisut takunnissinnaaneq ajorput.
Meeqqat sinnerisa atuarnertik nuannarivaat. Paaqqinnittarfimmi ullut tamaasa nal. 15.30 - 16.30 ilinniagassalerisoqartarpoq (nipaarsaarfik).
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
9
Nakkutilliisut naliliinerat
Nakkutilliisut naliliipput meeqqat ataasiakkaat atuartarnerannut atatillugu immikkut anguniagassanik pisariaqartitsisoqartoq.
Ilinniagaqarneq aamma suliffeqarneq tassunga ilanngullugu meeqqat atuarfianni atuarneq uupi.gl-imi katsorsaanissamut pilersaarummi immikkoortortaapput, aamma taassuma atorneratigut paaqqinnittarfik sammisaq taanna pillugu ingerlaannaq ingerlaqqissaaq. Ingammik pingaaruteqarpoq atuartumut/ -nut piffissap ingerlanerani atuarfimmi nuanniilliornermik misigisaqartartumut/ -nut imaluunniit atuanngitsoortartunut anguniagassaliornissaq.
Pissutsit malitseqartariallit Atuarnermut atatillugu meeqqanut ataasiakkaanut immikkut anguniagassaliortoqassaaq
Niviarsiaqqamut 17-inik ukiulimmut, massakkorpiaq efterskolertup, isumassorneqarnerata sivitsorneqarnissaa pillugu qulaajaasoqarnissaanut kommuni attavigineqassaaq.
Sammisaq: Namminiissuseq aamma attuumassuteqarfiit
Najugaqartut inoqatinut attuumassuteqarnissamut piginnaasatigut aamma nammineernissamik angusaqarnissamut ulloq unnuarlu paaqqinnittarfiup nakussassartarnerai sammisap qulaajassavaa
Inoqatinut attuumassuteqarnissamut piginnaasatigut aamma sapinngisamik nammineerluni inuuneqarnissamut najugaqartut ineriartortitsinissaat tapersersorniarlugu ulloq unnuarlu paaqqinnittarfik najugaqartut suleqatigalugit ataasiakkaanut piviusunik anguniagassaliortarpa?
Tamanna malitseqartinneqartarpa?
Paaqqinnittarfik meeqqat nuannersunik misigisaqartinniarlugit annertuumik iliuuseqartarpoq. Meeqqat taamaallaat
paaqqinnittarfimmiinnginnissaat qulakkeerniarlugu pinngortitami illoqarfimmilu angalaarnerit amerlasuut
aaqqissuunneqartarput. Timimik atuilluni aamma isumassarsiorluni sammisaqartitsinerit ukkatarineqarput.
Aammattaaq pisortaagallartup sulissutiginiarpaa Danmarkimiit meeqqanik paarlaatseqatigiittarnissaq pillugu
isumaqatigiissusiornissaq, aamma pilersaarutaavoq Kalaallit Nunaanni aamma Danmarkimi imminnut
tikeraarnissaat.
Paaqqinnittarfimmi pisussaaffinnut tunngatillugu meeqqat mikinerit atisatik errortittarpaat, meeqqalli anginerit
errortassatik namminneq isumagisartussaavaat.
Meeqqat tamarmik namminneq oqorutimik puuinik taarsiisarput aamma torersaasarput, aamma tallimanngornerit
tamaasa iniminni eqqiaasarput, kisianni ikiorneqarnissaminnik pisariaqartitsisut sulisunit ikiorneqarsinnaapput.
Qulaani allassimasut saniatigut meeqqat allanik pisussaaffeqanngillat.
Kaasarfimmiussanut tunngatillugu ajornartorsiuteqartoqarpoq, kommunip avissaartinneqarneranut atatillugu 2017-
imi kaasarfimmiussanik annertunerusumik tunniussisoqarsimanngilaq aamma 2018-imi tunniussisoqanngivippoq.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
10
Taamaallaat nukappiaraq ataaseq kommunimiit kaasarfimmiussaminik tunineqartarpoq, taassuma meeqqallu allat
akornanni aaqqiagiinnginnissaq pinaveersaartinniarlugu aningaasaatai toqqaannartumik kontuanut ikineqartarput.
Tallimanngornikkut paaqqinnittarfiup isumagisarpaa mamakujuttunik il.il. pisinissaq, meeqqat
kaasarfimmiussaminnik amigaateqarnertik annertuumik misiginnginniassammassuk. Paaqqinnittarfiup aamma
qitiutittarpaa meeqqat missingersuusiornermik aamma kaasarfimmiuminnik isumaginnittarnissaannik
ilinniartinneqarnissaat.
Paaqqinnittarfiup meeqqanut kaammattuutigisarpaa paaqqinnittarfiup avataani pinnguaqatissaminnik
kammalaateqaqqullugit. Ikinngutigisap angajoqqaavinik isumaqatigiissuteqarfigereernerisa kingorna atuareernerup
kingorna meeqqanik marlunnik pulaartoqarsinnaatitaapput aamma sapaatip akunnerata naanerani meeqqat
ikinngutaat nereqataasinnaapput. Inuuissiortoqaraangat illoqarfimmi allagarsiisoqartarpoq kaffisoriartornissamut
kikkunnut tamanut qaaqqusissummik, aamma nalinginnaavoq inuit illoqarfimmiit peqataasarnerat.
Aammattaaq paaqqinnittarfiup misigisimavaa illoqarfimmi utoqqaqartoq aperisimasunik meeqqat ilaginiarlugit
pulaarsinnaanerlutik. Pisortaagallartup neriuutigilluarpaa tamanna iluatsissinnaassasoq, tamannami meeqqanut
nuannissaqimmat.
Meeqqap inoqatinut attuumassuteqarnissamut aamma sapinngisaq malillugu namminerisamik inuuneqarnissamut
piginnaasaanut atatillugu immikkut anguniagassaliortoqartanngilaq.
Sulisoq ataaseq ilisimatitsivoq siunnersuutigisimallugu meeqqat ataasiakkaarlugit sapaatip akunneranut ataasiarluni
atugarissaarnermut tunngasunik oqaloqatigineqartassasut, kisianni tamanna sulissutigeqqinneqarsimagunanngilaq.
Najugaqartut inuiaqatigiinni avatangiiserisani sammisassaqartitsinernut ilaasarpaat?
Meeqqat illoqarfiup sunngiffimmi ornittagaataani, inuusuit ornittagaanni aamma timersuutinik assigiinngitsunik sammisassaqartitsivianukaasarput, soorlu badminton, isikkamik arsarneq, taekwondo sisoraatinik arpanneq il.il.
Tamarmik, taamaallaat meeraq ataaseq minillugu, sunngiffimmi sammisassaqartitsivinnukartarput. Aammattaaq meeqqat illoqarfimmiit meeqqanik allanik ilaqartarput, pinnguarnissamik isumaqatigiissuteqartarlutik il.il.
Najugaqartut kissaatigisatik pisariaqartitsinertillu aallaavigalugit
Sullissisoq najorteqarsinnaanermut isumaqatigiissusiortarpoq. Isumaqatigiissutit kommunip iliuusissatut
pilersaarutaataani imaluunniit pisortap allaffiani meeqqat mappianni atuarneqarsinnaasarput. Kisiannili
najorteqarnissamut isumaqatigiissutit sulisuinnarnit takuneqarsinnaaneq ajorput.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
11
ulluinnarni ilaquttaminnik attaveqaatiminnillu attaveqartarpat aamma najorteqartarpat?
Ullut tamaasa meeqqat angajoqqaaminnut pisariaqartitsissagunik sianersinnaapput. Meeraq sianeraangat
inersimasoq ilaajuaannarpoq, kisianni tusaaqataaneq ajorpoq. Aamma angajoqqaat namminneq paaqqinnittarfimmut
sianersinnaapput, kisianni tamanna qaqutigoortuuvoq.
Meeqqat Qaanaamit, Upernavimmit, Kangaatsiamit aamma Qasigiannguanit aggersuupput. Pisortaagallartoq
ilisimatitsivoq meeqqat Qasigiannguaneersut angajoqqaavisa qanippallaarnerat ajornartorsiutaasinnaasoq, tamanna
naapertuutinngitsumik taakkununnga sunniisinnaavoq. Ajornartorsiut taanna pinngitsoortinniarlugu paaqqinnittarfiup
iluarnerutippaa najugaqartut illoqarfinnit allaneersuuppata.
Ilaqutariinnut illut marlussuit paaqqinnittarfiup aaqqissorlugit aallartinnikuuai, angajoqqaat/ilaqutariit meeqqanut
tikeraaraangamik tassaniissinnaapput. Taamaasillutik najorteqartitsinermut atatillugu toqqissisimasumik
isumannaannerusumillu atugassaqartitsisinnaapput aamma angajoqqaat sulisunit tapersersorneqarsinnaallutik
ilitsersorneqarsinnaallutillu. Illut pingasuupput, kisianni taakkunannga ataaseq massakkorpiaq sulisunut
utaqqiisaasumik najugaqarfigineqarpoq.
Paaqqinnittarfiup aamma qitiutippaa meeqqat qatanngutiminnik attaveqartarnissaat. Soorlu nukappiaraq ataaseq
Uummannameeqqammerpoq qatanngutini marluk meeqqat angerlarsimaffiannut inissinneqarsimasut tikeraarlugit.
Paaqqinnittarfik sapinngisaq malillugu angajoqqaanut, aataakkunnut qatanngutinullu attaveqartarnernik
ineriartortitsivoq, kisianni ilaquttanik qanigivallaanngisanik isumaqatigiissusiortoqarneq ajorpoq, misiginikuugamikku
ilaquttat qanigivallaanngisat paaqqinnittarfimmut takkuttarnerat, tamannalu eqqissiviilliortitsinermik
toqqissisimannginnermillu pilersitsisarmat.
Meeqqat aamma/imaluunniit inuusuttut inersimasumik imaluunniit inersimasunik inuunerminnut pitsaasumik sunniuteqartitsisinnaasumik sunik tamanik oqaloqatigisinnaasaminnik attaveqartarpat?
Meeqqanut toqqissisimatitsinissaq annertuumik sulissutigineqartarpoq aamma meeqqat ataasiakkaat sulisunik
attaveqaateqartinneqarput, taakku meeqqap ulluinnarni inuunermini attavigisartagai.
Nakkutilliisut naliliinerat
Meeqqat inuunerminni ineriartornartunik aamma pitsaasunik misigisaqarnissaannik paaqqinnittarfik naleqquttumik
qitiutitsisoq nakkutilliisut naliliipput. Sunngiffimmi sammisassaqartitsivinnukartarneq aamma ikinngutinik
pulaartoqartarneq qulakkeerinninnerusutut nalilerneqarpoq, meeqqanut ikiorsiisarneq pillugu inatsimmi
siunertarineqartoq naapertorlugu sapinngisaq malillugu meeqqat nalinginnaasumik inuuneqartinneqarnissaannut.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
12
Aammattaaq meeqqat angajoqqaanut qatanngutinullu attaveqarnerisa aalajangiusimaneqarnissaannut
paaqqinnittarfik annertuumik tapersersuisarpoq, tamanna aamma pitsaasutut nalilerneqarpoq.
Imminut ikiorsinnaassutsip aamma nammineersinnaassutsip sapinngisaq malillugu annertusarneqarnissaa
qulakkeerniarlugu, paaqqinnittarfik meeqqanut Puilasumi najugalinnut iluaqutigineqartussanngorlugu
amerlanerusunik pisussaaffiliisinnaavoq. Assersuutigalugu meeqqat nerisassiornermut, erruinermut,
ataatsimoortarfinnik eqqiaanermut, eqqaavimmik anillaassinermut il.il. peqataatillugit. Taamaasiornikkut meeqqat
akuutinneqassapput aamma ataatsimoorsinnaassusaannik attuumassuteqarnermillu ineriartortitsinerannik
tapersersorneqarnissaannut periarfissiisoqarluni.
Pissutsit malitseqartariallit Sammisamut tassunga inassuteqaatinik tunniussisoqanngilaq
Sammisaq: Sullinniakkat, periaatsit angusallu
Ersarissumik sullinniakkanik allaaserinninneq aallaavigalugu, aaqqissuulluagaasumik periaatsinut suliamullu atasumik aamma najugaqartunut pitsaasunik kinguneqartitsisumik, sammisap ulloq unnuarlu paaqqinnittarfik suleriaaseqarnersoq qulaajassavaa.
Paaqqinnittarfiup anguniagaanut aamma
sullinniagaanut atatillugu
attuumassuteqartumik neqeroorummik,
periaatsinut suliamullu atasumik
suleriaatsimik atuiva?
Pissutsit malillugit perorsaariaatsikkut periaaseq allanngorartoq pisortaq ilisimatitsivoq. Kisianni periaatsinut
atuakkatigut toqqammavigisaqartoqanngilaq.
Sapaatip akunneranut sulisut marlunngornikkut ataatsimiittarneranni najugaqartut tamarmik sulisoqatigiinnit
tulleriiaarneqartarput, aamma unamminarsinnaasut assigiinngitsut qanoq iliuuseqarfigineqarnissaat ataatsimoorluni
eqqartuiffigineqartarput. Taamaaliornikkut sulisut ataatsimoorussamik suleriaaseqarnissaat, tamanillu naluneqarnani
sooq aamma qanoq sulisoqassanersoq qulakkeerneqassaaq. Sulisut tamarmik tusarneqartarput, meeqqamullu
ulluinnarni sullittakkamut ilanngunneqartarlutik. Meeqqat ataasiakkaat anguniagassaat ataatsimiinnermi
aalajangerneqartarput, tamannalu anguneqaraangat nutaamik anguniagassaliortoqartarpoq. Anguniagassat
ataasiakkaarneqartarput, amerlavallaat ataatsikkut pineqaraangata meeqqanut annertuallaartarnerat
misiginikuugamikku. Meeqqanut anguniagassanik nutaanik pilersitsisoqassatillugu tamatigut meeqqat
peqataatinneqartarput.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
13
Sulisut nakkutilliisunit oqaloqatigineqartut ilisimatitsipput meeqqap iserterneraniit killiliisoqarlunilu
maleruagassaliisoqartartoq, aamma meeqqap ataqqineqarnerminik misigisimanissaa annertuumik
sulissutigineqartartoq, inuunerminilu nammineq killiliisinnaanissamik ilinniartinneqartartoq, kisiannili
aalajangersimasunik periaaseqartoqanngitsoq. Aammattaaq sulisut ilisimatitsipput ulluinnarni perorsaanikkut
suliaqarnermi siunersiuisinnaanissaq amigaatigineqarsinnaasartoq.
Ullut tamaasa nal. 14.30-miit sulisut nikittarput, tamanna ulluinnarni sulinermi assigiimmik suleriaaseqarnissamut
pissutaaqataavoq.
Ulloq unnuarlu paaqqinnittarfik
ingerlaavartumik nammineq
ilinniagaqarnermut aamma suliamik
pitsanngortitsinissamut atorneqartussanik,
najugaqartunut anguniakkat piviusut
ersarissullu aallaavigalugit inernernik
uppernarsaasiortarpa?
Pisortaq ilisimatitsivoq meeqqanut ataasiakkaanut perorsaanikkut suliaqarnermut atatillugu ingerlaavartumik
naliliisoqartartoq suna pitsaasuunersoq sunalu pitsaasuunnginnersoq. Tamannali allaganngortinneqarneq ajorpoq,
imaluunniit allatut uppernarsaaserneqarnani.
Killiffimmut allakkiat naatsut qaammammut missikkaarlugit ataasiarluni sullissisunut nassiunneqartartut,
perorsaanikkut piviusunik sulianik ilaqanngillat aamma perorsaanikkut periaatsinik isummersuutinillu
allaaserinninngillat.
Kommunip innersuussisup najugaqartut
najugaqarneranni anguniagaanik
naammassinninnissamut atatillugu
neqeroorut inernernik pitsaasunik
angusiffiusarpa?
Najugaqartunut tamanut kommunimi iliuusissatut pilersaaruteqarpoq. Paaqqinnittarfiup nalunngilaa suliassartik
tassaasoq, iliuusissatut pilersaarut taanna ingerlateqqissallugu.
Pisortap misigisarpaa kommunimi iliuusissatut pilersaarutit aallaavigalugit sulisoqarsinnaasoq, aamma
anguniagassat taakkunani allaaserineqarsimasut naammassissallugit piviusorsiortuusoq.
Innuttaasunut anguniakkat anguneqarnissaat tapersersorniarlugu ulloq unnuarlu paaqqinnittarfik avataaneersunik ingerlataqartunik attuumassutilinnik suleqateqartarpa?
Peqqissaasunik suleqateqarneq ingerlalluarpoq, taakku ukiup ataatsip missaa qaangiukkaangat illoqarfimmut
tikittarput, meeqqallu kingullermik tikeraarnermit kingorna paaqqinnittarfimmut nuussimasut misissortarpaat.
Paaqqinnittarfik meeqqamik sakkortuumik aallaamasartumik imaluunniit imminut ajoquserniartartumik
ajornartorsiuteqaruni illoqarfiup napparsimmavianut attaveqarsinnaavoq, taava peqqissaasumik meeqqamik
oqaloqatiginnissinnaasumik takkuttoqartarpoq. Ajornartorsiutit annertugaangata peqqissaasoq suleqatigalugu
naliliisoqartarpoq meeraq misissuiffigineqarnissaminut unitsinneqassanersoq.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
14
Aammattaaq atuarfik pitsaasumik suleqatigineqartarpoq, meeqqat atuarfimmut takkussimanngippata imaluunniit
angerlamut apuussimanngippata, sianeqatigiittarnissaq pillugu aalajangersimasumik isumaqatigiissuteqarput.
Tamanna aamma ornittakkamut atuuppoq.
Aamma politiit pitsaasumik suleqatigineqartarput. Kisiannili misigisimavaat meeqqat marlussuit qaqqamukarmata
ernumassuteqarnermut atatillugu iliuuseqartoqarsimanngitsoq, taamaammallu qatserisartunut
attaveqartariaqarsimallutik. Meeqqat ulloq unnuarlu paaqqinnittarfimmi najugaqartuusut nassaarineqarnissaannut,
suliani taamak ittuni kina akisussaanersoq nalornisitsisinnaavoq.
Katersugaasivik suleqatigalugu aasakkut ataatsimut sammisassaqartitsisoqartarpoq, tassani meeqqat unnukkut
ornigullutik sanalutsinneqartarput.
Aamma kommuni suleqatigineqartarpoq, kisianni sulisut ilaannik pissarsiniarneq ajornarsinnaasarpoq, ingammik
ulluni makkunani.
Nakkutilliisut naliliinerat
Nakkutilliisut naliliipput sapaatip akunneranut marlunngornerni ataatsimiittarnerni meeqqat tamarmik tulleriiaarlugit
sammineqartarnerat assut pitsaasuusoq. Tamanna sulisut ataatsimoorussamik suleriaaseqarnissaannik
pilersitseqataavoq, aamma meeqqat atugarissaarnerat pillugu ilisimasat sulisut tamarmiusut akornanni
avitseqatigiissutigineqartarput. Ingerlaavartumik meeqqanut nutaanik anguniassaliortoqartarnerata kingunerisaanik
meeqqap ineriartornera annertuumik qitiutinneqarpoq. Aammattaaq meeqqap ataqqineqarnerminik
misigisimanissaa aamma killiliinissaminik ilinniartinneqarnissaa sulisunit qitiutinneqarmat pitsaasuuvoq, ingammik
meeqqat sumiginnarneqarsimasut pineqartillugit, Puilasumitulli ulloq unnuarlu paaqqinnittarfimmiittut pineqartillugit.
Perorsaanikkulli suliaqarnermik ineriartortitsinermut suliamut aamma periaatsinut atatillugu paaqqinnittarfiup
aaqqissuulluakkamik suliaqarnissaa pingaaruteqarpoq. Perorsaaviusumik avatangiisinik pilersitsisoqassaaq, tassani
periaatsit iluaqutigisat aamma periaatsit iluaqutigineqanngitsut piviusumik misissorneqassapput
uppernarsaaserneqarlutillu, taamaasilluni paaqqinnittarfiup tamatigut nalussanngilaa ulluinnarni perorsaanikkut
suliaqarnerminni sooq taamak iliortarnerlutik. Paaqqinnittarfik siusinnerusukkut perorsaasunik amigaateqarsimavoq,
kisianni kingullertigut sulisunik ilinniarsimasunik arlalinnik sulisoqalernikuuvoq, aamma tamanna paaqqinnittarfiup
ingerlaannaq atorluartariaqarpaa. Perorsaanikkut suliamut aamma periaatsinut atatillugu annertunerusumik
qitiutitsinerup aamma taakkununnga uppernarsaasiinerup paaqqinnittarfimmut meeqqat ataasiakkaat
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
15
ineriartornerannik allaaserinninnissaq ajornannginnerulersissavaa, taamaasillugulu kommunip iliuusissatut
pilersaarutaanut atatillugu meeqqanik inissinneqarsimasunik sulinertik iluatsissimasoq toqqammavilersorsinnaallugu,
kisianni aamma killiffimmik kommunimut allakkiornermut aamma katsorsaanissamut pilersaarutinut atatillugu.
Pissutsit malitseqartariallit
Paaqqinnittarfik perorsaanikkut piviusunik suleriaaseqassaaq aamma periaaseqassaaq
Suna atorsinnaanersoq aamma suna atorsinnaannginnersoq ingerlaavartumik naliliisoqartassaaq
Paaqqinnittarfik maannamut sanilliullugu perorsaasut ilinniarsimasut ilisimasaannik annertunerusumik atuissaaq
Sammisaq: Peqqissuseq aamma atugarissaarneq
Sammisap qulaajassavaa ulloq unnuarlu paaqqinnittarfik, najugaqartut namminneq aalajangiisinnaanerannut aamma aalajangeeqataasinnaanerannut, qanoq
annertutigisumik tapersersuisarnersoq, ulloq unnuarlu paaqqinnittarfik najugaqartut timikkut eqqarsartaatsikkullu peqqissusaannut qanoq annertutigisumik
tapersersuisarnersoq aamma ulloq unnuarlu paaqqinnittarfik pissaanermik, nakuusernermik aamma naapertuilluanngitsuliornermik qanoq annertutigisumik
pinaveersaartitsisarnersoq.
Najugaqartut tusaaneqartarpat,
ataqqineqarpat aamma akuerineqarpat?
Paaqqinnittarfiup meeqqat ataasiakkaat pisariaqartitaasa takuneqarnissaat aamma akuerineqarnissaat annertuumik
qitiutippaa. Sapaatit tamaasa meeqqat ataatsimiitinneqartarput, tassani meeqqat oqariartuutaat sapinngisaq
malillugu piviusunngortinneqartarput.
Najugaqartut imminnut tunngassuteqartunut
aalajangiinernut aamma kissaatigisatik
pisariaqartitatillu naapertorlugit ulluinnarni
paaqqinnittarfimmi akuutinneqartarpat
aamma sunneeqataasarpat?
Paaqqinnittarfiup nerisassanut pilersaarutaanut meeqqat aalajangeeqataasarput. Meeqqat ataatsimiinneranni
siunnersuuteqarsinnaapput imaluunniit toqqaannaq iggavimmi ningiumukarlutik. Meeqqat inimik
aaqqissuunneqarnerannut aamma sunngiffimmi sammisassaqartitsinernut aamma ullup ingerlanerani
sammisassaqartitsinernut sorlernut peqataarusunnerlutik aalajangeeqataasarput. Nakkutilliisut tikeraartillugit
sisorarfissiortoqarpoq, tassani meeqqat atisalersornertik aamma ualikkut anaalerinerup naammassinerata kingorna
pinnguaatit sorliit pinnguaatigissanerlugit namminneq aalajangersimavaat.
Neqeroorut najugaqartunit
nuannerineqarpa?
Nakkutilliisut najugaqartunik tallimanik oqaloqateqarput. Oqaatigivaat ataatsimut isigalugu meeqqat
angerlarsimaffianni najugaqarneq nuannaralugu. Toqqissisimapput, nuannersunik ikinnguteqarput aamma sulisut
nuannarivaat. Ataasiakkaalli oqaluttuarput nuannarivallaanngisaminnik sulisoqartoq, nerisassaqartoq
mamarinngisaminnik il.il.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
16
Najugaqartut ulloq unnuarlu paaqqinnittarfiup
tapersersugaanik peqqinnissakkut
ikiorsiinernut attuumassuteqartumik
isersinnaatitaappat?
Siusinnerusukkut allaaserisat malillugit illoqarfiup napparsimmavia attavigineqartarpoq, aamma meeqqerisumut,
peqqissaasumut nakorsanullu attaveqartoqarsinnaavoq. Aammattaaq illoqarfimmi kigutinut nakorsaqarpoq.
Meeqqanik nutaanik paaqqinnittarfimmut tikittoqaraangat suleriaaseq malillugu ingerlaannaq kigutit nakorsaat
attavigineqartarpoq, taamaasilluni ataqatigiissillugu aaqqissuussaasumut meeraq nalunaarsorneqarsinnaaqqullugu.
Ulloq unnuarlu paaqqinnittarfiup najugaqartut
timikkut eqqarsartaatsikkullu
peqqissusaannik ilisimasaqarnera aamma
suliniuteqarnera innuttaasut
pisariaqartitaannut naapertuuppa?
Meeqqat kigutimi paarinissaannut ilikkarnissaat aamma pitsaasumik eqqiluisaarnissaat qulakkeerneqassasoq
sulisunit qitiutinneqarpoq. Meeqqat eqqarsartaatsimikkut peqqissuunissaannut atatillugu sulisunit annertuumik
eqqumaffigineqarpoq, meeqqat isumassuinermik aamma toqqissisimanermik pisariaqartitaannik tunineqarnissaat
aamma pakkussineq, eqitaarineq najuulluni qanilaarneq annertuumik qitiutinneqarpoq.
Meeqqanili ataaseq sumiginnagaasimasuuvoq aamma ima sakkortutigisumik avammut qisuariaateqartigisarluni
allaat paaqqinnittarfimmut sullikkuminaassinnaalluni. Nakkutilliisut tikinnissaat sioqqutilaarlugu meeqqat ilaat
ataaseq niviarsiaq toqqusasseqqasimavaa, tamanna sulisunut ingammillu meeqqamut pinerlineqartumut
toqqissisimananngilaq. Taamaattumik nukappiaqqap paaqqinnittarfimmut allamut eqqortumik
katsorsarneqarfigisinnaasaminut nuutsinneqarnissaa sulissutigivaat, kisianni misigisimavaat kommunip
oqaloqatiginiarnera assut ajornakusoortoq.
Pissaanermik atuinerup sapinngisamik
pinaveersaartinneqarnera ulloq unnuarlu
paaqqinnittarfiup suliaqarneranut
tapersersuiva?
Paaqqinnittarfiup pilersinneqarnerata kingorna aallaqqaataani pissaanermik atuinerit amerlasoorpassuupput,
kisianni kingullertigut pitsaanerujussuanngoqqavoq. Periuseq imaappoq, sulisoq taanna pissaanermik atuinermi
peqataasimasoq immersugassiamut allassasoq taava pisortaagallartumit taanna atuarneqariarluni
atsiorneqassasoq, immersugassiaq qarasaasiatigut uupi.gl-mut nassiunneqartinnagu.
Sulisunit qitiutinneqarpoq aporaaffiusinnaasunik pisoqartillugu meeqqat nakkutigineqarnissaat aamma annertuumik
oqaloqatigineqarnissaat, sapinngisaq malillugu pissaanermik atuinermik atuisoqarnissaa pinaveersaartinniarlugu.
Sulisoqarpoq oqartunik nalornissutigisarlugu qanoq pisoqaraangat pissaanermik atuinerusarnersoq, taakkununnga
ilaalluni pisortaagallartoq. Taamaattumik siunnersorneqarput kommuniluunniit suleqatigalugu, pissaanermik
atuinermi malittarisassanik annertunerusumik ilinniartinneqassasut.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
17
Ulloq unnuarlu paaqqinnittarfik pissaanermik
atuinernik uppernarsaasiilluni
isumaginnissinnaava, taakkulu
malitseqartillugit ingerlaavartumik
ilinniagaqarnissaq aamma sullissinermik
pitsanngorsartitsinissaq siunertaralugu?
Periuseq nalinginnaasoq tassaavoq pissaanermik atuereernerup kingornatigut qanoq pisoqarsimaneranik
eqqartuiffigineqartarmat, sulisup oqaluttuarnissaanut periarfissinniarlugu aamma sulisunut allanut pisimasoq
ilinniutaaniassammat.
Imaalluarsinnaavoq sulisut arlallit pissaanermik atuineq suusarnersoq nalornissutiginerisigut pissaanermik
atuisoqartarsimassasoq, taakkualu uppernarsaaserneqarsimanatillu malitseqartinneqanngitsut.
Paaqqinnittarfimmi
nakuusertoqartannginnera imaluunniit
pinerliisoqartannginnera ulloq unnuarlu
paaqqinnittarfiup perorsaanikkut
suliaqarneranut tapersiisinnaava?
Sulisut ataasiakkaat sumik sulisinnaanera qitiutinneqarpoq, aamma tamanna aallaavigalugu suliassanik
aaqqissuisoqartarpoq, tamanna ajornartorsiutinik ikinnerulersitseqataavoq.
Taamaattorli malittarisassat arlallit immersorneqarnissaat amigaataavoq, taakku nakuusernermik aamma
pinerliinermik pinaveersaartitseqataasinnaapput. Tamanna pisortaagallartumut ilisimatitsissutigineqarpoq.
Meeqqanik pinerliisimannginnermut uppernarsaatit piniarneqartarnissaat paaqqinnittarfiup annertuumik
eqqumaffigivaa, aamma ukiut tamaasa piniaqqinneqartarnissaanut periusissaq aallarnisarneqarsimavoq.
Tamatuma saniatigut meeraq pinnguaqatigisartakkaminik angerlaqateqaraangat, pinnguaqatigisartakkanilu
meeqqap inaaneeqqusaannginneranik malittarisassaqarpoq. Perorsaanikkut suliaqarnerup saniatigut, aamma
paaqqinnittarfimmi nakuusertoqannginnissaanut pinerliisoqannginnissaanullu tamanna taperseeqataasuuvoq.
Nakkutilliisut naliliinerat
Najugaqartut namminneq aalajangiisinnaanerannik aamma aalajangeeqataasinnaanerannik paaqqinnittarfik
tapersersuiniarluni pitsaasumik aamma naleqquttumik qitiutitsisoq nakkutilliisut naliliipput. Aammattaaq
nakkutilliisunut ersarippoq sisorarfissiorluni nalliuttorsiornermi meeqqat kissaatigisaat soqutigisaallu aallaavigalugit
aaqqissuunneqarsimasoq, aammalu aaqqissuussaq taakku piumasaat malillugit ingerlanneqarsimasoq.
Najugaqartut timikkut eqqarsartaatsikkullu peqqissusaat isumagineqarluartoq nakkutilliisut naliliipput.
Peqqinnissaqarfimmut pitsaasumik suleqatigiinneq pilersinneqarsimavoq, aamma paaqqinnittarfik meeqqat
timimikkut peqqissuunissaannik annertuumik qitiutitsivoq. Eqqarsartaatsikkut peqqissuunermut atatillugu
paaqqinnittarfimmi sulisut assut pikkoriffigivaat timikkut isumassuinermik aamma qanilaarnermik tunniussinissaq.
Pakkussineq aamma eqitaarineq inissaqartinneqarpoq, aamma nakkutilliisunit takuneqarpoq meeqqat arlallit
toqqissisimallutik sulisunit tasiortittut, sarliartittut il.il. Takorloorneqarsinnaavorli perorsaanikkut periaatsinik aamma
isumasiuinernik qitiutitsinerup amigaataanera, ingammik meeqqat annertuumik sumiginnagaasimasut
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
18
qanilaarnermik aamma toqqissisimanermik pisariaqartitaannik isumaginninnissamut
ajornartorsiortitsisinnaalersarmat, taakkuami sulisunut qisuariaateqarsinnaasarmata, taamatullu ilinniarsimasatigut
aamma akuerinnittumik toqqammaveqarnissaq ajornarsisinnaasarluni.
Pisumut piviusumut atatillugu tassani sakkortuumik sumiginnagaasimasup, nukappiaqqap meeraq alla
toqqusasseqqasimasaa illersorniarlugu nukappiaqqallu eqqortumik neqeroorfigineqarnissaa qulakkeerniarlugu,
nakkutilliisut pisortaagallartullu isumaat malillugu nukappiaqqap kukkusumik inissinneqarsimasup pisortaagallartoq
nakkutilliisunit kaammattorneqarpoq kommunimut ersarissumik paasisitsissasoq ingerlaannaq
iliuuseqartoqartariaqartoq, taamaaliortoqarnikkummi nukappiaqqap kamamminik aamma sakkortuunik
nalaassimasaminik suliarinninnissaminut ikiorneqarsinnaalissammat.
Pissaanermik atuinermut tunngatillugu nakkutilliisut naliliipput paaqqinnittarfik piaartumik kommunimut
qinnuteqassasoq, pissaanermik atuinermut malittarisassanik ilinniartitsinissaq pillugu ikiuissasoq, taamaasillutik
ilisimalissavaat pissaanermik atuineq suunersoq aamma suunnginnersoq. Tamanna ulluinnarni suliarisartakkanut
tunngatillugu ingammik naleqquttuuvoq, soorlu kigutigissarnermi, atisalersornermi il.il. meeraq pinaasertillugu.
Nalilerneqarporli pisoq sulisunit eqqartuiffigineqartuaannarnerat pitsaasuusoq, taamaasilluni pisoq tamanut
ilinniutaasinnaammat.
Paaqqinnittarfik nakuusernerup aamma pinerliinerup qanoq ililluni pinaveersaartinneqarnissaanut
iluaqutaasinnaasunik malittarisassanik arlalinnik qularnaarisinnaavoq. Paaqqinnittarfik nittartakkami uupi.gl-mi
“Ilisimasanik katersivik” toorlugu isumassarsiorsinnaavoq. Malittarisassanik taakkuninnga suliaqarnermi
pissaanermik atuinernut, nakuusernernut aamma pinerliinernut atatillugu maannamiit paaqqinnittarfik
annertunerusumik suliniutinik ersarissunik takutitsissaaq.
Pissutsit malitseqartariallit
Paaqqinnittarfik perorsaanikkut anguniagaqarfiunerusumik suliniuteqarnissaminik pisariaqartitsivoq, ingammik meeqqat sakkortuumik sumiginnagaasut eqqarsartaatsimikkut peqqissuunissaannik sulisut qitiutitsinissaat qularnaarniarlugu
Meeraq taanna meeqqamik allamik toqqusassiisimasoq kommunimit allamut naleqqunnerusumut nuutsinneqarnissaa paaqqinnittarfiup anguniagaqarfiusumik sulissutigissavaa.
Paaqqinnittarfik pissaanermik atuinermut malittarisassanik ilinniartitsinissamik pilersitsissaaq
Paaqqinnittarfik pissaanermik atuinermik, nakuusernermik aamma pinerliinermik pinaveersaartitsinissamut pisariaqartinneqartunik malittarisassanik qulakkeerinnissaaq
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
19
Sammisaq: Aaqqissuussaaneq aamma aqunneqarneq
Sammisami qulaajarneqassaaq ulloq unnuarlu paaqqinnittarfik piukkunnaatilinnik aqutsisoqarnersoq aamma ulluinnarni ingerlatsineq isumannaatsumik
isumagineqarnersoq
Paaqqinnittarfiup aqunneqarneranut
atatillugu aqutsisut naapertuuttumik
piginnaasaqarpat?
Pisortaagallartoq illoqarfiup ornittagaataani ukiuni 40-ni sulisimavoq, taakkunannga ukiuni 35-ni pisortaasimalluni,
taamaammat meeqqanik inuusuttunillu sullissinermi aamma pisortatut annertuumik misilittagaqarpoq.
Paaqqinnittarfimmi aallarteqqaarami pisortap tulliatut aallartippoq, naallu pisortaq ilaatigut ajornartorsiutaagaluartoq
misigisimavoq pitsaasumik kinguneqarluartumillu suleqatigiissimallutik. Pisortaq atorfimminiit soraartinneqarmat
pisortanngorallarpoq, sulilu pisortaagallarluni. Pisortatut atorfimmut qinnuteqarpoq, kisianni inaarutaasumik
nalunaarfigineqartinnagu marlussuit qulaajarneqarnissaat amigaataavoq.
Pisortaagallartunngormalli pisortap tulleqarsimanngilaq aamma sulisunik allanik aqutsinermik piginnaasaqartunik
sulisoqanngilaq, taamaammallu isumasiorsinnaasaminik amigaateqarpoq, allaffissornikkullu sulianut aamma
perorsaanikkut najoqqutassiornissamut ikiorneqarnissaq pisariaqartillugu.
Ulloq unnuarlu paaqqinnittarfik
pisortaqatigiinnut aamma sulisunut suliatigut
avataaniit oqilisaassisumik imaluunniit allatut
iliorluni ilisimasanik eqqartueqatigiinnermik
atuisarpa?
Pisortaq oqilisaaffigineqarluni oqaloqatigineqarneq ajorpoq. Ajornartorsiuteqaraangami imaluunniit
unamminartuuteqaraangami nammineq aaqqiivigisinnaanngisaminik, illoqarfimmi isumaginnittoqarfimmi pisortaq
attavigisarpaa. Aammattaaq iluaqutigilluakkaminik Qaasuitsup Kommuniani isumaginninnermut pisortamiit
annertuumik ilitsersorneqartarlunilu tapersersorneqartarsimavoq, kisianni kommunip avinneqarneranut atatillugu
attavigineqarsinnaajunnaarsimavoq. Ulluinnarni pisortamut attaveqarsinnaaneq maqaasivaa.
Aallarteqqaarnermi pisortaagallartoq akulikitsunik aggersarneqartarpoq, aamma unnuakkut. Apuukkaangalli
meeqqat eqqisseqqissimasarput. Taamaattumik pisortaagallartup annertuumik sulisut kaammattortarsimavai
akisussaaffimmik tiguseqqullugit, tamatuminngalu tapersersortarlugit. Suliartoqquneqaratarsinnaasumut
piareersimasuusarpoq, kisianni qaqutigut aggersarneqartarpoq, aamma unnuakkuunngitsoq
Novembarimi oqilisaassilluni oqaloqatiginnittussamik Nuummiit tikittoqarpoq, taanna sulisunik tamanik
oqaloqatiginnippoq.
Isumaginninnermut,Ilaqutariinnermut Naligiissitaanermut Inatsisinillu atuutsitsinermut Naalakkersuisoqarfik
Departementet for Sociale Anliggender, Familie, Ligestilling og Justitsvæsen
Inaarutaasumik nakkutilliinermut nalunaarusiaq
20
Qaammatit pingasukkaarlugit avataaniit oqilisaassilluni oqaloqatiginnittussamik aggertoqartassasoq
pilersaarutigivaa. Aamma aalajangersimasumik taartaasartunut.
Nakkutilliinermik ingerlatsivik paaqqinnittarfimmut siunnersuuteqarpoq oqilisaassilluni oqaloqatiginnittussaq
pisariaqartinneqaraangat, oqarasuaat imaluunniit Skype aamma atorneqarsinnaasut.
Pisortaagallartup qaammat ataaseq allortarlugu, sulisut atugarissaarnermut tunngasunik oqaloqatigisarpai.
Paaqqinnittarfimmi sulisoqarniarnikkut
nikerarneq suliffeqarfinnut
sanilliuffigisinnaasanut naleqqiullugu
qaffasippa imaluunniit appasippa?
Paaqqinnittarfiup aallartinneqarneranut atatillugu perorsaasut danskit 8 atorfinitsinneqarput. Taakkuli oqaatsinik
ajornartorsiuteqarneq pissutigalugu sukkasuumik taamaatipput, aamma taamanikkut pisortaasumik
suleqateqarniarnikkut ajornartorsiuteqarneq pissutigalugu.
Taamanili taarseraanneq annertusimanngilaq.
Takkutinngitsoortarnerit imaluunniit napparsimasarnernik amerlavallaartunik ajornartorsiuteqartoqanngilaq.
Nakkutilliisut naliliinerat
Nakkutilliisut naliliipput pisortaagallartoq paaqqinnittarfiup pisortaatut suliassaminik assut pimoorussisoq. Sulisut
atugarissaarnissaat aamma ineriartornissaat qularnaarniarlugu, suliniutinik pitsaasunik amerlasuunik
aallartitsisoqarsimavoq. Aqutsisunilli ikiorsiisinnaasunik aamma siunersiueqatigiinnissinnaasunik amigaateqarpoq,
aamma tamatuma aaqqiivigineqarnissaanut kommunimit ikiorneqartariaqarpoq. Aammattaaq pisortaagallartup
ingerlaavartumik oqilisaassiffigineqarluni oqaloqatiginninnissamut periarfissaqartinneqarnissaa pingaaruteqarpoq.
Nakkutilliisut naliliipput immini pitsaasuusoq pisortaagallartoq nutaanik minnerunngitsumillu patajaatsunik
sulisoqalersimasoq.
Pissutsit malitseqartariallit Paaqqinnittarfiup aqutsisoqarnera pisortap tullianik annertusineqartariaqarpoq, aamma allaffissornermik suliaqarneq patajaallisarneqartariaqarpoq
Pisortaagallartoq aqutsinikkut siunersiueqatigiinnissamik aamma oqilisaassiffigineqarluni oqaloqatiginninnissamik neqeroorfigineqassaaq
Eqikkaaneq